52011AR0188

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 52011AR0188 - EN

Help

Search tips

Need more search options? Use the Advanced search

Document 52011AR0188

Opinjoni tal-Kumitat tar-Reġjuni dwar “L-effiċjenza enerġetika”

ĠU C 54, 23.2.2012, p. 49–64 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Date of document:: 14/12/2011; Data tal-votazzjoni
Date of debate:: 14/12/2011
Date of end of validity:: Not known; Marbuta ma’ 52011PC0370

Author:: Il-Kumitat Ewropew tar-Reġjuni
Rapporteur:: JOSEPH
Form:: Opinjoni li tipproponi emenda
Session:: 093
Additional information:: COD 2011/0172

Procedure number:

2011/0172/COD

Link

European Parliament - Legislative observatory

Treaty:

Trattat dwar il-Funzjonament tal-Unjoni Ewropea

Legal basis:

12010E307

Link

Select all documents mentioning this document

Link

Related document(s):

52011PC0370 Relation

EUROVOC descriptor:

Subject matter:

Enerġija

Directory code:

12.10.20.00 Enerġija / Prinċipji u programmi ġenerali / Utilizzazzjoni razzjonali u konservazzjoni tal-enerġija

HTML

PDF

Official Journal

23.2.2012

Il-Ġurnal Uffiċjali tal-Unjoni Ewropea

C 54/49

Opinjoni tal-Kumitat tar-Reġjuni dwar “L-effiċjenza enerġetika”

2012/C 54/09

IL-KUMITAT TAR-REĠJUNI

—	ifakkar fl-importanza li jiġu rispettati l-kompetenzi tad-diversi livelli ta’ governanza u l-prinċipju tas-sussidjarjetà huma u jiġu implimentati l-miżuri tal-effiċjenza enerġetika;

—	bi pjaċir jilqa' din il-proposta għal Direttiva u l-miżuri tagħha relatati mal-effiċjenza enerġetika proposti mill-Kummissjoni biex jinkiseb l-għan ta’ 20 % ta’ ffrankar tal-enerġija primarja sal-2020;

—	iqis li fil-proposta għal Direttiva dwar l-effiċjenza enerġetika għad hemm xi lakuni jew nuqqasijiet, b'mod partikolari:

—	ir-restrizzjoni tas-setturi ta’ applikazzjoni tal-miżuri stabbiliti;

—	it-tnaqqis tar-rwol tal-atturi reġjonali u lokali;

—	in-nuqqas ta’ miżuri ta’ sensibilizzazzjoni taċ-ċittadini, minbarra dawk li ttieħdu għall-promozzjoni tal-informazzjoni f'ħin reali tal-konsumaturi dwar il-konsum tagħhom tal-enerġija;

—	jirrifjuta l-proposta tad-Direttiva biex fis-settur pubbliku tiġi imposta rata annwali ta’ 3 % għar-rinnovazzjoni tal-bini u l-akkwist ta’ prodotti, servizzi u bini bi prestazzjoni enerġetika għolja.

Relatur

Is-Sur JOSEPH (FR/PSE), Sindku ta’ Bastidonne

Dokument ta’ referenza

Proposta għal Direttiva UE tal-Parlament Ewropew u tal-Kunsill dwar l-effiċjenza enerġetika u li tirrevoka d-Direttivi 2004/8/KE u 2006/32/KE

COM(2011) 370 finali

I. RAKKOMANDAZZJONIJIET TA' POLITIKA

IL-KUMITAT TAR-REĠJUNI

A. Kummenti ġenerali

jenfasizza l-valur miżjud tal-miżuri meħuda fil-livell Ewropew fil-qasam tal-effiċjenza enerġetika, li huma meħtieġa sabiex fl-implimentazzjoni tal-għanijiet tal-iffrankar jiġu żgurati l-koerenza u l-effikaċja tad-diversi miżuri adottati u sabiex tiġi evitata d-distorsjoni tal-kompetizzjoni bejn l-Istati Membri. Fl-istess waqt, il-Kumitat jenfasizza li dawn il-miżuri għandhom naturalment jiġu implimentati fil-livell nazzjonali, reġjonali u lokali. Għalhekk, il-Kumitat ifakkar fl-importanza li jiġu rispettati l-kompetenzi tad-diversi livelli ta’ governanza u l-prinċipju tas-sussidjarjetà huma u jiġu implimentati l-miżuri tal-effiċjenza enerġetika;

huwa tal-fehma li l-isfidi relatati mal-effiċjenza enerġetika huma kruċjali fil-ġlieda kontra t-tibdil fil-klima u l-kontroll tal-konsum tagħna tal-enerġija u jagħmlu parti mill-qafas għat-tkabbir ekonomiku sostenibbli, responsabbli u inklużiv fejn l-għanijiet jinkludu kemm it-tnaqqis tal-emissjonijiet tal-gassijiet b'effett ta’ serra kif ukoll is-sigurtà tal-provvista tal-enerġija;

josserva li l-Unjoni Ewropea tinsab f'qagħda fejn tiddependi dejjem iktar mill-importazzjoni tal-enerġija u fi żmien meta l-prezzijiet qed jiżdiedu, jaħseb li l-aċċess għal sorsi tal-enerġija siguri u sostenibbli ser isir dejjem iktar importanti u ser ikollu influwenza deċiżiva fuq it-tkabbir ekonomiku futur u fuq kif ser tiżviluppa l-ugwaljanza fil-qasam tal-enerġija;

ifakkar li l-Kumitat tar-Reġjuni, f'bosta opinjonijiet, enfasizza li t-tranżizzjoni lejn ekonomija li tuża r-riżorsi, l-iktar dawk tal-enerġija, b'effiċjenza ser twassal biex jinħolqu opportunitajiet enormi għat-tkabbir ekonomiku, għall-ħolqien ta’ impjiegi li ma jkunux soġġetti għad-delokalizzazzjoni, u għall-iżviluppi teknoloġiċi li jiżguraw il-kompetittività tal-Unjoni;

jisħaq fuq l-importanza tal-mudell tat-trias energetica li jistabbilixxi l-għan “3×20” għall-oqsma rispettivi tat-tnaqqis tal-emissjonijiet tal-gassijiet b'effett ta’ serra, tal-effiċjenza enerġetika u tal-iżvilupp tal-enerġiji rinnovabbli, sal-2020. L-effiċjenza enerġetika tibqa' l-qofol tal-politika Ewropea għat-tnaqqis tal-impatt tal-klima fir-rigward tas-sigurtà tal-provvista, tal-produzzjoni u tal-konsum tal-enerġija;

6.	bi pjaċir jilqa' din il-proposta għal Direttiva u l-miżuri tagħha relatati mal-effiċjenza enerġetika proposti mill-Kummissjoni biex jinkiseb l-għan ta’ 20 % ta’ ffrankar tal-enerġija primarja sal-2020;

iżda josserva li, kif issemma fil-Pjan 2011 għall-Effiċjenza Enerġetika (1), l-istudji reċenti li saru mill-Kummissjoni juru li l-Unjoni Ewropea mhux ser jirnexxilha twettaq iktar minn nofs l-impenji tagħha fir-rigward tal-effiċjenza enerġetika sal-2020. F'dan il-kuntest, il-proposta għal Direttiva tirrappreżenta sfida partikolarment importanti;

8.	jiddispjaċih li l-proposta għal Direttiva ma tmurx lil hinn mill-iskadenza tal-2020, l-iktar rigward l-objettiv kruċjali tal-2050 (it-tnaqqis tal-emissjonijiet tal-gassijiet b'effett ta’ serra minn 80 għal 95 % sal-2050 meta mqabbla mal-1990) li jiġu limitati l-effetti tat-tibdil fil-klima;

iqis li fil-proposta għal Direttiva dwar l-effiċjenza enerġetika għad hemm xi lakuni jew nuqqasijiet, b'mod partikolari:

—	in-nuqqas ta’ għanijiet nazzjonali vinkolanti (stabbiliti kemm jista' jkun) qabel l-2014;

—	ir-restrizzjoni tas-setturi ta’ applikazzjoni tal-miżuri stabbiliti;

—	it-tnaqqis tar-rwol tal-atturi reġjonali u lokali;

—	il-possibbiltà li l-Istati Membri jkunu jistgħu joħorġu mill-obbligi relatati mal-implimentazzjoni ta’ miżuri vinkolanti, u, b'mod iktar speċifiku, il-miżuri relatati mal-iskemi ta’ obbligu għall-effiċjenza enerġetika u l-pjani ta’ żvilupp tal-koġenerazzjoni b'effiċjenza għolja;

—	in-nuqqas ta’ miżuri ta’ sensibilizzazzjoni taċ-ċittadini, minbarra dawk li ttieħdu għall-promozzjoni tal-informazzjoni f'ħin reali tal-konsumaturi dwar il-konsum tagħhom tal-enerġija;

—	in-nuqqas ta’ miżuri maħsuba għall-iżvilupp u l-appoġġ għat-taħriġ tal-atturi tas-suq, l-iktar l-esperti u l-artiġjani tal-professjonijiet differenti marbuta mal-effiċjenza enerġetika.

B. Qafas ġdid għall-proposta għal Direttiva dwar l-effiċjenza enerġetika

10.

jenfasizza li d-Direttiva tistabbilixxi li l-Istati Membri jridu jwaqqfu mira nazzjonali ta’ effiċjenza enerġetika, indikattiva, fil-forma ta’ livell assolut ta’ konsum tal-enerġija primarja fl-2020. Sat-30 ta’ Ġunju 2014, il-Kummissjoni trid tivvaluta jekk l-Unjoni Ewropea hijiex ser tkun tista' tikseb l-objettiv tagħha ta’ 20 % ta’ ffrankar tal-enerġija primarja sal-2020, b'kunsiderazzjoni tal-miri nazzjonali kollha. F'dan il-kuntest, il-Kumitat:

jiddispjaċih li d-Direttiva ma ssemmi l-ebda għan nazzjonali vinkolanti, u jiddispjaċih ukoll għan-natura kontinġenti tad-deċiżjoni diferita għall-2014. Huwa jipproponi li fid-Direttiva jiddaħħlu objettivi nazzjonali tal-effiċjenza enerġetika għal kull Stat Membru, skont is-sitwazzjoni partikolari tiegħu, li jintużaw bħala referenza biex jiġu stabbiliti l-pjani nazzjonali ta’ effiċjenza enerġetika u li għandhom isiru vinkolanti fl-2014;

jixtieq ħafna li l-Kummissjoni tipproponi metodoloġija komuni għad-definizzjoni tal-miri nazzjonali vinkolanti. Din il-metodoloġija għandha tqis is-sitwazzjonijiet partikolari ta’ kull Stat Membru, l-iktar il-prestazzjoni ekonomika tiegħu u l-miżuri ta’ effiċjenza enerġetika li jkunu ttieħdu fi stadju bikri;

huwa tal-fehma li l-premessa (13) (2), li tistabbilixxi miżuri fakultattivi biss u objettivi inizjalment indikattivi, mhijiex biżżejjed. Dan il-proċess jixħet dubju fuq kemm se jitwettqu l-għanijiet stabbiliti għall-2020. Il-Kumitat jemmen li dan il-proċess ma jixħet l-ebda dubju fuq l-effikaċja tal-miżuri previsti f'din il-proposta għal Direttiva;

11.

jirrifjuta l-objettivi kwantifikati stabbiliti għas-settur pubbliku u s-settur tad-distribuzzjoni u l-bejgħ tal-enerġija, iżda jiddispjaċih għan-nuqqas ta’ tali objettivi għas-setturi tat-trasport tal-persuni u tal-merkanzija, għas-setturi kummerċjali u dawk industrijali li mhumiex koperti mill-iskema għall-iskambju ta’ kwoti ta’ emissjonijiet. B'mod partikolari, il-Kumitat:

jirrifjuta l-proposta tad-Direttiva biex fis-settur pubbliku tiġi imposta rata annwali ta’ 3 % għar-rinnovazzjoni tal-bini u l-akkwist ta’ prodotti, servizzi u bini bi prestazzjoni enerġetika għolja. Il-Kumitat:

—	jinsisti li għandu jitqies il-prinċipju tas-sussidjarjetà;

—	għaldaqstant, jitlob li jkun possibbli li jiġu implimentati approċċi alternattivi oħra għall-ksib tal-objettivi għall-iffrankar tal-enerġija, bil-kundizzjoni li jintlaħaq l-istess livell ta’ tnaqqis fil-konsum tal-enerġija;

—	iqis li għandhom jiġu implimentati inċentivi bil-għan li jiġi evitat li l-kera tad-djar soċjali togħla meta tkun qed issir ħidma biex tiġi ffrankata l-enerġija;

—

jenfasizza li l-effiċjenza fl-użu tal-enerġija ma tistax tiżdied mingħajr il-mezzi finanzjarji implimentati fil-livell Ewropew, nazzjonali, reġjonali u lokali, u bi strumenti bħall-kuntratti ta’ prestazzjoni enerġetika u s-sħubijiet pubbliċi-privati. Huwa jenfasizza kemm hu importanti li jinħolqu miżuri li jħeġġu lill-Istati Membri u lill-awtoritajiet reġjonali jużaw ir-riżorsi provduti mill-Fondi Strutturali sabiex jitħeġġu l-investimenti fil-qasam tal-effiċjenza enerġetika u jenfasizza b'mod ċar l-appoġġ tiegħu għal-linji gwida f'dan ir-rigward inklużi fil-proposta tal-Kummissjoni dwar il-qafas finanzjarju multiannwali;

—

ifakkar li għandhom jiġu definiti regolamenti bilanċjati fil-livell tal-Istati Membri sabiex l-ispejjeż u l-benefiċċji tal-miżuri tal-iffrankar tal-enerġija jkunu jistgħu jinqasmu b'mod trasparenti bejn sid il-kera u l-kerrej; sakemm regolamenti bħal dawn ma jiġux adottati, ser ikun diffiċli li jiġi mobilizzat l-investiment meħtieġ;

b.	jistieden lill-awtoritajiet pubbliċi jipprevedu li jiddaħħlu għanijiet kumplementari li jinkludu b'mod partikolari s-setturi tal-elettriku pubbliku u tat-trasport pubbliku, bil-kundizzjoni li jiġu allokati l-mezzi finanzjarji suffiċjenti;

c.	jirrakkomanda li jiġu stabbiliti miri vinkolanti għas-settur tat-trasport u għas-setturi terzjarji, kummerċjali u industrijali, b'attenzjoni iżjed partikolari għal dawk l-impjanti li mhumiex koperti mill-iskema għall-iskambju ta’ kwoti ta’ emissjonijiet;

12.

bi pjaċir jilqa' t-twaqqif ta’ skemi ta’ obbligu għall-effiċjenza enerġetika, u b'mod partikolari l-miżuri li jesiġu li d-distributuri tal-enerġija jiffrankaw 1,5 % tal-volum annwali tal-bejgħ tal-enerġija (3); u jfakkar fl-importanza li jitqies il-prinċipju tas-sussidjarjetà meta jiġu stabbiliti l-iskemi ta’ obbligu għall-effiċjenza enerġetika;

Jiddispjaċih dwar:

a.	il-possibbiltà offruta lill-Istati Membri li jipproponu miżuri ta’ sostituzzjoni alternattiva, li jista' jkollha impatt fuq it-trasferiment tal-obbligu mis-settur privat għas-settur pubbliku u li twassal għal żieda fil-pressjoni fiskali għall-kontribwenti;

il-fatt li d-Direttiva tonqos milli tindirizza l-problema ċentrali dwar kif għandu jingħata inċentiv lid-distributuri tal-enerġija u lill-kumpaniji tal-bejgħ lill-konsumatur biex inaqqsu l-bejgħ tal-enerġija tagħhom b'1,5 % mis-sena ta’ qabel; il-Kumitat jiddispjaċih ukoll li d-dispożizzjoni li l-Istati Membri jistgħu “jinkludu rekwiżiti b'għan soċjali fl-obbligi ta’ ffrankar li jimponu huma” (Direttiva, Artikolu 6(5a)) mhijiex ħa tkun biżżejjed biex tipproteġi l-ifqar ċittadini minn aktar żidiet fil-prezzijiet tal-enerġija;

il-proposta ta’ miżuri ta’ sostituzzjoni fost il-mekkaniżmi tal-obbligu sa mhux aktar tard mill-1 ta’ Jannar 2013, miżuri li jippermettu l-iffrankar tal-enerġija mill-klijenti aħħarin. Id-definizzjoni qed tinkwieta lill-Kumitat dwar il-fatt li dawn il-miżuri jippermettu li l-objettiv propost jiġi sostitwit mill-iskemi ta’ obbligu;

13.

jenfasizza r-rwol kruċjali tal-atturi reġjonali u lokali fil-proċessi tat-tħejjija u tal-ħolqien tal-programmi tal-effiċjenza enerġetika. Inkarigati mill-politiki lokali tad-djar, tax-xogħol, tat-trasport u tat-taħriġ, l-awtoritajiet reġjonali huma f'kuntatt maċ-ċittadini u mal-atturi kollha lokali fit-tħejjija ta’ politiki adatti għat-tħassib taċ-ċittadini u għall-isfidi ta’ effiċjenza enerġetika reġjonali: barra minn hekk, jinsabu fl-aħjar qagħda biex iwasslu għal tibdil fil-mod kif iċ-ċittadini jużaw l-enerġija fi żmien ġdid ta’ mikroġenerazzjoni, teknoloġiji tan-netwerks intelliġenti u prezzijiet varjabbli. F'dan ir-rigward, il-Kumitat jipproponi li jissaħħaħ il-livell ta’ involviment tal-atturi reġjonali u lokali bis-saħħa ta’ miżuri li jħeġġu:

a.	l-Istati Membri joħolqu proċessi ta’ konsultazzjoni li jinvolvu lill-atturi reġjonali u lokali meta jitħejjew il-pjani nazzjonali (approċċ minn isfel 'il fuq), biex b'hekk jaslu għat-twaqqif ta’ pjani nazzjonali b'koerenza mal-objettivi u l-mezzi nazzjonali, reġjonali u lokali;

l-awtoritajiet reġjonali u lokali joħolqu pjani tal-effiċjenza enerġetika reġjonali u lokali li jiffavorixxu, pereżempju, il-produzzjoni deċentralizzata tal-enerġija, il-programmi ta’ rinnovazzjoni tal-bini pubbliku jew il-pjani ta’ mobbiltà fil-qrib u tat-trasport sostenibbli. Barra minn hekk, ifakkar fl-importanza tal-inizjattiva Ewropea tal-Patt tas-Sindki u dik tal-Patt tal-Gżejjer u jipproponi li fid-Direttiva jiddaħħlu miżuri ta’ appoġġ u ta’ promozzjoni għal dawn l-inizjattivi mill-Istati Membri;

l-awtoritajiet reġjonali jappoġġjaw l-atturi lokali għall-għarfien tagħhom u l-analiżi tal-opportunitajiet u l-ostakli għall-ħolqien tal-miżuri ta’ effiċjenza enerġetika, kif ukoll għall-isforzi tagħhom biex jissensibbilizzaw liċ-ċittadini u biex jappoġġjaw il-ħolqien ta’ programmi u proġetti lokali u t-taħriġ tal-atturi;

d.	l-awtoritajiet reġjonali u lokali joħolqu, fejn għad m'hemmx, mekkaniżmi ta’ osservazzjoni u ta’ inventarju tal-enerġija u tal-gassijiet b'effett ta’ serra sabiex tittejjeb il-prestazzjoni tad-deċiżjonijiet politiċi;

e.	l-awtoritajiet reġjonali jappoġġjaw jew isaħħu l-programmi ta’ kooperazzjoni interreġjonali favur it-trasferiment tal-għarfien fl-effiċjenza enerġetika bejn ir-reġjuni;

14.

ifakkar fl-importanza tas-sensibilizzazzjoni u l-infurmar taċ-ċittadini. L-azzjoni individwali hija element fundamentali tar-rispett għall-ambjent u ta’ applikazzjoni tajba tal-miżuri ta’ effiċjenza enerġetika li jolqtu liċ-ċittadini. Huwa indispensabbli li dawn jiġu sensibilizzati u infurmati. F'dan ir-rigward, il-Kumitat:

a.	jappoġġja l-miżuri li ttieħdu biex tittejjeb l-informazzjoni f'ħin reali lill-konsumaturi rigward il-konsum tagħhom u l-fatturar tagħhom tal-enerġija (elettriku, gass, sħana);

b.	jenfasizza kemm hija fundamentali l-protezzjoni tad-data personali, l-iktar fir-rigward tal-provvedituri, tal-provvista b'xejn u tal-faċilità tal-aċċess għal din id-data mill-klijent aħħari u jinsisti li din id-data tkun tista' tinfiehem u tintuża faċilment mill-klijenti aħħarin;

c.	jirrakkomanda li jiġu stabbiliti sistemi ta’ inventarju li jinkludu l-funzjonalitajiet li jippermettu lill-utent aħħari jiġġestixxi l-kapaċità tiegħu u li jnaqqas il-konsum skont l-għażliet tariffarji proposti mid-distributur tal-enerġija;

d.	għaldaqstant, jiddispjaċih li d-Direttiva ma tiddefinixxix miżuri kumplementari għas-sensibilizzazzjoni taċ-ċittadini dwar it-tnaqqis tal-konsum tal-enerġija;

15.

bi pjaċir jilqa' l-progress li sar fil-verifiki tal-enerġija għall-intrapriżi u l-programmi ta’ verifika bi prezzijiet li l-klijenti aħħarija u l-SMEs jistgħu jlaħħqu magħhom. Madankollu, sabiex tiġi ottimizzata l-kwalità tal-verifiki, jirrakkomanda:

a.	li jiġi propost tħarriġ tal-esperti li jwassal għal kwalifika uffiċjali u rikonoxximent uffiċjali tal-kompetenzi tagħhom;

b.	li ssir referenza ċara għall-istandards tekniċi Ewropej (EN 16001) rigward is-sistemi tal-ġestjoni tal-enerġija, u li b'hekk isir titjib fl-implimentazjoni taċ-ċertifikazzjoni li jipprevedu dawn l-istandards;

c.	li s-servizz pubbliku jiġi inkluż f'din il-miżura;

d.	l-implimentazzjoni tal-miżuri proposti fil-verifiki;

16.

bi pjaċir jilqa' l-miżuri proposti għall-iżvilupp tas-servizzi tal-enerġija. Madankollu, il-Kumitat:

a.	jirrakkomanda li dawn ma jiġux limitati biss għall-kuntratti ta’ prestazzjoni enerġetika, u li jittejbu s-servizzi tal-enerġija kollha, bħar-reviżjoni perjodika obbligatorja tas-sistemi tat-tisħin/tkessiħ jew l-implimentazzjoni ta’ sistema ta’ regolazzjoni termali;

b.	jiddispjaċih li m'hemmx miżuri speċifiċi biex jitnaqqsu l-ostakli amministrattivi u legali meta jinħolqu l-kuntratti ta’ prestazzjoni enerġetika, bħalma jsir għall-miżuri tal-effiċjenza enerġetika;

17.	ifakkar fl-importanza tal-aspett tat-taħriġ. F'dan ir-rigward, jenfasizza kemm huwa importanti li l-Istati Membri u l-atturi reġjonali u lokali jipprovdu taħriġ għall-esperti u l-professjonisti tas-settur biex jiġu indirizzati l-isfidi ta’ din id-Direttiva.

II. RAKKOMANDAZZJONIJIET SABIEX JITRESSQU EMENDI

Emenda 1

Artikolu 1(1)

Test propost mill-Kummissjoni	Emenda tal-KtR
1. Din id-Direttiva tistabbilixxi qafas komuni għall-promozzjoni tal-effiċjenza enerġetika fi ħdan l-Unjoni sabiex ikun żgurat li sal-2020 tintlaħaq il-mira tal-Unjoni għal iffrankar tal-enerġija primarja ta’ 20 % u sabiex titwitta t-triq għal iktar titjib fl-effiċjenza enerġetika lil hinn minn dik id-data.	1. Din id-Direttiva tistabbilixxi qafas komuni għall-promozzjoni tal-effiċjenza enerġetika fi ħdan l-Unjoni sabiex ikun żgurat li sal-2020 tintlaħaq il-mira tal-Unjoni għal iffrankar tal-enerġija primarja ta’ 20 % u sabiex titwitta t-triq għal iktar titjib fl-effiċjenza enerġetika lil hinn minn dik id-data.

Raġuni

Fit-8 ta’ Marzu 2011, il-Kummissjoni adottat “Pjan direzzjonali għal ekonomija kompetittiva b'livell baxx ta’ emissjonijiet tal-karbonju fl-2050” (4), fejn identifikat il-ħtieġa li ssir iktar enfasi fuq l-effiċjenza enerġetika. Il-miżuri tal-effiċjenza enerġetika previsti fil-proposta għal Direttiva ma jwittux it-triq għal wara l-2020 u lanqas għall-perspettiva tal-2050 adottata mill-Kummissjoni stess.

Emenda 2

Artikolu 2(7)

Test propost mill-Kummissjoni

Emenda

7.	“distributur tal-enerġija” tfisser persuna fiżika jew ġuridika, inkluż operatur tas-sistema ta’ distribuzzjoni li hija responsabbli għall-kunsinna tal-enerġija, bil-għan li titwassal lil konsumaturi aħħarin jew lil stazzjonijiet ta’ distribuzzjoni li jbigħu l-enerġija lil konsumaturi aħħarin.

7.	“distributur tal-enerġija” tfisser persuna fiżika jew ġuridika, inkluż operatur tas-sistema ta’ distribuzzjoni li l-kunsinna tal-enerġija, bil-għan li titwassal lil konsumaturi aħħarin jew lil stazzjonijiet ta’ distribuzzjoni li jbigħu l-enerġija lil konsumaturi aħħarin.

Raġuni

Din l-emenda u waħda oħra relatata mal-Artikolu 2(9) jgħinuna niddefinixxu aħjar “distributur tal-enerġija” u “kumpanija tal-bejgħ tal-enerġija fil-livell tal-konsum” biex jiġu evitati konsegwenzi mhux mixtieqa.

Pereżempju, il-kerrejja jistgħu jirċievu kont għall-enerġija b'diversi modi. F'bosta postijiet, il-fattura tintbagħat direttament lill-kerrej mill-kumpanija tal-provvista tal-enerġija, iżda f'xi postijiet oħra, huwa sid il-kera li jibgħat il-fattura, jew għall-enerġija biss jew bħala parti mill-imposta tas-servizz globali li tinkludi ħafna elementi li jistgħu jiġu separati jew ippreżentati punt punt.

L-għan tal-emenda huwa li tipprovdi iktar ċertezza legali sabiex il-persuni li jibagħtu l-kontijiet lill-kerrejja għall-enerġija provduta fil-bini ma jinqabdux fl-obbligi imposti mid-Direttiva li ma kinux diretti lejhom. L-eżenzjoni għad-distributuri ż-żgħar tal-enerġija u l-kumpaniji ż-żgħar tal-bejgħ tal-enerġija fil-livell tal-konsum (Artikolu 6(8)) ma tipprovdix protezzjoni suffiċjenti.

Emenda 3

Artikolu 2(9)

Test propost mill-Kummissjoni

Emenda

9.	“kumpanija tal-bejgħ tal-enerġija fil-livell tal-konsum” tfisser persuna fiżika jew ġuridika li tbigħ l-enerġija lil klijenti aħħarin;

9.	“kumpanija tal-bejgħ tal-enerġija fil-livell tal-konsum” tfisser persuna fiżika jew ġuridika li tbigħ l-enerġija lil klijenti aħħarin;

Raġuni

L-għan tal-emenda huwa li tipprovdi iktar ċertezza legali li l-persuni li jibagħtu l-kontijiet lill-kerrejja għall-enerġija provduta fil-bini ma jinqabdux fl-obbligi imposti mid-Direttiva li ma kinux diretti lejhom. L-eżenzjoni għad-distributuri ż-żgħar tal-enerġija u l-kumpaniji ż-żgħar tal-bejgħ tal-enerġija fil-livell tal-konsum (Artikolu 6(8)) ma tipprovdix protezzjoni suffiċjenti.

Emenda 4

Artikolu 3 (1)

Test propost mill-Kummissjoni

Emenda tal-KtR

1. L-Istati Membri għandhom jiffissaw mira nazzjonali għall-effiċjenza enerġetika espressa bħala livell assolut ta’ konsum tal-enerġija primarja fl-2020.

Meta jistabbilixxu dawn il-miri, huma għandhom jikkunsidraw il-mira tal-Unjoni għal iffrankar tal-enerġija ta’ 20 %, il-miżuri pprovduti f'din id-Direttiva, il-miżuri adottati sabiex jintlaħqu l-miri nazzjonali għall-iffrankar tal-enerġija li ġew adottati skont l-Artikolu 4(1) tad-Direttiva 2006/32/KE u miżuri oħrajn sabiex tkun promossa l-effiċjenza enerġetika fi ħdan l-Istati Membri u fuq il-livell tal-Unjoni.

Raġuni

Fis-sitwazzjoni attwali, l-Unjoni Ewropea mhux ser jirnexxilha twettaq iktar minn nofs l-impenji tagħha tal-effiċjenza enerġetika sal-2020. Il-Kumitat jipproponi li d-Direttiva tinkludi miri nazzjonali li għandhom ikunu vinkolanti mill-2014 'l hemm. Barra minn hekk, jixtieq li s-settur tat-trasport tal-persuni u l-merkanzija, is-setturi kummerċjali u dawk industrijali li mhumiex koperti mill-iskema għall-iskambju ta’ kwoti ta’ emissjonijiet jiddaħħlu fil-pjani implimentati mill-Istati Membri u li jkunu soġġetti għall-miri nazzjonali l-istess bħas-setturi l-oħra.

Fil-prinċipju għandu jiġi appoġġjat l-objettiv tal-Kummissjoni Ewropea li sal-2020 ikun hemm frankar ta’ 20 % fil-qasam tal-enerġija. Il-perjodu sal-2020 huwa relattivament qasir u jeħtieġ li jiġu implimentati mill-aktar fis miżuri fil-perjodu qasir u dak medju. Għalhekk nipproponu metodoloġija ta’ valutazzjoni tal-progress ta’ kull Stat Membru fir-rigward tal-effiċjenza enerġetika. Fid-Direttiva 2009/28 dwar l-enerġiji rinnovabbli, il-Kummissjoni Ewropea setgħet tistabbilixxi objettiv globali ta’ 20 % adattat mill-Istati Membri skont il-kapaċità tagħhom li jilħqu dan l-objettiv. Għaldaqstant, nissuġġerixxu l-istess approċċ fir-rigward tal-effiċjenza enerġetika, approċċ li jqis il-livell ta’ progress ta’ kull pajjiż.

Barra minn hekk, jeħtieġ li jiġi enfasizzat li s-settur primarju (l-agrikoltura, it-tkabbir tal-annimali, is-sajd) jikkonsma enerġija li ġejja minn sorsi fossili, il-biċċa l-kbira minnhom importati. L-impatt ekonomiku u ambjentali ta’ din is-sitwazzjoni huwa raġjuni biżżejjed biex is-settur primarju jiġi inkluż b'mod speċifiku f'dan l-Artikolu.

Emenda 5

Artikolu 4

Test propost mill-Kummissjoni

Emenda

1. Mingħajr preġudizzju għall-Artikolu 7 tad-Direttiva 2010/31/UE, l-Istati Membri għandhom jiżguraw li, mill-1 ta’ Jannar 2014, tiġi rrinovata kull sena 3 % mill-erja totali tal-art li tkun il-proprjetà tal-korpi pubbliċi tagħhom sabiex ikunu ssodisfati mill-inqas ir-rekwiżiti minimi tal-prestazzjoni tal-enerġija stabbiliti mill-Istat Membru kkonċernat b'applikazzjoni tal-Artikolu 4 tad-Direttiva 2010/31/UE. Ir-rata ta’ 3 % għandha tkun ikkalkolata fuq l-erja totali tal-art tal-bini li jkollu erja totali ta’ iktar minn 250 m2 ta’ art utilizzabbli li tkun il-proprjetà tal-korpi pubbliċi tal-Istat Membru kkonċernat li, fl-1 ta’ Jannar ta’ kull sena, ma tissodisfax ir-rekwiżiti minimi nazzjonali tal-prestazzjoni tal-enerġija stabbiliti b'applikazzjoni tal-Artikolu 4 tad-Direttiva 2010/31/UE.

2. L-Istati Membri jistgħu jippermettu lill-korpi pubbliċi tagħhom biex jgħoddu mar-rata annwali tar-rinnovazzjoni tagħhom l-eċċess tal-erja tal-art tal-bini rrinovat f'sena speċifika bħal li kieku minflok kienet rinnovata f'waħda mis-sentejn preċedenti jew fis-snin ta’ qabel.

3. Għall-finijiet tal-paragrafu 1, sal-1 ta’ Jannar 2014, l-Istati Membri għandhom jistabbilixxu u jagħmlu pubblikament disponibbli inventarju tal-bini li jkun proprjetà tal-korpi pubbliċi tagħhom fejn jindikaw:

(a)	l-erja tal-art f' m2; u

(b)	il-prestazzjoni tal-enerġija ta’ kull bini.

4. L-Istati Membri għandhom jinkoraġġixxu lill-korpi pubbliċi sabiex:

(a)	jadottaw pjan għall-effiċjenza enerġetika, awtonomu jew bħala parti minn pjan klimatiku jew ambjentali iktar ġenerali, li jinkludi għanijiet speċifiċi għall-iffrankar tal-enerġija, sabiex l-effiċjenza enerġetika tal-korp tittejjeb kontinwament;

(b)	jistabbilixxu sistema ta’ ġestjoni tal-enerġija bħala parti mill-implimentazzjoni tal-pjan tagħhom.

1. Mingħajr preġudizzju għall-Artikolu 7 tad-Direttiva 2010/31/UE, l-Istati Membri għandhom jiżguraw li, mill-1 ta’ Jannar 2014, tiġi rrinovata l-art li tkun il-proprjetà tal-korpi pubbliċi tagħhom sabiex ikunu ssodisfati mill-inqas ir-rekwiżiti minimi tal-prestazzjoni tal-enerġija stabbiliti mill-Istat Membru kkonċernat b'applikazzjoni tal-Artikolu 4 tad-Direttiva 2010/31/UE. -art tal-bini li jkollu erja totali ta’ iktar minn 250 m2 ta’ art utilizzabbli li tkun il-proprjetà tal-korpi pubbliċi tal-Istat Membru kkonċernat li ma tissodisfax ir-rekwiżiti minimi nazzjonali tal-prestazzjoni tal-enerġija stabbiliti b'applikazzjoni tal-Artikolu 4 tad-Direttiva 2010/31/UE.

(a)	l-erja tal-art f' m2; u

(b)	il-prestazzjoni tal-enerġija ta’ kull bini.

4. L-Istati Membri għandhom lill-korpi pubbliċi sabiex:

(a)	jadottaw pjan għall-effiċjenza enerġetika, awtonomu jew bħala parti minn pjan klimatiku jew ambjentali iktar ġenerali, li jinkludi għanijiet speċifiċi għall-iffrankar tal-enerġija, sabiex l-effiċjenza enerġetika tal-korp tittejjeb kontinwament;

(b)	jistabbilixxu sistema ta’ ġestjoni tal-enerġija bħala parti mill-implimentazzjoni tal-pjan tagħhom;

Raġuni

Fis-sitwazzjoni attwali, l-Unjoni Ewropea mhux ser jirnexxilha tikseb nofs l-objettivi tagħha fir-rigward tal-effiċjenza enerġetika. Jeħtieġ li jissaħħu l-azzjonijiet tagħha, b'mod partikolari billi jiġu stabbiliti objettivi vinkolanti. Fin-nuqqas ta’ objettivi nazzjonali vinkolanti, huwa importanti li jiġu promossi objettivi settorjali, b'mod partikolari fil-qasam tal-bini li jirrappreżenta l-akbar oppportunità għall-effiċjenza enerġetika.

Aħna nappoġġjaw id-Direttiva fid-dawl tal-punti li ġejjin:

L-Unjoni Ewropea implimentat mekkaniżmi finanzjarji (ELENA, JESSICA…) u fondi ddedikati għall-effiċjenza enerġetika (EEE-F…), il-Qafas Finanzjarju 2014-2020, li sal-lum il-ġurnata jipprevedi persentaġġ għoli ta’ fondi strutturali ddedikati għall-effiċjenza enerġetika. Jeżistu għodod finanzjarji oħra, bħall-kuntratti ta’ prestazzjoni enerġetika, is-sħubijiet pubbliċi-privati u l-fondi għall-effiċjenza enerġetika nazzjonali u reġjonali li jippromovu ħidma favur l-effiċjenza enerġetika f'perjodu fejn il-fondi pubbliċi qed jonqsu.

2.	Jeżistu soluzzjonijiet anqas b'inqas spejjeż b'redditu fuq l-investiment fil-perjodu qasir, bħat-titjib tas-sistemi ta’ tisħin u ta’ tkessiħ, is-sistemi ta’ regolazzjoni termali tal-bini, li jippermettu investiment gradwali.

3.	Id-Direttiva dwar il-prestazzjoni enerġetika tal-bini tqis id-diversità tal-bini u teżenta xi binjiet (bini storiku, temporanju jew ħangars). Tqis ukoll id-diversità klimatika bejn il-pajjiżi tat-Tramuntana u tan-Nofsinhar.

4.	L-effiċjenza enerġetika fil-bini toħloq impjieg lokali fil-post: ir-rinnovazzjoni enerġetika ta’ erba' binjiet twassal għall-ħolqien ta’ impjieg wieħed.

5.	L-Istati Membri għadhom kif ingħataw pjan direzzjonali dwar it-taħriġ ta’ nies tas-sengħa għall-implimentazzjoni tad-direttiva dwar il-prestazzjoni enerġetika tal-bini.

Madankollu, il-proposta għal direttiva tista' tittejjeb billi jiġu kkunsidrati l-punti li ġejjin:

1.	Għandu jitfakkar li d-direttiva dwar ir-rendiment tal-bini fl-użu tal-enerġija 2010/31 tħalli l-għażla f'idejn l-Istati Membri li jipproponu, jew le, ir-rinnovazzjoni ta’ bini protett u li jagħmel parti minn ambjent ikklassifikat.

2.	Jeħtieġ li nibbażaw fuq standards Ewropej ta’ ġestjoni u ta’ kontabilità tal-enerġija.

3.	Jeħtieġ li jiġi ffaċilitat u li jissaħħaħ l-aċċess għall-kuntratti ta’ prestazzjoni enerġetika.

4.	L-Istati Membri għandhom jappoġġjaw ir-reġjuni u lill-awtoritajiet lokali billi jipproponu għajnuna finanzjarja jew ta’ tip ieħor.

5.	Fl-aħħar, jidher xieraq li l-awtoritajiet pubbliċi jitħeġġu jimplimentaw għodod għat-taħriġ u għas-sensibilizzazzjoni bil-għan li jkun hemm ġestjoni tajba u manutenzjoni tal-bini, kif ukoll użu xieraq tal-enerġija mill-utenti.

Dawn il-punti huma importanti biex jinkiseb l-objettiv 2020 tal-effiċjenza enerġetika.

Emenda 6

Artikolu 5

Test tal-Kummissjoni

Emenda

Ix-xiri mill-korpi pubbliċi

L-Istati Membri għandhom jiżguraw li l-korpi pubbliċi jixtru biss prodotti, servizzi u bini bi prestazzjoni għolja fl-effiċjenza enerġetika, kif imsemmi fl-Anness III.

Ix-xiri mill-korpi pubbliċi

, -Istati Membri għandhom l-korpi pubbliċi jixtru biss prodotti, servizzi u bini prestazzjoni fl-effiċjenza enerġetika, kif imsemmi fl-Anness III.

Raġuni

L-obbligu li l-awtoritajiet pubbliċi jixtru biss prodotti, servizzi u bini bi prestazzjoni għolja fl-effiċjenza enerġetika jqajjem ċertu tħassib li l-UE qed tagħmel tentattiv li tuża l-akkwist pubbliku biex tindirizza għanijiet ta’ strateġija ta’ politika. Id-deċiżjoni dwar l-għażla tal-inklużjoni tal-kriterji tal-effiċjenza enerġetika fl-akkwist pubbliku għandha titħalla f'idejn l-awtorità lokali jew reġjonali nnifisha u kwalunkwe ħtieġa relatata mal-UE għandha tibqa' kompletament volontarja.

Fl-interess tas-sigurtà legali u tal-integrità tas-suq uniku, huwa essenzjali li din id-Direttiva tkun koerenti mad-dispożizzjonijiet tal-leġislazzjoni eżistenti tal-UE fir-rigward tas-swieq pubbliċi. F'dan il-kuntest, ta’ min jenfasizza l-fatt li l-Istati Membri huma direttament responsabbli għall-orjentazzjoni tal-akkwist pubbliku fir-rigward tal-ksib tal-objettivi tal-effiċjenza enerġetika li ma jistgħux jinkisbu mod ieħor. Qed jiġi rrakkomandat, hekk kif isir fl-abbozz ta’ rapport tal-Parlament Ewropew, li jkun hemm mhux biss standards għoljin fir-rigward tal-enerġija iżda wkoll l-ogħla standards possibbli fir-rigward tal-enerġija.

Il-proposta għal diretiva tindirizza l-kwistjoni ta’ servizzi effiċjenti fir-rigward tal-enerġija fil-kuntest tal-ispejjeż pubbliċi, però tirreferi biss għas-servizzi li jużaw prodotti bi prestazzjoni għolja fir-rigward tal-effiċjenza enerġetika. Jeħtieġ pjuttost li din tirreferi għas-servizzi f'sens usa', inklużi s-servizzi bi prestazzjoni enerġetika tajba, bħal dawk definiti fl-Artikolu 2.

Emenda 7

Artikolu 6 (9)

Test propost mill-Kummissjoni

Emenda tal-KtR

9. Bħala alternattiva għall-paragrafu 1, l-Istati Membri jistgħu jagħżlu li jieħdu miżuri oħra biex jiksbu l-iffrankar fl-enerġija fost il-konsumaturi aħħarija. L-ammont annwali milħuq f'iffrankar ta’ enerġija permezz ta’ dan l-approċċ għandu jkun ekwivalenti għall-ammont ta’ ffrankar ta’ enerġija meħtieġ fil-paragrafu 1. Stati Membri li jagħżlu din l-alternattiva għandhom jinnotifikaw lill-Kummissjoni, mhux aktar tard mill-1 ta’ Jannar 2013, dwar il-miżuri alternattivi li qed jippjanaw li jadottaw, fosthom ir-regoli tal-penalitajiet imsemmija fl-Artikolu 9, u juru kif ser jilħqu l-ammonti meħtieġa ta’ ffrankar. Il-Kummissjoni tista' tirrifjuta dawn il-miżuri jew tissuġġerixxi modifiki fit-3 xhur wara n-notifika. F'dawn il-każijiet, l-approċċi alternattivi ma għandhomx jiġu japplikati mill-Istati Membri konċernati sakemm il-Kummissjoni ma taċċettax b'mod espliċitu l-abbozz tal-miżuri mressaq mill-ġdid jew immodifikat.

Raġuni

Qed jiġi propost lill-Istati Membri li jadottaw miżuri oħra biex jiffrankaw l-enerġija. Hemm il-biża' li jekk l-Istati Membri ma jirnexxilhomx jinvolvu lis-settur privat, dawn il-miżuri jiġu implimentati bil-fondi pubbliċi biss, u b'hekk il-piż ta’ dawn il-miżuri jaqa' fuq iċ-ċittadini. Sabiex ma jkun hemm l-ebda ambigwità, huwa rakkomandat bil-qawwa li dan il-paragrafu jitneħħa.

Barra minn hekk, huwa possibbli li tiġi prevista miżura alternattiva bħal dik proposta fl-abbozz ta’ rapport dwar id-Direttiva dwar l-effiċjenza enerġetika tal-Parlament Ewropew u li twassal għal għodod finanzjarji mmirati lejn miżuri ta’ effiċjenza enerġetika.

Emenda 8

Artikolu 6 (10)

Test propost mill-Kummissjoni

Emenda tal-KtR

Jekk ikun xieraq, il-Kummissjoni għandha tistabbilixxi, permezz ta’ att iddelegat skont l-Artikolu 18, sistema ta’ rikonoxximent reċiproku tal-iffrankar tal-enerġija miksub skont l-iskemi nazzjonali tal-obbligi tal-effiċjenza enerġetika. Din is-sistema għandha tippermetti li l-partijiet obbligati jgħoddu l-iffrankar tal-enerġija li jkunu għamlu u li jkun iċċertifikat fi Stat Membru partikolari mal-obbligi tagħhom fi Stat Membru ieħor.

Raġuni

Is-sistema ta’ rikonoxximent reċiproku tal-iffrankar tal-enerġija tippermetti li jsir inventarju tal-iffrankar li jkun sar fl-enerġija, mill-partijiet involuti, fi Stat Membru għall-finijiet tal-obbligi tiegħu lejn Stat Membru ieħor, u b'hekk hemm possibbiltà kbira li jiġi żvantaġġat l-impjieg lokali fl-Istati Membri konċernati. Sabiex tiġi evitata kull konsegwenza ta’ dan it-tip, huwa rakkomandat bil-qawwa li dan il-paragrafu jitneħħa.

Emenda 9

Artikolu 8(1)

Test propost mill-Kummissjoni

Emenda

1. L-Istati Membri għandhom jiżguraw li l-klijenti aħħarin tal-elettriku, tal-gass naturali, tat-tisħin jew tat-tkessiħ distrettwali u tal-ilma sħun domestiku fornut mid-distrett ikunu pprovduti b'miters individwali li jkejlu b'mod preċiż u li jippermettu li l-konsum tal-enerġija effettiv tagħom ikun disponibbli filwaqt li jipprovdu informazzjoni dwar il-ħin effettiv tal-użu, skont l-Anness VI.

Meta l-Istati Membri jintroduċu l-miters intelliġenti kif previst mid-Direttivi 2009/72/KE u 2009/73/KE dwar is-swieq tal-elettriku u tal-gass, huma għandhom jiżguraw li l-għanijiet tal-effiċjenza enerġetika u tal-benefiċċji tal-klijenti aħħarin ikunu kkunsidrati b'mod sħiħ meta jiġu stabbiliti l-funzjonalitajiet minimi tal-miters u l-obbligi imposti fuq il-parteċipanti tas-swieq.

Fil-każ tal-elettriku u wara li ssir talba mill-klijent aħħari, l-operaturi tal-miters għandhom jiżguraw li l-miter ikun jista' jagħti rendikont tal-elettriku li ġie prodott fil-bini tal-klijent aħħari u li ġie esportat lejn il-grilja. L-Istati Membri għandhom jiżguraw li jekk il-klijenti aħħarin jagħmlu talba, id-data tal-miters dwar il-produzzjoni u/jew il-konsum tagħhom f'ħin reali titqiegħed għad-dispożizzjoni ta’ parti terza li tkun qed taġixxi f'isem il-klijent aħħari.

Fil-każ tat-tisħin u tat-tkessiħ, fejn bini jkun fornut minn netwerk ta’ tisħin distrettwali, il-miter tas-sħana għandu jkun installat fl-entratura tal-bini. F'bini b'għadd ta’ appartamenti, għandhom jiġu installati wkoll miters għall-konsum individwali tas-sħana sabiex ikejlu l-konsum tas-sħana jew tat-tkessiħ ta’ kull appartament. Fejn l-użu tal-miters għall-konsum individwali tas-sħana ma jkunx teknikament fattibbli, għandhom jintużaw allokaturi individwali tal-kost għas-sħana għall-kejl tal-konsum tas-sħana f'kull radjatur skont l-ispeċifikazzjonijiet inklużi fl-Anness VI (1.2).

L-Istati Membri għandhom jintroduċu regoli dwar l-allokazzjoni tal-ispejjeż tal-konsum tas-sħana f'bini b'għadd ta’ appartamenti fornut bi sħana ċentralizzata jew bi tkessiħ ċentralizzat. Tali regoli għandhom jinkludu linji gwida dwar il-fatturi ta’ korrezzjoni sabiex ikunu riflessi karatteristiċi tal-bini bħat-trasferimenti tas-sħana bejn l-appartamenti.

1. L-Istati Membri għandhom jiżguraw li , l-klijenti aħħarin tal-elettriku , , tat-tisħin jew tat-tkessiħ distrettwali u tal-ilma sħun domestiku fornut mid-distrett ikunu pprovduti b'miters individwali li jkejlu b'mod preċiż u li jippermettu li l-konsum tal-enerġija effettiv tagħom ikun disponibbli filwaqt li jipprovdu informazzjoni dwar il-ħin effettiv tal-użu, skont l-Anness VI.

Raġuni

Billi l-prinċipju tas-sussidjarjetà huwa enfasizzat mir-relatur fl-abbozz ta’ opinjoni, l-Istati Membri jridu jżommu ċerta flessibbiltà biex jimplimentaw il-proposta billi d-differenzi fil-kostruzzjoni tal-bini jistgħu jolqtu l-użu tas-sħana mill-utenti aħħarin.

Bl-istess mod, l-ispejjeż ekonomiċi u ambjentali globali tal-proposta għandhom jiġu kkunsidrati biex tiġi żgurata l-effikaċja ġenerali tagħha. Dan jinkludi l-manutenzjoni, il-ġestjoni u l-ispejjeż tas-sostituzzjoni.

Minn naħa, ġie propost li l-miters intelliġenti jkopru l-firxa kollha ta’ karburanti. Min-naħa l-oħra, b'koerenza mal-kummenti ġenerali, ta’ min isemmi li l-utenti aħħarin għandhom ikunu jistgħu jiġġestixxi l-piż tagħhom u b'hekk inaqqsu l-konsum tagħhom tal-enerġija. Huwa importanti li jiġi speċifikat li l-implimentazzjoni ta’ dawn is-sistemi m'għandhiex tkun ta’ piż għall-utenti aħħarin.

Emenda 10

Artikolu 8 (3)

Test propost mill-Kummissjoni	Emenda tal-KtR
3. L-informazzjoni mill-kejl bil-miters u mill-kontijiet tal-konsum individwali tal-enerġija kif ukoll informazzjoni oħra msemmija fil-paragrafi 1, 2, 3 u fl-Anness VI, għandha tkun ipprovduta lill-klijenti aħħarin mingħajr ħlas.	3. L-informazzjoni mill-kejl bil-miters u mill-kontijiet tal-konsum individwali tal-enerġija kif ukoll informazzjoni oħra msemmija fil-paragrafi 1, 2, 3 u fl-Anness VI, għandha tkun ipprovduta lill-klijenti aħħarin mingħajr ħlas.rigward il-

Raġuni

Sabiex niżguraw li niftiehmu tajjeb, jidher opportun li jiġi speċifikat hawnhekk li huma biss il-persuni li jaġixxu f'isem il-klijent aħħari li jista' jkollhom aċċess għad-data personali. Il-bidla fil-kejl tal-fatturazzjoni lejn sistema ta’ inventarju intelliġenti tiġġenera data personali diġitali. Din l-informazzjoni għandha tiġi protetta f'isem il-kunfidenzjalità u l-protezzjoni tal-informazzjoni dwar il-konsum tal-klijent aħħari.

Emenda 11

Artikolu 8 (4) – Punt ġdid

Test propost mill-Kummissjoni	Emenda tal-KtR

Raġuni

Id-Direttiva ma tidħolx fid-dettall dwar il-benefiċċji mistennija mill-azzjonijiet individwali ta’ kull ċittadin. Il-livell tal-individwu m'għandux jiġi injorat fl-applikazzjoni tal-miżuri tal-effiċjenza enerġetika u s-sensibilizzazzjoni taċ-ċittadini hija vantaġġ li m'għandux jintesa biex jinkiseb l-għan tal-2020.

Emenda 12

Artikolu 10 (1)

Test propost mill-Kummissjoni

Emenda tal-KtR

Sal-1 ta’ Jannar 2014, l-Istati Membri għandhom jistabbilixxu pjan nazzjonali għat-tisħin u għat-tkessiħ u jinnotifikaw lill-Kummissjoni dwaru sabiex ikun żviluppat il-potenzjal għall-applikazzjoni ta’ koġenerazzjoni b'effiċjenza għolja u għal tisħin u tkessiħ distrettwali effiċjenti, li jkun fih l-informazzjoni stabbilita fl-Anness VII. Il-pjanijiet għandhom jiġu aġġornati u nnotifikati lill-Kummissjoni kull ħames snin. L-Istati Membri għandhom jiżguraw permezz tal-qafas regolatorju tagħhom li l-pjanijiet nazzjonali għat-tisħin u t-tkessiħ ikunu kkunsidrati fil-pjanijiet ta’ żvilupp lokali u reġjonali, inklużi l-pjanijiet għall-ispazju urban u rurali, u jkunu jissodisfaw il-kriterji ta’ disinn fl-Anness VII.

Sal-1 ta’ Jannar 2014, l-Istati Membri għandhom jistabbilixxu pjan nazzjonali għat-tisħin u għat-tkessiħ u jinnotifikaw lill-Kummissjoni dwaru, sabiex ikun żviluppat il-potenzjal għall-applikazzjoni ta’ koġenerazzjoni b'effiċjenza għolja u għal tisħin u tkessiħ distrettwali effiċjenti, li jkun fih l-informazzjoni stabbilita fl-Anness VII. Il-pjanijiet għandhom jiġu aġġornati u nnotifikati lill-Kummissjoni kull ħames snin. L-Istati Membri għandhom jiżguraw permezz tal-qafas regolatorju tagħhom li l-pjanijiet nazzjonali għat-tisħin u t-tkessiħ ikunu kkunsidrati fil-pjanijiet ta’ żvilupp lokali u reġjonali, inklużi l-pjanijiet għall-ispazju urban u rurali, u jkunu jissodisfaw il-kriterji ta’ disinn fl-Anness VII.

Raġuni

Huwa importanti li l-awtoritajiet lokali u reġjonali jiġu kkonsultati matul il-fażi ta’ tfassil u l-implimentazzjoni tal-pjani fir-rigward tat-tisħin u t-tkessiħ.

Emenda 13

Artikolu 10 (4)

Test propost mill-Kummissjoni

Emenda tal-KtR

4. L-Istati Membri jistgħu jistabbilixxu kundizzjonijiet għal eżenzjoni mid-dispożizzjonijiet tal-paragrafu 3 meta:

a)	il-kundizzjonijiet ta’ limitu relatati mad-disponibbiltà tat-tagħbija tas-sħana stabbiliti fil-punt 1 tal-Anness VIII ma jiġux sodisfatti;

b)	ir-rekwiżit fil-punt (b) tal-paragrafu 3 relatat mal-post fejn tkun tinsab l-installazzjoni ma jkunx jista' jiġi sodisfatt minħabba l-ħtieġa li installazzjoni tiġi lokalizzata qrib sit ta’ ħżin li għandu permess ġeoloġiku skont id-Direttiva 2009/31/KE; jew

c)	analiżi tar-relazzjoni bejn l-ispejjeż u l-benefiċċji turi li l-ispejjeż huma ikbar mill-benefiċċji meta pparagunati mal-ispejjeż kollha taċ-ċiklu tal-ħajja, inkluż l-investiment fl-infrastruttura, biex jiġi pprovdut l-istess ammont ta’ elettriku u ta’ sħana b'tisħin jew bi tkessiħ separat.

L-Istati Membri għandhom jinnotifikaw tali kundizzjonijiet għal eżenzjoni lill-Kummissjoni sal-1 ta’ Jannar 2014. Il-Kummissjoni tista' tirrifjuta dawk il-kundizzjonijiet jew tagħmel suġġerimenti għal modifiki fis-sitt (6) xhur ta’ wara n-notifika. F'dan il-każ, il-kundizzjonijiet għall-eżenzjoni ma għandhomx ikunu applikati mill-Istat Membru kkonċernat sakemm il-Kummissjoni espressament taċċetta l-kundizzjonijiet li jkunu reġgħu tressqu jew immodifikati

4. L-Istati Membri jistgħu jistabbilixxu kundizzjonijiet għal eżenzjoni mid-dispożizzjonijiet tal-paragrafu 3 meta:

a)	il-kundizzjonijiet ta’ limitu relatati mad-disponibbiltà tat-tagħbija tas-sħana stabbiliti fil-punt 1 tal-Anness VIII ma jiġux sodisfatti;

b)	ir-rekwiżit fil-punt (b) tal-paragrafu 3 relatat mal-post fejn tkun tinsab l-installazzjoni ma jkunx jista' jiġi sodisfatt minħabba l-ħtieġa li installazzjoni tiġi lokalizzata qrib sit ta’ ħżin li għandu permess ġeoloġiku skont id-Direttiva 2009/31/KE; jew

c)	analiżi tar-relazzjoni bejn l-ispejjeż u l-benefiċċji turi li l-ispejjeż huma ikbar mill-benefiċċji meta pparagunati mal-ispejjeż kollha taċ-ċiklu tal-ħajja, inkluż l-investiment fl-infrastruttura, biex jiġi pprovdut l-istess ammont ta’ elettriku u ta’ sħana b'tisħin jew bi tkessiħ separat;

Raġuni

Apparti l-koġenerazzjoni b'rendiment għoli, impjanti tal-elettriku ġodda li jaħdmu bil-gass jew bil-faħam u li jkollhom rendiment għoli jistgħu jiġu awtorizzati b'mod simili mill-Istati Membri għal raġunijiet ekonomiċi u ta’ stabbilità tan-netwerk. L-eżenzjonijiet previsti mill-proposta għal Direttiva, li għandhom jiġu analizzati minn qabel mill-Kummissjoni, mhumiex biżżejjed f'dan ir-rigward. Il-valutazzjoni tal-utilità ekonomika ta’ impjant u tal-kontribut tiegħu għall-istabbilità tan-netwerks għandha tibqa' r-responsabbiltà tal-Istati Membri.

Emenda 14

Artikolu 19(4)

Test propost mill-Kummissjoni

Emenda tal-KtR

Il-Kummissjoni għandha tevalwa r-rapporti annwali u r-rapporti supplimentari u għandha tivvaluta kemm għamlu progress l-Istati Membri sabiex jilħqu l-miri nazzjonali tal-effiċjenza enerġetika mitluba mill-Artikolu 3(1) u sabiex tiġi implimentata din id-Direttiva. Il-Kummissjoni għandha tibgħat il-valutazzjoni tagħha lill-Parlament Ewropew u lill-Kunsill. Fuq il-bażi tal-valutazzjoni tagħha tar-rapporti, il-Kummissjoni tista' toħroġ rakkomandazzjonijiet lill-Istati Membri.

Raġuni

F'punt 13 tar-rakkomandazzjonijiet ta’ politika tiegħu, il-Kumitat tar-Reġjuni jenfasizza r-rwol kruċjali tal-atturi reġjonali u lokali fil-proċess tal-implimentazzjoni tal-programmi ta’ effiċjenza enerġetika. F'dan il-kuntest, qed jiġi propost li jiżdied il-livell ta’ parteċipazzjoni permezz ta’ għadd ta’ miżuri, b'mod partikolari dawk imsemmija hawn fuq fil-punt 13d) ta’ din l-opinjoni li jħeġġu lill-awtoritajiet lokali u reġjonali jimplimentaw mekkaniżmi ta’ osservazzjoni u ta’ kontabbiltà tal-enerġija u tal-gassijiet b'effett ta’ serra bil-għan li jitjiebu d-deċiżjonijiet politiċi. Biex jitwaqqfu dawn il-mekkaniżmi li ser iservu ta’ bażi għat-tfassil ta’ rapporti annwali u addizzjonali flimkien mal-Istati Membri, li fl-aħħar ser jiġu evalwati mill-Kummissjoni, jeħtieġ li jiġu provduti l-mezzi li jagħtu aċċess għal informazzjoni aktar kompluta minn dik provduta mill-operaturi fil-qasam tal-enerġija.

Emenda 15

Artikolu 19(8-9)

Test propost mill-Kummissjoni

Emenda tal-KtR

Sat-30 ta’ Ġunju 2018, il-Kummissjoni għandha tirrapporta lill-Parlament Ewropew u lill-Kunsill dwar l-implimentazzjoni tal-Artikolu 6. Dak ir-rapport għandu jkun segwit, jekk dan ikun xieraq, minn proposta leġiżlattiva għal fini wieħed jew iktar minn dawn li ġejjin:

a)	sabiex tinbidel ir-rata tal-iffrankar stabbilita fl-Artikolu 6(1);

b)	sabiex ikunu stabbiliti rekwiżiti komuni addizzjonali, b'mod partikolari fir-rigward tal-kwistjoni msemmija fl-Artikolu 6(5);

9. Sat-30 ta’ Ġunju 2018, il-Kummissjoni għandha tivvaluta l-progress li għamlu l-Istati Membri sabiex ineħħu l-ostakli regolatorji u mhux regolatorji msemmija fl-Artikolu 15(1); din il-valutazzjoni għandha tkun segwita, jekk dan ikun xieraq, minn proposta leġiżlattiva.

Sat-30 ta’ Ġunju , il-Kummissjoni għandha tirrapporta lill-Parlament Ewropew u lill-Kunsill dwar l-implimentazzjoni tal-Artikolu 6. Dak ir-rapport għandu jkun segwit, jekk dan ikun xieraq, minn proposta leġiżlattiva għal fini wieħed jew iktar minn dawn li ġejjin:

a)	sabiex tinbidel ir-rata tal-iffrankar stabbilita fl-Artikolu 6(1);

b)	sabiex ikunu stabbiliti rekwiżiti komuni addizzjonali, b'mod partikolari fir-rigward tal-kwistjoni msemmija fl-Artikolu 6(5);

9. Sat-30 ta’ Ġunju , il-Kummissjoni għandha tivvaluta l-progress li għamlu l-Istati Membri sabiex ineħħu l-ostakli regolatorji u mhux regolatorji msemmija fl-Artikolu 15(1); din il-valutazzjoni għandha tkun segwita, jekk dan ikun xieraq, minn proposta leġiżlattiva.

Raġuni

Id-dati intermedji msemmija jidhru li mhumiex adatti. L-iskadenzi tal-2018 jidhru wisq viċin l-iskadenza tal-2020 biex tittieħed azzjoni ta’ importanza. Il-Kumitat jirrakkomanda wkoll li jitnaqqsu dawn l-iskadenzi, għall-2016 biex jintbagħat ir-rapport dwar l-implimentazzjoni tal-iskemi tal-obbligu għall-effiċjenza enerġetika, u għall-2014 għall-valutazzjoni tal-progress li jkun sar mill-Istati Membri fit-tneħħija tal-ostakli regolatorji u ta’ dawk mhux regolatorji.

Emenda 16

Artikolu ġdid - Artikolu 15

Test propost mill-Kummissjoni

Emenda tal-KtR

Raġuni

It-taħriġ tal-esperti u l-professjonisti tas-settur marbuta mal-effiċjenza enerġetika huwa neċessarju biex jinkisbu l-objettivi tat-twettiq tal-miżuri tal-effiċjenza enerġetika kif ukoll biex jiġu żgurati l-kwalità u l-effikaċja tal-operazzjonijiet involuti. L-awtoritajiet reġjonali u lokali huma kruċjali fl-iżvilupp u l-implimentazzjoni ta’ dan it-taħriġ.

Emenda 17

Anness III

Test propost mill-Kummissjoni

Emenda tal-KtR

Rekwiżiti tal-effiċjenza enerġetika għax-xiri ta’ prodotti, servizzi u bini minn korpi pubbliċi

Il-korpi pubbliċi li jixtru prodotti, servizzi jew bini għandhom:

fejn prodott ikun kopert minn att iddelegat li ġie adottat skont id-Direttiva 2010/30/UE jew id-Direttiva tal-Kummissjoni li timplimenta d-Direttiva 92/75/KEE, jixtru biss prodotti li jkunu konformi mal-kriterju li jkunu jappartjenu għall-ogħla klassi ta’ effiċjenza enerġetika filwaqt li jqisu l-kosteffikaċja, il-fattibbiltà ekonomika u adegwatezza teknika, kif ukoll kompetizzjoni suffiċjenti;

b)	fejn prodott li ma jkunx kopert taħt il-punt a) ikun kopert b'miżura ta’ implimentazzjoni skont id-Direttiva 2009/125/KE adottata wara d-dħul fis-seħħ ta’ din id-Direttiva, jixtru biss prodotti li jikkonformaw mal-parametri tal-effikaċja enerġetika speċifikati f'dik il-miżura ta’ implimentazzjoni;

c)	jixtru prodotti ta’ tagħmir tal-uffiċċji koperti mid-Deċiżjoni tal-Kunsill [2006/1005/KE] li jkunu konformi ma’ rekwiżiti ta’ effiċjenza enerġetika mhux inqas stretti minn dawk elenkati fl-Anness C għall-Ftehim mehmuż ma’ dik id-Deċiżjoni;

jixtru biss tajers li jkunu konformi mal-kriterju li jkollhom l-ogħla klassi tal-effiċjenza enerġetika fl-użu tal-fjuwil, kif ġie ddefinit fir-Regolament (KE) Nru 1222/2009. Dan ir-rekwiżit ma għandux jipprevjeni lill-korpi pubbliċi milli jixtru tajers bl-ogħla klassi tal-qbid fuq l-imxarrab jew tal-istorbju estern tad-tidwir, fejn dan ikun iġġustifikat minn raġunijiet ta’ sikurezza jew ta’ saħħa pubblika;

e)	jeżiġu fis-sejħiet għall-offerti għal kuntratti ta’ servizzi li l-fornituri tas-servizzi jużaw, għall-għanijiet tal-forniment tas-servizzi involuti, biss prodotti li jkunu konformi mar-rekwiżiti msemmija fil-punti (a) sa (d), meta jipprovdu s-servizzi inkwistjoni;

f)	jixtru jew jikru biss bini li jkun konformi mill-inqas mar-rekwiżiti minimi tal-prestazzjoni tal-enerġija msemmija fl-Artikolu 4(1). Il-konformità ma’ dawn ir-rekwiżiti għandha tkun ivverifikata permezz taċ-ċertifikat tal-prestazzjoni tal-enerġija msemmi fl-Artikolu 11 tad-Direttiva 2010/31/UE.

Rekwiżiti tal-effiċjenza enerġetika għax-xiri ta’ prodotti, servizzi u bini minn korpi pubbliċi

Il-korpi pubbliċi li jixtru prodotti, servizzi jew bini għandhom:

b)	fejn prodott li ma jkunx kopert taħt il-punt a) ikun kopert b'miżura ta'implimentazzjoni skont id-Direttiva 2009/125/KE adottata wara d-dħul fis-seħħ ta’ din id-Direttiva, jixtru biss prodotti li jikkonformaw mal-parametri tal-effikaċja enerġetika speċifikati f'dik il-miżura ta’ implimentazzjoni;

c)	jixtru prodotti ta’ tagħmir tal-uffiċċji koperti mid-Deċiżjoni tal-Kunsill [2006/1005/KE] li jkunu konformi ma’ rekwiżiti ta’ effiċjenza enerġetika mhux inqas stretti minn dawk elenkati fl-Anness C għall-Ftehim mehmuż ma’ dik id-Deċiżjoni;

f)	jixtru jew jikru biss bini li jkun konformi mill-inqas mar-rekwiżiti minimi tal-prestazzjoni tal-enerġija msemmija fl-Artikolu 4(1). Il-konformità ma’ dawn ir-rekwiżiti għandha tkun ivverifikata permezz taċ-ċertifikat tal-prestazzjoni tal-enerġija msemmi fl-Artikolu 11 tad-Direttiva 2010/31/UE.

Raġuni

Filwaqt li jirrikonoxxi li l-għan ta’ dan l-inċiż huwa li l-korpi pubbliċi jwessgħu l-ambitu tad-Direttiva għall-provvedituri tas-servizzi, u b'hekk jinħoloq effett ta’ multiplikatur, l-analiżi fid-dettall tar-rispett mill-partijiet kontraenti tal-eżiġenzi stabbiliti minn din il-miżura timponi piż amministrattiv u finanzjarju konsiderevoli u tmur lil hinn mill-kontroll prudenzjali tal-provvediment ta’ servizz, li tippermetti li tiġi stabbilita l-konformità tas-sejħa għall-offerti mal-ispeċifikazzjonijiet.

Brussell, 14 ta’ Diċembru 2011.

Il-President tal-Kumitat tar-Reġjuni

Mercedes BRESSO

(1) COM(2011) 0109 finali – Pjan Ewropew għall-Effiċjenza Enerġetika 2011.

(2) Il-premessa (13) tiddeskrivi t-twaqqif ta’ miżuri nazzjonali biex jinkiseb l-objettiv ta’ 20 % fl-effiċjenza enerġetika. Jekk it-tisħiħ tal-qafas politiku jirriżulta neċessarju biex jinkiseb dan il-għan, il-proċess f'żewġ fażijiet għal sistema ta’ objettivi vinkolanti jiġi stabbilit premezz ta': 1. id-definizzjoni mill-Istati Membri tal-objettivi fakultattivi jew vinkolanti, tas-sistemi u tal-programmi nazzjonali fir-rigward tal-effiċjenza enerġetika; u 2. il-valutazzjoni mill-Kummissjoni tal-possibbiltà li l-objettiv jinkiseb bis-saħħa tal-objettivi stabbiliti minn qabel. Jekk il-valutazzjoni tirriżulta negattiva, il-Kummissjoni jkollha tiddefinixxi l-objettivi nazzjonali għall-2020, b'kunsiderazzjoni tas-sitwazzjoni minn fejn ikun beda kull Stat Membri, il-prestazzjoni ekonomika tiegħu u l-miżuri li jkunu ttieħdu fí stadju bikri.

(3) L-iskemi ta’ obbligu għall-iffrankar tal-enerġija, bħal dawk definiti fl-Artikolu 6(1) tal-proposta għal Direttiva, huma dawk il-miżuri kollha stabbiliti biex jiżguraw li jew id-distributuri tal-enerġija kollha jew il-kumpaniji kollha tal-bejgħ tal-enerġija fil-livell tal-konsumatur li joperaw fit-territorju ta’ Stat Membru kull sena jiffrankaw enerġija ekwivalenti għal 1,5 % tal-bejgħ tal-enerġija tagħhom, bil-volum, fis-sena preċedenti fl-Istat Membru kkonċernat minbarra l-enerġija użata għat-trasport.

(4) COM(2011) 112 finali

Top

All

Choose the experimental features you want to try