This document is an excerpt from the EUR-Lex website
Document 32026R0326
Commission Delegated Regulation (EU) 2026/326 of 3 December 2025 amending Delegated Regulation (EU) 2023/332 supplementing Regulation (EU) 2019/818 of the European Parliament and of the Council as regards determining cases where identity data are considered as same or similar for the purpose of the multiple identity detection
Regolament Delegat tal-Kummissjoni (UE) 2026/326 tat-3 ta’ Diċembru 2025 li jemenda r-Regolament Delegat (UE) 2023/332 li jissupplimenta r-Regolament (UE) 2019/818 tal-Parlament Ewropew u tal-Kunsill fir-rigward tad-determinazzjoni ta’ każijiet li fihom id-data tal-identità tista’ titqies l-istess jew simili għall-fini tad-detezzjoni ta’ identitajiet multipli
Regolament Delegat tal-Kummissjoni (UE) 2026/326 tat-3 ta’ Diċembru 2025 li jemenda r-Regolament Delegat (UE) 2023/332 li jissupplimenta r-Regolament (UE) 2019/818 tal-Parlament Ewropew u tal-Kunsill fir-rigward tad-determinazzjoni ta’ każijiet li fihom id-data tal-identità tista’ titqies l-istess jew simili għall-fini tad-detezzjoni ta’ identitajiet multipli
C/2025/8210
ĠU L, 2026/326, 12.2.2026, ELI: http://data.europa.eu/eli/reg_del/2026/326/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 03/12/2025; Data ta' adozzjoni
- Date of effect:
- 04/03/2026; Dħul fis-seħħ Data tal-pubblikazzjoni +20 Ara Art. 3
- Date of end of validity:
- No end date
- Author:
- Il-Kummissjoni Ewropea, Id-Direttorat Ġenerali għall-Migrazzjoni u l-Affarijiet Interni
- Responsible body:
- HOME
- Form:
- Regolament delegat
- Additional information:
- Dan l-att m’għandux japplika għall-Irlanda
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32019R0818 - A28P5
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32023R0332 Żieda artikolu 1 punt 1 punt (i) 04/03/2026 Modifies 32023R0332 Sostituzzjoni anness I taqsima 1 tabella 04/03/2026 Modifies 32023R0332 Sostituzzjoni anness I taqsima 3.1 tabella 04/03/2026 Modifies 32023R0332 Sostituzzjoni anness I taqsima 3.2 tabella 04/03/2026 Modifies 32023R0332 Sostituzzjoni anness I taqsima 3.3 tabella 04/03/2026 Modifies 32023R0332 Sostituzzjoni anness I taqsima 3.4 tabella 04/03/2026 Modifies 32023R0332 Sostituzzjoni anness II taqsima 1 tabella 04/03/2026 Modifies 32023R0332 Sostituzzjoni anness II taqsima 3.1 tabella 04/03/2026 Modifies 32023R0332 Sostituzzjoni anness II taqsima 3.2 tabella 04/03/2026 Modifies 32023R0332 Sostituzzjoni anness II taqsima 3.3 tabella 04/03/2026 Modifies 32023R0332 Sostituzzjoni anness II taqsima 3.4 tabella 04/03/2026 - Instruments cited:
- EUROVOC descriptor:
- Subject matter:
- Directory code:
|
Il-Ġurnal Uffiċjali |
MT Is-serje L |
|
2026/326 |
12.2.2026 |
REGOLAMENT DELEGAT TAL-KUMMISSJONI (UE) 2026/326
tat-3 ta’ Diċembru 2025
li jemenda r-Regolament Delegat (UE) 2023/332 li jissupplimenta r-Regolament (UE) 2019/818 tal-Parlament Ewropew u tal-Kunsill fir-rigward tad-determinazzjoni ta’ każijiet li fihom id-data tal-identità tista’ titqies l-istess jew simili għall-fini tad-detezzjoni ta’ identitajiet multipli
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/818 tal-Parlament Ewropew u tal-Kunsill tal-20 ta’ Mejju 2019 dwar l-istabbiliment ta’ qafas għall-interoperabbiltà bejn sistemi ta’ informazzjoni tal-UE fil-qasam tal-kooperazzjoni tal-pulizija u ġudizzjarja, l-ażil u l-migrazzjoni u li jemenda r-Regolamenti (UE) 2018/1726, (UE) 2018/1862 u (UE) 2019/816 (1), u b’mod partikolari l-Artikolu 28(5) tiegħu,
Billi:
|
(1) |
Ir-Regolament (UE) 2019/818, flimkien mar-Regolament (UE) 2019/817 tal-Parlament Ewropew u tal-Kunsill (2) jistabbilixxi qafas li jiżgura l-interoperabbiltà bejn is-sistemi ta’ informazzjoni tal-UE fil-qasam tal-fruntieri, il-viża, il-kooperazzjoni tal-pulizija u ġudizzjarja, l-ażil u l-migrazzjoni. |
|
(2) |
Dak il-qafas jinkludi għadd ta’ komponenti tal-interoperabbiltà, inkluż detettur ta’ identitajiet multipli. Id-detettur ta’ identitajiet multipli joħloq u jaħżen links bejn id-data fis-sistemi ta’ informazzjoni differenti tal-UE għad-detezzjoni ta’ identitajiet multipli, bl-iskop doppju tal-iffaċilitar tal-kontrolli tal-identità għall-vjaġġaturi bona fide u biex tiġi miġġielda l-frodi tal-identità. Il-ħolqien u l-ħażna ta’ dawn il-links huma kruċjali biex tiġi żgurata l-identifikazzjoni korretta ta’ individwi li d-data tagħhom tinħażen fis-sistemi ta’ informazzjoni differenti tal-UE. |
|
(3) |
Il-proċess tad-detezzjoni ta’ identitajiet multipli jirriżulta fil-ħolqien ta’ links bojod u sofor awtomatizzati. Link bajda tindika li d-data tal-identità tal-fajls illinkjati hija l-istess jew simili filwaqt li link safra tindika li d-data tal-identità tal-fajls illinkjati ma tistax titqies li tkun simili u li jenħtieġ li ssir verifika manwali tal-identitajiet differenti. |
|
(4) |
Sabiex id-detettur ta’ identitajiet multipli ikun jista’ joħloq il-links, ir-Regolament Delegat tal-Kummissjoni (UE) 2023/332 (3) jistabbilixxi l-proċeduri biex jiġu ddeterminati l-każijiet li fihom id-data tal-identità li tikkonċerna persuna, maħżuna f’diversi sistemi, titqies l-istess jew simili għall-fini ta’ detezzjoni ta’ identitajiet multipli. |
|
(5) |
Ir-Regolament (UE) 2019/818 japplika b’rabta mal-“Eurodac” biss mid-data meta ssir applikabbli r-riformulazzjoni tar-Regolament (UE) Nru 603/2013 tal-Parlament Ewropew u tal-Kunsill (4). Għalhekk, wara l-adozzjoni tar-Regolament (UE) 2024/1358 tal-Parlament Ewropew u tal-Kunsill (5), li jistabbilixxi l-“Eurodac”, huwa meħtieġ li r-Regolament Delegat (UE) 2023/332 jiġi adattat biex tiġi elenkata d-data tal-identità tal-“Eurodac” li se titqabbel fil-proċess ta’ detezzjoni ta’ identitajiet multipli sabiex jiġi ddeterminat jekk id-data tal-identità titqiesx l-istess jew simili. |
|
(6) |
Ir-Regolament Delegat (UE) 2023/332 jenħtieġ għalhekk li jiġi emendat kif xieraq. |
|
(7) |
Billi r-Regolament (UE) 2019/818 jibni fuq l-acquis ta’ Schengen, f’konformità mal-Artikolu 4 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka nnotifikat l-implimentazzjoni tar-Regolament (UE) 2019/818 fid-dritt nazzjonali tagħha. Għalhekk hija marbuta b’dan ir-Regolament. |
|
(8) |
Dan ir-Regolament ma jikkostitwix żvilupp tad-dispożizzjonijiet tal-acquis ta’ Schengen li l-Irlanda tieħu sehem fihom, f’konformità mad-Deċiżjoni tal-Kunsill 2002/192/KE (6). Għalhekk l-Irlanda mhix qed tieħu sehem fl-adozzjoni ta’ dan ir-Regolament u mhix marbuta bih jew suġġetta għall-applikazzjoni tiegħu. |
|
(9) |
Fir-rigward tal-Iżlanda u n-Norveġja, dan ir-Regolament jikkostitwixxi żvilupp fid-dispożizzjonijiet tal-acquis ta’ Schengen fis-sens tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta’ dawn iż-żewġ Stati mal-implimentazzjoni, l-applikazzjoni u l-iżvilupp tal-acquis ta’ Schengen (7), li jaqgħu fil-qasam imsemmi fl-Artikolu 1, il-punt A tad-Deċiżjoni tal-Kunsill 1999/437/KE (8). |
|
(10) |
Fir-rigward tal-Iżvizzera, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen fis-sens tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis (9) ta’ Schengen, li jaqgħu fil-qasam imsemmi fl-Artikolu 1, il-punt A, tad-Deċiżjoni 1999/437/KE, moqri flimkien mal-Artikolu 3 tad-Deċiżjoni tal-Kunsill 2008/146/KE (10). |
|
(11) |
Fir-rigward tal-Liechtenstein, dan ir-Regolament jikkostitwixxi żvilupp fid-dispożizzjonijiet tal-acquis ta’ Schengen fis-sens tal-Protokoll iffirmat bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis (11) ta’ Schengen, li jaqgħu fil-qasam imsemmi fl-Artikolu 1, il-punt A, tad-Deċiżjoni 1999/437/KE, moqri flimkien mal-Artikolu 3 tad-Deċiżjoni tal-Kunsill 2011/350/UE (12). |
|
(12) |
Fir-rigward ta’ Ċipru, dan ir-Regolament jikkostitwixxi att li jibni fuq l-acquis ta’ Schengen jew li b’xi mod ieħor huwa relatat miegħu, fis-sens tal-Artikolu 3(1) tal-Att tal-Adeżjoni tal-2003. |
|
(13) |
Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (13) u ta opinjoni fis-27 ta’ Mejju 2025, |
ADOTTAT DAN IR-REGOLAMENT:
Artikolu 1
Fl-Artikolu 1 tar-Regolament Delegat (UE) 2023/332, il-punt (1), jiddaħħal il-punt (i) li ġej:
|
“(i) |
il-kunjom/kunjomijiet u l-isem/ismijiet, l-isem/ismijiet mat-twelid u l-ismijiet użati qabel u xi psewdonimi; in-nazzjonalità/nazzjonalitajiet; id-data tat-twelid; il-post tat- twelid u s-sess; kif imsemmija fl-Artikolu 17(1), il-punti (c) sa (f) u (h), l- Artikolu 19(1) il-punti (c) sa (f) u (h), 21(1), il-punti (c) sa (f) u (h), l-Artikolu 22(2), il-punti (c) sa (f) u (h), l-Artikolu 23(2), il-punti (c) sa (f) u (h), l-Artikolu 26(2), il- punti (c) sa (f) u (h) tar-Regolament (UE) 2024/1358 tal-Parlament Ewropew u tal- Kunsill (*1). |
(*1) Ir-Regolament (UE) 2024/1358 tal-Parlament Ewropew u tal-Kunsill tal-14 ta’ Mejju 2024 dwar l-istabbiliment tal-“Eurodac” għat-tqabbil ta’ data bijometrika sabiex jiġu applikati b’mod effettiv ir-Regolamenti (UE) 2024/1351 u (UE) 2024/1350 tal- Parlament Ewropew u tal-Kunsill u d-Direttiva tal-Kunsill 2001/55/KE u sabiex jiġu identifikati ċittadini ta’ pajjiż terz u persuni apolidi b’soġġorn illegali u dwar talbiet għat-tqabbil mad-data tal-Eurodac mill-awtoritajiet tal-infurzar tal-liġi tal-Istati Membri u mill-Europol għall-finijiet tal-infurzar tal-liġi, li jemenda r-Regolamenti (UE) 2018/1240 u (UE) 2019/818 tal-Parlament Ewropew u tal-Kunsill u li jħassar ir- Regolament (UE) Nru 603/2013 tal-Parlament Ewropew u tal-Kunsill (ĠU L, 2024/1358, 22.5.2024, ELI: http://data.europa.eu/eli/reg/2024/1358/oj).”."
Artikolu 2
L-Annessi I u II tar-Regolament Delegat (UE) 2023/332 huma emendati f’konformità mal-Anness ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri f’konformità mat-Trattati.
Magħmul fi Brussell, it-3 ta’ Diċembru 2025.
Għall-Kummissjoni
Il-President
Ursula VON DER LEYEN
(1) ĠU L 135, 22.5.2019, p. 85, ELI: http://data.europa.eu/eli/reg/2019/818/oj.
(2) Ir-Regolament (UE) 2019/817 tal-Parlament Ewropew u tal-Kunsill tal-20 ta’ Mejju 2019 dwar l-istabbiliment ta’ qafas għall-interoperabbiltà bejn sistemi ta’ informazzjoni tal-UE fil-qasam ta’ fruntieri u viża u li jemenda r-Regolamenti (KE) Nru 767/2008, (UE) 2016/399, (UE) 2017/2226, (UE) 2018/1240, (UE) 2018/1726 u (UE) 2018/1861 tal-Parlament Ewropew u tal-Kunsill u d-Deċiżjonijiet tal-Kunsill 2004/512/KE u 2008/633/ĠAI (ĠU L 135, 22.5.2019, p. 27, ELI: http://data.europa.eu/eli/reg/2019/817/oj).
(3) Ir-Regolament Delegat tal-Kummissjoni (UE) 2023/332 tal-11 ta’ Lulju 2022 li jissupplimenta r-Regolament (UE) 2019/818 tal-Parlament Ewropew u tal-Kunsill fir-rigward tad-determinazzjoni ta’ każijiet li fihom id-data tal-identità tista’ titqies l-istess jew simili għall-fini tad-detezzjoni ta’ identitajiet multipli (ĠU L 47, 15.2.2023, p. 6, ELI: http://data.europa.eu/eli/reg_del/2023/332/oj).
(4) Ir-Regolament (UE) Nru 603/2013 tal-Parlament Ewropew u tal-Kunsill tas-26 ta’ Ġunju 2013 dwar l-istabbiliment tal-“Eurodac” għat-tqabbil ta’ marki tas-swaba’ għall-applikazzjoni effettiva tar-Regolament (UE) Nru 604/2013 li jistabbilixxi l-kriterji u l-mekkaniżmi biex ikun iddeterminat l-Istat Membru responsabbli biex jeżamina applikazzjoni għall-protezzjoni internazzjonali ddepożitata f’wieħed mill-Istati Membri minn ċittadin ta’ pajjiż terz jew persuna apolida u dwar talbiet għat-tqabbil ma’ data tal-Eurodac mill-awtoritajiet tal-infurzar tal-liġi tal-Istati Membri u mill-Europol għall-finijiet ta’ infurzar tal-liġi, u li jemenda r-Regolament (UE) Nru 1077/2011 li jistabbilixxi Aġenzija Ewropea għat-tmexxija operattiva tas-sistemi tal-IT fuq skala kbira fl-ispazju ta’ libertà, sigurtà u ġustizzja (ĠU L 180, 29.6.2013, p. 1, ELI: http://data.europa.eu/eli/reg/2013/603/oj).
(5) Ir-Regolament (UE) 2024/1358 tal-Parlament Ewropew u tal-Kunsill tal-14 ta’ Mejju 2024 dwar l-istabbiliment tal-“Eurodac” għat-tqabbil ta’ data bijometrika sabiex jiġu applikati b’mod effettiv ir-Regolamenti (UE) 2024/1351 u (UE) 2024/1350 tal-Parlament Ewropew u tal-Kunsill u d-Direttiva tal-Kunsill 2001/55/KE u sabiex jiġu identifikati ċittadini ta’ pajjiż terz u persuni apolidi b’soġġorn illegali u dwar talbiet għat-tqabbil mad-data tal-Eurodac mill-awtoritajiet tal-infurzar tal-liġi tal-Istati Membri u mill-Europol għall-finijiet tal-infurzar tal-liġi, li jemenda r-Regolamenti (UE) 2018/1240 u (UE) 2019/818 tal-Parlament Ewropew u tal-Kunsill u li jħassar ir-Regolament (UE) Nru 603/2013 tal-Parlament Ewropew u tal-Kunsill (ĠU L, 2024/1358, 22.5.2024, ELI: http://data.europa.eu/eli/reg/2024/1358/oj).
(6) Id-Deċiżjoni tal-Kunsill 2002/192/KE tat-28 ta’ Frar 2002 rigward it-talba tal-Irlanda biex tieħu sehem f’xi dispożizzjonijiet tal-acquis ta’ Schengen (ĠU L 64, 7.3.2002, p. 20, ELI: http://data.europa.eu/eli/dec/2002/192/oj).
(7) ĠU L 176, 10.7.1999, p. 36, ELI: http://data.europa.eu/eli/agree_internation/1999/439(1)/oj.
(8) Id-Deċiżjoni tal-Kunsill 1999/437/KE tas-17 ta’ Mejju 1999 dwar ċerti arranġamenti għall-applikazzjoni tal-Ftehim konkluż mill-Kunsill tal-Unjoni Ewropea u r-Repubblika tal-Iżlanda u r-Renju tan-Norveġja dwar l-assoċjazzjoni ta’ dawn iż-żewġ Stati mal-implimentazzjoni, l-applikazzjoni u l-iżvilupp tal-acquis ta’ Schengen (ĠU L 176, 10.7.1999, p. 31, ELI: http://data.europa.eu/eli/dec/1999/437/oj).
(9) ĠU L 53, 27.2.2008, p. 52, ELI: http://data.europa.eu/eli/agree_internation/2008/178(1)/oj.
(10) Id-Deċiżjoni tal-Kunsill 2008/146/KE tat-28 ta’ Jannar 2008 dwar il-konklużjoni f’isem il-Komunità Ewropea, tal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen (ĠU L 53, 27.2.2008, p. 1, ELI: http://data.europa.eu/eli/dec/2008/146/oj).
(11) ĠU L 160, 18.6.2011, p. 21, ELI: http://data.europa.eu/eli/prot/2011/350/oj.
(12) Id-Deċiżjoni tal-Kunsill 2011/350/UE tas-7 ta’ Marzu 2011 dwar il-konklużjoni, f’isem l-Unjoni Ewropea, tal-Protokoll bejn l-Unjoni Ewropea, il-Komunità Ewropea, il-Konfederazzjoni Żvizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein mal-Ftehim bejn l-Unjoni Ewropea, il-Komunità Ewropea u l-Konfederazzjoni Żvizzera dwar l-assoċjazzjoni tal-Konfederazzjoni Żvizzera mal-implimentazzjoni, l-applikazzjoni u l-iżvilupp tal-acquis ta’ Schengen, relatat mal-abolizzjoni tal-verifiki mal-fruntieri interni u l-moviment tal-persuni (ĠU L 160, 18.6.2011, p. 19, ELI: http://data.europa.eu/eli/dec/2011/350/oj).
(13) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39, ELI: http://data.europa.eu/eli/reg/2018/1725/oj).
ANNESS
1.
L-Anness I tar-Regolament Delegat (UE) 2023/332 huwa emendat kif ġej:|
(1) |
Fit-Taqsima 1, it-tabella hija sostitwita bit-tabella li ġejja:
|
|
(2) |
Fit-taqsima 3.1, it-tabella hija sostitwita bit-tabella li ġejja:
|
|
(3) |
Fit-taqsima 3.2, it-tabella hija sostitwita bit-tabella li ġejja:
|
|
(4) |
Fit-taqsima 3.3, it-tabella hija sostitwita bit-tabella li ġejja:
|
|
(5) |
Fit-taqsima 3.4, it-tabella hija sostitwita bit-tabella li ġejja:
|
2.
L-Anness II tar-Regolament Delegat (UE) 2023/332 huwa emendat kif ġej:|
(1) |
Fit-taqsima 1, it-tabella hija sostitwita bit-tabella li ġejja:
|
|
(2) |
Fit-taqsima 3.1, it-tabella hija sostitwita bit-tabella li ġejja:
|
|
(3) |
Fit-taqsima 3.2, it-tabella hija sostitwita bit-tabella li ġejja:
|
|
(4) |
Fit-taqsima 3.3, it-tabella hija sostitwita bit-tabella li ġejja:
|
|
(5) |
Fit-taqsima 3.4, it-tabella hija sostitwita bit-tabella li ġejja:
|
ELI: http://data.europa.eu/eli/reg_del/2026/326/oj
ISSN 1977-074X (electronic edition)
