This document is an excerpt from the EUR-Lex website
Document 52008PC0222
Proposal for a Council Decision on the signature and provisional application of the agreement in the form of an exchange of letters between the European Community and Ukraine in relation to preservation of commitments on trade in services contained in the partnership and cooperation agreement
Proposta għal deċiżjoni tal-Kunsill dwar il-firma u l-applikazzjoni provviżorja tal-ftehim fil-forma ta' Skambju ta' Ittri bejn il-Komunità Ewropea u l-Ukraina fir-rigward taż-żamma ta' impenji dwar il-kummerċ fis-servizzi inklużi fil-ftehim ta' shubija u kooperazzjoni
Proposta għal deċiżjoni tal-Kunsill dwar il-firma u l-applikazzjoni provviżorja tal-ftehim fil-forma ta' Skambju ta' Ittri bejn il-Komunità Ewropea u l-Ukraina fir-rigward taż-żamma ta' impenji dwar il-kummerċ fis-servizzi inklużi fil-ftehim ta' shubija u kooperazzjoni
/* KUMM/2008/0222 finali */
Proposta għal deċiżjoni tal-Kunsill dwar il-firma u l-applikazzjoni provviżorja tal-ftehim fil-forma ta' Skambju ta' Ittri bejn il-Komunità Ewropea u l-Ukraina fir-rigward taż-żamma ta' impenji dwar il-kummerċ fis-servizzi inklużi fil-ftehim ta' shubija u kooperazzjoni /* KUMM/2008/0222 finali */
[pic] | KUMMISSJONI TAL-KOMUNITAJIET EWROPEJ | Brussel 28.4.2008 KUMM(2008) 222 finali Proposta għal DEĊIŻJONI TAL-KUNSILL dwar il-firma u l-applikazzjoni provviżorja tal-Ftehim fil-forma ta' Skambju ta' Ittri bejn il-Komunità Ewropea u l-Ukraina fir-rigward taż-żamma ta' impenji dwar il-kummerċ fis-servizzi inklużi fil-Ftehim ta' Sħubija u Kooperazzjoni (preżentata mill-Kummissjoni) MEMORANDUM TA’ SPJEGAZZJONI Skond l-Artikolu 44 tal-Ftehim ta’ Sħubija u Kooperazzjoni bejn il-Komunitajiet Ewropej u l-Istati Membri tagħhom u l-Ukraina (minn issa ’l quddiem “FSK”), l-impenji meħuda skond il-GATS fil-kuntest tad-dħul ta’ l-Ukraina fid-WTO awtomatikament se jieħdu post l-impenji dwar il-kummerċ fis-servizzi li jinsabu fl-FSK. Fil-kuntest tal-proċess tagħha għad-dħul fid-WTO, l-Ukraina offriet impenji ta’ GATS li sostanzjalment ikopru l-impenji ta’ l-Ukraina skond l-FSK, ħlief għall-Artikolu 39, paragrafu 3, tiegħu. L-Ukraina, madankollu, offriet li żżomm din id-dispożizzjoni ta' l-FSK permezz ta’ ftehim bilaterali barra mill-kuntest tad-WTO. Sabiex jiġi formalizzat dan il-ftehim, fit-23 ta' April 2007, il-Kunsill għall-Affarijiet Ġenerali u r-Relazzjonijiet Esterni adotta direttivi ta' negozjati li jawtorizzaw lill-Kummissjoni biex tinnegozja ftehim internazzjonali li jorbot fil-kuntest tal-FSK fil-forma ta' Skambju ta' Ittri ma' l-Ukraina biex jinżammu l-impenji dwar il-kummerċ fis-servizzi inklużi fil-Ftehim ta’ Sħubija u Kooperazzjoni ma’ l-Ukraina ladarba dan il-pajjiż ikun daħal fid-WTO. Intlaħaq ftehim fuq it-test ta' l-iskambju formali ta' l-ittri. Il-Ftehim ma jinvolvix li l-KE jieħdu xi impenji li jmorru lilhinn mill-obbligi attwali tagħhom skond il-GATS u l-FSK. Il-Ftehim inbeda fit-18 ta' Frar 2008. Għalhekk, il-Kummissjoni tipproponi li l-Kunsill jikkonsulta mal-Parlament Ewropew dwar il-Ftehim innegozjat u jadotta l-proposta mehmuża sakemm jintemmu l-proċeduri istituzzjonali biex jiġi konkluż il-Ftehim.. Proposta għal DEĊIŻJONI TAL-KUNSILL dwar il-firma u l-applikazzjoni provviżorja tal-Ftehim fil-forma ta' Skambju ta' Ittri bejn il-Komunità Ewropea u l-Ukraina fir-rigward taż-żamma ta' impenji dwar il-kummerċ fis-servizzi inklużi fil-Ftehim ta' Sħubija u Kooperazzjoni IL-KUNSILL TA’ L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikoli 71(1) u 80(2) tiegħu flimkien ma' l-ewwel sentenza ta' l-ewwel subparagrafu ta’ l-Artikolu 300(2) tiegħu, Wara li kkunsidra l-proposta tal-Kummissjoni, Billi: (1) Fl-14 ta' Ġunju 1994 il-Komunità Ewropea u l-Istati Membri tagħha u l-Ukraina ffirmaw fil-Lussemburgu l-Ftehim ta' Sħubija u Kooperazzjoni (FSK) li daħal fis-seħħ fl-1 ta' Marzu 1998. (2) Skond l-Artikolu 44 ta' l-FSK, l-impenji meħuda skond il-GATS fil-kuntest tad-dħul ta’ l-Ukraina fid-WTO awtomatikament se jieħdu post l-impenji dwar il-kummerċ fis-servizzi li jinsabu fl-FSK. (3) L-Artikolu 39, paragrafu 3, ta' l-FSK mhuwiex rifless fl-impenji tal-GATS offruti mill-Ukraina fil-kuntest tad-dħul tagħha fid-WTO u għalhekk għandu jinżamm fuq bażi bilaterali. (4) Fuq il-bażi ta’ awtorizzazzjoni mogħtija mill-Kunsill tat-23 ta’ April 2007, il-Kummissjoni nnegozjat, f’isem il-Komunità, ftehim fil-forma ta’ Skambju ta’ Ittri bejn il-Komunità Ewropea u l-Ukraina li żżomm l-Artikolu 39, paragrafu 3 ta’ l-FSK, li nbeda fit-18 ta’ Frar 2008. (5) Il-Ftehim ma jinvolvix li l-KE tieħu xi impenji li jmorru lil hinn mill-obbligi attwali tagħha skond il-GATS u l-FSK. (6) Il-Ftehim għandu jiġi ffirmat f’isem il-Komunità Ewropea u jiġi applikat fuq bażi provviżorja sakemm jiġi konkluż f’data iktar tard. IDDEĊIEDA KIF ĠEJ: Artikolu 1 L-iffirmar tal-Ftehim, fil-qafas tal-Ftehim ta' Sħubija u Kooperazzjoni, u fil-forma ta' Skambju ta' Ittri bejn il-Komunità Ewropea u l-Ukraina bil-ħsieb li jinżammu l-impenji marbuta mal-kummerċ fis-servizzi inklużi fil-Ftehim ta’ Sħubija u Kooperazzjoni ma’ l-Ukraina ladarba dan il-pajjiż ikun daħal fid-WTO, huwa hawnhekk approvat f’isem il-Komunità, suġġett għal Deċiżjoni tal-Kunsill li tikkonċerna l-konklużjoni ta’ dan il-Ftehim. It-test tal-Ftehim fil-forma ta' Skambju ta' Ittri huwa mehmuż ma' din id-Deċiżjoni. Artikolu 2 Il-President tal-Kunsill huwa hawnhekk awtorizzat li jaħtar il-persuna/i mogħtija l-poter li jiffirma/w il-Ftehim f'isem il-Komunità suġġett għall-konklużjoni tiegħu. Artikolu 3 Il-Ftehim għandu jiġi applikat fuq bażi provviżorja sakemm jintemmu l-proċeduri għall-konklużjoni. Il-Kummissjoni għandha tippubblika notifika li tagħti tagħrif dwar id-data ta’ l-applikazzjoni provviżorja. Artikolu 4 Din id-Deċiżjoni għandha tiġi ppubblikata fil- Ġurnal Uffiċjali ta’ l-Unjoni Ewropea . Magħmula fi Brussell, Għall-Kunsill Il-President ANNESS FTEHIM FIL-FORMA TA’ SKAMBJU TA' ITTRI bejn il-Komunità Ewropea u l-Ukraina b'relazzjoni maż-żamma ta' impenji dwar il-kummerċ fis-servizzi inklużi fil-Ftehim ta' Sħubija u Kooperazzjoni. A. Ittra mill-Ukraina Sinjur, B’rabta ma’ l-iffirmar, fis-17 ta’ Marzu 2003, tal-ftehim bilaterali bejn il-KE u l-Ukraina għad-dħul ta’ l-Ukraina fid-WTO, u bħala parti minn dak il-ftehim, id-delegazzjonijiet tal-KE u ta’ l-Ukraina qablu li jżommu d-dispożizzjonijiet dwar it-trasport marittimu internazzjonali tal-Ftehim ta’ Sħubija u Kooperazjoni bejn il-Komunitajiet Ewropej u l-Istati Membri tagħhom minn naħa waħda, u l-Ukraina, min-naħa l-oħra, iffirmat fl-14 ta’ Ġunju 1994 fil-Lussemburgu. Dan il-ftehim għandu jitfassal kif ġej: IL-KOMUNITÀ EWROPEA U L-UKRAINA WARA LI KKUNSIDRAW l-Artikolu 5 tal-Ftehim ta' Sħubija u Kooperazzjoni bejn il-Komunitajiet Ewropej u l-Istati Membri tagħhom, minn naħa waħda, u l-Ukrajna min-naħa l-oħra, iffirmat fl-14 ta' Ġunju 1994 fil-Lussemburgu (minn issa ’l quddiem “il-FSK”); FILWAQT LI JIKKUNSIDRAW l-impenn tal-Partijiet biex jilliberalizzaw il-kummerċ, ibbażat fuq il-prinċipji tal-Ftehim tal-WTO u tal-Ftehimiet Multilaterali dwar il-Kummerċ annessi hemmhekk; KONXJI mill-ħtieġa li jittejbu l-kundizzjonijiet li jaffettwaw il-kummerċ fis-servizzi bejn il-Partijiet, fuq bażi ta' reċiproċità; WARA LI KKUNSIDRAW is-sitwazzjoni li rriżultat mid-dħul ta’ l-Ukraina fid-WTO u l-impatt tagħha fuq id-dispożizzjonijiet tal-FSK dwar in-negozju u l-investiment; IDDEĊIDEW KIF ĠEJ, Artikolu Uniku Trasport Marittimu Internazzjonali Minkejja d-dispożizzjonijiet ta’ l-Artikolu 44 tal-FSK, wara d-dħul ta’ l-Ukraina fid-WTO, id-dispożizzjonijiet tal-FSK li ġejjin se jkomplu japplikaw bejn il-Partijiet: - L-Artikolu 39, paragrafu 3, flimkien ma’ l-artikolu 32 (g), fil-qasam tat-trasport marittimu internazzjonali. Inkun grat jekk tikkonferma li l-KE japprovaw dan it-test u tibgħatli t-tweġiba tiegħek iffirmata mill-awtorità kompetenti tal-Komunità Ewropea. Għandi l-unur li nipproponi li din l-ittra u l-konferma tiegħek bi tweġiba jikkostitwixxu ftehim bejn l-awtoritajiet kompetenti li għandu jitqies bħala parti integrali mill-Ftehim ta’ Sħubija u Kooperazzjoni ffirmat fl-14 ta’ Ġunju 1994 fil-Lussemburgu. Dan il-ftehim m’għandux jiġi affettwat mill-iskadenza eventwali tal-Ftehim ta’ Sħubija u kooperazzjoni, u dan skond l-Artikolu 101 tiegħu. Għoddni dejjem tiegħek, F'isem l-Ukraina B. Ittra mill-Komunità Ewropea Sinjur, Grazzi ta' l-ittra datata _______________, li taqra hekk: “Sinjur, B’rabta ma’ l-iffirmar, fis-17 ta’ Marzu 2003, tal-ftehim bilaterali bejn il-KE u l-Ukraina għad-dħul ta’ l-Ukraina fid-WTO u bħala parti minn dak il-ftehim, id-delegazzjonijiet tal-KE u ta’ l-Ukraina qablu li jżommu d-dispożizzjonijiet dwar it-trasport marittimu internazzjonali tal-Ftehim ta’ Sħubija u Kooperazjoni bejn il-Komunitajiet Ewropej u l-Istati Membri tagħhom, minn naħa waħda, u l-Ukraina, min-naħa l-oħra, iffirmat fl-14 ta’ Ġunju 1994 fil-Lussemburgu. Dan il-ftehim għandu jitfassal kif ġej: IL-KOMUNITÀ EWROPEA U L-UKRAINA, WARA LI KKUNSIDRAW l-Artikolu 5 tal-Ftehim ta' Sħubija u Kooperazzjoni bejn il-Komunitajiet Ewropej u l-Istati Membri tagħhom, minn naħa waħda, u l-Ukraina min-naħa l-oħra, iffirmat fl-14 ta' Ġunju 1994 fil-Lussemburgu (minn issa ’l quddiem “il-FSK”); FILWAQT LI JIKKUNSIDRAW l-impenn tal-Partijiet biex jilliberalizzaw il-kummerċ, ibbażat fuq il-prinċipji tal-Ftehim tal-WTO u tal-Ftehimiet Multilaterali dwar il-Kummerċ annessi hemmhekk; KONXJI mill-ħtieġa li jittejbu l-kundizzjonijiet li jaffettwaw il-kummerċ fis-servizzi bejn il-Partijiet, fuq bażi ta' reċiproċità; WARA LI KKUNSIDRAW is-sitwazzjoni li rriżultat mid-dħul ta’ l-Ukraina fid-WTO u l-impatt tagħha fuq id-dispożizzjonijiet tal-FSK dwar in-negozju u l-investiment; IDDEĊIDEW KIF ĠEJ, Artikolu Uniku Trasport Marittimu Internazzjonali Minkejja d-dispożizzjonijiet ta’ l-Artikolu 44 tal-FSK, wara d-dħul ta’ l-Ukraina fid-WTO, id-dispożizzjonijiet tal-FSK li ġejjin se jkomplu japplikaw bejn il-Partijiet: - L-Artikolu 39, paragrafu 3, flimkien ma’ l-Artikolu 32 (g), fil-qasam tat-trasport marittimu internazzjonali. Inkun grat jekk tikkonferma li l-KE japprovaw dan it-test u tibgħatli t-tweġiba tiegħek iffirmata mill-awtorità kompetenti tal-Komunità Ewropea. Għandi l-unur li nipproponi li din l-ittra u l-konferma tiegħek bi tweġiba jikkostitwixxu ftehim bejn l-awtoritajiet kompetenti li għandu jitqies bħala parti integrali mill-Ftehim ta’ Sħubija u Kooperazzjoni ffirmat fl-14 ta’ Ġunju 1994 fil-Lussemburgu. Dan il-ftehim m’għandux jiġi affettwat mill-iskadenza eventwali tal-Ftehim ta’ Sħubija u Kooperazzjoni, u dan skond l-Artikolu 101 tiegħu. Għoddni dejjem tiegħek." Nikkonferma li l-ittra kkwotata hawn fuq u t-tweġiba tiegħi għaliha jistabbilixxu ftehim formali bejn il-Komunità Ewropea u l-Ukraina. Għoddni dejjem tiegħek. [F’isem il-Komunità Ewropea] DIKJARAZZJONI FINANZJARJA LEĠIŻLATTIVA GĦAL PROPOSTI LI L-IMPATT TAGĦHOM FUQ IL-BAĠIT HU ESKLUSIVAMENT LIMITAT GĦAD-DĦUL 1. L-ISEM TAL-PROPOSTA: Id-Deċiżjoni tal-Kunsill dwar il-firma u l-applikazzjoni provviżorja tal-Ftehim fil-forma ta' Skambju ta' Ittri bejn il-Komunità Ewropea u l-Ukraina fir-rigward taż-żamma ta' impenji dwar il-kummerċ fis-servizzi inklużi fil-Ftehim ta' Sħubija u Kooperazzjoni 2. IL-LINJI TAL-BAĠIT: Il-Kapitolu u l-Artikolu: 120 Ammont stmat għas-sena kkonċernata (2008): 16.431.900.000 euro 3. IMPATT FINANZJARJU: ( Il-proposta ma għandha l-ebda implikazzjoni finanzjarja ( Il-proposta ma għandha l-ebda impatt finanzjarju fuq l-infiq, iżda għandha impatt finanzjarju fuq id-dħul – l-effett huwa kif ġej: (€ miljun għal punt deċimali wieħed) Linja tal-baġit | Dħul[1] | Perjodu ta’ 12-il xahar li jibda minn jj/xx/ssss | [Sena n] | L-Artikolu ... | L-impatt fuq ir-riżorsi proprji | L-Artikolu ... | L-impatt fuq ir-riżorsi proprji | Is-Sitwazzjoni wara l-azzjoni | [n+1] | [n+2] | [n+3] | [n+4] | [n+5] | L-Artikolu ... | L-Artikolu ... | 4. MIŻURI KONTRA L-FRODI 5. RIMARKI OĦRAJN [1] Fir-rigward tar-riżorsi proprji tradizzjonali (dazji fuq l-agrikoltura, taxxi fuq iz-zokkor, dazji doganali), l-ammonti indikati għandhom ikunu ammonti netti, jiġifieri l-ammonti grossi wara t-tnaqqis ta’ 25 % ta’ l-ispejjeż tal-ġbir.