IL-KUMMISSJONI EWROPEA
Brussell, 13.6.2018
COM(2018) 466 final
2018/0251(NLE)
Proposta għal
REGOLAMENT TAL-KUNSILL
li jistabbilixxi l-programm ta’ assistenza għad-dekummissjonar nukleari tal-impjant tal-enerġija nukleari ta’ Ignalina fil-Litwanja (il-programm Ignalina); u li jħassar ir-Regolament tal-Kunsill (UE) Nru 1369/2013
{SWD(2018) 342 final}
MEMORANDUM TA’ SPJEGAZZJONI
1.KUNTEST TAL-PROPOSTA
Din il-proposta tipprevedi data ta’ applikazzjoni mill-1 ta’ Jannar 2021 u hija ppreżentata għal Unjoni ta’ 27 Stat Membru, b’konformità man-notifika mir-Renju Unit bl-intenzjoni tiegħu li jirtira mill-Unjoni Ewropea u l-Euratom abbażi tal-Artikolu 50 tat-Trattat tal-Unjoni Ewropea li waslet għand il-Kunsill Ewropew fid-29 ta’ Marzu 2017.
Raġunijiet u għanijiet
L-impjant tal-enerġija nukleari ta’ Ignalina, li jinsab qrib il-belt ta’ Visaginas, jikkonsisti f’żewġ Reatturi ta’ Potenza Kbira tat-Tip bil-Kanali (reatturi RBMK-1500), l-istess mudell bħal dak ta’ Chernobyl. Id-dekummissjonar ta’ dan l-impjant jikkontribwixxi lejn sikurezza nukleari akbar fir-reġjun u fl-UE b’mod ġenerali.
Għaldaqstant, l-għan ġenerali tal-programm Ignalina (il-“programm”) huwa li jassisti lil-Litwanja fil-ġestjoni tal-isfidi tas-sikurezza radjoloġika tad-dekummissjonar tal-impjant tal-enerġija nukleari ta’ Ignalina. Barra minn hekk, il-programm għandu potenzjal għoli li joħloq għarfien u jappoġġa lill-Istati Membri tal-UE fid-dekummissjonar tagħhom, b’mod partikolari dawk l-Istati Membri li jridu jsegwu d-dekummissjonar tar-reatturi nukleari moderati bil-grafit.
Il-programm twettaq matul diversi perjodi finanzjarji u huwa ppjanat li jiġi ffinalizzat sal-2038. Il-programm mistenni jilħaq miri importanti bil-finanzjament provdut f’dan il-qafas finanzjarju pluriennali (2014-2020), madankollu, għadhom meħtieġa ammonti sostanzjali sabiex jiġu indirizzati l-bqija tal-kwistjonijiet ewlenin tas-sikurezza radjoloġika relatati mad-dekummissjonar tiegħu. Id-dekummissjonar ta’ dawn ir-reatturi huwa l-ewwel attività ta’ dan it-tip li tinvolvi sfidi teknoloġiċi bħaż-żarmar tal-qalba tal-grafit u l-ġestjoni sussegwenti ta’ ammonti importanti ta’ grafit irradjat.
Il-programm oriġina fil-kuntest tan-negozjati għall-adeżjoni tal-Litwanja mal-Unjoni Ewropea. L-impenn tal-Litwanja li tagħlaq u sussegwentement tiddekummissjona ż-żewġ reatturi nukleari ddisinjati mill-Unjoni Sovjetika sa data miftiehma b’mod komuni huwa minqux fit-Trattat tal-Adeżjoni tal-Litwanja(). Bħala att ta’ solidarjetà, u filwaqt li tirrikonoxxi li n-natura li tieħu fit-tul tad-dekummissjonar tal-Impjant tal-Enerġija Nukleari ta’ Ignalina u l-piż finanzjarju eċċezzjonali relatat miegħu, l-Unjoni Ewropea impenjat ruħha li, permezz tal-Protokoll Nru 4 tat-Trattat tal-Adeżjoni tal-Litwanja(), tipprovdi assistenza finanzjarja xierqa bbażata fuq il-ħtiġijiet attwali tal-pagamenti u fuq il-kapaċità ta’ assorbiment, għad-dekummissjonar tal-impjant tal-enerġija nukleari ta’ Ignalina.
Il-Litwanja ssodisfat l-impenn tagħha tat-trattat tal-adeżjoni li tagħlaq ir-reatturi tagħha fil-ħin(). Abbażi tad-dispożizzjonijiet tal-Protokoll Nru 4 tal-impjant tal-enerġija nukleari ta’ Ignalina fit-Trattat tal-Adeżjoni tal-Litwanja (), il-Kunsill tal-Unjoni Ewropea adotta Regolamenti suċċessivi wara l-2006 (,)għall-implimentazzjoni tad-dekummissjonar. Minbarra l-appoġġ finanzjarju tal-UE, fil-bidu tiegħu, il-programm Ignalina bbenefika mill-appoġġ ta’ donaturi internazzjonali (l-Istati Membri tal-UE, in-Norveġja, l-Iżvizzera), li kkontriwew għall-Fond Internazzjonali ta’ Appoġġ għad-Dekummissjonar ta’ Ignalina ġestit mill-Bank Ewropew għar-Rikostruzzjoni u l-Iżvilupp.
•Konsistenza mad-dispożizzjonijiet tal-politika eżistenti
Matul is-snin, l-għan tal-programm evolva biex jiġu indirizzati aħjar il-ħtiġijiet u biex jiġi żgurat id-dekummissjonar sikur tal-faċilità: oriġinarjament u sal-2013, l-assistenza tal-Unjoni Ewropea kienet imfassla biex tappoġġa lil-Litwanja kemm fl-isforzi tagħha sabiex tagħlaq u tiddekummissjona r-reatturi kkonċernati, iżda wkoll biex tindirizza l-konsegwenzi tal-għeluq bikri tal-installazzjoni tal-impjant tal-enerġija nukleari tagħha; aktar tard, fl-2014, il-kamp ta’ applikazzjoni tal-programm kien ristrett għall-attivitajiet ta’ dekummissjonar, jiġifieri fuq miżuri relatati mas-sikurezza; filwaqt li għall-istadju li jmiss, huwa ssuġġerit li l-programm ikompli jiffoka fuq l-attivitajiet tad-dekummissjonar li jinvolvu sfidi tas-sikurezza radjoloġika.
Ir-rimi ta’ fjuwil użat u skart radjuattiv f’repożitorju ġeoloġiku fond mhuwiex fil-kamp ta’ applikazzjoni tal-programm u jibqa’ r-responsabbiltà tal-Istat Membru skont id-Direttiva tal-Kunsill 2011/70/Euratom rilevanti dwar il-ġestjoni responsabbli u sikura ta’ fjuwil użat u skart radjuattiv.
•Konsistenza ma’ politiki oħra tal-Unjoni
F’konformità mad-Dikjarazzjoni ta’ Ruma (), jenħtieġ li l-baġit tal-UE jippermetti Ewropa li tkun bla periklu u sigura; din hija dimensjoni fejn il-programm ta’ assistenza għad-dekummissjonar nukleari ta’ Ignalina kkontribwixxa sa issa u jista’ jkompli jikkontribwixxi. L-impatt pożittiv ewlieni li għandu jinkiseb mill-programm Ignalina huwa tabilħaqq it-tnaqqis progressiv tal-livell ta’ periklu radjoloġiku għall-ħaddiema, għall-pubbliku u għall-ambjent fil-Litwanja, iżda wkoll fl-UE kollha kemm hi.
Il-programm jidħol fil-qafas regolatorju tas-sikurezza nukleari tal-UE; partikolarment rilevanti għall-programm huma: (i) Id-Direttiva tal-Kunsill 2011/70/Euratom li tistabbilixxi qafas Komunitarju għall-ġestjoni responsabbli u sikura ta’ fjuwil użat u skart radjuattiv; (ii) Id-Direttiva tal-Kunsill 2014/87/Euratom li temenda d-Direttiva 2009/71/Euratom li tistabbilixxi qafas Komunitarju għas-sikurezza nukleari ta’ installazzjonijiet nukleari; (iii) Id-Direttiva tal-Kunsill 2013/59/Euratom li tistabbilixxi standards bażiċi ta’ sikurezza għal protezzjoni kontra l-perikli li jirriżultaw minn esponiment għal radjazzjoni jonizzanti.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
Il-bażi ġuridika għall-programm hija stabbilita fil-Protokoll Nru 4 tat-Trattat tal-Adeżjoni tal-2003 (3), fejn l-Unjoni għandha, b’solidarjetà mal-Litwanja, tipprovdi assistenza Komunitarja addizzjonali adegwata għall-isforz tad-dekummissjonar lil hinn mill-2006.
Din il-bażi ġuridika ġiet ikkonfermata mis-servizz legali tal-Kunsill tal-Unjoni Ewropea fil-proċess tal-adozzjoni tar-Regolament tal-Kunsill (UE) Nru 1369/2013.
•Sussidjarjetà (għall-kompetenza mhux esklużiva)
Il-programm Ignalina ġej mit-Trattat tal-Adeżjoni tal-Litwanja u huwa impenn mill-Unjoni Ewropea għal-Litwanja. Il-programm jaqa’ fil-kamp ta’ applikazzjoni tal-Programm Nazzjonali Litwan skont id-Direttiva tal-Kunsill 2011/70/Euratom.
Sa mill-bidu, il-valur miżjud tal-UE tal-programm dejjem kien definit f’termini ta’ sikurezza nukleari u mitigazzjoni finanzjarja. In-nuqqas ta’ kofinanzjament tal-UE x’aktarx ikollu impatt negattiv fuq il-proċess tad-dekummissjonar bħala tali, li min-naħa tiegħu jista’ jirriżulta f’impatt dirett fuq is-sikurezza għall-ħaddiema, il-pubbliku ġenerali u l-ambjent. Fl-istadju attwali tal-iżvilupp tiegħu, il-programm għadu jipprovdi valur f’dan ir-rigward, minħabba l-bqija tal-isfidi tas-sikurezza radjuloġika, iżda l-kontribut tiegħu naturalment jonqos hekk kif id-dekummissjonar jagħmel progress.
Barra minn hekk, il-programm jista’ jġib valur miżjud addizzjonali tal-UE permezz ta’ enfasi akbar fuq il-kondiviżjoni tal-għarfien, li hija importanti sabiex jiġu indirizzati l-isfidi simili ffaċċjati minn Stati Membri oħrajn sabiex jagħmlu progress bil-pjanijiet ta’ dekummissjonar tagħhom. Bħalissa, aktar minn 90 reattur nukleari ngħalqu b’mod permanenti fl-Ewropa, iżda tlieta biss ġew dekummissjonati kompletament. Għalhekk, il-livell ta’ esperjenza fiż-żarmar tar-reatturi nukleari fl-Ewropa (kif ukoll fil-livell internazzjonali) huwa limitat. Il-kontribut tal-programm sabiex jiġi żgurat iż-żarmar tar-reatturi ta’ Ignalina se jwassal għall-ġenerazzjoni ulterjuri ta’ esperjenza u għarfien rilevanti ħafna li jistgħu jkunu ta’ benefiċċju għal proġetti ta’ dekummissjonar oħrajn u jirriżultaw f’livelli ogħla ta’ sikurezza fl-UE.
•Proporzjonalità
Fil-qafas finanzjarju pluriennali li jmiss, il-programm se jiffoka fuq l-isfidi tas-sikurezza radjoloġika tad-dekummissjonar tal-impjant tal-enerġija nukleari ta’ Ignalina fejn jista’ jinkiseb l-akbar valur miżjud tal-UE (jiġifieri t-tnaqqis progressiv tal-livell ta’ periklu radjoloġiku għall-ħaddiema, għall-pubbliku u għall-ambjent fil-Litwanja, iżda wkoll fl-UE kollha kemm hi).
•Għażla tal-istrument
Bħala riżultat tal-evalwazzjoni ta’ nofs it-terminu tal-programm, l-istruttura attwali (jiġifieri l-programm Ignalina bħala programm ta’ nfiq apposta) wriet li tiżgura implimentazzjoni effettiva u effiċjenti tal-programm. Il-fatturi ewlenin ta’ suċċess huma d-definizzjonijiet ċari tar-rwoli u tar-responsabbiltajiet, kif ukoll il-qafas ta’ monitoraġġ imsaħħaħ.
Għalhekk, il-Kummissjoni tipproponi li tkompli l-implimentazzjoni tal-programm b’ġestjoni indiretta permezz tal-korp ta’ implimentazzjoni vvalutat mill-pilastru (jiġifieri l-aġenzija nazzjonali Litwana, CPMA).
3.RIŻULTATI TAL-EVALWAZZJONIJIET RETROSPETTIVI, KONSULTAZZJONIJIET MAL-PARTIJIET IKKONĊERNATI U VALUTAZZJONIJIET TAL-IMPATT
•Evalwazzjonijiet retrospettivi/kontrolli tal-idoneità tal-leġiżlazzjoni eżistenti
L-evalwazzjoni ta’ nofs it-terminu tal-programm ikkonkludiet li l-programm attwali huwa koerenti mal-politiki tal-UE li jimmiraw li jiżguraw l-ogħla livell ta’ sikurezza nukleari. L-appoġġ tal-UE jiżgura li l-istrateġija immedjata ta’ żarmar fil-Litwanja tiġi segwita b’mod kostanti u tipprevjeni li dan il-piż bla bżonn jiġi ttrasferit lil ġenerazzjonijiet futuri, filwaqt li jidderoga parzjalment għal raġunijiet storiċi, għar-responsabbiltà aħħarija tal-Istat Membru sabiex jiżgura riżorsi finanzjarji adegwati għad-dekummissjonar nukleari u l-ġestjoni tal-iskart radjuattiv.
Il-Litwanja għamlet progress effettiv u effiċjenti fid-dekummissjonar tar-reatturi tagħha f’konformità mal-linja bażi miftiehma fl-2014 (jiġifieri l-pjan tad-dekummissjonar). Kien hemm sfidi u diffikultajiet minħabba l-kumplessità tal-programm, iżda s-sistema ta’ ġestjoni wriet kapaċità dejjem akbar biex tlaħħaq ma’ sfidi bħal dawn.
L-analiżi wriet ukoll li se jintlaħqu livelli ta’ sikurezza sostanzjalment imtejba fuq il-post bħala riżultat tal-finanzjament tal-Unjoni f’dan il-qafas finanzjarju pluriennali. Fil-Litwanja, l-iżviluppi ewlenin li għaddejjin bħalissa f’dan il-qasam huma l-progress kostanti tat-tneħħija tal-fjuwil użat mill-bini tar-reatturi u l-preparazzjonijiet għaż-żarmar tal-grafit irradjat mill-qalba tar-reatturi, li huwa l-ewwel proġett ta’ dan it-tip ta’ skala mingħajr preċedent.
Lil hinn mill-2020, il-ġbir ta’ fondi addizzjonali meħtieġa sal-2038 għad-dekummissjonar tal-impjant tal-enerġija nukleari ta’ Ignalina jitlob li jsir segwitu bir-reqqa billi d-differenza fil-finanzjament hija mdaqqsa (EUR 1331 miljun).
L-evalwazzjoni ta’ nofs it-terminu wriet li l-livell dejjem jiżdied tal-kontribuzzjoni nazzjonali qed jappoġġa responsabbiltà aktar b’saħħitha u jikkaġuna mġiba li tfittex l-ekonomija min-naħa tal-benefiċjarju. L-analiżi kkonkludiet ukoll li l-livelli dejjem jiżdiedu tal-kontribuzzjoni nazzjonali huma kundizzjoni neċessarja iżda mhux suffiċjenti sabiex jiġu stabbiliti l-inċentivi t-tajba għal dekummissjonar f’waqtu u effiċjenti. Madankollu, in-nuqqas ta’ definizzjoni fil-passat tar-rati ta’ kofinanzjament fil-bażi ġuridika ħoloq inċertezzi li se jitneħħew mill-abbozz tal-bażi ġuridika għall-qafas finanzjarju pluriennali li jmiss (2021-2027).
L-istruttura tal-governanza żgurat l-implimentazzjoni effettiva u effiċjenti tal-programm u kkumpensat għall-inċertezzi msemmija hawn fuq dwar l-aspetti ta’ kofinanzjament. Il-fatturi ewlenin ta’ suċċess kienu d-definizzjonijiet ċari tar-rwoli u tar-responsabbiltajiet, kif ukoll qafas ta’ monitoraġġ imsaħħaħ. L-analiżi identifikat ukoll oqsma għal aktar titjib bħal:
(i)involviment aktar profond tal-Istat Membru (il-koordinatur tal-programm u l-koordinatur finanzjarju) għal sjieda akbar flimkien ma’ responsabbiltà msaħħa tal-operatur tad-dekummissjonar (il-benefiċjarju finali);
(ii)razzjonalizzazzjoni ta’ proċeduri sabiex jissaħħu l-puntwalità u l-effettività taċ-ċiklu tal-ġestjoni;
(iii)interkomparabbiltà akbar mal-prestazzjoni ta’ programmi oħrajn ta’ dekummissjonar.
Sa mill-bidu, l-assistenza finanzjarja tal-Unjoni Ewropea ġiet implimentata permezz ta’ ġestjoni indiretta (). Il-Kummissjoni tipproponi li tkompli tafda l-implimentazzjoni tal-baġit tal-programm lil korp ta’ implimentazzjoni vvalutat mill-pilastru (ġestjoni indiretta), jiġifieri lill-aġenzija nazzjonali Litwana, CPMA.
•Konsultazzjonijiet ma’ partijiet ikkonċernati
Għall-evalwazzjoni ta’ nofs it-terminu tal-programm, f’Ġunju 2017, il-Kummissjoni nediet konsultazzjoni pubblika miftuħa għal tul ta’ żmien estiż ta’ 14-il ġimgħa. Il-konsultazzjoni attirat interess limitat (20 reazzjoni). Minbarra din il-konsultazzjoni, f’Lulju 2017 tnediet konsultazzjoni mmirata ta’ stħarriġ elettroniku; din ġabret 17-il reazzjoni addizzjonali (1 mill-Bulgarija, 4 mil-Litwanja u 12 mis-Slovakkja) minn total ta’ 90 parti kkonċernata li ġew ikkuntattjati. Ir-risposti riċevuti kienu b’mod ġenerali pożittivi dwar il-programm, iżda ma pprovdew ebda kontribut ġdid addizzjonali fuq il-programm. Madankollu, dawn iż-żewġ konsultazzjonijiet ġew komplementati minn konsultazzjonijiet immirati permezz ta’ madwar 100 intervista mal-operaturi tad-dekummissjonar u partijiet ikkonċernati rilevanti.
•Għarfien espert estern
Id-dokumenti li ġejjin intużaw bħala kontribut għat-tħejjija tal-programm għall-qafas finanzjarju pluriennali li jmiss:
–“Support to the mid-term evaluation of the Nuclear Decommissioning Assistance Programmes” EY, Evalwazzjoni għad-DĠ Enerġija tal-Kummissjoni Ewropea, 2018
–“Nuclear Decommissioning Assistance Programme (NDAP) – Assessment of the robustness of the financing plans considering the economic-financial-budgetary situation in each concerned Member State and of the relevance and feasibility of the detailed decommissioning plans” Deloitte, NucAdvisor, VVA Europe, Studju mħejji għall-DĠ Enerġija tal-Kummissjoni Ewropea, 2016
–Rapport Speċjali tal-QEA Nru 22/2016 “EU nuclear decommissioning assistance programmes in Lithuania, Bulgaria and Slovakia: some progress made since 2011, but critical challenges ahead”
•Valutazzjoni tal-impatt
B’konformità mar-Regolament Finanzjarju u r-rekwiżiti tal-politika ta’ regolamentazzjoni aħjar tal-Kummissjoni, il-programm attwali kien soġġett għal valutazzjoni ex ante (fil-forma ta’ Dokument ta’ Ħidma tal-Persunal).
•Simplifikazzjoni
Bħalissa, il-programm huwa implimentat permezz ta’ ġestjoni indiretta bl-użu ta’ korp ta’ implimentazzjoni vvalutat mill-pilastru fl-Istat Membru kkonċernat (jiġifieri l-aġenzija nazzjonali Litwana, CPMA). L-evalwazzjoni ta’ nofs it-terminu tal-programm ikkonfermat li l-istruttura attwali wriet li tiżgura l-implimentazzjoni effettiva u effiċjenti tal-programm u, għalhekk, se titkompla fil-qafas finanzjarju pluriennali li jmiss, b’xi simplifikazzjonijiet ibbażati fuq il-lezzjonijiet miksuba mill-evalwazzjoni ta’ nofs it-terminu.
Pereżempju, il-programm se jieħu vantaġġ mill-programmazzjoni pluriennali prevista skont ir-Regolament Finanzjarju rivedut. Dan se jagħmel l-aħjar użu mill-pjan pluriennali dettaljat tad-dekummissjonar bħala bażi għall-programmazzjoni u l-monitoraġġ u jtejjeb l-effiċjenza u l-puntwalità taċ-ċiklu ta’ programmazzjoni. F’dak li jikkonċerna l-programmazzjoni, in-natura pluriennali tal-programm ta’ dekummissjonar se tkun riflessa fl-adozzjoni ta’ programm ta’ ħidma pluriennali u ta’ deċiżjoni ta’ finanzjament. Il-programm jista’ jkun rivedut abbażi tar-riżultati tal-evalwazzjoni. B’konformità mal-prattika attwali, il-finanzjament provdut permezz ta’ dan ir-Regolament jista’ jintuża biex jitlestew proġetti programmati fil-Pjan tad-Dekummissjonar Finali ta’ Ignalina sad-data tat-tmiem tiegħu. Eżempju ieħor jirrigwarda l-introduzzjoni ta’ qafas aktar ċar għall-kofinanzjament li se jnaqqas l-inċertezza fir-rigward tas-sors ta’ finanzjament, ineħħi l-ħtieġa għan-negozjati u l-qbil fuq bażi annwali tal-kontribuzzjoni nazzjonali u jżid is-sjieda tal-programm mill-Istat Membru.
Barra minn hekk, se tintuża l-ġabra unika tar-regoli, filwaqt li s-sinerġiji u l-komplementarjetajiet addizzjonali bejn il-programmi se jiġu sfruttati kull fejn ikun possibbli.
Fl-aħħar nett, il-Fond Ewropew għall-Iżvilupp Reġjonali (FEŻR), il-Fond Soċjali Ewropew Plus (FSE+) u l-Fond ta' Koeżjoni jistgħu jappoġġaw miżuri li jakkumpanjaw it-tranżizzjoni soċjali u ekonomika relatata, inklużi wkoll miżuri ta’ effiċjenza enerġetika u enerġija rinnovabbli, kif ukoll ċerti attivitajiet oħrajn mhux marbuta ma’ proċessi tas-sikurezza radjoloġika. Bħala tali, dawn il-Fondi jistgħu joħolqu attivitajiet addizzjonali fir-reġjuni kkonċernati u jużaw il-kompetenzi disponibbli lokalment bħala xprunatur ewlieni tal-ħolqien tal-impjiegi, it-tkabbir sostenibbli u l-innovazzjoni. Bl-istess mod, jenħtieġ li jiġu esplorati sinerġiji mal-FP9 u/jew il-Programm ta’ Riċerka u Taħriġ tal-Euratom f’oqsma bħall-iżvilupp u l-ittestjar tat-teknoloġija, kif ukoll it-taħriġ u l-edukazzjoni.
•Drittijiet fundamentali
Il-programm ma għandu l-ebda impatt fuq id-drittijiet fundamentali.
4.IMPLIKAZZJONIJIET BAĠITARJI
L-allokazzjoni baġitarja proposta għall-2021-2027 hi ta’ EUR 552 000 000 (fi prezzijiet kurrenti). Din tissejjes fuq l-iżborsi annwali mistennija previsti fil-pjan tad-dekummissjonar, filwaqt li jitqiesu l-livelli limiti proposti għall-kofinanzjament tal-UE. Il-linja bażi tiddefinixxi kurva ta’ progress kważi lineari u, b’hekk, huma previsti impenji annwali kważi kostanti u pjanijiet ta’ pagament kif ippreżentati fid-Dikjarazzjoni Finanzjarja Leġiżlattiva.
L-azzjonijiet kofinanzjati skont il-programm finanzjarju propost huma bbażati fuq il-pjan ta’ dekummissjonar dettaljat stabbilit bir-Regolament tal-Kunsill 2013/1369/UE. Dan il-pjan diġà ddefinixxa l-kamp ta’ applikazzjoni tal-programm, l-istat aħħari tad-dekummissjonar u d-data tal-għeluq; ikopri l-attivitajiet tad-dekummissjonar, l-iskeda assoċjata magħhom, il-kostijiet u r-riżorsi umani meħtieġa.
Ir-riżorsi umani u amministrattivi meħtieġa għall-ġestjoni tal-programm jibqgħu l-istess mill-programm predeċessur.
5.ELEMENTI OĦRA
•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar
Is-sistema ta’ programmazzjoni, monitoraġġ u kontroll se tkompli tittejjeb u tiġi razzjonalizzata fir-rigward ta’ dik eżistenti. Il-lezzjonijiet miksuba mill-evalwazzjoni ta’ nofs it-terminu se jintużaw sabiex jiġu żgurati s-simplifikazzjoni u t-titjib kontinwu.
Fl-2014, il-Kummissjoni mmodifikat il-governanza tal-programm għall-qafas finanzjarju pluriennali 2014-2020 sabiex tistabbilixxi rwoli u responsabbiltajiet aktar ċari u tintroduċi rekwiżiti akbar ta’ ppjanar, monitoraġġ u rapportar għall-benefiċjarji. F’konformità ma’ dan l-approċċ ta’ governanza rivedut, il-Litwanja ħatret Koordinatur tal-Programm u Koordinatur Finanzjarju (deputat ministru jew segretarju tal-istat) li jkun responsabbli għall-programmazzjoni, il-koordinazzjoni u l-monitoraġġ tal-programm tad-dekummissjonar fil-livell nazzjonali. Hemm fis-seħħ kumitat b’funzjonijiet ta’ monitoraġġ u rapportar, li huwa kopresedut minn rappreżentant tal-Kummissjoni u mill-Koordinatur tal-Programm.
Fil-perjodu ta’ finanzjament li jmiss, in-natura pluriennali tal-proċess ta’ dekummissjonar se tkun riflessa fl-adozzjoni ta’ programm ta’ ħidma pluriennali u deċiżjoni ta’ finanzjament, f’konformità mar-regolament finanzjarju ġdid propost. Dan il-proċess ta’ programmazzjoni se jiġi sinkronizzat b’mod evidenti mal-passi tal-evalwazzjoni (waħda interim wara erba’ snin u waħda finali ħames snin wara l-2027 meta huwa mistenni li jitlestew il-kompiti fil-qasam).
Dawn l-evalwazzjonijiet se jitwettqu skont il-paragrafi 22 u 23 tal-Ftehim Interistituzzjonali tat-13 ta’ April 2016(), fejn it-tliet istituzzjonijiet ikkonfermaw li l-evalwazzjonijiet ta’ leġiżlazzjoni u politika eżistenti għandhom jipprovdu l-bażi għall-valutazzjonijiet tal-impatt ta’ għażliet għal azzjoni ulterjuri. L-evalwazzjonijiet se jivvalutaw l-effetti tal-programm fuq il-post abbażi tal-indikaturi/il-miri tal-programm u analiżi ddettaljata dwar kemm il-programm jista’ jitqies rilevanti, effettiv, effiċjenti, jipprovdi biżżejjed valur miżjud tal-UE u huwa koerenti ma’ politiki oħra tal-UE. Dawn se jinkludu t-tagħlimiet meħuda biex jiġu identifikati kwalunkwe nuqqas/problema jew kwalunkwe potenzjal għal titjib ulterjuri tal-azzjonijiet jew tar-riżultati tagħhom u biex jgħin l-isfruttament/l-impatt massimizzat tagħhom.
Il-prattika attwali ta’ rapportar annwali lill-Parlament Ewropew u lill-Kunsill se tinżamm.
Il-Kummissjoni qed tippjana li tkompli tafda l-implimentazzjoni tal-baġit tal-programmi lil korp ta’ implimentazzjoni vvalutat mill-pilastru (ġestjoni indiretta), jiġifieri lill-aġenzija nazzjonali Litwana, CPMA. Barra minn hekk, is-servizzi tal-Kummissjoni se jkomplu l-prattika tas-segwitu mill-qrib tal-implimentazzjoni tal-proġetti permezz ta’ reviżjonijiet fuq il-post u mhux fuq il-post fuq bażi biannwali, kif ukoll jissupplimentaw iċ-ċiklu regolari ta’ programmazzjoni, monitoraġġ u kontroll b’verifiki tematiċi abbażi ta’ reviżjoni tar-riskji.
•Spjegazzjoni fid-dettall tad-dispożizzjonijiet speċifiċi tal-proposta
L-Artikolu 3 tal-att bażiku propost jiddefinixxi l-għan tal-programm għall-qafas finanzjarju pluriennali 2021-2027. L-għan speċifiku jirrifletti n-natura doppja tal-għan tal-programm li jittrasforma l-valur miżjud tal-UE, fuq naħa waħda, f’sikurezza nukleari mtejba, u fuq in-naħa l-oħra, f’għarfien miżjud għall-Istat Membru tal-UE dwar il-proċess tad-dekummissjonar nukleari.
L-Artikoli 3, 6, 7 u l-Anness ilkoll flimkien jiddefinixxu qafas sabiex jiġi żgurat li l-finanzjament tal-UE jkun iffokat fuq azzjonijiet li verament iwasslu l-għan tal-programm. Dawn jiċċaraw il-livell ta’ sforz kondiviż bejn l-UE u l-Litwanja fid-dekummissjonar tal-impjant tal-enerġija nukleari ta’ Ignalina. L-Artikolu 7 jistabbilixxi limitu massimu annwali għall-pagament tal-UE għal rata massima ta’ kofinanzjament tal-Unjoni ta’ 80 %, b’rispons għar-rekkomandazzjonijiet Nru 3 u 4 tal-Qorti Ewropea tal-Awdituri li jeħtieġu rispettivament li l-Litwanja tkun lesta li tuża l-fondi nazzjonali biex tkopri l-kostijiet tad-dekummissjonar, u li l-Kummissjoni tfittex żidiet fil-kontribuzzjoni nazzjonali. Din id-dispożizzjoni u l-istimi tal-kostijiet tal-pjan tad-dekummissjonar dettaljat skont ir-Regolament tal-Kunsill 2013/1369/UE jiffissaw l-impenn tal-UE lejn il-Litwanja kif stabbilit fit-Trattat tal-Adeżjoni rilevanti.
L-Artikolu 8 jintroduċi simplifikazzjoni ewlenija fir-rigward tal-programm attwali, jiġifieri l-użu ta’ programm ta’ ħidma pluriennali, li jirrifletti n-natura tal-programmi tad-dekummissjonar. Għalkemm fil-livell tal-programmazzjoni jiġi adottat approċċ pluriennali, l-Artikolu 4(3) jistipula l-possibbiltà ta’ impenji baġitarji annwali u l-prattika tar-rapportar annwali lill-Parlament Ewropew u lill-Kunsill tinżamm kif deskritt fl-Artikolu 9(4).
L-Artikolu 10 jiddefinixxi l-proċess għar-reviżjoni tal-programm ta’ ħidma pluriennali fuq perjodu li huwa proporzjonat man-natura tal-programm u jipprovdi lill-Kummissjoni b’għodda adegwata sabiex tintroduċi miżuri korrettivi, jekk ikunu meħtieġa.
L-Anness I jagħti deskrizzjoni dettaljata tal-għan speċifiku tal-Programm. Fit-Tabella 1, l-Anness I jittraduċi t-tweġiba tal-Kummissjoni għar-rakkomandazzjoni nru 6 tal-Qorti Ewropea tal-Awdituri li sejħet biex il-Kummissjoni tippermetti li jintuża l-finanzjament mill-Unjoni biex jiġu ffinanzjati biss il-kostijiet tal-persunal li l-ħidma sħiħa tiegħu tkun fuq attivitajiet tad-dekummissjonar. It-tabella sservi biex il-finanzjament tal-Unjoni jinżamm għal funzjonijiet essenzjali bħas-sikurezza, filwaqt li l-iskemi ta’ kofinanzjament jintużaw biex jiġu allinjati l-interessi tal-partijiet ikkonċernati lokali ma’ dawk tal-Unjoni. L-Anness II jistabbilixxi l-indikaturi speċifiċi biex isir rapport dwar il-progress tal-Programm lejn il-kisba tal-għanijiet, fl-oqsma taż-żarmar u d-dekontaminazzjoni, tal-ġestjoni tal-iskart radjuattiv u tad-disseminazzjoni tal-għarfien.
2018/0251 (NLE)
Proposta għal
REGOLAMENT TAL-KUNSILL
li jistabbilixxi l-programm ta’ assistenza għad-dekummissjonar nukleari tal-impjant tal-enerġija nukleari ta’ Ignalina fil-Litwanja (il-programm Ignalina); u li jħassar ir-Regolament tal-Kunsill (UE) Nru 1369/2013
IL-KUNSILL TAL-UNJONI EWROPEA,
Wara li kkunsidra l-Att tal-Adeżjoni tal-2003 u, b’mod partikolari l-Artikolu 3 tal-Protokoll Nru 4 tiegħu,
Wara li kkunsidra l-proposta tal-Kummissjoni Ewropea,
Billi:
(1)Skont il-Protokoll Nru 4 tal-Att tal-Adeżjoni tal-2003 dwar l-impjant tal-enerġija nukleari ta’ Ignalina (), il-Litwanja impenjat ruħha li tagħlaq l-Unità 1 u l-Unità 2 tal-impjant tal-enerġija nukleari ta’ Ignalina sal-31 ta’ Diċembru 2004 u sal-31 ta’ Diċembru 2009, rispettivament, u li sussegwentement tgħaddi għad-dekummissjonar ta’ dawk l-unitajiet.
(2)B’konformità mal-obbligi tagħha skont l-Att tal-Adeżjoni, u bl-assistenza tal-Unjoni, il-Litwanja għalqet iż-żewġ unitajiet fl-iskadenzi rispettivi u għamlet progress sinifikanti lejn id-dekummissjonar tagħhom. Tenħtieġ ħidma ulterjuri sabiex ikompli jitnaqqas il-livell ta’ periklu radjoloġiku. Abbażi tal-istimi disponibbli, jenħtieġu riżorsi finanzjarji addizzjonali għal dan l-għan wara l-2020.
(3)Jeħtieġ li l-attivitajiet koperti minn dan ir-Regolament ikunu konformi mal-liġi applikabbli tal-Unjoni u dik nazzjonali. Id-dekummissjonar tal-impjant tal-enerġija nukleari kopert minn dan ir-Regolament jenħtieġ li jsir b’konformità mal-leġiżlazzjoni dwar is-sikurezza nukleari, jiġifieri d-Direttiva tal-Kunsill 2009/71/Euratom (), u l-ġestjoni tal-iskart, jiġifieri d-Direttiva tal-Kunsill 2011/70/Euratom (). Ir-responsabbiltà aħħarija għas-sikurezza nukleari u għas-sikurezza tal-fjuwil użat u tal-ġestjoni tal-iskart radjuattiv tibqa’ tal-Litwanja.
(4)B’rikonoxximent tal-fatt li l-għeluq prematur u d-dekummissjonar konsegwenti tal-impjant tal-enerġija nukleari ta’ Ignalina b’żewġ unitajiet tar-reatturi tat-tip RBMK ta’ 1 500 MW, li ntirtu mill-Unjoni Sovjetika, kienu ta’ natura mingħajr preċedent u rrappreżentaw għal-Litwanja piż finanzjarju eċċezzjonali mhux proporzjonat mad-daqs u mas-saħħa ekonomika tal-pajjiż, il-Protokoll Nru 4 ddikjara li l-assistenza tal-Unjoni taħt il-programm Ignalina se titkompla bla waqfien u tiġi estiża lil hinn mill-2006, għall-perjodu tal-Perspettivi Finanzjarji li jmiss.
(5)Dan ir-Regolament jistabbilixxi pakkett finanzjarju għall-programm ta’ assistenza għad-dekummissjonar nukleari tal-impjant tal-enerġija nukleari ta’ Ignalina fil-Litwanja (il-Programm) li se jikkostitwixxi l-ammont ta’ referenza primarja, fit-tifsira tal-punt 17 tal-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar il-kooperazzjoni f’materji ta’ baġit u dwar ġestjoni finanzjarja tajba(), għall-Parlament Ewropew u għall-Kunsill matul il-proċedura baġitarja annwali.
(6)Ir-Regolament (UE, Euratom) 2018/... tal-Parlament Ewropew u tal-Kunsill [ir-RF il-ġdid] () (ir-“Regolament Finanzjarju”) japplika għal dan il-Programm Dan jistabbilixxi regoli dwar l-implimentazzjoni tal-baġit tal-Unjoni, inklużi r-regoli dwar għotjiet, premjijiet, akkwist pubbliku, implimentazzjoni indiretta, assistenza finanzjarja, strumenti finanzjarji u garanziji baġitarji.
(7)Skont ir-Regolament Finanzjarju, ir-Regolament (UE, Euratom) Nru 883/2013 tal-Parlament Ewropew u tal-Kunsill(), ir-Regolament tal-Kunsill (Euratom, KE) Nru 2988/95() ir-Regolament (Euratom, KE) Nru 2185/96 () u r-Regolament (UE) 2017/1939 (), l-interessi finanzjarji tal-Unjoni jenħtieġ li jiġu protetti permezz ta’ miżuri proporzjonati, inkluż il-prevenzjoni, id-detezzjoni, il-korrezzjoni u l-investigazzjoni ta’ irregolaritajiet u ta’ frodi, l-irkupru ta’ fondi mitlufa, imħallsa bi żball jew użati b’mod mhux korrett u fejn xieraq, l-impożizzjoni ta’ sanzjonijiet amministrattivi. B’mod partikolari, skont ir-Regolament (UE, Euratom) Nru 883/2013 u r-Regolament (Euratom, KE) Nru 2185/96, l-Uffiċċju Ewropew Kontra l-Frodi (OLAF) jista’ jwettaq investigazzjonijiet, inklużi kontrolli u spezzjonijiet fuq il-post, bil-ħsieb li jistabbilixxi jekk kienx hemm frodi, korruzzjoni jew kwalunkwe attività illegali oħra li taffettwa l-interessi finanzjarji tal-Unjoni. Skont ir-Regolament (UE) 2017/1939, l-Uffiċċju tal-Prosekutur Pubbliku Ewropew (UPPE) jista’ jinvestiga u jressaq każijiet ta’ frodi u attivitajiet illegali oħrajn li jaffettwaw l-interessi finanzjarji tal-Unjoni, kif previst fid-Direttiva (UE) 2017/1371 tal-Parlament Ewropew u tal-Kunsill(). Skont ir-Regolament Finanzjarju, kwalunkwe persuna jew entità li tirċievi fondi tal-Unjoni trid tikkopera bis-sħiħ fil-protezzjoni tal-interessi finanzjarji tal-Unjoni, tagħti d-drittijiet u l-aċċess meħtieġa lill-Kummissjoni, lill-OLAF, lill-UPPE u lill-Qorti Ewropea tal-Awdituri (QEA) u tiżgura li kwalunkwe parti terza involuta fl-implimentazzjoni tal-fondi tal-Unjoni tagħti drittijiet ekwivalenti.
(8)Dan ir-Regolament ma jippreġudikax ir-riżultat ta’ kwalunkwe proċedura ta’ għajnuna mill-Istat li tista’ titwettaq fil-ġejjieni b’konformità mal-Artikoli 107 u 108 tat-Trattat dwar il-Funzjonament tal-Unjoni Ewropea.
(9)Il-finanzjament skont dan ir-Regolament jenħtieġ li jikkonċentra fuq attivitajiet li jimplimentaw l-għanijiet ta’ sikurezza tad-dekummissjonar, filwaqt li r-responsabbiltà aħħarija għas-sikurezza nukleari jenħtieġ li tibqa’ tal-Litwanja.
(10)Il-Programm jenħtieġ li jiżgura wkoll id-disseminazzjoni tal-għarfien miksub mill-Programm lill-Istati Membri kollha, f’koordinazzjoni u sinerġija ma’ programmi rilevanti oħra tal-Unjoni għall-attivitajiet ta’ dekummissjonar fil-Bulgarija, fis-Slovakkja u fiċ-Ċentru Konġunt tar-Riċerka tal-Kummissjoni; billi dawn il-miżuri jġibu l-akbar valur miżjud tal-Unjoni.
(11)Jenħtieġ li d-dekummissjonar tal-impjant tal-enerġija nukleari ta’ Ignalina jitwettaq billi jintuża l-aħjar għarfien espert tekniku disponibbli u b’kunsiderazzjoni xierqa tan-natura u l-ispeċifikazzjonijiet teknoloġiċi tal-installazzjonijiet li jridu jiġu dekummissjonati, sabiex jiġu żgurati s-sikurezza u l-ogħla livell ta’ effiċjenza possibbli, u b’hekk jittieħed kont tal-aħjar prattiki internazzjonali.
(12)Jenħtieġ li jiġu żgurati monitoraġġ u kontroll effettivi tal-evoluzzjoni tal-proċess ta’ dekummissjonar mill-Kummissjoni u mil-Litwanja sabiex jiġi żgurat l-ogħla valur miżjud tal-Unjoni tal-finanzjament allokat skont dan ir-Regolament, għalkemm ir-responsabbiltà aħħarija għad-dekummissjonar hija tal-Litwanja. Dan jinkludi l-kejl effettiv tal-progress u tal-prestazzjoni, kif ukoll il-promulgazzjoni tal-miżuri korrettivi, meta jkunu meħtieġa.
(13)Skont il-paragrafu 22 u 23 tal-Qbil Interistituzzjonali tat-13 ta’ April 2016 dwar dwar it-Tfassil Aħjar tal-Liġijiet (), teżisti l-ħtieġa li l-Programm jiġi evalwat skont l-informazzjoni li tinġabar permezz ta’ rekwiżiti speċifiċi għall-monitoraġġ, filwaqt li tiġi evitata r-regolamentazzjoni żejda u l-piżijiet amministrattivi żejda, b’mod partikolari fuq l-Istati Membri Fejn xieraq, dawn ir-rekwiżiti jistgħu jinkludu indikaturi li jitkejlu, bħala l-bażi għall-evalwazzjoni tal-effetti tal-Programm fil-prattika.
(14)Jenħtieġ li jkun possibbli ssir reviżjoni tal-ammont tal-approprjazzjonijiet allokati għall-Programm, kif ukoll tal-perjodu ta’ programmazzjoni abbażi tar-riżultati tar-rapport tal-evalwazzjoni ta’ nofs it-terminu.
(15)L-azzjonijiet koffinanzjati skont dan ir-Regolament jenħtieġ li jiġu identifikati fil-limiti definiti mill-pjan ta’ dekummissjonar sottomess mil-Litwanja skont ir-Regolament tal-Kunsill 2013/1369/UE (25) u kwalunkwe verżjoni riveduta tiegħu, jekk ikun hemm. Dan il-pjan iddefinixxa l-kamp ta’ applikazzjoni tal-programm, l-istat aħħari tad-dekummissjonar u d-data tal-għeluq; ikopri l-attivitajiet tad-dekummissjonar, l-iskeda assoċjata magħhom, il-kostijiet u r-riżorsi umani meħtieġa. Fejn rilevanti, jenħtieġ li l-Litwanja tissottometti l-verżjonijiet aġġornati tal-pjan lill-Kummissjoni biex din tqishom fit-tħejjija tal-programmi ta' ħidma.
(16)Jenħtieġ li l-programm jitwettaq bl-isforz finanzjarju konġunt tal-Unjoni u tal-Litwanja. Jenħtieġ li jiġi stabbilit livell limitu ta’ kofinanzjament tal-Unjoni b’konformità mal-prattika ta’ kofinanzjament stabbilita taħt il-programmi predeċessuri. Filwaqt li jitqiesu l-prattika ta’ programmi kumparabbli tal-Unjoni u l-ekonomija msaħħa tal-Litwanja, mill-bidu tal-programm ta’ dekummissjonar ta’ Ignalina sat-tmiem tal-implimentazzjoni tal-attivitajiet iffinanzjati skont dan ir-regolament, jenħtieġ li r-rata ta’ kofinanzjament tal-Unjoni ma tkunx ogħla minn 80 % tal-kostijiet eliġibbli. Il-kofinanzjament li jifdal jenħtieġ li jkun provdut mil-Litwanja u minn sorsi oħra għajr il-baġit tal-Unjoni, b’mod partikolari minn istituzzjonijiet finanzjarji internazzjonali u donaturi oħrajn.
(17)Għalhekk, jenħtieġ li r-Regolament (UE) Nru 1369/2013 () jitħassar.
(18)Ġie kkunsidrat b’mod xieraq ir-Rapport Speċjali tal-Qorti tal-Awdituri Nru 22/2016 dwar l-għajnuna finanzjarja tal-Unjoni għad-dekummissjonar tal-impjanti nukleari fil-Bulgarija, fil-Litwanja u fis-Slovakkja, ir-rakkomandazzjonijiet tiegħu u t-tweġiba mill-Kummissjoni.
(19)Il-Programm jaqa’ fil-kamp ta’ applikazzjoni tal-Programm Nazzjonali Litwan skont id-Direttiva tal-Kunsill 2011/70/Euratom.
(20)Sabiex ikunu żgurati kundizzjonijiet uniformi għall-implimentazzjoni tal-Artikolu 3 ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni. Jenħtieġ li dawk is-setgħat jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill ().
(21)Ir-regoli finanzjarji orizzontali adottati mill-Parlament Ewropew u mill-Kunsill abbażi tal-Artikolu 322 tat-trattat dwar il-Funzjonament tal-Unjoni Ewropea japplikaw għal dan ir-Regolament. Dawn ir-regoli huma stabbiliti fir-Regolament Finanzjarju u jiddeterminaw b’mod partikolari l-proċedura għall-istabbiliment u l-implimentazzjoni tal-baġit permezz ta’ għotjiet, akkwist pubbliku, premjijiet, implimentazzjoni indiretta, u jipprovdu għal verifiki dwar ir-responsabbiltà tal-atturi finanzjarji. Ir-regoli adottati abbażi tal-Artikolu 322 tat-Trattat dwar il-Funzjonament tal-Unjoni Ewropea jikkonċernaw ukoll il-protezzjoni tal-baġit tal-Unjoni fil-każ ta’ nuqqasijiet ġeneralizzati fir-rigward tal-istat tad-dritt fl-Istati Membri, billi l-ħarsien tal-istat tad-dritt huwa prekondizzjoni essenzjali tal-ġestjoni finanzjarja tajba u tal-finanzjament effettiv tal-Unjoni.
(22)Filwaqt li tiġi riflessa l-importanza tal-indirizzar tat-tibdil fil-klima b’konformità mal-impenji tal-Unjoni biex timplimenta l-Ftehim ta’ Pariġi, u l-Għanijiet ta’ Żvilupp Sostenibbli tan-Nazzjonijiet Uniti, dan il-Programm se tikkontriwbixxi biex l-azzjoni klimatika tiġi integrata fil-politiki tal-Unjoni u biex tinkiseb mira ġenerali ta’ 25 % tan-nefqa tal-baġit tal-UE li tappoġġa l-għanijiet klimatiċi. Matul it-tħejjija u l-implimentazzjoni tal-Programm se jiġu identifikati azzjonijiet rilevanti, li se jiġu valutati mill-ġdid fil-kuntest tal-evalwazzjoni ta' nofs it-terminu tiegħu.
(23)It-tipi ta’ finanzjament u l-metodi tal-implimentazzjoni skont dan ir-Regolament jenħtieġ li jintgħażlu abbażi tal-kapaċità tagħhom li jiksbu l-għanijiet speċifiċi tal-azzjonijiet u li jagħtu r-riżultati, filwaqt li jitqiesu b’mod partikolari, il-kostijiet tal-verifiki, il-piż amministrattiv, u r-riskju mistenni tan-nuqqas ta’ konformità. Dan jenħtieġ li jinkludi konsiderazzjoni tal-użu ta’ ammonti f’daqqa, rati fissi u kostijiet unitarji, kif ukoll finanzjament mhux marbut ma’ kostijiet kif imsemmi fl-Artikolu 125(1) tar-Regolament Finanzjarju.
ADOTTA DAN IR-REGOLAMENT:
KAPITOLU I
DISPOŻIZZJONIJIET ĠENERALI
Artikolu
Suġġett
Dan ir-Regolament jistabbilixxi l-programm ta’ assistenza għad-dekummissjonar nukleari tal-impjant tal-enerġija nukleari ta’ Ignalina fil-Litwanja (“il-programm Ignalina”).
Jistabbilixxi l-għanijiet tal-Programm, il-baġit għall-perjodu 2021-2027, il-forom ta’ finanzjament tal-Unjoni u r-regoli għall-għoti ta’ dan it-tip ta’ finanzjament.
Artikolu
Definizzjonijiet
Għall-finijiet ta’ dan ir-Regolament, japplikaw id-definizzjonijiet li ġejjin:
(1)“dekummissjonar” tfisser il-miżuri amministrattivi u tekniċi li jippermettu t-tneħħija tal-verifiki regolatorji kollha, jew ta’ wħud minnhom, minn faċilita nukleari u li jimmiraw li jiżguraw il-protezzjoni fit-tul tal-pubbliku u tal-ambjent, inkluż it-tnaqqis tal-livelli ta’ residwi ta’ radjonuklidi fil-materjali u fis-sit tal-faċilità.
(2)“pjan ta’ dekummissjonar” tfisser id-dokument li fih informazzjoni dettaljata dwar id-dekummissjonar propost u li jkopri l-istrateġija ta’ dekummissjonar magħżula; l-iskeda, it-tip u s-sekwenza tal-attivitajiet ta’ dekummissjonar; l-istrateġija tal-ġestjoni tal-iskart applikata, inkluż l-ikklirjar; l-istat aħħari propost; il-ħżin u r-rimi tal-iskart mid-dekummissjonar; il-perjodu ta’ żmien speċifikat għad-dekummissjonar; l-istimi tal-kostijiet għat-tlestija tad-dekummissjonar; l-għanijiet, ir-riżultati mistennija, l-istadji importanti, id-dati ta’ mira, kif ukoll l-indikaturi tal-prestazzjoni ewlenin korrispondenti, inklużi l-indikaturi bbażati fuq il-valur gwadanjat. Dan il-pjan jitħejja mid-detentur tal-liċenzja tal-faċilità nukleari u huwa rifless fil-programmi ta’ ħidma pluriennali tal-Programm.
Artikolu
Għanijiet tal-programm
1.L-għan ġenerali tal-Programm huwa li jassisti lil-Litwanja fl-implimentazzjoni tad-dekommissjonar tal-impjant tal-enerġija nukleari ta’ Ignalina, b’enfasi speċifika fuq il-ġestjoni tal-isfidi ta’ sikurezza radjoloġika tad-dekommissjonar tal-impjant tal-enerġija nukleari ta’ Ignalina, filwaqt li tiġi żgurata d-disseminazzjoni wiesgħa tal-għarfien b’hekk iġġenerat fuq id-dekummissjonar nukleari lill-Istati Membri kollha tal-UE.
2.Il-Programm għandu għan speċifiku li jwettaq iż-żarmar u d-dekontaminazzjoni tat-tagħmir u tax-xaftijiet tar-reatturi ta’ Ignalina skont il-pjan ta’ dekommissjonar, li jissokta l-ġestjoni sikura tad-dekommissjonar u tal-iskart li ntiret u li jxerred l-għarfien iġġenerat for il-partijiet ikkonċernati tal-UE.
3.Id-deskrizzjoni dettaljata tal-għan speċifiku hija stabbilita fl-Anness I. Il-Kummissjoni tista’ timmodifika l-Anness I, permezz ta’ atti ta' implimentazzjoni, skont il-proċedura ta' eżami msemmija fl-Artikolu 12(2).
Artikolu
Baġit
1.Il-pakkett finanzjarju għall-implimentazzjoni tal-Programm għall-perjodu 2021 – 2027 għandu jkun ta’ EUR 552 000 000 fi prezzijiet kurrenti.
2.L-ammont imsemmi fil-paragrafu 1 jista’ jkopri spejjeż relatati mal-assistenza teknika u amministrattiva għall-implimentazzjoni tal-Programm, bħal attivitajiet ta’ tħejjija, monitoraġġ, kontroll, awditjar u evalwazzjoni, inklużi sistemi korporattivi tat-teknoloġiji tal-informazzjoni.
3.L-impenji baġitarji għal azzjonijiet li jkunu ta’ aktar minn sena finanzjarja waħda jistgħu jinqasmu fuq diversi snin f’pagamenti parzjali annwali.
Artikolu
Implimentazzjoni u forom ta’ finanzjament
1.Il-Programm għandu jiġi implimentat b’ġestjoni diretta b’konformità mar-Regolament Finanzjarju jew b’ġestjoni indiretta flimkien mal-korpi msemmija fl-Artikolu 62(1)(c) tar-Regolament Finanzjarju.
2.Il-Programm jista’ jipprovdi finanzjament fi kwalunkwe waħda mill-forom stabbiliti fir-Regolament Finanzjarju.
KAPITOLU II
ELIĠIBBILTÀ
Artikolu
Azzjonijiet eliġibbli
Huma biss l-azzjonijiet li jimplimentaw l-għanijiet imsemmija fl-Artikolu 3 u fl-Anness I li għandhom ikunu eliġibbli għall-finanzjament.
Artikolu
Rati ta’ kofinanzjament
Ir-rata massima ġenerali ta’ kofinanzjament tal-Unjoni applikabbli skont il-Programm ma għandhiex tkun ogħla minn 80 %. Il-kofinanzjament li jifdal għandu jkun provdut mil-Litwanja u minn sorsi oħra għajr il-baġit tal-Unjoni.
KAPITOLU III
PROGRAMMAZZJONI, MONITORAĠĠ, EVALWAZZJONI U KONTROLL
Artikolu
Programm ta’ ħidma
1.Il-Programm għandu jiġi implimentat permezz tal-programm ta’ ħidma pluriennali msemmi fl-Artikolu 110 tar-Regolament Finanzjarju.
2.Il-programm ta’ ħidma pluriennali għandu jirrifletti l-pjan ta’ dekummissjonar li għandu jservi bħala linja bażi għall-monitoraġġ u l-evalwazzjoni tal-programm.
Artikolu
Monitoraġġ u rapportar
1.L-indikaturi għar-rapportar dwar il-progress tal-Programm lejn il-kisba tal-għanijiet speċifiċi stipulati fl-Artikolu 3 huma stabbiliti fl-Anness II.
2.Is-sistema ta’ rapportar dwar il-prestazzjoni għandha tiżgura li d-data għall-monitoraġġ tal-implimentazzjoni tal-programm u r-riżultati jinġabru b’mod effiċjenti, effettiv u f’waqtu. Għal dak il-għan, għandhom jiġu imposti rekwiżiti ta’ rapportar proporzjonat fuq dawk li jirċievu l-fondi tal-Unjoni u (fejn rilevanti) l-Istati Membri.
3.Fi tmiem kull sena, il-Kummissjoni għandha telabora rapport dwar il-progress tal-implimentazzjoni tal-ħidma mwettqa fis-snin preċedenti u tippreżentah lill-Parlament Ewropew u lill-Kunsill.
Artikolu
Evalwazzjoni
1.L-evalwazzjonijiet għandhom jitwettqu f’waqthom sabiex jikkontribwixxu għall-proċess tat-teħid tad-deċiżjonijiet.
2.L-evalwazzjoni interim tal-Programm għandha titwettaq ladarba jkun hemm biżżejjed informazzjoni disponibbli dwar l-implimentazzjoni tal-Programm, iżda mhux aktar tard minn erba’ snin wara l-bidu tal-perjodu speċifikat fl-Artikolu 1. L-evalwazzjoni interim għandha tindirizza wkoll il-kamp ta’ applikazzjoni għall-modifika tal-programm ta’ ħidma pluriennali msemmi fl-Artikolu 8.
3.Fi tmiem l-implimentazzjoni tal-Programm, iżda mhux aktar tard minn ħames snin wara t-tmiem tal-perjodu speċifikat fl-Artikolu 1, għandha titwettaq evalwazzjoni finali tal-Programm mill-Kummissjoni.
4.Il-Kummissjoni għandha tikkomunika l-konklużjonijiet tal-evalwazzjonijiet, akkumpanjati mill-osservazzjonijiet tagħha, lill-Parlament Ewropew u lill-Kunsill.
Artikolu
Awditi
L-awditi dwar l-użu tal-kontribuzzjoni tal-Unjoni u dik nazzjonali mwettqa minn persuni jew minn entitajiet, inkluż oħrajn minbarra dawk imqabbda mill-Istituzzjonijiet jew mill-korpi tal-Unjoni, għandhom jiffurmaw il-bażi tal-garanzija kumplessiva skont l-Artikolu 127 tar-Regolament Finanzjarju.
Artikolu
Kumitat
1.Il-Kummissjoni għandha tkun assistita minn kumitat. Il-kumitat għandu jkun kumitat fit-tifsira tar-Regolament (UE) Nru 182/2011.
2.Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.
Meta l-opinjoni tal-kumitat tkun trid tinkiseb bi proċedura bil-miktub, din il-proċedura għandha titwaqqaf mingħajr riżultat meta, fil-limitu taż-żmien għall-għoti tal-opinjoni, il-president tal-kumitat jiddeċiedi hekk jew meta jintalab dan permezz ta’ maġġoranza sempliċi tal-membri tal-kumitat.
KAPITOLU IV
DISPOŻIZZJONIJIET TRANŻITORJI U FINALI
Artikolu
Informazzjoni, komunikazzjoni u pubbliċità
1.Ir-riċevituri tal-finanzjament tal-Unjoni għandhom jirrikonoxxu l-oriġini u jiżguraw il-viżibbiltà tal-finanzjament tal-Unjoni (b’mod partikolari meta jippromwovu l-azzjonijiet u r-riżultati tagħhom) billi jipprovdu informazzjoni mmirata koerenti, effettiva u proporzjonata lil diversi udjenzi inkluż lill-midja u lill-pubbliku.
2.Il-Kummissjoni għandha timplimenta azzjonijiet ta’ informazzjoni u ta’ komunikazzjoni relatati mal-Programm, u l-azzjonijiet u r-riżultati tiegħu. Ir-riżorsi finanzjarji allokati għall-Programm għandhom jikkontribwixxu wkoll għall-komunikazzjoni korporattiva dwar il-prijoritajiet politiċi tal-Unjoni, sakemm dawn ikunu relatati mal-għanijiet imsemmija fl-Artikolu 3.
Artikolu
Tħassir
Ir-Regolament (UE) Nru 1369/2013 jitħassar.
Artikolu
Dispożizzjonijiet tranżitorji
1.Dan ir-Regolament ma għandux jaffettwa t-tkomplija jew il-modifika tal-azzjonijiet skont ir-Regolament (UE) Nru 1369/2013, li għandu jkompli japplika għall-azzjonijiet ikkonċernati sal-għeluq tagħhom.
2.Il-pakkett finanzjarju għall-Programm jista’ jkopri wkoll l-ispejjeż tal-assistenza teknika u amministrattiva meħtieġa sabiex tiġi żgurata t-tranżizzjoni bejn il-Programm u l-miżuri adottati taħt il-predeċessur tiegħu, jiġifieri r-Regolament (UE) Nru 1369/2013.
3.Jekk meħtieġ, l-approprjazzjonijiet jistgħu jiddaħħlu fil-baġit lil hinn mill-2027 biex ikopru l-ispejjeż previsti fl-Artikolu 4(2), sabiex jippermettu l-ġestjoni ta’ azzjonijiet mhux kompletati sal-31 ta’ Diċembru 2027.
Artikolu
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta' Jannar 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell,
Għall-Kunsill
Il-President
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
1.2.Qasam/oqsma ta’ politika kkonċernat(i) fl-istruttura ABM/ABB
1.3.Natura tal-proposta/tal-inizjattiva
1.4.Raġunijiet għall-proposta/għall-inizjattiva
1.5.Durata u impatt finanzjarju
1.6.Mod(i) ta’ ġestjoni ppjanat(i)
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
2.2.Sistema ta’ ġestjoni u ta’ kontroll
2.3.Miżuri għall-prevenzjoni ta’ frodi u ta’ irregolaritajiet
3.IMPATT FINANZJARJU STMAT TAL-PROPOSTA/TAL-INIZJATTIVA
3.1.Intestatura/i tal-qafas finanzjarju pluriennali u linja/i baġitarja/i tan-nefqa affettwata(i)
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
3.2.3.Impatt stmat fuq l-approprjazzjonijiet ta’ natura amministrattiva
3.2.5.Kontribuzzjonijiet ta’ partijiet terzi
3.3.Impatt stmat fuq id-dħul
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
Regolament tal-Kunsill li jistabbilixxi l-programm ta’ assistenza għad-dekummissjonar nukleari tal-impjant tal-enerġija nukleari ta’ Ignalina fil-Litwanja għall-perjodu 2021-2027
1.2.Qasam/oqsma ta’ politika kkonċernat(i) (Raggruppament ta’ programmi)
1.3.Il-proposta/l-inizjattiva hija relatata ma’:
◻ azzjoni ġdida
◻ azzjoni ġdida li ssegwi proġett pilota/azzjoni preparatorja()
☑ estensjoni ta’ azzjoni eżistenti
◻ fużjoni jew dirottar ta' azzjoni waħda jew aktar lejn/ma' azzjoni oħra jew azzjoni ġdida
1.4.Raġunijiet għall-proposta/għall-inizjattiva
1.4.1.Rekwiżit(i) li jridu jiġu ssodisfati fuq terminu qasir jew twil inkluża kronoloġija dettaljata għall-prosegwiment tal-implimentazzjoni tal-inizjattiva
Il-programm Ignalina jindirizza r-rekwiżiti tal-bażi ġuridika tiegħu (jiġifieri t-Trattat tal-Adeżjoni tal-Litwanja u, b’mod partikolari, il-Protokoll Nru 4 u l-Artikolu 56 tal-Att tal-Adeżjoni tal-2003).
1.4.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadann mill-koordinazzjoni, iċ-ċertezza tad-dritt, effettività akbar jew il-kumplementarjetajiet). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur li altrimenti kien jinħoloq mill-Istati Membri weħidhom.
Bħala kundizzjoni għall-adeżjoni tagħha mal-UE, il-Litwanja impenjat ruħha li tagħlaq u sussegwentement tiddekummissjona r-reatturi nukleari tat-tip ta’ Chernobyl fl-impjant tal-enerġija nukleari ta’ Ignalina. Bħala att ta’ solidarjetà mal-Litwanja, l-Unjoni Ewropea impenjat ruħha fit-Trattat tal-Adeżjoni tal-Litwanja, li tipprovdi assistenza finanzjarja għad-dekummissjonar tal-impjant tal-enerġija nukleari ta’ Ignalina.
L-attivitajiet ta’ dekummissjonar qed jimxu ’l quddiem bid-data tal-għeluq skedata fl-2038. Huwa fl-interess tal-Unjoni li tkompli tipprovdi appoġġ finanzjarju għad-dekummissjonar, u tikkontribwixxi sabiex jiġi żgurat l-ogħla livell ta’ sikurezza tal-operat. Il-programm jipprovdi appoġġ sostanzjali u fit-tul għas-saħħa tal-ħaddiema u l-pubbliku ġenerali, sabiex tiġi evitata d-degradazzjoni ambjentali u jiġi żgurat progress reali lejn is-sigurtà u s-sikurezza nukleari.
1.4.3.Tagħlimiet meħuda minn esperjenzi simili fl-imgħoddi
Twettqet evalwazzjoni ta’ nofs it-terminu tal-Programmi ta’ Assistenza għad-Dekummissjonar Nukleari (NDAP). L-evalwazzjoni ta’ nofs it-terminu qieset u vvalutat ir-riżultati u l-impatti, l-effiċjenza tal-użu tar-riżorsi u l-valur miżjud tal-Unjoni. Għall-evalwazzjoni ta’ nofs it-terminu, il-Kummissjoni ġabret l-informazzjoni u d-data rilevanti bl-involviment estensiv tal-partijiet ikkonċernati ewlenin (jiġifieri Ministeri, korpi ta’ implimentazzjoni, operaturi tad-dekummissjonar, membri tal-Kumitat NDAP).
Il-konklużjonijiet tal-evalwazzjoni ta’ nofs it-terminu tal-NDAP jistgħu jinġabru fil-qosor kif ġej:
Koerenza mal-politiki tal-UE. L-appoġġ tal-UE jiżgura li l-istrateġija immedjata ta’ żarmar fil-Litwanja tiġi segwita b’mod kostanti u tipprevjeni li dan il-piż bla bżonn jiġi ttrasferit lil ġenerazzjonijiet futuri, filwaqt li jidderoga parzjalment għal raġunijiet storiċi, għar-responsabbiltà aħħarija tal-Istat Membru sabiex jiżgura riżorsi finanzjarji adegwati għad-dekummissjonar nukleari u l-ġestjoni tal-iskart radjuattiv. Il-pjan ta’ dekummissjonar għall-impjant tal-enerġija nukleari ta’ Ignalina ġie mmodifikat mil-Litwanja fl-2013 bi tħejjija għall-QFP 2014-2020: id-data tal-għeluq tal-programm tmexxiet b’disa’ snin mill-2029 għall-2038.
Progress. Il-Litwanja għamlet progress effettiv u effiċjenti fid-dekummissjonar taż-żewġ reatturi tal-enerġija nukleari moderati bil-grafit b’konformità mal-linja bażi miftiehma (jiġifieri l-pjan ta’ dekummissjonar).
Sikurezza. Se jintlaħqu livelli sostanzjalment imtejba ta’ sikurezza fuq is-siti bħala riżultat tal-finanzjament tal-Unjoni f’dan il-QFP.
Kamp ta’ applikazzjoni finanzjarju. Id-differenza fil-finanzjament lil hinn mill-2020 hija fil-medda ta’ EUR 1 331 miljun għall-programm Ignalina.
Kontribuzzjoni nazzjonali. Il-livelli ta’ kontribuzzjoni nazzjonali milħuqa jidhru idonei sabiex isostnu l-effiċjenza xierqa; madankollu, il-kofinanzjament mhuwiex stabbilit fil-bażi ġuridika, biex b’hekk inħolqu inċertezzi li jenħtieġ li jitneħħew. Barra minn hekk, l-analiżi wriet li l-livelli dejjem jiżdiedu tal-kontribuzzjoni nazzjonali huma kundizzjoni neċessarja iżda mhux suffiċjenti sabiex jiġu stabbiliti l-inċentivi t-tajba għal dekummissjonar f’waqtu u effiċjenti. Għaldaqstant, it-trasferiment espliċitu tar-riskji (kostijiet żejda, dewmien) lejn il-Litwanja se jkollu impatt akbar. Din il-prattika diġà kienet ġiet introdotta sa ċertu punt taħt il-QFP attwali, fejn possibbli.
Governanza. L-istruttura tal-governanza żgurat l-implimentazzjoni effettiva u effiċjenti tal-programm Ignalina u kkumpensat għall-inċertezzi msemmija dwar l-aspetti ta’ kontribuzzjoni nazzjonali.
Għanijiet. Jenħtieġ li kwalunkwe finanzjament wara l-2020 jiffoka fuq l-għanijiet ta’ sikurezza espliċiti mmonitorjati permezz ta’ indikaturi tal-prestazzjoni apposta.
Kisba tal-għarfien. Fl-aħħar nett, l-esperjenza miksuba sa issa mill-proġetti implimentati taħt il-programm Ignalina fil-Litwanja, kif ukoll taħt il-programm Kozloduy fil-Bulgarija u l-programm Bohunice fis-Slovakkja, tipprovdi bażi solida ta’ għarfien fl-UE għat-twettiq ta’ attivitajiet ta’ dekummissjonar li għaddejjin u dawk futuri. Dawn il-programmi kofinanzjati mill-UE jistgħu jimmiraw li jsiru punt ta’ riferiment solidu għal kwistjonijiet relatati mal-governanza u l-prattiki tal-ġestjoni bħall-metodoloġiji jew l-ippjanar tal-istima tal-kostijiet u sfidi teknoloġiċi persistenti bħaż-żarmar ta’ reatturi moderati bil-grafit u l-ġestjoni sussegwenti ta’ ammonti importanti ta’ grafit irradjat.
1.4.4.Kompatibbiltà u sinerġija possibbli ma' strumenti oħra xierqa
Strumenti tal-UE disponibbli oħrajn, bħall-Fond Ewropew għall-Iżvilupp Reġjonali (FEŻR), il-Fond Soċjali Ewropew Plus (FSE+) u l-Fond ta' Koeżjoni, jistgħu jiġu skjerati fir-reġjun ta’ Visaginas b’mod li jiżguraw komplementarjetajiet mal-programm Ignalina. Pereżempju, dawn il-Fondi jistgħu jappoġġaw miżuri li jakkumpanjaw it-tranżizzjoni soċjali u ekonomika relatata, inklużi wkoll miżuri ta’ effiċjenza enerġetika u enerġija rinnovabbli, kif ukoll ċerti attivitajiet oħrajn mhux marbuta ma’ proċessi tas-sikurezza radjoloġika. Bħala tali, dawn il-Fondi jistgħu joħolqu attivitajiet addizzjonali fir-reġjun u jużaw l-għarfien espert disponibbli lokalment bħala xprunatur ewlieni tal-ħolqien tal-impjiegi, it-tkabbir sostenibbli u l-innovazzjoni. Bl-istess mod, jenħtieġ li jiġu esplorati sinerġiji mal-FP9 u/jew mal-programm ta’ Riċerka u Taħriġ tal-Euratom f’oqsma bħall-iżvilupp u l-ittestjar tat-teknoloġija, kif ukoll it-taħriġ u l-edukazzjoni.
1.5.Durata u impatt finanzjarju
☑ durata limitata
–☑
fis-seħħ mill-2021 sal-2027
–☑
Impatt finanzjarju mil-2021 sal-2027 għall-approprjazzjonijiet ta' impenn
◻ durata illimitata
–Implimentazzjoni b’perjodu ta’ tnedija minn SSSS sa SSSS,
–segwita b’operazzjoni fuq skala sħiħa.
1.6.Mod(i) ta’ ġestjoni ppjanat(i)
◻ Ġestjoni diretta mill-Kummissjoni
–◻ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
–◻
mill-aġenziji eżekuttivi
◻ Ġestjoni kondiviża mal-Istati Membri
☑ Ġestjoni indiretta billi jiġu fdati kompiti ta’ implimentazzjoni baġitarja lil:
–◻ pajjiżi terzi jew lill-korpi nnominati minnhom;
–◻ organizzazzjonijiet internazzjonali u lill-aġenziji tagħhom (iridu jiġu speċifikati);
–◻il-BEI u lill-Fond Ewropew tal-Investiment;
–◻ korpi li jissemmew fl-Artikoli 208 u 209 tar-Regolament Finanzjarju;
–☑ korpi tal-liġi pubblika;
–◻ korpi rregolati mil-liġi privata b’missjoni ta’ servizz pubbliku safejn dawn jipprovdu garanziji finanzjarji adegwati;
–◻ korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;
–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.
–Jekk jiġi indikat aktar minn mod wieħed ta’ ġestjoni, jekk jogħġbok ipprovdi d-dettalji fit-taqsima “Kummenti”.
Kummenti
Il-korp ta’ implimentazzjoni vvalutat mill-pilastru fil-Litwanja għall-programm Ignalina – l-Aġenzija Ċentrali għall-Ġestjoni tal-Programmi (CPMA) – se jkompli jservi bħala l-korp ta’ implimentazzjoni fil-QFP 2021-2027.
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
Speċifika l-frekwenza u l-kundizzjonijiet.
L-implimentazzjoni tal-programm Ignalina hija mmonitorjata mill-Kummissjoni permezz tal-ftehim ta’ delega stabbilit mal-korp ta’ implimentazzjoni vvalutat mill-pilastru (jiġifieri s-CPMA) u permezz ta’ analiżijiet mhux fuq il-post. Perjodikament u abbażi ta’ reviżjonijiet tar-riskji, il-Kummissjoni twettaq verifiki tematiċi indipendenti.
L-għodda tal-ġestjoni tal-valur gwadanjat tintuża wkoll għat-traċċar tal-progress u tal-prestazzjoni attwali.
Il-Litwanja hija involuta fl-azzjonijiet ta’ monitoraġġ permezz tal-Kumitat ta’ Monitoraġġ, li huwa kopresedut minn rappreżentant tal-Kummissjoni u mill-Koordinatur tal-Programm (il-Viċi Ministru tal-Enerġija tar-Repubblika tal-Litwanja). Kompitu ewlieni tal-kumitat ta’ monitoraġġ huwa r-reviżjoni u l-approvazzjoni ta’ rapporti ta’ monitoraġġ biannwali.
Darbtejn fis-sena, l-uffiċjali tal-Kummissjoni jwettqu żjarat fuq il-post sabiex jivverifikaw il-progress fiżiku.
Għandha titwettaq evalwazzjoni interim mhux aktar tard mill-2024.
Għandha titwettaq evalwazzjoni finali mhux aktar tard mill-2032.
2.2.Sistema ta’ ġestjoni u kontroll
2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposti
Bħala riżultat tal-evalwazzjoni ta’ nofs it-terminu tal-Programm ta’ Assistenza għad-Dekummissjonar Nukleari (NDAP), l-istruttura ta’ governanza attwali wriet li tiżgura implimentazzjoni effettiva u effiċjenti tal-programmi. Il-fatturi ewlenin ta’ suċċess huma d-definizzjonijiet ċari tar-rwoli u tar-responsabbiltajiet, kif ukoll il-qafas ta’ monitoraġġ imsaħħaħ.
2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom
Ir-riskji relatati mal-implimentazzjoni tal-programmi jsirilhom inventarju abbażi ta’ analiżijiet mhux fuq il-post, missjonijiet biannwali ta’ monitoraġġ fuq il-post u l-użu ta’ EVM li jippermetti l-iskoperta bikrija ta’ dewmien u kostijiet akbar milli ppjanat. Imbagħad, ir-riskji jiġu vvalutati skont proċedura li tiffavorixxi approċċ kwantitattiv. Ir-reġistru tar-riskji u l-azzjonijiet assoċjati jiġu analizzati u rreġistrati mill-inqas darbtejn fis-sena. Ir-riskji tal-implimentazzjoni tal-aktar proġetti importanti jiġu segwiti b’mod parallel mas-sistemi ta’ ġestjoni tar-riskji eżistenti tal-korpi ta’ implimentazzjoni u tal-benefiċjarji.
Ir-reviżjoni tar-riskji tipprovdi l-informazzjoni sabiex jiġi żviluppat approċċ ta’ monitoraġġ u kontroll abbażi tar-riskji, inkluż l-aġġornament tar-rekwiżit tar-rapportar għal enfasi fuq l-oqsma ta’ riskju, id-definizzjoni tal-prijoritajiet għall-missjonijiet ta’ monitoraġġ u t-tnedija ta’ verifiki tematiċi addizzjonali.
Fil-livell tal-ġestjoni tal-programm, l-aktar riskju sinifikanti identifikat huwa li l-kontribuzzjoni nazzjonali għall-finanzjament tal-programm ma tilħaqx il-mira ogħla fir-rigward tal-livell preżenti. Għalhekk, jenħtieġ li jiġu introdotti rati ta’ kofinanzjament definiti sewwa u qafas ta’ kontroll imsaħħaħ fl-att bażiku sabiex tiġi żgurata d-disponibbiltà tal-kontribuzzjoni nazzjonali.
2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)
Abbażi ta’ valutazzjoni tal-aktar indikaturi ewlenin u riżultati ta’ kontroll rilevanti, id-DĠ ENER ivvaluta l-kosteffettività u l-effiċjenza tas-sistema ta’ kontroll u laħaq konklużjoni pożittiva għas-sena 2017. Se jinkisbu kundizzjonijiet simili fil-QFP li jmiss.
L-indikatur tal-kosteffettività jqis l-kost tas-superviżjoni fil-livell tal-Kummissjoni (li jkopri l-ħin tax-xogħol tal-persunal allokat għal dawn il-kompiti u l-kuntratti speċifiċi relatati direttament mal-kompiti superviżorji meta rilevanti) tal-entitajiet differenti.
Fl-2017, l-istima tal-indikatur ikkonsolidat tal-kosteffettività (jiġifieri għall-entitajiet fdati kollha flimkien) baqgħet stabbli b’mod ġenerali.
Il-varjazzjonijiet osservati fil-kost tal-kontroll tal-korpi ta’ assistenza għad-dekummissjonar nukleari (BERŻ, CPMA) jirriflettu l-bidla gradwali lejn il-kanali ta’ implimentazzjoni nazzjonali fil-Litwanja u ż-żieda fil-livell ta’ superviżjoni u monitoraġġ tal-programm li rriżultat.
L-istimi tal-2016 u dawk preċedenti kienu jinkludu t-tariffi mħallsin lill-entitajiet fdati bl-NDAP. Dawn it-tariffi issa huma inklużi fil-kost fil-livell tal-entità rrapportata hawn taħt, iżda tqiesu wkoll, għal raġunijiet ta’ konsistenza, fil-kalkolu tal-kost tal-proporzjon tal-kontroll.
Entità
|
Kost tal-Kontroll fil-livell tal-Kummissjoni
|
Ammont ikkontrollat
|
BERŻ
|
EUR 0.32 miljun
(+ it-tariffi mħallsin ta’ EUR 2.14 miljun)
|
EUR 239.8 miljun
|
CPMA
|
EUR 0.23 miljun
(+ it-tariffi mħallsin ta’ EUR 1.24 miljun)
|
EUR 87.44 miljun
|
Fir-rigward tal-livelli mistennija tar-riskju ta’ erruri, dawn huma stmati għal 0,5 %. Fl-2017, id-DĠ ENER wettaq verifika tematika dwar il-proċeduri ta’ akkwist immexxija mill-korpi ta’ implimentazzjoni b’riżultati pożittivi.
2.3.Miżuri għall-prevenzjoni ta’ frodi u ta’ irregolaritajiet
Speċifika l-miżuri ta’ prevenzjoni u protezzjoni eżistenti jew dawk previsti.
Id-DĠ ENER żviluppa u implimenta l-istrateġija tiegħu stess kontra l-frodi minn Novembru 2013, b’konformità mal-gwida stabbilita fil-metodoloġija tal-OLAF. L-aġġornamenti sussegwenti seħħew f’Ottubru 2015 (li jkopri l-perjodu 2016-2017) u Diċembru 2017 (li jkopri l-perjodu 2018-2019). L-istrateġija hija konformi mal-Qafas ta’ Kontroll Intern rivedut (C(2017) 23730). Id-DĠ ENER huwa impenjat li jaġġorna l-Istrateġija tiegħu Kontra l-Frodi kull sentejn.
L-istrateġija attwali hija mibnija fuq l-analiżi tal-vulnerabbiltà tar-riskju tal-frodi, sabiex jiġu aċċertati r-riskji ta’ frodi speċifiċi għad-DĠ ENER u sabiex jinftiehmu fil-kuntest usa’. Din il-valutazzjoni kkonkludiet li d-DĠ ENER huwa soġġett għal riskji relatati mal-frodi mhux aktar minn moderati jew baxxi, jiġifieri ma ġie stabbilit ebda riskju sinifikanti jew kritiku.
Il-kontrolli maħsuba sabiex jiżguraw il-legalità u r-regolarità tat-tranżazzjonijiet huma komplementati minn pjan ta’ azzjoni li huwa mehmuż mal-istrateġija.
Dan il-pjan ta’ azzjoni jiżgura notevolment:
Li jkun hemm fis-seħħ regoli interni għall-ġestjoni u r-rapportar ta’ suspetti ta’ frodi;
Assenjazzjoni ċara tar-responsabbiltajiet għall-azzjonijiet kontra l-frodi bejn l-unitajiet u l-funzjonijiet;
Li jiġu kkunsidrati r-riskji ta’ frodi potenzjali fi ħdan l-eżerċizzju ta’ valutazzjoni tar-riskji annwali għall-Pjan ta’ Ġestjoni.
Attendenza regolari għan-Netwerk għall-Prevenzjoni u d-Detezzjoni tal-Frodi u għal-laqgħat tal-Kumitat dwar il-Frodi u l-Irregolarità, kif ukoll kuntatti ma’ DĠs u servizzi oħrajn;
Li l-funzjoni tal-Korrispondent Lokali Kontra l-Frodi titħaddem f’konformità mal-pjan ta’ azzjoni komuni għall-familja tar-Riċerka;
Li jiġi żgurat livell xieraq ta’ kooperazzjoni mal-OLAF.
Il-pjan ta’ azzjoni kontra l-frodi preċedenti għall-2017 ġie implimentat b’suċċess. L-istrateġiji suċċessivi kontra l-frodi tad-DĠ ENER irrikonoxxew l-importanza tal-għarfien tal-persunal u l-importanza tar-relazzjonijiet mal-korpi ta’ implimentazzjoni, kif ukoll l-evoluzzjoni tal-qafas ta’ kooperazzjoni bejn l-OLAF u l-Kummissjoni u bejn id-DĠ ENER u d-DĠs l-oħrajn tal-familja tar-Riċerka. L-implimentazzjoni tal-istrateġija tiġi mmonitorjata u rrapportata mill-inqas darbtejn fis-sena lill-maniġment tad-DĠ ENER.
L-indikaturi, relatati maż-żamma u l-aġġornament tal-istrateġija, għar-regolarità tar-rapportar lill-maniġment u għat-titjib tal-għarfien tal-persunal, juru li l-istrateġija hija għodda effettiva maħsuba sabiex tipprevjeni u tiskopri frodi, iżda li jenħtieġ li jiġu segwiti sforzi ulterjuri fir-rigward tal-għarfien tal-persunal bħala sforz kontinwu. Fl-2016-2017, ġie żviluppat programm ta’ azzjonijiet ta’ sensibilizzazzjoni b’inizjattivi mfassla apposta relatati mal-attivitajiet ewlenin u l-għanijiet ta’ politika tad-DĠ ENER. Fl-2017, l-inizjattivi ffokaw fuq laqgħat immirati u workshops dwar il-valutazzjoni tal-vulnerabbiltà. Il-prevenzjoni tal-frodi ġiet diskussa wkoll regolarment fil-bullettin dwar il-kontroll intern. Kien disponibbli pakkett ta’ informazzjoni fuq paġna tal-intranet apposta.
3.IMPATT FINANZJARJU STMAT TAL-PROPOSTA/TAL-INIZJATTIVA
3.1.Intestatura/i tal-qafas finanzjarju pluriennali u l-linji baġitarji ġodda tan-nefqa proposti
Intestatura tal-qafas finanzjarju pluriennali
|
Linja baġitarja
|
Tip ta’
nefqa
|
Kontribuzzjoni
|
|
Numru 1
“Dekummissjonar Nukleari (il-Litwanja)”
|
Diff./Mhux diff.
|
mingħand il-pajjiżi tal-EFTA
|
mingħand il-pajjiżi kandidati
|
mingħand pajjiżi terzi
|
skont it-tifsira tal-Artikolu 21(2)(b) tar-Regolament Finanzjarju
|
5
|
Programm Ignalina [12.03]
|
Diff.
|
LE
|
LE
|
LE
|
LE
|
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
EUR miljun (aġġustati għal tliet pożizzjonijiet deċimali)
Intestatura tal-qafas finanzjarju
pluriennali
|
5
|
“Dekummissjonar Nukleari (il-Litwanja)”
|
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
Approprjazzjonijiet operazzjonali
|
Impenji
|
(1)
|
72.500
|
71.400
|
78.300
|
83.600
|
83.700
|
80. 100
|
82. 400
|
-
|
552.000
|
|
Pagamenti
|
(2)
|
-
|
-
|
-
|
-
|
90.000
|
90.000
|
90.000
|
282.000
|
552.000
|
Approprjazzjonijiet ta’ natura amministrattiva ffinanzjati mill-pakkett tal-programm
|
Impenji = Pagamenti
|
(3)
|
|
|
|
|
|
|
|
|
|
TOTAL tal-approprjazzjonijiet għall-pakkett tal-programm
|
Impenji
|
=1+3
|
72. 500
|
71. 400
|
78. 300
|
83. 600
|
83. 700
|
80. 100
|
82. 400
|
-
|
552.000
|
|
Pagamenti
|
=2+3
|
-
|
-
|
-
|
-
|
90.000
|
90.000
|
90.000
|
282.000
|
552.000
|
Intestatura tal-qafas finanzjarju
pluriennali
|
7
|
“Nefqa amministrattiva”
|
Meta timtela din it-taqsima jenħtieġ li tintuża “id-data baġitarja ta’ natura amministrattiva” li qabel kollox trid tiġi introdotta fl-
Anness tad-Dikjarazzjoni Finanzjarja Leġiżlattiva
(l-Anness V tar-regoli interni) li jittella’ fid-DECIDE għal finijiet ta’ konsultazzjoni bejn is-servizzi.
EUR miljun (aġġustati għal tliet pożizzjonijiet deċimali)
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
Riżorsi umani
|
0.429
|
0.429
|
0.429
|
0.429
|
0.429
|
0.429
|
0.429
|
|
3.003
|
Nefqa amministrattiva oħra
|
0.065
|
0.065
|
0.065
|
0.065
|
0.065
|
0.065
|
0.065
|
|
0.455
|
TOTAL tal-approprjazzjonijiet taħt l-INTESTATURA 7 tal-qafas finanzjarju pluriennali
|
|
0.494
|
0.494
|
0.494
|
0.494
|
0.494
|
0.494
|
0.494
|
|
3.458
|
EUR miljun (aġġustati għal tliet pożizzjonijiet deċimali)
|
|
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
TOTAL tal-approprjazzjonijiet
fl-INTESTATURI kollha
tal-qafas finanzjarju pluriennali
|
Impenji
|
72.994
|
71.894
|
78.794
|
84.094
|
84.194
|
80.594
|
82.894
|
0
|
555.458
|
|
Pagamenti
|
0.494
|
0.494
|
0.494
|
0.494
|
90.494
|
90.494
|
90.494
|
282.000
|
555.458
|
3.2.2.Sommarju tal-impatt stmat fuq l-approprjazzjonijiet ta’ natura amministrattiva
–◻
Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva
–☑
Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:
EUR miljun (aġġustati għal tliet pożizzjonijiet deċimali)
Snin
|
2021
|
2022
|
2023
|
2024
|
2025
|
2026
|
2027
|
TOTAL
|
INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
0.429
|
0.429
|
0.429
|
0.429
|
0.429
|
0.429
|
0.429
|
3.003
|
Nefqa amministrattiva oħra
|
0.065
|
0.065
|
0.065
|
0.065
|
0.065
|
0.065
|
0.065
|
0.455
|
Subtotal tal-INTESTATURA 7
tal-qafas finanzjarju pluriennali
|
0.494
|
0.494
|
0.494
|
0.494
|
0.494
|
0.494
|
0.494
|
3.458
|
Barra l-INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
|
|
|
|
|
|
|
|
Nefqa oħra
ta’ natura amministrattiva
|
|
|
|
|
|
|
|
|
Subtotal
barra mill-INTESTATURA 7
tal-qafas finanzjarju pluriennali
|
|
|
|
|
|
|
|
|
TOTAL
|
0.494
|
0.494
|
0.494
|
0.494
|
0.494
|
0.494
|
0.494
|
3.458
|
L-approprjazzjonijiet amministrattivi meħtieġa se jiġu koperti mill-approprjazzjonijiet li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
3.2.2.1.Rekwiżiti stmati ta’ riżorsi umani
–◻
Il-proposta/l-inizjattiva ma teħtieġx l-użu ta’ riżorsi umani.
–☑
Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:
L-istima trid tiġi espressa f’unitajiet ekwivalenti għal full-time
Snin
|
2021
|
2022
|
2023
|
2024
|
2025
|
2026
|
2027
|
• Pożizzjonijiet fil-pjan ta’ stabbiliment (uffiċjali u aġenti temporanji)
|
Kwartieri Ġenerali u Uffiċċji ta’ Rappreżentanza tal-Kummissjoni
|
3
|
3
|
3
|
3
|
3
|
3
|
3
|
Delegazzjonijiet
|
|
|
|
|
|
|
|
Riċerka
|
|
|
|
|
|
|
|
• Persunal estern (f’unità Ekwivalenti għall-Full-Time: FTE) - AC, AL, END, INT u JED
Intestatura 7
|
Iffinazjati mill-INTESTATURA 7 tal-qafas finanzjarju pluriennali
|
- fil-Kwartieri Ġenerali
|
|
|
|
|
|
|
|
|
- fid-Delegazzjonijiet
|
|
|
|
|
|
|
|
Iffinanzjati mill-pakkett tal-programm
|
- fil-Kwartieri Ġenerali
|
|
|
|
|
|
|
|
|
- fid-Delegazzjonijiet
|
|
|
|
|
|
|
|
Riċerka
|
|
|
|
|
|
|
|
Oħrajn (speċifika)
|
|
|
|
|
|
|
|
TOTAL
|
3
|
3
|
3
|
3
|
3
|
3
|
3
|
Deskrizzjoni tal-kompliti li jridu jitwettqu:
Uffiċjali u aġenti temporanji
|
|
Persunal estern
|
|
Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma' kwalunkwe allokazzjoni addizzjonali li tista' tingħata lid-DĠ tal-ġestjoni skont il-proċedura annwali ta' allokazzjoni u fid-dawl tal-limiti baġitarji.
3.2.3.Kontribuzzjonijiet ta’ partijiet terzi
–☑
ma tipprevedix il-kofinanzjament minn partijiet terzi
–◻
tipprevedi l-kofinanzjament minn partijiet terzi u li qed jiġi stmat hawn taħt:
Approprjazzjonijiet f’EUR miljun (aġġustati għal tliet pożizzjonijiet deċimali)
Snin
|
2021
|
2022
|
2023
|
2024
|
2025
|
2026
|
2027
|
TOTAL
|
Speċifika l-korp ta’ kofinanzjament
|
|
|
|
|
|
|
|
|
TOTAL tal-approprjazzjonijiet kofinanzjati
|
|
|
|
|
|
|
|
|
3.3.Impatt stmat fuq id-dħul
–☑
Il-proposta/l-inizjattiva ma għandha l-ebda impatt finanzjarju fuq id-dħul.
–◻
Il-proposta/l-inizjattiva għandha l-impatt finanzjarju li ġej:
–◻
fuq ir-riżorsi proprji
–◻
fuq dħul ieħor
jekk jogħġbok indika, jekk id-dħul huwa assenjat għal-linji tan-nefqa ◻
EUR miljun (aġġustati għal tliet pożizzjonijiet deċimali)
Linja baġitarja tad-dħul:
|
Impatt tal-proposta/tal-inizjattiva
|
|
2021
|
2022
|
2023
|
2024
|
2025
|
2026
|
2027
|
Artikolu ………….
|
|
|
|
|
|
|
|
Għal dħul assenjat, speċifika l-linja/i baġitarja/i tan-nefqa affettwata/i.
Rimarki oħra (eż. metodu/formula użati għall-kalkolu tal-impatt fuq id-dħul jew kwalunkwe informazzjoni oħra).
–