EUR-Lex Access to European Union law
This document is an excerpt from the EUR-Lex website
Document 32012D0419
2012/419/EU: European Council Decision of 11 July 2012 amending the status of Mayotte with regard to the European Union
2012/419/UE: Deċiżjoni tal-Kunsill Ewropew tal- 11 ta’ Lulju 2012 li temenda l-istatus tal-Majott fir-rigward tal-Unjoni Ewropea
2012/419/UE: Deċiżjoni tal-Kunsill Ewropew tal- 11 ta’ Lulju 2012 li temenda l-istatus tal-Majott fir-rigward tal-Unjoni Ewropea
OJ L 204, 31.7.2012, p. 131–131
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
OJ L 204, 31.7.2012, p. 18–18
(GA)
Special edition in Croatian: Chapter 19 Volume 012 P. 203 - 203
In force
- Date of document:
- 11/07/2012
- Date of effect:
- 11/07/2012; Dħul fis-seħħ Data tad-dokument Ara Art. 3
- Date of effect:
- 01/01/2014; Applikazzjoni Ara Art. 3
- Date of end of validity:
- No end date
- Author:
- Il-Kunsill Ewropew
- Form:
- Deċiżjoni
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 12010E355 - P6
- Link
- Select all documents based on this document
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 12010E349 Emenda L 1 01/01/2014 Modifies 12010E355 Emenda -P1 01/01/2014 Modifies 12010EN02 abolizzjoni inċiż 6 01/01/2014
No data available in the table
- Modified by:
-
Relation Act Comment Subdivision concerned From To Corrected by 32012D0419R(01) (SL) - Link
- EUROVOC descriptor:
- Subject matter:
- Directory code:
-
- 19.01.00.00 Qasam tal-ħelsien, is-sigurtà u l-ġustizzja / Ġenerali
|
31.7.2012 |
MT |
Il-Ġurnal Uffiċjali tal-Unjoni Ewropea |
L 204/131 |
DEĊIŻJONI TAL-KUNSILL EWROPEW
tal-11 ta’ Lulju 2012
li temenda l-istatus tal-Majott fir-rigward tal-Unjoni Ewropea
(2012/419/UE)
IL-KUNSILL EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikulari l-Artikolu 355(6) tiegħu,
Wara li kkunsidra l-inizjattiva tar-Repubblika Franċiża,
Wara li kkunsidra l-opinjoni tal-Kummissjoni Ewropea,
Billi:
|
(1) |
L-Artikolu 355(6) tat-Trattat dwar il-Funzjonament tal-Unjoni Ewropea (TFUE) jippermetti lill-Kunsill Ewropew, fuq l-inizjattiva tal-Istat Membru kkonċernat, li jadotta, b’unanimità u wara li jikkonsulta mal-Kummissjoni, deċiżjoni li temenda l-istatus fir-rigward tal-Unjoni ta’ pajjiż jew territorju Daniż, Franċiż jew Olandiż imsemmi fil-paragrafi 1 u 2 tal-Artikolu msemmi. |
|
(2) |
Permezz ta’ ittra tal-President tagħha bid-data tas-26 ta’ Ottubru 2011, ir-Repubblika Franċiża (minn hawn ’il quddiem imsejħa “Franza”) talbet lill-Kunsill Ewropew biex jieħu deċiżjoni bħal din sabiex il-Majott, li attwalment għandha l-istatus ta’ pajjiż u territorju extra-Ewropew skont l-Artikolu 355(2) TFUE u li tidher hekk fl-Anness II tat-trattat imsemmi, ikollha l-istatus ta’ reġjun ultraperifiku, skont l-Artikolu 349 TFUE. |
|
(3) |
It-talba ta’ Franza ssegwi l-għażla tal-abitanti tal-Majott biex jersqu b’mod progressiv lejn il-metropoli, ikkonfermata permezz tar-referendum tad-29 ta’ Marzu 2009 li approva b’maġġoranza ta’ 95,2 % tal-voti l-proposta tat-trasformazzjoni tal-Majott f’dipartiment. Mill-31 ta’ Marzu 2011, il-Majott tikkostitwixxi għalhekk il-mitt dipartiment Franċiż u wieħed u l-ħames dipartiment Franċiż extra-Ewropew. |
|
(4) |
Is-sitwazzjoni ekonomika u soċjali strutturali u s-sitwazzjoni ġeografika tal-Majott għandhom il-karatteristiċi kollha, imsemmija fl-Artikolu 349 TFUE, ta’ reġjun ultraperifiku skont din id-dispożizzjoni. Għaldaqstant, għandha tiddaħħal referenza għall-Majott fl-Artikolu msemmi sabiex huwa jsir applikabbli globalment, kif ukoll fl-Artikolu 355(1) TFUE. |
|
(5) |
Il-bidla fl-istatus tal-Unjoni fir-rigward tal-Majott, li twieġeb għat-talba espressa demokratikament, għandha tikkostitwixxi pass koerenti lejn l-aċċess tal-Majott għal status qrib dak tal-metropoli, |
ADDOTTA DIN ID-DEĊIŻJONI:
Artikolu 1
Mill-1 ta’ Jannar 2014, il-Majott ma tibqax pajjiż u territorju extra-Ewropew, li japplikaw għalih id-dispożizzjonijiet tar-raba’ parti tat-Trattat dwar il-Funzjonament tal-Unjoni Ewropew (TFUE) u ssir reġjun ultraperiferiku skont l-Artikolu 349 TFUE.
Artikolu 2
It-TFUE huwa emendat kif ġej:
|
1. |
Fl-Artikolu 349, l-ewwel subparagrafu, it-terminu “tal-Majott” għandu jiddaħħal wara t-terminu “tal-Martinique”. |
|
2. |
Fl-Artikolu 355(1), it-terminu “għall-Majott” għandu jiddaħħal wara t-terminu “għall-Martinique”. |
|
3. |
Fl-Anness II, għandu jitħassar is-sitt punt. |
Artikolu 3
Din id-Deċiżjoni tidħol fis-seħħ fid-data tal-adozzjoni tagħha.
Hija applikabbli mill-1 ta’ Jannar 2014.
Magħmul fi Brussell, il-11 ta’ Lulju 2012.
Għall-Kunsill Ewropew
Il-President
H. VAN ROMPUY
