This document is an excerpt from the EUR-Lex website
Document 52008DC0620
Report from the Commission to the Council and the European Parliament - Evaluation of the implementation of Directive 98/8/EC concerning the placing of biocidal products on the market (submitted in accordance with Article 18(5) of the Directive) and progress Report on the work programme referred to in Article 16(2) of the same Directive
Rapport mill-Kummissjoni lill-Kunsill u lill-Parlament Ewropew - Evalwazzjoni tal-implimentazzjoni tad-Direttiva 98/8/KE dwar it-tqegħid fis-suq tal-prodotti bijoċidali (ippreżentata skont l-Artikolu 18(5) tad-Direttiva) u Rapport ta’ progress dwar il-programm ta’ ħidma msemmi fl-Artikolu 16(2) tal-istess Direttiva
Rapport mill-Kummissjoni lill-Kunsill u lill-Parlament Ewropew - Evalwazzjoni tal-implimentazzjoni tad-Direttiva 98/8/KE dwar it-tqegħid fis-suq tal-prodotti bijoċidali (ippreżentata skont l-Artikolu 18(5) tad-Direttiva) u Rapport ta’ progress dwar il-programm ta’ ħidma msemmi fl-Artikolu 16(2) tal-istess Direttiva
/* KUMM/2008/0620 finali/2 */
Rapport mill-Kummissjoni lill-Kunsill u lill-Parlament Ewropew - Evalwazzjoni tal-implimentazzjoni tad-Direttiva 98/8/KE dwar it-tqegħid fis-suq tal-prodotti bijoċidali (ippreżentata skont l-Artikolu 18(5) tad-Direttiva) u Rapport ta’ progress dwar il-programm ta’ ħidma msemmi fl-Artikolu 16(2) tal-istess Direttiva /* KUMM/2008/0620 finali/2 */
[pic] | KUMMISSJONI TAL-KOMUNITAJIET EWROPEJ | Brussel 8.10.2008 KUMM(2008) 620 finali RAPPORT MILL-KUMMISSJONI LILL-KUNSILL U LILL-PARLAMENT EWROPEW Evalwazzjoni tal-implimentazzjoni tad-Direttiva 98/8/KE dwar it-tqegħid fis-suq tal-prodotti bijoċidali (ippreżentata skont l-Artikolu 18(5) tad-Direttiva) u rapport ta’ progress dwar il-programm ta’ ħidma msemmi fl-Artikolu 16(2) tal-istess Direttiva RAPPORT MILL-KUMMISSJONI LILL-KUNSILL U LILL-PARLAMENT EWROPEW Evalwazzjoni tal-implimentazzjoni tad-Direttiva 98/8/KE dwar it-tqegħid fis-suq tal-prodotti bijoċidali (ippreżentata skont l-Artikolu 18(5) tad-Direttiva) u rapport ta’ progress dwar il-programm ta’ ħidma msemmi fl-Artikolu 16(2) tal-istess Direttiva 1. DAħLA Id-Direttiva 98/8/KE tal-Parlament Ewropew u tal-Kummissjoni, adottata fis-16 ta' Frar 1998, tirregola t-tqegħid ta' prodotti bijoċidali fis-suq tal-UE. Tistabbilixxi sistema armonizzata Komunitarja għall-awtorizzazzjoni u tqegħid fis-suq tal-prodotti bijoċidali; għar-rikonoxximent reċiproku ta' dawn l-awtorizzazzjonijiet fi ħdan l-Komunità; u għall-istabbiliment fil-livell Komunitarju ta’ lista pożittiva tas-sustanzi attivi li jistgħu jintużaw fil-prodotti bijoċidali. Din id-Direttiva għandha l-għan li tiżgura livell għoli ta’ protezzjoni għas-saħħa tal-bniedem u tal-annimali u għall ambjent. Fost diversi azzjonijiet, id-Direttiva stabbilixxiet programm ta’ ħidma ta’ 10 snin għall-eżami sistematiku tas-sustanzi attivi li jintużaw fi prodotti bijoċidali li kienu fis-suq qabel ma daħlet fis-seħħ. Matul dan il-perjodu ta’ 10 snin, l-Istati Membri jistgħu jkomplu japplikaw l-istrutturi tagħhom għat-tqegħid fis-suq tal-prodotti bijoċidali. Qabel ma daħlet fis-seħħ id-Direttiva, ħafna mill-Istati Membri ma kellhomx sistemi leġiżlattivi kompleti għal dawn il-prodotti. F’dawn l-aħħar tmien snin, is-sustanzi attivi li jintużaw tpoġġew f’inventarju b’mod sistematiku u ġie stabbilit programm għall-evalwazzjoni ta’ dawn is-sustanzi. L-implimentazzjoni tad-Direttiva wasslet biex dawk is-sustanzi attivi li kellhom użu marġinali, flimkien ma’ għadd ta’ sustanzi li huma ta' ħsara għall-ambjent u għas-saħħa, ma tħallewx jintużaw aktar. Ġie stabbilit proċess ta’ evalwazzjoni tas-sustanzi attivi, permezz ta’ sistema rigoruża ta’ reviżjoni inter pares . Dan l-ammont kbir ta’ xogħol issa għandu jservi bħala bażi għall-evalwazzjoni tas-sustanzi attivi li jkun għad fadal fis-snin li ġejjin, u għall-fażi tal-approvazzjoni tal-prodotti matul l-għaxar snin li jmiss. Ir-rapport jidentifika għadd ta’ dispożizzjonijiet tad-Direttiva li għandhom jitqiesu fir-reviżjoni tagħha li jmiss. 2. IL-KUNTEST TAR-RAPPORT L-Artikolu 16(2) tad-Direttiva jesiġi li sa mhux aktar minn sentejn qabel it-tlestija skadata tiegħu, il-Kummissjoni tressaq lill-Parlament Ewropew u lill-Kunsill rapport dwar il-progress miksub fil-programm tar-reviżjoni. L-Artikolu 18(5) jesiġi li l-Kummissjoni tfassal rapport dwar l-implimentazzjoni tad-Direttiva, u b’mod partikolari dwar il-funzjonament tal-proċeduri issimplifikati, seba’ snin wara d-dħul fis-seħħ tad-Direttiva. Sabiex ikun hemm aktar effiċjenza, il-Kummissjoni ddeċidiet li tippreżenta l-konklużjonijiet tagħha dwar l-implimentazzjoni tad-Direttiva u dwar il-progress fil-programm tar-reviżjoni tagħha f’għamla ta’ rapport konġunt. Sabiex jitħejja dan ir-rapport, ġie kkummissjonat studju dwar l-implimentazzjoni tad-Direttiva. Dan l-istudju tħejja fuq konsultazzjoni wiesgħa mal-partijiet interessati. Barra minn hekk, qabel kien ġie kkummissjonat studju ieħor dwar il-kwistjoni speċifika tal-oġġetti trattati bil-bijoċidi[1]. Il-konklużjonijiet ta’ dan ir-rapport huma wkoll ibbażati fuq fatti u ċifri tar-rapport kompost mitlub mill-Artikolu 24 tad-Direttiva, li huwa bbażat fuq informazzjoni li tingħata mill-Istati Membri. L-għan ta’ dan ir-rapport hu li jinforma lill-Istituzzjonijiet Komunitarji l-oħra, lill-Istati Membri u lill-pubbliku dwar l-implimentazzjoni tad-Direttiva u dwar il-programm tar-reviżjoni b'mod partikolari, għall-perjodu ta’ bejn l-14 ta’ Mejju 2000 u l-1 ta’ Marzu 2008. Madankollu, ġie nnotat li l-implimentazzjoni ta’ għadd sinifikanti ta’ dispożizzjonijiet tad-Direttiva għadha ma nbdietx. Notevolment, għad ma ngħatat l-ebda awtorizzazzjoni ta' prodotti bijoċidali. Ir-rapport jinkludi kif inhi s-sitwazzjoni fl-10 Stati Membri li ngħaqdu mal-UE fl-1 ta’ Mejju 2004, iżda ma jkoprix is-sitwazzjoni tal-Bulgarija jew tar-Rumanija. 3. L-IMPLIMENTAZZJONI TAD-DIRETTIVA – IL-PROGRAMM TAR-REVIżJONI GħAL SUSTANZI ATTIVI Wara l-adozzjoni tad-Direttiva, il-Kummissjoni u l-Istati Membri bdew programm ta' ħidma bl-għan li jagħmlu eżami sistematiku tar-risjki relatati ma' sustanzi attivi li jistgħu jiġu awtorizzati għall-użu fi prodotti bijoċidali. Il-programm ġie stabbilit skont Regolament tal-Kummissjoni[2] li stipula r-regoli għall-ewwel fażi tar-reviżjoni ta’ sustanzi attivi. Matul din il-fażi, l-industrija kellha tidentifika l-ingredjenti attivi li kienet tuża fil-prodotti tagħha, u f’każ li tkun tixtieq tkompli tużahom għal skopijiet bijoċidali, kellha tinnotifikahom għall-evalwazzjoni billi, inizjalment, tippreżenta dossier limitat b’informazzjoni dwar is-sustanzi. Wara li sar dan l-eżerċizzju, ġie adottat Regolament tal-Kummissjoni[3] ieħor dwar it-tieni fażi tal-programm tar-reviżjoni, li fih tfasslu inventarju tas-sustanzi attivi eżistenti u identifikati; skeda ta’ żmien għall-evalwazzjoni tas-sustanzi nnotifikati; lista ta’ Stati Membri maħtura bħala Rapporteur għall-ewwel żewġ listi ta’ prijorità; u dispożizzjonijiet li għandhom x’jaqsmu mal-aspetti ta’ proċedura tal-programm tar-reviżjoni. Sussegwentement, it-tieni Regolament tal-Kummissjoni ġie emendat[4] biex jinħatru l-Istati Membri Rapporteurs għaż-żewġ listi ta’ prijorità li kien fadal, kif ukoll biex jiġu indirizzati ċerti kwistjonijiet oħrajn li nqalgħu waqt l-implimentazzjoni, bħall-possibbiltà li jingħataw derogi temporanji għal sustanzi attivi li ma kinux skedati għall-evalwazzjoni, iżda li l-użu tagħhom kien meqjus essenzjali għal xi Stat Membru jew aktar. Bl-istess mod li żviluppat il-qafas regolatorju għar-reviżjoni ta’ sustanzi attivi, il-Kummissjoni pproduċiet u ftehmet mal-Istati Membri dwar għadd sinifikanti ta’ dokumenti komprensivi ta’ gwida li huma disponibbli għall-pubbliku[5], sabiex tgħin lill-Istati Membri u lill-industrija fix-xogħol tagħhom. 3.1. Il-progress li sar s’issa fil-programm tar-reviżjoni Fi tmiem l-ewwel fażi tal-programm tar-reviżjoni, l-industrija kienet identifikat 964 sustanza bħala ingredjenti attivi fi prodotti bijoċidali li kienu fis-suq minn qabel l-14 ta’ Mejju 2000. Minn fost dawn, 416-il sustanza ġew innotifikati għall-evalwazzjoni f’tip ta' prodott wieħed jew aktar. Mis-sustanzi identifikati, 548 (madwar 60%) ma kinux sostanzjati u sussegwentement tneħħew sal-1 ta’ Settembru 2006. Abbażi tal-konklużjonijiet tal-istudju msemmi fil-kapitolu 2, hu stmat li dawn is-sustanzi attivi kienu jintużaw fi 13%-33% biss tal-prodotti bijoċidali fis-suq. Xi wħud minn dawn is-sustanzi attivi ma baqgħux jintużaw fil-bijoċidi, filwaqt li oħrajn ma kinux sostanzjati minħabba li kellhom livell ta’ tossiċità mhux mixtieq. F’xi każijiet, dawn is-sustanzi kienu jikonċernaw suq limitat tant li ma kienx ikopri l-ispejjeż tal-evalwazzjoni tagħhom. Ix-xogħol ta’ tħejjija li sar għal dan ir-rapport ma identifika ebda każ fejn it-tneħħija ta’ dawn is-sustanzi attivi kienet tħalli l-utenti mingħajr għażla ta’ prodotti li jistgħu jintużaw minflokhom, jew li kienet twassal għall-profilerazzjoni tal-organiżmi ta’ ħsara li kontrihom jintużaw dawn is-sustanzi, iżda dawn ir-riskji ma jistgħux jiġu esklużi. Min-naħa l-oħra, it-tneħħija ta’ ċerti sustanzi li għandhom tossiċità għolja hija wieħed mill-benefiċċji ċari tal-programm tar-reviżjoni. Sal-1 ta’ Marzu 2008, nofs il-kumbinazzjonijiet ta’ sustanza attiva/tip ta’ prodott li kienu ġew innotifikati inizjalment kienu tneħħew mill-programm tar-reviżjoni (ara l-Grafika 1). Grafika 1: Kumbinazzjonijiet ta’ Sustanza Attiva/Tip ta’ Prodott (PT) li kienu ġew innotifikati inizjalment u li eventwalment ġew appoġġati mill-industrija[6] [pic] Dan jista’ jiġi spjegat mill-fatt li xi sustanzi attivi ġew innotifikati mingħajr il-ħsieb li jitressaq dossier komplet għall-evalwazzjoni tagħhom; sustanzi oħrajn ġew innotifikati għal għadd kbir wisq ta’ tipi ta’ prodott, u fil-każ ta’ xi wħud minnhom ħareġ ċar waqt it-tħejjija jew l-evalwazzjoni tad-dossier tagħhom li l-ispejjeż kienu se jkunu ogħla milli previst. Peress li l-aħħar parti tal-evalwazzjoni ta' sustanzi attivi għadha kemm inbdiet reċentement, l-Anness 1 tad-Direttiva għalissa għad fih biss numru żgħir ta’ sustanzi attivi. L-Anness IA fih sustanza attiva approvata waħda. 3.2. Ħidma li qed issir fil-programm tar-reviżjoni L-iskeda oriġinali tal-programm tar-reviżjoni kienet ibbażata fuq is-suppożizzjoni li sentejn mill-preżentazzjoni tad-dossier min-naħa tal-parteċipant ikunu biżżejjed biex tiġi adottata deċiżjoni dwar l-inklużjoni ta' sustanza attiva. Fil-prattika, dan ma kienx possibbli, speċjalment meta wieħed iqis l-iskadenzi stabbiliti fid-Direttiva flimkien ma’ dawk imposti mid-dispożizzjonijiet ta’ proċedura għall-miżuri ta’ implimentazzjoni. Sal-lum, f’inqas minn tliet snin għadha ma ġiet evalwata l-ebda sustanza attiva u s’issa jidher li l-perjodu medju għall-evalwazzjoni aktar joqrob l-erbgħa jew ħames snin. Barra minn hekk, ta’ min jinnota li r-Regolament dwar ir-reviżjoni joffri l-possibbiltà li wieħed jassumi r-rwol ta’ parteċipant biex jappoġġa sustanza attiva li n-notifikanti inizjali tagħha jkunu rtiraw. F’każijiet bħal dawn, il-persuna li tassumi dan ir-rwol tingħata skadenza ġdida biex tkun tista’ tħejji u tressaq dossier komplet. Dan il-proċess jagħti opportunità oħra biex issir l-evalwazzjoni tal-ingredjent attiv u għat-tqegħid tiegħu fis-suq, iżda jista’ jtawwal iż-żmien meħtieġ għar-reviżjoni għal ħames snin jew aktar. Diversi fatturi jistgħu jitqiesu bħala raġunijiet għalfejn il-programm tar-reviżjoni għaddej b'pass inqas imgħaġġel minn dak skedat: il-kumplessità fin-natura teknika tax-xogħol; in-nuqqas ta’ riżorsi umani; f’xi każijiet, in-nuqqas ta’ esperjenza fit-tħejjija u l-evalwazzjoni tad-dossier; il-ħtieġa li jiġu żviluppati metodoloġiji ta’ ttestjar xierqa u xenarji ta’ esponiment għal firxa wiesgħa ta’ użijiet; skeda ta’ żmien ottimista wisq għar-reviżjoni, meta jitqies l-għadd sinifikanti ta’ kumbinazzjonijiet ta’ sustanza attiva/tip ta’ prodott li ġew notifikati sussegwentement. Hu stmat – meta titqies ir-rata ta’ progress fil-programm tar-reviżjoni s’issa – li l-aħħar deċiżjonijiet dwar is-sustanzi attivi li jkun fadal mhux se jittieħdu qabel l-2014. L-Anness 1 jindika ż-żmien li mistenni jieħu x-xogħol li fadal. Fl-aħħarnett, ta’ min jinnota li l-Artikolu 16(3) tad-Direttiva ma jispeċifikax perjodu ta’ żmien partikolari għat-tħejjija tad-dossiers tal-prodotti bijoċidali wara l-inklużjoni ta’ sustanza attiva fl-Anness I jew IA, is-sottomissjoni ta’ applikazzjonijiet għall-awtorizzazzjoni tal-prodott lill-Istati Membri, u għall-għoti, modifika jew kanċellazzjoni ta’ awtorizzazzjoni tal-prodott abbażi tal-evalwazzjoni tad-dossiers ippreżentati. Madankollu, din il-fażi hija essenzjali għall-armonizzazzjoni u l-ħolqien ta’ suq intern tal-bijoċidi u ttawwal ukoll iż-żmien meħtieġ fil-perjodu tranżizzjonali. 4. L-IMPLIMENTAZZJONI TAD-DIRETTIVA – PROċEDURI SIMPLIFIKATI Minbarra li l-Anness I ikopri sustanzi attivi “standard”, il-lista pożittiva tad-Direttiva tinkludi żewġ Annessi oħra, l-Anness IA u l-Anness IB. L-Anness IA huwa għal sustanzi attivi li għandhom livelli ta’ tossiċità u ekotossiċità baxxi, u għaldaqstant jistgħu jintużaw fi prodotti bijoċidali b’“riskju baxx”. L-Anness IB jelenka “sustanzi bażiċi”, jew “prodotti”, jiġifieri, sustanzi li mhumiex ikkumerċjalizzati l-aktar għal skopijiet bijoċidali, iżda xorta waħda jkollhom ammont ta’ azzjoni bijoċidali. 4.1. Prodotti b’riskju baxx Il-possibbiltà ta’ rekwiżiti ta’ inqas dejta [informazzjoni] għad-dossier tal-prodotti bijoċidali, u ta’ skadenzi iqsar għar-reġistrazzjoni u r-rikonoxximent reċiproku hija ta' benefiċċju sostanzjali għall-kumpaniji li jikkumerċjalizzaw il-prodotti bijoċidali. Madankollu, l-inklużjoni ta’ sustanza attiva fl-Anness IA minflok fl-Anness I ma tagħti ebda benefiċċju reali lill-produtturi ta’ sustanzi attivi. Dan minħabba l-fatt li inizjalment trid tingħata l-istess ammont ta’ dejta għas-sustanzi attivi kollha. B’mod partikolari, għall-evalwazzjoni ta’ sustanzi attivi li hu magħruf li għandhom riskju għoli jridu jsiru u jiġu pprezentati l-istess studji bħal dawk għal sustanzi li huma ġeneralment meqjusa li għandhom riskju baxx. Huwa biss wara li ssir l-evalwazzjoni li jkun jista’ jiġi deċiż jekk is-sustanza attiva tistax tiġi inkluża fl-Anness IA jew fl-Anness I. 4.2. Sustanzi bażiċi S’issa għadu ma kien hemm ebda talba mill-industrija jew mill-Istati Membri biex tiġi inkluża xi sustanza attiva fl-Anness IB. Dan jidher li hu dovut għal żewġ raġunijiet: filwaqt li l-ammont ta’ dejta – u allura, spejjeż – meħtieġa biex isir dossier għal sustanza attiva bażika huwa daqs dak meħtieġ għal sustanza “regolari”, is-sjieda ta’ din id-dejta mhix protetta bid-Direttiva. Barra minn hekk, l-uniku vantaġġ ta’ din il-proċedura simplifikata, jiġifieri li l-prodotti li fihom sustanzi bażiċi ma jkunux jeħtieġu awtorizzazzjoni għall-kummerċjalizzazzjoni u r-reġistrazzjoni tagħhom, jitlef is-sinifikat tiegħu meta mqabbel mal-iżvantaġġ li dawn is-sustanzi huma pprojbiti milli jiġu kkummerċjalizzati għall-użu bijoċidali. 4.3. Il-formolazzjonijiet qafas Formulazzjoni qafas tinkludi l-ispeċifikazzjonijiet għal grupp ta’ prodotti bijoċidali, li jippreżentaw xi varjazzjonijiet żgħar fir-rigward ta’ prodott ta’ referenza. Peress li l-ewwel awtorizzazzjonijiet ta’ prodotti bijoċidali mhumiex mistennija li jinħarġu qabel l-2009, s’issa għadha ma nħolqot ebda formolazzjoni qafas. Madankollu, jidher li diversi Stati Membri diġà japplikaw il-prinċipju ta’ din il-proċedura simplifikata fis-sistemi nazzjonali eżistenti tagħhom billi jnaqqsu r-rekwiżiti ta’ amministrazzjoni fil-każijiet fejn l-applikazzjoni għall-awtorizzazzjoni tkun tikkonċerna l-istess prodott iżda f’għadd ta’ kuluri differenti. L-istudju msemmi fit-taqsima 2 jikkonkludi li l-kunċett bażiku ta’ din il-proċedura simplifikata għandu l-potenzjal li joffri benefiċċji ġenwini, iżda tkun meħtieġa kjarifika aqwa dwar x’inhu kopert mill-proċedura u dwar kif din tiffunzjona. 5. L-IMPLIMENTAZZJONI TAD-DIRETTIVA - KWISTJONIJIET OħRAJN 5.1. L-ambitu tad-Direttiva Waqt l-implimentazzjoni, inqalgħu għadd ta’ kwistjonijiet dwar l-ambitu preċiż tal-applikazzjoni tad-Direttiva. Waħda minn dawn il-kwistjonijiet li teħtieġ li tiġi indirizzata hija dik dwar l-oġġetti ttrattati bil-prodotti bijoċidali. L-oġġetti li biex ma jiħżinux jiġu ttrattati permezz ta’ prodotti bijoċidali, li ma għandhom l-ebda effett bijoċidali estern, u li mhumiex kummerċjalizzati bħala prodotti bijċidali, bħalissa ma jaqgħux fl-ambitu tad-Direttiva. Meta t-trattament iseħħ fl-UE ma tinħoloq ebda problema partikolari, minħabba li l-forniment tal-bijoċida lill-operatur li jittratta l-oġġetti jitqies bħala tqegħid fis-suq u jkun jista’ jiġi rregolat. Madankollu, meta l-oġġetti jiġu l-ewwel ittrattati f’pajjiżi terzi u wara importati fl-UE, dan jitqies bħala każ differenti. Dan għaliex dawn l-oġġetti għandhom mnejn ikunu ġew ittrattati permezz ta’ sustanzi li huma meqjusa bħala mhux aċċettabbli għas-saħħa tal-bniedem jew għall-ambjent u li jkunu pprojbiti jew ristretti ħafna fl-UE. Din hi sitwazzjoni ta’ riskju għas-saħħa tal-bniedem u għall-ambjent, u tista’ tkun diskriminatorja għall-industrija Ewropea. Kwistjonijiet oħra dwar l-ambitu tad-Direttiva kienu jikkonċernaw id-delineazzjoni preċiża tal-prodotti li jistgħu jiġu koperti minn Direttivi tal-Komunità oħrajn (jiġifieri, Prodotti Mediċinali Veterinarji, Prodotti Kosmetiċi) jew dwar jekk ċerti sustanzi li jiġu ġġenerati fuq il-post ( in-situ ) humiex koperti jew le, filwaqt li kien hemm qbil ġenerali li s-sustanzi attivi li huma wkoll ikel jew għalf (eż., il-bżar li jintuża bħala repellent, iż-żokkor jew il-ġulepp li jintużaw bħala lixka fin-nases) għandhom jiġu eżentati mid-Direttiva. 5.2. Il-protezzjoni u l-qsim tad-dejta Filwaqt li l-Artikolu 13 tad-Direttiva, u diversi dispożizzjonijiet tagħha, jinkoraġġixxu lill-applikanti biex jikkooperaw fil-ġbir tal-informazzjoni meħtieġa għall-evalwazzjoni ta’ sustanzi attivi jew ta’ prodotti bijoċidali, dan l-Artikolu ma jipprovdix b’mod espliċitu għall-qsim obbligatorju ta’ informazzjoni li hija meħtieġa għall-fini tad-Direttiva. Minflok, is-sid tad-dejta jista' jiddeċiedi – iżda mhux obbligat – li jgħaddi lil xi applikant sussegwenti d-dritt ta' aċċess għad-dejta li jkun issottometta lill-awtorità kompetenti billi jagħtih "ittra ta' aċċess". Meta ma jkunx jista’ jintlaħaq ftehim bejn is-sid tal-pakkett tad-dejta u l-applikant l-ieħor, dan tal-aħħar jista’ jiġi obbligat jagħmel l-istess studji (li fil-każ ta’ studji dwar annimali jaf ikun partikolarment diffiċli), jew li jabbanduna s-suq sakemm jiskadu dawk il-perjodi rilevanti ta’ protezzjoni tad-dejta. Fil-fażi attwali tal-programm tar-reviżjoni, hu stmat li mit-total ta’ 472 dossier li tressqu b’appoġġ għall-inklużjoni ta’ kumbinazzjonijiet ta’ sustanza attiva/tip ta’ prodott, madwar 25% tagħhom tressqu jew minn konsorzju jew Task Force ta’ intrapriżi jew mill-anqas ta’ żewġ intrapriżi bi sforz konġunt. F’10% tal-każijiet tressaq aktar minn dossier wieħed għall-istess kumbinazzjoni ta’ sustanza attiva/tip ta’ prodott, li jfisser li l-partijiet interessati ma rnexxilhomx jiftehmu biex jaqsmu d-dejta u jippreżentaw dossier wieħed kollettiv. Kwistjoni oħra li tqajmet spiss mill-industrija hija dik dwar kumpaniji li jibqgħu jikkummerċjalizzaw prodotti li fihom sustanzi attivi li għadhom qed jiġu evalwati fil-programm tar-reviżjoni, mingħajr ma jkunu innotifikaw jew ikkontribwixxew għall-ispejjeż tal-evalwazzjoni (l-hekk imsejħa “free-riders”). 5.3. Imposti applikati mill-Istati Membri L-Artikolu 25 tad-Direttiva jipprovdi li l-Istati Membri huma responsabbli biex jistabbilixxu imposti li għandhom jitħallsu mill-persuni li jkunu qiegħdu, jew li ifittxu li jqiegħdu, prodotti bijoċidali fis-suq, sabiex ikopru l-ispejjeż amministrattivi assoċjati mal-proċeduri tad-Direttiva. Konsegwentament, is-sistemi u l-imposti stabbiliti fil-pajjiżi tal-UE jvarjaw ħafna bejniethom. Bħala eżempju, l-imposta għall-evalwazzjoni ta’ dossier dwar sustanza attiva fir-rigward ta’ tip ta’ prodott (jiġifieri, tip ta’ użu) wieħed tista’ tvarja bejn EUR 50 000 u EUR 350 000; il-mod ta’ kif titħallas din l-imposta ukoll jista’ jvarja minn Stat Membru għal ieħor. Dan joħloq sitwazzjoni inġusta għall-industrija tal-bijoċidi, b’mod partikolari għall-parteċipanti fil-programm tar-reviżjoni, li ma għandhomx għażla ta' liema Stat Membru jeżaminalhom id-dossier tas-sustanzi attivi tagħhom. 5.4. Ir-rekwiżiti tad-dejta Ir-rekwiżiti konsiderevoli tad-Direttiva f’termini ta’ studji tat-tossiċità u ekotossiċità jiggarantixxu livell għoli ta’ protezzjoni għas-saħħa tal-bniedem u tal-annimali u għall-ambjent. Madankollu, peress li d-Direttiva ma tiddistingwixxix bejn is-sustanzi attivi f’dak li għandu x’jaqsam mar-rekwiżiti tad-dejta, dawn ġew meqjusin bħala żejda għal ċerti sustanzi li ġeneralment jitqiesu li għandhom riskju baxx. Minkejja li d-Direttiva tipprovdi l-possibbiltà li r-rekwiżiti tad-dejta jiġu rinunzjati, jidher li l-Istati Membri ma japplikawx dan il-prinċipju kollha bl-istess mod. Dan wassal għal approċċi differenti u għaldaqstant għall-periklu ta’ trattament mhux uniformi. 5.5. L-awtorizzazzjoni u rikonoxximent reċiproku tal-prodotti L-awtorizzazzjoni tal-prodotti fl-Istati Membri, wara l-inklużjoni ta’ sustanzi attivi fl-Anness I jew IA, u r-rikonoxximent reċiproku tagħhom għandhom ma bdewx isiru b’mod sinifikanti. Madankollu, twaqqaf Grupp għall-Faċilitazzjoni tar-Rikonoxximent Reċiproku flimkien mal-Istati Membri u mal-partijiet interessati, biex iħaffef ix-xogħol fl-istadju tal-awtorizzazzjoni tal-prodott, u partikolarment biex jantiċipa l-kwistjonijiet tar-rikonoxximent reċiproku ta’ awtorizzazzjonijiet u ta’ reġistrazzjonijiet. 6. L-IMPATT TAD-DIRETTIVA FUQ IS-SUQ U PARTIKOLARMENT FUQ L-SMES Minkejja li għadu kmieni biex wieħed jevalwa l-impatt kollu li d-Direttiva tħalli fuq is-suq tal-prodotti bijoċidali, ġew osservati xi xejriet li jistgħu jwasslu għal xi konklużjonijiet inizjali. Skont ir-riżultati tal-eżerċizzju ta’ identifikazzjoni u notifikazzjoni, li jidhru bħala Annessi għar-Regolament tal-Kummissjoni (KE) Nru 2032/2003, jidher li 60% tas-sustanzi attivi li ntużaw fi prodotti bijoċidali qabel is-sena 2000 ma kinux sostanzjati għall-evalwazzjoni u kellhom jitneħħew mis-suq sal-1 ta’ Settembru 2006. Il-perċentwali ta’ sustanzi attivi li għandhom jitneħħew mis-suq sakemm jintemm il-programm tar-reviżjoni x’aktarx li jkun anke ogħla minn hekk, peress li madwar 50% tal-kumbinazzjonijiet ta’ sustanza attiva/tip ta’ prodott notifikati inizjalment kienu tressqu mingħajr dossier. Madankollu, jidher li parti minn dawn is-sustanzi li ma kinux appoġġati mill-industrija (mill-bidu, jew aktar tard), ma baqgħux jintużaw aktar jew ftit kellhom ċans li jiġu inklużi fil-lista pożittiva tad-Direttiva, minħabba li kellhom livell għoli ta' tossiċità. Jibqa’ l-fatt li r-raġuni għalfejn għadd ta’ sustanzi ma kellhomx appoġġ biex jiġu inklużi fil-lista pożittiva kienet dik finanzjarja: il-profitti mistennija ma jiġġustifikawx l-ispejjeż meħtieġa biex isir id-dossier. F’dan il-kuntest, il-kumpaniji l-kbar marru aħjar mill-SMEs. S’issa tressqu tmien dossiers b’appoġġ għall-inklużjoni ta’ sustanzi attivi ġodda biex jiġu evalwati mill-Istati Membri. Ħamsa minnhom ġew aċċettati bħala dossiers kompleti. Kien hemm min wera l-fehma li l-ispejjeż kbar u l-ħtieġa ta' riżorsi għall-evalwazzjoni tas-sustanzi skont id-Direttiva tal-Bijoċidi jistgħu jiskoraġġixxu l-investiment fi prodotti bijoċidali b’sustanzi attivi ġodda u potenzjalment vantaġġużi għas-saħħa tal-bniedem jew għall-ambjent, speċjalment fi “swieq speċjalizzati”. Attwalment, l-uniċi inċentivi li d-Direttiva tipprovdi għall-iżvilupp ta’ sustanzi attivi ġodda huma perjodu ta’ ħames snin addizzjonali għall-protezzjoni tad-dejta u l-possibbiltà ta’ awtorizzazzjoni proviżorja tal-prodott. 7. L-IMPATT TAD-DIRETTIVA FUQ L-AMBJENT U S-SAħħA PUBBLIKA Id-Direttiva stabbilixxiet, għall-ewwel darba, qafas li jippermetti evalwazzjoni komprensiva tas-sustanzi attivi u prodotti bijoċidali kollha. L-għarfien u kontroll disponibbli tal-prodotti bijoċidali żdied ħafna fost il-pajjiżi tal-UE, u partikolarment f’dawk l-Istati Membri li ma kellhom ebda sistema eżistenti, jew fejn kienet koperta biss parti mill-bijoċidi kollha. B’konsegwenza tal-identifikazzjoni u tal-bidu ta’ evalwazzjonijiet tal-bijoċidi li kienu fis-suq tal-UE, għadd ta' prodotti li ma għadhomx jintużaw tneħħew mis-suq, u b’hekk żdied il-livell ta’ għarfien dwar il-kimiċi li qed jintużaw. Barra minn hekk, xi sustanzi attivi li huma perikolużi ħafna (eż., striknin, komposti tal-arseniku, komposti tat-tributiltin, jew ċerti sustanzi li jnaqqsu l-ożonu) tneħħew mis-suq tal-bijoċidi tal-UE, u dan żgur kien ta’ benefiċċju għas-saħħa u l-ambjent. 8. IL-KONKLUżJONIJIET U L-PROPOSTI GħAR-REVIżJONI TAD-DIRETTIVA Id-Direttiva ħejjiet il-bażi meħtieġa biex tgħolli l-livell ta' protezzjoni għall-ambjent u s-saħħa pubblika offrut liċ-ċittadini tal-UE, fejn jidħlu l-prodotti bijoċidali. F’ħidma li saret matul perjodu ta’ ħames snin qabel ma nbdiet ir-reviżjoni tas-sustanzi attivi fl-2004, il-Kummissjoni, bil-kooperazzjoni tal-Istati Membri u tal-industrija għamlet inventarju tas-suq Ewropew tal-bijoċidi u stabbilixxiet proċedura strutturata għall-eżaminar u l-evalwazzjoni tas-sustanzi attivi eżistenti. Minkejja li ma kienx possibbli li r-reviżjoni tas-sustanzi attivi eżistenti ssir fiż-żmien imbassar mill-bidu, il-progress li sar inkiseb fl-istess żmien jew qabel dak miksub permezz ta' sistemi regolatorji oħrajn, bħal dik tal-prodotti għall-protezzjoni tal-pjanti (id-Direttiva 91/414/KEE) jew dik tas-sustanzi kimiċi eżistenti (ir-Regolament (KE) Nru 793/93). 8.1. Il-futur tal-programm tar-reviżjoni sal-2010 u wara l-2010 Kif stipulat fit-taqsima 2.2, hu evidenti li l-programm tar-reviżjoni mhux ser jitlesta sad-data mistennija mill-bidu, jiġifieri sal-14 ta' Mejju 2010, li taħbat ukoll id-data ta’ meta ma jibqgħux japplikaw ir-regoli nazzjonali għat-tqegħid fis-suq tal-prodotti bijoċidali. Jekk il-perjodu tranżizzjonali jitħalla jgħaddi bla ma jitlesta l-programm tar-reviżjoni għas-sustanzi attivi, dan ifisser li r-regoli armonizzati tad-Direttiva dwar l-awtorizzazzjoni tal-prodotti ma jistgħux ikunu applikabbli għall-prodotti bijoċidali kollha li diġà qiegħdin fis-suq. Jekk ma japplika l-ebda sett ta’ regoli – armonizzati jew nazzjonali – dan iħalli vojt ġuridiku fir-rigward tat-tqegħid fis-suq tal-prodotti bijoċidali. Dan jista’ jħalli effetti negattivi fuq is-saħħa pubblika (it-tneħħija ta’ prodotti bijoċidali importanti mis-suq), u jħalli effetti finanzjarji negattivi ħafna fuq il-kumpaniji kollha li joperaw fis-settur tal-bijoċidi. Għaldaqstant, din il-Komunikazzjoni hija akkompanjata bi proposta għar-reviżjoni tad-Direttiva li testendi l-programm tar-reviżjoni, il-perjodu tranżizzjonali, u ċerti dispożizzjonijiet dwar il-protezzjoni tad-dejta relatati ma' dan il-perjodu għal tliet snin oħra. Dan għandu jippermetti biżżejjed żmien biex ir-reviżjoni sostanzjali tad-Direttiva tidħol fis-seħħ u biex tiġi stabbilita sistema għall-elementi li jkun għad fadal tal-programm tar-reviżjoni li tiżgura li dan ix-xogħol jitlesta fiż-żmien u b’mod effikaċi. 8.2. Ir-reviżjoni sostanzjali tad-Direttiva Aktar tard fis-sena 2008 għandha ssir proposta għar-reviżjoni sostanzjali tad-Direttiva. Din se tindirizza il-kwistjonijiet imsemmija fit-taqsimiet 4, 5 u 6 ta’ dan ir-rapport. Bħalissa, il-Kummissjoni qed tikkunsidra għadd ta’ miżuri biex tindirizza l-kwistjonijiet identifikati, bħal: - is-simplifikazzjoni u l-adattament tal-ambitu tad-Direttiva; - strateġija f’partijiet għar-rekwiżiti tad-dejta, li tqis il-proporzjonalità; - simplifikazzjoni tar-regoli għall-protezzjoni tad-dejta, bl-inklużjoni ta’ qsim tad-dejta obbligatorju; - aktar armonizzazzjoni jew koordinazzjoni tal-istrutturi tal-imposti; - titjib tal-proċeduri ta’ simplifikazzjoni, - miżuri li jiffaċilitaw il-konformità mad-Direttiva għall-SMEs, u miżuri li jinkoraġġixxu l-innovazzjoni; - miżuri li jtejbu s-suq intern tal-prodotti bijoċidali, li jinkludu t-tisħiħ tar-rikonoxximent reċiproku. Annex 1 Tip ta’ prodott | | Notifikat | Għadhom inklużi | | Id-dossier għandu jintbagħat sa | L-ewwel deċiżjoni mistennija sa | L-aħħar deċiżjoni mistennija sa | | Anness I | | | | | | | | | | | | |2006 |2007 |2008 |2009 |2010 |2011 |2012 |2013 |2014 | | | | | | | | | | | | | | | | | | | | | | | | |Preservattivi tal-injam | |80 |40 | |28/03/2004 |12/01/2007 |29/08/2009 | |1 |2 |30 |7 | | | | | | |40 | |Rodentiċidi | |17 |14 | | | | | | |2 |10 |2 | | | | | | |14 | | | | | | | | | | | | | | | | | | | | | | |Molluskiċidi | |13 |0 | |30/04/2006 |13/02/2009 |1/10/2011 | | | | | | | | | | | |0 | |Insettiċidi | |104 |61 | | | | | | | |5 |30 |20 |6 | | | | |61 | |Ripellenti u lixki | |41 |19 | | | | | | | |3 |6 |5 |5 | | | | |19 | |Prodotti antifouling | |46 |10 | | | | | | | |2 |5 |3 | | | | | |10 | | | | | | | | | | | | | | | | | | | | | | |Disinfettanti | |87 |35 | |31/07/2007 |16/05/2010 |31/12/2012 | | | | | |5 |25 |5 | | | |35 | | | |163 |82 | | | | | | | | | |5 |25 |25 |27 | | |82 | | | |108 |50 | | | | | | | | | |5 |25 |20 | | | |50 | | | |105 |55 | | | | | | | | | |5 |25 |25 | | | |55 | | | |52 |21 | | | | | | | | | |5 |15 |1 | | | |21 | |Sustanzi preservattivi (fil-laned u likwidi li jintużaw waqt xogħol fuq il-metalli) | |143 |47 | | | | | | | | | |5 |25 |17 | | | |47 | | | |104 |30 | | | | | | | | | |5 |25 | | | | |30 | | | | | | | | | | | | | | | | | | | | | | |Sustanzi preservattivi (għal films, fibri, ġebel, sistemi li jkessħu u jipproċessaw il-likwidi) | |89 |45 | |31/10/2008 |17/08/2011 |3/04/2014 | | | | | | |4 |25 |16 | | |45 | | | |138 |69 | | | | | | | | | | |4 |25 |25 |15 | |69 | | | |94 |47 | | | | | | | | | | |4 |25 |18 | | |47 | | | |127 |64 | | | | | | | | | | |4 |25 |25 |10 | |64 | | | |118 |59 | | | | | | | | | | |4 |25 |25 |5 | |59 | |Aviċidi | |2 |1 | | | | | | | | | | | |1 | | | |1 | |Pixxiċidi | |3 |2 | | | | | | | | | | | |1 | | | |1 | |Sustanzi preservatti tal-ikel/tal-għalf | |25 |13 | | | | | | | | | | | |4 |9 | | |13 | |Likwidi tal-ibbalzmar | |24 |12 | | | | | | | | | | | |4 |8 | | |12 | |Kontrol ta’ vertebrati oħrajn | |4 |2 | | | | | | | | | | | |2 | | | |2 | | | | | | | | | | | | | | | | | | | | | | |Total | |1687 |777 | | | | | |1 |4 |50 |50 |63 |196 |230 |153 |30 | |777 | | [1] Iż-żewġ studji jinstabu fuq: http://ec.europa.eu/environment/biocides/study.htm [2] Ir-Regolament tal-Kummissjoni (KE) Nru 1896/2000 tas-7 ta' Settembru 2000 dwar l-ewwel fażi tal-programm imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill dwar prodotti bijoċidali (ĠU L 228, 8.9.2000, p. 6). [3] Regolament tal-Kummissjoni (KE) Nru 2032/2003 tal-4 ta' Novembru 2003 dwar it-tieni fażi tal-programm ta' ħidma ta' għaxar snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid ta’ prodotti bijoċidi fis-suq, u li jemenda r-Regolament (KE) Nru 1896/2000 [4] Ir-Regolamenti tal-Kummissjoni (KE) Nru 1048/2005 u 1849/2006 Ir-Regolament 2032/2003 ġie revokat u mibdul bir-Regolament tal-Kummissjoni (KE) Nru 1451/2007 (l-aktar għal skopijiet ta’ simplifikazzjoni u konsolidazzjoni). [5] Id-dokumenti jistgħu jinqraw fl-indirizz: http://ec.europa.eu/environment/biocides/index.htm and http://ecb.jrc.it/biocides/ [6] Is-sekwenza tal-PTs fil-Grafika 1 issegwi s-sekwenza tal-evalwazzjoni. Għal sustanzi tar-raba’ lista ta’ prijorità (jiġifieri għat-tipi ta’ prodott 7, 9, 10 sa 12, 15, 17, 20, 22 u 23) ġie assumat tnaqqis ta’ 50% abbażi tal-esperjenza ta’ sottomissjonijiet ratati għal-listi preċedenti ta’ prijorità.