This document is an excerpt from the EUR-Lex website
Document 32025R1227
Regulation (EU) 2025/1227 of the European Parliament and of the Council of 17 June 2025 on the modification of customs duties applicable to imports of certain goods originating in or exported from the Russian Federation and the Republic of Belarus
Regolament (UE) 2025/1227 tal-Parlament Ewropew u tal-Kunsill tas-17 ta’ Ġunju 2025 dwar il-modifika tad-dazji doganali applikabbli għall-importazzjonijiet ta’ ċerti prodotti li joriġinaw jew jiġu esportati mill-Federazzjoni Russa u mir-Repubblika tal-Belarussja
Regolament (UE) 2025/1227 tal-Parlament Ewropew u tal-Kunsill tas-17 ta’ Ġunju 2025 dwar il-modifika tad-dazji doganali applikabbli għall-importazzjonijiet ta’ ċerti prodotti li joriġinaw jew jiġu esportati mill-Federazzjoni Russa u mir-Repubblika tal-Belarussja
PE/5/2025/REV/1
ĠU L, 2025/1227, 20.6.2025, ELI: http://data.europa.eu/eli/reg/2025/1227/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 17/06/2025; Data tal-iffirmar
- Date of effect:
- 21/06/2025; Dħul fis-seħħ Data tal-pubblikazzjoni +1 Ara Art. 4
- Date of effect:
- 20/07/2025; Applikazzjoni Applikazzjoni parzjali Ara Art. 4
- Date of signature:
- 17/06/2025
- Deadline:
- 21/06/2029; Ara Art. 2.1
- Date of end of validity:
- No end date
- Author:
- Il-Parlament Ewropew, Il-Kunsill tal-Unjoni Ewropea
- Responsible body:
- Directorate-General for Trade and Economic Security
- Form:
- Regolament
- Procedure number:
- Link
- European Parliament - Legislative observatory
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 12016E207 - P2
- Proposal:
-
- 52025PC0034 Adopted on: 17/06/2025
- Link
- Link
- Link
- Link
- Link
- Select all documents mentioning this document
- Affected by case:
-
- Partial annulment requested by 62025TN0629
- Partial annulment requested by 62025TN0630
- Instruments cited:
- EUROVOC descriptor:
- Subject matter:
- Directory code:
|
Il-Ġurnal Uffiċjali |
MT Is-serje L |
|
2025/1227 |
20.6.2025 |
REGOLAMENT (UE) 2025/1227 TAL-PARLAMENT EWROPEW U TAL-KUNSILL
tas-17 ta’ Ġunju 2025
dwar il-modifika tad-dazji doganali applikabbli għall-importazzjonijiet ta’ ċerti prodotti li joriġinaw jew jiġu esportati mill-Federazzjoni Russa u mir-Repubblika tal-Belarussja
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 207(2) tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Filwaqt li jaġixxu f’konformità mal-proċedura leġiżlattiva ordinarja (1),
Billi:
|
(1) |
L-importazzjonijiet tal-Unjoni ta’ fertilizzanti bbażati fuq l-urea u n-nitroġenu mill-Federazzjoni Russa fl-2023 kienu sinifikanti, fil-livell ta’ 3,6 miljun tunnellata, u żdiedu b’mod konsiderevoli fl-2024 meta mqabbla mal-2023. Il-livell tal-importazzjonijiet tal-Unjoni mill-Federazzjoni Russa tal-prodotti agrikoli koperti minn dan ir-Regolament (“il-prodotti agrikoli kkonċernati”) huwa relattivament baxx għall-biċċa l-kbira ta’ dawk il-prodotti, iżda jista’ jiżdied b’mod sinifikanti jekk jippersistu l-kundizzjonijiet kummerċjali attwali. |
|
(2) |
L-importazzjonijiet tal-Unjoni tal-fertilizzanti koperti minn dan ir-Regolament (“il-fertilizzanti kkonċernati”) bħalissa jirriflettu sitwazzjoni ta’ dipendenza ekonomika fuq il-Federazzjoni Russa. Barra minn hekk, l-importazzjonijiet tal-prodotti agrikoli kkonċernati jistgħu joħolqu dipendenza ekonomika simili u addizzjonali fuq il-Federazzjoni Russa, li fiċ-ċirkostanzi attwali jenħtieġ li tiġi evitata u mnaqqsa sabiex jiġi protett is-suq tal-Unjoni u tiġi ssalvagwardjata s-sigurtà tal-ikel tal-Unjoni. |
|
(3) |
Id-dazji doganali komuni erga omnes tal-Unjoni huma t-tariffi tan-nazzjon l-aktar iffavorit applikati bħalissa għall-importazzjonijiet tal-prodotti agrikoli kkonċernati u l-fertilizzanti kkonċernati (l-“prodotti kkonċernati”). Dawk it-tariffi attwalment ivarjaw ħafna. Skont il-prodotti kkonċernati, uħud mit-tariffi jew huma stabbiliti fil-livell ta’ żero inkella huma stabbiliti baxxi ħafna, filwaqt li tariffi oħra tant huma għoljin li ma jseħħ l-ebda kummerċ. |
|
(4) |
L-importazzjonijiet kontinwi tal-prodotti kkonċernatimill-Federazzjoni Russa skont il-kundizzjonijiet attwali tista’ tagħmel lill-Unjoni vulnerabbli għal azzjonijiet koerċittivi mill-Federazzjoni Russa. B’mod partikolari, żieda potenzjali fl-importazzjonijiet tal-prodotti kkonċernati mill-Federazzjoni Russa tista’ tfixkel is-suq tal-Unjoni u tħalli impatt negattiv fuq il-produtturi tal-Unjoni. Għalhekk huwa meħtieġ li jittieħdu miżuri tariffarji xierqa sabiex tiġi indirizzata d-dipendenza ekonomika attwali u potenzjali tal-Unjoni fuq l-importazzjonijiet tal-prodotti kkonċernati mill-Federazzjoni Russa. Dan jenħtieġ li jsir billi tintemm is-sitwazzjoni attwali fejn il-prodotti kkonċernati jidħlu fis-suq tal-Unjoni b’termini li huma favorevoli daqs dawk applikati għal prodotti ta’ oriġini oħra li jirċievu t-trattament tan-nazzjon l-aktar iffavorit. |
|
(5) |
Bħalissa, l-importazzjonijiet tal-fertilizzanti kkonċernati mill-Federazzjoni Russa diġà qed jiżdiedu u jistgħu jiżdiedu aktar u malajr jekk il-produzzjoni Russa addizzjonali tiġi orjentata mill-ġdid lejn l-Unjoni. Tali żieda potenzjali fl-importazzjonijiet mill-Federazzjoni Russa tfixkel is-suq tal-Unjoni għall-fertilizzanti kkonċernati u tagħmel ħsara lill-produtturi tal-Unjoni tal-fertilizzanti tan-nitroġenu, li diġà qed jiffaċċjaw diffikultajiet biex jikkompetu mal-importazzjonijiet mill-Federazzjoni Russa minħabba li l-prezzijiet tal-gass fl-Unjoni għadhom għoljin. Is-sopravivenza fit-tul tal-industrija tal-fertilizzanti tan-nitroġenu tal-Unjoni hija ta’ importanza kruċjali għas-sigurtà tal-ikel tal-Unjoni minħabba li s-settur agrikolu tal-Unjoni jeħtieġ il-fertilizzanti kkonċernati sabiex jipproduċi l-ikel. Għalhekk huwa vitali li tiġi indirizzata d-dipendenza dejjem tikber fuq l-importazzjonijiet tal-fertilizzanti kkonċernati mill-Federazzjoni Russa u tiġi ppreservata l-vijabbiltà ta’ industrija awtonoma tal-Unjoni tal-fertilizzanti tan-nitroġenu biex tiġi żgurata u tinżamm is-sigurtà tal-ikel tal-Unjoni. Sabiex tiġi evitata dipendenza futura fuq l-importazzjonijiet ta’ prodotti agrikoli mill-Federazzjoni Russa, huwa meħtieġ ukoll li jiġu aġġustati l-livelli tariffarji għall-prodotti agrikoli kkonċernati.. |
|
(6) |
Jenħtieġ li jittieħdu wkoll miżuri tariffarji fir-rigward tar-Repubblika tal-Belarussja sabiex jiġi evitat li l-importazzjonijiet potenzjali lejn l-Unjoni mill-Federazzjoni Russa jiġu ddevjati minn ġewwa r-Repubblika tal-Belarussja, meta jitqiesu r- rabtiet politiċi u ekonomiċi mill-qrib tar-Repubblika tal-Belarussja mal-Federazzjoni Russa. Tali devjazzjoni ta’ importazzjonijiet potenzjali tista’ sseħħ jekk it-tariffi tal-Unjoni fuq l-importazzjonijiet tal-prodotti kkonċernati mir-Repubblika tal-Belarussja ma jinbidlux. Għalhekk, jenħtieġ li l-importazzjonijiet tal-prodotti kkonċernati li joriġinaw jew li jiġu esportati, direttament jew indirettament, mill-Federazzjoni Russa u mir-Repubblika tal-Belarussja lejn l-Unjoni jkunu soġġetti għal dazji doganali ogħla meta mqabbla ma’ importazzjonijiet minn pajjiżi terzi oħra. |
|
(7) |
Jenħtieġ li l-importazzjonijiet mill-Federazzjoni Russa u mir-Repubblika tal-Belarussja ma jibbenefikaw minn l-ebda tariffa aktar baxxa skont il-kwoti tariffarji tal-Unjoni abbażi tat-trattament tan-nazzjon l-aktar iffavorit. Għalhekk, jenħtieġ li r-rati mnaqqsa stabbiliti fil-kwoti tariffarji tal-Unjoni għall-prodotti elenkati fl-Annessi ta’ dan ir-Regolament ma japplikawx għall-prodotti li joriġinaw jew li jiġu esportati, direttament jew indirettament, mill-Federazzjoni Russa jew mir-Repubblika tal-Belarussja lejn l-Unjoni. |
|
(8) |
Iż-żieda prevista fid-dazji doganali mhijiex mistennija li taffettwa is-sigurtà globali tal-ikel b’mod negattiv minħabba li ż-żieda fit-tariffi tapplika biss għall-importazzjonijiet fl-Unjoni u ma taffettwax il-prodotti kkonċernati jekk ikunu biss fi tranżitu mit-territorju tal-Unjoni lejn pajjiżi terzi tad-destinazzjoni finali. Għall-kuntrarju, iż-żieda prevista fid-dazji tal-importazzjoni tal-Unjoni tista’ żżid l-esportazzjonijiet tal-prodotti kkonċernati lejn pajjiżi terzi u żżid id-disponibbiltà tal-provvisti f’dawk il-pajjiżi terzi. |
|
(9) |
Fl-istess ħin, il-fertilizzanti għandhom rwol sinifikanti għas-sigurtà tal-ikel kif ukoll għall-istabbiltà finanzjarja tal-bdiewa fl-Unjoni. Għalhekk huwa meħtieġ li jiġi żgurat aċċess prevedibbli u suffiċjenti għall-fertilizzanti, f’livelli ta’ prezzijiet affordabbli għall-bdiewa fl-Unjoni, li konsegwentement jenħtieġ li jikkontribwixxi għall-istabbilizzazzjoni tas-swieq agrikoli. Matul perjodu tranżitorju, il-miżura proposta tistimula ż-żieda fil-produzzjoni fl-Unjoni u tippermetti t-tisħiħ ta’ sorsi alternattivi ta’ provvista minn sħab internazzjonali oħra, filwaqt li timminimizza r-riskju li l-prezzijiet tal-fertilizzanti għall-bdiewa fl-Unjoni jiżdiedu b’mod sostanzjali. Għal dak l-għan, jenħtieġ li l-Kummissjoni timmonitorja mill-qrib l-evoluzzjoni tal-prezzijiet tal-fertilizzanti fis-suq tal-Unjoni. Jekk il-prezzijiet tal-fertilizzanti jiżdiedu b’mod sostanzjali, jenħtieġ li l-Kummissjoni tivvaluta s-sitwazzjoni u tieħu l-azzjonijiet xierqa kollha biex tirrimedja tali żieda fil-prezzijiet. |
|
(10) |
Iż-żieda prevista fid-dazji doganali hija konsistenti mal-azzjoni esterna tal-Unjoni f’oqsma oħra, kif stabbilit fl-Artikolu 21(3) tat-Trattat dwar l-Unjoni Ewropea (TUE). L-istat tar-relazzjonijiet bejn l-Unjoni u l-Federazzjoni Russa ddeterjora ħafna f’dawn l-aħħar snin u b’mod partikolari mill-2022. Dik id-deterjorazzjoni tar-relazzjonijiet hija dovuta għan-nuqqas ta’ rispett sfaċċat tal-Federazzjoni Russa għad-dritt internazzjonali u, b’mod partikolari, il-gwerra ta’ aggressjoni mhux provokata u mhux ġustifikata tagħha kontra l-Ukrajna. Minn Lulju 2014, l-Unjoni imponiet progressivament miżuri restrittivi fuq il-kummerċ mal-Federazzjoni Russa b’rispons għall-azzjonijiet tal-Federazzjoni Russa kontra l-Ukrajna. |
|
(11) |
Il-Federazzjoni Russa hija membru tal-Organizzazzjoni Dinjija tal-Kummerċ (“WTO”). Madankollu, l-Unjoni bħalissa hija permessa, bis-saħħa tal-eċċezzjonijiet li japplikaw skont il-Ftehim li Jistabbilixxi l-Organizzazzjoni Dinjija tal-Kummerċ (il-“Ftehim tad-WTO”), u b’mod partikolari l-Artikolu XXI tal-Ftehim Ġenerali dwar Tariffi u Kummerċ 1994 (eċċezzjonijiet ta’ sigurtà), li tinjora l-obbligu li tagħti lill-prodotti importati mill-Federazzjoni Russa it-trattament tan-nazzjon l-aktar iffavorit, u mhijiex imwaqqfa milli timponi dazji ta’ importazzjoni ogħla minn dawk li jinsabu fl-iskeda tal-impenji tariffarji tal-Unjoni fuq il-kummerċ tal-prodotti, jekk l-Unjoni tqis li tali miżuri huma meħtieġa sabiex jiġu protetti l-interessi tas-sigurtà essenzjali tal-Unjoni. |
|
(12) |
Ir-relazzjonijiet bejn l-Unjoni u r-Repubblika tal-Belarussja ddeterjoraw ukoll matul dawn l-aħħar snin minħabba n-nuqqas ta’ rispett min-naħa tar-Repubblika tal-Belarussja għad-dritt internazzjonali, il-libertajiet fundamentali u d-drittijiet tal-bniedem, kif ukoll l-appoġġ tagħha għall-gwerra ta’ aggressjoni kontra l-Ukrajna mill-Federazzjoni Russa. Minn Ottubru 2020, l-Unjoni imponiet progressivament miżuri restrittivi fuq il-kummerċ mar-Repubblika tal-Belarussja. |
|
(13) |
Ir-Repubblika tal-Belarussja mhijiex membru tad-WTO. Għalhekk, l-Unjoni mhijiex obbligata, bis-saħħa tal-Ftehim tad-WTO, li tagħti lill-prodotti mir-Repubblika tal-Belarussja t-trattament tan-nazzjon l-aktar iffavorit u trattament ieħor f’konformità ma’ dak il-Ftehim. Barra minn hekk, il-ftehimiet kummerċjali eżistenti bejn l-Unjoni u r-Repubblika tal-Belarussja jippermettu azzjonijiet ġustifikati fuq il-bażi ta’ klawżoli ta’ eċċezzjoni applikabbli, b’mod partikolari eċċezzjonijiet ta’ sigurtà. |
|
(14) |
Sabiex ikunu żgurati kundizzjonijiet uniformi għall-implimentazzjoni ta’ dan ir-Regolament fir-rigward tal-istabbiliment ta’ arranġamenti għall-monitoraġġ tal-volumi tal-importazzjoni, jenħtieġ li jingħataw setgħat ta’ implimentazzjoni lill-Kummissjoni. Jenħtieġ li dawk is-setgħat ikunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill. (2) |
|
(15) |
F’konformità mal-prinċipju tal-proporzjonalità, huwa meħtieġ u xieraq li jiġu stabbiliti regoli li jżidu t-tariffi fuq il-prodotti kkonċernati b’effett immedjat, l-ewwel nett sabiex jintlaħaq l-objettiv bażiku li jiġi żgurat li l-prodotti kkonċernati li joriġinaw jew li jiġu esportati, direttament jew indirettament, mill-Federazzjoni Russa u mir-Repubblika tal-Belarussja ma jfixklux is-suq tal-Unjoni għall-prodotti kkonċernati u, it-tieni nett, sabiex tiġi implimentata l-Politika Kummerċjali Komuni u biex jitnaqqsu l-importazzjonijiet tal-Unjoni tal-prodotti kkonċernati mill-Federazzjoni Russa u mir-Repubblika tal-Belarussja b’rispons għat-tħassib li tali importazzjonijiet jistgħu jaffettwaw b’mod negattiv is-suq intern tal-Unjoni u jfixklu s-sigurtà tal-ikel tal-Unjoni. Dan ir-Regolament ma jmurx lil hinn minn dak li hu meħtieġ biex jintlaħqu l-objettivi maħsuba skont l-Artikolu 5(4) TUE. |
|
(16) |
Sabiex tiġi evitata aktar dipendenza ekonomika tal-Unjoni fuq importazzjonijiet tal-prodotti kkonċernati mill-Federazzjoni Russa u r-Repubblika tal-Belarussja, dan ir-Regolament jenħtieġ li jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea, |
ADOTTAW DAN IR-REGOLAMENT:
Artikolu 1
1. Il-prodotti kklassifikati taħt il-kodiċijiet tan-Nomenklatura Magħquda (NM) elenkati fl-Anness I li huma importati fl-Unjoni u li joriġinaw jew jiġu esportati, direttament jew indirettament, mill-Federazzjoni Russa jew mir-Repubblika tal-Belarussja għandhom ikunu soġġetti għal dazju doganali ad valorem addizzjonali ta’ 50 % li għandu japplika flimkien mar-rata tat-Tariffa Doganali Komuni applikabbli. Tali prodotti li joriġinaw jew jiġu esportati, direttament jew indirettament, mill-Federazzjoni Russa jew mir-Repubblika tal-Belarussja ma għandhomx ikunu eliġibbli għal dazji tal-importazzjoni aktar baxxi għal kwantitajiet limitati (kwoti tariffarji), fejn dawk id-dazji japplikaw skont l-obbligi tal-Unjoni skont il-Ftehim tad-WTO jew fejn il-kwoti tariffarji jinfetħu mill-Unjoni fuq bażi oħra.
2. Prodotti kklassifikati taħt il-kodiċi NM elenkati fl-Anness II li huma importati fl-Unjoni u li joriġinaw jew jiġu esportati, direttament jew indirettament, mill-Federazzjoni Russa jew mir-Repubblika tal-Belarussja għandhom ikunu soġġetti għal dazju doganali kif ġej:
|
(a) |
fir-rigward tal-prodotti li jaqgħu taħt il-kodiċi NM 3102:
|
|
(b) |
fir-rigward tal-prodotti li jaqgħu taħt il-kodiċi NM 3105 20, 3105 30, 3105 40, 3105 51, 3105 59 u 3105 90:
|
3. Minkejja l-paragrafu 2, jekk il-volumi kumulattivi tal-importazzjoni tal-prodotti elenkati fil-punti (a) u (b) ta’ dak il-paragrafu jilħqu l-limiti li ġejjin, il-Kummissjoni għandha, fi żmien 21 jum, timponi dazju fil-livell stabbilit fil-punt (a)(iv) jew fil-punt (b)(iv), rispettivament, ta’ dak il-paragrafu, għall-importazzjonijiet li jifdal ta’ dawk il-prodotti fil-perjodu partikolari:
|
(a) |
2,7 miljun tunnellata mill-1 ta’ Lulju 2025 sat-30 ta’ Ġunju 2026; |
|
(b) |
1,8 miljun tunnellata mill-1 ta’ Lulju 2026 sat-30 ta’ Ġunju 2027; |
|
(c) |
0,9 miljun tunnellata mill-1 ta’ Lulju 2027 sat-30 ta’ Ġunju 2028. |
4. Il-Kummissjoni tista’ tadotta atti ta’ implimentazzjoni li jistabbilixxu l-arranġamenti għall-monitoraġġ tal-volumi ta’ importazzjoni stabbiliti fil-paragrafu 3 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 3(2).
Artikolu 2
1. Il-Kummissjoni għandha timmonitorja l-prezzijiet applikabbli fl-Unjoni tal-prodotti elenkati fl-Anness II għal perjodu ta’ erba’ snin mill-21 ta’ Ġunju 2025.
2. Fil-każ li l-livelli tal-prezzijiet tal-prodotti elenkati fl-Anness II jaqbżu sostanzjalment il-livelli tal-prezzijiet tal-2024 matul il-perjodu msemmi fil-paragrafu 1, il-Kummissjoni għandha tivvaluta s-sitwazzjoni u tieħu l-azzjonijiet xierqa kollha biex tirrimedja tali żieda fil-prezzijiet. Tali azzjonijiet jistgħu jinkludu, fejn ikun xieraq, proposta għas-sospensjoni temporanja tat-tariffi għal dawk il-prodotti importati minnpajjiżi għajr il-Federazzjoni Russa jew ir-Repubblika tal-Belarussja u li joriġinaw minnhom.
Artikolu 3
1. Il-Kummissjoni għandha tkun mgħejuna mill-Kumitat dwar il-Kodiċi Doganali stabbilit mir-Regolament (UE) Nru 952/2013 tal-Parlament Ewropew u tal-Kunsill (3). Dak il-kumitat għandu jkun kumitat fis-sens tar-Regolament (UE) Nru 182/2011.
2. Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.
Artikolu 4
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Fir-rigward tal-prodotti elenkati fl-Anness I, dan ir-Regolament għandu japplika mill-20 ta’ Lulju 2025.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, is-17 ta’ Ġunju 2025.
Għall-Parlament Ewropew
Il-President
R. METSOLA
Għall-Kunsill
Il-President
A. SZŁAPKA
(1) Il-pożizzjoni tal-Parlament Ewropew tat-22 ta’ Mejju 2025 (għadha mhijiex ippubblikata fil-Ġurnal Uffiċjali) u d-deċiżjoni tal-Kunsill tat-12 ta’ Ġunju 2025.
(2) Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13, ELI: http://data.europa.eu/eli/reg/2011/182/oj).
(3) Ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1, ELI: http://data.europa.eu/eli/reg/2013/952/oj).
ANNESS I
LISTA TA’ PRODOTTI MSEMMIJA FL-ARTIKOLU 1(1)
|
Kodiċi NM |
Deskrizzjoni |
|
01 |
Annimali ħajjin |
|
02 |
Laħam u ġewwieni tal-laħam kommestibbli |
|
04 |
Prodotti tal-ħalib; bajd tal-għasafar; għasel naturali; prodotti li jittieklu ta’ oriġini mill-annimali, li mhumiex speċifikati jew inklużi band’oħra |
|
05 |
Prodotti ta’ oriġini mill-annimali li mhumiex speċifikati jew inklużi band’oħra |
|
06 |
Siġar ħajjin u pjanti oħrajn; basal, għeruq u simili; fjuri maqtugħin u faxxina ornamentali |
|
Ex 07 |
Ħaxix u ċerti għeruq u tuberi kommestibbli, ħlief: 0713 10 piżelli (Pisum sativum) 0713 20 ċiċri (garbanzos) |
|
08 |
Frott u ġewż kommestibbli; qoxra tal-frott taċ-ċitru jew tal-bettieħ |
|
09 |
Kafè, te, matè u ħwawar |
|
1004 |
Ħafur |
|
1006 |
Ross |
|
1008 60 |
Tritikal |
|
Ex 11 |
Prodotti tal-industrija tat-tħin; xgħir; lamti; inulina; glutina tal-qamħ, ħlief il-kodiċi NM 1106 10 00 |
|
1209 |
Żrieragħ, frott u spori, ta’ tip użat għaż-żrigħ |
|
1210 |
Koni tal-ħops, frisk jew niexef, mitħun jew le, trab jew f’forma ta’ gerbub; lupulina |
|
1211 |
Pjanti u partijiet tagħhom (inklużi żerriegħa u frott), ta’ kwalità użata l-aktar fil-fwejjaħ, fil-farmaċija jew għal għanijiet ta’ insettiċidi, funġiċidi jew għal għanijiet simili oħrajn, friski, imkessħin, iffriżati jew imnixxfin, maqtugħin jew le, misħuqin jew trab |
|
1212 |
Ħarrub, alki tal-baħar u alka oħrajn, pitravi zokkrin u kannamieli, friski, imkessħin, iffriżati jew imnixxfin, kemm jekk mitħuna u kemm jekk le; għadam u qlub tal-frott u prodotti oħrajn ta’ ħxejjex (inklużi għeruq mhux inkaljati taċ-ċikwejra tal-varjetà Cichorium intybus sativum) tat-tip użati primarjament għall-konsum mill-bniedem, mhux speċifikati jew inklużi band’oħra |
|
1213 |
Tiben u ħliefa taċ-ċereali, mhux ippreparati, kemm jekk imqattgħin, mitħunin, ippressati jew fil-forma ta’ gerbub u kemm jekk le |
|
1214 |
Swedes, mangoldi, għeruq għall-għalf, ħuxlief, xnien (alfalfa), silla, sainfoin, kaboċċi għall-magħlef, lupini, ġulbiena u prodotti simili tal-għalf, kemm jekk f’forma ta’ gerbub jew le |
|
13 |
Gommalakka; gomom, rażi u meraq u estratti veġetali oħrajn |
|
1401 |
Materjali veġetali ta’ kwalità’ użata primarjament għat-trizza (eż. bambù, rattan, qasab, ġummar, żafżaf, raffja, tiben taċ-ċereali mnaddaf, ibbliċjat jew miżbugħ, u qoxra tat-tilju) |
|
1404 20 |
Ħjut tal-qoton |
|
1501 |
Xaħam tal-majjal (inkluż il-lardu) u xaħam tal-pollam, ħlief dak li jaqa’ taħt l-intestatura 0209 jew 1503 |
|
1502 |
Xaħmijiet tal-annimali bovini, tan-nagħaġ jew tal-mogħoż, ħlief dawk li jaqgħu taħt l-intestatura 1503 |
|
1503 |
Stearina tal-lardu, żejt tal-lardu, oleostearina, oleomarġerina u żejt tax-xaħam ta’ dam, mhux emulsifikati jew imħalltin jew preparati b’xi mod ieħor |
|
1505 |
Xaħam tas-suf u sustanzi xaħmin derivati minnu (inkluża l-lanolina) |
|
1506 |
Xaħmijiet u żjut tal-annimali oħrajn u l-frazzjonijiet tagħhom, kemm jekk raffinati u kemm jekk le, iżda mhux modifikati kimikament |
|
1509 |
Żejt taż-żebbuġ u l-frazzjonijiet tiegħu, raffinat jew le, iżda mhux modifikat kimikament |
|
1510 |
Żjut oħrajn u l-frazzjonijiet tagħhom, miksubin biss miż-żebbuġ, raffinati jew le, iżda mhux modifikati kimikament, inklużi taħlitiet ta’ dawn iż-żjut jew frazzjonijiet biż-żjut jew frazzjonijiet li jaqgħu taħt l-intestatura 1509 |
|
1511 |
Żejt tal-palm u l-frazzjonijiet tiegħu, raffinat jew le, iżda mhux modifikat kimikament |
|
1513 |
Żejt tal-ġewż tal-Indi (kopra), tal-qalba tal-ġewż tal-palm jew żejt babassu u l-frazzjonijiet tagħhom, raffinat jew le, iżda mhux modifikat kimikament |
|
1515 30 |
Żejt tar-riġnu u l-frazzjonijiet tiegħu |
|
1515 50 |
Żejt tal-ġulġlien u l-frazzjonijiet tiegħu |
|
1515 60 |
Xaħmijiet u żjut mikrobiċi u l-frazzjonijiet tagħhom |
|
1515 90 11 |
Żejt taż-żerriegħa tas-siġra tat-tung; żjut tal-jojoba u l-oitiċika; xema’ tar-riħan u xema’ tal-Ġappun; il-frazzjonijiet tagħhom |
|
1515 90 21 |
Żejt grezz taż-żerriegħa tat-tabakk u l-frazzjonijiet tiegħu, għal użi tekniċi jew industrijali ħlief għall-manifattura ta’ oġġetti tal-ikel għal konsum mill-bniedem |
|
1515 90 29 |
Żejt grezz taż-żerriegħa tat-tabakk u l-frazzjonijiet tiegħu, eskluż għal użi tekniċi jew industrijali ħlief għall-manifattura ta’ oġġetti tal-ikel għal konsum mill-bniedem |
|
1515 90 31 |
Żejt taż-żerriegħa tat-tabakk u l-frazzjonijiet tiegħu minbarra dak grezz, għal użi tekniċi jew industrijali ħlief għall-manifattura ta’ oġġetti tal-ikel għal konsum mill-bniedem |
|
1515 90 39 |
Żejt grezz taż-żerriegħa tat-tabakk u l-frazzjonijiet tiegħu għal użi tekniċi jew industrijali ħlief għall-manifattura ta’ oġġetti tal-ikel għal konsum mill-bniedem |
|
1516 10 |
Xaħmijiet u żjut tal-annimali u l-frazzjonijiet tagħhom |
|
1516 20 10 |
Żejt tar-riġnu idroġenizzat, hekk imsejjaħ “xama’ opali” |
|
1516 30 |
Ix-xaħmijiet u ż-żjut mikrobiċi u l-frazzjonijiet tagħhom |
|
1517 |
Marġerina, it-taħlitiet jew il-preparati kommestibbli tax-xaħmijiet jew taż-żjut tal-annimali, dawk veġetali jew dawk mikrobiċi jew tal-frazzjonijiet ta’ xaħmijiet u żjut differenti tal-Kapitolu 15, ħlief xaħmijiet jew żjut kommestibbli jew il-frazzjonijiet tagħhom li jaqgħu taħt l-intestatura 1516 |
|
1518 00 10 |
Linossina |
|
1520 |
Gliċerol, grezz; ilmijiet u lissiji tal-gliċerol |
|
1521 |
Xemgħat veġetali (ħlief trigliċeridi), xema’ tan-naħal, xemgħat u spermaċeti ta’ insetti oħrajn, kemm jekk raffinati jew kuluriti kif ukoll jekk le |
|
1522 |
Degras; residwi mit-trattament ta’ sustanzi xaħmin jew xemgħat ta’ annimali jew dawk veġetali |
|
1601 |
Zalzett u prodotti simili tal-laħam, tal-ġewwieni tal-laħam, tad-demm jew tal-insetti; il-preparati tal-ikel ibbażati fuq dawn il-prodotti |
|
1602 |
Laħam, ġewwieni tal-laħam, demm jew insetti ppreparati jew ippreservati oħrajn |
|
17 |
Zokkor u ħelu taz-zokkor |
|
18 |
Kawkaw u preparati tal-kawkaw |
|
19 |
Preparazzjonijiet ta’ ċereali, dqiq, lamtu jew ħalib; prodotti tal-pastiċċiera |
|
20 |
Preparazzjonijiet ta’ ħxejjex, frott, ġewż jew partijiet oħrajn ta’ pjanti |
|
21 |
Preparati diversi kommestibbli |
|
22 |
Xarbiet, spirti u ħall |
|
2301 10 |
Dqiq, grixi u gerbub, tal-laħam jew tal-ġewwieni tal-laħam, mhux tajbin għal konsum mill-bniedem; qrieqeċ |
|
2302 10 |
Granza, nuħħala u residwi oħrajn tal-qamħirrum (qamħ), fil-forma ta’ gerbub jew le, imnisslin mit-tnaqqih, tħin jew ipproċessar ieħor |
|
2302 40 02 |
Granza, nuħħala u residwi oħra tar-ross, kemm fil-forma ta’ gerbub jew le, imnisslin mit-tnaqqih, tħin jew ipproċessar ieħor, b’kontenut ta’ lamtu li ma jaqbiżx il-35 % |
|
2302 40 08 |
Granza, nuħħala u residwi oħra tar-ross, kemm fil-forma ta’ gerbub jew le, imnisslin mit-tnaqqih, tħin jew ipproċessar ieħor, ħlief dawk b’kontenut ta’ lamtu li ma jaqbiżx il-35 % |
|
2302 50 |
Granza, nuħħala u residwi oħra ta’ veġetali leguminużi, f’forma ta’ gerbub jew le, imnisslin mit-tnaqqih, tħin jew ipproċessar ieħor |
|
2306 90 11 |
Pasta taż-żrieragħ żejtnin u fdalijiet oħrajn solidi, kemm jekk mitħunin jew f’forma ta’ gerbub kif ukoll jekk le, li jirriżultaw mill-estrazzjoni ta’ żejt taż-żebbuġ, li fihom 3 % jew anqas mil-lat tal-piż taż-żejt taż-żebbuġ |
|
2306 90 19 |
Pasta taż-żrieragħ żejtnin u fdalijiet oħrajn solidi, kemm jekk mitħunin jew f’forma ta’ gerbub kif ukoll jekk le, li jirriżultaw mill-estrazzjoni ta’ żejt taż-żebbuġ, li fihom aktar minn 3 % mil-lat tal-piż taż-żejt taż-żebbuġ |
|
2307 |
Fond tal-inbid; argol |
|
2308 00 11 |
Karfa tal-għeneb magħsur, f’forma ta’ gerbub jew le, ta’ kwalità użata fl-għalf tal-annimali, mhux speċifikata jew inkluża band’oħra, b’qawwa alkoħolika totali mil-lat ta’ massa li ma taqbiżx l-4,3 % mas u kontenut ta’ materjal xott mhux anqas minn 40 % mil-lat tal-piż |
|
2308 00 19 |
Karfa tal-għeneb magħsur, f’forma ta’ gerbub jew le, ta’ tip użat fl-għalf tal-annimali, mhux speċifikata jew inkluża band’oħra, minbarra jekk ikollha qawwa alkoħolika totali mil-lat ta’ massa li ma taqbiżx l-4,3 % mas u kontenut ta’ materjal xott mhux anqas minn 40 % mil-lat tal-piż |
|
2308 00 40 |
Ġandar u qastan selvaġġ; residwi jew karfa tal-frott magħsur, ħlief għeneb, f’forma ta’ gerbub jew le, ta’ tip użat għall-għalf tal-annimali, mhux speċifikati jew inklużi band’oħra |
|
2309 10 |
Ikel għal klieb jew għal qtates, magħmul disponibbli għal bejgħ bl-imnut |
|
2309 90 10 |
Materjali li jinħallu ta’ ħut jew ta’ mammiferi tal-baħar, tat-tip użat fl-għalf tal-annimali |
|
2309 90 33 |
Preparazzjonijiet, inklużi taħlitiet lesti minn qabel, ta’ tip użat fl-għalf tal-annimali, li fihom glukożju, ġulepp tal-glukożju, maltodestrina jew ġulepp tal-maltodestrina tas-subintestaturi 1702 30 50 , 1702 30 90 , 1702 40 90 , 1702 90 50 u 2106 90 55 iżda li ma fihomx lamtu jew fihom 10 % jew anqas mil-lat tal-piż tal-lamtu u li fihom mhux inqas minn 10 % iżda anqas minn 50 % mil-lat tal-piż ta’ prodotti tal-ħalib |
|
2309 90 35 |
Preparazzjonijiet, inklużi taħlitiet lesti minn qabel, ta’ tip użat fl-għalf tal-annimali, li fihom glukożju, ġulepp tal-glukożju, maltodestrina jew ġulepp tal-maltodestrina tas-subintestaturi 1702 30 50 , 1702 30 90 , 1702 40 90 , 1702 90 50 u 2106 90 55 iżda li ma fihomx lamtu jew fihom 10 % jew anqas mil-lat tal-piż tal-lamtu u li fihom mhux anqas minn 50 % iżda anqas minn 75 % mil-lat tal-piż ta’ prodotti tal-ħalib |
|
2309 90 39 |
Preparazzjonijiet, inklużi taħlitiet lesti minn qabel, ta’ tip użat fl-għalf tal-annimali, li fihom glukożju, ġulepp tal-glukożju, maltodestrina jew ġulepp tal-maltodestrina tas-subintestaturi 1702 30 50 , 1702 30 90 , 1702 40 90 , 1702 90 50 u 2106 90 55 iżda li ma fihomx lamtu jew fihom 10 % jew anqas mil-lat tal-piż tal-lamtu u li fihom mhux anqas minn 75 % mil-lat tal-piż tal-prodotti tal-ħalib |
|
2309 90 43 |
Preparazzjonijiet, inklużi taħlitiet lesti minn qabel, ta’ tip użat fl-għalf tal-annimali, li fihom glukożju, ġulepp tal-glukożju, maltodestrina jew ġulepp tal-maltodestrina tas-subintestaturi 1702 30 50 , 1702 30 90 , 1702 40 90 , 1702 90 50 u 2106 90 55 iżda li fihom aktar minn 10 % iżda mhux aktar minn 30 % mil-lat tal-piż tal-lamtu u li fihom mhux anqas minn 10 % iżda anqas minn 50 % mil-lat tal-piż ta’ prodotti tal-ħalib |
|
2309 90 49 |
Preparazzjonijiet, inklużi taħlitiet lesti minn qabel, ta’ tip użat fl-għalf tal-annimali, li fihom glukożju, ġulepp tal-glukożju, maltodestrina jew ġulepp tal-maltodestrina tas-subintestaturi 1702 30 50 , 1702 30 90 , 1702 40 90 , 1702 90 50 u 2106 90 55 u li fihom iktar minn 10 % imma mhux aktar minn 30 % mil-lat tal-piż tal-lamtu u li fihom mhux anqas minn 50 % mil-lat tal-piż ta’ prodotti tal-ħalib |
|
2309 90 53 |
Preparazzjonijiet, inklużi taħlitiet lesti minn qabel, ta’ tip użat fl-għalf tal-annimali, li fihom glukożju, ġulepp tal-glukożju, maltodestrina jew ġulepp tal-maltodestrina tas-subintestaturi 1702 30 50 , 1702 30 90 , 1702 40 90 , 1702 90 50 u 2106 90 55 u li fihom iktar minn 30 % mil-lat tal-piż tal-lamtu u li fihom mhux anqas minn 10 % imma anqas minn 50 % mil-lat tal-piż ta’ prodotti tal-ħalib |
|
2309 90 59 |
Preparazzjonijiet, inklużi taħlitiet lesti minn qabel, ta’ tip użat fl-għalf tal-annimali, li fihom glukożju, ġulepp tal-glukożju, maltodestrina jew ġulepp tal-maltodestrina tas-subintestaturi 1702 30 50 , 1702 30 90 , 1702 40 90 , 1702 90 50 u 2106 90 55 u li fihom aktar minn 30 % mil-lat tal-piż tal-lamtu u li fihom mhux anqas minn 50 % mil-lat tal-piż tal-prodotti tal-ħalib |
|
2309 90 70 |
Preparazzjonijiet, inklużi taħlitiet lesti minn qabel, ta’ tip użat fl-għalf tal-annimali, li ma fihomx lamtu, glukożju, ġulepp tal-glukożju, maltodestrina jew ġulepp tal-maltodestrina iżda li fihom prodotti tal-ħalib |
|
24 |
Tabakk u sostituti manifatturati tat-tabakk; prodotti, kemm jekk ikun fihom in-nikotina u kemm jekk le, maħsuba għall-inalazzjoni mingħajr kombustjoni; prodotti oħra li fihom in-nikotina maħsuba għat-teħid tan-nikotina għal ġol-ġisem tal-bniedem |
|
2905 43 |
Mannite |
|
2905 44 |
D-gluċitol (sorbitol) |
|
3301 |
Żjut essenzjali (bla terpeni jew le), inklużi essenzi konkreti u essenzi assoluti; reżinojdi; oleorażi estratti; konċentrati taż-żjut essenzjali fix-xaħmijiet, fiż-żjut fissi, fix-xemgħa jew bħalhom, magħmulin permezz tal-enfleurage jew tal-inqigħ; prodotti sekondarji terpeniċi tad-deterpenazzjoni taż-żjut essenzjali; distillati milwiema u soluzzjonijiet milwiema taż-żjut essenzjali |
|
3501 |
Kaseina, kaseinati u derivati oħra tal-kaseina; kolol tal-kaseina |
|
3502 |
Albumini (inklużi konċentrati ta’ żewġ proteini jew aktar tax-xorrox, li fihom mil-lat tal-piż aktar minn 80 % proteini tax-xorrox, kalkulati fuq il-materjal xott), albuminati u derivattivi oħrajn ta’ albumina |
|
3503 |
Ġelatina (inkluża l-ġelatina f’folji rettangolari (inklużi l-kwadri), bil-wiċċ maħdum jew ikkulurit jew le) u derivattivi tal-ġelatina; ġeli ċar (isinglass); kolol oħrajn li ġejjin mill-annimali, esklużi kolol mill-kaseina tal-intestatura 3501 |
|
3504 |
Peptoni u d-derivativi tagħhom; sustanzi oħrajn ta’ proteini u derivattivi tagħhom, li mhumiex speċifikati jew inklużi band’oħra; trab għal ġilda (hide powder), kromat jew le |
|
3505 |
Destrini u lamti oħra mmodifikati (eż. lamti ġelatinizzati minn qabel jew esterifikati); kolla bbażata fuq lamti, destrini jew lamti oħra modifikati |
|
3809 10 |
Aġenti għall-finitura, vetturi tal-kuluranti biex jaċċelleraw iż-żbigħ jew l-iffissar tal-kuluranti u prodotti u preparati oħrajn (eż. dressings u sustanzi aderenti tal-kuluranti), ta’ tip użat fl-industriji tat-tessuti, tal-karta, tal-ġilda jew industriji simili, mhux speċifikati jew inklużi banda’oħra, b’bażi ta’ sustanzi amilaċeużi |
|
3824 60 |
Sorbitol ħlief dak tas-subintestatura 2905 44 |
|
4101 |
Ġlud mhux ikkunzati u ġlud tal-annimali bovini (inkluż tal-buflu) jew ekwini (friski, jew immellħin, imnixxfin, trattati bil-ġir, piklati jew preservati mod ieħor, iżda mhux ikkunzati, parċminati jew preparati b’mod ulterjuri), kemm jekk imxerrħa jew bix-xagħar imneħħi kemm jekk le |
|
4102 |
Ġlud mhux ikkunzati ta’ nagħaġ jew ħrief (friski, jew immellħin, imnixxfin, trattati bil-ġir, piklati jew preservati mod ieħor, iżda mhux ikkunzati, parċminati jew preparati b’mod ulterjuri), kemm jekk bis-suf imneħħi jew maqsum jew le, ħlief dawk esklużi bin-nota 1(c) tal-Kapitolu 41 |
|
4103 |
Ġlud mhux ikkunzati u ġlud oħrajn (friski, jew immellħin, imnixxfin, trattati bil-ġir, piklati jew preparati mod ieħor, iżda mhux ikkunzati, parċminati jew preparati b’mod ulterjuri), kemm jekk imxerrħa jew bix-xagħar imneħħi kemm jekk le, ħlief dawk esklużi bin-nota 1(b) jew bin-nota 1(c) tal-Kapitolu 41 |
|
4301 |
Ġlud grezzi tal-pil (inklużi l-irjus, id-dnieb, is-saqajn u l-bċejjeċ jew il-qatgħat oħrajn, tajbin għal użu tal-pelliċċiera), ħlief ġlud mhux ikkunzati u ġlud tal-intestaturi 4101 , 4102 jew 4103 |
|
5001 |
Fosdqa tad-dud tal-ħarir tajbin għat-tkebbib |
|
5002 |
Ħarir mhux maħdum (mhux mibrum) |
|
5003 |
Skart tal-ħarir (inklużi l-fosdqi li mhumiex tajba għat-tkebbib, l-iskart tal-ħajt u l-ħażniet mhux maħduma) |
|
5101 |
Suf, mhux imqardax jew mimxut |
|
5102 |
Xagħar fin jew aħrax tal-annimali, mhux imqardax jew mimxut |
|
5103 |
Skart tal-ħarir jew ta’ pil fin jew oħxon tal-annimali, inkluż l-iskart tal-ħajt iżda eskluż l-istokk imrixtel |
|
5201 |
Qoton, mhux mimxut jew imqardex |
|
5202 |
Skart tal-qoton (inklużi l-iskart tal-qoton u l-istokk imrixtel) |
|
5203 |
Qoton, mimxut jew imqardex |
|
5301 |
Għażel, mhux maħdum jew ipproċessat iżda mhux mibrum; frak u rmixk ta’ għażel (inkluż l-iskart tal-ħjut u l-materjal imrixtel) |
|
5302 |
Qanneb veru (Cannabis sativa L.); grezz jew ipproċessat, iżda mhux mibrum; stoppa u skart ta’ qanneb veru (inkluż l-iskart tal-ħajt u l-istokk imrixtel) |
ANNESS II
LISTA TA’ PRODOTTI MSEMMIJA FL-ARTIKOLU 1(2)
|
Kodiċi NM |
Deskrizzjoni |
|
3102 |
Fertilizzanti minerali jew kimiċi, nitroġeniċi |
|
Ex31 05 |
Fertilizzanti minerali jew kimiċi li jkun fihom tnejn jew tlieta mill-elementi fertilizzanti nitroġenu, fosfru u potassju; fertilizzanti oħrajn; prodotti tal-Kapitolu 31 f’forma ta’ pilloli jew forom simili jew f’pakketti b’piż gross ta’ mhux aktar minn 10 kg, ħlief: 3105 10 00 - Prodotti tal-Kapitolu 31 f’forma ta’ pilloli jew forom simili jew f’pakketti ta’ piż gross li ma jaqbiżx l-10 kg 3105 60 00 - Fertilizzanti minerali jew kimiċi li fihom iż-żewġ elementi fertilizzanti fosforu u potassju |
ELI: http://data.europa.eu/eli/reg/2025/1227/oj
ISSN 1977-074X (electronic edition)
