Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32014R0148

Regolament ta’ Implimentazzjoni tal-Kummissjoni (UE) Nru 148/2014 tas- 17 ta’ Frar 2014 li jemenda r-Regolament (KE) Nru 1249/2008 fir-rigward tal-kategoriji u l-klassijiet biex jiġu rreġistrati l-prezzijiet tas-suq fis-settur taċ-ċanga u fir-rigward il-prezz tas-suq għall-karkassi tal-majjal

OJ L 46, 18.2.2014, p. 1–2 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 10/07/2018; Impliċitament imħassar minn 32017R1182

ELI: http://data.europa.eu/eli/reg_impl/2014/148/oj

Date of document:
17/02/2014
Date of effect:
19/02/2014; Dħul fis-seħħ Data tal-pubblikazzjoni +1 Ara Art. 2
Date of end of validity:
10/07/2018; Impliċitament imħassar minn 32017R1182
Author:
Il-Kummissjoni Ewropea
Form:
Regolament implimentattiv
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32008R1249 Sostituzzjoni artikolu 14.1 19/02/2014
Modifies 32008R1249 Sostituzzjoni artikolu 25 .2 19/02/2014
Modified by:
Relation Act Comment Subdivision concerned From To
Implicitly repealed by 32017R1182 11/07/2018
Instruments cited:
Link

18.2.2014   

MT

Il-Ġurnal Uffiċjali tal-Unjoni Ewropea

L 46/1

REGOLAMENT TA’ IMPLIMENTAZZJONI TAL-KUMMISSJONI (UE) Nru 148/2014

tas-17 ta’ Frar 2014

li jemenda r-Regolament (KE) Nru 1249/2008 fir-rigward tal-kategoriji u l-klassijiet biex jiġu rreġistrati l-prezzijiet tas-suq fis-settur taċ-ċanga u fir-rigward il-prezz tas-suq għall-karkassi tal-majjal

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b’mod partikolari l-ewwel paragrafu tal-Artikolu 20(s) tiegħu,

Billi:

(1)

Ir-Regolament tal-Kummissjoni (KE) Nru 1249/2008 (2) jistabbilixxi regoli dettaljati għall-implimentazzjoni ta’ skali tal-Unjoni għall-klassifikazzjoni tal-karkassi taċ-ċanga, tal-majjal, u tal-laħam tan-nagħaġ u għar-rappurtar tal-prezzijiet tagħhom, kif previst fil-punt (m) tal-Artikolu 43 tar-Regolament (KE) Nru 1234/2007 (3). Ir-Regolament (KE) Nru 1234/2007 tħassar u nbidel bir-Regolament (UE) Nru 1308/2013 b’effett mill-1 ta’ Jannar 2014.

(2)

Skont il-punt A(II) tal-Anness IV tar-Regolament (UE) Nru 1308/2013, il-Kategoriji A, C u E tal-iskala tal-Unjoni għall-klassifikazzjoni tal-karkassi ta’ annimali bovini jkopru rispettivament karkassi ta’ annimali rġiel kkastrati, ta’ annimali rġiel mhux ikkastrati u ta’ annimali nisa li għandhom minn 12-il xahar sa inqas minn 24 xahar. Barra minn hekk, ir-Regolament (UE) Nru 1308/2013 żied Kategorija Z ġdida għal dik il-klassifikazzjoni li tkopri karkassi ta’ annimali li għandhom minn 8 xhur sa inqas minn 12-il xahar. Fid-dawl ta’ dan, hemm bżonn li jiġu adattati l-kategoriji u l-klassijiet fir-rigward ta’ b’liema prezzijiet tas-suq nazzjonali u tal-Unjoni fis-settur taċ-ċanga għandhom jiġu rreġistrati skont ir-Regolament (KE) Nru 1249/2008.

(3)

Rigward l-iskala tal-Unjoni għall-klassifikazzjoni tal-karkassi tal-majjali, ir-Regolament (UE) Nru 1308/2013 daħħal Klassi S obbligatorja għal kontenut ta’ dgħif tal-laħam b’60 % piż tal-karkassa jew aktar, u Klassi E riservata għal kontenut ta’ laħam dgħif b’aktar minn 55 % u anqas minn 60 % piż tal-karkassa. Għalhekk, hemm bżonn li tiġi adattata d-dispożizzjoni fir-Regolament (KE) Nru 1249/2008 dwar il-bażi li skontha għandhom jiġu stabbiliti l-prezzijiet tas-suq għal karkassi tal-majjal fl-Istati Membri.

(4)

Ir-Regolament (KE) Nru 1249/2008 għandu jiġi emendat skont dan.

(5)

Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Ir-Regolament (KE) Nru 1249/2008 huwa emendat kif ġej:

(1)

L-Artikolu 14(1) jinbidel b’dan li ġej:

“1.   Ir-reġistrazzjoni nazzjonali u tal-Unjoni tal-prezzijiet tas-suq skont l-iskala għall-klassifikazzjoni tal-Unjoni msemmija fl-Artikolu 10 tar-Regolament (UE) Nru 1308/2013 tal-Parlament Ewropew u tal-Kunsill (*) għandha ssir kull ġimgħa u għandha tirrelata ma’ dawn il-klassijiet ta’ konformazzjoni u ta’ kisja tax-xaħam għall-kategoriji speċifikati fil-punt A(II) tal-Anness V ta’ dak ir-Regolament:

(a)

karkassi ta’ annimali li għandhom minn 8 xhur sa inqas minn 12-il xahar: U2, U3, R2, R3, O2, O3;

(b)

karkassi ta’ annimali rġiel mhux ikkastrati li għandhom minn 12-il xahar sa inqas minn 24 xahar: U2, U3, R2, R3, O2, O3;

(c)

karkassi ta’ annimali rġiel mhux ikkastrati li għandhom 24 xahar jew aktar: R3;

(d)

karkassi ta’ annimali rġiel kkastrati li għandhom 12-il xahar jew aktar: U2, U3, U4, R3, R4, O3, O4;

(e)

karkassi ta’ annimali nisa li welldu: R3, R4, O2, O3, O4, P2, P3;

(f)

karkassi ta’ annimali nisa oħra li għandhom 12-il xahar jew aktar: U2, U3, R2, R3, R4, O2, O3, O4.

(*)  ĠU L 347, 20.12.2013, p. 671.”"

(2)

L-Artikolu 25(2) jinbidel b’dan li ġej:

“2.   Il-prezz imsemmi fil-paragrafu 1 għandu jiġi stabbilit bil-kwotazzjonijiet ta’ dawn il-kategoriji:

(a)

karkassi minn 60 kg sa inqas minn 120 kg: E, S;

(b)

karkassi minn 120 kg sa inqas minn 180 kg: R.”

Artikolu 2

Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-17 ta’ Frar 2014.

Għall-Kummissjoni

Il-President

José Manuel BARROSO

(1)  ĠU L 347, 20.12.2013, p. 671.

(2)  Ir-Regolament tal-Kummissjoni (KE) Nru 1249/2008 tal-10 ta’ Diċembru 2008 li jistabbilixxi regoli dettaljati dwar l-implimentazzjoni tal-iskali tal-Komunità għall-klassifikazzjoni ta’ karkassi taċ-ċanga, tal-majjal, u tal-laħam tan-nagħaġ u r-rapportar tal-prezzijiet tagħhom (ĠU L 337, 16.12.2008, p. 3).

(3)  Ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (ĠU L 299, 16.11.2007, p. 1).

Top