8.5.2007   

MT

Il-Ġurnal Uffiċjali ta’ l-Unjoni Ewropea

945

(1)

L-oneru finanzjarju mill-Komunità lill-Fond Fiduċjarju 911100MTF/INT/003/KEE (TFEU 970089129), “il-Fond Fiduċjarju”, ġie ffissat għal massimu ta' EUR 4,500,000 għal perjodu ta' erba' snin mid-Deċiżjoni tal-Kummissjoni 2005/436/KE tat-13 ta' Ġunju 2005 dwar il-kooperazzjoni tal-Komunità ma' l-Organizzazzjoni ta' l-Ikel u l-Agrikoltura b'rigward partikolari għall-attivitajiet imwettqa mill-Kummissjoni Ewropea għall-Kontroll tal-Marda ta' l-ilsien u d-dwiefer (2).

(2)

Skond id-Deċiżjoni 2005/436/KE l-Kummissjoni tal-Komunitajiet Ewropej u l-Organizzazzjoni ta' l-Ikel u l-Agrikoltura ta' l-Organizzazzjoni tan-Nazzjonijiet Uniti kkonkludew Ftehim ta' Implimentazzjoni dwar l-użu u t-tħaddim ta' dak il-Fond Fiduċjarju fl-1 ta' Settembru 2005.

(3)

Fid-dawl tat-tfaċċar ta' topotipi virali u varjanti tal-virus ġodda u d-deterjorament reġjonali tal-miżuri ta' kontroll, aggravati mill-okkorrenzi simultanji ta' l-influwenza tat-tjur, il-Komunità, b'kooperazzjoni mill-qrib mal-Kummissjoni Ewropea għall-Kontroll tal-Marda ta' l-ilsien u d-dwiefer (EUFMD) u bl-użu tal-Fond Fiduċjarju, għandha tipprepara għall-miżuri għall-kontroll tal-marda, inkluża kampanja ta' tilqim ta' emerġenza f'pajjiżi ġirien.

(4)

Il-kontribuzzjoni mill-Komunità għall-Fond Fiduċjarju għandu għaldaqstant jiżdied bi EUR 3,500,000 minn EUR 4,500,000 għal EUR 8,000,000 għal perjodu ta' erba' snin.

(5)

Għandhom isiru provvedimenti għall-adozzjoni ta' l-emendi għall-Ftehim ta' Implimentazzjoni meħtieġa biex jieħdu in konsiderazzjoni l-aġġustament ta' dan l-ammont.

(6)

Jeħtieġ li din id-Direttiva jkollha effett retroattiv mill-1 ta' Jannar 2005 biex il-Komunità tkun tista' tikkonforma ma' l-obbligi tagħha għal perjodu ta' erba' snin li jibda minn dik id-data.

(7)

Id-Deċiżjoni 2005/436/KE għandha għalhekk tiġi emendata skond dan.

(8)

Il-miżuri previsti f'din id-Deċiżjoni jaqblu ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

1.

Fl-Artikolu 1, il-paragrafu 2 huwa mibdul b'dan li ġej:

“2.   Sa mill-1 ta' Jannar 2005, il-kontribuzzjoni finanzjarja tal-Komunità lill-Fond imsemmi fil-paragrafu 1 għandu jiġi ffissat għall-massimu ta' EUR 8,000,000 għal perjodu ta' erba' snin.”

2.

Fl-Artikolu 2(1), jiżdied it-tieni subparagrafu li ġej:

“Kwalunkwe emenda lill-Ftehim ta' Implimentazzjoni meħtieġa biex jittieħed in konsiderazzjoni l-aġġustament ta' l-ammont stabbilit fl-Artikolu 1 (2) għandha tkun miftiehma bejn il-Kummissjoni tal-Komunitajiet Ewropej u l-Organizzazzjoni ta' l-Ikel u l-Agrikoltura ta' l-Organizzazzjoni tan-Nazzjonijiet Uniti.”