— l-estrazzjoni, fis-sens strett tal-kelma, ta' minerali permezz tat-ħaffir ta' toqob fil-fond bħala spieri, u/jew

— għat-tfittix bil-għan għall-estrazzjoni bħal din, u/jew

— il-preparazzjoni għall-bejgħ tal-minerali estratti, esklużi l-attivitajiet tal-ipproċessar tal-minerali estratti;

2.1.  Organizzazzjoni tal-lant tax-xogħol

2.2.  Il-persuna inkarigata

Persuna responsabbli li jkollha l-prattika u l-kompetenzi meħtieġa biex twettaq id-doveri tagħha, skond il-liġijiet u/jew il-prattiċi nazzjonali, li tkun ġiet maħtura minn dak li jħaddem, għandha fi kwalunke waqt tkun responsabli għal kull lant tax-xogħol meta l-ħaddiema jkunu preżenti.

Min iħaddem jista personalemnt jassumi r-responsabbilità għal-lant tax-xogħol kif riferit fl-ewwel paragrafu, jekk ikollu l-prattika u l-kompetenza meħtieġa għall-dak l-iskop, skond il-liġijiet u/jew il-prattiċi nazzjonali.

2.3.  Superviżjoni

Biex jassigura l-ħarsien dwar is-sigurtà u s-saħħa ma tul l-operazzjonijiet kollha nvoluti, is-superviżjoni meħtieġa għandha tkun provduta minn persuni li jkollhom il-prattika u l-kompetenzi għal din ir-responsabbilità, skond il-liġijiet u/jew il-prattiċi nazzjonali, billi jkun ġie maħtur min dak li jimpjega jew f'ismu jew billi jaġixxi f'ismu.

Min jimpjega jista personalment iwettaq is-superviżjoni riferita fl-ewwel subparagrafu jekk ikollu l-prattika u l-kompetenza meħtieġa għal dak l-iskop, skond il-liġijiet u/jew il-prattiċi nazzjonali.

2.4.  Ħaddiema kompetenti

Meta l-ħaddiema jkunu preżenti fuq xi lant tax-xogħol, għandu jkun hemm numru suffiċjenti ta' ħaddiema ta' sengħa, esperjenza u taħriġ meħtieġa biex iwettqu d-doveri assenjati lilhom.

2.5.  Informazzjoni, struzzjonijiet u taħriġ

Il-ħaddiema għandhom jingħataw l-informazzjoni, l-istruzzjonijiet, it-taħriġ u t-taħriġ mill-ġdid meħtieġa biex jassiguraw is-saħħa u s-sigurtà tagħhom.

Min jimpjega għandu jassigura li l-ħaddiema jirċievu istruzzjonijiet komprensivi hekk li ma jipperikolawx is-sigurtà u s-saħħa tagħhom jew dawk ta' ħaddiema oħrajn.

2.6.  Struzzjonijiet bil-miktub

Istruzzjonijiet bil-miktub li jispeċifikaw ir-regoli li għandhom ikunu osservati biex jassiguraw is-sigurtà u s-saħħa tal-ħaddiema u l-użu galbat tat-tagħmir għandhom ikunu mħejjija għall kull lant tax-xogħol.

Dawn għandhom jinkludu informazzjoni rigward l-użu ta' tagħmir tal-emerġenza u l-azzjoni li għandha tittieħed fil-każ ta' emerġenza fi jew qrib il-lant tax-xogħol.

2.7.  Metodi ta' xogħol meqjusa

Metodi ta' xogħol bil-galbu għandhom ikunu applikati fuq kull lant tax-xogħol jew fir-rigward ta' kull attività.

2.8.  Permessi tax-xogħol

Meta meħtieġa bid-dokument rigward is-sigurtà u s-saħħa, sistema ta' permessi tax-xogħol għandha tkun introdotta għat-twettieq kemm ta' attivitajiet perikolużi u wkoll dawk l-attivitajiet normali li jistgħu jkollhom inter-azzjoni ma attivitajiet oħra hekk li joħolqu perikoli serji.

Il-permessi tax-xogħol għandhom jinħarġu mill-persuna nkarigata qabel ma jkun beda x-xogħol u għandhom jispeċifikaw il-kondizzjonijiet li għandhom jitwettqu u l-prekwazzjonijiet li għandhom jittieħdu qabel, ma tul u wara x-xogħol.

2.9.  Reviżjoni regolari tal-miżuri tas-sigurtà u s-saħħa

Min jimpjega għandu jassigura li l-miżuri meħudha bħala protezzjoni tas-sigurtà u s-saħħa tal-ħaddiema, inkluża s-sistema tal-amministrazzjoni tas-sigurtà u s-saħħa, ikunu regolarment riveduti biex jassiguraw konformità ma din id-Direttiva.

3.1.  Ġenerali

Il-għażla, l-istallazzjoni, it-tħejjija, l-operat u l-manteniment tat-tagħmir mekkaniku u elettriku għandhom iseħħu billi jittieħed akkont mistħoqq tas-sigurtà u s-saħħa tal-ħaddiema billi jkunu meqjusa d-dispożizzjonijiet l-oħra ta' din id-Direttriva u tad-Direttivi 89/392/KEE ( 6 ) u 89/655/KEE ( 7 ).

Jekk lokaliżżata f'żona li fiha jkun jeżisti jew x'aktarx li jkun jeżisti riskju ta' nar jew splużjoni mit-tqabbid ta' gass, fwar jew likwidu volatili, din għandha tkun addattata għall-użu f'dik iż-żona.

It-tagħmir għandu, jekk meħtieġ, ikun mgħammar b'apparati prottettivi addattati u sistemi li ma jistgħux ifallu.

3.2.  Dispożizzjonijiet speċifiċi

It-tagħmir u l-impjant mekkaniku għandhom ikunu ta' saħħa adekwata u ħielsa minn xi difetti moħbija u addattati għal-iskop li għalih huma intiżi.

It-tagħmir u l-impjant mekkaniku għandhom ikunu ta' daqs u qawwa suffiċjenti għall-iskop li għalih huma ntiżi.

4.1.  Manutenzjoni ġenerali

Skema addattata għandha tkun stabbilita fuq bażi sistematika li tipprovdi għall-eżaminazzjoni, il-manutenzjoni, u meta xieraq, l-ittestjar ta' t-tagħmir u l-impjant mekkaniku u elettriku.

Il-manutenzjoni, l-eżaminazzjoni u l-ittestjar ta' xi parti mill-impjant u mit-tagħmir għandhom jitwettqu minn persuni kompetenti.

Rekord tal-eżaminazzjonijiet u t-testijiet għandhom ikunu mħejjija u miżmuma f'manjera xierqa.

4.2.  Manutenzjoni tat-tagħmir tas-sigurtà

Tagħmir adekwat tas-sigurtà għandu jkun miżmum lest għall-użu u f'kondizzjoni tajba tax-xogħol ma tul il-ħinijiet kollha..

Il-manutenzjoni għandha sseħħ billi tingħata kura xierqa tal-operazzjonijiet.

6.1. Miżuri għandhom jittieħdu ħalli tkun assessjata l-preżenza ta' sutanzi perikolużi u/jew potenzjalment splussivi fl-atmosfera u għal-kejl tal-konċentrazzjoni ta' sustanzi bħal dawk.

Meta meħtieġ bid-dokument rigward is-sigurtà u s-saħħa, apparat ta' monitoraġġ li jkelju awtomatikament u kontinwament il-konċentrazzjonijiet tal-ġass f'postijiet speċifiċi, twissijiet awtomatiċi ta' perikolu u apparat għall-iżolazzjoni awtomatika tal-forniment minn stallazzjonijiet elettriċi u magni ta' kombustjoni nterna għandhom ikunu provduti.

Meta jkun hemm il-ħtieġa għall-kejl awtomatiku, il-valuri mkejjla għandhom ikunu rreġistrati u miżmuma kif stipulat fid-dokument rigward is-sigurtà u s-saħħa.

6.2.  Protezzjoni minn ambjenti ta' ħsara

6.3.  Prevenzjoni tar-riskji ta' splużjoni

7.1. Rotot u ħruġ ta' emerġenza għandhom jinżammu ħielsa u jwasslu għal-mezz l-aktar dirett lejn l-arja aperta jew lejn żona sigura, punt tal-asemblea sigura jew punt ta' evakwazzjoni sigura.

7.2. Fil-każ ta' perikolu, għandu jkun possibli għal-ħaddiema li jevakwaw il-lantijiet tax-xogħol malajr u b'sigurtà kemm jista jkun possibli.

7.3. In-numru, d-distribuzzjoni u l-qisien tar-rotot u l-ħruġ tal-emerġenza jiddependu mill-użu, t-tagħmir u l-qisien tal-lantijiet tax-xogħol u n-numru massimu ta' persuni li jistgħu jkunu preżenti.

L-akkomodazzjoni u l-kmamar tal-mistrieħ għandhom ikollhom mil-anqas żewġ rotot separati ta' skappar imqiegħda imbiegħda minn xulxin kemm jista jkun possibli u jwaslu għal żona sigura, punt ta' assemblea sigura jew punt ta' evakwazzjoni sigura.

7.4. Il-bibien tal-emerġenza għandhom jinfetħu 'l barra jew, jekk dan ikun impossibli, jkunu bibien li jiżżersqu.

Il-bibien tal-emerġenża m'għandhomx ikunu msakkrin jew magħluqa tali hekk li ma jkunux jistgħu jinfethu mingħajr tbagħjita w immedjetament minn kwalunkwe persuna li tista jkollha l-ħtieġa li tgħamel użu minnhom f'emerġenza.

7.5. Rotot u ħruġ speċifiċi ta' emerġenza għandhom ikunu ndikati b'sinjali bi qbil mar-regolamenti nazzjonali li jinkorporaw id-Direttiva 92/58/KEE ( 9 ) fil-liġi.

7.6. Il-bibien tal-emerġenza m'għandhomx ikunu msakkra b'ċavetta.

Ir-rotot u l-ħruġ tal-emerġenza, ir-rotot tat-traffiku u l-bibien li jgħatu aċċess għalihom, għandhom ikunu ħielsa minn kull ostakolu hekk li jkunu jistgħu jintużaw fi kwalunkwe ħin u mingħajr tfixkil.

7.7. Ir-rotot u l-ħruġ tal-emerġenza li jkollhom ħtieġa ta' illuminazzjoni għandhom ikunu provduti b'dawl tal-emerġenza ta' intensità adekwata fil-każ li jkun hemm qtugħ tad-dawl.

8.1. Passi għandhom jittieħdu biex jassiguraw li jkun hemm arja friska suffiċjenti fil-lantijiet tax-xogħol li jkunu magħluqa, billi jikkunsidraw il-metodi tax-xogħol użati u t-talbiet fiżiċi li jkun hemm fuq il-ħaddiema

Jekk tintuża sistema ta' vetilazzjoni nfurzata, din għandha tkun miżmumha f'kondizzjoni tajba.

Xi ħsarat għandhom ikunu ndikati b'sistema ta' kontroll meta din tkun meħtieġa għas-saħħa tal-ħaddiema.

8.2. Jekk ikunu wżati sistemi tal-arja kkondizzjonata jew ta' stallazzjoni ta' vetilazzjoni mekkanika, dawn għandhom joperaw b'tali mod hekk li l-ħaddiema ma jkunux esposti għall-kurrenti li jistgħu ikunu ta' skomdu.

Xi depożiti jew ħmieġ li aktarx li joħloq perikolu immedjat għas-saħħa tal-ħaddiema billi jniġġes l-arja għandu jkun imneħħi mingħajr telf ta' żmien.

9.1. Matul is-sigħat tax-xogħol, it-temperaturi tal-kmamar li jkun fihom il-lantijiet tax-xogħol għandhom ikunu adekwati għall-bnedmin billi jkunu meqjusa l-metodi tax-xogħol uzati u l-impenji fiżiċi mqiegħda fuq il-ħaddiema.

9.2. It-temperaturi tal-kmamar tal-mistrieħ, il-kmamar tal-persunal li ma jkunx jaħdem, il-faċilitajiet sanitarji, il-canteens u l-kmamar tal-ewwel għajnuna għandhom ikunu xierqa għall-iskopijiet partikolari ta' żoni bħal dawk.

9.3. Twieqi, tamboċċi u ħitan diviżorji tal-ħġieġ għandhom jipprevjenu milli jkun hemm effetti eċċessivi tad-dawl tax-xemx, billi tkun meqjusa n-natura tax-xogħol jew tal-lant tax-xogħol.

10.1. Il-pavimenti tal-lantijiet tax-xogħol m'għandhomx ikollhom ħotob, toqob jew rampi perikolużi u għandhom ikunu sodi, stabbli u ma jiżolqux.

Il-lantijiet tax-xogħol li jkollhom il-postazzjoni tax-xogħol għandhom ikunu nsulati adekwatament kontra s-sħana, billi jkun ikkunsidrat it-tip tax-xogħol involut u l-attività fiżika tal-ħaddiema.

10.2. L-uċuħ tal-pavimenti, l-ħitan u s-soqfa tal-kmmar għandhom ikunu tali hekk li jkunu jistgħu jittnaddfu jew ikunu miżbuha mill-ġdid sa livell xieraq tal-iġjene.

10.3. Ħitan trasparenti u dawk translusenti, partikolarment id-diviżorji magħmula kollha mill-ħġieġ, fi kmamar fi jew fil-viċinanża tal-lantijiet tax-xogħol u ta' rotot ta' traffiku għandhom ikunu mmarkati kjarament u magħmula minn materjal ta' sigurtà jew inkellha jkunu mħarsa minn dawk il-lantijiet jew rotot ta' traffiku kemm li jipprevjenu lill-ħaddiema milli jiġu f'kuntatt mal-ħitan jew li jsofru xi korriment fil-każ tal-ksur tal-ħitan.

10.4. Aċċess għall-bjut magħmula minn materjali ta' saħħa mhux suffiċjenti m'għandux ikun permisibli sa kemm tagħmir ma jkunx provdut biex jassigura li x-xogħol ikunu jista jitwettaq b'manjera sigura.

11.1. Kull lant tax-xogħol għandu jkun provdut fil-qofol tiegħu kollu b'dawl li jkun jista jforni illuminazzjoni suffiċjenti biex jassigura s-saħħa u s-sigurtà tal-persuni li jkunu hemm.

11.2. Il-lantijiet tax-xogħol għandhom, sa kemm ikun possibbli, jirċievu dawl naturali biż-żejjed u jkunu mgħammra, billi jittieħed akkont tal-kondizzjonijiet klimatoloġiċi, b'dawl artifiċjali adekwat għall-protezzjoni tas-sigurtà u s-saħħa tal-ħaddiema.

11.3. L-istallazzjonijiet tad-dawl fil-kmamar li jkun fihom il-postazzjonijiet tax-xogħol u fil-passaġġi għandhom ikunu mqiegħda b'tali mod li t-tip tad-dawl ma jkunx jippreżenta riskju ta' aċċident għall-ħaddiema.

11.4. Il-postazzjonijiet tax-xogħol li fihom il-ħaddiema jkunu speċjalemt esposti għal-riskji fil-każ ta' falliment tad-dawl artifiċjali għandhom ikunu provduti b'dawl ta' emerġenza ta' intensità adekwata.

11.5. L-istallazzjonijiet tad-dawl għandhom ikunu ddisinjati hekk li jassiguraw li ż-żoni ta' kontrol operazzjonali, ir-rotot ta' ħarbien, iż-żoni tal-embarkazzjoni u ż-żoni perikolużi jibqgħu li jkunu illuminati.

Meta l-postazzjonijiet tax-xogħol ikunu okkupati biss okkażjonalment, l-obligazzjoni riferita fl-ewwel paragrafu hija limitata għal-perijodu li fih il-ħaddiema jkunu preżenti.

12.1. Twieqi, tamboċċi u mezzi tal-ventilazzjoni li huma ntiżi li jkunu miftuħa, aġġustati jew imsakkra għandhom ikunu ddisinjati b'tali mod li dawn l-operazzjonijiet ikunu jistgħu jitwettqu b'sigurtà.

M'għandhomx ikunu hekk ippustjati li jikkostitwixxu perikolu għall-ħaddiema meta jkunu miftuħin.

12.2. Għandu jkun possibli li t-tindif tat-twieqi u tat-tambocci jsir mingħajr riskju.

13.1. Il-pożizzjoni, in-numru u l-qisien tal-bibien u l-gradi, il-materjali użat fil-kostruzzjoni tagħhom, huma ddeterminati bin-natura u l-użu tal-kmamar jew taż-żoni.

13.2. Bibien trasparenti għandhom ikunu mmarkati kif xieraq f'livell li jkun jidher mingħajr tbatija.

13.3. Bibien u gradi li jitbandlu għandhom ikunu trasparenti jew li jkun fihom pannelli trasparenti.

13.4. Jekk l-uċuħ trasparenti jew trusluċenti fil-biebien u fil-gradi ma jkunux magħmula minn materjal ta' sigurtà u jekk ikun hemm il-perikolu li l-ħaddiema jistgħu ikorru jew il-bieb jew il-grada jitfarrak, l-uċuħ għandhom ikunu mħarsa kontra dan it-tifrik.

13.5. Bibieb li jiżżersqu għandhom ikunu mgħammra b'apparat ta' sigurtà hekk li jipprevjeni milli dawn joħroġu mil-linji tagħhom jew li jaqgħu mingħajr mistenni.

13.6. Bibien u gradi li jitilgħu 'l-fuq għandhom ikunu mgħammra b'mekkaniżmu biex jassigura li dawn ma jerġgħux jinżlu lura bla mistenni.

13.7. Il-bibien ma tul rotot ta' ħarbien għandhom ikunu mmarkati kif xieraq.

Għandu jkun possibli li dawn jinfetħu minn-naħa ta' ġewwa fi kwalunkwe waqt mingħajr għajnuna speċjali.

Għandu jkun possibbli li l-bibien jinfetħu meta l-postazzjonijiet tax-xogħol ikunu okkupati.

13.8. Il-bibien għal-min ikun bil-mixi għandhom ikunu provduti fil-viċinanża immedjata ta' xi gradi iniżi essenzjalment għall-traffiku bil-vetturi, sa kemm ma jkunux mingħajr perikolu għal min ikun bil-mixi li jgħaddi min hemm; bibien bħal dawk għandhom ikunu mmarkati b'mod ċar u miżmuma kontinwament mingħajr ostakoli.

13.9. Il-bibien u l-gradi mekkaniċi għandhom ikunu jiffunzjonaw mingħajr riskju ta' aċċident għall-ħaddiema.

Għandhom ikunu mgħammra b'apparati tal-għeluq li jkunu jintgħarfu faċilment u aċċessibli f'emerġenza u, sa kemm ma jinfetħux awtomatikament fil-każ ta' qtugħ tal-kurrent, għandu jkun possibbli li dawn jinfetħu manwalment.

13.10. Meta ktajjen jew apparti simili jkunu wżati biex jipprevjenu l-aċċess għal xi post, dawn għandhom ikunu krajament viżibbli u identifikati kif xieraq b'sinjali li juru xi prohbizzjoni jew twissija.

14.1. Għandu jkun possibbli li jintlaħqu l-postazzjonijiet tax-xogħol mingħajr perikolu u li jistgħu jitbattlu malajr u b'sigurtà fil-każ ta' emerġenza.

14.2. Ir-rotot tat-traffiku, inklużi t-turġien, slielen imwaħħla u pjattaformi u rampi tat-tgħabija, għandhom ikunu kkalkolati, imqassma u lokalizzati hekk li jassiguraw aċċess faċli, sigur u xieraq għal min ikun bil-mixi jew għall-vetturi b'tali mod hekk li ma jipperikolawx lill-ħaddiema impjegati fil-viċinanza ta' dawk ir-rotot tat-traffiku.

14.3. Ir-rotot użati għal traffiku ta' min ikun bil-mixi u/jew traffiku tal-merkanzija għandhom ikunu mqassma skond in-numru tal-utenti potenzjali u tat-tip tal-impriża.

Jekk mezzi tat-trasport ikunu wżati fuq rotot tat-traffiku, spazju biż-żejjed ta' sigurtà għandu jkun provdut għal min ikun bil-mixi.

14.4. Spazju suffiċjenti għandu jkun imħolli bejn ir-rotot tat-traffiku bil-vetturi u l-bibien, il-gradi, il-pasaġġi għal min ikun bil-mixi, kurituri u turġien.

14.5. Ir-rotot tat-traffiku u tal-aċċess għandhom ikunu identifikati kjarament għall-protezzjoni tal-ħaddiema.

15.1. Jekk il-postazzjonijiet tax-xogħol ikun fihom żoni ta' perikolu li, minħabba n-natura tax-xogħol, ikun hemm riskji li jinkludu dawk li l-ħaddiema jew oġġetti jaqgħu, il-postijiet għandhom ikunu mgħammra, sa kemm ikun possibbli, b'apparati li jipprevjenu l-ħaddiema mhux awtorizzati milli jidħlu f'dawk iż-żoni.

15.2. Miżuri xierqa għandhom jittieħdu biex jipprotieġu l-ħaddiema awtorizzati li jidħlu fiż-żoni tal-perikolu.

15.3. Iż-żoni ta' perikolu għandhom ikunu kjrament indikati.

16.1. Il-kmamar tax-xogħol għandhom ikollhom spazju ta' art, għoli u spazju intern suffiċjenti biex jippermettu lill-ħaddiema li jwettqu x-xogħol tagħhom mingħajr riskju għas-sigurtà, s-saħħa jew il-benessere tagħhom.

16.2. Il-qisien taż-żoni mhux okkupati fil-postazzjoni tax-xogħol għandhom jippermettu lill-ħaddiema kollha libertà ta' moviment suffiċjenti biex ikunu jistgħu iwettqu ix-xogħol tagħhom mingħajr perikolu.

17.1. Meta s-sigurtà jew is-saħħa tal-ħaddiema, partikolarment minħabba t-tip tal-attività mwettqa jew il-preżenza ta' aktar minn ċertu numru ta' impjegati, jekk ikun jinħtieġ, il-ħaddiema għandhom ikunu provduti b'kamra ta' mistrieħ b'aċċess faċli.

Din id-dispożizzjoni ma tapplikax jekk il-ħaddiema jkunu impjegati f'uffiċċini jew postazzjonijiet simili tax-xogħol li jipprovdu serħan ekwivalenti matul il-waqfien mix-xogħol.

17.2. Il-kmamar tal-mistrieħ għandhom ikunu kbar biżżejjed u mgħammra b'numru adekwat ta' mwejjed u siġġijiet bid-dhar għan-numru tal-ħaddiema.

17.3. Fil-kmamar tal-mistrieħ miżuri xierqa għandhom ikunu introdotti għal-protezzjoni ta' dawk li ma jpejpux mid-dwejjaq maħluqa mid-duħħan tat-tabakk.

17.4. Jekk is-sigħat tax-xogħol ikunu regolari u ta' spiss interrotti u ma jkun hemm l-ebda kamra tal-mistrieħ, kmamar oħrajn għandhom ikunu provduti li fihom il-ħaddiema jkunu jistgħu joqgħodu matul dawk l-interruzzjonijiet, sew jekk dan ikun meħtieġ għas-sigurtà jew għas-saħħa tal-ħaddiema.

Miżuri xierqa għandhom jittieħdu għall-protezzjoni ta' dawk li ma jpejpux mid-dwejjaq maħluqa mid-duħħan tat-tabakk.

18.1. Il-postazzjonijiet tax-xogħol, ir-rotot tat-traffiku u ż-żoni jew l-istallazzjonijiet l-oħrajn li jkunu fil-beraħ li huma wżati jew okkupati mill-ħaddiema ma tul il-korsa tal-attivita tagħhom għandhom ikunu organizzati b'tali mod hekk li min ikun bil-mixi u l-vetturi jkunu jistgħu jiċċirkolaw mingħajr perikolu.

18.2. Il-lantijiet tax-xogħol li jkunu fil-beraħ għandhom ikunu mixgħula adekwatament b'dawl artifiċjali jekk id-dawl naturali ma jkunx adekwat.

18.3. Meta l-ħaddiema jkunu impjegati fuq lant tax-xogħol fil-beraħ, dawn il-lantijiet tax-xogħol għandhom sa kemm ikun possibli jkunu mqassma hekk li l-ħaddiema:

1.1. Kull meta l-postazzjonijiet tax-xogħol ikunu ddissinjati, mibnija, mgħammra, utilizzati, operati jew mantenuti, miżuri adekwati għandhom jittieħdu biex jipprevjenu nirien milli joriġinaw jew li jixterdu minn egħjun identifikati fid-dokument rigward is-sigurtà s-saħħa.

Dispożizzjoni għandha ssir għal-ġlieda mħaffa u effettiva kontra n-nar.

1.2. Il-postazzjonijiet tax-xogħol għandhom ikunu mgħammra b'apparat xieraq għall-ġlieda kontra n-nirien u, jekk meħtieġ, b'apparat għas-sejbien tan-nar u s-sistemi tal-allarm.

1.3. Apparat mhux awtomatiku għall-ġlieda kontra n-nirien għandu jkun faċilment aċċesibbli u sempliċi biex ikun użat u, meta meħtieġ, protett kontra l-ħsara.

1.4. Pjan ta' protezzjoni kontra n-nar li jgħati dettalji dwar il-prekwazzjonijiet li għandhom jittieħdu, bi qbil ma' Artikoli 3, 4, 5 u 6 ta' din id-Direttiva, għall-protezzjoni, s-sejbien u l-ġlieda kontra xi skoppjar u tixrid ta' nirien, għandu jinżamm fuq il-post.

1.5. It-tagħmir tal-ġlieda kontra n-nirien għandu jkun indikat b'sinjali bi qbil mar-regolament nazzjonali li nkorporaw id-Direttiva 92/58/KEE bħala liġi.

Dawn is-sinjali għandhom ikunu mqiegħda f'postijiet xierqa u ta' tip dewwiemi.

3.1. Meta meħtieġa bid-dokument rigward is-sigurtà u s-saħħa, kull lant tax-xogħol li fih il-ħaddiema jkunu preżenti għandu jkun mgħammar bi:

3.2. Faċilitajiet għal biex jingħata l-allarm għandhom ikunu provduti f'lokalitajiet xierqa.

3.2.1. Meta l-ħaddiema jkunu preżenti fil-postazzjonijiet tax-xogħol li normalment ma jkunx fihom ħaddiema, sistemi xierqa ta' komunikazzjoni għandhom ikunu mqiegħda għad-dispożizzjoni tagħhom.

5.1. Il-ħaddiema għandhom ikunu mħarrġa fl-azzjonijiet xierqa li għandhom jittieħdu fl-emerġenzi.

5.2. It-tagħmir tas-salvataġġ għandu jkun provdut f'postijiet li jkunu aċċesibbli mingħajr xkiel u xierqa u miżmuma lesti għall-użu.

5.3. Meta r-rotot tal-iskappar ikunu diffiċli, u fejn l-arja ma tkunx tajba għan-nifs jew inkella din l-arja tista tkun preżenti, apparat ta' skappar li jkun komplut minnu nnifsu għandu jkun provdut għall-użu immedjat fil-postazzjoni tax-xogħol.

7.1.  Kmamar tat-tibdil u kaxxarizzi

7.2.  Kabini tad-doxxa u sinkijiet

7.3.  Lokijiet u Sinkijiet

Faċilitajiet separati għandhom ikunu provduti fil-viċinanzi tal-postazzjonijiet tax-xogħol, tal-kmamar tal-mistrieħ, tal-kmamar tat-tibdil u tal-kmamar fejn ikunu jinstabu l-kabini tad-doxxa jew sinkijiet, b'numru adekwat ta' lokijiet u sinkijiet.

Provvediment għandu jsir għall-lokijiet separati jew l-użu separat tal-lokijiet għall-irġiel u n-nisa.

8.1. L-apparat tal-ewwel għajnuna għandu jkun xieraq għat-tip ta' attività li tkun imwettqa.

Waħda jew aktar kmamar tal-ewwel għajnuna għandhom ikunu provduti.

Struzzjonijiet kjarament viżibbli rigward l-ewwel għajnuna fil-każ ta' aċċidenti għandhom ikunu mhurija f'dawn il-kmamar.

8.2. Il-kmamar tal-ewwel għajnuna għandhom ikunu mgħammra bi stallazzjonijiet u apparat essenzjali għall-ewwel għajnuna u għandhom ikunu aċċessibbli faċilment għall-istretchers.

Għandhom ikunu mmarkati bi qbil mar-regolamenti nazzjonali li nkorporaw id-Direttiva 92/58/KEE fil-liġi.

8.3. B'żieda, l-apparat tal-ewwel għajnuna għandu jkun disponibli fil-postijiet kollha fejn il-kondizzjonijiet tax-xogħol ikunu jenħtieġu dan.

Dan l-apparat għandu jkun immarkat kif meħtieġ u aċċessibbli faċilment.

8.4. Numru suffiċjenti ta' ħaddiema għandhom ikunu mħarrġa fl-użu tal-apparat tal-ewwel għajnuna kif provdut.

1.1. Mingħajr preġudizzju għal Artikolu 3(2), min iħaddem li, bi qbil mal-leġislazzjoni u/jew il-prattika nazzjonali, jkun responsabbli għal-lant tax-xogħol kopert b'din il-Parti Ċ għandu jassigura li d-dokument rigward is-sigurtà u s-saħħa juri li l-miżuri relevanti kollha jkunu ttieħdu biex jipproteġu s-sigurta‘ u s-saħħa tal-ħaddiema f'sitwazzjonijiet kemm normali u wkoll dawk kritiċi.

Għal dan il-għan, id-dokument għandu:

1.2. Min iħaddem għandu josserva l-proċeduri u l-arranġamenti stabbiliti fid-dokument rigward is-sigurtà u s-saħħa ma tul l-ippjanar u l-implimentazzjoni tal-istadji relevanti kollha koperti b'din id-Direttiva.

1.3. Dawk kollha li jħaddmu li jkunu differenti minn xulxin u li huma responsabli għal-lantijiet differenti tax-xogħol għandhom jikkooperaw, meta xieraq, fit-tħejjija tad-dokumenti rigward is-sigurtà u s-saħħa u fil-miżuri meħtieġa biex jassiguraw is-sigurt’ u s-saħħa tal-ħaddiema.

2.1. Prekwazzjonijiet xierqa, kif identifikati fid-dokument rigward is-sigurtà u s-saħħa riferit fi 1.1, għandhom jittieħdu biex jipprotieġu kontra, jiskopru u jiġġieldu it-tfaqqiegħ u t-tixrid tan-nar.

Fejn xieraq, ħitan ta' kontra n-nar għandhom ikunu provduti għall-iskop li jissegregaw iż-żoni b'riskju ta' nirien.

2.2. Sistemi adekwati għall-iskoperta u l-protezzjoni, sistemi għall-ġlieda kontra n-nar u ta' allarmi għandhom ikunu provduti fil-lantijiet kollha tax-xogħol bi qbil mar-riskji identifikati fid-dokument rigward is-sigurtà u s-saħħa riferit fil-punt 1.1.

Dawn jistgħu jinkludu imma ma humiex limitati għal:

2.3. Apparat mhux awtomatiku għat-tifi tan-nar għandu jkun faċilment aċċessibbli, sempliċi biex ikun użat u, meta meħtieġ, prottet kontra l-ħsara.

2.4. Pjan ta' protezzjoni għall-kontra n-nar li jgħati dettalji tal-prekwazzjonijiet biex ikun hemm protezzjoni, skoprir u ġlieda kontra t-tfaqqiegħ u t-tixrid tan-nirien għandu jkun miżmum fuq il-lant tax-xogħol.

2.5. Is-sistemi tal-emerġenza għandhom ikunu segregati jew b'mod ieħor mgħotija protezzjoni minn aċċidenti sa l-estent meħtieġ biex jassiguraw li l-funzjonijiet tal-emerġenza jibqgħu operazzjonali fil-każ ta' emerġenza.

Sistemi bħal dawn għandhom ikunu dupplikati meta xieraq.

2.6. L-apparat għandu jkun indikat b'sinjali bi qbil mar-regolamenti nazzjonali li nkorporaw ir-Direttiva 92/58/KEE fil-liġi.

Sinjali bħal dawn għandhom ikunu mqiegħda f'inħawi xierqa u magħmula minn materjal dejjiemi.

3.1. Meta meħtieġ bid-dokument rigward is-sigurtà u s-saħħa riferit fil-punt 1.1, sistema ta' kontroll mill-bogħod fil-każ ta' emerġenza għandha tkun stabbilita.

Dik is-sistema għandha tinkorpora l-istazzjonijiet ta' sorveljar fil-lokalitajiet addattati li jkunu jistgħu jintużaw fil-każ ta' emerġenza, inklużi, jekk meħtieġ, stazzjonijiet ta' monitoraġġ fil-lokalitajiet tal-assemblea sigura u l-istazzjonijiet tal-evakwazzjoni.

3.2. Apparat li jkun jista jeffettwa l-kontroll mill-bogħod kif imsemmi fil-punt 2.1 għandu mill-anqas jinkludi sistemi għall-ventilazzjoni, tifi tal-apparat li fil-każ ta' emerġenza jista jwassal għal kumbastiment, il-prevenzjoni tal-ħruġ ta' likwidu u gassijiet fjammabbli, il-protezzjoni kontra n-nar u l-kontroll tal-bjar.

4.1. Meta meħtieġ bid-dokument rigward is-sigurtà u s-saħħa riferit fil-punt 1.1, kull lant tax-xogħol li fih il-ħaddiema jkunu preżenti għandu jkun provdut bi:

4.2. Sistema bħal din għandha tkun tista li tibqa operazzjonali fil-każ ta' emerġenza.

Is-sistema akustika għandha tkun issupplementata minn sistemi ta' komunikazzjoni li ma jkunux jiddependu minn fornimenti ta' potenza li jkunu vulnerabbli.

4.3. Faċilitajiet biex jissejjaħ l-allarm għandhom ikunu nstallati f'lokazzjonijiet xierqa.

4.4. Meta ħaddiema jkunu preżenti fil-postazzjonijiet tax-xogħol li normalment ma jkunx hemm ħaddiema fihom, sistema xierqa ta' komunikazzjoni għaċ-ċirkostanzi għandha tkun provduta.

5.1. Miżuri adekwati għandhom jittieħdu biex jipproteġu l-inħawi tal-evakwazzjoni u l-inħawi tat-tlaqqigħ siguri mis-sħana, d-duħħan u, sa kemm ikun possibbli, mill-effetti ta' splużjoni, u biex jassiguraw li r-rotot tal-ħarbien lejn u mill-inħawi tal-evakwazzjoni u dawk tat-tlaqqigħ siguri jibqgħu passabbli.

Dawn il-miżuri għandhom ikunu tali hekk li jipprovdu protezzjoni lill-ħaddiema għal perijodu suffiċjenti biex jiffaċilitaw l-evakwazzjoni, il-ħarbien u s-salvataġġ siguri li jkunu organizzati u mwettqa meta jkun hemm bżonn.

5.2. Meta meħtieġ bid-dokument rigward is-sigurtà u s-saħħa riferit fil-1.1, waħda mill-lokazzjonijiet protetti speċifikati fil-5.1 għandha tipprovdi faċilitajiet xierqa ħalli t-tagħmir speċifikat fil-punt 3 ta' din il-Parti Ċ jkunu kontrollati mill-bogħod u li s-servizzi tal-art u tal-emerġenza jkun hemm komunikazzjoni magħhom.

5.3. L-inħawi tal-assemblea sigura u dawk tal-evakwazzjoni għandhom ikunu aċċessibli mill-ewwel miż-żoni tal-akkomodazzjoni u tax-xogħol.

5.4. Għal kull punt tal-asemblea sigura, lista li jkun fiha l-ismijiet tal-ħaddiema assenjati għal dak il-punt tal-assemblea sigura għandha tinżamm aġġornata u murija.

5.5. Lista ta' persuni assenjati d-doveri speċjali fil-każ ta' emerġenza għandha tkun provduta u murija f'inħawi xierqa tal-postazzjoni tax-xogħol.

L-ismijiet tagħhom għandhom ikunu annotati fl-istruzzjonijiet bil-miktub rifereti fil-punt 3.6 tal-Parti A.

6.1. Il-ħaddiema għandhom ikunu mħarrġa fl-azzjonijiet xierqa li għandhom jittieħdu fil-każ ta' emerġenza.

B'żieda mat-taħriġ ġenerali fil-każ ta' emerġenza, il-ħaddiema għandhom jirċievu taħriġ speċifiku għal-lant tax-xogħol li għandu jkun speċifikat fid-dokument rigward is-sigurtà u s-saħħa riferit fil-punt 1.1 li jkun jikkoncerna dak il-lant tax-xogħol.

6.2. Il-ħaddiema għandhom jingħataw taħriġ addattat fit-tekniċi tas-sopravivenza, billi jittieħed akkont tal-kriterja stabbilita fid-dodument li jirrigwardja s-sigurtà u s-saħħa riferit fil-punt 1.1.

6.3. Mezzi tajba u suffiċjenti għal-evakwazzjoni f'emerġenza u l-mezzi tal-ħarbien dirett lejn il-baħar għandhom ikunu provduti fuq kull postazzjoni tax-xogħol.

6.4. Plan tal-emerġenza għas-sitwazzjonijiet tas-salvataġġ bil-baħar u l-evakwazzjoni mill-postazzjonijiet tax-xogħol għandu jkun imħejji.

Il-pjan, li għandu jkun ibbażat fuq id-dokument rigward is-sigurtà u s-saħħa riferit fil-punt 1.1, għandu jipprovdi għall-użu ta' vapuri u elikotteri li jistennew fil-qrib u jinkludi l-kriteja li tikkonċerna il-kapaċità u l-ħin tar-reazzjoni tal-vapuri u l-elikotteri li jkunu jistennew fil-qrib.

Il-ħin ta' reazzjoni meħtieġ għandu jkun iddikjarat fid-dokument rigward is-sigurtà u s-saħħa għal kull stallazzjoni.

Il-vapuri li jkunu fil-qrib għandhom ikunu ddisinjati u mgħammra biex jissodisfaw il-ħtiġiet tal-evakwazzjoni u s-salvataġġ.

6.5. Il-ħtieġa minima għall kull dgħajsa tas-salvataġġ, ċattra tas-salvazzjoni, baga tas-salvataġġ u ġgieget tas-salvataġġ li jkunu provduti għandha tkun li dawn:

6.6. L-apparati adekwati għas-salvazzjoni tal-ħajja għandhom ikunu disponibbli għall-użu immedjat

— il-ħaddiema kollha li jkun ingħatawlhom doveri speċjali li jinvolvu l-użu, it-tqandil jew l-operat tal-apparat tal-emerġenza għandhom ikunu mħarrġa u eżaminati fl-eżekuzzjoni ta' dawk id-doveri, billi jittieħed akkont tal-kriterja stabbilita fid-dokument rigward is-sigurtà u s-saħħa riferut fil-punt 1.1.

— Meta xieraq, il-ħaddiema għandhom ukoll ikunu mħarrġa fl-użu sewwa, it-tqandil u l-operat ta' dak l-apparat,

— l-apparat kollu tal-emerġenza użat fl-eżerċizzju għandu jkun eżaminat, imnaddaf u, meta xieraq, mimli mill-ġdid jew mibdul u l-apparat kollu li jinġarr li jkun użat għandu jkun meħud lura lejn il-post ta' fejn normalment ikun miżmum,

— id-dgħajjes tas-salvataġġ ikunu vverifikati għall-operazzjoni.

8.1.  Kmamar tat-tibdil u kaxxarizzi

8.2.  Kabini tad-doxxa u faċilitajiet għall-ħasil

B'żieda ma dawk il-faċilitajiet li jkunu provduti fiż-żona tal-akkomodazzjoni, kabini tad-doxxa xierqa u faċilitajiet għall-ħasil għandhom, jekk meħtieġ, ikunu provduti fil-viċinanza tal-postazzjonijiet tax-xogħol.

8.3.  Lokijiet u sinkijiet

B'żieda ma dawk il-faċilitajiet provduti fi kwalunkwe akkomodazzjoni, lokijiet u sinkijiet għandhom, jekk meħtieġa, jkunu provduti fil-viċinanza tal-postazzjonijiet tax-xogħol.

Għandu jkun hemm provvediment għall-lokijiet separati jew għall-użu separat tal-lokijiet għall-irġiel u għan-nisa.

9.1. Waħda jew aktar kmamar tal-ewwel għajnuna għandhom ikunu provduti skond id-daqs tal-istallazjoni u t-tip tal-attività li tkun titwettaq.

9.2. Il-kmamar tal-ewwel għajnuna għandhom ikollhom apparat, faċilitajiet u mediċini xierqa u numru suffiċjenti ta' ħaddiema speċjalizzati, kif ikun meħtieġ biċ-ċirkostanzi, għal-għoti tal-ewwel għajnuna jew, meta meħtieġ, għat-trattament taħt id-direzzjoni ta' prattikant mediku rreġistrat (li jista, jew mhux bilfors li jkun preżenti).

Dawn għandhom ikunu mmarkati bi qbil mar-regoli nazzjonali li jimplementaw id-Direttiva 92/58/KEE fil-liġi.

9.3. B'żieda, apparat tal-ewwel għajnuna għandu jkun disponibbli fil-postijiet kollha meta l-kondizzjonijiet hekk ikunu jeħtieġu.

Dan l-apparat għandu jkun immarkat sewwa u aċċessibli faċilment.

10.1. Jekk in-natura, l-iskala u t-tul tal-operazzjonijiet hekk ikunu jeħtieġu, min iħaddem għandu wkoll jipprovdi lill-impjegati b'akkommodazzjoni li għandha tkun:

10.2. Akkommodazzjoni bħal din għandha jkun fiha biż-żejjed sodod jew kruċetti għan-numru ta' persuni li jkunu mistennija li jorqdu fuq dik l-istallazzjoni.

Kwalunkwe kamra innominata bħala akkommodazzjoni għall-irqad għandha jkollha spazju adekwat għall-okkupanti biex jaħżnu ħwejjiġhom.

Kmamar tal-irqad separati għandhom ikunu provduti għal-iġiel u għan-nisa.

10.3. Din l-akkommodazzjoni għandha tinkludi numru suffiċjenti ta' kabini tad-doxxa u faċilitajiet għal-ħasil mgħammra b'ilma ġieri sħun u kiesaħ.

Għandhom isiru provvediment għall-kmamar tal-kabini tad-doxxa separati jew għall-użu separat ta' dawn il-kmamar għal-irġiel u għan-nisa.

Il-kabini tad-doxxa għandhom ikunu suffeċjentament spazjużi hekk li kull ħaddiem ikun jista jinħasel mingħajr tfixkil f'kondizzjonijiet xierqa tal-iġjene.

10.4. L-akkommodazzjoni għandha tkun mgħammra b'numru suffiċjenti ta' lokijiet u sinkijiet.

Għandu jkun hemm provvediment ta' faċilitajiet separati jew għall-użu separat ta' dawk il-faċilitajiet għall-irġiel u għan-nisa.

10.5. L-akkommodazzjoni u t-tagħmir tagħha għandu jkun miżmum fi standards adekwati tal-iġjene.

11.1. Il-pjattaformi tal-elikotteru fil-postazzjonijiet tax-xogħol għandhom ikunu ta' daqs suffiċjenti hekk li jipprovdu resqien mingħajr xkiel għall-akbar elikotteru li juża dik il-pjattaforma waqt il-kondizzjonijiet l-aktar severi mistennija għal-operazzjonijiet tal-elikotteru.

Il-pjattaforma tal-elikotteru għandha tkun hekk iddisinjata u mibnija biex tkun adekwata għas-servizz mistenni.

11.2. Għandu jkun provdut, u maħżun fil-viċinanza immedjata taż-żona ta' fejn jinżel l-elikotteru, l-apparat meħtieġ għal-użu fil-każ ta' aċċident li jkun jinvolvi l-elikotteru.

11.3. Fuq l-istallazzjonijiet b'ħaddiema residenti, numru suffiċjenti, għall-reazzjoni fil-każ ta' emerġenza, ta' persunal imħarreġ għal-dak l-iskop, għandu jkun disponibli fuq il-pjattaforma tal-elikotteru ma tul il-movimenti tal-elikotteru.

12.1. Il-miżuri meħtieġa kollha għandhom jittieħdu biex jassiguraw is-sigurtà u s-saħħa tal-ħaddiema fl-industriji tal-estrazzjoni tal-minerali permezz tat-tħaffir waqt li l-istallazzjonijiet lil hinn mill-art ikunu mqiegħda f'posthom fuq il-baħar.

12.2. L-operazzjonijiet għat-tħejjija tal-pożizzjonar tal-istallazzjonijiet lill hinn mill-art għandhom jitwettqu b'tali mod hekk li jassiguraw l-istabbilità u s-sigurtà tagħhom.

12.3. It-tagħmir użat u l-proċeduri segwiti għal-attivitajiet riferiti fil-punt 12.1 għandu jkun tali hekk li jnaqqas kull riskju għal-ħaddiema fl-industriji tal-estrazzjoni tal-minerali permezz tat-tħaffir, billi jittieħed akkont tal-kondizzjonijiet kemm normali u wkoll kritikali.