This document is an excerpt from the EUR-Lex website
Document 62023CN0004
Case C-4/23, Asociaţia Accept: Request for a preliminary ruling from the Judecătoria Sectorului 6 București (Romania) lodged on 3 January 2023 — M.-A. A. v Direcția de Evidență a Persoanelor Cluj, Direcția pentru Evidența Persoanelor și Administrarea Bazelor de Date din Ministerul Afacerilor Interne, and Municipiul Cluj-Napoca, with the participation of Consiliul Național pentru Combaterea Discriminării and Asociația Accept
Kawża C-4/23, Asociaţia Accept: Talba għal deċiżjoni preliminari mressqa mill-Judecătoria Sectorului 6 Bucureşti (ir-Rumanija) fit-3 ta’ Jannar 2023 – M.-A.A. vs Direcţia de Evidenţă a Persoanelor Cluj, Direcţia pentru Evidenţa Persoanelor şi Administrarea Bazelor de Date din Ministerul Afacerilor Interne, Municipiul Cluj-Napoca, bl-intervent ta’: Consiliul Național pentru Combaterea Discriminării, Asociația Accept
Kawża C-4/23, Asociaţia Accept: Talba għal deċiżjoni preliminari mressqa mill-Judecătoria Sectorului 6 Bucureşti (ir-Rumanija) fit-3 ta’ Jannar 2023 – M.-A.A. vs Direcţia de Evidenţă a Persoanelor Cluj, Direcţia pentru Evidenţa Persoanelor şi Administrarea Bazelor de Date din Ministerul Afacerilor Interne, Municipiul Cluj-Napoca, bl-intervent ta’: Consiliul Național pentru Combaterea Discriminării, Asociația Accept
ĠU C 164, 8.5.2023, p. 29–29
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
8.5.2023 |
MT |
Il-Ġurnal Uffiċjali tal-Unjoni Ewropea |
C 164/29 |
Talba għal deċiżjoni preliminari mressqa mill-Judecătoria Sectorului 6 Bucureşti (ir-Rumanija) fit-3 ta’ Jannar 2023 – M.-A.A. vs Direcţia de Evidenţă a Persoanelor Cluj, Direcţia pentru Evidenţa Persoanelor şi Administrarea Bazelor de Date din Ministerul Afacerilor Interne, Municipiul Cluj-Napoca, bl-intervent ta’: Consiliul Național pentru Combaterea Discriminării, Asociația Accept
(Kawża C-4/23, Asociaţia Accept)
(2023/C 164/37)
Lingwa tal-kawża: ir-Rumen
Qorti tar-rinviju
Judecătoria Sectorului 6 Bucureşti
Partijiet fil-kawża prinċipali
Rikorrent: M.-A.A.
Konvenuti: Direcţia de Evidenţă a Persoanelor Cluj, Direcţia pentru Evidenţa Persoanelor şi Administrarea Bazelor de Date din Ministerul Afacerilor Interne, Municipiul Cluj-Napoca
Intervenjenti: Consiliul Național pentru Combaterea Discriminării, Asociația Accept
Domandi preliminari
1) |
Il-fatt li l-Artikolu 43(i) u l-Artikolu 57 tal-Legea nr. 119/1996 privind actele de stare civilă (il-Liġi Nru 119/1996 dwar l-Atti tal-Istat Ċivili) ma jirrikonoxxux bidliet fl-indikazzjoni tal-ġeneru u fl-isem tal-istat ċivili miksuba fi Stat Membru ieħor minn raġel transġeneru li għandu ċittadinanza doppja (Rumena u ta’ Stat Membru ieħor), wara li jkun għadda b’suċċess mill-proċedura legali tar-rikonoxximent tal-ġeneru, u jitolbu liċ-ċittadin Rumen jibda proċedura ġudizzjarja distinta fir-Rumanija, kontra d-dipartiment lokali tar-reġistru pubbliku u tal-istat ċivili, proċedura li l-Qorti Ewropea tad-Drittijiet tal-Bniedem sabet li kienet nieqsa miċ-ċarezza u mill-prevedibbiltà (Qorti EDB, 19 ta’ Jannar 2021, X u Y vs Ir-Rumanija, rikorsi Nru 2145/16 u Nru 20607/16, CE:ECHR:2021:0119JUD000214516) u li tista’ twassal għal deċiżjoni kuntrarja għal dik mogħtija fl-Istat Membru l-ieħor, jipprekludi l-eżerċizzju tad-dritt għaċ-ċittadinanza Ewropea (l-Artikolu 20 TFUE) u/jew id-dritt ta’ moviment liberu u ta’ residenza taċ-ċittadin tal-Unjoni Ewropea (l-Artikolu 21 TFUE u l-Artikolu 45 tal-Karta tad-Drittijiet Fundamentali tal-Unjoni Ewropea) f’kundizzjonijiet ta’ dinjità, ta’ ugwaljanza f’għajnejn il-liġi u ta’ nondiskriminazzjoni (l-Artikolu 2 TUE, l-Artikolu 18 TFUE u l-Artikoli 1, 20 u 21 tal-Karta tad-Drittijiet Fundamentali), u fir-rispett tad-dritt għall-ħajja privata u tal-familja (l-Artikolu 7 tal-Karta tad-Drittijiet Fundamentali)? |
2) |
Il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni għandu effett fuq ir-risposta għad-domanda preċedenti, b’mod partikolari jekk (i) il-proċedura għall-bidla tal-istat ċivili bdiet qabel il-Brexit u tlestiet matul il-perijodu ta’ tranżizzjoni, u (ii) l-impatt tal-Brexit ifisser li l-persuna ma tistax tuża d-drittijiet relatati maċ-ċittadinanza Ewropea, inkluż id-dritt ta’ moviment liberu u ta’ residenza, ħlief fuq il-bażi ta’ dokumenti ta’ identità jew tal-ivvjaġġar Rumeni li fihom tidher b’ġeneru u isem femminili, bil-kontra tal-identità tal-ġeneru diġà rikonoxxuta legalment? |