This document is an excerpt from the EUR-Lex website
Document 62017TA0636
Case T-636/17: Judgment of the General Court of 20 September 2019 — PlasticsEurope v ECHA (REACH — Establishment of a list of substances identified with a view to their eventual inclusion in Annex XIV of Regulation (EC) No 1907/2006 — Supplement to the entry relating to the substance bisphenol A on that list — Articles 57 and 59 of Regulation No 1907/2006 — Manifest error of assessment — Legal certainty — Legitimate expectations — Proportionality)
Kawża T-636/17: Sentenza tal-Qorti Ġenerali tal-20 ta’ Settembru 2019 – PlasticsEurope vs ECHA (“REACH – Stabbiliment ta’ lista ta’ sustanzi identifikati bil-ħsieb li jiġu eventwalment inklużi fl-Anness XIV tar-Regolament (KE) Nru1907/2006 – Ikkompletar tal-inklużjoni marbuta mas-sustanza bisfenol A f’din il-lista – Artikoli 57 u 59 tar-Regolament Nru 1907/2006 – Żball manifest ta’ evalwazzjoni – Ċertezza legali – Aspettattivi leġittimi – Proporzjonalità”)
Kawża T-636/17: Sentenza tal-Qorti Ġenerali tal-20 ta’ Settembru 2019 – PlasticsEurope vs ECHA (“REACH – Stabbiliment ta’ lista ta’ sustanzi identifikati bil-ħsieb li jiġu eventwalment inklużi fl-Anness XIV tar-Regolament (KE) Nru1907/2006 – Ikkompletar tal-inklużjoni marbuta mas-sustanza bisfenol A f’din il-lista – Artikoli 57 u 59 tar-Regolament Nru 1907/2006 – Żball manifest ta’ evalwazzjoni – Ċertezza legali – Aspettattivi leġittimi – Proporzjonalità”)
ĠU C 406, 2.12.2019, p. 22–23
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
- Date of document:
- 20/09/2019
- Date lodged:
- 15/09/2017
- Author:
- Il-Qorti Ġenerali
- Form:
- Informazzjoni ġudizzjarja
- Authentic language:
- Ingliż
- Type of procedure:
- Rikors għal annullament - mhux fondat
- Link
- Select all documents mentioning this document
- Case affecting:
-
- Related EU case-law document 62017TJ0636
- Instruments cited in case law:
- Link
|
2.12.2019 |
MT |
Il-Ġurnal Uffiċjali tal-Unjoni Ewropea |
C 406/22 |
Sentenza tal-Qorti Ġenerali tal-20 ta’ Settembru 2019 – PlasticsEurope vs ECHA
(Kawża T-636/17) (1)
(“REACH - Stabbiliment ta’ lista ta’ sustanzi identifikati bil-ħsieb li jiġu eventwalment inklużi fl-Anness XIV tar-Regolament (KE) Nru1907/2006 - Ikkompletar tal-inklużjoni marbuta mas-sustanza bisfenol A f’din il-lista - Artikoli 57 u 59 tar-Regolament Nru 1907/2006 - Żball manifest ta’ evalwazzjoni - Ċertezza legali - Aspettattivi leġittimi - Proporzjonalità”)
(2019/C 406/30)
Lingwa tal-kawża: l-Ingliż
Partijiet
Rikorrent: PlasticsEurope (Brussell, il-Belġju) (rappreżentanti: R. Cana, É. Mullier u F. Mattioli, avukati)
Konvenuta: Aġenzija Ewropea għas-Sustanzi Kimiċi (rappreżentanti: M. Heikkilä, W. Broere, C. Buchanan u A. Hautamäki, aġenti, assistiti inizjalment minn S. Raes, avukat)
Intervenjenti insostenn tal-kovenuta: Ir-Repubblika Franċiża (rappreżentanti: inizjalment minn D. Colas, E. de Moustier u J. Traband, sussegwentement minn D. Colas, J. Traband u A.-L. Desjonquères, aġenti), ClientEarth (Londra, ir-Renju Unit) (rappreżentant: P. Kirch, avukat)
Suġġett
Talba bbażata fuq l-Artikolu 263 TFUE u intiża għall-annullament tad-Deċiżjoni ED/30/2017 tad-Direttur Eżekuttiv tal-ECHA, tas-6 ta’ Lulju 2017, li biha l-entrata eżistenti marbuta mal-bisfenol A fil-lista ta’ sustanzi identifikati bil-ħsieb li jiġu eventwalment inklużi fl-Anness XIV, skont l-Artikolu 59 tar-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU 2006, L 396, p. 1, rettifika fil-ĠU 2007, L 136, p. 3), konformement mal-Artikolu 59 ta’ dan ir-Regolament, ġiet ikkompletata fis-sens li l-bisfenol A ġiet identifikata wkoll bħala sustanza li tippossjedi proprjetajiet li jfixklu s-sistema endokrinali u li jista’ jkollhom effetti serji fuq is-saħħa tal-bniedem li jagħtu lok għal livell ta’ tħassib ekwivalenti għal dak ikkawżat mill-użu ta’ sustanzi oħra elenkati fl-Artikolu 57(a) sa (e) tal-imsemmi regolament, fis-sens tal-Artikolu 57(f) tal-istess regolament.
Dispożittiv
|
1) |
Ir-rikors huwa miċħud. |
|
2) |
PlasticsEurope għandha tbati l-ispejjeż tagħha kif ukoll dawk sostnuti mill-Aġenzija Ewropea għas-Sustanzi Kimiċi (ECHA) u minn ClientEarth. |
|
3) |
Ir-Repubblika Franċiża għandha tbati l-ispejjeż tagħha. |
