Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32011R1276

Regolament tal-Kummissjoni (UE) Nru 1276/2011 tat- 8 ta’ Diċembru 2011 li jemenda l-Anness III tar-Regolament (KE) Nru 853/2004 tal-Parlament Ewropew u tal-Kunsill fir-rigward tat-trattament biex jinqatlu parassiti vijabbli fil-prodotti tas-sajd għall-konsum mill-bniedem Test b’relevanza għaż-ŻEE

OJ L 327, 9.12.2011, p. 39–41 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 03 Volume 060 P. 289 - 291

Legal status of the document In force

ELI: http://data.europa.eu/eli/reg/2011/1276/oj

Date of document:
08/12/2011
Date of effect:
12/12/2011; Dħul fis-seħħ Data tal-pubblikazzjoni + 3 Ara Art. 2
Date of end of validity:
No end date
Author:
Il-Kummissjoni Ewropea
Form:
Regolament
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32004R0853 Sostituzzjoni anness 3 Test 12/12/2011
Modified by:
Relation Act Comment Subdivision concerned From To
Corrected by 32011R1276R(01) (PL)
Link

9.12.2011   

MT

Il-Ġurnal Uffiċjali tal-Unjoni Ewropea

L 327/39

REGOLAMENT TAL-KUMMISSJONI (UE) Nru 1276/2011

tat-8 ta’ Diċembru 2011

li jemenda l-Anness III tar-Regolament (KE) Nru 853/2004 tal-Parlament Ewropew u tal-Kunsill fir-rigward tat-trattament biex jinqatlu parassiti vijabbli fil-prodotti tas-sajd għall-konsum mill-bniedem

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistipula regoli speċifiċi ta’ iġjene għall-ikel li joriġina mill-annimali (1), u b’mod partikolari l-Artikolu 10(1) tiegħu,

Billi:

(1)

Ir-Regolament (KE) Nru 853/2004 jistipula regoli speċifiċi dwar l-iġjene tal-ikel li joriġina mill-annimali għal operaturi tan-negozju tal-ikel. Dan jistipula, inter alia, li l-operaturi fin-negozju tal-ikel jistgħu jqiegħdu prodotti li ġejjin mill-animali fis-suq fl-Unjoni Ewropea biss jekk dawn ikunu tħejjew u ġew immaniġġati esklussivament fi stabbilimenti li jissodisfaw ir-rekwiżiti rilevanti tal-Anness III ta’ dan ir-Regolament.

(2)

Il-Parti D tal-Kapitolu III tat-Taqsima VIII tal-Anness III tar-Regolament (KE) Nru 853/2004 tistipula li l-operaturi fin-negozju tal-ikel għandhom jiżguraw li ċerti prodotti tas-sajd, inklużi dawk li se jiġu kkunsmati nejjin jew kważi nejjin, jgħaddu minn trattament ta’ ffriżar biex joqtlu parassiti vijabbli li jistgħu jirrappreżentaw riskju għas-saħħa tal-konsumatur.

(3)

F’April 2010, l-Awtorità Ewropea dwar is-Sigurtà fl-Ikel adottat opinjoni xjentifika dwar il-valutazzjoni tar-riskju tal-parassiti fil-prodotti tas-sajd (2) (l-Opinjoni tal-EFSA). Dik l-Opinjoni tinkludi tagħrif rigward il-każijiet meta prodotti tas-sajd jistgħu jippreżentaw periklu għas-saħħa fir-rigward tal-preżenza ta’ parassiti vijabbli. L-Opinjoni tal-EFSA tanalizza wkoll l-effetti ta’ bosta trattamenti biex jinqatlu tali parassiti fil-prodotti tas-sajd.

(4)

Minkejja li l-Opinjoni tal-EFSA tindika li l-ħut selvaġġ kollu maqbud mill-ilma baħar u mill-ilma ħelu għandu jiġi kkunsidrat li hu f’riskju li għandu parassiti vijabbli ta’ periklu għas-saħħa tal-bniedem jekk dawn il-prodotti jittieklu nejjin jew kważi nejjin, f’dak il-każ dik id-dejta epidemjoloġika turi li ż-żoni tas-sajd ma jirrappreżentawx periklu għas-saħħa fir-rigward tal-preżenza tal-parassiti, l-awtorità kompetenti tista’ tadotta miżuri nazzjonali li jawtorizzaw eżenzjoni mit-trattament meħtieġ ta’ ffriżar fuq prodotti tas-sajd li ġejjin minn qabdiet bla kontroll. Il-Kummissjoni għandha tiġi notifikata b’dawn il-miżuri nazzjonali.

(5)

L-Opinjoni tal-EFSA kkonkludiet li meta s-salamun tat-trobbija tal-Atlantiku jitkabbar f’gaġeġ li jibqgħu f’wiċċ l-ilma jew tankijiet fuq l-art, u jiġu mitmugħa prodotti tal-għalf komposti, li mhumiex mistennija li jkollhom parassiti, ir-riskju ta’ infezzjoni b’larval anisakids huwa negliġibbli sakemm ma jkunx hemm bidliet fil-prattika tat-trobbija. Minkejja li l-Opinjoni tikkonkludi li m’hemmx disponibbli biżżejjed dejta ta’ monitoraġġ għal kwalunkwe ħut ieħor tat-trobbija, l-EFSA ħejjiet kriterji għall-kunsiderazzjoni meta prodotti tas-sajd mill-akwakultura ma jippreżentawx periklu għas-saħħa fir-rigward tal-preżenza ta’ parassiti.

(6)

Għaldaqstant, jekk l-istess proċeduri ta’ tkabbir ibbażati fuq dawn il-kriterji huma segwiti, prodotti tal-ħut imrobbijin ħlief is-salamun tal-Atlantiku jistgħu jiġu kkunsidrati li jippreżentaw riskju neġliġibbli għall-parassiti li jistgħu jkunu ta’ riskju għas-saħħa tal-konsumatur. Konsegwentement, tali prodotti tas-sajd imrobbijin jistgħu wkoll jiġu eżentati mir-rekwiżiti tal-iffriżar filwaqt li jibqa’ żgurat il-livell għoli ta’ protezzjoni tas-saħħa.

(7)

Għaldaqstant huwa xieraq li jiġu emendati r-rekwiżiti stipulati fil-Parti D tal-Kapitolu III tat-Taqsima VIII tal-Anness III tar-Regolament (KE) Nru 853/2004 sabiex jiġu kkunsidrati ċerti punti tal-parir xjentifiku l-ġdid inkluż fl-Opinjoni tal-EFSA u l-esperjenza prattika miksuba.

(8)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

L-Anness III tar-Regolament (KE) Nru 853/2004 huwa emendat skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-8 ta’ Diċembru 2011.

Għall-Kummissjoni

Il-President

José Manuel BARROSO

(1)  ĠU L 139, 30.4.2004, p. 55.

(2)  EFSA Journal 2010;8(4):1543.

ANNESS

Fl-Anness III, Taqsima VIII, Kapitolu III tar-Regolament (KE) Nru 853/2004, il-Parti D hija sostitwita b’dan li ġej:

“D.   ĦTIĠIJIET DWAR IL-PARASSITI

1.

Operaturi fin-negozju tal-ikel li jqiegħdu fis-suq il-prodotti tas-sajd li ġejjin li jiġu minn ħut tal-ġewnaħ jew molluski ċefalopodi:

(a)

prodotti tal-ħut maħsuba biex jiġu kkunsmati nejjin, jew

(b)

marinati, melħin jew kwalunkwe prodott ieħor tas-sajd li hu ttrattat, jekk it-trattament mhux biżżejjed biex joqtol parassiti vijabbli,

għandhom jiżguraw li l-materja prima jew il-prodott finali jgħaddu minn trattament ta’ ffriżar sabiex joqtlu parassiti vijabbli li jistgħu jkunu ta’ riskju għas-saħħa tal-konsumatur.

2.

Għal parassiti ħlief trematodes it-trattament ta’ ffriżar għandu jikkonsisti f’temperatura li titbaxxa fil-partijiet kollha tal-prodott għal tal-inqas:

(a)

– 20 °C għal mhux inqas minn 24 siegħa, jew

(b)

– 35 °C għal mhux inqas minn 15-il siegħa.

3.

Operaturi tan-negozju tal-ikel ma għandhomx iwettqu t-trattament ta’ ffriżar stabbilit fil-punt 1 għall-prodotti tas-sajd:

(a)

li għaddew, jew għandhom il-ħsieb li jgħaddu minn trattament ta’ tisħin qabel il-konsum, li joqtol il-parassiti vijabbli. Fil-każ tal-parassiti ħlief it-trematodes, il-prodott jissaħħan għal temperatura interna ta’ 60 °C jew aktar għal tal-inqas minuta;

(b)

li ġew ippriżervati bħala prodotti ffriżati tas-sajd għal perjodu twil biżżejjed biex joqtlu parassiti vijabbli;

(c)

minn qabdiet bla kontroll, sakemm:

(i)

ikun hemm dejta epidemjoloġika disponibbli li tindika li ż-żoni tas-sajd tal-oriġini mhijiex ta’ periklu għas-saħħa minħabba fil-preżenza ta’ parassiti, u

(ii)

l-awtorità kompetenti tawtorizza dan;

(d)

li ġejjin minn trobbija tal-ħut, imkabbrin minn embrijuni u ġew mitmuha esklussivament dieta li ma tistax tinkludi parassiti vijabbli li jippreżentaw periklu għas-saħħa, u jikkonformaw ma’ waħda mir-rekwiżiti li ġejjin:

(i)

tkabbru esklussivament f’ambjent li hu ħieles minn parassiti vijabbli, jew

(ii)

l-operatur tan-negozju tal-ikel jivverifika permezz ta’ proċeduri, approvati mill-awtorità kompetenti, li l-prodotti tas-sajd ma jirrappreżentawx periklu għas-saħħa fir-rigward tal-preżenza ta’ parassiti vijabbli.

4.

(a)

Meta jitqiegħdu fis-suq, ħlief meta jiġu fornuti lill-konsumatur finali, il-prodotti tas-sajd imsemmija fil-punt 1 għandhom ikunu akkumpanjati minn dokument maħruġ mill-operatur tan-negozju tal-ikel li jwettaw it-trattament ta’ ffriżar, li jistqarr it-tip ta’ trattament ta’ ffriżae li għaddew minnu l-prodotti.

(b)

Qabel jitqiegħdu fis-suq prodotti tas-sajd imsemmija fil-punti 3(c) u (d) li ma għaddewx minn trattament ta’ ffriżar jew li mhumiex maħsuba li jgħaddu minn trattament li joqtol il-parassiti vijabbli li huwa ta’ periklu għas-saħħa, qabel jiġu kkunsmati, l-operatur tan-negozju tal-ikel għandu jiżgura li l-prodotti tas-sajd li joriġinaw minn żoni tas-sajd jew minn trobbija tal-ħut li tikkonforma mal-kundizzjonijiet speċifiċi msemmija f’waħda minn dawk il-punti. Din id-dispożizzjoni tista’ tiġi sodisfata minn tagħrif fid-dokument kummerċjali jew minn kwalunkwe tagħrif ieħor li jakkumpanja l-prodotti tas-sajd.”
Top