52014JC0037

MEMORANDUM TA’ SPJEGAZZJONI

(1) Ir-Regolament tal-Kunsill (UE) Nru 36/2012 tat-18 ta’ Jannar 2012 dwar miżuri restrittivi fid-dawl tas-sitwazzjoni fis-Sirja daħħal fis-seħħ id-Deċiżjoni tal-Kunsill 2011/782/PESK[1]. Id-Deċiżjoni tal-Kunsill 2012/739/PESK[2] ħassret u ħadet post id-Deċiżjoni 2011/782/PESK. Fl-1 ta' Ġunju 2013 id-Deċiżjoni 2012/739/PESK skadiet. Ħaditilha postha d-Deċiżjoni 2013/255/PESK li kienet tapplika sal-1 ta' Ġunju 2014.

(2) Id-Deċiżjoni tal-Kunsill 2014/XXX/PESK ta’ XXX emendat id-Deċiżjoni tal-Kunsill 2013/255/PESK sabiex tipprevedi miżuri restrittivi ulterjuri fir-rigward tas-Sirja, b’mod partikolari fuq il-karburant tal-ġett u ċerti addittivi tal-karburant.

(3) Tinħtieġ aktar azzjoni mill-Unjoni sabiex jiġu implimentati dawn il-miżuri. Ir-Rappreżentanta Għolja tal-Unjoni għall-Affarijiet Barranin u l-Politika ta’ Sigurtà u l-Kummissjoni Ewropea jipproponu li r-Regolament (UE) Nru 36/2012 jiġi emendat skont dan.

2014/0323 (NLE)

Proposta Konġunta għal

REGOLAMENT TAL-KUNSILL

li jemenda r-Regolament (UE) Nru 36/2012 dwar miżuri ristrettivi fid-dawl tas-sitwazzjoni fis-Sirja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,

Wara li kkunsidra d-Deċiżjoni tal-Kunsill 2013/255/PESK tal-31 ta' Mejju 2013 dwar miżuri restrittivi kontra s-Sirja[3],

Wara li kkunsidra l-proposta konġunta mir-Rappreżentanta Għolja tal-Unjoni għall-Affarijiet Barranin u l-Politika ta’ Sigurtà u mill-Kummissjoni Ewropea,

Billi:

(1)       Ir-Regolament tal-Kunsill (UE) Nru 36/2012[4] jagħti effett lil bosta mill-miżuri previsti fid-Deċiżjoni 2013/255/PESK.

(2)       Fi... ta’ Novembru 2014, il-Kunsill adotta d-Deċiżjoni 2014/.../PESK li temenda d-Deċiżjoni 2013/255/PESK sabiex jipprevjeni l-bejgħ, il-forniment, it-trasferiment jew l-esportazzjoni ta' karburant tal-ġettijiet, kemm jekk joriġina fl-Unjoni kif ukoll jekk le, lil kull persuna, entità jew korp fis-Sirja, jew għall-użu fis-Sirja.

(3)       Barra minn hekk, għandu jkun ipprojbit il-finanzjament jew l-assistenza finanzjarja, inklużi derivattivi finanzjarji, kif ukoll l-assigurazzjoni u r-riassigurazzjoni, lil kull persuna, entità jew korp fis-Sirja jew għal użu fis-Sirja fir-rigward tal-bejgħ, il-forniment, it-trasferiment jew l-esportazzjoni ta’ karburant tal-ġett u addittivi fis-Sirja, jew għall-użu fis-Sirja.

(4)       Jeħtieġ li tiġi prevista klawżola kontra ċ-ċirkomvenzjoni onnikomprensiva, diment li tkun ipprojbita l-parteċipazzjoni, konxjament u bi ħsieb, f’attivitajiet li l-għan jew l-effett tagħhom ikun li jiġu evitati d-dispożizzjonijiet ta’ dan ir-Regolament.

(5)       Dawn il-miżuri jaqgħu fil-kamp ta' applikazzjoni tat-Trattat u, għalhekk, b'mod partikolari bil-ħsieb li tiġi żgurata l-applikazzjoni uniformi tagħha mill-operaturi ekonomiċi fl-Istati Membri kollha, hemm bżonn ta' azzjoni fil-livell tal-Unjoni sabiex tiġi implimentata.

(6)       Ir-Regolament (UE) Nru 36/2012 għandu għalhekk jiġi emendat kif meħtieġ,

ADOTTA DAN IR-REGOLAMENT:

Artikolu 1

Ir-Regolament (UE) Nru 36/2012 huwa emendat kif ġej:

 (1)       Jiddaħħal dan l-Artikolu 8a:

“Artikolu 8a

1. Huwa pprojbit:

(a) il-bejgħ, il-forniment, it-trasferiment jew l-esportazzjoni, direttament jew indirettament, ta’ karburant tal-ġett u addittivi tal-karburant kif identifikat fl-Anness VIII lil kull persuna, entità jew korp fis-Sirja, jew għall-użu fis-Sirja;

(b) l-għoti ta’ finanzjament jew assistenza finanzjarja, inklużi derivattivi finanzjarji, kif ukoll assigurazzjoni u riassigurazzjoni relatati mal-bejgħ, il-forniment, it-trasferiment jew l-esportazzjoni ta’ karburant tal-ġett u addittivi tal-karburant kif identifikat fl-Anness VIII lil kull persuna, entità jew korp fis-Sirja, jew għall-użu fis-Sirja

(c) l-għoti ta’ servizzi ta' senserija fir-rigward tal-bejgħ, il-forniment, it-trasferiment jew l-esportazzjoni ta’ karburant tal-ġett u addittivi tal-karburant kif identifikat fl-Anness VIII lil kull persuna, entità jew korp fis-Sirja, jew għall-użu fis-Sirja

2. L-Anness VIII jinkludi l-karburant tal-ġett u l-addittivi tal-karburant ifformulati b'mod speċifiku għall-karburant tal-pitrolju tal-ġett.

3. Permezz ta' deroga mill-paragrafu 1, l-awtoritajiet kompetenti fl-Istati Membri kif identifikati fuq il-websajts elenkati fl-Anness III jistgħu jawtorizzaw il-bejgħ, il-forniment, it-trasferiment jew l-esportazzjoni ta' karburant tal-ġett jew addittivi tal-karburant kif identifikat fl-Annes VIII lil kull persuna, entità jew korp fis-Sirja, jew għal użu fis-Sirja skont il-kundizzjonijiet li huma jqisu xierqa, wara li jiddeterminaw li l-karburant tal-ġett u l-addittivi tal-karburant ikunu:

(a) meħtieġa għat-twassil jew għall-iffaċilitar tat-twassil ta' assistenza fis-Sirja min-Nazzjonijiet Uniti jew korpi li jaġixxu f'isimhom għal skopijiet umanitarji bħat-twassil jew l-iffaċilitar tat-twassil ta' assistenza, inklużi provvisit mediċi, ikel jew trasferiment ta' ħaddiema umanitarji u assistenza relatata, jew għal evakwazzjonijiet mis-Sirja jew fis-Sirja;

(b) esklużivament għall-iskopijiet tal-operazzjoni ta' inġenji tal-ajru ċivili li joperaw fis-Sirja.

4. L-Istati Membri kkonċernati jinfurmaw lill-Istati Membri l-oħrajn u lill-Kummissjoni fi żmien erba' ġimgħat bl-awtorizzazzjonijiet permessi skont dan l-artikolu.

5. Il-projbizzjoni fil-paragrafu 1 ma tapplikax għall-karburant tal-ġett u l-addittivi tal-karburant kif elenkat fl-Anness VIII esklużivament użat mill-inġenji tal-ajru ċivili li jtiru minn jew għall-ajruporti fis-Sirja jew li jgħaddu mis-Sirja."

(2)        Jiddaħħal l-Artikolu 27a:

“Artikolu 27a

1. Hija pprojbita l-parteċipazzjoni, konxjament u bi ħsieb, f’attivitajiet li għandhom l-għan jew l-effett li jevitaw il-projbizzjonijiet ta' dan ir-Regolament."

(3)        L-Anness għal dan ir-Regolament huwa miżjud bħala l-Anness VIII mar-Regolament (UE) Nru 36/2012.

Artikolu 2

Dan ir-Regolament jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell,

                                                                       Għall-Kunsill

                                                                       Il-President

[1]           Id-Deċiżjoni tal-Kunsill 2011/782/PESK tal-1 ta' Diċembru 2011 dwar miżuri restrittivi kontra s-Sirja u tħassar id-Deċiżjoni 2011/273/PESK (ĠU L 319, 2.12.2011, p. 56).

[2]               Id-Deċiżjoni tal-Kunsill 2012/739/PESK tal-29 ta' Novembru 2012 dwar miżuri restrittivi kontra s-Sirja u li tħassar id-Deċiżjoni 2011/782/PESK (ĠU L 330, 30.11.2012, p. 21).

[3]               ĠU L 147, 1.6.2013, p. 14.

[4]               Ir-Regolament tal-Kunsill (UE) Nru 36/2012 tat-18 ta’ Jannar 2012 dwar miżuri restrittivi fid-dawl tas-sitwazzjoni fis-Sirja u li jħassar ir-Regolament (UE) Nru 442/2011 (ĠU L 16, 19.1.2012, p. 1)

"ANNESS VIII"

Karburant tal-ġett u addittivi tal-karburant kif imsemmi fl-Artikolu 8a

Nru || Deskrizzjoni || Kodiċi NM

(1) Addittivi kontra l-iskossi (anti-knock), pereż.ċomb tetraetile (TEL) preparazzjonijiet kontra l-iskossi (anti-knock) ibbażati fuq ċomb-tetraetiliku preparazzjonijiet kontra l-iskossi (anti-knock) ibbażati fuq komposti taċ-ċomb preparazzjonijiet oħrajn kontra l-iskossi (anti-knock)  || 3811 11 10 3811 11 90 3811 19 00

(2) Materjali għat-trażżin tas-sadid Materjali għat-trażżin tas-sadid użati f’addittivi għal żjut lubrikanti: - materjali għat-trażżin tas-sadid li fihom żjut minerali (petroleum):              - materjali għat-trażżin tas-sadid oħrajn:          Materjali għat-trażżin tas-sadid użati għal likwidi oħrajn użati għall-istess skop taż-żjut minerali: || 3811 21 00 3811 29 00 3811 90 00

(3) Addittivi tat-tneħħija tal-elettriċità statika Addittivi tat-tneħħija tal-elettriċità statika għal żjut lubrikanti: - li fihom żjut minerali (petroleum):                                                     - oħrajn:                                                                                               Addittivi tat-tneħħija tal-elettriċità statika għal likwidi oħrajn użati għall-istess skop bħaż-żjut minerali: || 3811 21 00 3811 29 00 3811 90 00

(4) Inibituri tal-korrużjoni Inibituri tal-korrużjoni għal żjut lubrikanti: - li fihom żjut minerali (petroleum): - oħrajn: Inibituri tal-korrużjoni għal likwidi oħrajn użati għall-istess skop bħaż-żjut minerali:    || 3811 21 00 3811 29 00 3811 90 00

(5) Inibituri tal-iffriżar f'sistemi tal-karburant (addittivi kontra l-iffriżar) Inibituri tal-iffriżar f'sistemi tal-karburant għal żjut lubrikanti: - li fihom żjut minerali (petroleum):                                                               - oħrajn:                                                                                               Inibituri tal-iffriżar f'sistemi tal-karburant għal likwidi oħrajn użati għall-istess skop bħaż-żjut minerali: || 38112100 38112900 38119000

(6) Deattivaturi tal-metall Deattivaturi tal-metall għal żjut lubrikanti: - li fihom żjut minerali (petroleum): - oħrajn: Deattivatur tal-metall għal likwidi oħrajn użati għall-istess skop bħaż-żjut minerali: || 3811 21 00 3811 29 00 3811 90 00

(7) Addittivi tal-bijoċidu Addittivi tal-bijoċidu għal żjut lubrikanti: - li fihom żjut minerali (petroleum):     - oħrajn:  Addittivi tal-bijoċidu għal likwidi oħrajn użati għall-istess skop bħaż-żjut minerali: || 3811 21 00 3811 29 00 3811 90 00

(8) Addittivi li jtejbu l-istabbiltà termali Tejjieba tal-istabbiltà termali għal żjut lubrikanti: - li fihom żjut minerali (petroleum):     - oħrajn:  Tejjieba tal-istabbiltà termali għal likwidi oħrajn użati għall-istess skop bħaż-żjut minerali: || 3811 21 00 3811 29 00 3811 90 00

(9) karburant tal-ġett (għajr il-pitrolju): Karburant tal-ġett ta' tip bħal spirtu (żjut ħfief) Għajr pitrolju (żjut medji) || 2710 12 70 2710 19 29

(10) Karburant tal-ġett ta' tip bħal pitrolju (żjut medji) || 2710 19 21

(11) karburant tal-ġett ta' tip bħal pitrolju mħallat mal-bijodiżil[1] || 2710 20 90

[1]               sakemm ikun għad fih 70% jew aktar tal-piż żjut minerali (petroleum) jew żjut minerali bituminużi