Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32006D0896

Deċiżjoni Nru 896/2006/KE tal-Parlament Ewropew u tal-Kunsill ta' l- 14 ta' Ġunju 2006 li tistabbilixxi reġim simplifikat għall-kontroll ta’ persuni fuq il-fruntieri esterni li jkun ibbażat fuq ir-rikonoxximent unilaterali mill-Istati Membri ta’ ċerti permessi ta’ residenza maħruġa mill-Iżvizzera u l-Liechtenstein għal skopijiet ta’ tranżitu mit-territorji tagħhom

OJ L 167, 20.6.2006, p. 8–13 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 170M, 23.6.2006, p. 8–13 (MT)
Special edition in Bulgarian: Chapter 19 Volume 008 P. 52 - 57
Special edition in Romanian: Chapter 19 Volume 008 P. 52 - 57
Special edition in Croatian: Chapter 19 Volume 012 P. 107 - 112

Legal status of the document In force: This act has been changed. Current consolidated version: 11/07/2008

ELI: http://data.europa.eu/eli/dec/2006/896(2)/oj

Date of document:
14/06/2006
Date of effect:
Applikazzjoni Ara Art. 5
Date of effect:
10/07/2006; Dħul fis-seħħ Data tal-pubblikazzjoni + 20 Ara Art. 5
Date of end of validity:
No end date
Author:
Il-Parlament Ewropew, Il-Kunsill tal-Unjoni Ewropea
Form:
Deċiżjoni
Addressee:
L-Istati Membri
Additional information:
COD 2005/0159, Dan l-att m’għandux japplika għall-Irlanda, Dan l-att m’għandux japplika għad-Danimarka, Dan l-att m’għandux japplika għar-Renju Unit
Treaty:
Trattat li jistabbilixxi l-Komunità Ewropea
Legal basis:
Proposal:
Link
Select all documents based on this document
Link
Link
Select all documents mentioning this document
Modified by:
Relation Act Comment Subdivision concerned From To
Modified by 32008D0586 Tlestija artikolu 2 11/07/2008
Subsequent related instruments:
Affected by case:
Instruments cited:
Link
Link

23.6.2006   

MT

Il-Ġurnal Uffiċjali ta’ l-Unjoni Ewropea

8

DEĊIŻJONI Nru 896/2006/KE TAL-PARLAMENT EWROPEW U TAL-KUNSILL

ta' l-14 ta' Ġunju 2006

li tistabbilixxi reġim simplifikat għall-kontroll ta’ persuni fuq il-fruntieri esterni li jkun ibbażat fuq ir-rikonoxximent unilaterali mill-Istati Membri ta’ ċerti permessi ta’ residenza maħruġa mill-Iżvizzera u l-Liechtenstein għal skopijiet ta’ tranżitu mit-territorji tagħhom

IL-PARLAMENT EWROPEW U L-KUNSILL TA’ L-UNJONI EWROPEA,

wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikolu 62(2)(a) tiegħu,

wara li kkunsidraw il-proposta mill-Kummissjoni,

waqt li jaġixxu skond il-proċedura stabbilita fl-Artikolu 251 tat-Trattat (1),

billi:

(1)

Skond l-Artikolu 21 tal-Konvenzjoni tad-19 ta’ Ġunju 1990 li timplimenta t-Trattat ta’ Schengen ta’ l-14 ta’ Ġunju 1985 bejn il-Gvernijiet ta’ l-Istati ta’ l-Unjoni Ekonomika tal-Benelux, ir-Repubblika Federali tal-Ġermanja u r-Repubblika ta' Franza dwar l-abolizzjoni gradwali tal-kontrolli fuq il-fruntieri komuni tagħhom (2) (minn hawn 'il quddiem “il-Konvenzjoni ta' Schengen”) il-permessi ta’ residenza maħruġa mill-Istati Membri li jimplimentaw b’mod sħiħ l-acquis ta’ Schengen huma rikonoxxuti reċiprokament bħala ekwivalenti għall-viża uniformi.

(2)

Ir-regoli attwali tal-Komunità madankollu ma jipprevedux reġim simplifikat għall-kontroll ta’ persuni fuq il-fruntieri esterni fejn il-permessi ta’ residenza maħruġa minn pajjiżi terzi jkunu jistgħu jitqiesu bħala ekwivalenti għall-viża uniformi għal skopijiet ta’ tranżitu miż-żona komuni jew ta’ żjara qasira fiha.

(3)

Iċ-ċittadini ta’ pajjiżi terzi li jkollhom permess ta’ residenza maħruġ mill-Iżvizzera u li huma suġġetti għall-obbligu ta’ viża taħt ir-Regolament tal-Kunsill (KE) Nru 539/2001 tal-15 ta’ Marzu 2001, li jsemmi l-pajjiżi terzi li ċ-ċittadini tagħhom għandu jkollhom viżi meta jkunu qed jaqsmu l-fruntieri esterni, kif ukoll dawk iċ-ċittadini eżentati minn dak ir-rekwiżit (3) għandhom japplikaw għal viża meta dawn jgħaddu fi tranżitu miż-żona komuni meta jkunu qed jirritornaw lejn il-pajjiż tagħhom ta’ l-oriġini. B' riżultat ta' dan l-uffiċċji Konsolari ta’ l-Istati Membri fl-Iżvizzera qed ikollhom jittrattaw numru kbir ta’ applikazzjonijiet ta’ viżi li jkunu ġew sottomessi minn ċittadini ta’ pajjiżi terzi. Diffikultajiet simili seħħew f’dak li jikkonċerna l-applikazzjonijiet għal viżi li jkunu saru minn persuni li jkollhom permess ta’ residenza maħruġ mil-Liechtenstein.

(4)

Bħala riżultat ta’ l-implimentazzjoni f’żewġ stadji ta’ l-acquis ta’ Schengen, l-Istati Membri l-ġodda li ssieħbu fl-Unjoni Ewropea fl-1 ta’ Mejju 2004 huma meħtieġa li minn dik id-data jibdew joħorġu viżi nazzjonali lil ċittadini ta’ pajjiżi terzi li jkollhom permess ta’ residenza maħruġ mill-Iżvizzera u l-Liechtenstein u li jkunu suġġetti għall-obbligu ta’ viża taħt ir-Regolament tal-Kunsill (KE) Nru 539/2001. Uħud mill-Istati Membri l-ġodda urew it-tħassib tagħhom dwar il-piż amministrattiv żejjed li dan se joħloq għall-konsolati tagħhom fl-Iżvizzera u l-Liechtenstein.

(5)

Ma jidhirx li huwa ta’ ħtieġa għall-Istati Membri li din il-kategorija ta’ persuni jkollhom viża, minħabba li dawn jirrappreżentaw riskju baxx ħafna ta’ immigrazzjoni illegali għall-Istati Membri.

(6)

Sabiex tkun indirizzata s-sitwazzjoni fl-uffiċċji konsolari fl-Iżvizzera u l-Liechtenstein, kemm ta’ l-Istati Membri li jimplimentaw b’mod sħiħ l-acquis ta’ Schengen kif ukoll ta’ l-Istati Membri l-ġodda, għandu jiġi introdott reġim simplifikat għall-kontroll ta’ persuni fuq il-fruntieri esterni li jkun ibbażat fuq ir-rikonoxximent unilaterali ta’ ċerti permessi ta’ residenza maħruġa mill-awtoritajiet ta’ l-Iżvizzera u l-Liechtenstein bħala li huma ekwivalenti għall-viżi uniformi jew nazzjonali.

(7)

Tali rikonoxximent għandu jkun limitat għall-finijiet ta' tranżitu, u m'għandux jaffettwa l-possibbiltà li l-Istati Membri joħorġu viżi għal żjara qasira.

(8)

L-applikazzjoni tar-reġim ta’ rikonoxximent għandu jkun obbligatorju għall-Istati Membri li jimplimentaw b’mod sħiħ l-acquis ta’ Schengen, iżda mhux għall-Istati Membri l-ġodda li japplikaw id-Deċiżjoni Nru 895/2006/KE tal-Parlament Ewropew u tal-Kunsill ta' l-14 ta’ Ġunju 2006 li tintroduċi reġim simplifikat għall-kontroll ta’ persuni fuq il-fruntieri esterni li jkun ibbażat fuq ir-rikonoxximent unilaterali mir-Repubblika Ċeka, mill-Estonja, miċĊipru, mill-Latvja, mill-Litwanja, mill-Ungerija, minn Malta, mill-Polonja, mis-Slovenja u mis-Slovakkja ta’ ċerti dokumenti bħala ekwivalenti għall-viżi nazzjonali tagħhom għal skopijiet ta’ tranżitu mit-territorji tagħhom (4) matul il-perjodu transizzjonali sad-data li għandha tiġi stabbilita mill-Kunsill, skond l-ewwel sub-paragrafu ta’ l-Artikolu 3(2) ta’ l-Att ta' l-Adeżjoni ta’ l-2003.

(9)

Il-kundizzjonijiet tad-dħul stabbiliti fl-Artikolu 5(1) tar-Regolament (KE) Nru 562/2006 tal-Parlament Ewropew u tal-Kunsill tal-15 ta' Marzu 2006 li jistabbilixxi Kodiċi tal-Komunità dwar ir-regoli li jirregolaw il-moviment ta' persuni minn naħa għal oħra tal-fruntieri (Kodiċi tal-Fruntieri ta'Schengen) (5) għandhom jintlaħqu, ħlief għal kundizzjoni mniżżla fl-Artikolu 5(1)b tiegħu, sakemm din id-Deċiżjoni tistabbilixxi reġim ta’ ekwivalenza bejn il-viża ta’ tranżitu u l-permessi ta’ residenza maħruġa mill-Iżvizzera u l-Liechtenstein.

(10)

Minħabba li l-għan ta’ din id-Deċiżjoni tolqot direttament acquis tal-Komunità dwar viżi, u din ma tistax tintlaħaq b'mod suffiċjenti mill-Istati Membri u għalhekk, minħabba l-iskala u l-effetti ta’ din id-Deċiżjoni, din tkun tista’ tintlaħaq aħjar fuq livell ta’ Komunità, il-Komunità tista’ tadotta miżuri, skond il-prinċipju tas-sussidjarjetà kif stabbilit fl-Artikolu 5 tat-Trattat. Skond il-prinċipju tal-proporzjonalità, kif stabbilit f’dak l-Artikolu, din id-Deċiżjoni ma tmurx lil hinn minn dak li hu meħtieġ biex jintlaħaq dak l-għan.

(11)

Fir-rigward tar-Repubblika ta' l-Iżlanda u r-Renju tan-Norveġja, din id-Deċiżjoni tikkonstitwixxi żvilupp tad-dispożizzjonijiet ta’ l-acquis ta’ Schengen skond it-tifsira tal-Ftehim konkluż mill-Kunsill ta' l-Unjoni Ewropea u r-Repubblika ta' l-Iżlanda u r-Renju tan-Norveġja dwar l-assoċjazzjoni ta’ dawn l-Istati ma' l-implementazzjoni, l-applikazzjoni u l-iżvilupp ta’ l-acquis ta’ Schengen, li huma fl-ambitu tal-qasam imsemmi fl-Artikolu 1 punt (A) tad-Deċiżjoni tal-Kunsill 1999/437/KE (6) dwar ċerti arranġamenti għall-applikazzjoni ta’ dak il-Ftehim.

(12)

Skond l-Artikoli 1 u 2 tal-Protokoll dwar il-Pożizzjoni tad-Danimarka, mehmuż mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, id-Danimarka mhux qed tieħu sehem fl-adozzjoni mill-Kunsill ta’ din id-Deċiżjoni, u mhix marbuta biha jew suġġetta għall-applikazzjoni tagħha. Peress li din id-Deċiżjoni tibni fuq l-acquis ta’ Schengen taħt id-dispożizzjonijiet tat-Titolu IV tal-Parti Tlieta tat-Trattat li jistabbilixxi l-Komunità Ewropea, id-Danimarka għandha tiddeċiedi, skond l-Artikolu 5 tal-Protokoll imsemmi, f’perjodu ta’ sitt xhur wara d-data ta' l-adozzjoni ta' din id-Deċiżjoni, jekk hi tkunx se timplimentaha fil-liġi nazzjonali tagħha.

(13)

Din id-Deċiżjoni tikkostitwixxi żvilupp tad-dispożizzjonijiet ta’ l-acquis ta’ Schengen, li fih ir-Renju Unit mhux qed jieħu sehem skond id-Deċiżjoni tal-Kunsill 2000/365/KE tad-29 ta' Mejju 2000 dwar it-talba tar-Renju Unit tal-Gran Brettanja u ta' l-Irlanda ta' fuq biex jieħdu sehem f'uħud mid-dispożizzjonijiet ta' l-acquis ta' Schengen (7). Ir-Renju Unit, għalhekk mhux jieħu sehem fl-adozzjoni tagħha u mhuwiex marbut biha jew suġġett għall-applikazzjoni tagħha.

(14)

Din id-Deċiżjoni tikkostitwixxi żvilupp tad-dispożizzjonijiet ta’ l-acquis ta’ Schengen, li fih l-Irlanda mhix qed tieħu sehem skond id-Deċiżjoni tal-Kunsill 2002/192/KE tat-28 ta' Frar 2002 dwar it-talba ta' l-Irlanda biex tieħu sehem f'uħud mid-dispożizzjonijiet ta' l-acquis ta' Schengen (8). L-Irlanda, għalhekk mhix tieħu sehem fl-adozzjoni tagħha u mhix marbuta biha jew suġġetta għall-applikazzjoni tagħha.

ADOTTAW DIN ID-DEĊIŻJONI:

Artikolu 1

Din id-Deċiżjoni tistabbilixxi reġim simplifikat għall-kontroll ta’ persuni fuq il-fruntieri esterni li huwa bbażat fuq ir-rikonoxximent unilaterali mill-Istati Membri ta’ permessi ta’ residenza maħruġa mill-Iżvizzera u l-Liechtenstein lil ċittadini ta’ pajjiżi terzi b’obbligu ta’ viża skond ir-Regolament (KE) Nru 539/2001 bħala ekwivalenti għall-viża uniformi jew nazzjonali tagħhom għall-għan ta’ tranżitu.

L-implimentazzjoni ta' din id-Deċiżjoni m'għandiex taffettwa l-kontrolli fuq persuni fil-fruntieri esterni b'konformità ma l-Artikoli 5 sa 13 u 18 sa 19 tar-Regolament (KE) Nru 562/2006.

Artikolu 2

L-Istati Membri li jimplimentaw b’mod sħiħ l-acquis ta’ Schengen għandhom jirrikonoxxu unilateralment il-permessi ta’ residenza maħruġa mill-Iżvizzera u l-Liechtenstein u li qed jidhru fl-Anness.

L-Istati Membri l-ġodda li japplikaw id-Deċiżjoni Nru 895/2006/KE jistgħu jirrikonoxxu unilatermalment il-permessi ta’ residenza mniżżla fl-Anness għal din id-Deċiżjoni bħala ekwivalenti għall-viża ta’ tranżitu nazzjonali tagħhom. Dan ir-rikonoxximent għandu jibqa’ jseħħ sad-data li għandha tkun stabbilita mill-Kunsill skond l-ewwel subparagrafu ta' l-Artikolu 3(2) ta’ l-Att ta' l-Adeżjoni ta’ l-2003.

Artikolu 3

Il-perjodu tat-tranżitu taċ-ċittadini ta’ pajjiżi terzi mit-territorju ta’ l-Istat(i) Membru(i) m’għandux ikun ta’ iktar minn ħamest ijiem.

Il-perjodu tal-validità tad-dokumenti mniżżla fl-Anness għandu jkopri l-perjodu tat-tranżitu.

Article 4

Kull Stat Membru ġdid għandu javża lill-Kummissjoni sa l-1 ta’ Awwissu 2006, jekk hu jiddeċiedi li japplika din id-Deċiżjoni. Il-Kummissjoni għandha tippubblika l-informazzjoni komunikata mill-Istati Membri l-ġodda fil-Ġurnal Uffiċjali ta’ l-Unjoni Ewropea.

Artikolu 5

Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali ta’ l-Unjoni Ewropea.

Għandha tapplika sad-data li fiha d-dispożizzjonijiet ta' l-Artikolu 21 tal-Konvenzjoni ta' Schengen jidħlu fis-seħħ għall-Iżvizzera u għal-Liechtenstein bi qbil ma l-Artikolu 15 tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera bl-implimentazzjoni, l-applikazzjoni u l-iżvilupp ta' l-acquis ta' Schengen.

Artikolu 6

Din id-Deċiżjoni hija indirizzata lill-Istati Membri skond it-Trattat li jistabbilixxi l-Komunità Ewropea.

Magħmula fi Strasburgu, nhar l-14 ta’ Ġunju 2006.

Għall-Parlament Ewropew

Il-President

J. BORRELL FONTELLES

Għall-Kunsill

Il-President

H. WINKLER

(1)  Opinjoni tal-Parlament Ewropew tas-6 ta' April 2006 (għadha mhux ippubblikata fil-Ġurnal Uffiċjali), u d-Deċiżjoni tal-Kunsill ta' l-1 ta' Ġunju 2006.

(2)  ĠU L 239, 22.9.2000, p. 19.

(3)  ĠU L 81, 21.3.2001, p. 1. Regolament kif emendat l-aħħar bir-Regolament (KE) Nru 851/2005 (ĠU L 141, 4.6.2005, p. 3).

(4)  Ara p. 1 ta' dan il-Ġurnal Uffiċjali.

(5)  ĠU L 105, 13.4.2006, p. 1.

(6)  ĠU L 176, 10.7.1999, p. 31.

(7)  ĠU L 131, 1.6.2000, p. 43.

(8)  ĠU L 64, 7.3.2002, p. 20.

ANNESS

Lista ta’ permessi ta’ residenza maħruġa mill-Konfederazzjoni Żvizzera u l-Liechtenstein u msemmija fl-Artikolu 2

A.   PERMESSI TA’ RESIDENZA MAĦRUĠA MILL-IŻVIZZERA

—

Ktejjeb għall-barranin B Ausländerausweis B/Livret pour étrangers B/Libretto per stranieri B/Legitimaziun d’esters B (Permess ta’ residenza temporanja tat-tip B. Maħruġ fil-verżjonijiet ta’ tliet jew erba’ lingwi) (Griż)

—

Ktejjeb għall-barranin Ċ Ausländerausweis C/Livret pour étrangers C/Libretto per stranieri C (Permess ta’ residenza permanenti tat-tip Ċ) (Aħdar)

—

Ktejjeb għall-barranin Ċi Ausländerausweis Ci/Livret pour étrangers Ci/Libretto per stranieri Ci (Permess ta’ residenza tat-tip Ċi għall-imsieħba u l-ulied (sa 25 sena) ta' l-uffiċjali ta' l-organizzazzjonijiet internazzjonali u tal-membri tar-rappreżentanti barranin fl-Iżvizzera li jwettqu attività ta' qligħ ta' flus fuq is-suq tax-xogħol Żvizzeru (Aħmar)

—

Legitimationskarten (Aufenthaltsbewilligung) vom Eidgenössischen Departement für auswärtige Angelegenheiten/Cartes de légitimation (titres de séjour) du Département fédéral des affaires étrangères/Carte di legittimazione (titoli di soggiorno) del Dipartimento federale degli affari esteri Dokumenti ta' leġittimazzjoni (permess ta' residenza)

—

Legitimationskarte ‘B’ (mit rosafarbigem Streifen): Missionschefs der diplomatischen, ständigen oder Spezialmissionen, leitende Beamte internationaler Organisationen und Familienmitglieder, die den gleichen Status besitzen/Carte de légitimation ‘B’ (à bande rose): Chefs de mission diplomatique, permanente ou spéciale, membres de la haute direction des organisations internationales et membres de famille qui jouissent du même statut/Carta di legittimazione ‘B’ (a banda rosa): capimissione di missioni diplomatiche permanenti o speciali, funzionari superiori di organizzazioni internazionali e loro familiari che beneficiano dello stesso statuto Dokument ta' leġittimazzjoni “B” (bi strixxa roża): Kapijiet ta' missjoni diplomatika, permanenti jew speċjali, membri tat-tmexxija għolja ta' l-organizzazzjonijiet internazzjonali u membri tal-familja li jgawdu mill-istess statut

—

Legitimationskarte ‘C’ (mit rosafarbigem Streifen): Mitglieder des diplomatischen Personals der diplomatischen, ständigen oder Spezialmissionen, Beamte internationaler Organisationen und Familienmitglieder, die den gleichen Status besitzen/Carte de légitimation ‘C’ (à bande rose): membres du personnel diplomatique des missions diplomatiques, permanentes ou spéciales, hauts fonctionnaires des organisations internationales et membres de famille qui jouissent du même statut/Carta di legittimazione ‘C’ (a banda rosa): membri del personale diplomatico di missioni diplomatiche permanenti o speciali, funzionari di organizzazioni internazionali e familiari che beneficiano dello stesso statuto Dokument ta' leġittimazzjoni “Ċ” (bi strixxa roża): membri tal-persunal diplomatiku ta' missjonijiet diplomatiċi permanenti jew speċjali, uffiċjali ta' organizzazzjonijiet internazzjonali u membri tal-familja li jgawdu mill-istess statut

—

Legitimationskarte ‘D’ (mit blauem Streifen): Mitglieder des Verwaltungs- und technischen Personals der diplomatischen, ständigen oder Spezialmissionen und Familienmitglieder, die den gleichen Status besitzen/Carte de légitimation ‘D’ (à bande bleue): membres du personnel administratif et technique des missions diplomatiques, permanentes ou spéciales et membres de famille qui jouissent du même statut/Carta di legittimazione ‘D’ (a banda blu): membri del personale amministrativo e tecnico di missioni diplomatiche permanenti o speciali e familiari che beneficiano dello stesso statuto Dokument ta' leġittimazzjoni “D” (bi strixxa blu): membri tal-persunal amministrattiv u tekniku tal-missjonijiet diplomatiċi, permanenti jew speċjali u membri tal-familja li jgawdu mill-istess statut

—

Legitimationskarte ‘D’ (mit braunem Streifen): Beamte der Kategorie Berufspersonal internationaler Organisationen und Familienmitglieder, die den gleichen Status besitzen/Carte de légitimation ‘D’ (à bande brune): fonctionnaires de la catégorie professionnelle des organisations internationales et membres de famille qui jouissent du même statut/Carta di legittimazione ‘D’ (a banda marrone): funzionari appartenenti alla categoria del personale di carriera di organizzazioni internazionali e familiari che beneficiano dello stesso statuto Dokument ta' leġittimazzjoni “D” (bi strixxa kannella): uffiċjali tal-kategorija professjonali ta' organizzazzjonijiet internazzjonali u membri tal-familja li jgawdu mill-istess statut

—

Legitimationskarte ‘E’ (mit violettem Streifen): Mitglieder des Dienstpersonals der diplomatischen, ständigen oder Spezialmissionen, Beamte der allgemeinen Dienste internationaler Organisationen und Familienmitglieder, die den gleichen Status besitzen/Carte de légitimation ‘E’ (à bande violette): membres du personnel de service des missions diplomatiques, permanentes et spéciales, fonctionnaires des services généraux des organisations internationales et membres de famille qui jouissent du même statut/Carta di legittimazione ‘E’ (a banda viola): membri del personale di servizio di missioni diplomatiche permanenti e speciali, funzionari dei servizi generali di organizzazioni internazionali e familiari che beneficiano dello stesso statuto Dokument ta' leġittimazzjoni “E” (bi strixxa vjola): membri tal-persunal ta' servizz ta' missjonijiet diplomatiċi permanenti jew speċjali, uffiċjali tas-servizzi ġenerali ta' organizzazzjonijiet internazzjonali u membri tal-familja li jgawdu mill-istess statut

—

Legitimationskarte ‘F’ (mit gelbem Streifen): private Hausangestellte der Mitglieder der diplomatischen, ständigen oder Spezialmissionen und der von Berufs-Konsularbeamten geleiteten konsularischen Vertretungen sowie private Hausangestellte der Beamten internationaler Organisationen/Carte de légitimation ‘F’ (à bande jaune): domestiques privés des membres des missions diplomatiques, permanentes ou spéciales et des postes consulaires de carrière et domestiques privés des fonctionnaires des organisations internationales/Carta di legittimazione ‘F’ (a banda gialla): personale domestico privato di membri di missioni diplomatiche permanenti o speciali e di rappresentanze consolari dirette da funzionari consolari di carriera nonché personale domestico privato di funzionari di organizzazioni internazionali Dokument ta' leġittimazzjoni “F” (bi strixxa safra): qaddejja privati tal-membri tal-missjonijiet diplomatiċi, permanenti jew speċjali u ta' postijiet konsulari ta' professjoni kif ukoll qaddejja privati ta' uffiċjali ta' organizzazzjonijiet internazzjonali

—

Legitimationskarte ‘G’ (mit türkisem Streifen): Beamte internationaler Organisationen mit Arbeitsvertrag von begrenzter Dauer und Familienmitglieder, die den gleichen Status besitzen/Carte de légitimation ‘G’ (à bande turquoise): fonctionnaires des organisations internationales (contrat de travail ‘court terme’) et membres de famille qui jouissent du même statut/Carta di legittimazione ‘G’ (a banda turchese): funzionari di organizzazioni internazionali con contratto di lavoro a durata determinata e familiari che beneficiano dello stesso statuto Dokument ta' leġittimazzjoni “Ġ” (bi strixxa ċelesti): uffiċjali tal-kategorija ta' organizzazzjonijiet internazzjonali (kuntratt ta' xogħol ‘għal perijodu qasir’) u membri tal-familja li jgawdu mill-istess statut

—

Legitimationskarte ‘H’ (mit weißem Streifen): Personen ohne Privilegien und Immunitäten, die ermächtigt sind, Mitglieder der diplomatischen, ständigen oder Spezialmissionen und der konsularischen Vertretungen zu begleiten, Mitarbeiter internationaler Organisationen ohne Beamtenstatus/Carte de légitimation ‘H’ (à bande blanche): personnes sans privilèges et immunités autorisées à accompagner les membres des missions diplomatiques, permanentes ou spéciales et des consulats, collaborateurs des organisations internationales qui ne font pas partie des fonctionnaires de ces dernières/Carta di legittimazione ‘H’ (a banda bianca): persone senza privilegi e immunità autorizzate a accompagnare membri di missioni diplomatiche permanenti o speciali e di consolati, collaboratori di organizzazioni internazionali senza statuto di funzionari Dokument ta' leġittimazzjoni “Ħ” (bi strixxa bajda): persuni mingħajr privileġġi u immunitajiet awtorizzati jakkumpanjaw lill-membri tal-missjonijiet diplomatiċi, permanenti jew speċjali u tal-konsulati, kollaboraturi ta' organizzazzjonijiet internazzjonali li ma jiffurmawx parti mill-uffiċjali ta' dawn ta' l-aħħar

—

Legitimationskarte ‘I’ (mit olivem Streifen): Personal nicht schweizerischer Staatsangehörigkeit des Internationalen Komitees vom Roten Kreuz und Familienmitglieder, die den gleichen Status besitzen/Carte de légitimation ‘I’ (à bande olive): membres du personnel non suisse du Comité international de la Croix-Rouge et membres de famille qui jouissent du même statut/Carta di legittimazione ‘I’ (a banda oliva): membri del personale non svizzero del Comitato internazionale della Croce Rossa e familiari che beneficiano dello stesso statuto Dokument ta' leġittimazzjoni “I” (bi strixxa ħadra skura): membri tal-persunal mhux Żvizzeru tal-Kumitat Internazzjonali tas-Salib l-Aħmar u membri tal-familja li jgawdu mill-istess statut

—

Legitimationskarte ‘K’ (mit rosafarbigem Streifen): Berufs-Postenchefs und Berufs-Konsularbeamte der konsularischen Vertretungen und Familienmitglieder, die den gleichen Status besitzen/Carte de légitimation ‘K’ (à bande rose): chefs de poste consulaire de carrière, fonctionnaires consulaires de carrière et membres de famille qui jouissent du même statut/Carta di legittimazione ‘K’ (a banda rosa): capiposto consolari di carriera e funzionari consolari di carriera di rappresentanze consolari e familiari che beneficiano dello stesso statuto Dokument ta' leġittimazzjoni “K” (bi strixxa roża): kapijiet tal-post konsulari ta' professjoni, uffiċjali konsulari ta' professjoni u membri tal-familja li jgawdu mill-istess statut

—

Legitimationskarte ‘K’ (mit blauem Streifen): Berufs-Konsularangestellte und Familienmitglieder, die den gleichen Status besitzen/Carte de légitimation ‘K’ (à bande bleue): employés consulaires de carrière et membres de famille qui jouissent du même statut/Carta di legittimazione ‘K’ (a banda blu): impiegati consolari di carriera e familiari che beneficiano dello stesso statuto Dokument ta' leġittimazzjoni “K” (bi strixxa blu): impjegati konsulari ta' professjoni u membri tal-familja li jgawdu mill-istess statut

—

Legitimationskarte ‘K’ (mit violettem Streifen): Mitglieder des dienstlichen Hauspersonals von berufs-konsularischen Vertretungen und Familienmitglieder, die den gleichen Status besitzen/Carte de légitimation ‘K’ (à bande violette): membres du personnel de service des représentations consulaires de carrière et membres de famille qui jouissent du même statut/Carta di legittimazione ‘K’ (a banda viola): membri del personale di servizio di rappresentanze consolari di carriera e familiari che beneficiano dello stesso statuto Dokument ta' leġittimazzjoni “K” (bi strixxa vjola): membri tal-qaddejja tar-rappreżentazzjoni konsulari ta' professjoni u membri tal-familja li jgawdu mill-istess statut

—

Legitimationskarte ‘K’ (mit weißem Streifen): Honorar-Postenchefs von konsularischen Vertretungen/Carte de légitimation ‘K’ (à bande blanche): chefs de poste consulaire honoraire/Carta di legittimazione ‘K’ (a banda bianca): capiposto onorari di rappresentanze consolari Dokument ta' leġittimazzjoni “K” (bi strixxa bajda): kapijiet ta' post ta' konslu onorarju

—

Legitimationskarte ‘L’ (mit sandfarbigem Streifen): Personal nicht schweizerischer Staatsangehörigkeit der Internationale Gemeinschaft der Roten Kreuz- und Roten Halbmond-Gesellschaften und Familienmitglieder, die den gleichen Status besitzen/Carte de légitimation ‘L’ (à bande de couleur sable): membres du personnel non suisse de la Fédération internationale des Sociétés de la Croix-Rouge et du Croissant-Rouge et membres de famille qui jouissent du même statut/Carta di legittimazione ‘L’ (a banda color sabbia): membri del personale non svizzero della Federazione internazionale delle Società della Croce Rossa e della Mezzaluna Rossa e familiari che beneficiano dello stesso statuto Dokument ta' leġittimazzjoni “L” (bi strixxa kulur ir-ramel): membri tal-persunal mhux Żvizzeru tal-Federazzjoni Internazzjonali tas-Salib l-Aħmar u tan-Nofs Qamar l-Aħmar u membri tal-familja li jgawdu mill-istess statut

—

Legitimationskarte ‘O’ (mit grauem Streifen): Mitglieder des Personals nicht schweizerischer Staatsangehörigkeit der Generaldelegation Palästinas und der ständigen Beobachtermission Palästinas und Familienmitglieder, die den gleichen Status besitzen/Carte de légitimation ‘O’ (à bande grise): membres du personnel non suisse de la Délégation générale de Palestine et de la Mission permanente d'observation de la Palestine et membres de famille qui jouissent du même statut/Carta di legittimazione ‘O’ (a banda grigia): membri del personale non svizzero della Delegazione generale di Palestina e della Missione permanente di osservazione della Palestina e familiari che beneficiano dello stesso statuto Dokument ta' leġittimazzjoni “O” (bi strixxa griża): membri tal-persunal mhux Żvizzeru tad-Delegazzjoni ġenerali tal-Palestina u tal-Missjoni permanenti ta' osservazzjoni tal-Palestina u membri tal-familja li jgawdu mill-istess statut

—

Legitimationskarte ‘S’ (mit grünem Streifen): Mitglieder des Personals schweizerischer Staatsangehörigkeit der diplomatischen, ständigen und der Spezialmissionen, Beamte schweizerischer Staatsangehörigkeit internationaler Organisationen/Carte de légitimation ‘S’ (à bande verte): membres du personnel de nationalité suisse des missions diplomatiques, permanentes et spéciales, fonctionnaires de nationalité suisse des organisations internationales/Carta di legittimazione ‘S’ (a banda verde): membri del personale di nazionalità svizzera di missioni diplomatiche permanenti e speciali, funzionari di nazionalità svizzera di organizzazioni internazionali Dokument ta' leġittimazzjoni “S” (bi strixxa ħadra): membri tal-persunal ta' nazzjonalità Żvizzera tal-missjonijiet diplomatiċi permanenti u speċjali, uffiċjali ta' nazzjonalità Żvizzera ta' organizzazzjonijiet internazzjonali

—

Funktionsbescheinigung für wissenschaftliches Personal des CERN nicht schweizerischer Staatsangehörigkeit/Attestation de fonctions à l'usage du personnel scientifique non suisse du CERN/Attestato di funzione ad uso del personale scientifico non svizzero del CERN Ċertifikat ta' funzjoni għal użu tal-persunal xjentifiku mhux Żvizzeru tas-CERN

—

Bescheinung für Familienmitglieder des wissenschaftlichen Personals des CERN nicht schweizerischer Staatsangehörigkeit/Attestation à l'usage des membres de la famille du personnel scientifique non suisse du CERN/Attestato ad uso dei familiari del personale scientifico non svizzero del CERN Ċertifikat għal użu tal-membri tal-familja tal-persunal xjentifiku mhux Żvizzeru tas-CERN

B.   PERMESSI TA’ RESIDENZA MAĦRUĠA MIL-LIECHENSTEIN

—

Jahresaufenthaltsbewilligung (Permess ta’ residenza temporanja)

—

Niederlassungsbewilligung (Permess ta’ stabbiliment li l-validità tiegħu ma tkunx limitata fiż-żmien).
Top