EUR-Lex Access to European Union law
This document is an excerpt from the EUR-Lex website
Document 32003R1217
Commission Regulation (EC) No 1217/2003 of 4 July 2003 laying down common specifications for national civil aviation security quality control programmes (Text with EEA relevance)
Ir-Regolament tal-Kummissjoni (KE) Nru 1217/2003 ta' l-4 ta' Lulju 2003 li jistabbilixxi speċifikazzjonijiet komuni għal programmi ta' kontroll ta' kwalità għas-sigurtà ta' l-avjazzjoni ċivili nazzjonaliTest b'relevanza għaż-ŻEE.
Ir-Regolament tal-Kummissjoni (KE) Nru 1217/2003 ta' l-4 ta' Lulju 2003 li jistabbilixxi speċifikazzjonijiet komuni għal programmi ta' kontroll ta' kwalità għas-sigurtà ta' l-avjazzjoni ċivili nazzjonaliTest b'relevanza għaż-ŻEE.
OJ L 169, 8.7.2003, p. 44–48
(ES, DA, DE, EL, EN, FR, IT, NL, PT, FI, SV)
Special edition in Czech: Chapter 07 Volume 007 P. 345 - 349
Special edition in Estonian: Chapter 07 Volume 007 P. 345 - 349
Special edition in Latvian: Chapter 07 Volume 007 P. 345 - 349
Special edition in Lithuanian: Chapter 07 Volume 007 P. 345 - 349
Special edition in Hungarian Chapter 07 Volume 007 P. 345 - 349
Special edition in Maltese: Chapter 07 Volume 007 P. 345 - 349
Special edition in Polish: Chapter 07 Volume 007 P. 345 - 349
Special edition in Slovak: Chapter 07 Volume 007 P. 345 - 349
Special edition in Slovene: Chapter 07 Volume 007 P. 345 - 349
Special edition in Bulgarian: Chapter 07 Volume 012 P. 21 - 25
Special edition in Romanian: Chapter 07 Volume 012 P. 21 - 25
No longer in force, Date of end of validity: 29/04/2010; Imħassar b' 32010R0185
Relation | Act | Comment | Subdivision concerned | From | To |
---|---|---|---|---|---|
Corrected by | 32003R1217R(01) | (DA, DE, EL, FI, IT, NL, PT, SV) | |||
Corrected by | 32003R1217R(02) | (PL) | |||
Repealed by | 32010R0185 |
Official Journal L 169 , 08/07/2003 P. 0044 - 0048
Ir-Regolament tal-Kummissjoni (KE) Nru 1217/2003 ta' l-4 ta' Lulju 2003 li jistabbilixxi speċifikazzjonijiet komuni għal programmi ta' kontroll ta' kwalità għas-sigurtà ta' l-avjazzjoni ċivili nazzjonali (Test b'relevanza għaż-ŻEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunita Ewropea, Wara li kkunsidrat ir-Regolament (KE) No 2320/2002 tal-Parlament Ewropew u tal-Kunsill tas-16 ta' Diċembru 2002 li jistabbilixxi regoli komuni fis-settur tas-sigurtà ta' l-avjazzjoni ċivili [1] u b'mod partikolari l-Artikolu 7(1) tiegħu, Billi: (1) L-iżvilupp u l-implimentazzjoni ta' program ta' kontroll ta' kwalità għas-sigurtà ta' l-avjazzjoni ċivili nazzjonali minn kull Stat Membru huwa essenzjali biex tiġi żgurata l-effettivita tal-programm ta' kontroll ta' kwalità għas-sigurtà ta' l-avjazzjoni ċivili ta' kull Stat bi qbil ma' l-Artikolu 5(3) tar-Regolament No 2320/2002. (2) Speċifikazzjonijiet għall-programm ta' kontroll ta' kwalità għas-sigurtà ta' l-avjazzjoni ċivili implimentati mill-Istati Membri għandhom jiżguraw metodu li jaqbel f'din il-kwistjoni. Għalhekk Regolament huwa l-aktar strument adattat għal dan l-iskop. (3) Il-kontroll ta' programmi ta' kontroll ta' kwalità għas-sigurtà ta' l-avjazzjoni ċivili nazzjonali f'livell Komunitarju jirrikjedi metodu li jaqbel għall-assessjar ta' qbilf'livell nazzjonali. (4) Sabiex ikun effettiv, għandhom isiru eżamijiet uffiċjaliregolari taħt ir-responsabbilta ta' l-awtorità xierqa. M'għandhomx jiġu ristretti għas-suġġett, stadju jew mument li fih ikunu twettqu. Għandhom jieħdu l-iktar forom adattati sabiex jiżguraw l-effettivita tagħhom. (5) Għandha tingħata prijorita lill-iżvilupp ta' metodoloġija komuni u dettaljata għall-eżamijiet uffiċjali. (6) Huwa neċessarju li jiġi żviluppat mod li jaqbel ta' kif jittieħed rapport fuq il-miżuri meħuda li jissodisfaw l-obligazzjonijiet taħt dan ir-Regolament u fuq is-sitwazzjoni tas-sigurtà ta' l-avjazzjoni fl-ajruporti fit-territorji ta' Stati Membri. (7) Programmi ta' kontroll ta' kwalità għas-sigurtà ta' l- avjazzjoni ċivili nazzjonali għandhom ikunu bbażati fuq l-aqwa taħriġ. L-aqwa taħriġ bħal dan għandu jitqassam bejn l-Istati Membri. (8) Il-miżuri provduti f'dan ir-Regolament qegħdin fi qbil ma' l-opinjoni tal-Kumitat għas-Sigurtà ta' l-Avjazzjoni Ċivili, ADDOTTAT DAN IR-REGOLAMENT: Il-KAPITLU I OBJETTIV U DEFINIZZJONIJIET Artikolu 1 Objettiv Dan ir-Regolament jistabbilixxi l-ispeċifikazzjonijiet komuni għall-program ta' kontroll ta' kwalità għas-sigurtà ta' l-avjazzjoni ċivili nazzjonali li għandu jkun implimentat minn kull Stat Membru. Dan jinkludi wkoll li jkunu stabbiliti rekwiżiti komuni għall-programmi ta' kontroll ta' kwalità, metodoloġija komuni għall-eżamijiet uffiċjalisabiex jitwettqu u rekwiżiti komuni għall-awdituri. Artikolu 2 Definizzjonijiet Għall-iskop ta' dan ir-Regolament għandhom japplikaw id-definizzjonijiet li ġejjin: 1. "awtorità xierqa" għandha tfisser li l-awtorità nazzjonali stabbilita minn Stat Membru sussegwenti għall-Artikolu 5(2) tar-Regolament (KE) No 232/2002 għandha tkun responsabbli għall-koordinazzjoni u l-kontroll ta' l-implimentazzjoni tal- program ta' kontroll ta' kwalità għas-sigurtà ta' l-avjazzjoni ċivili nazzjonali tagħha; 2. "eżami uffiċjali" għandha tfisser kull proċedura jew proċess użat għall-kontroll f'livell nazzjonali. Għandha tkopri eżamijiet uffiċjalita' sigurtà, spezzjonijiet, servers, testijiet u investigazzjonijiet; 3. "awditur" għandha tfisser kull persuna li tmexxi l-eżamijiet uffiċjalif'livell nazzjonali; 4. "Nuqqas" għandha tfisser falliment fil-qbil mar-rekwiżiti tas-sigurtà ta' l-avjazzjoni; 5. "spezzjoni" għandha tfisser eżaminazzjoni ta' l-implimentazzjoni ta' wieħed jew aktar aspetti ta' miżuri u proċeduri ta' sigurtà sabiex jiġi determinat kemm qed jiġu mwettqa b'mod effettiv; 6. "investigazzjoni" għandha tfisser eżaminazzjoni ta' inċident ta' sigurtà u spjegazzjoni tal-kawża tiegħu sabiex jiġu evitati inċidenti oħrajn u tiġi kkunsidrata azzjoni legali; 7. "programm ta' kontroll ta' kwalità" għandha tfisser programm ta' kontroll ta' kwalità għas-sigurtà ta' l-avjazzjoni ċivili nazzjonali; 8. "eżami uffiċjali ta' sigurtà" għandha tfisser eżaminazzjoni bir-reqqa ta' l-aspetti kollha ta' miżuri u proċeduri ta' sigurtà sabiex jiġi determinat jekk humiex qed jiġu implimentati fuq bażi kontinwa u b'livell kostanti; 9. "inċident ta' sigurtà" għandha tfisser eventwalità b'implikazzjonijiet negattivi għas-sigurtà u protezzjoni ta' persuni u propjeta; 10. "servej" għandha tfisser evalwazzjoni ta' l-operazzjonijiet sabiex jiġu determinati bżonnijiet ta' sigurtà. Dan jinkludi l-inklużjoni tal-punti dgħajfin li jistgħu jiġu mistħarrġa biex titwettaq interferenza li mhix rikonoxxuta, minkejja l-implimentazzjoni ta' miżuri u proċeduri ta' sigurtà, u r-rakkmandazzjoni ta' miżuri kompensatorji protettivi fl-istess livell mat-theddida li jiġi indirizzat kull riskju identifikat; 11. "test" għandha tfisser prova ta' miżuri ta' sigurtà ta' l-avjazzjoni, fejn l-awtorità xierqa tintroduċi l-intenzjoni li ssir xi azzjoni kontra l-liġi bl-iskop li tiġi eżaminata l-effiċjenza u l-implimentazzjoni tal-miżuri tas-sigurtà li jeżistu. Il-KAPITLU II REKWIŻITI KOMUNI GĦAL PROGRAMMI TA' KONTROLL TA' KWALITÀ Artikolu 3 Il-poteri ta' l-awtorità xierqa sabiex jiżguraw l-effettivita tal-program għas-sigurtà ta' l-avjazzjoni ċivili nazzjonali, l-Istati Membri kollha għandhom jipprovdu l-awtorità xierqa bil-poteri neċessarji ta' rinfurzar. Artikolu 4 Kontenut tal-programm ta' kontroll ta' kwalità 1. Il-programm ta' kontroll ta' kwalità għandu jkun fih il-miżuri kollha neċessarji li jkunu ttieħdu għall-kontroll ta' kwalità sabiex jassessjaw regolarment l-implimentazzjoni tal-programm għas-sigurtà ta' l-avjazzjoni ċivili nazzjonali, inklużi l-policies li fuqhom hu bbażat. 2. Il-programm ta' kontroll ta' kwalità għandu jinkludi u jindirizza l-elementi li ġejjin: (a) struttura ta' organizzazzjoni, responsabbiltajiet u riżorsi; (b) deskrizzjonijiet ta' xogħol u kwalifiki ta' l-awdituri kollha responsabbli għat-twettiq ta' programm ta' kontroll ta' kwalità; (ċ) attivitajiet ta' kontroll, li jinkludu tipi, għan, kontenut, frekwenza u ffukar ta' eżamijiet uffiċjali ta' sigurtà, spezzjonijiet, servejs u testijiet kif ukoll il-klassifikazzjoni ta' qbil u l-iskop u r-responsabbiltajiet ta' l-investigazzjonijiet kull meta huma applikabbli; (d) attivitajiet ta' riforma fin-nuqqasijiet li jipprovdu dettalji li jikkonċernaw rapport fuq in-nuqqasijiet, follow-up, u riforma sabiex jiġu żgurati b'mod effettiv ir-rekwiżiti għas-sigurtà ta' l-avjazzjoni; (e) miżuri ta' rinfurzar; u (f) komunikazzjonijiet u rapport fuq attivitajiet li twettqu u l-livell ta' rekwiżiti għas-sigurtà ta' l-avjazzjoni. Artikolu 5 Kontroll ta' qbil 1. L-implimentazzjoni tal-programm għas-sigurtà ta' l-avjazzjoni ċivili nazzjonali għandha tiġi kontrollata. 2. Il-kontroll għandu jitwettaq bi qbil mal-programm ta' kontroll ta' kwalità, u għandu jiġi kkunsidrat il-livell ta' theddid, it-tip u n-natura ta' l-operazzjonijiet, l-istandard ta' l-implimentazzjoni, u fatturi oħra li jitolbu iktar kontroll frekwenti. 3. Id-direzzjoni, l-issettjar tal-prijoritajiet u l-organizzazzjoni tal-programm ta' kontroll ta' kwalità għandhom jitwettqu indipendentament mill-miżuri li ttieħdu taħt il-programm għas-sigurtà ta' l-avjazzjoni ċivili nazzjonali. Artikolu 6 Ir-Rapportaġġ 1. Stati Membri għandhom jippreżentaw rapport fis-sena lill-Kummissjoni fuq il-miżuri li ttieħdu sabiex jiġu sodisfatti l-obligazzjonijiet tagħhom taħt dan ir-Regolament u rigward is-sitwazzjoni tas-sigurtà ta' l-avjazzjoni fl-ajruporti allokati fit-territorju tagħhom. Punti ta' gwida sabiex isir rapport huma stabbiliti f'L-Anness 1. 2. Il-perjodu ta' referenza għar-rapport għandu jkun l-1 ta' Jannar-31 ta' Diċembru. Ir-rapport jrid jingħata xahrejn wara li jkun lest il-perjodu ta' referenza. F'eċċezzjoni rapport jista jiġi preżentat sa l-aħħar ta' Frar 2004 għall-perjodu 19 ta' Lulju 2003 sal-31 ta' Diċembru 2003. Il-KAPITLU III METODOLOĠIJA KOMUNI GĦALL-VERIFIKI Artikolu 7 Twettiq tal-verifiki Attivitajiet ta' kontroll għandhom jinkludu kemm attivitajiet imħabbra u kemm dawk li mhumiex. Artikolu 8 Klassifikazzjoni tal-qbil Awdituri ta' sigurtà, spezzjonijiet u testijiet għandhom jassessjaw l-implimentazzjoni tal-programm għas-sigurtà ta' l-avjazzjoni ċivili nazzjonali billi jużaw sistema ta' klassifikazzjoni ta' qbil stabbiliti f'L-Anness II. Il-KAPITLU IV REKWIŻITI KOMUNI GĦALL-AWDITURI Artikolu 9 Disponibbiltà ta' l-awdituri Kull Stat Membru għandu jieħu l-passi xierqa sabiex jiżgura li numru biżżejjed ta' awdituri huwa disponibbli sabiex iwettaq l-attivitajiet ta' kontroll ta' qbil kollha. Artikolu 10 Kriterju ta' kwalifika għall-awdituri 1. Kull Stat Membru għandu jiżgura li l-awdituri li jwettqu funzjonijiet min-naħa ta' awtorità xierqa għandu jkollhom il-kwalifiki xierqa, li għandhom jinkludu biżżejjed esperjenza teoretika u prattika fis-settur relevanti. 2. L-awdituri jrid ikollhom: (a) fehma tajba tal-programm għas-sigurtà ta' l-avjazzjoni ċivili nazzjonali u kif inhu applikat fuq l-operazzjonijiet li jiġu eżaminati; (b) fejn hu xieraq, fehma ta' l-iktar miżuri stretti kif inhu applikabbli fl-Istat Membru konċernat u l-post li għandu jiġi eżaminat; (ċ) fehma tajba ta' ħidma rigward teknoloġija u teknika tas-sigurtà; (d) fehma ta' prinċipji ta' eżami uffiċjali, proċeduri u tekniċi; (e) fehma ta' ħidma ta' l-operazzjonijiet li jiġu eżaminati. Il-KAPITLU V DISPOŻIZZJONIJIET KOMUNI Artikolu 11 Tqassim ta' l-aħjar prattiċi Stati Membri għandhom jinfurmaw lill-Kummissjoni bl-aqwa taħriġ fejn għandu x'jaqsam il-programmi ta' kontroll ta' kwalità, metodoloġija ta' eżami uffiċjali u awdituri. Il-Kummissjoni għandha taqsam din l-informazzjoni ma' Membri Stati oħra. Artikolu 12 Dan ir-Regolament għandu jidħol fis-seħħ fl-20 ġurnata minn wara l-publikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fl-4 ta' Lulju 2003. Lill-Kummissjoni Loyola De Palacio Viċi President [1] OJ L 355, tat-30.12.2002, p. 1. -------------------------------------------------- ANNESS I LINJI GWIDA DWAR RAPPORTAĠĠ LILL-KUMMISSJONI Struttura organizzata, responsabbiltajiet u riżorsi - Modalitajiet ta' l-organizzazzjoni ta' kontroll ta' kwalità, responsabbiltajiet u riżorsi, inlużi ammendi pjanati għall-futur (ara l-Artikolu 4(2)(a)) - Numru ta' awdituri - preżenti u pjanati (ara l-Artikolu 9) - Kwalifikazzjoni ta' l-awdituri - faċilitajiet ta' taħriġ li għandu jintuża u riżorsi (ara l-Artikolu 4(2)(b) u 10) - Spjegazzjoni jekk il-programm ta' kontroll ta' kwalità għal din il-parti mhux se jiġi applikat kollu. Attivitajiet ta' kontroll operazzjonali - L-istatus ta' l-implimentazzjoni ta' l-attivitajiet operazzjonali: tipi, għan, kontenut, frekwenza u focus ta' l-attivitajiet ta' kontroll kollha (ara l-Artikolu 4(2)(c), inkluż in-numru ta' eżamijiet uffiċjali għal kull ajruport u għal kull parti ta' rekwiżiti ta' miżura ta' sigurtà (eż. Kontroll ta' aċċess, protezzjoni għall-ajruplan, hold baggage screening) fejn hu xieraq u possibbli - Proporzjonalita ta' l-attivitajiet operazzjonali ta' kontroll f'relazzjoni mal-field activities (ara l-Artikolu 5(2)) - Livell ta' qbil għal kull parti ta' rekwiżiti ta' sigurtà ta' l-avjazzjoni (eż. Kontroll ta' aċċess, protezzjoni ta' l-ajruplan, hold baggage screening) (ara l-Artikolu 8) - Spjegazzjoni jekk l-attivitajiet operazzjonali ma jiġux applikati bis-sħiħ. Attivitajiet ta' riforma fin-nuqqasijiet - Status ta' l-implimentazzjoni ta' l-attivitajiet ta' riforma fin-nuqqasijiet (ara l-Artikolu 4(2)(d)) - Attenzjoni prinċiparjament fejn għandu x'jaqsam ma' l-implimentazzjoni ta' rekwiżiti tas-sigurtà ta' l-avjazzjoni (eż. Kontroll ta' aċċess, protezzjoni ta' l-ajruplan, hold baggage screening) - Attivitajiet prinċipali mwettqa jew immirati għal riforma (eż. Taħriġ biex ikun hemm iktar għarfien tas-sigurtà, workshops, programmi ta' inċentiv) - Miżuri ta' infurzar li għandu jintużaw (ara l-Artikolu 4(2)(e). Sitwazzjoni tas-sigurtà ta' l-Avjazzjoni fl-ajruporti - Kuntest ġenerali tas-sitwazzjoni tas-sigurtà ta' l-avjazzjoni fl-ajruporti fl-Istat Membru. -------------------------------------------------- ANNESS II Sistema ta' klassifikazzjoni armonizzata ta' qbil. Il-klassifikazzjoni ta' qbil li ġejja għandha tapplika sabiex tassessja l-implimentazzjoni tal-programm għas-sigurtà ta' l-avjazzjoni ċivili nazzjonali. Test ta' spezzjoni ta' eżami uffiċjali ta' sigurtà +++++ TIFF +++++ --------------------------------------------------