Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32012R0315

Regolament ta’ Implimentazzjoni tal-Kummissjoni (UE) Nru 315/2012 tat- 12 ta’ April 2012 li jemenda r-Regolament (KE) Nru 606/2009 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 479/2008 fir-rigward tal-kategoriji tal-prodotti tad-dwieli, il-prattiċi enoloġiċi u r-restrizzjonijiet applikabbli

OJ L 103, 13.4.2012, p. 38–41 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 03 Volume 061 P. 163 - 166

Legal status of the document No longer in force, Date of end of validity: 06/12/2019; Impliċitament imħassar minn 32019R0934

ELI: http://data.europa.eu/eli/reg_impl/2012/315/oj

Date of document:
12/04/2012
Date of effect:
16/04/2012; Dħul fis-seħħ Data tal-pubblikazzjoni +3 Ara Art. 2
Date of end of validity:
06/12/2019; Impliċitament imħassar minn 32019R0934
Author:
Il-Kummissjoni Ewropea
Form:
Regolament implimentattiv
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32009R0606 Emenda anness I.A 16/04/2012
Modifies 32009R0606 Emenda anness III 16/04/2012
Modifies 32009R0606 Emenda anness I.B 16/04/2012
Modified by:
Relation Act Comment Subdivision concerned From To
Implicitly repealed by 32019R0934 07/12/2019
Link

13.4.2012   

MT

Il-Ġurnal Uffiċjali tal-Unjoni Ewropea

L 103/38

REGOLAMENT TA’ IMPLIMENTAZZJONI TAL-KUMMISSJONI (UE) Nru 315/2012

tat-12 ta’ April 2012

li jemenda r-Regolament (KE) Nru 606/2009 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 479/2008 fir-rigward tal-kategoriji tal-prodotti tad-dwieli, il-prattiċi enoloġiċi u r-restrizzjonijiet applikabbli

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari t-tielet u r-raba’ subparagrafi tal-Artikolu 121 tiegħu,

Billi:

(1)

Skont l-Artikolu 3 tar-Regolament tal-Kummissjoni (KE) Nru 606/2009 (2) il-prattiki enoloġiċi awtorizzati huma stabbiliti fl-Anness I għal dan ir-Regolament. L-Organizzazzjoni Internazzjonali tad-Dielja u l-Inbid (OIV) emendat il-kundizzjonijiet ta’ użu ta’ ċerta prattiki enoloġiċi li huma diġà awtorizzati fl-Unjoni. Sabiex ikun hemm konformità mal-istandards internazzjonali fis-seħħ f’dan il-qasam, u sabiex il-produtturi tal-Unjoni jingħataw l-istess possibbiltajiet offruti lill-produtturi ta’ pajjiżi terzi, jeħtieġ li dawn il-kundizzjonijiet ta’ użu tal-prattiki enoloġiċi ġodda jkunu emendati fl-Unjoni skont il-kundizzjonijiet ta’ użu stabbiliti mill-OIV.

(2)

Ir-Regolament (KE) Nru 606/2009 jawtorizza l-użu ta’ kopolimeri polyvinylimidazole/polyvinylpyrrolidone (PVI/PVP), biex jitnaqqas il-kontenut ta’ ram, ta’ ħadid u ta’ metalli tqal bil-kundizzjoni li jkunu konformi mal-preskrizzjonijiet tal-Kodiċi Enoloġiku Internazzjonali tal-OIV, partikolarment fejn jidħlu l-limiti massimi tal-kontenut ta’ monomeri. Minħabba li preskrizzjonijiet bħal dawn għadhom ma ġewx adottati mill-OIV, għal raġunijiet ta’ ċarezza ġuridika, jeħtieġ li titneħħa din il-prattika tal-Anness I għar-Regolament (KE) Nru 606/2009.

(3)

Ir-Regolament (KE) Nru 606/2009 jawtorizza l-użu ta’ kitosan u kitinglukan ta’ oriġini fungali. Bħalissa fl-Unjoni dawn il-prodotti qed ikunu magħmula biss mill-faqqiegħ Aspergillus niger. Madankollu, minħabba li dawn il-prodotti huma awtorizzati mill-OIV u li l-Kodiċi Enoloġiku Internazzjonali ppubblikat minnha jispeċifika li l-prodotti ġejjin mill-faqqiegħ Aspergillus niger, dan għandu jkun speċifikat ukoll fir-Regolament (KE) Nru 606/2009.

(4)

L-inbejjed intitolati għad-denominazzjoni protetta tal-oriġini “Douro” u għall-indikazzjoni ġeografika protetta “Duriense” segwita mill-kliem “colheita tardia” jidderogaw mil-limitu massimu ta’ kontenut ta’ diossidu tal-kubrit. Il-Portugall talab li kwalunkwe nbid Portuġiż li jkollu l-istess karatteristiċi bħal dawn l-inbejjed u li għandu dritt għad-denominazzjoni protetta tal-oriġini jew indikazzjoni ġeografika protetta segwita mill-kliem “colheita tardia”, jibbenifika minn din id-deroga. Jeħtieġ li, fil-każ ta’ dawn l-inbejjed, ikun awtorizzat limitu massimu ta’ kontenut ta’ diossidu tal-kubrit ta’ 400 milligramma għal kull litru.

(5)

Minħabba li l-indikazzjoni speċifika tradizzjonali “vino generoso” m’għadhiex tapplika biss għall-inbejjed likur, jeħtieġ li d-dispożizzjoni dwar l-użu tal-indikazzjoni msemmija, elenkata fil-punt 8, il-parti B, tal-Anness III għar-Regolament (KE) Nru 606/2009, tiġi adattata.

(6)

Għaldaqstant huwa meħtieġ li jiġi emendat ir-Regolament (KE) Nru 606/2009.

(7)

Il-miżuri pprovduti f’dan ir-Regolament huma skont l-opinjoni tal-Kumitat ta’ Regolamentazzjoni stabbilit bl-Artikolu 195(3) tar-Regolament (KE) Nru 1234/2007,

ADOTTAT DAN IR-REGOLAMENT:

Artikolu 1

Ir-Regolament (KE) Nru 606/2009 huwa emendat kif ġej:

(a)

L-Anness I A huwa emendat skont l-Anness I għal dan ir-Regolament.

(b)

L-Anness I B huwa emendat skont l-Anness II għal dan ir-Regolament.

(c)

L-Anness III huwa emendat kif stabbilit fl-Anness III għal dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, it-12 ta’ April 2012.

Għall-Kummissjoni

Il-President

José Manuel BARROSO

(1)  ĠU L 299, 16.11.2007, p. 1.

(2)  ĠU L 193, 24.7.2009, p. 1.

ANNESS I

L-Anness I A għar-Regolament (KE) Nru 606/2009 huwa emendat kif ġej:

1.

It-tabella hija emendata kif ġej:

(a)

ir-ringiela 10, l-ewwel kolonna, l-għaxar u l-ħdax–il inċiż huma sostitwiti b’dan li ġej:

“—

kitosan derivat mill-Aspergillus niger,

—

kitinglukan derivat mill-Aspergillus niger.”

(b)

ir-ringiela 31, it-tielet kolonna, hija sostitwita b’dan li ġej:

“Fil-limitu ta’ użu ta’ 1 g/hl u sakemm il-prodott trattat ma jkollux kontenut ta’ ram ta’ aktar minn 1 mg/l, bl-eċċezzjoni ta’ nbejjed likuri prodotti minn most tal-għeneb mhux iffermentat jew ftit iffermentat, li għalihom il-kontenut ta’ ram ma jistax ikun aktar minn 2 mg/l.”

(c)

Ir-ringiela Nru 41 hija mħassra.

(d)

ir-ringiela 44, l-ewwel kolonna, hija sostitwita b’dan li ġej:

“Trattament bl-għajnuna tal-kitosan derivat mill-Aspergillus niger”

(e)

ir-ringiela 45, l-ewwel kolonna, hija sostitwita b’dan li ġej:

“Trattament bl-għajnuna tal-“kitinglukan derivat mill-Aspergillus niger”

2.

L-Appendiċi 6 huwa sostitwit b’dan li ġej:

“Appendiċi 6

Rekwiżiti għad-dimetildikarbonat

QASAM TAL-APPLIKAZZJONI

Id-dimetildikarbonat jista’ jiżdied mal-inbid minħabba għan wieħed jew aktar minn dawn li ġejjin

(a)

li tkun żgurata l-istabbilizzazzjoni mikrobijoloġika tal-inbid fil-flixkun li fih zokkor fermentabbli,

(b)

il-prevenzjoni tal-iżvilupp tal-ħmejjer mhux mixtieqa u tal-batterji tal-ħalib,

(c)

l-imblukkar tal-fermentazzjoni tal-inbejjed ħelwin, “moelleux” (mezzan) u “demi-sec” (semi-dry).

REKWIŻITI

—

Għall-għan (a), iż-żieda għandha ssir ftit biss qabel l-ibbottiljar,

—

il-prodott użat għandu jirrispetta l-kriterji ta’ purità stabbiliti bid-Direttiva 2008/84/KE,

—

it-trattament għandu jiġi rrekordjat fir-reġistru msemmi fl-Artikolu 185c(2) tar-Regolament (KE) Nru 1234/2007.”

3.

L-Appendiċi 11 għandu jitħassar.

4.

Fl-Appendiċi 12, l-ewwel inċiż tal-punt 1 fil-parti “Rekwiżiti” huwa sostitwit b’dan li ġej:

“—

L-inbid jista’ jkun imkessaħ minn qabel.”

5.

Fl-Appendiċi 13 it-titlu huwa sostitwit b’dan li ġej:

“Rekwiżiti għall-ipproċessar tal-inbejjed permezz ta’ kitosan derivat mill-Aspergillus niger u għall-ipproċessar tal-inbejjed permezz ta’ kitinglukan derivat mill-Aspergillus niger ”.

ANNESS II

Fl-Anness I B għar-Regolament (KE) Nru 606/2009, il-punt 2(e), id-disa’ inċiż, tal-parti A huwa sostitwit b’dan li ġej:

“—

l-inbejjed li ġejjin mill-Portugall li għandhom dritt għal denominazzjoni protetta tal-oriġini u għal indikazzjoni ġeografika protetta, kif ukoll għall-kliem “colheita tardia” ”.

ANNESS III

Is-sentenza introduttorja tal-ewwel subparagrafu tal-punt 8 tal-parti B fl-Anness III, hija sostitwita b’dan li ġej:

“L-indikazzjoni speċifika tradizzjonali “vino generoso”, fil-każ tal-inbejjed likuri hija riżervata għall-inbejjed likuri xotti b’denominazzjoni protetta tal-oriġini, prodotti totalment jew parzjalment taħt flor, kif ukoll:”.

Top