EUR-Lex Access to European Union law
This document is an excerpt from the EUR-Lex website
Document 32014D0020
2014/20/EU: Council Decision of 23 September 2013 on the signing, on behalf of the Union, and the provisional application of the Cooperation Agreement between the European Union and its Member States, of the one part, and the Swiss Confederation, of the other, on the European Satellite Navigation Programmes
2014/20/UE: Deċiżjoni tal-Kunsill tat- 23 ta’ Settembru 2013 dwar l-iffirmar, f'isem l-Unjoni, u l-applikazzjoni proviżorja tal-Ftehim ta' Kooperazzjoni bejn l-Unjoni Ewropea u l-Istati Membri tagħha, minn naħa, u l-Konfederazzjoni Svizzera, min-naħa l-oħra, dwar il-Programmi Ewropej tan-Navigazzjoni bis-Satellita
2014/20/UE: Deċiżjoni tal-Kunsill tat- 23 ta’ Settembru 2013 dwar l-iffirmar, f'isem l-Unjoni, u l-applikazzjoni proviżorja tal-Ftehim ta' Kooperazzjoni bejn l-Unjoni Ewropea u l-Istati Membri tagħha, minn naħa, u l-Konfederazzjoni Svizzera, min-naħa l-oħra, dwar il-Programmi Ewropej tan-Navigazzjoni bis-Satellita
OJ L 15, 20.1.2014, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2014/20(1)/oj
20.1.2014 |
MT |
Il-Ġurnal Uffiċjali tal-Unjoni Ewropea |
L 15/1 |
DEĊIŻJONI TAL-KUNSILL
tat-23 ta’ Settembru 2013
dwar l-iffirmar, f'isem l-Unjoni, u l-applikazzjoni proviżorja tal-Ftehim ta' Kooperazzjoni bejn l-Unjoni Ewropea u l-Istati Membri tagħha, minn naħa, u l-Konfederazzjoni Svizzera, min-naħa l-oħra, dwar il-Programmi Ewropej tan-Navigazzjoni bis-Satellita
(2014/20/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 172, flimkien mal-Artikolu 218(5) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Bid-Deċiżjoni tad-29 ta' Ġunju 2010, il-Kunsill u r-Rappreżentanti tal-Gvernijiet tal-Istati Membri, imlaqqgħin fi ħdan il-Kunsill, awtorizzaw lill-Kummissjoni biex tiftaħ negozjati mal-Isvizzera għall-istabbiliment ta' Ftehim ta' Kooperazzjoni dwar in-Navigazzjoni bis-Satellita ("il-Ftehim"). |
(2) |
Il-Ftehim ġie nnegozjat mill-Kummissjoni f'isem l-Unjoni u l-Istati Membri tagħha. |
(3) |
Il-Ftehim ta' kooperazzjoni jippermetti l-parteċipazzjoni tal-Isvizzera fil-programmi Ewropej tan-navigazzjoni bis-satellita. Min-naħa tagħha, l-Isvizzera ser tikkontribwixxi finanzjarjament ta' dawk il-programmi. |
(4) |
In-negozjati ġew konklużi b'suċċess bl-inizjalar tal-Ftehim fis-6 ta' Marzu 2013 mill-Kummissjoni u fit-12 ta' Marzu 2013 mill-Konfederazzjoni Svizzera. |
(5) |
Il-Ftehim għandu jiġi ffirmat f'isem l-Unjoni, soġġett għall-konklużjoni tiegħu f'data aktar tard. |
(6) |
Bil-ħsieb li tiġi żgurata l-implimentazzjoni immedjata u l-parteċipazzjoni xierqa tal-Isvizzera fil-programmi Ewropej tan-navigazzjoni bis-satellita, l-elementi li jaqgħu taħt il-kompetenza tal-Unjoni għandhom jiġu applikati b'mod proviżorju skont l-Artikolu 27(2) tal-Ftehim. |
(7) |
Skont l-Artikolu 27(1), il-Ftehim għandu jiġi approvat mill-Unjoni u l-Istati Membri tagħha skont il-proċeduri interni tagħhom. |
(8) |
Il-pożizzjoni tal-Unjoni fi ħdan il-Kumitat Konġunt għandha tiġi adottata mill-Kunsill, fuq proposta mill-Kummissjoni, sa fejn il-Kumitat ikun imsejjaħ jadotta atti li għandhom effetti legali jew deċiżjonijiet li jissospendu l-applikazzjoni tal-Ftehim. |
(9) |
Barra minn hekk, għal kwistjonijiet li għandhom jiġu ttrattati mill-Kumitat Konġunt li m'għandhomx effetti legali, il-Kummissjoni għandha tikkoordina l-pożizzjoni tal-Unjoni mal-Istati Membri. |
ADOTTA DIN ID-DEĊIŻJONI:
Artikolu 1
L-iffirmar f'isem l-Unjoni tal-Ftehim ta' Kooperazzjoni bejn l-Unjoni Ewropea u l-Istati Membri tagħha, minn naħa, u l-Konfederazzjoni Svizzera, min-naħa l-oħra, dwar il-Programmi Ewropej tan-Navigazzjoni bis-Satellita hija b'dan awtorizzat, soġġett għall-konklużjoni tal-Ftehim inkwistjoni.
It-test tal-Ftehim jinsab mehmuż ma' din id-Deċiżjoni.
Artikolu 2
Il-President tal-Kunsill huwa b'dan awtorizzat jinnomina l-persuna/i bis-setgħa li jiffirmaw il-Ftehim f'isem l-Unjoni.
Artikolu 3
Il-Ftehim għandu jiġi applikat fuq bażi proviżorja, skont l-Artikolu 27(2) tiegħu, sakemm jiġu kkompletati l-proċeduri għall-konklużjoni tiegħu (1).
Artikolu 4
Il-President tal-Kunsill għandu, f'isem l-Unjoni, jagħti n-notifika prevista fl-Artikolu 27(2) tal-Ftehim.
Artikolu 5
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-23 ta’ Settembru 2013.
Għall-Kunsill
Il-President
V. JUKNA
(1) Id-data minn meta l-Ftehim ser jiġi applikat proviżorjament ser tiġi ppubblikata f'Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.