This document is an excerpt from the EUR-Lex website
Document 32024R1195
Commission Implementing Regulation (EU) 2024/1195 of 24 April 2024 concerning the authorisation of cassia essential oil from Cinnamomum aromaticum Nees as a feed additive for certain animal species
Regolament ta’ Implimentazzjoni tal-Kummissjoni (UE) 2024/1195 tal-24 ta’ April 2024 dwar l-awtorizzazzjoni taż-żejt essenzjali tal-kassja mis-Cinnamomum aromaticum Nees bħala addittiv tal-għalf għal ċerti speċijiet ta’ annimali
Regolament ta’ Implimentazzjoni tal-Kummissjoni (UE) 2024/1195 tal-24 ta’ April 2024 dwar l-awtorizzazzjoni taż-żejt essenzjali tal-kassja mis-Cinnamomum aromaticum Nees bħala addittiv tal-għalf għal ċerti speċijiet ta’ annimali
C/2024/2592
ĠU L, 2024/1195, 25.4.2024, ELI: http://data.europa.eu/eli/reg_impl/2024/1195/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Il-Ġurnal Uffiċjali |
MT Is-serje L |
2024/1195 |
25.4.2024 |
REGOLAMENT TA’ IMPLIMENTAZZJONI TAL-KUMMISSJONI (UE) 2024/1195
tal-24 ta’ April 2024
dwar l-awtorizzazzjoni taż-żejt essenzjali tal-kassja mis-Cinnamomum aromaticum Nees bħala addittiv tal-għalf għal ċerti speċijiet ta’ annimali
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) u l-Artikolu 10(5) tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ din l-awtorizzazzjoni. L-Artikolu 10(2) ta’ dak ir-Regolament jipprevedi l-evalwazzjoni mill-ġdid tal-addittivi awtorizzati skont id-Direttiva tal-Kunsill 70/524/KEE (2). |
(2) |
Is-sustanza żejt essenzjali tal-kassja mis-Cinnamomum aromaticum Nees kienet ġiet awtorizzata mingħajr limitu ta’ żmien, f’konformità mad-Direttiva 70/524/KEE, bħala addittiv tal-għalf għall-ispeċijiet kollha tal-annimali. Din is-sustanza wara ġiet inkluża fir-Reġistru tal-Addittivi tal-Għalf bħala prodott eżistenti, f’konformità mal-Artikolu 10(1), il-punt (b), tar-Regolament (KE) Nru 1831/2003. |
(3) |
F’konformità mal-Artikolu 10(2) tar-Regolament (KE) Nru 1831/2003 flimkien mal-Artikolu 7 tiegħu, tressqet applikazzjoni għall-awtorizzazzjoni taż-żejt essenzjali tal-kassja mis-Cinnamomum aromaticum Nees bħala addittiv tal-għalf għall-ispeċijiet kollha tal-annimali, bit-talba li l-addittiv jiġi kklassifikat fil-kategorija tal-addittivi “addittivi sensorjali” u fil-grupp funzjonali “komposti aromatizzanti”. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(4) |
L-applikant talab li l-addittiv jiġi awtorizzat biex jintuża wkoll fl-ilma tax-xorb. Madankollu, ir-Regolament (KE) Nru 1831/2003 ma jippermettix l-awtorizzazzjoni ta’ “komposti aromatizzanti” għall-użu fl-ilma tax-xorb. Għalhekk, l-użu ta’ dak l-addittiv fl-ilma tax-xorb jenħtieġ li ma jkunx permess. |
(5) |
Fl-opinjoni tagħha tas-27 ta’ Settembru 2022 (3) L-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, iż-żejt essenzjali tal-kassja mis-Cinnamomum aromaticum Nees huwa sikur għall-annimali li jgħixu għal żmien qasir (l-annimali maħsuba għas-simna), inklużi l-ħnienes u Suidae minuri. Ikkonkludiet ukoll li huwa sikura għall-konsumaturi u għall-ambjent. L-Awtorità indikat li, minħabba l-preżenza tal-istiren fiż-żejt tal-weraq tal-kassja, mhijiex fil-pożizzjoni li tikkonkludi dwar is-sikurezza tal-addittiv għall-annimali li jgħixu għal żmien twil u għall-annimali riproduttivi inklużi dawk l-annimali mrobbija għall-bajd/għat-tnissil/għar-riproduzzjoni. Barra minn hekk, l-Awtorità kkonkludiet li meta jiġi mmaniġġjat iż-żejt essenzjali, ma jistax jiġi eskluż l-esponiment tal-utenti mhux protetti għall-istiren u li għalhekk, biex jitnaqqas ir-riskju, l-esponiment tal-utenti jenħtieġ li jitnaqqas kemm jista’ jkun. Barra minn hekk l-Awtorità kkonkludiet li minħabba li s-sustanza hija rikonoxxuta li tagħti t-togħma lill-ikel u billi l-funzjoni tagħha fl-għalf tkun essenzjalment l-istess bħal dik fl-ikel, ma hemmx bżonn li jkun hemm aktar provi tal-effikaċja tagħha. Ivverifikat ukoll ir-rapport dwar il-metodu ta’ analiżi tal-addittiv tal-għalf fl-għalf, li ġie ppreżentat mil-Laboratorju ta’ Referenza stabbilit bir-Regolament (KE) Nru 1831/2003. |
(6) |
Sussegwentement, l-applikant irtira l-applikazzjoni għall-awtorizzazzjoni taż-żejt essenzjali tal-kassja mis-Cinnamomum aromaticum Nees għall-ispeċijiet u l-kategoriji tal-annimali kollha ħlief il-ħnienes, ħlief il-ħnienes ta’ Suidae minuri, ħlief l-ispeċijiet ta’ annimali tas-simna (għajr l-Equidae), ħlief is-salmonidi (għajr l-istokk tal-ħut riproduttur) u ħlief l-ispeċijiet minuri ta’ ħut bil-pinen (għajr l-istokk tal-ħut riproduttur). |
(7) |
Fid-dawl ta’ dan ta’ hawn fuq, il-Kummissjoni tqis li iż-żejt essenzjali tal-kassja mis-Cinnamomum aromaticum Nees jissodisfa l-kundizzjonijiet previsti fl-Artikolu 5 tar-Regolament (KE) Nru 1831/2003 fir-rigward: tal-ispeċijiet tal-annimali tas-simna (ħlief l-Equidae), fir-rigward tas-salmonidi (ħlief l-istokk tal-ħut riproduttur), fir-rigward tal-ħut bil-pinen (ħlief l-istokk tal-ħut riproduttur), fir-rigward tal-ħnienes u fir-rigward tal-ħnienes tas-Suidae minuri. Għaldaqstant, l-użu ta’ dak l-addittiv jenħtieġ li jiġi awtorizzat. Il-Kummissjoni hija tal-fehma li l-preżenza tas-sustanzi ta’ tħassib stiren u kumarina fiż-żejt essenzjali tal-kassa mis-Cinnamomum aromaticum Nees teħtieġ li jiġi stabbilit kontenut massimu fl-għalf komplet u li jiġi pprojbit il-kombinament ta’ dak l-addittiv ma’ addittivi oħra li fihom l-istess sustanzi ta’ tħassib. Barra minn hekk, il-Kummissjoni hija tal-fehma li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-utenti tal-addittiv. |
(8) |
L-Artikolu 10(5) tar-Regolament (KE) Nru 1831/2003 jimponi obbligu fuq il-Kummissjoni biex tadotta Regolament li jirtira mis-suq addittivi tal-għalf li għalihom ma tressqet l-ebda applikazzjoni kif meħtieġ mill-Artikolu 10(2) tar-Regolament (KE) Nru 1831/2003 qabel l-iskadenza prevista f’dik id-dispożizzjoni. Bl-istess mod, jenħtieġ li jiġi adottat Regolament dwar l-addittivi tal-għalf li għalihom tressqet applikazzjoni iżda li sussegwentement ġiet irtirata. |
(9) |
Fil-każ ta’ addittivi tal-għalf li għalihom tkun ġiet irtirata applikazzjoni għal ċerti speċijiet jew kategoriji ta’ annimali, l-irtirar mis-suq jenħtieġ li jikkonċerna biss dawk l-ispeċijiet jew kategoriji ta’ annimali. |
(10) |
Għalhekk, jenħtieġ li ż-żejt essenzjali tal-kassja mis-Cinnamomum aromaticum Nees jiġi rtirat mis-suq fir-rigward tal-ispeċijiet u l-kategoriji tal-annimali li mhumiex is-suġġett tal-awtorizzazzjoni mogħtija b’dan ir-Regolament. |
(11) |
Sa fejn dan ir-Regolament jawtorizza ż-żejt essenzjali tal-kassja mis-Cinnamomum aromaticum Nees bħala addittiv tal-għalf, ir-raġunijiet ta’ sikurezza ma jeħtiġux l-applikazzjoni immedjata tal-modifiki fil-kundizzjonijiet tal-awtorizzazzjoni ta’ dik is-sustanza fir-rigward tal-ispeċijiet u l-kategoriji tal-annimali li huma koperti mill-awtorizzazzjoni mogħtija b’dan ir-Regolament. Għalhekk, huwa xieraq li jiġi previst perjodu ta’ tranżizzjoni għall-partijiet interessati biex iħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni. |
(12) |
Barra minn hekk, sa fejn l-addittiv tal-għalf jiġi rtirat mis-suq, huwa xieraq ukoll li jiġi permess perjodu ta’ tranżizzjoni li fih il-ħażniet eżistenti tal-addittiv, tat-taħlitiet lesti minn qabel, tal-materjali tal-għalf u tal-għalf kompost li ġew prodotti b’dak l-addittiv, jistgħu jintużaw ukoll fir-rigward tal-ispeċijiet tal-annimali u l-kategoriji tal-annimali li mhumiex koperti mill-awtorizzazzjoni mogħtija b’dan ir-Regolament, sabiex il-partijiet interessati jkunu jistgħu jadattaw ruħhom għall-obbligu li jirtiraw dawk il-prodotti mis-suq. |
(13) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Awtorizzazzjoni
Is-sustanza speċifikata fl-Anness, tal-kategorija ta’ addittivi “addittivi sensorji” u tal-grupp funzjonali “komposti aromatizzanti”, hija awtorizzata bħala addittiv fin-nutrizzjoni tal-annimali, skont il-kundizzjonijiet stipulati f’dak l-Anness.
Artikolu 2
Irtirar mis-suq
L-addittiv tal-għalf żejt essenzjali tal-kassja mis-Cinnamomum aromaticum Nees, kif awtorizzat skont id-Direttiva 70/524/KEE, għandu jiġi rtirat mis-suq fir-rigward tal-ispeċijiet u l-kategoriji tal-annimali għajr dawk imsemmija fl-Anness.
Artikolu 3
Miżuri tranżizzjonali relatati mal-awtorizzazzjoni
1. L-addittiv tal-għalf imsemmi fl-Artikolu 2 u t-taħlitiet lesti minn qabel li fihom dawk l-addittiv, li jiġu prodotti u ttikkettati qabel il-15 ta’ Novembru 2024 f’konformità mar-regoli applikabbli qabel il-15 ta’ Mejju 2024 jistgħu jibqgħu jiġu introdotti fis-suq u jintużaw fir-rigward tal-ispeċijiet u tal-kategoriji tal-annimali msemmija fl-Anness sakemm jispiċċaw l-istokkijiet eżistenti.
2. L-għalf kompost u l-materjali tal-għalf li jkun fihom l-addittiv imsemmi fl-Artikolu 2, li jiġu prodotti u ttikkettati qabel il-15 ta’ Mejju 2025 f’konformità mar-regoli applikabbli qabel il-15 ta’ Mejju 2024 jistgħu jibqgħu jiġu introdotti fis-suq u jintużaw fir-rigward tal-ispeċijiet u tal-kategoriji tal-annimali msemmija fl-Anness sakemm jispiċċaw l-istokkijiet eżistenti.
Artikolu 4
Miżuri tranżizzjonali relatati mal-irtirar mis-suq
1. Il-ħażniet eżistenti tal-addittiv tal-għalf imsemmi fl-Artikolu 2 jistgħu jibqgħu jiġu introdotti fis-suq u jintużaw fir-rigward tal-ispeċijiet u l-kategoriji tal-annimali għajr dawk imsemmija fl-Anness sal-15 ta’ Mejju 2025.
2. It-taħlitiet lesti minn qabel prodotti bl-addittiv tal-għalf imsemmi fil-paragrafu 1 jistgħu jibqgħu jiġu introdotti fis-suq u jintużaw fir-rigward tal-ispeċijiet u l-kategoriji tal-annimali għajr dawk imsemmija fl-Anness sal-15 ta’ Awwissu 2025.
3. L-għalf kompost u l-materjali tal-għalf prodotti bl-addittiv tal-għalf imsemmi fil-paragrafu 1 jew bit-taħlitiet lesti minn qabel imsemmija fil-paragrafu 2 jistgħu jibqgħu jiġu introdotti fis-suq u jintużaw fir-rigward tal-ispeċijiet u l-kategoriji tal-annimali għajr dawk imsemmija fl-Anness sal-15 ta’ Mejju 2026.
Artikolu 5
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-24 ta’ April 2024.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29.
(2) Id-Direttiva tal-Kunsill 70/524/KEE tat-23 ta’ Novembru 1970 li tirrigwarda addittivi f’għalf għall-bhejjem (ĠU L 270, 14.12.1970, p. 1).
(3) EFSA Journal 2022;20(10):7600.
ANNESS
Numru ta’ identifikazzjoni tal-addittiv |
Addittiv |
Kompożizzjoni, formula kimika, deskrizzjoni, metodu analitiku. |
Speċi jew kategorija tal-annimali |
Età massima |
Kontenut minimu |
Kontenut massimu |
Dispożizzjonijiet oħrajn |
Tmiem il-perjodu tal-awtorizzazzjoni |
||||||||||
mg ta’ sustanza attiva/kg ta’ għalf komplet b’kontenut ta’ ndewwa ta’ 12 % |
||||||||||||||||||
Kategorija: Addittivi sensorjali. Grupp funzjonali: Komposti aromatizzanti |
||||||||||||||||||
2b131-eo |
Żejt essenzjali tal-kassja |
Kompożizzjoni tal-addittiv Żejt essenzjali miksub mill-weraq, miz-zkuk u mill-friegħi tas-Cinnamomum aromaticum Nees (1) Forma likwida Karatterizzazzjoni tas-sustanza attiva Żejt essenzjali miksub mis-Cinnamomum aromaticum Nees permezz tad-distillazzjoni bil-fwar tal-weraq, taz-zkuk u tal-friegħi kif definit mill-Kunsill tal-Ewropa (2). Speċifikazzjonijiet: (E)-Ċinnamaldeid: 70-89 % (E)-2-Metossiċinnamaldeid: 0-15 % Aċetat taċ-ċinnamil: ≤ 4 % Kumarina: ≤ 4 % Stiren: ≤ 0,1 % Nru CAS 8007-80-5 Numru EINECS: 284-635-0 Numru FEMA: 2258 Numru KtE: 131 Metodu analitiku (3) Għad-determinazzjoni tal-(E)-ċinnamaldeid (markatur fitokimiku) fl-addittiv tal-għalf (żejt tal-kassja):
|
Ħnieżer tas-simna |
— |
— |
61 |
|
l-10 ta’ Mejju 2034 |
||||||||||
Ħnieżer tas-simna ta’ Suidae minuri |
— |
— |
51 |
|||||||||||||||
Ħnienes u ħnienes ta’ Suidae minuri |
— |
— |
51 |
|||||||||||||||
Għoġġiela tas-simna |
— |
— |
100 |
|||||||||||||||
Frat tas-simna, nagħaġ tas-simna u ruminanti minuri tas-simna |
|
|
60 |
|||||||||||||||
Tiġieġ tas-simna u speċijiet minuri ta’ pollam tas-simna |
— |
— |
28,5 |
|||||||||||||||
Dundjani tas-simna |
— |
— |
38 |
|||||||||||||||
Fniek tas-simna |
— |
— |
25 |
|||||||||||||||
Salmonidi u speċijiet minuri ta’ ħut bil-pinen għajr l-istokk tal-ħut riproduttur |
— |
— |
125 |
|||||||||||||||
Speċijiet minuri oħra tas-simna għajr l-Equidae |
— |
— |
28,5 |
(1) Sinonimi aċċettati Cinnamomum cassia (L.) J. Presl u Cinnamomum cassia Blume.
(2) Natural sources of flavourings — Rapport Nru 2 (2007).
(3) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en.
ELI: http://data.europa.eu/eli/reg_impl/2024/1195/oj
ISSN 1977-074X (electronic edition)