Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32006L0138

Direttiva tal-Kunsill 2006/138/KE tad- 19 ta’ Diċembru 2006 li temenda d-Direttiva 2006/112/KE dwar is-sistema komuni ta’ taxxa fuq il-valur miżjud rigward il-perjodu ta’ applikazzjoni ta’ l-arranġamenti għat-taxxa fuq il-valur miżjud applikabbli għas-servizzi ta’ xandir bir-radju u bit-televiżjoni u għal ċerti servizzi pprovduti elettronikament

OJ L 384, 29.12.2006, p. 92–93 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 200M, 1.8.2007, p. 541–542 (MT)
Special edition in Bulgarian: Chapter 09 Volume 003 P. 134 - 135
Special edition in Romanian: Chapter 09 Volume 003 P. 134 - 135
Special edition in Croatian: Chapter 09 Volume 001 P. 246 - 247

Legal status of the document In force

ELI: http://data.europa.eu/eli/dir/2006/138/oj

Date of document:
19/12/2006
Date of effect:
29/12/2006; Dħul fis-seħħ Data tal-pubblikazzjoni Ara Art. 3
Date of effect:
01/01/2007; Applikazzjoni Ara Art. 3
Date of transposition:
01/01/2007; L-aktar tard Ara Art. 2
Date of end of validity:
No end date
Author:
Il-Kunsill tal-Unjoni Ewropea
Form:
Direttiva
Addressee:
Il-ħamsa u għoxrin Stat Membru: il-Belġju, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, is-Slovenja, is-Slovakkja, il-Finlandja, l-Isvezja, ir-Renju Unit
Additional information:
Id-Direttiva li temenda
Authentic language:
Spanjol, Ċek, Daniż, Ġermaniż, Eston, Grieg, Ingliż, Franċiż, Taljan, Latvjan, Litwan, Ungeriż, Malti, Olandiż, Pollakk, Portugiż, Slovakk, Sloven, Finlandiż, Svediż
Treaty:
Trattat li jistabbilixxi l-Komunità Ewropea
Legal basis:
Proposal:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32006L0112 Sostituzzjoni artikolu 357 01/01/2007
Modifies 32006L0112 Emenda artikolu 57.2 01/01/2007
Modifies 32006L0112 Sostituzzjoni artikolu 59.2 01/01/2007
Modifies 32006L0112 Sostituzzjoni artikolu 56.3 01/01/2007
Modified by:
Relation Act Comment Subdivision concerned From To
Corrected by 32006L0138R(01) (PT)
Instruments cited:
Link
Link

1.8.2007   

MT

Il-Ġurnal Uffiċjali ta’ l-Unjoni Ewropea

541

DIRETTIVA TAL-KUNSILL 2006/138/KE

tad-19 ta’ Diċembru 2006

li temenda d-Direttiva 2006/112/KE dwar is-sistema komuni ta’ taxxa fuq il-valur miżjud rigward il-perjodu ta’ applikazzjoni ta’ l-arranġamenti għat-taxxa fuq il-valur miżjud applikabbli għas-servizzi ta’ xandir bir-radju u bit-televiżjoni u għal ċerti servizzi pprovduti elettronikament

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 93 tiegħu,

Wara li kkunsidra l-proposta tal-Kummissjoni,

Wara li kkunsidra l-opinjoni tal-Parlament Ewropew,

Wara li kkunsidra l-opinjoni tal-Kumitat Ekonomiku u Soċjali Ewropew,

Billi:

(1)

L-arranġamenti temporanji tad-Direttiva 77/388/KEE (1) għat-taxxa fuq il-valur miżjud applikabbli għas-servizzi tax-xandir bir-radju u bit-televiżjoni u għal ċerti servizzi pprovduti b’mezzi elettroniċi ġew estiżi sal-31 ta’ Diċembru 2006 bid-Direttiva 2006/58/KE tas-27 ta’ Ġunju 2006 li temenda d-Direttiva tal-Kunsill 2002/38/KE fir-rigward tal-perjodu ta’ applikazzjoni ta’ l-arranġamenti dwar it-taxxa fuq il-valur miżjud applikabbli għas-servizzi tax-xandir bir-radju u bit-televiżjoni u xi servizzi forniti b’mezzi elettroniċi (2).

(2)

Għadu ma kienx possibbli li jiġu adottati dispożizzjonijiet dwar il-post fir-rigward tal-provvista tas-servizzi u dwar mekkaniżmu elettroniku aktar ġenerali. Fid-dawl tal-fatt li s-sitwazzjoni ġuridika u l-fatti li ġġustifikaw l-estensjoni sal 31 ta’ Diċembru 2006 ma nbidlux u sabiex jiġi evitat il-vojt temporanju fl-arranġamenti dwar it-taxxa fuq il-valur miżjud għas-servizzi tax-xandir bir-radju u bit-televiżjoni u ċerti servizzi pprovduti elettronikament, huwa meħtieġ li dawk l-arranġamenti jibqgħu fis-seħħ sal-31 ta’ Diċembru 2008.

(3)

Id-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud, li tikkostitwixxi riformulazzjoni tad-Direttiva 77/388/KEE, għandha għalhekk tiġi emendata kif jixraq.

(4)

Fid-dawl ta’ l-urġenza ta’ din il-materja, sabiex tiġi evitata lakuna ġuridika, huwa imperattiv li tingħata eżenzjoni għall-perjodu ta’ sitt ġimgħat imsemmi fil-punt I(3) tal-Protokoll dwar ir-rwol tal-Parlamenti nazzjonali fl-Unjoni Ewropea, anness mat-Trattat dwar l-Unjoni Ewropea u mat-Trattati li jistabbilixxu l-Komunitajiet Ewropej,

ADOTTA DIN ID-DIRETTIVA:

Artikolu 1

Id-Direttiva 2006/112/KE hija b’dan emendata kif ġej:

1)

fl-Artikolu 56, il-paragrafu 3 għandu jinbidel b’li ġej:

“3.   Il-punti (j) u (k) tal-paragrafu 1 u l-paragrafu 2 għandhom japplikaw sal-31 ta’ Diċembru 2008.”

2)

fl-Artikolu 57, il-paragrafu 2 għandu jinbidel b’li ġej:

“2.   Il-paragrafu 1 għandu japplika sal-31 ta’ Diċembru 2008.”

3)

fl-Artikolu 59, il-paragrafu 2 għandu jinbidel b’li ġej:

“2.   Sal-31 ta’ Diċembru 2008, l-Istati Membri għandhom japplikaw l-Artikolu 58(b) lis-servizzi tax-xandir bir-radju u bit-televiżjoni, kif imsemmi fil-punt (j) ta’ l-Artikolu 56(1), ipprovduti lil persuni mhux taxxabbli li jkunu stabbiliti fi Stat Membru, jew li jkollhom l-indirizz permanenti tagħhom jew li ġeneralment huma residenti fi Stat Membru, minn persuna taxxabbli li stabbilixxa n-negozju tiegħu barra l-Komunità jew li jkollu stabbiliment fiss hemmhekk li minnu jkunu pprovduti s-servizzi, jew li, fin-nuqqas ta’ tali post ta’ negozju jew stabbiliment fiss, ikollu l-indirizz permanenti tiegħu jew ġeneralment ikun residenti barra l-Komunità.”

4)

l-Artikolu 357 għandu jinbidel b’li ġej:

“Artikolu 357

Dan il-Kapitolu għandu japplika sal-31 ta’ Diċembru 2008.”

Artikolu 2

Traspożizzjoni

1.   L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrativi meħtieġa sabiex jikkonformaw ma’ din id-Direttiva b’effett mill-1 ta’ Jannar 2007. L-Istati Membri għandhom minnufih jikkomunikaw lill-Kummissjoni t-test ta’ dawk id-dispożizzjonijiet.

Meta l-Istati Membri jadottaw dawn il-miżuri, dawn għandhom jinkludu referenza għal din id-Direttiva jew ikunu akkumpanjati minn tali referenza fl-okkażjoni tal-pubblikazzjoni uffiċjali tagħhom. Il-metodi kif issir tali referenza għandhom jiġu stabbiliti mill-Istati Membri.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.

Artikolu 3

Din id-Direttiva għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali ta’ l-Unjoni Ewropea.

Hija għandha tapplika mill-1 ta’ Jannar 2007.

Artikolu 4

Din id-Direttiva hija indirizzata lill-Istati Membri.

Magħmul fi Brussell, 19 ta’ Diċembru 2006.

Ghall-Kunsill

Il-President

J. KORKEAOJA

(1)  Is-Sitt Direttiva tal-Kunsill 77/388/KEE tas-17 ta' Mejju 1977 dwar l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ — Sistema komuni ta' taxxa fuq il-valur miżjud: bażi uniformi ta' stima (ĠU L 145, 13.6.1977, p. 1). Direttiva mħassra mid-Direttiva 2006/112/KE (ĠU L 347, 11.12.2006, p. 1).

(2)  ĠU L 174, 28.6.2006, p. 5.

Top