EUR-Lex Access to European Union law

Back to EUR-Lex homepage

This document is an excerpt from the EUR-Lex website

Document 31994L0038

Id-Direttiva tal-Kummissjoni 94/38/KE tas-26 ta' Lulju 1994 li temenda l-Annessi Ċ u D tad-Direttiva tal-Kunsill 92/51/KEE dwar it-tieni sistema ġenerali għar-rikonoxximent ta' l-edukazzjoni u t-taħriġ professjonali sabiex tissuplimenta d-Direttiva 89/48/KEE

OJ L 217, 23.8.1994, p. 8–17 (ES, DA, DE, EL, EN, FR, IT, NL, PT)
Special edition in Finnish: Chapter 05 Volume 006 P. 147 - 156
Special edition in Swedish: Chapter 05 Volume 006 P. 147 - 156
Special edition in Czech: Chapter 05 Volume 002 P. 222 - 231
Special edition in Estonian: Chapter 05 Volume 002 P. 222 - 231
Special edition in Latvian: Chapter 05 Volume 002 P. 222 - 231
Special edition in Lithuanian: Chapter 05 Volume 002 P. 222 - 231
Special edition in Hungarian Chapter 05 Volume 002 P. 222 - 231
Special edition in Maltese: Chapter 05 Volume 002 P. 222 - 231
Special edition in Polish: Chapter 05 Volume 002 P. 222 - 231
Special edition in Slovak: Chapter 05 Volume 002 P. 222 - 231
Special edition in Slovene: Chapter 05 Volume 002 P. 222 - 231
Special edition in Bulgarian: Chapter 05 Volume 003 P. 97 - 106
Special edition in Romanian: Chapter 05 Volume 003 P. 97 - 106

Legal status of the document No longer in force, Date of end of validity: 19/10/2007

ELI: http://data.europa.eu/eli/dir/1994/38/oj

31994L0038



Official Journal L 217 , 23/08/1994 P. 0008 - 0017
Finnish special edition: Chapter 5 Volume 6 P. 0147
Swedish special edition: Chapter 5 Volume 6 P. 0147


Id-Direttiva tal-Kummissjoni 94/38/KE

tas-26 ta' Lulju 1994

li temenda l-Annessi Ċ u D tad-Direttiva tal-Kunsill 92/51/KEE dwar it-tieni sistema ġenerali għar-rikonoxximent ta' l-edukazzjoni u t-taħriġ professjonali sabiex tissuplimenta d-Direttiva 89/48/KEE

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 92/51/KEE tat-18 ta' Ġunju 1992 dwar it-tieni sistema ġenerali għar-rikonoxximent ta' l-edukazzjoni u t-taħriġ professjonali sabiex tissuplementa d-Direttiva 89/48/KEE [1], u partikolarment l-Artikolu 15 tagħha,

Billi, meta wieħed jeżamina talba rraġunata għaż-żieda ta' kors ta' l-edukazzjoni jew tat-taħriġ mal-lista fl-Anness Ċ jew D jew għat-tneħħija ta' kors bħal dan minn dawk l-Annessi, il-Kummissjoni, bis-saħħa ta' l-Artikolu 15(2) tad-Direttiva 92/51/KEE, hija meħtieġa li tivverifika partikolarment jekk il-kwalifika li tirriżulta mill-kors tagħtix lid-detentur livell ta' edukazzjoni jew taħriġ professjonali ta' livell għoli ta' paragun mal-kors post-sekondarju li hemm referenza għalih fil-punt (i) tat-tieni subinċiż ta' l-ewwel sottoparagrafu ta' l-Artikolu 1(a), u livell simili ta' responsabbiltà u attività;

Billi l-Gvern Ġermaniż għamel talbiet irraġunati għall-emendar ta' l-Annessi Ċ u D tad-Direttiva u l-Gvern Taljan għamel talba rraġunata għall-emendar ta' l-Anness Ċ;

Billi, partikolarment, ir-referenza għat-titolu professjonali tal-fiżjoterapista ("Krankengymnast(in)") fil-Ġermanja trid tiġi emendata insegwitu ta' bidla fil-liġi nazzjonali li introduċiet titolu professjonali mingħajr, madankollu, ma bidlet l-istruttura ta' l-edukazzjoni u t-taħriġ professjonali;

Billi, partikolarment, il-korsijiet ta' taħriġ li għandhom jiżdiedu mal-lista fl-Anness Ċ fir-rigward tal-Ġermanja għandhom l-istess struttura bħal dawk diġà mniżżla, fir-rigward tal-Ġermanja, l-Italja u l-Lussemburgu, fil-punt 1 ("Korsijiet ta taħriġ paramediku u tal-kura tat-tfal") f'dak l-Anness;

Billi l-Italja biddlet il-korsijiet ta' taħriġ u edukazzjoni tagħha għall-kontabili ("regioniere") u għall-esperti tal-kontabilità ("perito commerciale"), bir-riżultat li dawk il-korsijiet issa jidħlu taħt id-Direttiva tal-Kunsill 89/48/KEE [2]; billi, fil-każ ta' konsulenti tax-xogħol ("consulenti del lavoro"), il-kors ta' l-edukazzjoni u t-taħriġ kopert mid-Direttiva 89/48/KEE issa huwa l-forma prinċipali ta' edukazzjoni u taħriġ għall-professjoni kkonċernata; billi, skond dan, il-korsijiet ta' l-edukazzjoni u t-taħriġ għal dawk iż-żewġ professjonijiet m'għandhomx aktar jibqgħu inklużi fl-Anness Ċ, peress li d-detenturi tal-kwalifiki koperti mid-Direttiva 92/51/KEE jistgħu, permezz ta' l-Artikolu 1(a) tad-Direttiva 89/48/KEE, japplikaw sabiex jiġu ttrattati bl-istess mod;

Billi skond l-Artikolu 2 tad-Direttiva 92/51/KEE id-dispożizzjonijiet ta' dik id-Direttiva m' humiex applikabbli għall-attivitajiet koperti minn xi waħda mid-Direttivi mniżżla fl-Anness tagħha, inklużi d-Direttivi li saru applikabbli għas-segwiment bħala persuna mpjegata ta' l-attivitajiet imniżżla fl-Anness B, anke jekk ċittadin ta' Stat Membru jkun temm wieħed mill-"korsijiet li għandhom struttura speċjali" msemmija fl-Anness D;

Billi, partikolarment, il-korsijiet ta' taħriġ li għandhom jiżdiedu mal-lista fl-Anness D fir-rigward tal-Ġermanja huma simili fl-istruttura għal ċerti korsijiet ta' taħriġ fl-Anness Ċ u invarjabilment fihom tul totali ta' 13 il-sena jew aktar, inklużi t-tliet snin jew aktar ta' taħriġ vokazzjonali;

Billi, skond l-Artikolu 17(2) tad-Direttiva 92/51/KEE u sabiex titkabbar l-effettività tas-sistema ġenerali, dawk l-Istati Membri li l-korsijiet ta' edukazzjoni u taħriġ tagħhom huma mniżżla fl-Anness D għandhom jibagħtu lista tad-diplomi kkonċernati lill-Kummissjoni;

Billi, sabiex l-Annessi jsiru aktar faċli biex jinqraw, il-listi kif emendati għandhom jiġu ppubblikati;

Billi l-miżuri pprovduti f'din id-Direttiva huma skond l-opinjoni mogħtija mill-Kumitat stabbilit mill-Artikolu 15 tad-Direttiva 92/51/KEE,

ADOTTAT DIN ID-DIRETTIVA:

L-Artikolu 1

Permezz ta' dawn l-Annessi Ċ u D għad-Direttiva 92/51/KEE qed jiġu emendati kif jidher fl-Anness I hawnhekk.

L-Artikolu 2

Il-listi emendati tal-korsijiet ta' l-edukazzjoni u t-taħriġ li jidhru fl-Annessi Ċ u D tad-Direttiva 92/51/KEE huma murija fl-Anness II għal din id-Direttiva.

L-Artikolu 3

1. L-Istati Membri għandhom jadottaw il-liġijiet, ir-regolamenti u d-dispożizzjonijiet amministrattivi meħtieġa sabiex huma ikunu konformi ma din id-Direttiva qabel l-1 ta' Ottubru 1987. Huma għandhom jinfurmaw lill-Kummissjoni immedjatament b'dan.

Meta l-Istati Membri jadottaw dawn id-dispożizzjonijiet, dawn għandhom jkun fihom referenza għal din id-Direttiva jew għandhom ikunu akkumpanjati minn din ir-referenza fiż-żmien tal-pubblikazzjoni uffiċjali tagħhom. Il-proċedura għal din ir-referenza għandha tiġi adottata mill-Istati Membri.

2. L-Istati Membri għandhom jikkomunikaw lejn il-Kummissjoni t-test tad-dispożizzjonijiet prinċipali tal-liġi nazzjonali li huma jadottaw fil-qasam irregolat minn din id-Direttiva.

L-Artikolu 4

Din id-Direttiva għandha tidħol fis-seħħ fl-20 ġurnata wara li tkun ippubblikata fil-Ġurnal Uffiċjali tal-Komunitajiet Ewropej.

Magħmula fi Brussel, fis-26 ta' Lulju 1994.

Għall-Kummissjoni

Raniero Vanni d'Archirafi

Membru tal-Kummissjoni

[1] ĠU L 209, ta' l-24.7.1992, p. 25.

[2] ĠU L 19, ta' l-24.1.1989, p. 16.

--------------------------------------------------

L-ANNESS 1

1. L-Anness Ċ qed jiġi emendat kif ġej:

1. Fil-"1. Korsijiet ta' taħriġ paramediku u tal-kura tat-tfal", taħt l-intestatura "Fil-Ġermanja":(a)it-tieni subinċiż huwa emendat biex jaqra:

"— fiżjoterapista ("Krankengymnast(in)/Physiotherapeut(in)" [1];"

(b)is-segwenti subinċiżi huma miżjuda:

"— tekniku tal-laboratorju mediku ("medizinisch-technische(r) Laboratoriums-Assistent(in)"),

— tekniku tar-raġġi-X mediku ("medizinisch-technische(r) Radiologie-Assistent(in)"),

— tekniku tad-dijanjosi medika funzjonali ("medizinisch-technische(r) Assistent(in) fuer Funktionsdiagnostik"),

— tekniku veterinarju ("veterinaermedizinisch-technische(r) Assistent(in)"),

— dietista ("Diaetassistent(in)"),

— tekniku tal-farmaċija ("Pharmazieingenieur") li jkun akwistat qabel il-31 ta' Marzu 1994 f'dik li qabel kienet ir-Repubblika Demokratika tal-Germanja jew fit-territorju tal- Laender il-ġdida,

— infermiera psikjatrika ("Psychiatrische(r) Krankenschwester/Krankenpfleger"),

— speech therapist ("Sprachtherapeut(in)")"

.

2. Fil-"4. Settur tekniku", taħt "Fl-Italja":—it-tielet subinċiż,

"— kontabili ("ragioniere"), u espert tal-kontabilità ("perito commerciale"),"

qed tiġi mħassra,—ir-raba subinċiż,

"— konsulenti tax-xogħol ("consulente del lavoro"),"

qed tiġi mħassra,—is-sitt subinċiż qed tiġi emendata biex tinqara kif ġej:

"— għal- landsurveyors, bit-tkomplija ta' kors ta' taħriġ li jdum mill-inqas sentejn"

.

2. L-Anness D qed jiġi miżjud bis-sezzjoni segwenti:

"Fil-Ġermanja:

is-segwenti korsijiet irregolati,

- korsijiet irregolati ta' preparazzjoni għas-segwiment tal-professjonijiet ta' assistent tekniku ("technische(r) Assistent(in)"), assistent kummerċjali ("kaufmaennische(r) Assistent(in)"), professjonijiet soċjali ("soziale Berufe") u l-professjoni ta' għalliem tar-respirazzjoni u l-elokuzzjoni ċċertifikat mill-Istat ("staatlich gepruefte(r) Atem-, Sprech- und Stimmlehrer(in)"), ta' tul totali ta' mill-inqas 13 il-sena, li jenħtieġu it-tmiem b' suċċess tal-kors sekondarju ta' l-edukazzjoni ("mittlerer Bildungsabschluss") u li fihom:

- mill-inqas tliet snin [2] ta' taħriġ vokazzjonali fi skola speċjalizzata ("Fachschule") li jwasslu għal eżami u, fejn applikabbli, miżjuda b'kors ta' sena jew sentejn ta' speċjalizzazjoni li ukoll iwassal għal eżami,

- jew mill-inqas sentejn u nofs fi skola speċjalizzata ("Fachschule") li jwasslu għal eżami u miżjuda bl-esperjanza fuq ix-xogħol li jdum mhux anqas minn sitt xhur jew kors ta' taħriġ ta' mhux anqas minn sitt xhur fi stabbiliment approvat,

- jew mill-inqas sentejn fi skola speċjalizzata ("Fachschule") li jwasslu għal eżami u miżjuda bl-esperjenza fuq ix-xogħol li jdum mhux anqas minn sena jew kors ta' taħriġ ta' mhux anqas minn sena fi stabbiliment approvat,

- korsijiet irregolati għall-professjonijiet ta' ("staatlich gepruefte(r)") tekniku ("Techniker(in)"), ekonomista kummerċjali ("Betriebswirt(in)"), disinjatur ("Gestalter(in)") u assistent tal-familja ("Familienpfleger(in)") ċċertifikati mill-Istat, ta' tul totali ta' mhux anqas minn 16 il-sena, li bħala prerekwiżit għalihom huwa t-tkomplija b'suċċess ta' skola obbligatorja jew edukazzjoni u taħriġ ekwivalenti (ta' tul ta' mhux anqas minn disa' snin) u t-tkomplija b'suċċess ta' kors fi skola tas-snajja ("Berufsschule") ta' mhux anqas minn tliet snin, u li jkun fihom, mat-tmiem mill-inqas sentejn ta' esperjenza ta' xogħol, bl-edukazzjoni u t-taħriġ full-time li ma jdumux anqas minn sentejn jew edukazzjoni u taħriġ part-time ta' tul ekwivalenti,

- korsijiet irregolati u taħriġ irregolat fis-servizz, ta' tul ta' mhux anqas minn 15 il-sena, li prerekwiżit għalih ikun, ġeneralment, it-tkomplija b'suċċess ta' l-iskola obbligatorja (ta' tul ta' mhux anqas minn disa' snin) u ta' taħriġ vokazzjonali (normalment tliet snin) u li ġeneralment ikun fih mill-inqas sentejn ta' esperjenza ta' xogħol (tliet snin fil-maġġoranza tal-każijiet) u eżami bħala parti mit-taħriġ fis-servizz, li l-preparazzjoni għalih ġeneralment tinvolvi kors ta' taħriġ li jew ikun għaddej fl-istess żmien ma' l-esperjenza tax-xogħol (mill-inqas 1000 siegħa) jew l-attendenza għalih fuq bażi full-time (mill-inqas sena).

L-awtoritajiet Ġermaniżi għandhom jibagħtu lejn il-Kummissjoni u lejn l-Istati Membri l-oħra lista ta' korsijiet ta' taħriġ koperti minn dan l-Anness."

[1] Mill-1 ta' Ġunju 1994, it-titolu professjonali "Krankengymnast(in)" inbidel b'dak ta' "Physiotherapeut(in)". B'danakollu, l-membri tal-professjoni li kisbu d-diplomi tagħhom qabel dik id-data jistgħu, jekk dawn jixtiequ, jkomplu jużaw it-titolu ta' qabel ta' "Krankengymnast(in)".

[2] It-tul minimu jista' jitnaqqas minn tliet snin għal sentejn jekk il-persuna kkonċernata għandha l-kwalifiki meħtieġa sabiex tidħol fl-università ("Abitur"), i.e. 13 il-sena ta' edukazzjoni u taħriġ preċedenti, jew il-kwalifika meħtieġa sabiex wieħed jidħol f'"Fachhochschule" (a "Fachhochschulreife"), i.e. 12-il sena ta' edukazzjoni u taħriġ preċedenti.

--------------------------------------------------

L-ANNESS II

LISTA TA' KORSIJIET LI GĦANDHOM STRUTTURA SPEĊJALI KIF HEMM REFERENZA DWARHOM FIL-PUNT (ii) TAT-TIENI SUBINĊIŻ TA' L-EWWEL SOTTOPARAGRAFU TA' L-ARTIKOLU 1(a)

1. Korsijiet ta' taħriġ paramendiku u tal-kura tat-tfal

It-taħriġ għas-segwenti:

fil-Ġermanja

- infermiera pedjatriċi ("Kinderkrankenschwester/Kinderkrankenpfleger"),

- fiżjoterapista ("Krankengymnast(in)/Physiotherapeut(in)") [1],

- terapista tax-xogħol ("Beschaeftigungs-und Arbeitstherapeut(in)"),

- speech therapist ("Logopaede/Logopaedin"),

- ortopista ("Orthoptist(in)"),

- ħaddiem għall-kura tat-tfal rikonoxxut mill-Istat ("Staatlich anerkannte(r) Erzieher(in)"),

- għalliem rimedjarju rikonoxxut mill-Istat ("Staatlich anerkannte(r) Heilpaedagoge(-in)"),

- tekniku tal-laboratorju mediku ("medizinisch-technische(r) Laboratoriums-Assistent(in)"),

- tekniku mediku tar-raġġi-X ("medizinisch-technische(r) Radiologie-Assistent(in)"),

- tekniku tad-dijanjosi medika funzjonali ("medizinisch-technische(r) Assistent(in) fuer Funktionsdiagnostik"),

- tekniku veterinarju ("veterinaermedizinisch-technische(r) Assistent(in)"),

- dietista ("Diaetassistent(in)"),

- tekniku tal-farmaċija ("Pharmazieingenieur") akwistat qabel il-31 ta' Marzu 1994 f'dik li qabel kienet ir-Repubblika Demokratika tal-Germanja jew fit-territorju tal- Laenderil-ġdid,

- infermiera psikjatrika ("Psychiatrische(r) Krankenschwester/Krankenpfleger"),

- speech therapist ("Sprachtherapeut(in)"),

fl-Italja

- dental technician ("odontotecnico"),

- ottiku ("ottico"),

- kiropodista ("podologo"),

fil-Lussemburgu

- tekniku mediku tar-raġġi-X (assistant(e) technique médical(e) en radiologie),

- tekniku tal-laboratorju kimiku (assistant(e) technique médical(e) de laboratoire),

- infermiera psikjatrika (infirmier/ière psychiatrique),

- tekniku mediku — operazzjonijiet (assistant(e) technique médical(e) en chirurgie),

- infermiera pedjatrika (infirmier/ière puériculteur/trice),

- infermiera — anestesista (infirmier/ière anesthésiste),

- masseur ikkwalifikat (masseur/euse diplômé(e)),

- ħaddiem għall-kura tat-tfal (éducateur/trice),

li jirrappreżentaw korsijiet ta' l-edukazzjoni u t-taħriġ ta' tul totali ta' mill-inqas tlettax-il sena li jkun fihom:

- jew mill-inqas tliet snin ta' taħriġ vokazzjonali fi skola speċjalizzata li jwassal għal eżami, f'xi kasijiet miżjuda b'kors ta' sena jew sentejn ta' speċjalizzazzjoni li jwassal għal eżami,

- jew mill-inqas sentejn u nofs ta' taħriġ vokazzjonali fi skola speċjalizzata li jwassal għal eżami u miżjuda bl-esperjenza fuq ix-xogħol ta' mhux anqas minn sitt xhur jew kors ta' taħriġ ta' mhux anqas minn sitt xhur fi stabbiliment approvat,

- jew mill-inqas sentejn ta' taħriġ vokazzjonali fi skola speċjalizzata li jwassal għal eżami u miżjuda bl-esperjenza fuq ix-xogħol ta' mhux anqas minn sena jew kors ta' taħriġ ta' mhux anqas minn sena fi stabbiliment approvat,

2. Is-settur ta' l-imgħallem tas-sengħa ("Mester"/"Meister"/"Maître"), li jirrappreżenta l-korsijiet ta' l-edukazzjoni u t-taħriġ fir-rigward ta' abilitajiet mhux koperti mid-Direttivi mniżżla fl-Anness A

It-taħriġ għas-segwenti:

fid-Danimarka

- ottiku ("optometrist"),

dan il-kors huwa ta' tul totali ta' 14 il-sena, inklużi l-ħames snin ta' taħriġ vokazzjonali mqassma f'sentejn u nofs ta' taħriġ teoretiku pprovduti mill-istabbiliment tat-taħriġ vokazzjonali u sentejn u nofs taħriġ prattiku miksub fuq il-post tax-xogħol, u li jwassal għal eżami rikonoxxut fir-rigward ta' dik is-sengħa u li jagħti d-dritt ta' l-użu tat-titolu ta' "Mester",

- tekniku ortopediku ("ortopaedimekaniker"),

dan il-kors huwa ta' tul totali ta' 12,5 il-sena, inklużi t-tliet snin u nofs ta' taħriġ vokazzjonali mqassma f'sitt xhur ta' taħriġ teoretiku pprovduti mill-istabbiliment tat-taħriġ vokazzjonali u tliettsnin ta' taħriġ prattiku miksub fuq il-post tax-xogħol, u li jwassal għal eżami rikonoxxut fir-rigward ta' dik is-sengħa u li jagħti d-dritt ta' l-użu tat-titolu ta' "Mester",

- skarpan tal-istivali u ż-żraben ortopediċi ("ortopaediskomager"),

dan il-kors huwa ta' tul totali ta' 13,5 il-sena, inklużi l-erba snin u nofs ta' taħriġ vokazzjonali mqassma f' sentejn taħriġ teoretiku pprovduti mill-istabbiliment tat-taħriġ vokazzjonali u sentejn u nofs taħriġ prattiku miksub fuq il-post tax-xogħol, u li jwassal għal eżami rikonoxxut fir-rigward ta' dik is-sengħa u li jagħti d-dritt ta' l-użu tat-titolu ta' "Mester".

It-taħriġ għas-segwenti:

fil-Ġermanja

- ottiku ("Augenoptiker"),

- dental technician ("Zahntechniker"),

- surgical truss maker ("Bandagist"),

- manifattur tal- hearing-aids ("Hoergeraete-Akustiker"),

- tekniku ortopediku ("Orthopaediemechaniker"),

- skarpan ta' l-istivali ortopediċi ("Orthopaedieschuhmacher"),

fil-Lussemburgu

- optician ("opticien"),

- dental technician ("mécanicien dentaire"),

- manifattur tal- hearing-aids ("audioprothésiste"),

- tekniku ortopediku/ surgical truss maker ("mécanicien orthopédiste/bandagiste"),

- skarpan ta' l-istivali ortopediċi ("orthopédiste-cordonnier").

Dawn il-korsijiet huma ta' tul totali ta' 14-il-sena, inklużi mill-inqas ħames snin ta' taħriġ segwiti ġewwa struttura ta' taħriġ strutturata, parzjalment miksuba fuq il-post tax-xogħol u l-parzjament miksuba mill-istabbiliment tat-taħriġ vokazzjonali, u li jwassal għal eżami li minnu wieħed irid jgħaddi sabiex jipprattika kull attività kkunsidrata bħala tas-sengħa/ta' ħila jew independentement jew bħala impjegat b'livell ta' responsabilità komparabbli.

3. Is-settur tat-tbaħħir

(a) Trasport bil-baħar

It-taħriġ għas-segwenti:

fid-Danimarka

- kaptan tal-vapur ("skibsfoerer"),

- uffiċjal ewlieni ("overstyrmand"),

- quartermaster, uffiċjal tal-gverta ("enestyrmand, vagthavende styrmand"),

- uffiċjal tal-gverta ("vagthavende styrmand"),

- inġinier ("maskinchef"),

- l-inġinier ewlieni ("1. maskinmester"),

- l-inġinier ewlieni/inġinier tar-ronda ("1. maskinmester/vagthavende maskinmester"),

fil-Ġermanja

- kaptan, bastiment kbir kostali ("Kapitaen AM"),

- kaptan, bastiment kostali ("Kapitaen AK"),

- uffiċjal tal-gverta, bastiment kbir kostali ("Nautischer Schiffsoffizier AMW"),

- uffiċjal tal-gverta, bastiment kostali ("Nautischer Schiffsoffizier AKW"),

- kap inġinier, grad Ċ ("Schiffsbetriebstechniker CT — Leiter von Maschinenanlagen"),

- il-mekkaniku tal-vapur, grad Ċ ("Schiffsmaschinist CMa — Leiter von Maschinenanlagen"),

- l-inġinier tal-vapur, grad Ċ ("Schiffsbetriebstechniker CTW"),

- il-mekkaniku tal-vapur, grad Ċ — uffiċjal waħdieni ta inġinerija ("Schiffsmaschinist CMaW — Technischer Alleinoffizier"),

fl-Italja

- uffiċjal tal-gverta ("ufficiale di coperta"),

- uffiċjal ta l-inġinerija ("ufficiale di macchina"),

fl-Olanda

- l-uffiċjal ewlieni (bastiment kostali) (b taħriġ addizzjonali) ("stuurman kleine handelsvaart (met aanvulling)"),

- inġinier ta' bastiment kostali (b'diploma) ("diploma motordrijver"),

li jirrappreżentaw taħriġ:

- fid-Danimarka, ta' disa' snin ta' skola primarja segwita minn kors ta' taħriġ bażiku u/jew servizz fuq il-baħar ta' bejn 17 u 36 xahar, issuplementati minn:

- għall-uffiċjali tal-gverta, sena ta' taħriġ vokazzjonali speċjalizzat,

- għall-oħrajn, tlett snin ta' taħriġ vokazzjonali speċjalizzat,

- fil-Ġermanja, ta' tul totali ta' bejn 14 u 18 il-sena, inkluż kors ta' tliet snin ta' taħriġ vokazzjonali bażiku u sena ta' servizz fuq il-baħar, segwiti minn sena jew sentejn ta' taħriġ vokazzjonali speċjalizzat, miżjuda, fejn xieraq, b'sentejn esperjenza ta' xogħol fin-navigazzjoni,

- fl-Italja, ta' tul totali ta' 13-il sena, li minnhom mill-inqas ħames snin jikkonsistu minn taħriġ professjonali li jwassal għal eżami u li huma miżjuda, fejn xieraq, minn kors ta' taħriġ,

- fl-Olanda, li jinvolvi kors ta'14 il-sena, li mill-inqas sentejn minnu iseħħu fi stabbiliment ta' taħriġ vokazzjonali speċjalizzat, miżjuda b'kors ta' taħriġ ta' tnax-il-xahar,

u li huma rikonoxxuti taħt il-Konvenzjoni Internazzjonali STCW (Konvenzjoni Internazzjonali dwar l- Istandards tat-Taħriġ, Iċ-ċertifikar u l-Għassa għall-Baħħara, 1978).

(b) Sajd fuq il-baħar

It-taħriġ għas-segwenti:

fil-Ġermanja

- kaptan, sajd fil-baħar fond ("Kapitaen BG/Fischerei"),

- kaptan, sajd mal-kosta ("Kapitaen BK/Fischerei"),

- uffiċjal tal-gverta, bastiment għall-baħar fond ("Nautischer Schiffsoffizier BGW/Fischerei"),

- uffiċjal tal-gverta, bastiment tat-tbaħħir mal-kosta ("Nautischer Schiffsoffizier BKW/Fischerei"),

fl-Olanda

- l-uffiċjal ewlieni/inġinier V ("stuurman werktuigkundige V"),

- inġinier IV (bastiment tas-sajd) ("werktuigkundige IV visvaart"),

- l-ufficjal ewlieni IV (bastiment tas-sajd) ("stuurman IV visvaart"),

- l-uffiċjal ewlieni/inġinier VI ("stuurman werktuigkundige VI"),

li jirrappreżentaw taħriġ:

- fil-Ġermanja, ta' tul totali ta' bejn 14 u 18 il-sena, inkluż kors ta' tliet snin ta' taħriġ vokazzjonali bażiku u sena ta' servizz fuq il-baħar, segwiti minn sena jew sentejn ta' taħriġ vokazzjonali speċjalizzat, miżjuda, fejn xieraq, b'sentejn esperjenza ta' xogħol fin-navigazzjoni,

- fl-Olanda, li jinvolvi kors li jvarja fit-tul bejn it-13 u l-14 il-sena, li mill-inqas sentejn minnu jiġu pprovduti fi skola ta' taħriġ vokazzjonali speċjalizzat, miżjuda b'perjodu ta' tnax il-xahar ta' esperjenza fuq ix-xogħol,

u li huwa rikonoxxut taħt il-Konvenzjoni Terrimolinos (Konvenzjoni Internazjonali għas-Sigurta tal-Bastimenti tas-Sajd - 1977).

4. Settur tekniku

It-taħriġ għas-segwenti:

fl-Italja

- surveyor tal-bini ("geometra"),

- land surveyor ("perito agrario"),

li jirrapreżentaw korsijiet tekniċi sekondarji ta' tul totali ta' mill-inqas 13 il-sena, li fihom tmien snin ta skola obbligatorja segwiti minn ħames snin ta' studji sekondarji, inkluzi tliet snin ta' taħriġ vokazzjonali, li jwasslu għall-eżami tal-Baċellerat Tekniku, u miżjuda

- għall- buildingsurveyors minn: jew kors ta' taħriġ li jdum mill-inqas sentejn f'uffiċċju professjonali, jew ħames snin ta' esperjenza fuq ix-xogħol,

- għall- landsurveyors, bit-tkomplija ta' kors ta' taħriġ li jdum mill-inqas sentejn, segwit mill-eżami ta' l-Istat.

It-taħriġ għas-segwenti:

fl-Olanda

- marixxal tal-qorti ("gerechtsdeurwaarder"),

li jirrapreżenta kors ta' studju u taħriġ vokazzjonali ta' tul totali ta' 19 il-sena, li fihom tmien snin ta' skola obbligatorja segwiti minn tmien snin ta' edukazzjoni sekondarja inkluzi erba' snin ta' edukazzjoni teknika li jwasslu għal eżami ta' l-Istat u miżjuda minn tliet snin ta' taħriġ vokazzjonali teoretiku u prattiku.

5. Korsijiet tar-Renju Unit akkreditati bħala kwalifiki vokazzjonali nazzjonali jew kwalifiki vokazzjonali Skoċċiżi

Taħriġ għal:

- uffiċjal xjentifiku tal-laboratorju mediku,

- inġinier ta' l-elettriku għall-minjieri,

- inġinier mekkaniku tal-minjieri,

- assistent soċjali approvat — saħħa mentali,

- uffiċjal tal-libertà kondizzjonata ( probationofficer),

- terapista dentali,

- iġjenista dentali,

- ottiku bejjiegħ,

- deputat tal-minieri,

- prattikant tal-falliment,

- convenyancer liċenzjat,

- prostetista,

- l-uffiċjal ewlieni — vapuri tal-merkanzija/passiġġieri — mingħajr restrizzjoni,

- it-tieni uffiċjal — vapuri tal-merkanzija/passiġġieri — mingħajr restrizzjoni,

- it-tielet uffiċjal — vapuri tal-merkanzija/passiġġieri — mingħajr restrizzjoni,

- uffiċjal tal-gverta — vapuri tal-merkanzija/passiġġieri — mingħajr restrizzjoni,

- uffiċjal inġinier — vapuri tal-merkanzija/passiġġieri — mingħajr restrizzjoni ta' żoni,

- aġent tat- trade marks,

li jwasslu għal kwalifiki akkreditati bħala Kwalifiki Nazzjonali Vokazzjonali (KNV) jew approvati jew rikonoxxuti bħala ekwivalenti mill-Kunsill Nazzjonali għall-Kwalifiki Vokazzjonali jew, fl-Iskozja, akkreditati bħala Kwalifiki Vokazzjonali Skoċċiżi, fil-livelli 3 u 4 fl-Istruttura Nazzjonali tal-Kwalifiki Vokazzjonali tar-Renju Unit.

Dawn il-livelli huma definiti kif ġej:

livell 3 : kompetenza f'medda wiesgħa ta' attivitajiet ta' xogħol imwettaq f'varjetà wiesgħa ta' kuntesti u li l-maġġorparti tagħhom huma kumplessi u mhux ta' rutina. Hemm responsabbiltà u awtonomija kunsiderevoli, u l-kontroll u l-iggwidar ta' l-oħrajn huwa meħtieġ ta' sikwit,

livell 4 : kompetenza f'medda wiesgħa ta' attivitajiet ta' xogħol kumplessiv tekniku jew professjonali mwettqa f'varjetà wiesgħa ta' kuntesti u bi grad sostanzjali ta' resposabiltà u awtonomija personali. Responsabiltà għax-xogħol ta' l-oħrajn u l-allokazzjoni tar-riżorsi hija preżenti ta' sikwit.

LISTA TA' KORSIJIET LI GĦANDHOM STRUTTURA SPEĊJALI KIF HEMM REFERENZA GĦALIHA FIT-TIELET SUBINĊIZ TAL-PUNT (b) TA' L-EWWEL SOTTOPARAGRAFU TA' L-ARTIKOLU 3

Fir-Renju Unit

Korsijiet irregolati li jwasslu għal kwalifiki akkreditati bħala Kwalifiki Nazzjonali Vokazzjonali (KNV) mill-Kunsill Nazzjonali għall-Kwalifiki Vokazzjonali jew, fl-Iskozja, akkreditati bħala Kwalifiki Vokazzjonali Skoċċiżi, fil-livelli 3 u 4 fl-Istruttura Nazzjonali tal-Kwalifiki Vokazzjonali tar-Renju Unit.

Dawn il-livelli qed jiġu definiti kif ġej:

livell 3 : kompetenza f'medda vasta ta' attivitajiet ta' xogħol imwettqa f' varjetà wiesgħa ta' kuntesti u li l-maġġorparti tagħhom huma kumplessi u mhux ta' rutina. Hemm responsabbiltà u awtonomija konsiderevoli, u l-kontroll u l-iggwidar ta' l-oħrajn huwa meħtieġ ta' sikwit,

livell 4 : kompetenza f'medda vasta ta' attivitajiet ta' xogħol kumplessiv tekniku jew professjonali mwettqa f'varjetà wiesgħa ta' kuntesti u bi grad sostanzjali ta' responsabilità u awtonomija personali. Responsabiltà għax-xogħol ta' l-oħrajn u l-allokazzjoni tar-riżorsi hija preżenti ta' sikwit.

Fil-Ġermanja

Is-segwenti korsijiet irregolati,

- korsijiet irregolati ta' preparazzjoni għat-twettiq tal-professjonijiet ta' assistent tekniku ("technisch(r) Assistent(in)"), assistent kummerċjali ("kaufmaennisch(r) Assistent(in)"), professjonijiet soċjali ("soziale Berufe") u l-professjoni ta' għalliem tar-respirazzjoni u l-elokuzzjoni ċertifikat mill-Istat ("staatlich gepruefte(r) Atem-, Sprech- und Stimmlehrer(in)"), ta' tul totali ta' mill-inqas 13 il-sena, li jenħtieġu t-tmiem b'suċċess tal-kors sekondarju ta' edukazzjoni ("mittlerer Bildungsabschluss") u li fihom:

- mill-inqas tliet snin [2] ta' taħriġ vokazzjonali fi skola speċjalizzata ("Fachschule") li jwasslu għal eżami u, fejn applikabbli, miżjuda b'kors ta' sena jew sentejn ta' speċjalizzazzjoni li ukoll iwassal għal eżami,

- jew mill-inqas sentejn u nofs fi skola speċjalizzata ("Fachschule") li jwasslu għal eżami u miżjuda bl-esperjanza fuq ix-xogħol li jdum mhux anqas minn sitt xhur jew kors ta' taħriġ ta' mhux anqas minn sitt xhur fi stabbiliment approvat,

- jew mill-inqas sentejn fi skola speċjalizzata ("Fachschule") li jwasslu għal eżami u miżjuda bl-esperjanza fuq ix-xogħol li jdum mhux anqas minn sena jew kors ta' taħriġ ta' mhux anqas minn sena fi stabbiliment approvat,

- Korsijiet irregolati għall-professjonijiet ta' ("staatlich gepruefte(r)") tekniku ("Techniker(in)"), ekonomista kummerċjali ("Betriebswirt(in)"), disinjatur ("Gestalter(in)") u assistent tal-familja ("Familienpfleger(in)") ċertifikati mill-Istat, ta' tul totali ta' mhux anqas minn 16-il sena, li bħala prerekwiżit għalihom jenħtieġu t-tkomplija b'suċċess ta' attendenza fi skola obbligatorja jew edukazzjoni u taħriġ ekwivalenti (ta' tul ta' mhux anqas minn disa' snin) u t-tkomplija b'suċċess ta' kors fi skola tas-snajja' ("Berufsschule") ta' mhux anqas minn tliet snin, u li jkun fihom, mat-tmiem, mill-inqas sentejn ta' esperjenza ta' xogħol, edukazzjoni u taħriġ full-time li ma jdumux anqas minn sentejn jew edukazzjoni u taħriġ part-time ta' dewmien ekwivalenti,

- Korsijiet irregolati u taħriġ irregolat fis-servizz, ta' tul ta' mhux anqas minn 15-il sena, li bħala prerekwiżit għalih ikun, ġeneralment, it-tkomplija b'suċċess ta' l-iskola obbligatorja (ta' tul ta' mhux anqas minn disa' snin) u tat-taħriġ vokazzjonali (normalment tliet snin) u li ġeneralment ikun fih mill-inqas sentejn ta' esperjenza ta' xogħol (tliet snin fil-maġġoranza tal-kasijiet) u eżami fil-kuntest tat-taħriġ fis-servizz, li l-preparazzjoni għalih ġeneralment tinvolvi kors ta' taħriġ li jew ikun għaddej kontemporanjament ma' l-esperjenza tax-xogħol (mill-inqas 1000 siegħa) jew t/jattendi għalih fuq bażi full-time (mill-inqas sena)

L-awtoritajiet Ġermaniżi għandhom jibagħtu lill-Kummissjoni u lill-Istati Membri l-oħra lista ta' korsijiet ta' taħriġ koperti minn dan l-Anness.

[1] Sa mill-1 ta' Ġunju 1994 it-titolu professjonali "Krankengymnast(in)" ġie mibdul minn dak ta' "Physiotherapeut(in)". b'danakollu, il-membri tal-professjoni li kisbu d-diplomi tagħhom qabel din id-data jistgħu, jekk dawn jixtiequ, jkomplu jużaw it-titolu ta' qabel ta' "Krankengymnast(in)"

[2] It-tul minimu jista' jitnaqqas minn tliet snin għal sentejn jekk il-persuna kkonċernata għandha l-kwalifiki meħtieġa sabiex tidħol fl-università ("Abitur"), i.e. 13 il-sena ta' edukazzjoni u taħriġ preċedenti, jew il-kwalifika meħtieġa sabiex wieħed jidħol f'"Fachhochschule" (a "Fachhochschulreife"), i.e. 12-il sena ta' edukazzjoni u taħriġ preċedenti.

--------------------------------------------------

Top