(1)

Ir-Regolament ta’ Implimentazzjoni tal-Kummissjoni (UE) 2021/567 (2) approva l-estratt milwiem miż-żrieragħ imġelbna tal-Lupinus albus ħelu bħala sustanza attiva b’riskju baxx f’konformità mar-Regolament (KE) Nru 1107/2009. Dik l-approvazzjoni kienet soġġetta għal ċerti kundizzjonijiet, b’mod partikolari s-sottomissjoni ta’ informazzjoni konfermatorja mill-applikant fir-rigward tal-ispeċifikazzjoni teknika tas-sustanza attiva kif immanifatturata (abbażi tal-produzzjoni fuq skala kummerċjali) u l-konformità tal-lottijiet tat-tossiċità mal-ispeċifikazzjoni teknika kkonfermata. B’mod partikolari, dik l-informazzjoni konfermatorja kienet tikkonċerna l-kontenut massimu tal-alkalojdi tal-kinoliżidina (lupanina, 13α-OH-lupanina, 13α-anġelojlossilupanina, lupinina, albina, angustofolina, 13α-tiglojlossilupanina, α-isolupanina, tetraidroombifolina, multiflorina, sparteina).

(2)

Skont dak ir-rekwiżit, l-applikant issottomessa dossier aġġornat f’Ottubru 2021, li ġie evalwat mill-Istat Membru relatur, in-Netherlands, fil-forma ta’ abbozz rivedut tar-rapport ta’ valutazzjoni.

(3)

Fid-9 ta’ Diċembru 2022, in-Netherlands iċċirkolaw l-abbozz rivedut tar-rapport ta’ valutazzjoni lill-Istati Membri l-oħra, lill-applikant u lill-Awtorità Ewropea dwar is-Sigurtà fl-Ikel (“l-Awtorità”) għall-kummenti tagħhom. Fit-22 ta’ Settembru 2023, l-Awtorità żiedet il-fehmiet xjentifiċi tagħha dwar il-punti speċifiċi mqajma matul il-kummenti. Fil-5 ta’ Diċembru 2023, l-Awtorità ppubblikat rapport tekniku (3) li jiġbor fil-qosor l-eżitu tal-proċess ta’ konsultazzjoni għall-estratt milwiem miż-żrieragħ imġelbna tal-Lupinus albus ħelu.

(4)

Fir-rapport ta’ rieżami tagħha għall-estratt milwiem miż-żrieragħ imġelbna tal-Lupinus albus ħelu tat-23 ta’ Mejju 2024 (4), il-Kummissjoni qieset il-ħtieġa li titneħħa l-indikazzjoni li l-ispeċifikazzjoni tal-materjal tekniku hija proviżorja, kif stabbilit fl-Anness I tar-Regolament ta’ Implimentazzjoni (UE) 2021/567.

(5)

Barra minn hekk, abbażi tal-informazzjoni konfermatorja li waslet, il-kontenut massimu tal-alkalojdi kwinoliżidina (lupanina, 13α-OH-lupanina, 13α-anġelojlossilupanina, lupinina, albina, angustofolina, 13α-tiglojlossilupanina, α-isolupanina, tetraidroombifolina, multiflorina, sparteina) jenħtieġ li jinżamm f’livell ta’ 0,05 g/kg. Barra minn hekk, abbażi tal-eżitu tal-valutazzjoni, il-Kummissjoni jidhrilha li l-lupanina trid tiġi stabbilita bħala markatur ta’ dawk l-alkalojdi tal-kinoliżidina, u l-kontenut massimu ta’ dan il-kompost jitqies li huwa stabbilit f’livell ta’ 0,035 g/kg.

(6)

Il-Kummissjoni stiednet lill-applikant jissottometti l-kummenti tiegħu dwar ir-rapport ta’ rieżami u l-Kummissjoni eżaminathom bir-reqqa.

(7)

Sabiex jiġi żgurat livell għoli ta’ protezzjoni għall-konsumatur, jixraq li jiġi stabbilit livell massimu għall-impuritajiet rilevanti fl-ispeċifikazzjoni teknika tas-sustanza attiva. Għaldaqstant, jenħtieġ li l-Anness tar-Regolament ta’ Implimentazzjoni tal-Kummissjoni (UE) Nru 540/2011 jiġi emendat kif xieraq.

(8)

L-Istati Membri jenħtieġ li jingħataw biżżejjed żmien biex jemendaw jew jirtiraw l-awtorizzazzjonijiet għall-prodotti għall-protezzjoni tal-pjanti li fihom l-estratt milwiem miż-żrieragħ imġelbna tal-Lupinus albus ħelu li ma jikkonformawx mal-ispeċifikazzjoni tal-materjal tekniku kif immanifatturat kummerċjalment.

(9)

Għall-prodotti għall-protezzjoni tal-pjanti li fihom l-estratt milwiem miż-żrieragħ imġelbna tal-Lupinus albus ħelu, meta l-Istati Membri jagħtu xi perjodu ta’ konċessjoni f’konformità mal-Artikolu 46 tar-Regolament (KE) Nru 1107/2009, jenħtieġ li dak il-perjodu jiskadi mhux aktar tard minn 15-il xahar wara d-dħul fis-seħħ dan ir-Regolament.

(10)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,