A. Ħtieġa li tittieħed azzjoni

X’inhi l-problema u għaliex hija problema?

Il-Valutazzjoni tal-Impatt saret b’mod parallel mal-evalwazzjoni ex post tal-AVMSD fil-qafas tal-Programm dwar l-Idoneità u l-Prestazzjoni tar-Regolamentazzjoni (REFIT).

Il-konklużjoni ġenerali hija li l-objettivi tal-AVMSD għadhom rilevanti. 

L-evalwazzjoni REFIT identifikat tliet gruppi prinċipali ta’ problemi:

-In-nuqqas ta’ protezzjoni tal-minorenni u tal-konsumaturi fix-xiri ta’ vidjos fuq pjattaformi ta' video-sharing.

-In-nuqqas ta’ kundizzjonijiet ekwi bejn ix-xandir tradizzjonali u s-servizzi on-demand, u punti dgħajfa tas-suq intern li jirriżultaw mill-fatt li xi regoli tal-AVMSD mhumiex preċiżi biżżejjed.

-Xi regoli dwar il-komunikazzjonijiet kummerċjali li m’għadhomx jilħqu l-iskop tagħhom

L-evalwazzjoni REFIT ikkonkludiet ukoll li hemm lok għas-simplifikazzjoni, speċifikament tal-proċeduri li jiffaċilitaw l-applikazzjoni tal-prinċipju tal-pajjiż tal-oriġini (COO) u ta' xi regoli dwar il-komunikazzjonijiet kummerċjali.

X’inhuma l-objettivi?

L-objettivi ġenerali huma li:

1.Tittejjeb il-protezzjoni tal-konsumaturi u tal-minorenni

2.Jiġu żgurati kundizzjonijiet ekwi, tinżamm l-integrità tas-suq intern u tittejjeb iċ-ċertezza legali

3.Jiġi ssimplifikat il-qafas leġiżlattiv

X'inhu l-valur miżjud ta' azzjoni fil-livell tal-UE?

B. Soluzzjonijiet

X’inhuma l-għażliet varji biex jinkisbu l-objettivi? Hemm xi għażla preferuta? Jekk le, għaliex?

L-għażliet huma raggruppati skont il-problema speċifika li mistennija jindirizzaw primarjament. Għal kull taqsima, l-għażla preferuta hija indikata speċifikament.

1.Għażliet li jindirizzaw il-problema tan-nuqqas ta’ protezzjoni tal-minorenni u tal-konsumaturi fi pjattaformi ta' video-sharing

Għażla A tħeġġeġ l-awtoregolazzjoni għall-protezzjoni tal-minorenni u tal-konsumaturi fil-pjattaformi ta' video-sharing

Għażla B timponi obbligu ta' mezzi fuq pjattaformi ta' video-sharing għall-protezzjoni tal-minorenni u diskors ta' mibgħeda, implimentata permezz tal-koregolmentazzjoni..

2.Għażliet li jindirizzaw il-problema ta’ nuqqas ta’ kundizzjonijiet ekwi u ta' punti dgħajfa tas-suq intern

a) Promozzjoni ta’ xogħlijiet Ewropej:

Għażla A tagħti aktar flessibbiltà kemm lix-xandir tat-TV kif ukoll lis-servizzi on-demand fil-mod ta' kif jimplimentaw l-obbligi biex jippromwovu x-xogħlijiet Ewropej. 

Għażla B iżżomm l-istatus quo għax-xandir tat-TV u ssaħħaħ ir-regoli għall-fornituri tas-servizzi on-demand.

b) Protezzjoni tal-minorenni fis-servizzi on-demand

Għażla A żżid il-livell ta’ protezzjoni ta’ minorenni għal servizzi tal-midja awdjoviżiva on-demand, tissimplifika l-kunċett ta’ kontenut li jista' jagħmel ħsara u tħeġġeġ il-koregolamentazzjoni tal-UE dwar id-deskritturi tal-kontenut.

Il-prinċipju tal-pajjiż tal-oriġini

Għażla A tissimplifika u ttejjeb ir-regoli ta' ġuriżdizzjoni u l-proċeduri ta’ kooperazzjoni

L-indipendenza tar-regolaturi

Għażla A teħtieġ li l-Istati Membri jkollhom awtorità regolatorja indipendenti u tistabbilixxi għadd ta’ rekwiżiti b'appoġġ għall-indipendenza u l-effettività tagħhom. Ir-rwol konsultattiv u ta' koordinazzjoni tal-ERGA huwa msaħħaħ u integrat fl-AVMSD.

3.L-għażla li tindirizza l-problema tar-regoli dwar il-komunikazzjonijiet kummerċjali li ma għadhomx jilħqu l-iskop tagħhom

Għażla A tirrendi xi regoli dwar il-komunikazzjonijiet kummerċjali awdjoviżivi aktar flessibbli.

Liema huma l-partijiet ikkonċernati differenti? Liema għażla u min jappoġġaha?

Il-partijiet ikkonċernati l-iktar milquta minn bidliet potenzjali tal-AVMSD huma: ir-regolaturi nazzjonali, ix-xandara tat-TV pubbliċi, ix-xandara tat-TV kummerċjali, is-servizzi on-demand (servizzi ta' programmi tat-TV differiti (catch-up), servizzi ta' video-on-demand, portali tal-aħbarijiet), pjattaformi ta' video-sharing (attwalment barra mill-kamp ta’ applikazzjoni tal-AVMSD), l-organizzazzjonijiet awtoregolatorji, il-konsumaturi, inklużi l-minorenni, dawk li jirreklamaw u l-agenziji tar-reklamar (speċjalment fir-rigward tal-komunikazzjonijiet kummerċjali) u l-produtturi u d-distributuri indipendenti tal-kontenut (speċjalment fir-rigward tal-promozzjoni ta’ xogħlijiet Ewropej).

L-elementi ewlenin li ġew osservati b’mod ġenerali, fost il-kategoriji tal-partijiet ikkonċernati, fir-rigward tal-għażliet ta’ politika għall-futur:

C. L-impatti tal-għażla preferuta

X'inhuma l-benefiċċji tal-għażla preferuta (jekk hemm, inkella dawk tal-għażliet prinċipali)?

L-għażla preferuta hija t-taħlita tal-għażliet indikati speċifikament fit-Taqsima B. Il-benefiċċji prinċipali huma:

-It-tisħiħ tal-protezzjoni tal-minorenni, inkluż billi jiġi stabbilit obbligu ta’ protezzjoni minn kontenut li jista' jkun ta’ ħsara għall-minorenni u mid-diskors ta’ mibegħda fi pjattaformi ta' video-sharing.

-L-iżgurar ta' kontribut tas-servizzi tal-midja għad-diversità kulturali adattat għal mudelli ta’ negozju differenti.

-L-indirizzar tad-defiċit ta’ trattament ġust bejn ix-xandir bit-TV u s-servizzi on-demand inkluż fl-oqsma tal-protezzjoni tal-minorenni, tal-promozzjoni ta' xogħlijiet Ewropej u tal-komunikazzjonijiet kummerċjali.

-Iż-żamma ta' ċerta flessibbiltà fil-mod li bih l-Istati Membri jimplimentaw l-AVMSD, u li tippermetti li jitqiesu s-sussidjarjetà u speċifiċitajiet nazzjonali.

-It-titjib fl-implimentazzjoni tad-Direttiva.

X'inhuma l-ispejjeż tal-għażla preferuta (jekk hemm, inkella dawk tal-għażliet prinċipali)?

L-ispejjeż prinċipali tal-alternattiva preferuta se jitħallsu mis-servizzi on-demand u mill-pjattaformi ta' video-sharing. Dawn ikunu relatati l-aktar mal-implimentazzjoni tad-dispożizzjonijiet maħsuba biex tittejjeb il-protezzjoni tal-konsumatur. Madankollu, dawn l-ispejjeż jiġu mitigati mill-fatt li xi Stati Membri diġà daħħlu fis-seħħ regoli aktar stretti u li ċerti pjattaformi ta' video-sharing kbar, skont il-politiki korporattivi tagħhom, u b’mod volontarju, diġà ħadu passi biex jipproteġu l-konsumaturi.

Se jkun hemm impatti sinifikanti fuq il-baġits u l-amministrazzjonijiet nazzjonali?

L-impatti prinċipali fuq il-baġits u l-amministrazzjoni nazzjonali jirriżultaw mill-implimentazzjoni tal-koregolamentazzjoni għall-protezzjoni tal-minorenni fuq pjattaformi ta' video-sharing u mill-introduzzjoni ta’ rekwiżit legali tal-indipendenza tal-awtoritajiet regolatorji nazzjonali u ta' sett minimu ta’ kundizzjonijiet li r-regolaturi jeħtiġilhom jissodisfaw. F’dan il-każ, l-impatt ikun jiddependi fuq il-livell eżistenti ta’ konformità tal-awtoritajiet regolatorji nazzjonali mas-sett ta’ kundizzjonijiet .

Se jkun hemm impatti sinifikanti oħra?

Le

Proporzjonalità?

L-armonizzazzjoni minima karatteristika tad-Direttiva għandha tiżgura l-proporzjonalità tal-azzjoni tal-UE.

D. Segwitu

Meta se tiġi rieżaminata l-politika?

Il-monitoraġġ kontinwu għandu jiġi żgurat permezz ta' rappurtar mill-Istati Membri lill-Kummissjoni u mill-Kummissjoni lill-Parlament Ewropew, lill-Kunsill u lill-Kumitat Ekonomiku u Soċjali Ewropew.