31978L0933

Id-Direttiva tal-Kunsill

tas-17 ta’ Ottubru 1978

fuq l-approssimazzjoni tal-liġijiet ta’ l-Istati Membri relatati ma’ l-installazzjoni ta’ dwar u mezzi ta’ sinjalizzazzjoni bid-dawl fuq tratturi bir-roti għall-agrikoltura u għall-foresterija

(78/933/EEC)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikulari l-Artikolu 100 tiegħu,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew [1],

Wara li kkunsidra l-opinjoni tal-Kumitat Ekonomiku u Soċjali [2],

Filwaqt illi l-kondizzjonijiet tekniċi li għandhom jissodisfaw it-tratturi skond il-liġijiet nazzjonali huma relatati fost ħwejjeġ oħra ma’ l-installazzjoni ta’ dwal u mezzi ta’ sinjalizzazzjoni bid-dawl;

Billi, dawk il-kondizzjonijiet ivarjaw minn Stat Membru għall-ieħor; billi, għaldaqstant, huwa meħtieġ li l-Istati Membri kollha jadottaw l-istess kondizzjonijiet, jew bħala addizzjoni jew minflok ir-regoli eżistenti tagħhom, sabiex jippermettu li, b’mod partikolari, l-proċedura tal-approvazzjoni tat-tip tal-KEE li kienet is-suġġett tad-Direttiva tal-Kunsill 74/150/KEE ta’ l-4 ta’ Marzu 1974 dwar l-approssimazzjoni tal-liġijiet ta’ l-Istati Membri f’dak li għandu x’jaqsam ma’ l-approvazzjoni tat-tip ta’ tratturi bir-roti għall-agrikoltura jew għall-foresterija [3], tiġi applikata fir-rigward ta’ kull tip ta’ trattur;

Billi ħtiġiet għall-kostruzzjoni ta’ dwal u mezzi ta’ sinjalizzazzjoni bid-dawl għandhom ikunu s-suġġett ta’ aktar Direttivi speċjali addizzjonali;

Billi, l-approssimazzjoni tal-liġijiet ta’ l-Istati Membri relatati mat-tratturi tinvolvi r-rikonoxximent komuni mill-Istati Membri ta’ kontrolli li jsiru minn kull wieħed minnhom fuq il-bażi ta’ kondizzjonijiet komuni; billi, jekk is-sistema għandha taħdem kif imiss, dawn il-kondizzjonijiet għandhom jiġu applikati mill-Istati Membri kollha mill-istess data,

ADOTTA DIN ID-DIRETTIVA:

Artikolu 1

1. "Trattur għall-agrikoltura jew għall-foresterija" ifisser kwalunkwe vettura bil-mutur, li hija mgħammra bir-roti jew b’ċineg mingħajr tarf, li għandha ta’ l-anqas żewġ fusien, li l-funzjoni prinċipali tagħha qiegħda fil-qawwa tal-ġbid u li hi ddisinjata b’mod speċjali biex tirmonka, timbotta, ġġorr jew biex tforni l-enerġija lil ċerti għodda, makkinarju jew karrijiet li huma maħsuba għall-użu agrikolu jew fil-foresterija. Tista’ tkun mgħammra sabiex iġġorr tagħbija jew passiġġieri.

2. Din id-Direttiva għandha tapplika biss għat-tratturi definiti fil-paragrafu 1 li huma mgħammra b’tajers pnewmatiċi u li għandhom żewġ fusien u disinn ta’ veloċità massima ta’ bejn 6 u 25 km/siegħa.

Artikolu 2

L-ebda Stat Membru ma jista’ jirrifjuta li jagħti approvazzjoni tat-tip tal-KEE jew approvazzjoni tat-tip nazzjonali fuq raġunijiet relatati ma’ l-installazzjoni ta’ dwal jew mezzi ta’ sinjalizzazzjoni bid-dawl, kemm jekk mandatorji jew jekk mhux obbligatorji, elenkati minn 1.5.7 sa 1.5.2.1 ta’ l-Anness I, jekk dawn ikunu nstallati skond il-kondizzjonijiet stipulati f’dak l-Anness.

Artikolu 3

L-ebda Stat Membru ma jista’ jirrifjuta r-reġistrazzjoni, jew jipprojbixxi l-bejgħ, id-dħul fis-servizz jew l-użu ta’ kwalunkwe trattur, minħabba raġunijiet relatati ma’ l-installazzjoni ta’ dwal u mezzi ta’ sinjalizzazzjoni bid-dawl, kemm jekk mandatorji jew jekk mhux obbligatorji, elenkati minn 1.5.7 sa 1.5.2.1 ta’ l-Anness I, jekk dawn ikunu nstallati skond il-kondizzjonijiet stipulati f’dak l-Anness.

Artikolu 4

Stat Membru li jkun ta approvazzjoni tat-tip tal-KEE għandu jieħu l-miżuri meħtieġa biex jiggarantixxi illi hu jkun infurmat b’kull modifika li ssir lil xi waħda mill-partijiet jew lill-karatteristiċi li hemm referenza għalihom f’1.1 tal-Anness I. L-awtoritajiet kompetenti ta’ dak l-Istat Membru għandhom jistabbilixxu jekk ikunx hemm bżonn li jsiru verifiki addizzjonali fuq it-tip ta’ trattur modifikat, u li jinkiteb rapport mill-ġdid. Fejn verifiki bħal dawn juru nuqqas ta’ konformità mal-kondizzjonijiet ta’ din id-Direttiva, il-modifiki m’għandhomx jiġu approvati.

Artikolu 5

Kull emendi meħtieġa biex jiġu aġġustati l-kondizzjonijiet ta’ l-Annessi sabiex jingħata kont tal-progress tekniku għandhom jiġu adottati skond il-proċedura preskritta fl-Artikolu 13 tad-Direttiva tal-Kunsill 74/150/KEE

Artikolu 6

Mid-data ta’ l-implimentazzjoni ta’ din id-Direttiva, d-Direttiva tal-Kunsill 75/323/KEE ta’ l-20 ta’ Mejju 1975 dwar l-approssimazzjoni tal-liġijiet ta’ l-Istati Membri relatati mal-konnessjoni ta’ enerġija mgħammra fuq tratturi bir-roti għall-agrikoltura jew għall-foresterija, għal dwal u mezzi ta’ sinjalizzazzjoni bid-dawl, makkinarju jew karrijiet li huma maħsuba għall-agrikoltura jew għall-foresterija [4], m’għandhiex tibqa’ tapplika.

Artikolu 7

1. L-Istati Membri għandhom idaħħlu fis-seħħ il-liġijiet, ir-regolamenti u d-disposizzjonijet amministrattivi meħtieġa sabiex ikunu konformi ma’ din id-Direttiva fi żmien 18-il xahar tan-notifika tagħha u għandhom jinfurmaw b’dan lill-Kummissjoni minnufih.

2. L-Istati Membri għandhom jikkomunikaw lill-Kummissjoni t-test tad-disposizzjonijet tal-liġi nazzjonali li huma jadottaw fil-qasam kopert minn din id-Direttiva.

Artikolu 8

Din id-Direttiva hija indirizzata lill-Istati Membri.

Magħmul fil-Lussemburgu, is-17 ta’ Ottubru1978.

Għall-Kunsill

Il-President

K. Von Dohnanyi

[1] ĠU C 5, tat-8.1.1975, p. 54.

[2] ĠU C 47, tas-27.2.1975, p. 43.

[3] ĠU L 84, tat-28.3.1974, p. 10.

[4] ĠU L 147, tad-9.6.1975, p. 38.

--------------------------------------------------

ANNESS I

INSTALLAZZJONI TA’ DAWL U MEZZI TA’ SINJALIZZAZZJONI BID-DAWL

1. DEFINIZZJONIJIET

1.1. Tip ta’ trattur f’dak li għandu x’jaqsam ma’ l-installazzjoni ta’ dwal u mezzi ta’ sinjalizzazzjoni bid-dawl

"Tip ta’ trattur f’dak li għandu x’jaqsam ma’ l-installazzjoni ta’ dawl u mezzi ta’ sinjalizzazzjoni bid-dawl" ifisser tratturi li m’humiex differenti f’aspetti essenzjali bħal:

1.1.1. il-qisien u l-forma esterna tat-trattur;

1.1.2. in-numru u l-pożizzjoni ta’ l-istrumenti.

Dawn li ġejjin huwa wkoll ikkunsidrati bħala tratturi li m’humiex ta’ tip differenti: tratturi li huma differenti skond it-tifsira ta’ 1.1.1 u 1.1.2 hawn fuq, imma mhux b’mod li jinvolvu bidla fit-tip, in-numru, il-pożizzjoni u l-viżibilità ġeometrika tal-lampi preskritti għat-tip ta’ trattur in kwistjoni, u tratturi li fuqhom hemm jew m’hemmx lampi mhux obbligatorji.

1.2. Pjan trasversali

"Pjan trasversali" ifisser pjan vertikali perpendikolari mal-pjan lonġitudinali medjan tat-trattur.

1.3 Trattur mhux mgħobbi

"Trattur mhux mgħobbi" ifisser it-trattur fi stat tajjeb ta’ tħaddim, kif definit f’2.4 ta’ l-Anness I, mudell tad-dokument ta’ informazzjoni għad-Direttiva 74/150/KEE.

1.4. Trattur mgħobbi

"Trattur mgħobbi" jfisser it-trattur mgħobbi sal-piż massimu teknikament permissibli, kif iddikjarat mill-manifattur. Il-manifattur għandu wkoll jiffissa d-distribuzzjoni ta’ dan il-piż bejn iż-żewg fusien.

1.5. Lampa

"Lampa" tfisser mezz iddisinjat biex jixgħel it-triq (bozza tad-dawl ta’ quddiem) jew biex jitfa’ sinjal bid-dawl. Il-lampi tal-pjanċa tar-reġistrazzjoni ta’ wara u r-rifletturi għandhom jitqiesu bl-istess mod bħala lampi.

1.5.1. Lampi ekwivalenti

"Lampi ekwivalenti" jfisser lampi li għandhom l-istess funzjoni u li huma awtorizzati fil-pajjiż fejn huwa rreġistrat it-trattur; dawn il-lampi jista’ jkollhom karatteristiċi differenti minn ta’ dawk li huma nstallati fuq it-trattur meta dan jiġi approvat, bil-kondizzjoni li huma jissodisfaw il-kondizzjonijiet ta’ dan l-Anness.

1.5.2. Lampi indipendenti

"Lampi indipendenti" jfisser lampi li għandhom lentijiet separati, sorsi ta’ dawl separati u strutturi separati tal-lampi.

1.5.3. Lampi ggruppati

"Lampi ggruppati" ifisser lampi li għandhom lentijiet separati u sorsi ta’ dawl separati imma struttura komuni tal-lampa.

1.5.4. Lampi magħqudin

"Lampi magħqudin" ifisser stumenti li għandhom lentijiet separati imma sorsa ta’ dawl komuni u struttura komuni tal-lampa.

1.5.5. Lampi inkorporati reċiprokament

"Lampi inkorporati reċiprokament" ifisser strumenti li għandhom sorsi ta’ dawl separati (jew sors wieħed ta’ dawl li topera taħt kondizzjonijiet differenti), lentijiet totalment jew parzjalment komuni u struttura komuni tal-lampa.

1.5.6. Lampa ta’ illuminazzjoni li tista’ tinħeba

"Lampa ta’ illuminazzjoni li tista’ tinħeba" ifisser lampa ta’ quddiem li tista’ tinħeba parzjalment jew kompletament meta ma tkunx qed tintuża. Dan ir-riżultat jista’ jinkiseb permezz ta’ kopertura li tista’ titneħħa, jew bi spostament tal-bozza ta’ quddiem jew b’kull mezz adegwat ieħor. It-terminu "li jista’ jinġibed ‘il ġewwa" huwa wżat b’mod partikolari biex jiddiskrivi lampa li tista’ tinħeba, li l-ispostament tagħha jippermetti li din tiġi mdaħħla fl-istruttura tal-vettura.

1.5.6.1. Lampi ta’ pożizzjoni varjabbli

"Lampi ta’ pożizzjoni varjabbli" ifisser lampi nstallati fuq it-trattur li jistgħu jiċċaqilqu b’relazzjoni mat-trattur u li l-lentijiet tagħhom ma jistgħux jinħbew.

1.5.7. Lampa ta’ quddiem bir-raġġ prinċipali

"Lampa ta’ quddiem bir-raġġ prinċipali" tfisser il-lampa użata biex tixgħel it-triq fuq distanza twila ‘l quddiem tat-trattur.

1.5.8. Lampa ta’ quddiem bir-raġġ iħares l-isfel

"Lampa ta’ quddiem bir-raġġ iħares l-isfel" ifisser il-lampa użata biex tixgħel it-triq ta’ quddiem tat-trattur mingħajr ma tikkawsa tgħammix eżaġerat jew skumdità għas-sewwieqa li jkunu ġejjin min-naħa l-oħra u għan-nies l-oħra li jkunu qed jużaw it-triq.

1.5.9. Lampa taċ-ċpar ta’ quddiem

"Lampa taċ-ċpar ta’ quddiem" ifisser il-lampa wżata biex jittejjeb id-dawl fit-triq fil-każ ta’ ċpar, silġ, maltempata b’xita qalila jew sħab tat-trab.

1.5.10. Lampa li turi li l-karrozza se tirriversja

"Lampa li turi li l-karozza se treġġa’ lura" ifisser lampa użata biex tixgħel it-triq fuq wara tat-trattur u biex tavża lil min ikun qed juża t-triq li t-trattur se tirriversja.

1.5.11. Lampa li tindika d-direzzjoni

"Lampa li tindika d-direzzjoni" ifisser il-lampa użata biex tindika lil min ikun qed juża t-triq, li s-sewwieq bi ħsiebu jbiddel id-direzzjoni lejn il-lemin jew lejn ix-xellug.

1.5.12. Sinjal li javża li hemm periklu

"Sinjal li javża li hemm periklu" jfisser l-istrument li jippermetti li l-lampi kollha tat-trattur li jindikaw id-direzzjoni jaħdmu flimkien biex jiġbdu l-attenzjoni lejn il-fatt li t-trattur huwa temporanjament ta’ periklu għal min ikun qed juża t-triq.

1.5.13. Lampa ta’ waqfien

"Lampa ta’ waqfien" ifisser il-lampa użata biex tindika lil kull min ikun qed juża t-triq fuq wara tat-trattur illi s-sewwieq ta’ dan ta’ l-aħħar qed juża l-brejkijiet.

1.5.14. Lampa tal-pjanċa tar-reġistrazzjoni ta’ wara

"Lampa tal-pjanċa tar-reġistrazzjoni ta’ wara" ifisser l-istrument użat biex jixgħel l-ispazju maħsub biex jakkomoda l-pjanċa ta’ reġistrazzjoni ta’ wara; dan jista’ jikkonsisti f’elementi ottiċi differenti.

1.5.15. Lampa ta’ quddiem (tal-ġenb)

"Lampa ta’ quddiem (tal-ġenb)" ifisser il-lampa użata biex tindika l-preżenza u l-wisa’ tat-trattur meta wieħed iħares lejn it-trattur minn quddiem.

1.5.16. Lampa ta’ wara (tal-ġenb)

"Lampa ta’ wara (tal-ġenb)" ifisser il-lampa użata biex tindika l-preżenza u l-wisa’ tat-trattur meta wieħed iħares lejn it-trattur minn wara.

1.5.17. Lampa taċ-ċpar ta’ wara

"Lampa taċ-ċpar ta’ wara" ifisser il-lampa użata biex tagħmel it-trattur viżibbli aktar malajr min-naħa ta’ wara fi ċpar oħxon.

1.5.18. Lampa tal-parkeġġ

"Lampa tal-parkeġġ" ifisser il-lampa użata biex wieħed jiġbed l-attenzjoni ta’ dak li jkun bil-presenza ta’ trattur wieqaf, mingħajr karrju, f’żona tal-bini. F’ċirkostanzi bħal dawn, din tieħu post il-lampi ta’ quddiem u ta’ wara (tal-ġenb).

1.5.19. Lampa li tindika it-trufijiet tal-linji tal-forma tat-trattur

"Lampa li tindika t-trufijiet tal-linji tal-forma tat-trattur" ifisser il-lampi mwaħħla mat-trufijiet ta’ barra l-akbar imbiegħda, l-aktar qrib possibbli tas-saqaf tat-trattur u li huma maħsuba biex jindikaw il-wisa’ ġenerali tat-trattur. F’uħud mit-tratturi, dan is-sinjal huwa maħsub biex jikkumplimenta l-lampi ta’ quddiem u ta’ wara (tal-ġenb) tat-trattur billi jiġbed attenzjoni partikulari fuq il-kobor tiegħu.

1.5.20. Riflettur bir-rifless

"Riflettur bir-rifless" ifisser l-istrument użat biex jindika l-presenza ta’ trattur bir-rifless ta’ dawl li joħroġ minn sors ta’ dawl li mhux ikkonnettjat mat-trattur, fejn l-osservatur ikun qrib tas-sors.

Għall-għanijiet ta’ din id-Direttiva dawn li ġejjin mhumiex meqjusa bħala r ifletturi bir-rifless:

- pjanċi tan-numri li jirriflettu lura,

- pjanċi oħrajn u sinjali oħrajn li jirriflettu lura li għandhom jintużaw sabiex ikunu konformi mal-kondizzjonijiet ta’ użu ta’ l-Istat Membru, fir-rigward ta’ ċerti kategoriji ta’ vetturi jew ta’ ċerti metodi ta’ tħaddim.

1.5.21. Lampa tax-xogħol

"Lampa tax-xogħol" ifisser strument li jixgħel żona fejn ikun qiegħed isir xi xogħol jew proċess ta’ xogħol.

1.6. Wiċċ ta’ illuminazzjoni ta’ lampa

1.6.1. Wiċċ ta’ illuminazzjoni ta’ strument għall-mixegħla

"Wiċċ ta’ illuminazzjoni ta’ strument ta’ mixegħla" (1.5.7 sa 1.5.10) ifisser il-projezzjoni ortogonali ta’ l-apertura sħiħa ta’ riflettur fi pjan trasversali. Jekk il-ħġieġa (jew ħġiġiet) tal-lampa testendi (jestendu) fuq parti biss ta’ l-apertura sħiħa tar-riflettur, allura, għandha tiġi kkunsidrata biss il-projezzjoni ta’ dik il-parti. Fil-każ ta’ lampa ta’ quddiem li tifa r-raġġ l-isfel, il-wiċċ ta’ illuminazzjoni huwa llimitat fuq in-naħa tal-qtugħ bil-projezzjoni apparenti tal-linja tal-qtugħ għal fuq il-lenti. Jekk ir-riflettur u l-ħġieġa jkunu jistgħu jiġu aġġustati, għandu jintuża l-aġġustament tan-nofs.

1.6.2. Wiċċ ta’ illuminazzjoni ta’ lampa, li ma jkunx ir-riflettur, li tagħmel sinjali

"Wiċċ ta’ illuminazzjoni ta’ lampa, li mhix ir-riflettur, li tagħmel sinjali" (1.5.11 sa 1.5.19) ifisser il-projezzjoni ortogonali tal-lampa fi pjan perpendikulari mal-fus tagħha ta’ referenza u f’kuntatt mal-wiċċ estern li jagħti d-dawl tal-lampa, b’din il-projezzjoni tkun illimitata bit-trufijiet ta’ skrijns imqegħda fuq dan il-pjan, li kull wieħed minnhom iħalli biss 98 % ta’ l-intensità tal-luminożità totali tad-dawl tippersisti fid-direzzjoni tal-fus ta’ referenza. Biex jiġu stabbiliti l-inqas, l-ogħla u l-limiti laterali tal-wiċċ ta’ illuminazzjoni, għandhom jintużaw biss skrijns li għandhom trufijiet orizzontali jew vertikali.

1.6.3. Wiċċ ta’ illuminazzjoni ta’ riflettur

"Il-wiċċ ta’ illuminazzjoni ta’ riflettur" (1.5.20) ifisser il-projezzjoni ortogonali tal-wiċċ li tirrifletti tar-riflettur fi pjan perpendikulari mal-fus tagħha ta’ referenza u marbut permezz ta’ pjanijiet li jmissu t-trufijet ta’ barra tal-wiċċ ta’ projezzjoni ta’ dawl tar-riflettur u parallel ma’ dan il-fus. Biex jiġu stabbiliti l-inqas, l-ogħla u l-limiti laterali tal-wiċċ ta’ illuminazzjoni, għandhom jintużaw biss pjanijiet vertikali u orizzontali.

1.6.4. Uċuh esterni li jarmu d-dawl

"Uċuh esterni li jarmu d-dawl" għal direzzjoni definita ta’ osservazzjoni, ifisser il-projezzjoni ortogonali t’ wiċċ li jarmi d-dawl fi pjan perpendikulari mad-direzzjoni ta’ osservazzjoni (ara disinn fl-Appendiċi 1).

1.7. Fus ta’ referenza

‘Fus ta’ referenza’’ ifisser il-fus karatteristiku tas-sinjal ta’ dawl, stabbilit mill-manifattur tal-lampa għall-użu bħala direzzjoni ta’ referenza (H = 0º, V = 0º) għall-qisien fotometriċi u għal meta titwaħħal il-lampa fuq it-trattur.

1.8. Ċentru ta’ referenza

‘Ċentru ta’ referenza’ jfisser l-intersezzjoni tal-fus ta’ referenza mal-wiċċ estern li jarmi d-dawl, speċifikat mill-manifattur tal-lampa.

1.9. Angoli ta’ viżibilità ġeometrika

1. “Angoli ta viżililità ġeometrika’ tfisser l-angoli li jiddeterminaw il-kamp ta’ l-angolu solidu massimu fejn il-wiċċ li jarmi d-dawl esterjuri għandu jkun viżibbli. Dak il-kamp ta’ l-angolu solidu huwa determinat bis-segmenti ta’ sfera li ċ-ċentru tagħha jikkoinċidi maċ-ċentru ta’ referenza tal-lampa u l-ekwatur huwa parallel ma’ l-art. Dawn is-segmenti huma determinati f’relazzjoni ma’ l-assi ta’ referenza. L-angoli orizzontali β jikkorrespondu ma’ l-angoli lonġitudinali u vertikali α tal-latitudini. M’għandux ikun hemm ostakolu fuq ġewwa ta’ l-angoli ta’ viżibilità għall-propagazzjoni tad-dawl minn kull parti tal-wiċċ li jarmi d-dawl esterjuri tal-lampa.

Dan m’għandux japplika għal xi ostakli eżistenti fil-mument meta l-lampa hija approvata jekk ikun hemm bżonn ta’ approvazzjoni.

1.10. Tarf l-iktar ‘l barra

"Tarf l-iktar ‘l barra" fuq kull naħa tat-trattur ifisser il-pjan parallel mal-pjan lonġitudinali medjan tat-trattur u li jikkoinċidi mat-tarf laterali ta’ barra, mingħajr ma’ jingħata każ tal-projezzjoni:

1.10.1. tat-tajers ħdejn il-punt tal-kuntatt tagħhom ma’ l-art u l-konnessjonijiet tal-istrumenti li jkejlu l-pressjoni tat-tajers;

1.10.2. ta’ xi mekkaniżmi kontra ż-żliq li jistgħu tintramaw fuq ir-roti;

1.10.3. tal-mirja ta’ viżjoni anterjuri;

1.10.4. tal-lampi tal-ġenb li jindikaw id-direzzjoni, tal-lampi li jindikaw it-trufijiet tal-linji tal-forma tat-trattur, tal-lampi ta’ quddiem u ta’ wara (tal-ġenb) u tal-lampi tal-parkeġġ,

1.10.5. ta’ siġilli tad-dwana mwaħħla mat-trattur u ta’ mekkaniżmi li jwaħħlu fis-sod u jipproteġu dawn is-siġilli.

1.11. Wisa’ ġenerali

"Wisa’ ġenerali" ifisser id-distanza ta’ bejn iż-żewġ pjanijiet vertikali definiti f’1.10 hawn fuq.

1.12. Lampa waħda

"Lampa waħda" ifisser kull tagħqid ta’ żewġ lampi jew aktar, kemm jekk dawn ikunu identiċi jew ma jkunux, li jkollhom l-istess funzjoni u kulur, jekk dan jinkludi xi mekkaniżmi, li l-projezzjoni ta’ l-uċuh tagħhom aggregati li jarmu d-dawl, fi pjan trasversali partikolari, tokkupa 60 % jew aktar taż-żona ta’ l-iżgħar rettangolu li jiċċirkoskrivi l-projezzjonijiet ta’ l-uċuh li jarmu d-dawl tal-lampi msemmija qabel, sakemm tagħqid bħal dan, fejn ikun hemm bżonn approvazzjoni, jkun approvat bħala lampa waħda.

Dan it-tagħqid possibbli ma japplikax għall-lampi ta’ quddiem tar-raġġ prinċipali, għall-lampi ta’ quddiem bir-raġġ jarmi l-isfel u għall-lampi ta’ quddiem taċ-ċpar.

1.13. Żewġ lampi jew numru biż-żewġ ta’ lampi

"Żewġ lampi" jew "numru biż-żewġ ta’ lampi" ifisser wiċċ wieħed li jarmi d-dawl fil-forma ta’ strixxa, jekk din tkun imqegħda b’mod simetriku f’relazzjoni mal-pjan lonġitudinali medjan tat-trattur u testendi fuq iż-żewġ naħat sa mhux inqas minn 400mm mit-tarf ta’ barra l-aktar il-bogħod tat-trattur, u li ma tkunx inqas minn 800mm twila. L-illuminazzjoni ta’ wiċċ bħal dak għandu jiġi pprovdut minn mhux inqas minn żewġ sorsi ta’ dawl imqegħda l-aktar qrib possibbli tat-trufijiet tagħha. Il-wiċċ li jarmi d-dawl jista’ jkun magħmul minn numru ta’ elementi mqiegħda wieħed ħdejn l-ieħor, sakemm il-projezzjonijiet tad-diversi wċuh individwali li jarmu d-dawl fl-istess pjan trasversali ma jokkupawx inqas minn 60 % taż-żona ta’ l-iżgħar rettangolu li jiċċirkoskrivi l-projezzjonijiet ta’ dawn l-uċuh ndividwali li jarmu d-dawl.

1.14. Distanza bejn żewġ lampi

"Distanza ta’ bejn żewġ lampi" li jħarsu lejn l-istess direzzjoni, ifisser id-distanza ta’ bejn il-projezzjonijiet ortogonali fi pjan perpendikulari mad-direzzjoni fil-kwistjoni tax-xfar ta’ l-għamla taż-żewġ uċuh ta’ illuminazzjoni kif definita skond il-każ imsemmi f’1.6.

1.15. Lampa mhux obbligatorja

"Lampa mhux obbligatorja" ifisser lampa li l-presenza tagħha hija merħija għad-diskrezzjoni tal-manifattur.

1.16. Ċirkostanzi ta’ tħaddim

"Ċirkostanzi ta’ tħaddim" ifisser ċirkostanzi li juri jekk mekkaniżmu jkun ġie mqabbad hux qed jaħdem b’mod korrett jew le.

1.17. Cirkostanzi ta’ ċirkwit magħluq

"Ċirkostanzi ta’ ċirkwit magħluq" ifisser ċirkostanzi li juru li mekkaniżmu ġie mixgħul, imma li ma jurix jekk hux qed jaħdem b’mod korrett jew le.

2. APPLIKAZZJONI GĦALL-APPROVAZZJONI TAT-TIP

2.1. L-applikazzjoni għall-approvazzjoni tat-tip tal-KEE ta’ tip ta’ trattur f’dak li għandu x’jaqsam ma’ l-installazzjoni ta’ dwal tiegħu u mezzi ta’ sinjalizzazzjoni bid-dawl, għandha tiġi ppreżentata mill-manifattur tat-trattur jew mir-rappreżentant tiegħu.

2.2. Magħha għandu jkun hemm id-dokumenti li ġejjin, fi tliet kopji, u d-dettalji li ġejjin:

2.2.1 deskrizzjoni tat-tip ta’ trattur f’dak li għandu x’jaqsam mad-dettalji li hemm referenza għalihom f’1.1;

2.2.2. lista ta’ strumenti preskritti mill-manifattur għall-immuntar tad-dawl u tas-sinjali bid-dawl. Il-lista tista’ tinkludi diversi tipi ta’ mekkaniżmi għal kull operazzjoni. Kull tip għandu jiġi identifikat kif xieraq (per eżempju, marka ta’ l-approvazzjoni tat-tip ta’ komponent, isem u indirizz tal-manifattur, eċċ). Il-lista tista’ tinkludi wkoll id-dettalji addizzjonali li ġejjin, fir-rigward ta’ kull operazzjoni: "jew mekkaniżmi ekwivalenti";

2.2.3. disinn li juri l-arranġament tad-dawl u tat-tagħmir li jagħmel sinjali bid-dawl kollha kemm huma, fejn tidher il-pożizzjoni tal-lampi diversi tat-trattur;

2.2.4. disinn(ji) li juri(u) l-arranġament għal kull lampa ndividwali li juru l-uċuh ta’ illuminazzjoni kif definit f’1.6.

2.3. Għandu jiġi ppreżentat trattur mhux mgħobbi, mgħammar bid-dawl u bit-tagħmir li jagħmel sinjali bid-dawl kif deskritt f’2.2.2 u li hu rapresentattiv tat-tip ta’ trattur li għandu jiġi approvat, lill-awtorità teknika li tkun qed tagħmel il-verifiki ta’ l-approvazzjoni.

2.4 Il-dokument li għalih jipprovdi l-Anness II għandu jiġi mehmus mad-dokument ta’ l-approvazzjoni tat-tip.

3. SPEĊIFIKAZZJONIJIET ĠENERALI

3.1 Id-dwal u il-mezzi ta’ sinjalizzazzjoni bid-dawl għandhom jkunu mwaħħla b’tali mod li, taħt kondizzjonijiet normali ta’ użu u minkejja li jistgħu jkunu suġġetti għal xi vibrazzjonijiet, iżommu l-karatteristiċi preskritti f’dan l-Anness u jippermettu li t-trattur ikun konformi mal-kondizzjonijiet ta’ dan l-Anness. B’mod partikolari, m’għandux ikun possibbli li l-aġġustament tal-lampi jiġi nterrott bi żball.

3.1.1. It-tratturi għandhom jkunu mgħammra b’konnetturi elettriċi li jippermettu li tintuża sistema li tista’ tinqala’ ta’ senjalazzjoni bid-dawl. B’mod partikulari, it-tratturi għandu jitwaħħlilhom żbokk ta’ sokit li huwa kkonnetjat b’mod permanenti, rrakomandat fl-istandard ISO R 1724 (Konnessjonijiet elettriċi għal vetturi b’sistemi elettriċi ta’ 6 jew 12-il volt li japplikaw b’mod aktar speċifiku għall-vetturi privati u karrijiet ħfief jew karavani) (l-ewwel edizzjoni, April 1970) jew ISO R 1185 (Konnessjonijiet elettriċi bejn vetturi ta’ l-irmonk jew irmunkati li għandhom sistemi elettriċi ta’ 24 volt użati għall-għanijiet ta’ trasport kummerċjali internazzjonali) (l-ewwel edizzjoni, Marzu 1970) Fil-każ ta’ l-istandard ISO R 1185, il-funzjoni tal-kuntatt 2 għandha tiġi llimitata għal-lampa ta’ wara (tal-ġenb) u għal-lampa li tindika it-trufijiet tal-linji tal-forma tat-trattur fuq in-naħa tax-xellug.

3.2. Il-lampi lluminanti deskritti f’ 1.5.7, 1.5.8 u 1.5.9 għandhom jitwaħħlu b’tali mod li l-issettjar korrett ta’ l-allinjament tagħhom ikun jista’ jsir faċilment.

3.3. Għall-istrumenti kollha li jagħmlu sinjali bid-dawl, il-fus ta’ referenza tal-lampa, meta dan ikun imwaħħal mat-trattur, għandu ikun parallel mal-pjan tal-pożizzjoni tat-trattur fuq it-triq u mal-pjan lonġitudinali tat-trattur. F’kull direzzjoni għandha titħalla tolleranza ta’ ± 3º. Barra minn hekk, xi struzzjonijiet speċifiċi fir-rigward tat-tagħmir, li huma preskritti mill-manifattur għandhom jiġu mħarsa.

3.4. Fin-nuqqas ta’ struzzjonijiet speċifiċi, l-għoli u l-allinjament tal-lampi għandu jiġi vverifikat meta t-trattur ma jkunx mgħobbi, mpoġġi fuq wiċċ ċatt, orizzontali.

3.5. Fin-nuqqas ta’ kondizzjonijiet speċifiċi, il-lampi li jikkostitwixxu par għandhom:

3.5.1. jitwaħħlu mat-trattur b’mod simetriku b’relazzjoni mal-pjan lonġitudinali medjan;

3.5.2. ikunu simetriċi waħda ma’ l-oħra b’relazzjoni mal-pjan lonġitudinali medjan;

3.5.3. jissodisfaw l-istess karatteristiċi kolorimetriċi;

3.5.4. ikollhom karatteristiċi fotometriċi sostanzjalment identiċi.

3.6. Fuq tratturi li l-forma esterna tagħhom mhix simetrika, il-kondizzjonijiet ta’ 3.5.1 u 3.5.2 għandhom kemm jista’ jkun jiġu sodisfatti. Dawn il-kondizzjonijiet għandhom jitqiesu li ġew sodisfatti jekk id-distanza taż-żewġ lampi mill-pjan lonġitudinali medjan u mill-pjan ta’ pożizzjoni fuq l-art hija l-istess.

3.7. Lampi li għandhom funzjonijiet differenti jistgħu jkunu ndipendenti jew miġbura flimkien, magħquda jew inkorporati reċiprokament f’mekkaniżmu wieħed, sakemm kull waħda mill-lampi tissodifa l-kondizzjonijiet li japplikaw għaliha. L-għoli massimu mill-art għandu jiġi mkejjel mill-punt l-aktar għoli u l-għoli minimu mill-punt l- aktar baxx tal-wiċċ ta’ illuminazzjoni.

3.8. Fin-nuqqas ta’ kondizzjonijiet speċifiċi, l-ebda lampa barra mil-lampi li jindikaw id-direzzjoni u s-sinjal li javża li hemm periklu, ma jistgħu jarmu dawl li jintefa’ u jixgħel malajr.

3.9. Fuq in-naħa ta’ quddiem, m’għandu jkun viżibbli l-ebda dawl aħmar, u fuq in-naħa ta’ wara, m’għandu jkun viżibbli l-ebda dawl abjad barra dak tal-lampi ta’ l-irriversjar jew tal-lampi ta’ xogħol.

3.10. L-ebda dawl ahmar m’ghandu jidher min quddiem u l-ebda dawl abjad hlief ghal-l-bozza tar-rivers jew tax-xoghol m’g]andhom jidhru minn wara.

Din il-ħtieġa tiġi konsidrata li tkun tħarset jekk:

3.10.1. għall-viżibilità ta’ dawl aħmar lejn in-naħa ta’ quddiem: jekk osservatur li qed jiċċaqlaq fiż-żona 1 fi pjan trasversali li qiegħed 25m ‘l quddiem tat-trattur, ma jkollu l-ebda viżibilità diretta ta’ dawl aħmar (ara Appendiċi 2, Figura 1);

3.10.2. għall-viżibilità ta’ dawl abjad fuq in-naħa ta’ wara: jekk osservatur li qed jiċċaqlaq fiż-żona 2 fi pjan trasversali li qiegħed 25m fuq wara tat-trattur ma jkollu l-ebda viżibilità diretta ta’ dawl abjad (ara Appendiċi 2, Figura 2).

3.10.3. Iż-żona 1 u 2, kif jidhru minn osservatur, huma limitati fil-pjanijiet rispettivi tagħhom kif ġej:

3.10.3.1. għal dak li għandu x’jaqsam mat-tul, b’żewġ pjanijiet orizzontali li huma 1m u 2.2m rispettivament ‘l fuq mill-art;

3.10.3.2. f’dak li għandu x’jaqsam mal-wisa’, b’żewġ pjanijiet vertikali li jagħmlu angolu ta’ 15° lejn in-naħa ta’ quddiem u lejn in-naħa ta’ wara rispettivament, u lejn in-naħa ta’ barra b’referenza għall-pjan medjan tat-trattur, billi jgħaddu mill-punt (jew punti) ta’ kuntatt ta’ pjanijiet vertikali li huma paralleli mal-pjan lonġitudinali medjan tat-trattur, u billi jillimitaw il-wisa’ ġenerali tat-trattur meta jkunu fuq rotta wiesa’.

Jekk ikun hemm diversi punti ta’ kuntatt, il-punt l-aktar ‘il bogħod lejn in-naħa ta’ quddiem għandu jintgħażel għaż-żona 1 u l-punt l-aktar ‘l bogħod lejn in-naħa ta’ wara għandu jintgħażel għaż-żona 2.

3.11. Il-konnessjonijiet elettriċi għandhom jkunu tali li, l-lampi ta’ quddiem u ta’ wara (tal-ġenb), il-lampi li jindikaw it-trufijiet tal-linji tal-forma tat-trattur, jekk dawn ikunu jeżistu, u l-lampa tal-pjanċa tar-reġistrazzjoni ta’ wara, jistgħu jinxtegħlu u jintfew simultanjament.

3.12. Il-konnessjonijiet elettriċi għandhom jkunu tali li, l-lampi ta’ quddiem tar-raġġ prinċipali u tar-raġġ li jarmi l-isfel, u l-lampi taċ-ċpar ta’ quddiem u ta’ wara ma jkunux jistgħu jinxtegħlu sakemm il-lampi li hemm referenza għalihom f’3.11, ma jkunux mixgħula wkoll. Madankollu, din il-kondizzjoni m’għandhiex tapplika għall-lampi ta’ quddiem tar-raġġ prinċipali u r-raġġ li jarmi l-isfel meta t-twissijiet tagħhom bid-dawl, jikkonsistu f’li l-lampi ta’ quddiem tar-raġġ li jarmi l-isfel jixgħelu b’mod intermittenti f’intervalli qosra, jew f’li l-lampi ta’ quddiem tar-raġġ prinċipali jixgħtelu b’mod intermittenti jew f’li l-lampi ta’ quddiem tar-raġġ li jarmi l-isfel u u r-raġġ prinċipali jixgħelu alternattivament f’intervalli qosra.

3.13 Il-kuluri tad-dawl mormi mil-lampi jew mir-rifletturi huwa kif ġej:

- lampa ta’ quddiem tar-raġġ prinċipali; abjad jew isfar selettiv,

- lampa ta’ quddiem tar-raġġ li jarmi l-isfel: abjad jew isfar selettiv,

- lampa taċ-ċpar ta’ quddiem: abjad jew isfar,

- lampa li turi li l-karrozza se treġġa’ lura: abjad,

- lampa li tindika d-direzzjoni: ambra,

- sinjal li javża li hemm periklu: ambra,

- lampa ta’ waqfien: aħmar,

- lampa tal-pjanċa tar-reġistrazzjoni ta’ wara: abjad,

- lampa ta’ quddiem (tal-ġenb): abjad; isfar selettiv huwa permess jekk il-lampa ta’ quddiem (tal-genb) hija lampa ta’ quddiem ta’ kulur isfar selettiv,

- lampa ta’ wara (tal-ġenb): aħmar,

- lampa taċ-ċpar ta’ wara: aħmar,

- lampa tal-parkeġġ: abjad fuq quddiem, aħmar fuq wara, ambra jekk din hi nkorporata mal-lampi -tal-ġenb li jindikaw id-direzzjoni,

- lampa tax-xogħol: ebda speċifikazzjonijiet,

- lampa li tindika it-trufijiet tal-linji tal-forma tat-trattur: abjad fuq quddiem, aħmar fuq wara,

- riflettur bir-rifless ta’ wara, li mhux trijangulari: aħmar.

Madankollu, sakemm il-kondizzjonijiet kollha meħtieġa biex tinkiseb l-approvazzjonali tat-tip ta’ vettura tal-KEE ma japplikawx, l-għażla tal-kulur tad-dawl mormi mil-lampi ta’ quddiem bir-raġġ prinċipali u r-raġġ li jarmi l-isfel u mil-lampi taċ-ċpar ta’ quddiem għandha titħalla f’idejn l-Istati Membri.

3.14 Il-funzjoni taċ-ċirkostanzi taċ-ċirkwit magħluq tista’ titwettaq minn ċirkostanzi tat-tħaddim.

3.15 Lampi li jistgħu jinħbew

3.15.1. Il-ħabi ta’ lampi m’għandux ikun permess, bl-eċċezzjoni tal-lampi ta’ quddiem tar-raġġ prinċipali, il-lampi ta’ quddiem tar-raġġ jarmi l-isfel u l-lampi taċ-ċpar ta’ quddiem, li jistgħu jinħbew meta ma jkunux qed jintużaw.

3.15.2. Mekkaniżmu lluminanti fil-pożizzjoni ta’ l-użu għandu jibqa f’dik il-pożizzjoni jekk il-ħsara fit-tħaddim imsemmija f’3.15.2.1 isseħħ jew weħida jew flimkien ma’ waħda mill-ħsarat deskritti f’3.15.2.2.

3.15.2.1. In-nuqqas ta’ enerġija biex titħaddem il-lampa.

3.15.2.2. Ksur, tfixkil, jew ċirkwitu qasir mal-ert fiċ-ċirkwit elettriku, difetti fil-wajers idrawliċi jew pnewmatiċi, Bowden kejbils, solenojdi jew komponenti oħra li jikkontrollaw jew jittrasmettu l-enerġija li hi ntenzjonata biex tħaddem l-istrument ta’ ħabi.

3.15.3. Fil-każ ta’ difett fil-kontroll tal-ħabi, mekkaniżu ta’ dawl moħbi, għandu jkun jista’ jiġi mċaqlaq fil-pożizzjoni ta’ użu mingħajr ma jkun hemm bżonn ta’ għodda.

3.15.4. Għandu jkun possibbli li wieħed iċaqlaq il-mekkaniżmi lluminanti fil-pożizzjoni ta’ użu u li jixgħelhom permezz ta’ kontroll wieħed, mingħajr ma tiġi eskluża l-possibilità li wieħed ikun jista’ jċaqlaqhom fil-pożizzjoni ta’ użu mingħajr ma jixgħelhom. Madankollu, fil-każ ta’ lampi ta’ quddiem tar-raġġ prinċipali u tar-raġġ li jarmi l-isfel miġbura flimkien, il-kontroll imsemmi hawn fuq huwa meħtieġ biss biex jiġu attivati il-lampi ta’quddiem bir-raġġ li jarmi l-isfel.

3.15.5. M’għandux ikun possibbli deliberatament, li mis-sedil tas-sewwieq, jitwaqqaf il-moviment tal-lampi ta’ quddiem li ġew mixgħula, sakemm dawn jilħqu l-pożizzjoni ta’ l-użu. Jekk ikun hemm periklu ta’ tgħammix bil-moviment tal-lampi ta’ quddiem għal kull min ikun qed juża t-triq, dawn jistgħu jinxtegħlu biss meta jkunu laħqu l-pożizzjoni finali tagħhom.

3.15.6. F’temperaturi ta’ bejn -30° u + 50°, mekkaniżmu illuminanti għandu ikun kapaċi jilħaq il-pożizzjoni li fiha jkun kompletament miftuħ fi żmien tliet sekondi mit-tħaddim inizzjali tal-kontroll.

3.16 Lampi ta’ pożizzjoni varjabbli

3.16.1. Fil-każ ta’ tratturi li għandhom wisa’ ta’ bejn iż-żewġ roti ta’ 1150mm jew inqas, il-pożizzjoni tal-lampi li jindikaw id-direzzjoni, tal-lampi ta’ quddiem u ta’ wara (tal-ġenb) u l-lampi ta’ waqfien tista’ tvarja, sakemm:

3.16.1.1. dawn il-lampi jibqgħu viżibbli anki meta tiġi mmodifikata l-pożizzjoni tagħhom;

3.16.1.2. dawn il-lampi jistgħu jiġu maqfula fil-pożizzjoni mitluba mill-kondizzjonijiet tat-traffiku. Il-qfil għandu ikun awtomatiku.

4. SPEĊIFIKAZZJONIJIET INDIVIDWALI

4.1. Lampa ta’ quddiem tar-raġġ prinċipali

4.1.1. Presenza

Mhux obbligatorja.

4.1.2. Numru

Tnejn jew erbgħa.

4.1.3. Arranġament

Ebda speċifikazzjonijiet individwali.

4.1.4. Pożizzjoni

4.1.4.1. Wisa’:

It-trufijiet ta’ barra tal-wiċċ ta’ luminazzjoni ma għandhom fl-ebda każ ikunu eqreb tat-tarf l-aktar il-barra tat-trattur mit-trufijiet ta’ barra tal-wiċċ ta’ illuminazzjoni tal-lampi ta’ quddiem bir-raġġ li jarmi l-isfel.

4.1.4.2. Għoli:

Ebda speċifikazzjonijiet individwali.

4.1.4.3. Tul:

L-aktar qrib tan-naħa ta’ quddiem tat-trattur possibbli; madankollu, d-dawl mormi m’għandux, fl-ebda ċirkustanza, jikkawża skumdità lis-sewwieq, kemm direttament, jew indirettament mill-mirja ta’ viżjoni anterjuri u/jew uċuh li jirriflettu tat-trattur.

4.1.5. Viżibilità ġeometrika

Il-viżibilità tal-wiċċ ta’ illuminazzjoni, li tinkludi l-viżibilità tiegħu fżoni li ma jidhrux li huma mixgħula fid-direzzjoni ta’ osservazzjoni kkunsidrata, għandha tiġi assigurata fi spazju diverġenti definit mill-linji produttivi bbażati fuq il-perimetru tal-wiċċ ta’ illuminazzjoni u li jiffurmaw angolu ta’ mhux inqas minn 5° mal-fusien ta’ referenza tal-lampa ta’ quddiem.

4.1.6. Allinjament

Lejn in-naħa ta’ quddiem

Barra mill-mekkaniżmi meħtieġa biex jinżamm aġġustament korrett, u fejn ikun hemm żewġ pari ta’ lampi ta’ quddiem tar-raġġ prinċipali, par minnhom, li jikkonsisti f’lampi ta’ quddiem b’raġġ prinċipali biss, jista’ jiddawwar, skond l-angolu tal-qofol ta’ l-istering, madwar fus qrib ħafna tal-vertikal.

4.1.7. Jistgħu"jinġabru fi grupp"

mal-lampi ta’ quddiem bir-raġġ jarmi l-isfel u mal-lampi ta’ quddiem l-oħra.

4.1.8. Ma jistgħux"jingħaqdu"

ma’ kwalunkwe lampa oħra.

4.1.9. Jistgħu jiġu"nkorporati reċiprokament"

4.1.9.1. ma’ lampa ta’ quddiem bir-raġġ jarmi l-isfel, sakemm il-lampa ta’ quddiem tar-raġġ prinċipali tista’ tiddawwar skond l-angolu tal-qofol ta’ l-istering;

4.1.9.2. mal-lampa ta’ quddiem (tal-ġenb);

4.1.9.3. mal-lampa taċ-ċpar ta’ quddiem;

4.1.9.4. mal-lampa tal-parkeġġ.

4.1.10. Konnessjonijiet elettriċi

4.1.10.1 Il-lampi ta’ quddiem tar-raġġ prinċipali jistgħu jiġu mixgħula jew simultanjament jew f’pari. Biex ikun hemm bidla minn raġġ jarmi l-isfel għal raġġ prinċipali, ta’ l-anqas par wieħed ta’ raġġi prinċipali għandu ikun mixgħul. Biex ikun hemm bidla minn raġġ prinċipali għal raġġ jarmi l-isfel, il-lampi ta’ quddiem tar-raġġ prinċipali kollha għandhom jintfew simultanjament.

4.1.10.2. Ir-raġġi li jarmu l-isfel jistgħu jibqgħu mixgħula fl-istess ħin mar-raġġi prinċipali

4.1.11. Ċirkostanza ta’ ċirkwit magħluq

Mandatorju

4.1.12. Ħtiġiet oħra

4.1.12.1. L-intensità massima globali tar-raġġi prinċipali li jistgħu jinxtegħlu simultanjament ma għandhiex taqbeż 225000 cd.

4.1.12.2. Din l-intensità massima għandha tinkiseb billi jingħaddu flimkien l-intensitajiet massimi ndividwali mkejla waqt l-approvazzjoni tat-tip ta’ komponent u li jidhru fuq iċ-ċertifikati rilevanti ta’ l-approvazzjoni.

4.2. Lampa ta’ quddiem bir-raġġ jarmi l-isfel

4.2.1. Presenza

Mandatorju

4.2.2. Numru

Tnejn

4.2.3. Arranġament

Ebda speċifikazzjonijiet individwali.

4.2.4. Pożizzjoni

4.2.4.1. Wisa’:

Ebda speċifikazzjonijiet individwali.

4.2.4.2. Għoli ‘l fuq mill-art:

4.2.4.2.1. jekk żewġ lampi ta’ quddiem bir-raġġ jarmi l-isfel biss huma mwaħħla:

- minimu ta’ 500 mm,

- massimu ta’ 1200mm.

Din id-distanza tista’ tiżdied sa 1500 mm, jekk l-għoli ta’ 1200mm ma jkunx jista’ jiġi osservat minħabba d-disinn, b’konsiderazzjoni tal-kondizzjonijiet ta’ l-użu tat-trattur u tat-tagħmir ta’ tħaddim tiegħu;

4.2.4.2.2. fil-każ ta’ tratturi mgħammra għat-twaħħil ta’ mekkaniżmi li jistgħu jinġarru fuq in-naħa ta’ quddiem, għandhom jitħallew żewġ lampi bir-raġġ jarmi l-isfel, flimkien mal-lampi msemmija f’4.2.4.2.1 f’għoli li ma jaqbiżx 2800mm jekk:

- il-konnessjonijiet elettriċi huma tali li żewġ pari ta’ lampi ta’ quddiem bir-raġġ jarmi l-isfel ma jistgħux jinxtegħlu fl-istess ħin,

- il-lampi ta’ quddiem tar-raġġ jarmi l-isfel addizzjonijali huma nkorporati reċiprokament jew miġbura flimkien ma’ lampi ta’ quddiem (tal-ġenb) addizzjonali.

4.2.4.3. Tul:

L-aktar qrib possibbli tan-naħa ta’ quddiem tat-trattur; madankollu, d-dawl mormi ma jista’, fl-ebda ċirkustanza, jikkawża skumdità lis-sewwieq, kemm direttament, jew indirettament mill-mirja ta’ viżjoni anterjuri u/jew mill-uċuh li jirriflettu tat-trattur.

4.2.5. Viżibilità ġeometrika

Definiti bl-angoli α u β kif speċifikat f’ 1.9:

α = 15o ‘il fuq u 10o ‘l isfel,

β = 45o ‘il barra u 5o ‘il ġewwa,

F’dan il-qasam, għandha tkun viżibbli kważi t-totalità kollha tal-wiċċ li jarmi d-dawl.

Il-preżenza ta’ pannelli jew oġġetti oħra ta’ tagħmir ħdejn il-lampa ma jistax ikollhom effetti sekondarji li jikkażaw skumdità għal min ikun qed juża’ t-triq.

4.2.6. Allinjament

4.2.6.1. L-allinjament tal-lampi ta’ quddiem bir-raġġ jarmi l-isfel ma għandux ivarja skond l-angolu tal-qfiel ta’ l-istering.

4.2.6.2. Jekk l-għoli tal-lampi ta’ quddiem tar-raġġ jarmi l-isfel huwa ugwali għal, jew akbar minn 500mm u ugwali għal, jew inqas minn 1200mm, għandu ikun possibbli li r-raġġ jarmi l-isfel jitniżżel għal bejn 0.5 u 4 %;

4.2.6.3. Jekk l-għoli tal-lampi ta’ quddiem tar-raġġ jarmi l-isfel huwa akbar minn 1200 imma mhux ikbar minn 1500mm, il-limitu ta’ 4 % preskritt f’4.2.6.2 għandu jiżdied għal 6 %; il-lampi ta’ quddiem tar-raġġ jarmi l-isfel li hemm referenza għalihom f’4.2.4.2.2 għandhom ikunu allinjati b’tali mod li, meta mkejla minn 15m mill-lampa, il-linja orizzontali li tissepara ż-żona mixgħula, tkun f’għoli ekwivalenti għal biss nofs id-distanza ta’ bejn l-art u ċ-ċentru tal-lampa.

4.2.7. Jistgħu"jinġabru fi grupp"

mal-lampi ta’ quddiem tar-raġġ prinċipali u mal-lampi ta’ quddiem l-oħra.

4.2.8. Ma jistgħux"jingħaqdu"

ma’ kwalunkwe lampa oħra.

4.2.9. Jistgħu jiġu"nkorporati reċiprokament"

4.2.9.1. mal-lampa ta’ quddiem tar-raġġ prinċipali, sakemm din ta’ l-aħħar tiddawwar skond l-angolu tal-qfiel ta’ l-istering;

4.2.9.2. mal-lampi l-oħra ta’ quddiem.

4.2.10. Konnessjonijiet elettriċi

Il-kontroll biex ikun hemm qlib għal raġġ jarmi l-isfel għandu jitfi l-lampi ta’ quddiem tar-raġġ prinċipali simultanjament.

Ir-raġġi jarmu l-isfel jistgħu jibqgħu mixgħula fl-istess ħin mar-raġġi prinċipali’.

4.2.11. Ċirkostanza ta’ ċirkwit magħluq

Mhux obbligatorju

4.2.12. Ħtiġiet oħra

Il-ħtiġiet ta’ 3.5.2 m’għandhomx japplikaw għal-lampi ta’ quddiem tar-raġġ jarmi l-isfel.

4.3. Lampa taċ-ċpar ta’ quddiem

4.3.1. Presenza

4.3.2. Numru

Tnejn

4.3.3. Arranġament

Ebda speċifikazzjonijiet individwali.

4.3.4. Pożizzjoni

4.3.4.1. Wisa’:

Ebda speċifikazzjonijiet individwali.

4.3.4.2. Għoli:

Mhux inqas minn 250 mm ‘l fuq mill-art.

L-ebda punt fuq il-wiċċ ta’ illuminazzjoni ma għandu ikun aktar għoli mill-aktar punt għoli tal-wiċċ ta’ illuminazzjoni tal-lampa ta’ quddiem tar-raġġ jarmi l-isfel.

4.3.4.3. Tul:

L-aktar qrib tan-naħa ta’ quddiem tat-trattur possibbli: madankollu, id-dawl mormi ma jista’, fl-ebda ċirkustanza, jikkawża skumdità lis-sewwieq, kemm direttament, jew indirettament mill-mirja ta’ viżjoni anterjuri u/jew mill-uċuh li jirriflettu tat-trattur.

4.3.5. Viżibilità ġeometrika

Definit bl-angoli α u β as speċifikati fil-1.9:

α = 5° il-fuq u l-isfel,

β = 45° il-barra u 5° l-ġewwa.

4.3.6. Allinjament

L-allinjament tal-lampi taċ-ċpar ta’ quddiem ma għandux ivarja skond l-angolu tal-qfiel ta’ l-istering.

Għandhom jkunu jħarsu ‘l quddiem mingħajr ma jikkawżaw tgħammix jew skumdità għal sewwieqa oħra li jkunu ġejjin min-naħa l-oħra jew lil min ikun qed jużaw it-triq.

4.3.7. Jistgħu"jinġabru fi grupp"

ma’ lampi oħra ta’ quddiem.

4.3.8. Ma jistgħux"jingħaqdu"

ma’ lampi oħra ta’ quddiem.

4.3.9. Jistgħu jiġu"inkorporati reċiprokament"

4.3.9.1. mal-lampi ta’ quddiem tar-raġġ prinċipali li ma jistgħux jiddawwru skond l-angolu tal-qfil ta’ l-istering meta jkun hemm erba’ lampi ta’ quddiem;

4.3.9.2. mal-lampi ta’ quddiem (tal-ġenb);

4.3.9.3. mal-lampa tal-parkeġġ.

4.3.10. Konnessjonijiet elettriċi

Għandu ikun possibbli li l-lampa taċ-ċpar tintefa’ u tinxtegħel independentement mill-lampi ta’ quddiem tar-raġġ prinċipali u r-raġġ li jarmi l-isfel u bil-maqlub.

4.3.11. Ċirkostanza ta’ ċirkwit magħluq

Mhux obbligatorja.

4.4. Lampi li juru li l-karrozza se tirriversja

4.4.1. Presenza

Mhux obbligatorja.

4.4.2. Numru

Waħda jew tnejn.

4.4.3. Arranġament

Ebda speċifikazzjonijiet individwali.

4.4.4. Pożizzjoni

4.4.4.1. Wisa’:

Ebda speċifikazzjonijiet individwali.

4.4.4.2. Għoli:

Mhux inqas minn 250 mm u mhux aktar minn 1200 ‘l fuq mill-art.

4.4.4.3. Tul:

Fuq wara tat-trattur.

4.4.5. Viżibilità ġeometrika

Definiti bl-angoli α u β kif speċifikat f’1.9:

α = 15o ‘l fuq u 5o ‘l isfel,

β = 45o lejn il-lemin u lejn x-xellug jekk ikun hemm lampa waħda,

β = 45o ‘l barra u 30o ‘il ġewwa jekk ikun hemm tnejn.

4.4.6. Allinjament

In-naħa ta’ wara

4.4.7. Jistgħu"jinġabru fi grupp"

ma’ kwalunkwe lampa ta’ wara oħra.

4.4.8. Ma jistgħux"jingħaqdu"

ma’ lampi oħra.

4.4.9. Ma jistgħux jiġu"inkorporati reċiprokament"

ma’ lampi oħra.

4.4.10. Konnessjonijiet elettriċi

Din tista’ tinxtegħel biss jekk il-ger tat-treħħiegħ lura ikun qed jitħaddem u jekk il-mekkaniżmu li jikkontrolla l-bidu u t-tmiem tat-tħaddim tal-magna jkun f’pożizzjoni tali li t-tħaddim tal-magna jkun possibbli.

Ma għandux jixgħel jew jibqa’ mixgħul jekk xi waħda mill-kondizzjonijiet ta’ hawn fuq ma tkunx imħarsa.

4.4.11. Ċirkostanza

Mhux obbligatorja.

4.5. Lampa li tindika d-direzzjoni

4.5.1. Presenza (ara Appendiċi 3).

Mandatorju Tipi ta’ indikaturi jaqgħu fil-kategoriji (1,2 u 5), li l-immuntar tagħhom fuq wieħed mit-tratturi jikkostitwixxi arranġament (A sa D).

L-arranġament A għandu jitħalla biss fuq tratturi li t-tul ġenerali tagħhom ma jaqbiżx 4.60m u fil-każ ta’ liema d-distanza ta’ bejn it-trufijiet ta’ barra u l-uċuh ta’ illuminazzjoni m’humiex aktar minn 1.60 m.

L-arranġamenti B, Ċ u D għandhom japplikaw għat-tratturi kollha.

4.5.2. Numru

In-numru ta’ mekkaniżmi għandu jkun tali li jistgħu jitfgħu sinjali li jikkorrispondu ma’ wieħed mill-arranġamenti li msemmi f’4.5.3.

4.5.3. Arranġament (ara Appendiċi 3).

A - Żewġ lampi ta’ quddiem li jindikaw id-direzzjoni (kategorija 1),

- Żewġ lampi ta’ wara li jindikaw id-direzzjoni (kategorija 2).

Dawn il-lampi jistgħu jkunu ndipendenti, miġbura flimkien jew magħqudin.

B - Żewġ lampi ta’ quddiem li jindikaw id-direzzjoni (kategorija 1).

- Żewġ lampi tal-ġnub li jindikaw id-direzzjoni li jteptpu (kategorija 5).

- Żewġ lampi ta’ wara li jindikaw id-direzzjoni (kategorija 2).

Il-lampi ta’ quddiem u l -lampi tal-ġnub li jibqgħu jteptpu jistgħu jkunu indipendenti, miġbura flimkien jew magħquda.

Ċ - Żewġ lampi ta’ quddiem li jindikaw id-direzzjoni (kategorija 1),

- Żewġ lampi ta’ wara li jindikaw id-direzzjoni (kategorija 2),

- Żewġ lampi tal-ġnub li jindikaw id-direzzjoni li jteptpu (kategorija 5).

D - Żewġ lampi ta’ quddiem li jindikaw id-direzzjoni (kategorija 1).

- Żewġ lampi ta’ wara li jindikaw id-direzzjoni (kategorija 2).

4.5.4. Pożizzjoni

4.5.4.1. Wisa’:

Ix-xifer tal-wiċċ ta’ illuminazzjoni l-aktar ‘il bogħod mill-pjan lonġitudinali medjan tat-trattur ma għandux ikun aktar minn 400 mm mix-xifer l-aktar il’ bogħod tat-trattur.

Id-distanza ta’ bejn ix-xfar ta’ barra taż-żewġ uċuh ta’ illuminazzjoni m’għandhiex tkun inqas minn 500mm.

Meta d-distanza vertikali ta’ bejn il-lampa ta’ wara li tindika d-direzzjoni u l-lampa ta’ wara (tal-ġenb) li tikkorrispondi magħha ma tkunx aktar minn 300mm, id-distanza ta’ bejn ix-xifer l-aktar il-barra tat-trattur u x-xifer ta’ barra tal-lampa ta’ wara li tindika d-direzzjoni ma għandhax taqbeż b’aktar minn 50mm id-distanza tax-xifer l-aktar ‘il barra tat-trattur u xixfer ta’ barra tal-lampa ta’ wara (tal-ġenb) korrispondenti.

Għal-lampi ta’ quddiem li jindikaw id-direzzjoni, il-wiċċ ta’ illuminazzjoni ma għandux ikun inqas minn 40mm mill-wiċċ ta’ luminazzjoni tal-lampi ta’ quddiem tar-raġġ jitfa’ l-isfel jew mill-lampi taċ-ċpar ta’ quddiem, jekk ikun hemm. Distanza iżgħar hija permessa jekk l-intensità tad-dawl fil-fus ta’ referenza tal-lampa li tindika d-direzzjoni hija ugwali għal ta’ l-anqas 400cd.

4.5.4.2. Għoli:

‘L fuq mill-art:

- mhux inqas minn 500 mm għal-lampi li jindikaw id-direzzjoni fil-kategorija 5,

- mhux inqas minn 400 mm għal-lampi li jindikaw id-direzzjoni fil-kategoriji 1 u 2,

- mhux aktar minn 1900 mm għall-kategoriji kollha.

Jekk l-istruttura tat-trattur tippermetti li tinżamm din il-figura massima, l-ogħla punt fuq il-wiċċ ta’ luminazzjoni jista’ jkun f’2300 mm għal-lampi li jindikaw id-direzzjoni fil-kategorija 5, għal dawk fil-kategoriji 1 u 2 ta’ l-arranġament A u għal dawk fil-kategorija 1 ta’ l-arranġament B; dan jista’ jkun 2100mm għal dawk fil-kategoriji 1 u 2 ta’ l-arranġamenti l-oħra.

4.5.4.3. Tul:

Id-distanza ta’ bejn iċ-ċentru ta’ referenza tal-wiċċ ta’ luminazzjoni tal-lampa tal-ġenb li tindika d-direzzjoni (arranġamenti B u Ċ) u l-pjan trasversali li jimmarka l-limitu ta’ quddiem tat-tul totali tat-trattur, m’għandhiex taqbeż 18 00mm. Jekk l-istruttura tat-trattur tippermetti li tikkonforma ma’ l-angoli minimi ta’ viżibilità, din id-distanza tista’ tiżdied sa 2600mm.

4.5.5 Viżibilità ġeometrika

Angolu orizzontali (ara Appendiċi 3).

Angolu vertikali

15o ‘il fuq u taħt l-orizzontali. L-angolu vertikali taħt l-orizzontali jista’ jitnaqqas sa 10° fil-każ ta’ lampi tal-ġnub li jindikaw id-direzzjoni ta’ l-arranġamenti B u Ċ jekk it-tul tagħhom huwa inqas minn 1500mm. L-istess japplika fil-każ ta’ lampi li jindikaw id-direzzjoni fil-kategorija 1 ta’ l-arranġamenti B u D.

4.5.6. Allinjament

Jekk l-ispeċifikazzjonijiet individwali għall-installazzjoni huma preskritti mill-manifattur dawn għandhom jiġu osservati.

4.5.7. Jistgħu"jinġabru fi grupp"

ma’ lampa waħda jew aktar, li ma jistgħux jinħbew.

4.5.8. Ma jistgħux"jingħaqdu"

ma’ lampa oħra, barra skond l-arranġamenti imsemmi f’4.5.3.

4.5.9. Jistgħu jiġu"nkorporati reċiprokament"

biss ma’ lampa tal-parkeġġ, imma biss fil-każ ta’ lampi li jindikaw id-direzzjoni tal-kategorija 5.

4.5.10. Konnessjonijiet elettriċi

Il-lampi li jindikaw id-direzzjoni għandhom jixgħelu indipendentement minn lampi oħrajn. Il-lampi kollha li jindikaw id-direzzjoni fuq naħa waħda tat-trattur għandhom jinxtegħlu u jintfew permezz ta’ kontroll wieħed u għandhom jixegħlu u jintfew malajr fl-istess ħin.

4.5.11. Ċirkostanzi ta’ tħaddim

Mandatorju għall-lampi kollha li jindikaw id-direzzjoni li mhumiex direttament viżibbli għas-sewwieq. Dan jista’ jkun ottiku jew li jinstema’ jew it-tnejn.

Jekk dan ikun ottiku, għandu jkun dawl li jteptep li, fil-każ ta’ l-lampi li jindikaw id-direzzjoni, barra l-lampi li jindikaw id-direzzjoni b’dawl iteptep, ma jibdewx jaħdmu sew, dan għandu jew jintefa’, jew jibqa’ mixgħul mingħajr ma jteptep, jew juri bidla ta’ frekwenza b’mod ċar. Jekk ikun kollu kemm hu bil-ħoss, għandu jistema’ b’mod ċar u għandu juri bidla ċara ta’ frekwenza fil-każ li ma jibdiex jaħdem sew.

Jekk trattur ikun mgħammar biex jiġbed karru, għandu ikun mgħammar b’ċirkostanza tat-tħaddim ottiku speċjali għal-lampi li jindikaw id-direzzjoni ta’ fuq it-karru sakemm iċ-ċirkostanza ta’ fuq il-vettura li qed tiġbed, ma tkunx tippermetti li tiġi osservata kull ħsara f’wieħed mill-lampi li jindikaw id-direzzjoni fuq l-għaqda tat-trattur hekk iffurmata.

4.5.12. Ħtiġiet oħra

Id-dawl għandu jkun dawl li jteptep, li jteptep 90 ± 30 darba fil-minuta.

It-tħaddim tal-kontroll tas-sinjal bid-dawl għandu jiġi segwit f’inqas min sekonda bid-dehra ta’ dawl u f’mhux aktar minn sekonda u nofs wara li jkun intefa għall-ewwel darba.

Jekk trattur ikun awtorizzat li jiġbed karru, il-kontroll tal-lampi li jindikaw id-direzzjoni ta’ fuq it-trattur għandhom joperaw ukoll il-lampi indikaturi ta’ fuq it-karru.

Fil-każ ta’ ħsara, barra dik ta’ ċirkwit qasir, ta’ waħda mil-lampi li jindikaw id-direzzjoni, l-oħrajn għandhom ikomplu jteptpu imma l-frekewnza f’din il-kundizzjoni tista’ tkun differenti minn dik speċifikata.

4.6. Sinjal li javża li hemm periklu

4.6.1. | Presenza Mandatorju |

4.6.2 | Numru | Kif speċifikat fl-intestaturi ta’ 4.5 li jikkorrispondu |

4.6.3 | Arranġament |

4.6.4 | Pożizzjoni |

4.6.4.1. | Wisa’ |

4.6.4.2. | Għoli |

4.6.4.3. | Tul |

4.6.5 | Viżibilità ġeometrika |

4.6.6 | Allinjament |

4.6.7 | Jista’/ma jistax ikun ‘iggruppat’ |

4.6.8 | Jista’/ma jistax ikun ‘kombinat’ |

4.6.9 | Jista’/ma jistax ikun ‘inkorporat reċiprokament’ |

4.6.10 | Konnessjonijiet elettriċi Is-sinjal għandu jiġi mħaddem permezz ta’ kontroll separat li jippermetti li l-lampi li jindikaw id-direzzjoni jaħdmu fl-istess ħin. |

4.6.11 | Ċirkostanza ta’ ċirkwit magħluq Mandatorju Dawl li javża li jteptep, li jista’ jitħaddem flimkien maċ-ċirkostanza/i speċifikat(i) f’4.5.11. |

4.6.12. | Ħtiġiet oħra Kif speċifikat f’ 4.5.12, jekk trattur ikun mgħammar biex jiġbed karru, il-kontroll tas-sinjal li juri li hemm periklu għandu ikun kapaċi li jibda jħaddem ukoll il-lampi li jindikaw id-direzzjoni ta’ fuq it-karru. Is-sinjal li juri li hemm periklu għandu ikun jista’ jaħdem anke jekk il-mekkaniżmu li jixgħel jew iwaqqaf il-magna ikun qiegħed f’pożizzjoni li ma tippermettix li tinxtegħel il-magna. |

4.7. Lampi ta’ waqfien

4.7.1. Presenza

Mhux obbligatorja.

4.7.2. Numru

Tnejn

4.7.3. Arranġament

Ebda speċifikazzjonijiet individwali.

4.7.4. Pożizzjoni

4.7.4.1. Wisa’:

Mhux inqas minn 500 mm ‘l bogħod minn xulxin. Din id-distanza tista tiġi ridotta għal 400mm jekk il-wisa’ ġenerali tal-vettura hija inqas minn 1400mm.

4.7.4.2. Għoli:

‘L fuq mill-art: mhux inqas minn 400mm, mhux iktar minn 1900mm jew 2100 mm jekk il-forma ta’ l-istruttura ma tippermettix li jinżammu l-1900mm.

4.7.4.3. Tul:

Fuq wara tat-trattur.

4.7.5. Viżibilità ġeometrika

Angolu orizzontali

45° ‘il barra u ‘l ġewwa.

Angolu vertikali

15° ‘il fuq u taħt l-orizzontali. L-angolu vertikali taħt l-orizzontali jista’ jitnaqqas għal 10° fil-każ ta’ lampi li huma inqas minn 1500mm ‘il fuq mill-art; sa 5° fil-każ ta’ lampi li huma inqas minn 750mm ‘il fuq mill-art.

4.7.6. Allinjament

Lejn in-naħa ta’ wara tat-trattur.

4.7.7. Jistgħu"jinġabru fi grupp"

ma’ lampa waħda jew aktar ta’ wara.

4.7.8. Ma jistgħux"jingħaqdu"

ma’ lampa oħra.

4.7.9. Jistgħu jiġu"nkorporati reċiprokament"

ma’ lampa ta’ wara (tal-ġenb) jew ma’ lampa tal-parkeġġ.

4.7.10. Konnessjonijiet elettriċi

għandhom jixgħelu meta jiġu applikati l-brejkijiet.

4.7.11. Ċirkostanzi ta’ tħaddim

Mhux obbligatorja. Jekk dan jeżisti, għandu jkun dawl li juri li hemm periklu li ma jteptipx li jixgħel fil-każ li l-lampi ta’ waqfien ma jkunux qed jaħdmu sew.

4.7.12. Ħtiġiet oħra

L-intensità tad-dawl tal-lampi ta’ waqfien għandha tkun sinjifikament akbar, b’mod li jidher ċar, minn dik tal-lampi ta’ wara (tal-ġenb).

4.8. Lampa tal-pjanċa tar-reġistrazzjoni ta’ wara

4.8.1. | Presenza Mandatorju |

4.8.2. | Numru | B’mod illi l-mekkaniżmu jkun kapaċi jdawwal l-ispazju tal-pjanċa tar- registrazzjoni. |

4.8.3. | Arranġament |

4.8.4. | Pożizzjoni |

4.8.4.1. | Wisa’ |

4.8.4.2. | Għoli |

4.8.4.3. | Tul |

4.8.5. | Viżibiltà ġeometrika |

4.8.6 | Allinjament |

4.8.7. | Jistgħu"jinġabru fi grupp" ma’ lampa waħda jew aktar ta’ wara. |

4.8.8. | Jistgħu"jingħaqdu" mal-lampi ta’ wara (tal-ġenb); |

4.8.9. | Ma jistgħux jiġu"inkorporati reċiprokament" ma’ lampa oħra. |

4.8.10. | Konnessjonijiet elettriċi Il-mekkaniżmu għandu jixgħel biss fl-istess ħin mal-lampi ta’ wara (tal-ġenb). |

4.8.11. | Ċirkostanza ta’ ċirkwit magħluq Mhux obbligatorja. Jekk dan jeżisti, il-funzjoni tiegħu għandha ssir miċ-ċirkostanza meħtieġa għall-lampi ta’ quddiem u ta’ wara (tal-ġenb). |

4.9 Pożizzjoni tal-lampi ta’ quddiem (tal-ġenb)

4.9.1. Presenza

Mandatorju

4.9.2. Numru

Tnejn jew erbgħa (ara 4.2.4.2.2).

4.9.3. Arranġament

Ebda speċifikazzjonijiet individwali.

4.9.4. Pożizzjoni

4.9.4.1. Wisa’:

Il-punt fuq il-wiċċ ta’ illuminazzjoni li huwa l-aktar ‘il bogħod mill-pjan lonġitudinali medjan tat-trattur ma għandux ikun aktar minn 400mm mix-xifer l-aktar ‘l barra tat-trattur.

L-ispazju ħieles ta’ bejn xfar ta’ ġewwa rispettivi taż-żewġ uċuh ta’ illuminazzjoni m’għandux ikun inqas minn 500mm.

4.9.4.2. Għoli:

‘L fuq mill-art: mhux inqas minn 400mm, mhux iktar minn 1900mm jew mhux aktar minn 2100 mm jekk il-forma ta’ l-istruttura ma tippermettix li jinżammu l-1900mm preskritti hawn fuq.

4.9.4.3. Tul:

M’hemm l-ebda speċifikazzjonijiet, sakemm il-lampi huma allinjati ‘l quddiem u l -angoli tal-viżibilità ġeometrika speċifikati f’ 4.9.5 huma rispettati.

4.9.5. Viżibilità ġeometrika

Angolu orizzontali

Għaż-żewġ lampi ta’ quddiem (tal-ġenb); 10º ‘il ġewwa u 80º ‘il barra. Madankollu, l-angolu ta’ 10º ‘il ġewwa jista’ jitnaqqas sa 5º jekk il-forma ta’ l-istruttura ma tippermettix li jinżammu l-10º. Għal tratturi li għandhom wisa’ ġenerali li ma taqbiżx 1400mm dan l-angolu jista’ jitnaqqas għal 3º jekk il-forma ta’ l-istruttura ma tippermettix li jinżammu l-10º.

Angolu vertikali

15º ‘il fuq u taħt l-orizzontali. L-angolu vertikali taħt l-orizzontali jista’ jitnaqqas sa 10° jekk l-għoli tal-lampi ‘l fuq mill-art huwa inqas minn 1500mm, u sa 5º jekk dan l-għoli huwa inqas minn 750mm.

4.9.6. Allinjament

Lejn in-naħa ta’ quddiem

4.9.7. Jistgħu"jinġabru fi grupp"

ma’ kwalunkwe lampa oħra ta’ quddiem.

4.9.8. Ma jistgħux"jingħaqdu"

ma’ kwalunkwe lampi oħra.

4.9.9. Jistgħu jiġu"nkorporati reċiprokament"

ma’ kwalunkwe lampa oħra ta’ quddiem.

4.9.10. Konnessjonijiet elettriċi

Ebda speċifikazzjonijiet individwali.

4.9.11. Ċirkostanza

Mandatorju Din iċ-ċirkostanza għandha tkun li ma jteptipx. M’għandux ikun meħtieġ jekk it-tidwil tal-pannell ta’ l-istrumenti, jista’ biss jinxtegħel simultanjament mal-lampi ta’ quddiem (tal-ġenb).

4.10. Lampi ta’ wara (tal-ġenb)

4.10.1. Presenza

Mandatorju

4.10.2. Numru

Tnejn

4.10.3. Arranġament

Ebda speċifikazzjonijiet individwali.

4.10.4. Pożizzjoni

4.10.4.1. Wisa’:

Il-punt fuq il-wiċċ ta’ illuminazzjoni li huwa l-aktar ‘il bogħod mill-pjan lonġitudinali medjan tat-trattur ma għandux ikun aktar minn 400mm mix-xifer l-aktar ‘l barra tat-trattur.

Id-distanza ta’ bejn ix-xfarijiet ta’ ġewwa taż-żewġ uċuh ta’ illuminazzjoni m’għandhiex tkun inqas minn 500mm. Din id-distanza tista’ titnaqqas sa 400mm meta l-wisa’ ġenerali tat-trattur huwa inqas minn 1400mm.

4.10.4.2. Għoli:

‘L fuq mill-art: mhux inqas minn 400mm, mhux iktar minn 1900mm, jew mhux aktar minn 2100 mm jekk il-forma ta’ l-istruttura ma tippermettix li jinżammu l-1900mm.

4.10.4.3. Tul:

Fuq wara tat-trattur.

4.10.5. Viżibilità ġeometrika

Angolu orizzontali

Għaż-żewġ lampi ta’ wara (tal-ġenb);

- jew 45º ‘il ġewwa jew 80º ‘il barra,

- jew 80º ‘il ġewwa u 45º ‘il barra.

Angolu vertikali

15º ‘il fuq u taħt l-orizzontali. L-angolu taħt l-orizzontali jista’ jitnaqqas sa 10º jekk l-għoli tal-lampi ‘l fuq mill-art huwa inqas minn 1500mm, u sa 5º jekk dan l-għoli huwa inqas minn 750mm.

4.10.6. Allinjament

Lejn in-naħa ta’ wara

4.10.7. Jistgħu"jinġabru fi grupp"

ma’ kwalunkwe lampa ta’ wara oħra.

4.10.8. Jistgħu"jingħaqdu"

mal-lampa tal-pjanċa tar-reġistrazzjoni ta’ wara.

4.10.9. Jistgħu jiġu"nkorporati reċiprokament"

mal-lampa ta’ waqfien, mal-lampa taċ-ċpar ta’ wara jew mal-lampa tal-parkeġġ.

4.10.10. Konnessjonijiet elettriċi

Ebda speċifikazzjonijiet individwali.

4.10.11. Ċirkostanza ta’ ċirkwit magħluq

Mandatorju Jista’ jingħaqad ma’ dak tal-lampi ta’ quddiem (tal-ġenb).

4.11 Lampa taċ-ċpar ta’ wara

4.11.1. Presenza

Mhux obbligatorja.

4.11.2. Numru

Waħda jew tnejn.

4.11.3. Arranġament

Dawn għandhom jissodisfaw il-kondizzjonijiet tal-viżibilità ġeometrika.

4.11.4. Pożizzjoni

4.11.4.1. Wisa’:

Jekk ikun hemm lampa waħda biss taċ-ċpar ta’ wara, din għandha tkun fuq in-naħa opposta tal-pjan lonġitudinali medjan tat-trattur lejn id-direzzjoni tat-traffiku preskritta fil-pajjiż ta’ reġistrazzjoni.

Fil-każijiet kollha, id-distanza ta’ bejn il-lampa taċ-ċpar ta’ wara u l-lampa ta’ waqfien għandha tkun ikbar minn 100mm.

4.11.4.2. Għoli:

‘L fuq mill-art: mhux inqas minn 400 mm, mhux iktar minn 1900mm, jew mhux aktar minn 2100 mm jekk il-forma ta’ l-istruttura ma tippermettix li jinżammu l-1900mm.

4.11.4.3. Tul:

Fuq wara tat-trattur.

4.11.5. Viżibilità ġeometrika

Angolu orizzontali

25° ‘il ġewwa u ‘l barra.

Angolu vertikali

5º ‘il fuq u taħt l-orizzontali.

4.11.6. Allinjament

Lejn in-naħa ta’ wara

4.11.7. Jistgħu"jinġabru fi grupp"

ma’ kwalunkwe lampi ta’ wara oħra.

4.11.8. Ma jistgħux"jingħaqdu"

ma’ lampi oħra.

4.11.9. Jistgħu jiġu "nkorporati reċiprokament"

mal-lampi ta’ wara (tal-ġenb) jew mal-lampa tal-parkeġġ.

4.11.10. Konnessjonijiet elettriċi

Għandhom jkunu tali li l-lampa taċ-ċpar ta’ wara tixgħel biss meta jkunu qed jintużaw il-lampi ta’ quddiem tra-raġġ jarmi l-isfel jew il-lampi taċ-ċpar ta’ quddiem.

Jekk ikun hemm il-lampi taċ-ċpar ta’ quddiem, għandu jkun possibbli li jintfew il-lampi taċ-ċpar ta’ wara indipendentement mil-lampi taċ-ċpar ta’ quddiem.

4.11.11. Ċirkostanza ta’ ċirkwit magħluq

Mandatorju. Dawl li javża indipendenti, ta’ intensità fissa.

4.12. Lampa tal-parkeġġ

4.12.1. Presenza

Mhux obbligatorja.

4.12.2. Numru

Jiddependi mill-arranġament.

4.12.3. Arranġament

- jew żewġ lampi fuq quddiem u żewġ lampi fuq wara,

- jew lampa waħda fuq kull naħa.

4.12.4. Pożizzjoni

4.12.4.1. Wisa’:

Il-punt fuq il-wiċċ ta’ luminazzjoni lu huwa l-aktar ‘il bogħod mill-pjan lonġitudinali medjan tat-trattur ma għandux ikun aktar minn 400mm mix-xifer l-aktar ‘l barra tat-trattur. Barra minn hekk, fil-każ ta’ par lampi, il-lampi għandhom jkunu fuq il-ġnub tat-trattur.

4.12.4.2. Għoli:

‘L fuq mill-art: mhux inqas minn 400mm, mhux iktar minn 1900mm, jew mhux aktar minn 2100 mm jekk il-forma ta’ l-istruttura ma tippermettix li jinżammu l-1900mm.

4.12.4.3. Tul:

Ebda speċifikazzjonijiet individwali.

4.12.5. Viżibilità ġeometrika

Angolu orizzontali

45° ‘il barra, lejn in-naħa ta’ quddiem u lejn in-naħa ta’ wara.

Angolu vertikali

15° ‘il fuq u taħt l-orizzontali. L-angolu vertikali taħt l-orizzontali jista’ jitnaqqas sa 10° jekk l-għoli tal-lampi ‘l fuq mill-art huwa inqas minn 1500mm, u sa 5° jekk dan l-għoli huwa inqas minn 750mm.

4.12.6. Allinjament

B’dak il-mod li l-lampi jissodisfaw il-kondizzjonijiet li jikkonċernaw il-viżibilità lejn in-naħa ta’ quddiem u lejn in-naħa ta’ wara.

4.12.7. Jistgħu"jinġabru fi grupp"

ma’ kwalunkwe lampa oħra.

4.12.8. Ma jistgħux"jingħaqdu"

ma’ lampi oħra.

4.12.9. Jistgħu jiġu"nkorporati reċiprokament"

- fuq quddiem: mal-lampi tal-pożizzjoni (tal-ġenb), il-lampi ta’ quddiem tar-raġġ jarmi l-isfel, il-lampi ta’ quddiem tar-raġġ prinċipali u l-lampi taċ-ċpar ta’ quddiem,

- fuq wara: mal-lampi tal-pożizzjoni (tal-ġenb), il-lampi ta’ waqfien u l-lampi taċ-ċpar ta’ wara,

- mal-lampi li jindikaw id-direzzjoni fil-kategorija 5.

4.12.10. Konnessjonijiet elettriċi

Il-konnessjonijiet għandhom jippermettu li l-lampa/i tal-parkeġġ ta’ l-istess naħa tat-trattur jinxtegħlu indipendentement minn xi lampi oħra.

4.12.11. Ċirkostanza

Mhux obbligatorja. Jekk ikun hemm wieħed, ma għandux ikun possibbli li dan jiġi mħawwad maċ-ċirkostanz tal-lampi tal-pożizzjoni (tal-ġenb).

4.12.12. Ħtiġiet oħra

Il-funzjoni ta’ din il-lampa tista’ ssir ukoll billi jinxtegħlu simultanjament il-lampi ta’ quddiem u ta’ wara (tal-ġnub) ta’ l-istess naħa tat-trattur.

4.13. Lampa li tindika it-trufijiet tal-linji tal-forma tat-trattur

4.13.1. | Presenza Mhux obbligatorja fuq tratturi li ma jaqbżux 2.10 fil-wisa’. Ipprojbita fuq it-tratturi kollha l-oħra. |

4.13.2. | Numru Tnejn li huma viżibbli minn quddiem u tnejn viżibbli minn wara. |

4.13.3. | Arranġament Ebda speċifikazzjonijiet individwali. |

4.13.4. | Pożizzjoni |

4.13.4.1. | Wisa’: L-aktar qrib kemm jista’ jkun tax-xifer l-aktar ‘l barra tat-trattur. |

4.13.4.2. | Għoli: Fl-għoli massimu kompatibbli mal-ħtiġiet li jirrelataw mal-pożizzjoni fir-rigward tal-wisa’ u s-simetrija tal-lampi. |

4.13.4.3. | Tul: Ebda speċifikazzjonijiet individwali. |

4.13.5. | Viżibilità ġeometrika Angolu orizzontali 80° ‘il barra. Angolu vertikali 5° ‘il fuq u 20° taħt l-orizzontali. |

4.13.6. | Allinjament B’tali mod li l-lampi jissodisfaw il-ħtiġiet tal-viżibilità lejn in-naħa ta’ quddiem u lejn in-naħa ta’ wara. |

4.13.7. | Ma jistgħux ‘jinġabru fi grupp’ma’ lampi oħra ħlief | fil-każ imsemmi fil-4.2.4.2.2. |

4.13.8 | Ma jistgħux ‘jiġu maqgħuda’ |

4.13.9 | Ma jistgħu ‘jiġu nkorporati reċiprokament’ |

4.13.10. | Konnessjonijiet elettriċi Ebda speċifikazzjonijiet individwali. |

4.13.11. | Ċirkostanza Mhux obbligatorja. |

4.13.12. | Ħtiġiet oħra Sakemm il-kondizzjonijiet l-oħra jkunu ġew sodisfatti, il-lampa li tidher minn quddiem u l-lampa li tidher minn wara, fuq l-istess naħa tat-trattur, jistgħu jingħaqdu f’makkaniżmu wieħed. Il-pożizzjoni ta’ lampa li tindika it-trufijiet tal-linji tal-forma tat-trattur f’relazzjoni mal-lampa (tal-ġenb) fil-pożizzjoni korrispondenti għandha tkun tali li d-distanza ta’ bejn il-projezzjonijiet fuq pjan trasversali vertikali tal-punti l-eqreb ta’ l-uċuh ta’ illuminazzjoni taż-żewġ lampi kkunsidrati hija inqas minn 200mm. |

4.14. Riflettur bir-rifless ta’ wara, li mhux trijangulari:

4.14.1. Presenza

Mandatorju

4.14.2. Numru

Tnejn jew erbgħa (ara 4.14.5.2).

4.14.3. Arranġament

Ebda speċifikazzjonijiet individwali.

4.14.4. Pożizzjoni

4.14.4.1 Wisa’:

Il-punt fuq il-wiċċ ta’ illuminazzjoni li huwa l-aktar ‘il bogħod mill-pjan lonġitudinali medjan tat-trattur għandu ikun ta’ mhux aktar minn 400 mm mix-xifer l-aktar ‘l barra tat-trattur.

Id-distanza ta’ bejn ix-xfar interni tar-rifletturi riflessgħandha tkun ta’ minimu ta’ 600 mm. Din id-distanza tista tiġi ridotta għal 400 mm jekk il-wisa’ ġenerali tat-trattur hija inqas minn 1300 mm.

4.14.4.2. Għoli:

‘L fuq mill-art: mhux inqas minn 400 mm u mhux aktar minn 900 mm. Il-limitu l-aktar għoli jista’ jiżdied sa 1200 mm jekk ma jkunx possibbli li jkun f’għoli ta’ 900 mm mingħajr ma jkun hemm il-ħtieġa li jintużaw mekkaniżmi li jitwaħħlu li għandhom tendenza li tiġrilhom il-ħsara jew jitgħawwġu.

4.14.4.3. Tul:

Ebda speċifikazzjonijiet individwali.

4.14.5. Viżibilità ġeometrika

4.14.5.1. Angolu orizzontali

30° ‘il ġewwa u ‘l barra.

Angolu vertikali

15° ‘il fuq u taħt l-orizzontali. L-angolu vertikali taħt l-orizzontali jista’ jitnaqqas sa 5° jekk l-għoli tal-lampa huwa inqas minn 750 mm.

4.14.5.2. Jekk hu impossibbli li jiġu osservati l-pożizzjoni u l-ħtiġiet ta’ viżibilità ta’ hawn fuq, jistgħu jitwaħħlu erba’ rifletturi riflessi skond l-ispeċifikazzjonijiet ta’ installazzjoni li ġejjin:

4.14.5.2.1 Żewġ rifletturi riflessi għandhom jibqgħu fl-għoli massimu ta’ 900 mm ‘l fuq mill-art, josservaw distanza ta’ bejn ix-xfar interni ta’ ta’ l-inqas 400 mm u jkollhom angolu vertikali ta’ viżibilità ‘l fuq mill-orizzontal ta’ 15°.

4.14.5.2.2. It-tnejn l-oħra għandhom jibqgħu f’għoli massimu ta’ 2100 mm ‘il fuq mill-art u għandhom jintrabtu bil-ħtiġiet ta’ 4.14.4.1 u 4.14.5.1.

4.14.6. Allinjament

Lejn in-naħa ta’ wara

4.14.7. Jistgħu"jinġabru fi grupp"

ma’ kwalunkwe lampa oħra.

4.14.8. Ħtiġiet oħra

Il-wiċċ ta’ illuminazzjoni tar-riflettur bir-rifless jista’ jkollu partijiet komuni ma’ dawk ta’ kwalunkwe lampa oħra ta’ wara.

4.15. Lampa tax-xogħol

4.15.1. | Presenza Mhux obbligatorju |

4.15.2. | Numru Ebda speċifikazzjonijiet individwali. |

4.15.3 | Allinjament | Ebda speċifikazzjonijiet individwali |

4.15.4 | Pożizzjoni |

4.15.4.1. | Wisa’ |

4.15.4.2. | Għoli |

4.15.4.3. | Tul |

4.15.5. | Viżibilità Ġeometrika |

4.15.6. | Allinjament |

4.15.7. | Ma jstgħux ‘jinġabru fi grupp’ | ma’ lampa oħra |

4.15.8. | Ma jistgħux ‘jiġu kombinati’ |

4.15.9. | Ma jistgħux jiġi ‘nkorportati reċiprokament’ |

4.15.10 | Konnessjonijiet elettriċi Din il-lampa għandha tkun mixgħula indipendentement mil-lampi l-oħra minħabba l-fatt illi din ma tixgħelx it-triq jew ma taġixxix bħala mekkaniżmu li jagħmel sinjal fuq it-triq. |

4.15.11. | Ċirkostanza Mhux obbligatorju |

5. KONFORMITÀ TAL-PRODUZZJONI

5.1. Kull trattur li huwa prodott f’serje għandu jikkonforma mat-tip ta’ trattur li jkun irċieva l-approvazzjoni tat-tip f’dak li għandu x’jaqsam ma’ l-installazzjoni ta’ dawl u mezzi għas-sinjalizzazzjoni bid-dawl u l-karatteristiċi tagħhom kif speċifikati b’din id-Direttiva.

--------------------------------------------------

ANNESS II

MUDELL

+++++ TIFF +++++

+++++ TIFF +++++

--------------------------------------------------