(1)

Il-politiki tal-Komunità dwar Regolamentazzjoni Aħjar, b’mod partikolari il-Komunikazzjoni mill-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjunibit-titolu:“Valutazzjon strateġika għal Regolamentazzjoni Aħjar fl-Unjoni Ewropea” ║, u ║“Il-Programm ta’ Azzjoni għat-Tnaqqis tal-Piżijiet Amministrattivi fl-Unjoni Ewropea” ║, jisħaq l-importanza tat-tnaqqis tal-piżijiet amministrattivi imposti fuq l-impriżi bil-leġiżlazzjoni eżistenti ta’ element kruċjali għat-titjib tal-kompetittività tagħhom u għall-kisba ta’ l-għanijiet ta’ l-aġenda ta’ Liżbona.

▐

(2)

L-Artikolu 5(1) tar-Regolament (KE) Nru 852/2004 tal-Parlament Ewropew u tal-Kunsill tad-29 ta’ April 2004 dwar l-iġjene tal-ikel  (4) jeżiġi li l-operaturi kollha tal-kumpaniji ta’ l-ikel iwaqqfu, jimplimentaw u jżommu proċedura msejsa fuq il-prinċipji ta’ l-Analiżi tal-Periklu u l-Punti ta’ Kontroll Kritiċi (HACCP).

(3)

L-esperjenza wriet li f’ċerti kumpaniji ta’ l-ikel, l-iġjene ta’ l-ikel jista’ jiġi żgurat permezz ta’ l-implimentazzjoni korretta tar-rekwiżiti ta’ l-iġjene ta’ l-ikel stipulati fir-Regolament (KE) Nru 852/2004 mingħajr ma jsir użu tas-sistema ta’ l-HACCP. Il-kumpaniji kkonċernati huma b’mod partikolari kumpaniji żgħar li fil-biċċa l-kbira jbigħu l-prodotti tagħhom direttament lill-konsumatur finali, bħal tal-ħobż, tal-laħam, tal-growser, tal-monti, ir-restaurants, u l-bars, li huma mikro-impriżi skond it-tifsira tar-Rakkomandazzjoni tal-Kummissjoni 2003/361/KE tas-6 ta’ Mejju 2003 rigward id-definizzjoni ta’ l-impriżi mikro, żgħar u ta’ daqs medju (5).

(4)

Għalhekk, jeħtieġ li tiġi pprovduta eżenzjoni lil dawn il-kumpaniji mir-rekwiżit ta’ l-Artikolu 5(1) tar-Regolament (KE) Nru 852/2004. Dan ifisser li huma għandhom jikkonformaw mar-rekwiżiti l-oħra kollha ta’ dan ir-Regolament,

▐

1.

Fir-Regolament (KE) Nru 852/2004, tiddaħħal il-premessa ġdida li ġejja:

2.

Fl-Artikolu 5(3) tar-Regolament (KE) Nru 852/2004, is-sentenza li ġejjagħandha tiżdied:

“Mingħajr ħsara għar-rekwiżiti l-oħra ta’ dan ir-Regolament, l-operaturi ta’ negozji tal-ikel jistgħu jiġu eżentati mir-rekwiżit li jistabbilixxu, jimplimentaw u jżommu proċedura jew proċeduri permanenti bbażati fuq il-prinċipji tal-HACCP. Din l-eżenzjoni għandha tapplika biss għall-intrapriżi, partikolarment il-mikro intrapriżi, skond it-tifsira tar-Rakkomandazzjoni ║ 2003/361/KE ║, u l-attivitajiet li jikkonsistu fil-biċċa l-kbira fil-bejgħ dirett ta’ l-ikel lill-konsumatur finali, u sakemm l-awtorità kompetenti tqis, fuq il-bażi ta’ analiżi tal-periklu relatata mal-kumpanija u mwettqa regolarment, jew li m’hemmx perikli li jeħtieġ li jiġu evitati, eliminati jew imnaqqsa għal livelli aċċettabbli, jew li kwalunkwe perikli identifikati huma kkontrollati biżżejjed permezz tal-implimentazzjoni ta’ rekwiżiti ġenerali u speċifiċi tal-iġjene tal-ikel stabbiliti fl–Artikolu 4(2) sa (6) ta’ dan ir-Regolament. Lawtorità kompetenti għandha tqis in-natura u d-daqs tan-negozju tal-ikel meta teżiġi konformità mar-rekwiżiti stabbiliti fl-Artikolu 4(2) sa (6). ”