This document is an excerpt from the EUR-Lex website
Document 62014FN0101
Case F-101/14: Action brought on 6 October 2014 — ZZ v OHIM
Kawża F-101/14: Rikors ippreżentat fis- 6 ta’ Ottubru 2014 – ZZ vs UASI
Kawża F-101/14: Rikors ippreżentat fis- 6 ta’ Ottubru 2014 – ZZ vs UASI
ĠU C 7, 12.1.2015, p. 50–51
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
12.1.2015 |
MT |
Il-Ġurnal Uffiċjali tal-Unjoni Ewropea |
C 7/50 |
Rikors ippreżentat fis-6 ta’ Ottubru 2014 – ZZ vs UASI
(Kawża F-101/14)
(2015/C 007/60)
Lingwa tal-kawża: il-Ġermaniż
Partijiet
Rikorrenti: ZZ (rappreżentant: Heinrich Tettemborn, avukat)
Konvenut: L-Uffiċċju għall-Armonizzazzjoni fis-Suq Intern (UASI)
Suġġett u deskrizzjoni tat-tilwima
Annullament tad-deċiżjoni tal-konvenut li japplika l-klawżola inkluża fil-kuntratt ta’ reklutaġġ tar-rikorrenti, li tipprevedi r-rexissjoni tal-kuntratt ta’ reklutaġġ tal-imsemmija rikorrenti fil-każ li hija ma tiġix inkluża fil-lista ta’ riżerva tal-kompetizzjoni ġenerali segwenti organizzata mill-EPSO għall-grupp ta’ funzjonijiet tagħha fis-settur speċjalizzat tal-proprjetà industrijali, għall-kompetizzjonijiet UASI/AD/01/13 u UASI/AST/02/13, u talba għad-danni morali u immaterjali sostnuti.
Talbiet tar-rikorrenti
— |
jannulla d-deċiżjoni tal-UASI, innotifikata lir-rikorrenti b’ittra tat-28 ta’ Novembru 2003, li japplika l-klawżola inkluża fl-Artikolu 5 tal-kuntratt ta’ reklutaġġ tar-rikorrenti li tipprevedi r-rexissjoni tal-kuntratt ta’ reklutaġġ tar-rikorrenti fil-każ li hija ma tiġix inkluża fil-lista ta’ riżerva tal-kompetizzjoni ġenerali segwenti organizzata mill-EPSO għall-grupp ta’ funzjonijiet tagħha fis-settur speċjalizzat tal-proprjetà industrijali, għall-kompetizzjonijiet ippubblikati fil-31 ta’ Ottubru 2013, UASI/AD/01/13 u UASI/AST/02/13, |
— |
jikkundanna lill-UASI jħallas kumpens lir-rikorrenti, b’ammont xieraq stabbilit fid-diskrezzjoni tat-Tribunal għas-Servizz Pubbliku, għad-danni morali u immaterjali sostnuti minnha minħabba d-deċiżjoni msemmija fil-punt 1, u |
— |
jikkundanna lill-UASI għall-ispejjeż. |