EUR-Lex Access to European Union law
This document is an excerpt from the EUR-Lex website
Document 31980R3513
Commission Regulation (EEC) No 3513/80 of 23 December 1980 derogating in respect of the countries which have signed the Cartagena Agreement (Andean Group) from Articles 1, 6 and 12 of Commission Regulation (EEC) No 3510/80 of 23 December 1980 on the definition of the concept of originating products for purposes of the application of tariff preferences granted by the European Economic Community in respect of certain products from developing countries
Ir-Regolament tal-Kummissjoni (KEE) Nru 3513/80 tat-23 ta' Diċembru 1980 li jidderoga dwar il-pajjiżi li ffirmaw il-Ftehim ta' Kartaġena (il-grupp Andean) minn Artikoli 1, 6 u 12 tar-Regolament tal-Kummissjoni (KEE) Nru 3510/80 tat-23 ta' Diċembru 1980 dwar id-definizzjoni tal-kunċett tal-prodotti ta' oriġini għall-iskopijiet ta' l-applikazzjoni tal-preferenzi tat-tariffa mogħtija mill-Komunità Ekonomika Ewropea dwar ċerti prodotti mill-pajjiżi li qed jiżviluppaw
Ir-Regolament tal-Kummissjoni (KEE) Nru 3513/80 tat-23 ta' Diċembru 1980 li jidderoga dwar il-pajjiżi li ffirmaw il-Ftehim ta' Kartaġena (il-grupp Andean) minn Artikoli 1, 6 u 12 tar-Regolament tal-Kummissjoni (KEE) Nru 3510/80 tat-23 ta' Diċembru 1980 dwar id-definizzjoni tal-kunċett tal-prodotti ta' oriġini għall-iskopijiet ta' l-applikazzjoni tal-preferenzi tat-tariffa mogħtija mill-Komunità Ekonomika Ewropea dwar ċerti prodotti mill-pajjiżi li qed jiżviluppaw
OJ L 368, 31.12.1980, p. 63–65
(DA, DE, EN, FR, IT, NL)
Greek special edition: Chapter 02 Volume 012 P. 229 - 231
Special edition in Czech: Chapter 02 Volume 001 P. 375 - 378
Special edition in Estonian: Chapter 02 Volume 001 P. 375 - 378
Special edition in Latvian: Chapter 02 Volume 001 P. 375 - 378
Special edition in Lithuanian: Chapter 02 Volume 001 P. 375 - 378
Special edition in Hungarian Chapter 02 Volume 001 P. 375 - 378
Special edition in Maltese: Chapter 02 Volume 001 P. 375 - 378
Special edition in Polish: Chapter 02 Volume 001 P. 375 - 378
Special edition in Slovak: Chapter 02 Volume 001 P. 375 - 378
Special edition in Slovene: Chapter 02 Volume 001 P. 375 - 378
Special edition in Bulgarian: Chapter 02 Volume 002 P. 82 - 85
Special edition in Romanian: Chapter 02 Volume 002 P. 82 - 85
Special edition in Croatian: Chapter 02 Volume 005 P. 92 - 94
In force
Relation | Act | Comment | Subdivision concerned | From | To |
---|---|---|---|---|---|
Derogation | 31980R3510 | Deroga | artikolu 1 | 01/01/1981 | |
Derogation | 31980R3510 | Deroga | artikolu 6 | 01/01/1981 |
Relation | Act | Comment | Subdivision concerned | From | To |
---|---|---|---|---|---|
Corrected by | 31980R3513R(01) | (HU) |
Official Journal L 368 , 31/12/1980 P. 0063 - 0065
Greek special edition: Chapter 02 Volume 12 P. 0229
Ir-Regolament tal-Kummissjoni (KEE) Nru 3513/80 tat-23 ta' Diċembru 1980 li jidderoga dwar il-pajjiżi li ffirmaw il-Ftehim ta' Kartaġena (il-grupp Andean) minn Artikoli 1, 6 u 12 tar-Regolament tal-Kummissjoni (KEE) Nru 3510/80 tat-23 ta' Diċembru 1980 dwar id-definizzjoni tal-kunċett tal-prodotti ta' oriġini għall-iskopijiet ta' l-applikazzjoni tal-preferenzi tat-tariffa mogħtija mill-Komunità Ekonomika Ewropea dwar ċerti prodotti mill-pajjiżi li qed jiżviluppaw IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ekonomika Ewropea, Billi, għall-iskopijiet ta' l-implimentazzjoni tad-dispożizzjonijiet tal-preferenzi tat-tariffa mogħtija mill-Komunità għal ċerti prodotti li joriġinaw f'pajjiżi li qed jiżviluppaw, ir-regoli ta' oriġini huma bir-Regolament tal-Kummissjoni (KEE) Nru 3510/80 [1], minn issa 'l quddiem imsejjaħ ir-"Regolament Bażiku", stipulati dwar il-kundizzjonijiet li bihom il-prodotti jakkwistaw l-istat ta' prodotti ta' oriġini u l-mezz ta' evidenza u l-verifika ta' l-istat tagħhom; Billi skond il-Ftehim ta' Kartaġena (il-Grupp Andrean) ko-operazzjoni ekonomika mill-viċin kienet stabbilita bejn il-Bolivja, il-Kolombja, l-Ekwador, il-Peru u l-Venezwela (minn issa 'l quddiem imsejħa l-pajjiżi tal-Grupp Andean); billi d-dispożizzjoni relattivi għall-akkwist ta' l-istat tal-prodotti ta' oriġini stipulati f'Artikolu 1 tar-Regolament Bażiku jistgħu, bl-adattamenti li hemm bżonn, jgħinu jiffaċilitaw din il-ko-operazzjoni u jinkoraġġixxu l-użu f'pajjiż wieħed tal-Grupp Andean tal-prodotti li joriġinaw f'pajjiż ieħor tal-istess Grupp; billi l-imsemmija dispożizzjonijiet għandhom b'hekk ikunu emendati u regoli speċjali dwar il-mezz ta' evidenza u verifika ta' l-istat tal-prodotti ta' oriġini għandhom jiġu stipulati; billi għal dan l-għan hemm bżonn ikun provdut għat-talbiet għal verifika li jkunu ċentraliżżati ma' korp amministrattiv magħqud tal-grupp imsemmi qabel; Billi l-miżuri provduti f'dan ir-Regolament huma b'mod konformi ma' l-opinjoni tal-Kumitat ta' Oriġini, ADOTTAT DAN IR-REGOLAMENT: Artikolu 1 1. Minkejja d-dispożizzjonijiet ta' Artikolu 1 tar-Regolament Bażiku, għandhom ukoll ikunu kunsidrati bħala prodotti li joriġinaw fil-Bolivja, il-Kolombja, l-Ekwador, il-Peru jew il-Venezwela (minn issa ‘l quddiem imsejħa l-pajjiżi tal-Grupp Andean) dawk il-prodotti li skond dawk id-dispożizzjonijiet akkwistaw f'wieħed minn dawk il-pajjiżi l-istat ta' prodotti ta' oriġini u li wara li kienu esportati minn dak il-pajjiż m'għaddewx minn xi ħidma jew proċessar f'xi pajjiż ieħor tal-Grupp Andean jew m'għaddewx minn ħidma jew proċessar biżżejjed f'xi tali pajjiż ieħor li jingħatalhom bis-saħħa tat-tali dispożizzjonijiet l-istat tal-prodotti li joriġinaw f'dak il-pajjiż l-ieħor, sakemm: (a) il-prodotti biss li joriġinaw f'pajjiż tal-Grupp Andean intużaw matul it-tali ħidma jew proċessar; (b) fejn regola ta' perċentwali tillimita, fil-listi A u B riferuti f'Artikolu 3 tar-Regolament riferut hawn fuq, il-proporzjon fil-valur tal-prodotti mhux ta' oriġini li jistgħu jkunu nkorporati f'ċerti ċirkostanzi, il-valur miżjud kien akkwistat f'kull wieħed mill-pajjiżi skond it-tali regola tal-perċentwali u bir-regoli l-oħra li hemm fl-imsemmija listi mingħajr possibilta' ta' ġbir minn pajjiż wieħed għall-ieħor. 2. Għall-iskopijiet tal-paragrafu 1 (a), il-fatt li prodotti għajr dawk riferuti fih intużaw fil-proporzjoni li ma jaqbiżx il-valur totali 5 % tal-valur tal-prodotti miksuba u importati fil-Komunità m'għandhomx jaffettwaw id-determinazzjoni ta' l-oriġini tal-prodotti ta' l-aħħar, sakemm il-prodotti li ntużaw hekk ma jikkawżawx li t-tali prodotti ta' l-aħħar m jitilfux l-istat tal-prodotti li joriġinaw f'pajjiż tal-Grupp Andean li minnu kienu esportati l-ewwel darba, kieku l-prodotti li ntużaw kienu nkorporati f'dak l-ewwel pajjiż. 3. Fil-każijiet riferuti fil-paragrafu 1 (b) l-ebda prodott mhux ta' oriġini ma jista' jkun inkorporat jekk jgħaddi biss minn ħidma jew ipproċessar kif speċifikat f'Artikolu 3(2) tar-Regolament Bażiku. 4. Minkejja d-dispożizzjonijiet tal-paragrafu 1 u sakemm il-kondizzjonijiet kollha mniżżla f'dak il-paragrafu huma xorta waħda mħarsa, il-prodotti miksub ma jkomplux ikunu meqjusa bħala prodotti li joriġinaw fl-ewwel pajjiż tal-Grupp Andean ta' l-esportazzjoni jekk il-valur tal-prodotti maħduma jew proċessati f'dak il-pajjiż ma jirrappreżentax l-ogħla perċentwali tal-valur tal-prodotti miksuba. Jekk dan ma jkunx hekk, il-prodotti ta' l-aħħar jitqiesu bħala li oriġinaw fil-pajjiż tal-Grupp Andean fejn il-valur miżjud miksub jirrapreżenta l-ogħla perċentwali tal-valur tagħhom. Artikolu 2 1. Għall-iskopijiet ta' l-implimentazzjoni tad-dispożizzjonijiet ta' Artikolu 1, id-dispożizzjonijiet ta' Artikolu 4 tar-Regolament Bażiku għandhom jgħoddu. 2. F'Artikolu 1(1)(b) u (4), "il-valur miżjud" ifisser id-differenza bejn il-prezz tax-xogħlijiet ta' qabel ta' l-oġġetti miksuba, imnaqqas bit-taxxi interni li ngħataw lura jew huma dovuti lura ma' l-esportazzjoni mill-pajjiż konċernat, u l-valur tad-dwana tal-prodotti kollha importati u maħduma jew proċessati f'dak il-pajjiż. Artikolu 3 1. Għall-iskopijiet ta' Artikolu 1, evidenza ta' l-istat bħala prodotti ta' oriġini fis-sens ta' Artikolu 1 tar-Regolament Bażiku, fil-każ tal-prodotti miksuba f'pajjiż wieħed tal-Grupp Andean u esportat lejn pajjiż ieħor tal-Grupp Andean, tkun stabbilità bil-produzzjoni ta' ċertifikat ta' oriġini forma A, li kampjun tiegħu jingħata fl-Anness tar-Regolament Bażiku. Dan iċ-ċertifikat jinħareġ mill-awtoritajiet kompetenti tal-gvern tal-pajjiż ta' l-esportazzjoni biex joħorġu ċertifikati ta' oriġini għall-iskopijiet tar-Regolament Bażiku. 2. Għall-iskopijiet ta' Artikolu 1, evidenza ta' l-istat bħala prodotti ta' oriġini fis-sens ta' dak l-Artikolu, fil-każ tal-prodotti li kemm baqgħu f'wieħed mill-pajjiżi tal-Grupp Andean jew għaddew mill-ebda ipproċessar barra dak speċifikat f'dak l-Artikolu jew kienu esportati minn dak il-pajjiż lejn pajjiż ieħor tal-Grupp Andean, tkun stabbilità bil-produzzjoni ta' ċertifikat kif riferut fil-paragrafu 1 maħruġ kif provdut f'dak il-paragrafu fuq il-bażi taċ-ċertifikati ta' oriġini forma A li nħareġ qabel. Artikolu 4 Minkejja d-dispożizzjonijiet ta' Artikolu 6 tar-Regolament Bażiku, il-prodotti msemmija f'Artikolu 1 ma' l-importazzjoni fil-Komunità għandhom jibbenefikaw mid-dispożizzjonijiet tal-preferenzi tat-tariffa riferuti f'dak l-Artikolu mal-produzzjoni ta' ċertifikat ta' oriġini forma A maħruġ, fuq il-bażi taċ-ċertifikati ta' oriġini forma A maħruġ qabel, mill-awtorità tal-pajjiż tal-Grupp Andean minn fejn il-prodotti huma esportati lejn il-Komunità. Artikolu 5 Iċ-ċertifikati riferuti f'Artikoli 3 u 4 irid ikun fihom: - fil-kaxxa 4 "għall-użu uffiċjali" l-isem tal-pajjiż tal-Grupp Andean minfejn joriġinaw l-oġġetti flimkien ma’ waħda minn dawn il-frażi li ġejjin: "CUMUL GROUPE ANDIN" "CUMULATION ANDEAN GROUP" - fil-kaxxa 12 "dikjarazzjoni mill-esportatur" dikjarazzjoni dwar il-fatt li l-prodotti jissodisfaw il-kondizzjonijiet ta' oriġini meħtieġ mis-sistema ġeneraliżżata tal-preferenzi sabiex ikunu esportati lejn il-Komunità Ekonomika Ewropea. Artikolu 6 1. Id-diposizzjonijiet ta' Artikolu 1 sa 5 hawn fuq jgħoddu biss sakemm ir-regoli li jirregolaw il-kummerċ fil-kuntest ta' dan ir-Regolament bejn kull wieħed mill-pajjiżi speċifikati hawnhekk qabel huma identiċi għad-dispożizzjonijiet stipulati fir-Regolament Bażiku u f'dan ir-Regolament. 2. Barra minn hekk, kull pajjiż tal-Grupp Andean jintrabat mal-Kummissjoni tal-Komunitajiet Ewropej li, permezz tal-"Junta del Acuerdo de Cartagena" (minn issa ’l quddiem riferut bħala Junta), li jħares jew jiżgura l-konformità mar-regoli li jikkonċernaw il-preparazzjoni u l-ħruġ taċ-ċertifikati ta' oriġini forma A u ma' dawk relattivi għall-ko-operazzjoni amministrattiva li jinsabu f'Artikoli 7 u 8 t'hawn taħt. Artikolu 7 1. Verifiki retrospettivi taċ-ċertifikati forma A msemmija f'Artikolu 3 isiru għall-għarrieda jew kull meta l-awtoritajiet kif riferuti f'dak l-Artikolu ta' kull pajjiż tal-Grupp Andean fejn il-prodotti jew baqgħu hemm qabel kienu esportati mill-ġdid fl-istess stat jew għaddew minn ħidma jew proċessar kif speċifikat f'Artikolu 1 għandhom dubju raġonevoli dwar l-awtentiċità tad-dokument jew dwar kemm hija preċiża l-informazzjoni dwar l-oriġini vera tal-prodotti in kwestjoni. 2. Għall-iskopijiet ta' l-applikazzjoni tad-dispożizzjonijiet tal-paragrafu 1, l-awtoritajiet imsemmija f'dak il-paragrafu għandhom jibagħtu ċ-ċertifikat ta' l-oriġini forma A lill-Junta, u jindikaw meta jkun il-każ ir-raġunijiet tal-forma jew s-sostanza għal inkjesta. Għandhom jgħaddu kull informazzjoni disponibbli li għandha x-xejra li turi li l-partikolari ta' l-imsemmi ċertifikat mhumiex preċiżi. Artikolu 8 1. Verifika retrospettiva taċ-ċertifkati forma A msemmija fl-Artikolu 4 għandha titwettaq fiċ-ċirkostanzi speċifikati f'Artikolu 12 tar-Regolament Bażiku. Madankollu, b'mod ta' deroga mid-dispożizzjonijiet tal-paragrafu 2 ta' dak l-Artikolu, l-awtoritajiet rilevanti tad-dwana fil-Komunità għandhom jibagħtu lura ċ-ċertifikat ta' l-oriġini forma A lill-Junta. 2. Il-pajjiżi tal-Grupp Andean għandhom jikkomunikaw lill-Kummissjoni l-indirizz tal-Junta. Il-Kummissjoni għandha tikkomunika din l-informazzjoni lill-awtoritajiet tad-dwana ta' l-Istati Membri. Artikolu 9 In-nota ta' spjegazzjoni annessa ma' dan ir-Regolament tifforma parti integrali minnu. Artikolu 10 Dan ir-Regolament għandu jidħol fis-seħħ fit-tielet jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Għandu jibda jgħodd mill-1 ta' Jannar 1981. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-23 ta' Diċembru 1980. Għall-Kummissjoni Étienne Davignon Membru tal-Kummissjoni [1] Ara paġna 1 ta' dan il-Ġurnal Uffiċjali. -------------------------------------------------- ANNESS Nota ta' spjegazzjoni ta' Artikolu 1 Għall-iskopijiet ta' Artikolu 1(1) (B), ir-regola tal-perċentwali trid titħares billi ssir riferenza rigward il-valur miżjud miksub għad-dispożizzjonijiet li jinsabu fil-Listi A u B riferuti f'Artikolu 3 tar-Regolament Bażiku. Meta l-prodotti miksuba jidhru fil-Lista A, ir-regola tal-perċentwali għalhekk tikkostitwixxi kriterju addizzjonali ma’ dak tal-bidla ta' l-intestatura tat-tariffa għal kull prodott użat mhux ta' oriġini. --------------------------------------------------