This document is an excerpt from the EUR-Lex website
Document 52011PC0062
Proposal for a DECISION OF THE EUROPEAN PARLIAMENT AND OF THE COUNCIL on the mobilisation of the European Globalisation Adjustment Fund in accordance with point 28 of the Interinstitutional Agreement of 17 May 2006 between the European Parliament, the Council and the Commission on budgetary discipline and sound financial management (application EGF/2010/013 PL/Podkarpackie machinery from Poland)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta’ Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2010/013 PL/makkinarju ta' Podkarpackie mill-Polonja)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta’ Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2010/013 PL/makkinarju ta' Podkarpackie mill-Polonja)
/* KUMM/2011/0062 finali */
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta’ Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2010/013 PL/makkinarju ta' Podkarpackie mill-Polonja) /* KUMM/2011/0062 finali */
[pic] | IL-KUMMISSJONI EWROPEA | Brussel 15.2.2011 KUMM(2011) 62 finali Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta’ Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2010/013 PL/makkinarju ta' Podkarpackie mill-Polonja) MEMORANDUM TA’ SPJEGAZZJONI Il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda[1] jippermetti l-mobilizzazzjoni tal-Fond Ewropew ta' Aġġustament għall-Globalizzazzjoni (EGF) permezz ta' mekkaniżmu ta' flessibilità, sal-limitu massimu annwali ta' EUR 500 miljun, u dan apparti mill-intestaturi rilevanti tal-qafas finanzjarju. Ir-regoli applikabbli għall-kontribuzzjonijiet mill-EGF huma stipulati fir-Regolament (KE) Nru 1927/2006 tal-Parlament Ewropew u tal-Kunsill tal-20 ta' Diċembru 2006 li jistabbilixxi l-Fond Ewropew ta' Aġġustament għall-Globalizzazzjoni[2]. Fis-27 ta' April 2010, il-Polonja ressqet l-applikazzjoni EGF/2010/013 PL/Podkarpackie għal kontribuzzjoni finanzjarja mill-EGF, wara sensji f'tliet impriżi li joperaw fis-settur tan-NACE Reviżjoni 2 Diviżjoni 28 ("Manifattura ta' makkinarju u tagħmir") [3] fir-reġjun NUTS II ta' Podkarpackie (DK32) fil-Polonja. Wara analiżi bir-reqqa ta' din l-applikazzjoni, il-Kummissjoni kkonkludiet skont l-Artikolu 10 tar-Regolament (KE) Nru 1927/2006 li l-kundizzjonijiet għal kontribuzzjoni finanzjarja skont dan ir-Regolament huma ssodisfatti. TAQSIRA TAL-APPLIKAZZJONI U L-ANALIŻI Dejta ewlenija: | Nru ta' Referenza tal-EGF | EGF/2010/013 | Stat Membru | Il-Polonja | Artikolu 2 | (b) | Intrapriżi konċernati | 3 | Ir-reġjun NUTS II | Podkarpackie (PL32) | Taqsima NACE Reviżjoni 2 | 28 ("Manifattura ta’ makkinarju u tagħmir") | Perjodu ta’ referenza | 1.6.2009 – 1.3.2010 | Data tal-bidu għas-servizzi personalizzati | 1.8.2009 | Data tal-applikazzjoni | 27.4.2010 | Sensji matul il-perjodu ta' referenza | 594 | Ħaddiema ssensjati fil-mira għas-sostenn | 200 | Nefqa għas-servizzi personalizzati (EUR) | 684 800 | Nefqa għall-implimentazzjoni tal-EGF[4] (EUR) | 13 000 | Nefqa għall-implimentazzjoni tal-EGF (%) | 1,9 | Baġit totali (EUR) | 697 800 | Il-kontribuzzjoni tal-EGF (65 %) (EUR) | 453 570 | 1. L-applikazzjoni tressqet quddiem il-Kummissjoni fis-27 ta’ Marzu 2010 u kienet supplimentata b'tagħrif addizzjonali sal-4 ta' Awwissu 2010. 2. L-applikazzjoni tissodisfa l-kundizzjonijet għat-tħaddim tal-EGF kif stipulat fl-Artikolu 2(b) tar-Regolament (KE) Nru 1927/2006 u tressqet fiż-żmien stipulat ta' 10 ġimgħat kif imsemmi fl-Artikolu 5 ta' dan ir-Regolament. Ir-rabta bejn is-sensji u t-tibdiliet strutturali ewlenin fix-xejriet kummerċjali dinjin minħabba l-globalizzazzjoni jew il-kriżi finanzjarja u ekonomika globali 3. Sabiex tiġi stabbilita rabta bejn is-sensji u l-kriżi globali ekonomika u finanzjarja, il-Polonja targumenta li s-settur tal-produzzjoni tal-makkinarju huwa partikolarment vulnerabbli għal bidliet fl-ekonomija globali minħabba s-sehem għoli tal-kummerċ internazzjonali fil-produzzjoni globali u b’konsegwenza ta’ dan il-kompetizzjoni diretta ta' produtturi minn pajjiżi oħra fis-suq globali. Fl-2008, is-sehem ta' esportazzjonijiet fil-valur tal-produzzjoni mibjugħ mis-settur tal-bini tal-makkinarju fil-Polonja ammonta għal 45,6 %. 4. L-industrija Pollakka tal-bini tal-makkinarju sal-2007 kienet ikkaratterizzat minn tkabbir rapidu fil-produzzjoni, ikkawżat mill-iżvilupp rapidu tal-ekonomija Pollakka u l-opportunitajiet tajbin ta' esportazzjoni. Fl-2008, l-iżvilupp tas-settur naqas minħabba l-kriżi globali ekonomika u finanzjarja. Fl-2009, għall-ewwel darba f'bosta snin, is-settur irrapporta tnaqqis fil-produzzjoni. 5. Id-domanda mnaqqsa fil-pajjiżi tal-UE-15 (li rċevew 77,8 % mill-esportazzjonijiet Pollakki fl-2008) ikkontribwiet għal tnaqqis fil-valur tal-oġġetti mibjugħa barra, billi tmienja minn 10 minn dawk li jirċievu l-biċċa l-kbira minn dan il-makkinarju Pollakk huma l-Istati Membri tal-UE. Il-valur tal-esportazzjoni tal-makkinarju u t-tagħmir mill-Polonja għall-Istati Membri niżel b'iktar minn 10 % bejn l-2008 u l-2009, filwaqt li l-produzzjoni tal-makkinarju b'kollox niżel b'madwar 8 %. 6. Il-Ġermanja hija l-ikbar sieħba kummerċjali tal-Polonja, bi 23 % tal-makkinarju prodott fil-Polonja jispiċċa f'dan il-pajjiż. Il-Ġermanja nnifisha hija dipendenti b'mod qawwi fuq l-esportazzjonijiet u b'riżultat tal-kriżi fl-2009 soffriet minn tnaqqis ta' 20 % fl-ordnijiet ta’ makkinarju u tagħmir. Dan kellu impatt negattiv fuq il-fornituri Pollakki għall-manifatturi Ġermaniżi. 7. Importaturi sinifikanti oħrajn tal-makkinarju u tagħmir Pollakk, eż. l-Ukraina u r-Russja, ukoll rreġistraw tnaqqis fl-iżvilupp tas-settur tal-kostruzzjoni. F'dawn il-pajjiżi, is-settur kien appoġġjat il-biċċa l-kbira minn kapital barrani. Minħabba l-kriżi globali, dawn is-sorsi barranin ta' finanzjar tnaqqsu b'mod sinifikanti, u kkawżaw tnaqqis fil-valur tax-xogħolijiet ta' kostruzzjoni u installazzjoni (tnaqqis ta' 20 % fir-Russja u b'iktar minn 55 % fl-Ukraina fl-ewwel ħames xhur tal-2009). Huta Stalowa Wola S.A. tesporta 60 % tal-produzzjoni tal-makkinarju ta' kostruzzjoni tagħha lejn il-pajjiżi tal-Ewropa tal-Lvant. 8. It-tliet kumpaniji li l-ħaddiema tagħhom huma fil-mira għall-appoġġ tal-EGF skont din l-applikazzjoni, ġew affettwati direttament bit-tendenzi negattivi deskritti hawn fuq. Huta Stalowa Wola S.A ., waħda mill-ikbar produtturi domestiċi ta' tagħmir militari, irreġistrat tnaqqis ta' 54 % fl-esportazzjonijiet fl-2009, filwaqt li 10 % biss mill-produzzjoni totali kien fil-mira fis-suq domestiku. Fl- HSW – Zakład Zespołów Napędowych Sp. z o.o. (HSW - ZZN Sp. z o.o.) , produttur tal-unitajiet tal-elettriku użati fil-makkinarju tal-kostruzzjoni; il-bejgħ totali naqas b'47 % u l-esportazzjonijiet bi 34 %. Zakłady Metalowe DEZAMET S.A. (ZM DEZAMET S.A.) , li tipproduċi parts għall-makkinarju tal-bini tat-toroq, tal-kostruzzjoni, u tal-minjieri, kellha tnaqqis ta' 58 % fl-esportazzjonijiet bejn l-2008 u l-2009. Turija tal-għadd ta’ sensji u konformità mal-kriterji tal-Artikolu 2(b) 9. Il-Polonja ressqet din l-applikazzjoni skont il-kriterji ta' intervent tal-Artikolu 2(b) tar-Regolament (KE) Nru 1927/2006, li jitlob li jkun hemm minn tal-inqas 500 sensja fuq perjodu ta' disa' xhur f'intrapriżi li joperaw fl-istess Diviżjoni tar-Reviżjoni 2 tan-NACE f'reġjun wieħed jew żewġ reġjuni kontigwi fil-livell tan-NUTS II fi Stat Membru. 10. L-applikazzjoni ssemmi 594 sensja fi tliet intrapriżi fid-Diviżjoni 28 tan-NACE Reviżjoni 2 ("Manifattura ta' makkinarju u tagħmir") fir-reġjun NUTS II ta' Podkarpackie (PL32) matul il-perjodu ta' referenza mill-1 ta' Ġunju 2009 sal-1 ta' Marzu 2010. Dawn is-sensji kollha ġew ikkalkolati skont it-tieni inċiż tat-tieni paragrafu tal-Artikolu 2 tar-Regolament (KE) Nru 1927/2006. Spjegazzjoni tan-natura mhux prevista ta’ dawk is-sensji 11. L-awtoritajiet Pollakki jsostnu li l-kriżi ekonomika u finanzjarja globali ma kinetx prevista, u li din kienet ħalliet impatt gravi fuq l-industrija tal-makkinarju u tat-tagħmir tal-manifattura, kif deskritt hawn fuq fil-paragrafi 3 sa 8 hawn fuq. Identifikazzjoni tal-intrapriżi taw is-sensji u l-ħaddiema li huma fil-mira għall-għajnuna 12. L-applikazzjoni ssemmi total ta' 594 sensji, fi tliet ditti mhux relatati fid-Diviżjoni 28 tan-NACE Reviżjoni 2 f' Podkarpackie matul il-perjodu ta' referenza. Intrapriżi | Sensji | Huta Stalowa Wola S.A. | 357 | Huta Stalowa Wola S.A. – Zakład Zespołów Napędowych Sp. z o.o. | 139 | Zakłady Metalowe DEZAMET S.A. | 98 | Total | 594 | Il-Polonja tikkalkula li 200 mill-ħaddiema ssensjati għandhom jirċievu l-għajnuna mill-EGF . Skont l-awtoritajiet Pollakki, il-bqija tal-ħaddiema huma mistennija li jsibu xogħol permezz tal-inizjattiva tagħhom stess mingħajr il-ħtieġa ta’ għajnuna mill-EGF, jew li joħorġu mis-suq tax-xogħol. 13. It-tqassim tal-ħaddiema fil-mira huwa kif ġej: Kategorija | Numru | Persentaġġ | Irġiel | 154 | 77,0 | Nisa | 46 | 23,0 | Ċittadini tal-UE | 200 | 100,0 | Ċittadini barra l-UE | 0 | 0,0 | Età bejn il-15 u l-24 sena | 21 | 10,5 | 25 sa 54 sena | 121 | 60,5 | minn 55 sa 64 sena | 40 | 20,0 | > 64 | 18 | 9,0 | 14. Fit-termini ta' kategoriji professjonali jitqassmu kif ġej: Kategorija | Numru | Persentaġġ | Ħaddiema fis-snajja' tal-metall, fil-makkinarju u fi snajja oħra relatati | 108 | 54,0 | Ħaddiema fil-qasam tal-minjieri, tal-bini, tal-manifattura u tat-trasport | 40 | 20,0 | Skrivani | 17 | 8,5 | Operaturi ta' impjanti immobbli u operaturi relatati | 10 | 5,0 | Professjonisti assoċjati tax-xjenza tal-fiżika u tal-inġinerija | 10 | 5,0 | Professjonisti oħra | 7 | 3,5 | Professjonisti assoċjati oħra | 5 | 2,5 | Maniġers korporattivi | 1 | 0,5 | Professjonisti tax-xjenza tal-fiżika, tal-matematika u tal-inġinerija | 1 | 0,5 | Sewwieqa u operaturi ta' impjanti mobbli | 1 | 0,5 | 15. Skont l-Artikolu 7 tar-Regolament (KE) Nru 1927/2006, il-Polonja kkonfermat li ġiet applikata politika ta' ugwaljanza bejn in-nisa u l-irġiel kif ukoll ta' nondiskriminazzjoni, u li din se tkompli tapplika matul l-istadji varji tal-implimentazzjoni tal-EGF u, b'mod partikolari, fir-rigward tal-aċċess għalih. Deskrizzjoni tat-territorju kkonċernat u tal-awtoritajiet u l-partijiet interessati tiegħu 16. It-territorju kkonċernat huwa Podkarpackie voivodship (provinċja) (NUTS II – PL32 Podkarpackie), u b'mod partikolari l- powiats (kontej/distretti) ta' Stalowa Wola, Nisko u Tarnobrzeg (fin-NUTS III – PL 326 sottoreġjun ta' Tarnobrzeg u PL 325 sottoreġjun ta' Rzeszów). Il-provinċja ta' Podkarpackie hija l-ħames waħda fl-erja u t-tmien waħda fil-popolazzjoni fost is-sittax-il provinċja tal-Polonja, b'erja ta' 17 845 km² u popolazzjoni kemxejn il-fuq minn 2 miljun ruħ. Il-belt kapitali tagħha hija Rzeszów. It-tliet distretti affettwati huma kollha fil-parti ta' fuq tal-provinċja. Id-distrett ta' Stalowa Wola, b'erja ta' 832 km², għandu popolazzjoni ta' 109 410 ruħ (fl-2006); Id-distrett ta' Nisko, b'erja ta' 786 km², għandu popolazzjoni ta' 67 065 ruħ (fl-2006);Id-distrett ta' Tarnobrzeg, b'erja ta' 607 km², għandu popolazzjoni ta' 103 338 ruħ (fl-2006). 17. Il-partijiet interessati prinċipali jinkludu l-gvernijiet provinċjali u lokali li huma involuti fl-għajnuna għall-ħaddiema ssensjati, permezz tal-Uffiċċju Provinċjali tax-Xogħol f'Rzeszów u l-Uffiċċji tax-Xogħol fid-distretti li fihom jinsabu d-ditti. Involuti wkoll biex jipprovdu l-assistenza lill-ħaddiema ssensjati huma l-Uffiċċju tat-Taxxa, l-Istituzzjoni tal-Sigurtà Soċjali (ZUS), l-Ispettorat Nazzjonali tax-Xogħol (PIP) u ċ-Ċentri Vokazzjonali tal-Informazzjoni u l-Ippjanar tal-Karriera f'Tarnobrzeg u Stalowa Wola, kif ukoll il-Kunsill tax-Xogħol ta' Voivodship f'Rzeszów, il-Kamra Reġjonali tal-Kummerċ fi Stalowa Wola, l- Għaqda tal-Artiġjani u Intraprendituri Oħra fi Stalowa Wola, l-Aġenzija tal-Iżvilupp Reġjonali f'Tarnobrzeg, il-Kamra tal-Kummerċ u l-Industrija f'Tarnobrzeg, l-Aġenzija tal-Iżvilupp Industrijali – l-Uffiċċju f'Tarnobrzeg. 18. L-imsieħba soċjali involuti fl-implementazzjoni tal-EGF huma l-Organizzazzjoni tal-Intrapriżi tat-Trejdjunjin ta' Solidarność (Solidarjetà, kif ukoll il-Kunsill tax-Xogħol ta' Voivodship f'Rzeszów, il-Kamra Reġjunali tal-Kummerċ fi Stalowa Wola , l-Għaqda tal-Artiġjani u Intraprendituri Oħra fi Stalowa Wola, l-Aġenzija tal-Iżvilupp Reġjonali f'Tarnobrzeg, il-Kamra tal-Kummerċ u l-Industrija f'Tarnobrzeg, l-Aġenzija tal-Iżvilupp Industrijali – l-Uffiċċju f'Tarnobrzeg. L-impatt mistenni tas-sensji fir-rigward tal-impjiegi lokali, reġjonali jew nazzjonali 19. Il-Polonja qed tistenna li l-impatt tas-sensji jkun sinifikanti lokalment. Is-sensji wasslu għal żieda fil-qgħad fid-distretti inkwistjoni. Il-ħaddiema li ngħataw is-sensja mit-tliet ditti ċitati fl-applikazzjoni ammontaw għal 3,4% tal-għadd totali minn dawk qiegħda fid-distrett ta' Stalowa Wola, 2,9 % fid-distrett ta' Niskot, 2,3 % fid-distrett ta' Tarnobrzeg fl-aħħar ta' Frar 2010. Il-ħaddiema li ngħataw is-sensja ammontaw għal 0,8 % tal-impiegi totali ta' Stalowa Wola, 1 % fid-distrett ta' Nisko u 0,5 % fid-distrett ta' Tarnobrzeg sal-aħħar ta' Frar 2010. Fid-distretti affettwati tal-provinċja l-għadd ta' persuni qiegħda żdiedu b'mod konsiderevoli (id-dejta kollha mill-perjodu ta' Ġunju 2009 sa Frar 2010): b'20 % fid-distrett ta' Nisko, 19 % fid-distrett ta' Tarnobrzeg, u 24 % fid-distrett ta' Stalowa Wola. Ir-rata tal-qgħad fit-tliet distretti kienu ogħla mill-medja (24 %, 17 % u 15 % rispettivament meta mqabbel ma' 13 % għal Polonja fi Frar 2010). Pakkett ikkoordinat ta' servizzi personalizzati li jridu jiġu ffinanzjati u analiżi tal-ispejjeż stmati, inkluża l-komplimentarjetà tiegħu mal-azzjonijiet iffinanzjati mill-Fondi Strutturali 20. Il-Polonja qed tipproponi pakkett ta' ħames miżuri separati iżda kkoordinati favur il-ħaddiema ssensjati. L-għan ta' dawn l-attivitajiet huwa li jżidu l-attività u l-mobilità tal-ħaddiema ssensjati fis-suq tax-xogħol, li jippromwovu l-intraprendenza fost il-ħaddiema u jtejbu l-opportunitajiet biex jinstab ix-xogħol, inter alia , billi jadattaw il-kwalifiki tal-persuni li spiċċaw bis-sensja sforz tal-ħtiġijiet tas-suq tax-xogħol. L-azzjonijiet huma deskritti fid-dettall hawn taħt. 21. Taħriġ u taħriġ mill-ġdid – l-irkupru tal-ispejjeż għat-taħriġ (inklużi l-istudji ta' wara l-lawrja), l-ispejjeż tal-ivjaġġar jew in-nefqa tal-akkomodazzjoni u l-ikliet provduti waqt it-taħriġ, l-irkupru tal-ispejjeż tal-eżamijiet mediċi u psikoloġiċi li jgħinu lit-trainees jiksbu ċertifikati, diplomi, ċerti kwalifiki jew titoli professjonali, u l-ispejjeż biex jinkisbu l-liċenzji neċessarji biex jitwettaq ix-xogħol. Huwa stmat li 100 ħaddiem se jibbenefikaw minn din il-miżura, li tammonta għal EUR 2 308 għal kull ħaddiem. 22. Allokazzjonijiet għal taħriġ fuq ix-xogħol - għal ħaddiema ta' taħt il-25 sena li ngħataw is-sensja rreferuti mill-PLO, jistgħu jingħataw allokazzjoni ekwivalenti għal 120 % tal-benefiċċju tal-qgħad, għal perjodu massimu ta' 12-il xahar matul it-taħriġ fil-post tax-xogħol bħala allokazzjoni tat-taħriġ, kif speċifikat fil-kuntratt mas-sid. L-ispiża stmata hija ta' EUR 3 000 għal kull ħaddiem, u huwa stmat li 10 ħaddiema se jibbenefikaw minn din il-mużura. 23. Għotjiet għal konsultazzjoni tal-impieg indipendenti u konsultazzjoni rrelatata – għotjiet għall-prinċipjanti fin-negozju, inklużi l-ispejjeż tal-assistenza legali, il-konsultazzjoni u l-parir meta wieħed jiftaħ negozju. L-ammont ta' appoġġ huwa limitat għal mhux aktar minn sitt darbiet l-ammont tas-salarju medju u, meta l-attività taqa' taħt it-termini tal-kooperattivi soċjali, l-ammont ta' għotjiet allokati lill-persuni qiegħda ma jistax jaqbeż erba' darbiet is-salarju medju għal fundatur tal-kooperattivi membri, jew tliet darbiet is-salarju medju ta' membru li jissieħeb mal-kooperattiva soċjali wara l-formazzjoni tagħha. Huwa stmat li 20 ħaddiem se jibbenefikaw minn din il-miżura, li tammonta għal EUR 5 200 għal kull ħaddiem. 24. Tagħmir u tgħammir mill-ġdid tal-postijiet tax-xogħol – għall-dawk li jimpjegaw ħaddiem li ngħata s-sensja li ġie referit lilu/lilha mill-uffiċċju tax-xogħol tad-distrett, l-ispejjeż tat-tagħmir u tat-tgħammir mill-ġdid fil-post tax-xogħol huma eliġibbli għal dik il-persuna. L-ammont għandu jkun speċifikat fil-kuntratt bejn is-sid u l-uffiċċju tax-xogħol tad-distrett, iżda ma jistax jaqbeż sitt darbiet is-salarju medju ta' kull xahar. Huwa stmat li 50 ħaddiem se jibbenefikaw minn din il-miżura, li tammonta għal EUR 5 200 għal kull ħaddiem. 25. Allokazzjonijiet għal taħriġ vokazzjonali – taħriġ vokazzjonali prattiku għal ħaddiema li ngħataw is-sensja ta' tlieta sa' 18-il xahar. Min jirċievi t-taħriġ huwa intitolat għal allokazzjoni li tammonta għal massimu ta' 120 % mir-rata ta' benefiċċji tal-impieg. Huwa stmat li 20 ħaddiem se jibbenefikaw minn din il-miżura, li tammonta għal EUR 3 000 għal kull ħaddiem. 26. In-nefqa għall-implimentazzjoni tal-EGF, li hija inkluża fl-applikazzjoni, skont l-Artikolu 3 tar-Regolament (KE) Nru 1927/2006, tkopri attivitajiet ta’ tħejjija, ġestjoni u kontroll kif ukoll informazzjoni u pubbliċità. 27. Is-servizzi personalizzati ppreżentati mill-awtoritajiet Pollakki huma miżuri attivi tas-suq tax-xogħol fi ħdan l-azzjonijiet eliġibbli stabbiliti fl-Artikolu 3 tar-Regolament (KE) Nru 1927/2006. L-awtoritajiet Pollakki jistmaw li l-ispejjeż totali ta’ dawn is-servizzi huma ta’ EUR 684 800 u l-ispiża għall-implimentazzjoni tal-EGF hija ta' EUR 13 000 (1,9 % tal-ammont totali). Il-kontribuzzjoni totali mitluba mill-EGF hija ta’ EUR 453 570 (65 % tal-ispejjeż totali). Azzjonijiet | Stima tal-għadd ta' ħaddiema fil-mira | Stima tal-ispiża għal kull ħaddiem fil-mira (EUR) | Spejjeż totali (EGF u kofinanzjament nazzjonali) (f’EUR) | Servizzi personalizzati (l-ewwel paragrafu tal-Artikolu 3 tar-Regolament (KE) Nru 1927/2006) | Taħriġ u taħriġ mill-ġdid | 100 | 2 308 | 230 800 | Allokazzjonijiet għal taħriġ fil-post tax-xogħol : | 10 | 3 000 | 30 000 | Għotjiet għall-impieg indipendenti u konsultazzjoni rrelatata | 20 | 5 200 | 104 000 | Tagħmir u tgħammir mill-ġdid fil-postijiet tax-xogħol | 50 | 5 200 | 260 000 | Allokazzjonijiet għal taħriġ vokazzjonali | 20 | 3 000 | 60 000 | Subtotal tas-servizzi personalizzati | 684 800 | Nefqa għall-implimentazzjoni tal-EGF (it-tielet paragrafu tal-Artikolu 3 tar-Regolament (KE) Nru 1927/2006) | Attivitajiet ta' tħejjija | 2 000 | Tmexxija | 3 000 | Tagħrif u reklamar | 6 000 | Attivitajiet ta’ kontroll | 2 000 | Subtotal tan-nefqa għall-implimentazzjoni tal-EGF | 13 000 | Stima totali tal-ispejjeż | 697 800 | Kontribut tal-EGF (65 % tal-ispejjeż totali) | 453 570 | 28. Il-Polonja tikkonferma li l-miżuri deskritti hawn fuq huma komplimentarji mal-azzjonijiet iffinanzjati mill-Fondi Strutturali. Il-Polonja stabbiliet il-mekkaniżmi meħtieġa biex tiżgura s-separazzjoni finali tal-azzjonijiet imwettqa mill-EGF u l-fondi strutturali kif ukoll biex telimina kwalunkwe riskju ta' finanzjament doppju. Data(i) li fiha/fihom bdew jew kienu ppjanati li jibdew is-servizzi personalizzati għall-ħaddiema affettwati 29. Fit-1 ta’ Awwissu 2009, il-Polonja bdiet is-servizzi personalizzati għall-ħaddiema affettwati inklużi fil-pakkett koordinat propost lill-EGF għall-kofinanzjament. Din id-data għalhekk tirrappreżenta l-bidu tal-perjodu ta' eliġibilità għal kull għajnuna li tista' tingħata mill-EGF. Proċeduri għall-konsultazzjoni mas-sħab soċjali 30. Fis-16 ta' Frar 2009, fil-laqgħa tal-Kummissjoni provinċjali għad-Djalogu Soċjali f'Rzeszów, ġiet diskussa l-possibilità ta' appoġġ mill-EGF għal ħaddiema li jkunu ngħataw is-sensja mit-tliet kumpaniji fit-tliet distretti affettwati. Fit-3 ta' Diċembru 2009, f'laqgħa tal-Bord tal-Impiegi provinċjali, ġew diskussi l-prinċipji tal-EGF, flimkien mal-possibilità li ssir applikazzjoni għall-appoġġ tiegħu f'Pokarpackie u l-forom possibbli li dan l-appoġġ jista' jieħu. Tagħrif dwar azzjonijiet li huma mandatorji permezz tal-liġi nazzjonali jew skont ftehim kollettiv 31. Fir-rigward tat-twettiq tal-kriterji stabbiliti fl-Artikolu 6 tar-Regolament (KE) Nru 1927/2006, fl-applikazzjoni tagħhom, l-awtoritajiet Pollakki: - ikkonfermaw li l-kontribuzzjoni finanzjarja mill-EGF ma tissostitwixxix miżuri li huma r-responsabbiltà ta' kumpaniji bis-saħħa tal-liġi nazzjonali jew ftehimiet kollettivi; - urew bil-provi li l-azzjonijiet jipprovdu appoġġ għall-ħaddiema individwali u mhumiex se jintużaw għar-ristrutturar tal-kumpaniji jew ta' setturi; - ikkonfermaw li l-azzjonijiet eliġibbli ma jirċevux assistenza minn strumenti finanzjarji tal-UE oħra. 32. L-awtoritajiet Pollakki kkonfermaw ukoll li kemm l-UE, kif ukoll ir-regolamenti nazzjonali dwar l-għajnuna tal-istat ġew sodisfatti, partikolarment fir-rigward tal-azzjonijiet imsemmija taħt il-punt 23. Sistemi ta' tmexxija u kontroll 33. Il-Polonja nnotifikat lill-Kummissjoni li l-kontribuzzjoni finanzjarja se tkun ġestita u kkontrollata mill-istess entitajiet li jiġġestixxu u jikkontrollaw il-finanzjament mill-Fond Soċjali Ewropew (ESF) fil-Polonja. L-Iffinanzjar 34. Abbażi tal-applikazzjoni mill-Polonja, il-kontribuzzjoni proposta mill-EGF għall-pakkett kkoordinat ta’ servizzi personalizzati huwa ta’ EUR 453 570, li jirrappreżenta 65 % tal-ispiża totali. L-allokazzjoni proposta mill-Kummissjoni minn dan il-Fond hija bbażata fuq l-informazzjoni li ngħatat mill-Polonja. 35. B'kunsiderazzjoni tal-ammont massimu possibbli ta' kontribuzzjoni finanzjarja mill-EGF skont l-Artikolu 10(1) tar-Regolament (KE) Nru 1927/2006, kif ukoll l-ambitu tal-allokazzjoni mill-ġdid ta' approprjazzjonijiet, il-Kummissjoni tipproponi li timmobilizza l-EGF għall-ammont totali msemmi hawn fuq, li għandu jiġi allokat skont l-intestatura 1a tal-qafas finanzjarju. 36. L-ammont propost ta' kontribuzzjoni finanzjarja se jħalli aktar minn 25 % tal-ammont massimu annwali ddestinat għall-EGF disponibbli għall-allokazzjonijiet matul l-aħħar erba' xhur tas-sena, kif meħtieġ bl-Artikolu 12(6) tar-Regolament (KE) Nru 1927/2006. 37. Bil-preżentazzjoni ta' din il-proposta biex timmobilizza l-EGF, il-Kummissjoni qiegħda tniedi l-proċedura ssimplifikata ta' trijalogu, kif mitlub mill-Punt 28 tal-Ftehim Interistituzzjonali tas-17 ta' Mejju 2006, bil-għan li tikseb il-qbil taż-żewġ fergħat tal-awtorità baġitarja dwar il-ħtieġa li jintuża l-EGF u l-ammont meħtieġ. Il-Kummissjoni tistieden l-ewwel waħda miż-żewġ fergħat tal-awtorità baġitarja li tilħaq ftehim dwar l-abbozz ta' proposta ta' mobilizzazzjoni, fil-livell politiku xieraq, biex tinforma lill-fergħa l-oħra u lill-Kummissjoni dwar l-intenzjonijiet tagħha. F'każ ta' nuqqas ta' qbil minn xi waħda miż-żewġ partijiet tal-awtorità baġitarja, se tissejjeħ laqgħa formali ta' trijalogu. 38. Il-Kummissjoni tippreżenta, separatment, talba ta' trasferiment sabiex iddaħħal fil-baġit għall-2010 approprjazzjonijiet ta' impenji u ta' pagamenti speċifiċi, kif jitlob il-Punt 28 tal-Ftehim Interistituzzjonali tas-17 ta' Mejju 2006. Sors tal-approprijazzjonijiet ta' pagamenti 39. Il-baġit tal-2011 qed juri approprijazzjonijiet ta' ħlas ta' EUR 47 608 950 fuq il-linja ta' baġit 04.0501 "Fond Ewropew ta' Aġġustament għall-Globalizzazzjoni (EGF)". Din il-linja ta' baġit se tintuża biex tkopri l-ammont ta' EUR 453 570 għall-applikazzjoni preżenti. Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta’ Aġġustament għall-Globalizzazzjoni skont il-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (l-applikazzjoni EGF/2010/013 PL/makkinarju ta' Podkarpackie mressqa mill-Polonja) IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat dwar il-Funzjonament tal-Unjoni Ewropea, Wara li kkunsidraw il-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda[5], u b'mod partikolari l-punt 28 tiegħu, Wara li kkunsidraw ir-Regolament (KE) Nru 1927/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-Fond Ewropew ta' Aġġustament għall-Globalizzazzjoni[6], u b'mod partikolari l-Artikolu 12(3) tiegħu, Wara li kkunsidraw il-proposta mill-Kummissjoni[7], Billi: (1) Il-Fond Ewropew ta’ Aġġustament għall-Globalizzazzjoni (EGF) twaqqaf biex jipprovdi appoġġ addizzjonali għall-ħaddiema li ngħataw is-sensja minħabba bidliet strutturali kbar fix-xejriet kummerċjali dinjin dovuti għall-globalizzazzjoni u sabiex jiġu megħjuna fir-reintegrazzjoni tagħhom fis-suq tax-xogħol. (2) L-ambitu tal-EGF twessa’ għall-applikazzjonijiet imressqa mill-1 ta’ Mejju 2009 biex jinkludi appoġġ għall-ħaddiema ssensjati b'riżultat dirett tal-kriżi finanzjarja u ekonomika globali. (3) Il-Ftehim Interistituzzjonali tas-17 ta’ Mejju 2006 jippermetti l-mobilizzazzjoni tal-EGF fil-limitu massimu annwali ta’ EUR 500 miljun. (4) Il-Polonja bagħtet applikazzjoni biex timmobilizza l-EGF fir-rigward tas-sensji fiż-żewġ intrapriżi li joperaw fid-Diviżjoni 28 tar-Reviżjoni 2 tan-NACE ("Manifattura ta' makkinarju u tagħmir") fir-reġjun NUTS II ta' Podkarpackie (PL32), fis-27 ta' April 2010 u ssupplimentatu b'tagħrif addizzjonali sal-4 ta' Awwissu 2010. Din l-applikazzjoni hija konformi mar-rekwiżiti għad-determinazzjoni tal-kontribuzzjonijiet finanzjarji kif stabbilit fl-Artikolu 10 tar-Regolament (KE) Nru 1927/2006. Il-Kummissjoni, għalhekk, tipproponi li jiġi mobilizzat ammont ta' EUR 453 570. (5) L-EGF għandu, għalhekk, jiġi mmobilizzat sabiex jipprovdi kontribuzzjoni finanzjarja għall-applikazzjoni mressqa mill-Polonja. ADOTTAW DIN ID-DEĊIŻJONI: Artikolu 1 Għall-baġit ġenerali tal-Unjoni Ewropea għas-sena finanzjarja 2010, il-Fond Ewropew ta' Aġġustament għall-Globalizzazzjoni (EGF) għandu jiġi mmobilizzat biex jipprovdi s-somma ta' EUR 453 570 f'approprjazzjonijiet għall-impenji u għall-pagamenti. Artikolu 2 Din id-Deċiżjoni għandha tkun ippubblikata f'Il-Ġurnal Uffiċjali tal-Unjoni Ewropea . Magħmul fi [Brussell/Strasburgu], Għall-Parlament Ewropew Għall-Kunsill Il-President Il-President [1] ĠU C 139, 14.6.2006, p. 1. [2] ĠU L 406, 30.12.2006, p. 1. [3] Ir-Regolament (KE) Nru 1893/2006 tal-Parlament Ewropew u tal-Kunsill tal-20 ta' Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti regolamenti tal-KE dwar setturi speċifiċi tal-istatistika (ĠU L 393, 30.12.2006, p. 1). [4] Skont it-tielet paragrafu tal-Artikolu 3 tar-Regolament (KE) Nru 1927/2006. [5] ĠU C 139, 14.6.2006, p. 1. [6] ĠU L 406, 30.12.2006, p. 1. [7] ĠU C […], […], p. […].