—

wara li kkunsidra r-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (1),

—

wara li kkunsidra r-Regolament tal-Kunsill (KE) Nru 1005/2008 tad-29 ta’ Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat, li jemenda r-Regolamenti (KEE) Nru 2847/93, (KE) Nru 1936/2001 u (KE) Nru 601/2004 u li jħassar ir-Regolamenti (KE) Nru 1093/94 u (KE) Nru 1447/1999 (2) (ir-“Regolament IUU”),

—

wara li kkunsidra r-Regolament tal-Kunsill (UE) 2020/1998 tas-7 ta’ Diċembru 2020 dwar miżuri restrittivi kontra ksur u abbużi serji tad-drittijiet tal-bniedem (3),

—

wara li kkunsidra l-proposta tal-Kummissjoni tal-14 ta’ Settembru 2022 għal regolament tal-Parlament Ewropew u tal-Kunsill dwar il-projbizzjoni ta’ prodotti magħmulin b’xogħol furzat fis-suq tal-Unjoni (COM(2022)0453) u l-abbozz ta’ rapport tal-Parlament dwar dik il-proposta,

—

wara li kkunsidra l-proposta tal-Kummissjoni tat-30 ta’ Mejju 2018 għal regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru 1224/2009, u li jemenda r-Regolamenti tal-Kunsill (KE) Nru 768/2005, (KE) Nru 1967/2006, (KE) Nru 1005/2008, u r-Regolament (UE) 2016/1139 tal-Parlament Ewropew u tal-Kunsill fir-rigward tal-kontroll tas-sajd (COM(2018)0368) u r-rapport tal-Parlament dwar dik il-proposta,

—

wara li kkunsidra l-proposta tal-Kummissjoni tat-23 ta’ Frar 2022 għal direttiva tal-Parlament Ewropew u tal-Kunsill dwar id-Diliġenza Dovuta tas-Sostenibbiltà Korporattiva u li temenda d-Direttiva (UE) 2019/1937 (COM(2022)0071) u l-abbozz ta’ rapport tal-Parlament dwar dik il-proposta,

—

wara li kkunsidra l-komunikazzjoni tal-Kummissjoni tal-20 ta’ Mejju 2020 bit-titolu “Strateġija Mill-Għalqa sal-Platt” (COM(2020)0381) u r-riżoluzzjoni tiegħu tal-20 ta’ Ottubru 2021 dwar dik l-istrateġija (4),

—

wara li kkunsidra l-komunikazzjoni tal-Kummissjoni tal-20 ta’ Mejju 2020 bit-titolu “Strateġija tal-UE għall-Bijodiversità għall-2030” (COM(2020)0380), u r-riżoluzzjoni tiegħu tad-9 ta’ Ġunju 2021 dwar dik l-istrateġija (5),

—

wara li kkunsidra r-riżoluzzjoni tiegħu tat-8 ta’ Lulju 2021 dwar l-istabbiliment ta’ Żoni Marini Protetti (MPAs) fil-Baħar Antartiku u l-konservazzjoni tal-bijodiversità tal-Oċean tan-Nofsinhar (6),

—

wara li kkunsidra l-pożizzjoni tal-Kumitat għas-Sajd tal-14 ta’ Marzu 2023 bil-ħsieb tat-tħejjija tar-rakkomandazzjoni mill-Kumitat għall-Kummerċ Internazzjonali dwar il-proposta tal-Kummissjoni għal deċiżjoni tal-Kunsill dwar il-konklużjoni, f’isem l-Unjoni Ewropea, tal-Protokoll li jemenda l-Ftehim ta’ Marrakexx li Jistabbilixxi l-Organizzazzjoni Dinjija tal-Kummerċ (COM(2022)0582),

—

wara li kkunsidra l-Konvenzjoni tan-NU dwar il-Liġi tal-Baħar tal-10 ta’ Diċembru 1982, fis-seħħ mis-16 ta’ Novembru 1994 u rratifikata miċ-Ċina fil-15 ta’ Mejju 1996,

—

wara li kkunsidra l-Konvenzjoni Internazzjonali għas-Salvagwardja tal-Ħajja Umana fuq il-Baħar (SOLAS) tal-1 ta’ Novembru 1974,

—

wara li kkunsidra l-Konvenzjoni li tistabbilixxi l-Organizzazzjoni Marittima Internazzjonali (OMI) tas-6 ta’ Marzu 1948,

—

wara li kkunsidra l-Konvenzjoni dwar ix-Xogħol fis-Settur tas-Sajd (Konvenzjoni Nru 188) tal-Organizzazzjoni Internazzjonali tax-Xogħol tal-14 ta’ Ġunju 2007,

—

wara li kkunsidra l-Protokoll ta’ Torremolinos tat-2 ta’ April 1993 dwar il-Konvenzjoni Internazzjonali ta’ Torremolinos għas-Sikurezza tal-Bastimenti tas-Sajd u l-Ftehim ta’ Cape Town tal-2012 biex tissaħħaħ is-sikurezza tas-sajd,

—

wara li kkunsidra l-Ftehim tal-4 ta’ Marzu 2023 skont il-Konvenzjoni tan-Nazzjonijiet Uniti dwar il-Liġi tal-Baħar dwar il-konservazzjoni u l-użu sostenibbli tad-diversità bijoloġika tal-baħar ta’ żoni lil hinn mill-ġuriżdizzjoni nazzjonali,

—

wara li kkunsidra l-opinjoni konġunta tal-Kunsill Konsultattiv għall-Flotta ta’ Distanzi Twal u tal-Kunsill Konsultattiv għas-Swieq tat-13 ta’ Diċembru 2022 dwar l-indirizzar tal-attivitajiet globali tal-flotot Ċiniżi tal-ilmijiet imbiegħda: l-implikazzjonijiet għall-governanza tas-sajd,

—

wara li kkunsidra r-rapport tal-Osservatorju Ewropew tas-Suq għall-Prodotti tas-Sajd u l-Akkwakultura (EUMOFA) tad-29 ta’ Novembru 2022 bit-titolu “The EU Fish Market – 2022 Edition” (Is-Suq tal-Ħut tal-UE – Edizzjoni tal-2022),

—

wara li kkunsidra l-istudju mid-Dipartiment Tematiku għall-Politiki Strutturali u ta’ Koeżjoni tad-Direttorat Ġenerali għall-Politiki Interni tad-9 ta’ Diċembru 2022 bit-titolu “Research for PECH Committee – Role and impact of China on world fisheries and aquaculture” (Riċerka għall-Kumitat PECH — Ir-rwol u l-impatt taċ-Ċina fuq is-sajd u l-akkwakultura globali),

—

wara li kkunsidra l-Ftehim dwar il-Miżuri tal-Istat tal-Port biex Jipprevjeni, Jiskoraġġixxi u Jelimina Sajd Illegali, Mhux Irrappurtat u Mhux Irregolat, approvat matul il-Konferenza tat-22 ta’ Novembru 2009 tal-Organizzazzjoni tan-Nazzjonijiet Uniti tal-Ikel u l-Agrikoltura (FAO), u fis-seħħ mill-5 ta’ Ġunju 2016,

—

wara li kkunsidra r-rapport tal-FAO tal-2022 bit-titolu “The State of World Fisheries and Aquaculture 2022: Towards Blue Transformation” (L-Istat tas-Sajd u l-Akkwakultura fid-Dinja 2022: Lejn Trasformazzjoni Blu),

—

wara li kkunsidra l-Ftehim bejn l-UE u r-Repubblika tal-Poplu taċ-Ċina tas-16 ta’ Lulju 2018 bit-titolu “Sħubija Blu dwar l-Oċeani: Lejn Governanza Aħjar tal-Oċeani”,

—

wara li kkunsidra l-Protokoll li jemenda l-Ftehim ta’ Marrakexx li jistabbilixxi l-Organizzazzjoni Dinjija tal-Kummerċ – Ftehim dwar is-Sussidji tas-Sajd, adottat fit-12-il Konferenza Ministerjali fis-17 ta’ Ġunju 2022,

—

wara li kkunsidra l-komunikazzjoni konġunta tal-Kummissjoni u tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà tat-12 ta’ Marzu 2019 bit-titolu “UE-Ċina – Perspettiva strateġika” (JOIN(2019)0005),

—

wara li kkunsidra r-riżoluzzjoni tiegħu tal-5 ta’ Lulju 2022 dwar l-istrateġija Indo-Paċifika fil-qasam tal-kummerċ u tal-investiment (7),

—

wara li kkunsidra l-Liġi dwar is-Sajd tar-Repubblika tal-Poplu taċ-Ċina, adottata fl-20 ta’ Jannar 1986, u r-riforma proposta ppubblikata mill-Ministeru Ċiniż għall-Agrikoltura u l-Affarijiet Rurali fit-28 ta’ Awwissu 2019,

—

wara li kkunsidra t-13-il pjan ta’ ħames snin taċ-Ċina għall-iżvilupp tas-sajd fl-ilmijiet imbiegħda, ippubblikat fl-2017 u l-14-il pjan ta’ ħames snin, ippubblikat fl-1 ta’ Lulju 2022,

—

wara li kkunsidra d-dikjarazzjoni konġunta taċ-Ċilì, il-Kolombja, l-Ekwador u l-Perù tat-3 ta’ Novembru 2020 dwar bastimenti tas-sajd li jtajru bandiera barranija f’żoni li jmissu mal-ilmijiet taħt il-ġuriżdizzjoni nazzjonali ta’ kull pajjiż,

—

wara li kkunsidra l-Att tal-Istati Uniti dwar is-Sigurtà Marittima u l-Infurzar tas-Sajd, adottat fl-20 ta’ Diċembru 2019,

—

wara li kkunsidra l-Memorandum ta’ Sigurtà Nazzjonali/NSM-11 tal-President tal-Istati Uniti tas-27 ta’ Ġunju 2022 dwar il-Ġlieda kontra s-Sajd Illegali, Mhux Irrappurtat u Mhux Irregolat u l-Abbużi tax-Xogħol Assoċjati,

—

wara li kkunsidra l-Istrateġija Nazzjonali ta’ Ħames Snin għall-Ġlieda kontra s-Sajd Illegali, Mhux Irrappurtat u Mhux Irregolat (2022–2026) tad-19 ta’ Ottubru 2022, imfassla mill-Grupp ta’ Ħidma Interaġenzjali tal-Istati Uniti dwar is-Sajd IUU,

—

wara li kkunsidra r-rapport tas-Servizz ta’ Riċerka tal-Kungress tal-Istati Uniti tat-12 ta’ April 2022 bit-titolu “China’s Role in the Exploitation of Global Fisheries: Issues for Congress” (Ir-Rwol taċ-Ċina fl-Isfruttament tas-Sajd Globali: Kwistjonijiet għall-Kungress),

—

wara li kkunsidra r-rapport tal-Istitut għall-Iżvilupp Barrani tat-2 ta’ Ġunju 2020 bit-titolu “China’s distant-water fishing fleet: scale, impact and governance” (Il-flotta tas-sajd taċ-Ċina tal-ilmijiet imbiegħda: skala, impatt u governanza),

—

wara li kkunsidra r-rapport tal-Fondazzjoni tal-Ġustizzja Ambjentali tat-30 ta’ Marzu 2022 bit-titolu “The Ever-Widening Net: Mapping the scale, nature and corporate structures of illegal, unreported and unregulated fishing by the Chinese distant-water fleet” (Ix-xibka li dejjem titwessa’: L-immappjar tal-iskala, in-natura u l-istrutturi korporattivi tas-sajd illegali, mhux irrappurtat u mhux irregolat mill-flotta Ċiniża tal-ilmijiet imbiegħda),

—

wara li kkunsidra r-rapport tal-Inizjattiva Globali Kontra l-Kriminalità Organizzata Tranżnazzjonali u tal-Poseidon Aquatic Resource Management Ltd bit-titolu “The Illegal, Unreported and Unregulated Fishing Index” (L-Indiċi tas-Sajd Illegali, Mhux Irrappurtat u Mhux Irregolat), ippubblikat fit-23 ta’ Diċembru 2021,

—

wara li kkunsidra l-Wegħda ta’ Alleanza ta’ Azzjoni dwar is-Sajd IUU biex jiġu stimulati l-ambizzjoni u l-azzjoni fil-ġlieda kontra s-sajd illegali, mhux irrappurtat u mhux irregolat, li ntlaħaq qbil dwarha fit-28 ta’ Ġunju 2022,

—

wara li kkunsidra l-Artikolu 54 tar-Regoli ta’ Proċedura tiegħu,

—

wara li kkunsidra r-rapport tal-Kumitat għas-Sajd (A9-0282/2023),

A.

billi l-Artikolu 28 tar-Regolament (UE) Nru 1380/2013 jgħid li l-UE għandha tmexxi r-relazzjonijiet esterni tagħha dwar is-sajd bil-għan jiġu żgurati sfruttament sostenibbli, ġestjoni u konservazzjoni tar-riżorsi bijoloġiċi tal-baħar u l-ambjent tal-baħar;

B.

billi l-Artikolu 12 tar-Regolament IUU jgħid li l-importazzjoni ta’ prodotti tas-sajd li jirriżultaw minn sajd illegali, mhux irrappurtat u mhux irregolat (IUU) għandha tkun ipprojbita; billi l-UE, bħala l-akbar suq ta’ importazzjoni għall-prodotti tas-sajd fid-dinja, għandha rwol ċentrali fil-ġlieda kontra s-sajd IUU madwar id-dinja; billi l-politika ta’ tolleranza żero fir-rigward tas-sajd IUU għandha tapplika bl-istess mod għall-pajjiżi kollha, irrispettivament mid-daqs;

C.

billi attwalment hemm erba’ pajjiżi terzi b’karta ħamra u tmien pajjiżi terzi b’karta safra; billi r-Repubblika tal-Poplu taċ-Ċina qatt ma kienet soġġetta għal proċedura skont ir-Regolament IUU, minkejja evidenza konsiderevoli tal-involviment sinifikanti u dejjem jikber tagħha fis-sajd IUU, kif analizzat fi studju ta’ Diċembru 2022 bit-titolu “The role and impact of China on world fisheries and aquaculture” (Ir-rwol u l-impatt taċ-Ċina fuq is-sajd u l-akkwakultura globali), ikkummissjonat mill-Kumitat għas-Sajd;

D.

billi, f’konformità mal-Artikolu 30 tar-Regolament IUU, u fuq talba tal-Kummissjoni, l-Aġenzija Ewropea għall-Kontroll tas-Sajd (EFCA) se tgħin lill-UE fil-kooperazzjoni ma’ pajjiżi terzi u organizzazzjonijiet internazzjonali li jittrattaw is-sajd, inklużi l-organizzazzjonijiet reġjonali tal-ġestjoni tas-sajd (RFMOs), biex tissaħħaħ il-koordinazzjoni u l-konformità tal-miżuri, speċjalment dawk immirati lejn il-ġlieda kontra s-sajd IUU;

E.

billi, f’konformità mal-Artikolu 31(3) tar-Regolament IUU, pajjiż terz jista’ jiġi identifikat bħala pajjiż terz li ma jikkooperax jekk jonqos milli jaqdi dmirijietu skont id-dritt internazzjonali bħala Stat tal-bandiera, tal-port, kostali jew tas-suq milli jieħu azzjoni biex jipprevjeni, jiskoraġġixxi u jelimina s-sajd IUU; billi l-proċedura tal-karta s-safra fir-Regolament IUU hija maħsuba biex taġixxi bħala twissija u tippermetti lill-UE tidħol fi djalogu ma’ pajjiż terz li ma jikkooperax;

F.

billi, fin-nuqqas ta’ ċifri uffiċjali affidabbli, huwa stmat li ċ-Ċina għandha l-akbar flotta tas-sajd fid-dinja, inkluża l-akbar flotta tas-sajd tal-ilmijiet imbiegħda fid-dinja, b’aktar minn 2 700 bastiment skont ċifri uffiċjali Ċiniżi, u li hija l-akbar importatur fid-dinja ta’ frakass tal-fdal tal-ħut (8); billi l-flotta tal-UE tal-ilmijiet imbiegħda hija komparattivament ħafna iżgħar, b’259 bastiment;

G.

billi l-isfruttament żejjed tar-riżorsi bijoloġiċi tal-baħar fl-ilmijiet territorjali tagħha stess u fiż-żona ekonomika esklużiva tagħha stess, u d-deterjorament tal-ħabitats minħabba t-tniġġis, jistgħu jitqiesu parzjalment bħala r-raġunijiet għaliex iċ-Ċina issa żviluppat l-akbar flotta tas-sajd tal-ilmijiet imbiegħda u l-industrija tal-akkwakultura fid-dinja; billi l-iskala tal-produzzjoni, l-estrazzjoni u l-konsum tal-frott tal-baħar taċ-Ċina għandha riperkussjonijiet estensivi fuq il-ġestjoni u l-konservazzjoni tal-ħut, u s-sigurtà tal-ikel madwar id-dinja; billi l-flotta taċ-Ċina tal-ilmijiet imbiegħda hija kompetitur ewlieni għall-flotta tas-sajd tal-Unjoni;

H.

billi ċ-Ċina hija t-tielet l-akbar esportatur ta’ prodotti tas-sajd u tal-akkwakultura f’termini ta’ valur għall-UE, wara n-Norveġja u r-Renju Unit; billi aktar minn 80 % tal-ħut ikkunsmat fiċ-Ċina jiġi mill-akkwakultura (9); billi l-produzzjoni tal-akkwakultura taċ-Ċina fl-2020 ammontat għal madwar 70,5 miljun tunnellata, li waħedha tirrappreżenta 58 % tal-produzzjoni globali tal-akkwakultura u 63 % tal-produzzjoni tal-akkwakultura Asjatika; billi l-importazzjonijiet mir-Repubblika tal-Poplu taċ-Ċina ammontaw għal EUR 1 815 371 000 fl-2022, jiġifieri 5,6 % tal-importazzjonijiet totali tal-UE; billi l-bilanċ kummerċjali tal-UE mar-Repubblika tal-Poplu taċ-Ċina għall-prodotti tas-sajd u tal-akkwakultura jinsab f’defiċit konsiderevoli (EUR 1 095 600 000);

I.

billi l-Organizzazzjoni għall-Kooperazzjoni u l-Iżvilupp Ekonomiċi tistma li s-sussidji għas-sajd Ċiniż bejn l-2008 u l-2017 kienu jirrappreżentaw madwar 41 % tas-sussidji globali kollha;

J.

billi ċ-Ċina kellha l-agħar punteġġ globali għas-sajd IUU tal-152 Stat kostali eżaminati kemm fl-2019 kif ukoll fl-2022 għall-Indiċi tas-Sajd IUU; billi l-flotta taċ-Ċina żgur mhijiex l-unika flotta involuta fis-sajd IUU, iżda għandha impatt estensiv madwar id-dinja minħabba d-daqs u l-preżenza globali tagħha;

K.

billi l-UE tappoġġja l-iżvilupp u l-ġestjoni ta’ sajd sostenibbli, inklużi miżuri biex jittejbu l-kapaċitajiet ta’ monitoraġġ, spezzjoni, kontroll u sorveljanza fil-ġlieda kontra s-sajd IUU, kif ukoll biex jiġu żgurati kompetittività u kundizzjonijiet ekwi;

L.

billi ċ-Ċina għadha ma rratifikatx konvenzjonijiet internazzjonali ewlenin biex tindirizza s-sajd IUU, inkluż il-Ftehim tal-FAO dwar il-Miżuri tal-Istat tal-Port u l-Konvenzjoni Nru 188 tal-Organizzazzjoni Internazzjonali tax-Xogħol dwar ix-Xogħol fis-Settur tas-Sajd;

M.

billi r-Repubblika tal-Poplu taċ-Ċina hija firmatarja tal-Ftehim tal-Organizzazzjoni Dinjija tal-Kummerċ (WTO) ta’ Ġunju 2022 dwar is-sussidji għas-sajd;

N.

billi r-Repubblika tal-Poplu taċ-Ċina rratifikat il-Ftehim għall-prevenzjoni tas-sajd mhux irregolat fl-ibħra internazzjonali fl-Oċean Artiku Ċentrali f’Ġunju 2022;

O.

billi l-UE u r-Repubblika tal-Poplu taċ-Ċina ffirmaw ftehim bilaterali fl-2018, magħruf bħala s-Sħubija Blu, li għandu l-għan li tittejjeb il-kooperazzjoni dwar il-governanza globali tal-oċeani; billi l-grupp ta’ ħidma permanenti tas-Sħubija Blu jiltaqa’ darba jew darbtejn fis-sena; billi din l-assoċjazzjoni hija bbażata fuq tliet pilastri li jallinjaw mal-politika tal-UE dwar il-governanza internazzjonali tal-oċeani – it-tisħiħ tal-qafas ta’ governanza tal-oċeani, inkluż is-sajd u l-miżuri għall-ġlieda kontra s-sajd IUU, it-trawwim tal-kundizzjonijiet għal ekonomija blu sostenibbli u l-promozzjoni tal-kooperazzjoni dwar ix-xjenza, ir-riċerka u d-data dwar il-baħar;

P.

billi l-parir konġunt tal-Kunsill Konsultattiv għall-Flotta ta’ Distanzi Twal u l-Kunsill Konsultattiv tas-Suq tal-15 ta’ Diċembru 2022 jgħid li l-pass li bih tinkiseb il-kooperazzjoni bejn l-UE u ċ-Ċina fil-ġlieda kontra s-sajd IUU mhuwiex proporzjonat mal-espansjoni rapida tal-flotta tas-sajd Ċiniża tal-ilmijiet imbiegħda u l-impatt globali tal-attivitajiet vasti, mhux sostenibbli u opaki tagħha;

Q.

billi l-Uffiċċju tat-Teżor għall-Kontroll tal-Assi Barranin tal-Istati Uniti ħareġ sanzjonijiet skont l-Att ta’ Magnitsky kontra diversi kumpaniji tas-sajd Ċiniżi, li jkopru total ta’ 157 bastiment, fuq użu allegat ta’ xogħol furzat;

R.

billi l-qabdiet globali taċ-Ċina mill-baħar bħalissa jammontaw għal bejn 14 u 16-il miljun tunnellata, li minnhom bejn 3 u 4 miljun tunnellata jiġu minn sajd fl-ilmijiet imbiegħda, inkluż proporzjon kbir li jinqabad fl-ilmijiet lil hinn mill-Afrika tal-Punent u lil hinn mill-Amerka t’Isfel tal-Punent (l-Ekwador u l-Perù) (10);

S.

billi, sabiex jiġi żgurat li l-produzzjoni tal-Unjoni ta’ prodotti tas-sajd ma tiġix ipperikolata u li jkun hemm provvista adegwata ta’ prodotti tas-sajd għall-industrija tal-ipproċessar tagħha, il-Kunsill, abbażi ta’ proposta tal-Kummissjoni, jista’ darbtejn fis-sena jnaqqas jew jissospendi d-dazji tal-importazzjoni għal għadd ta’ prodotti tas-sajd fil-kwoti tariffarji b’volum xieraq (11); billi 39 % tal-fletti tat-tonn importati fl-UE fl-2017 u li jibbenefikaw minn kwoti tariffarji awtonomi ta’ 0 % ġew miċ-Ċina (12);

T.

billi skont id-data tal-EUMOFA, iċ-Ċina esportat 5,35 miljun tunnellata ta’ prodotti tas-sajd u tal-akkwakultura fl-2017 (9 % lejn l-UE), b’valur nominali ta’ EUR 19,17-il biljun (l-importazzjonijiet tal-UE kienu jirrappreżentaw 8 % ta’ dan il-valur); billi d-data tal-EUMOFA għall-2021, l-aħħar sena li għaliha hemm ċifri disponibbli, tiżvela wkoll li l-esportazzjonijiet Ċiniżi tal-frott tal-baħar naqsu għal 3,71 miljun tunnellata (10 % lejn l-UE), b’valur nominali ta’ EUR 18,1-il biljun (l-importazzjonijiet tal-UE jammontaw għal 8 % ta’ dan il-valur);

U.

billi l-frott tal-baħar Ċiniż importat fis-suq Ewropew huwa l-prodott ta’ operazzjonijiet opaki u jimmina serjament il-kompetittività tas-suq uniku tal-UE; billi dan għandu riperkussjonijiet ekonomiċi u tax-xogħol severi għall-kumpaniji fis-settur u tul il-katina tal-provvista kollha;

V.

billi fl-2020 iċ-Ċina għamlet ir-regoli tagħha dwar is-sajd fl-ilmijiet imbiegħda aktar stretti; billi, fl-2017, iċ-Ċina impenjat ruħha li tillimita l-flotta tagħha tal-ilmijiet imbiegħda għal 3 000 bastiment sal-2020;

W.

billi l-istrateġija marittima hija parti essenzjali mill-pjan taċ-Ċina li tespandi s-setgħa tagħha; billi l-politiċizzazzjoni u l-militarizzazzjoni tas-settur marittimu ċivili tagħha jistgħu jiġu osservati, inkluż fir-rigward tas-sajd; billi l-UE għandha tikkunsidra l-isfidi strateġiċi tas-sovranità relatati mas-sajd, b’mod partikolari fir-reġjuni ultraperiferiċi tagħha;