EUR-Lex Access to European Union law
This document is an excerpt from the EUR-Lex website
Document 32006D0729
Council Decision 2006/729/CFSP/JHA of 16 October 2006 on the signing, on behalf of the European Union, of an Agreement between the European Union and the United States of America on the processing and transfer of passenger name record (PNR) data by air carriers to the United States Department of Homeland Security
Deċiżjoni tal-Kunsill 2006/729/PESK/ĠAI tas- 16 ta’ Ottubru 2006 dwar l-iffirmar, f'isem l-Unjoni Ewropea, ta' Ftehim bejn l-Unjoni Ewropea u l-Istati Uniti ta' l-Amerika dwar l-ipproċessar u t-trasferiment ta' data tar-reġistru ta' l-ismijiet tal-passiġġieri (PNR) minn trasportaturi bl-ajru lid-Dipartiment tas-Sigurtà Interna ta’ l-Istati Uniti
Deċiżjoni tal-Kunsill 2006/729/PESK/ĠAI tas- 16 ta’ Ottubru 2006 dwar l-iffirmar, f'isem l-Unjoni Ewropea, ta' Ftehim bejn l-Unjoni Ewropea u l-Istati Uniti ta' l-Amerika dwar l-ipproċessar u t-trasferiment ta' data tar-reġistru ta' l-ismijiet tal-passiġġieri (PNR) minn trasportaturi bl-ajru lid-Dipartiment tas-Sigurtà Interna ta’ l-Istati Uniti
OJ L 298, 27.10.2006, p. 27–28
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 200M, 1.8.2007, p. 119–120
(MT)
In force
ELI: http://data.europa.eu/eli/dec/2006/729/oj
Deċiżjoni tal-Kunsill 2006/729/PESK/ĠAI tas- 16 ta’ Ottubru 2006 dwar l-iffirmar, f'isem l-Unjoni Ewropea, ta' Ftehim bejn l-Unjoni Ewropea u l-Istati Uniti ta' l-Amerika dwar l-ipproċessar u t-trasferiment ta' data tar-reġistru ta' l-ismijiet tal-passiġġieri (PNR) minn trasportaturi bl-ajru lid-Dipartiment tas-Sigurtà Interna ta’ l-Istati Uniti
Official Journal L 298 , 27/10/2006 P. 0027 - 0028
Official Journal L 200 , 01/08/2007 P. 0119 - 0120
20061016 Deċiżjoni tal-Kunsill 2006/729/PESK/ĠAI tas- 16 ta’ Ottubru 2006 dwar l-iffirmar, f'isem l-Unjoni Ewropea, ta' Ftehim bejn l-Unjoni Ewropea u l-Istati Uniti ta' l-Amerika dwar l-ipproċessar u t-trasferiment ta' data tar-reġistru ta' l-ismijiet tal-passiġġieri (PNR) minn trasportaturi bl-ajru lid-Dipartiment tas-Sigurtà Interna ta’ l-Istati Uniti IL-KUNSILL TA’ L-UNJONI EWROPEA, Wara li kkunsidra t-Trattat dwar l-Unjoni Ewropea, u b'mod partikolari l-Artikoli 24 u 38 tiegħu, Billi: (1) Il-Kunsill iddeċieda fis- 27 ta' Ġunju 2006 li jawtorizza lill-Presidenza, mgħejuna mill-Kummissjoni, biex tiftaħ negozjati għal Ftehim ma' l-Istati Uniti ta' l-Amerika dwar l-ipproċessar u t-trasferiment ta' data tar-reġistru ta' l-ismijiet tal-passiġġieri (PNR) minn trasportaturi bl-ajru lid-Dipartiment tas-Sigurtà Interna (DHS) ta’ l-Istati Uniti. (2) In vista ta' l-Impenji maħruġin fil- 11 ta' Mejju 2004 mid-DHS, l-Uffiċċju tad-Dwana u l-Protezzjoni tal-Fruntieri [1], l-Istati Uniti jista' jiġi kkunsidrat bħala li jiżgura livell adegwat ta' protezzjoni ta' data PNR trasferita mill-Unjoni Ewropea dwar titjiriet ta' passiġġieri lejn u mill-Istati Uniti. (3) L-awtoritajiet kompetenti fl-Istati Membri jistgħu jeżerċitaw il-poteri eżistenti tagħhom biex jissospendu flussi ta' data lid-DHS sabiex jipproteġu individwi rigward l-ipproċessar tad-data personali tagħhom jekk jikkunsidraw li l-ipproċessar ta' data PNR mhuwiex skond l-istandards ta' protezzjoni provduti fl-Impenji mogħtijin mid-DHS, jew fejn awtorità kompetenti ta' l-Istati Uniti ddeterminat li d-DHS huwa fi ksur ta' dawk l-istandards, sakemm tkun assigurata konformità ma' dawk l-istandards. (4) Il-Ftehim għandu jiġi ffirmat, soġġett għall-konklużjoni tiegħu f'data aktar tard. (5) Id-dispożizzjonijiet tal-Ftehim għandhom jiġu applikati fuq bażi provviżorja sakemm jidħol fis-seħħ. IDDEĊIEDA KIF ĠEJ: Artikolu 1 L-iffirmar tal-Ftehim bejn l-Unjoni Ewropea u l-Istati Uniti ta' l-Amerika dwar l-ipproċessar u t-trasferiment ta' data tar-reġistru ta' l-ismijiet tal-passiġġieri (PNR) minn trasportaturi bl-ajru lid-Dipartiment tas-Sigurtà Interna ta' l-Istati Uniti, huwa b'dan approvat f'isem l-Unjoni Ewropea, soġġett għal konklużjoni ta' l-imsemmi Ftehim. It-test tal-Ftehim huwa mehmuż ma’ din id-Deċiżjoni. Artikolu 2 Il-President tal-Kunsill hu b'dan awtorizzat biex jaħtar il-persuna(i) awtorizzata/i biex t/jiffirma/w il-Ftehim f’isem l-Unjoni Ewropea, soġġett għal konklużjoni tiegħu. Artikolu 3 Skond il-punt 7 tal-Ftehim, id-dispożizzjonijiet tal-Ftehim għandhom ikunu applikati fuq bażi provviżorja sa mid-data ta' l-iffirmar tiegħu, sakemm jidħol fis-seħħ. Artikolu 4 1. Mingħajr preġudizzju għall-poteri tagħhom li jieħdu azzjoni biex jiżguraw konformità ma' dispożizzjonijiet nazzjonali, l-awtoritajiet kompetenti fl-Istati Membri jistgħu jeżerċitaw il-poteri eżistenti tagħhom biex jissospendu flussi ta' data lid-DHS sabiex jipproteġu individwi rigward l-ipproċessar tad-data personali tagħhom fil-każijiet li ġejjin: (a) fejn awtorità kompetenti ta' l-Istati Uniti tkun iddeterminat li d-DHS huwa fi ksur ta' l-istandards ta' protezzjoni applikabbli; jew (b) fejn hemm probabbiltà sostanzjali li l-istandards ta' protezzjoni applikabbli qegħdin jinkisru, hemm motivi raġonevoli biex jitwemmen li d-DHS mhuwiex jieħu jew mhux ser jieħu passi adegwati u f'waqthom biex isolvi l-każ in kwistjoni, it-trasferiment kontinwat joħloq riskju imminenti ta' ħsara gravi lis-suġġetti tad-data, u l-awtoritajiet kompetenti fl-Istati Membri konċernati jkunu għamlu sforzi raġonevoli fiċ-ċirkostanzi biex jipprovdu lid-DHS b'avviż u b'opportunità li jirrispondi. 2. Is-sospensjoni għandha tieqaf hekk kif l-istandards ta' protezzjoni ikunu assigurati u l-awtoritajiet kompetenti ta' l-Istati Membri konċernati jkunu notifikati b'dan. Artikolu 5 1. L-Istati Membri għandhom jinformaw mingħajr dewmien lill-Kunsill u lill-Kummissjoni meta jkunu adottati miżuri skond l-Artikolu 4. 2. L-Istati Membri u l-Kummissjoni għandhom jinformaw lil xulxin fil-Kunsill b' kull bidla fl-istandards ta' protezzjoni u b'każijiet fejn l-azzjoni ta' korpi responsabbli biex jiżguraw il-konformità ma' l-istandards ta' protezzjoni applikabbli mid-DHS jonqsu li jiżguraw tali konformità. 3. Jekk il-Kunsill jikkunsidra li l-informazzjoni miġbura skond l-Artikolu 4 u skond il-paragrafi 1 u 2 ta' dan l-Artikolu tipprovdi evidenza li ma jkunux qed jiġu osservati l-prinċipji bażiċi meħtieġa għal livell adegwat ta' protezzjoni lil persuni naturali, jew li xi korp responsabbli biex jiżgura l-konformità ma' l-istandards ta' protezzjoni applikabbli mid-DHS mhuwiex qiegħed effettivament jaqdi r-rwol tiegħu, id-DHS għandu jkun informat u l-Kunsill għandu jieħu l-azzjoni meħtieġa bil-ħsieb li jissospendi jew itemm il-Ftehim. Magħmul fil-Lussemburgu, 16 ta’ Ottubru 2006. Għall-Kunsill Il-President E. Tuomioja [1] ĠU L 235, 6.7.2004, p. 15. --------------------------------------------------