1.   Meta notifikatur ikollu l-intenzjoni li jittrasporta skart imsemmi fl-Artikolu 4(1), (2) jew (3), in-notifikatur għandu jissottometti notifika bil-miktub minn qabel (“notifika”) lill-awtoritajiet kompetenti kollha kkonċernati.

Notifikatur imsemmi fl-Artikolu 3, il-punt (6)(a)(ii), (iii) jew (iv), jista’ jissottometti notifika biss meta n-notifikatur ikun kiseb permess jew ikun irreġistrat f’konformità mal-Kapitolu IV tad-Direttiva 2008/98/KE.

Meta notifikatur jissottometti notifika ġenerali għal diversi vjeġġi kif imsemmi fl-Artikolu 13, in-notifikatur għandu jikkonforma wkoll mar-rekwiżiti stabbiliti f’dak l-Artikolu.

Meta vjeġġ ikun destinat għal faċilità approvata minn qabel skont l-Artikolu 14, għandhom japplikaw ir-rekwiżiti proċedurali fil-paragrafi 12, 14, 15 u 16 ta’ dak l-Artikolu.

Meta vjeġġ ikun destinat għal irkupru interim jew rimi interim, għandu japplika wkoll l-Artikolu 15.

2.   In-notifika għandha tinkludi d-dokumenti li ġejjin:

In-notifikatur għandu jipprovdi l-informazzjoni indikata fid-dokument ta’ notifika u, meta rilevanti, l-informazzjoni indikata fid-dokument ta’ moviment.

Meta n-notifikatur ma jkunx il-produttur oriġinali tal-iskart kif imsemmi fl-Artikolu 3, il-punt (6)(a)(i), in-notifikatur għandu jiżgura li l-produttur oriġinali tal-iskart jew waħda mill-persuni indikati fl-Artikolu 3, il-punt (6)(a)(ii), (iii) jew (v), meta prattikabbli, jiffirmaw ukoll id-dokument ta’ notifika. Negozjant jew sensar għandu jiżgura li jkollu awtorizzazzjoni bil-miktub minn waħda mill-persuni msemmija fl-Artikolu 3, il-punt (6)(a)(i), (ii) jew (iii), biex jaġixxi f’isimhom, u li tali awtorizzazzjoni bil-miktub tiġi inkluża fin-notifika.

3.   Id-dokument ta’ notifika jew anness tiegħu għandu jkun fih l-informazzjoni u d-dokumentazzjoni elenkati fil-Parti 1 tal-Anness II. Id-dokument ta’ moviment jew anness tiegħu għandu jkun fih l-informazzjoni u d-dokumentazzjoni msemmija fil-Parti 2 tal-Anness II, sal-limitu possibbli fil-ħin tan-notifika.

4.   Meta jintalab minn kwalunkwe awtorità kompetenti kkonċernata, in-notifikatur għandu jipprovdi l-informazzjoni u d-dokumentazzjoni meħtieġa skont il-paragrafu 3 u l-informazzjoni u d-dokumentazzjoni addizzjonali stabbiliti fil-Parti 3 tal-Anness II lill-awtoritajiet kompetenti kkonċernati kollha. L-awtorità kompetenti li tkun għamlet it-talba għandha tinforma lill-awtoritajiet kompetenti l-oħra kkonċernati b’dik it-talba.

5.   Notifika għandha titqies li tkun twettqet kif suppost ladarba l-awtorità kompetenti tad-dispaċċ tkun sodisfatta li d-dokument ta’ notifika u d-dokument ta’ moviment ikunu ġew kompluti f’konformità mal-paragrafi 3 u 4.

6.   Notifika għandha titqies bħala kompluta kif suppost ladarba l-awtoritajiet kollha kkonċernati jkunu sodisfatti li d-dokument ta’ notifika u d-dokument ta’ moviment ikunu ġew kompluti f’konformità mal-paragrafi 3 u 4 jew ladarba jkunu rċevew l-informazzjoni u d-dokumentazzjoni kollha mitluba minnhom f’konformità mal-paragrafu 4.

7.   In-notifikatur għandu jipprovdi kopja tal-kuntratt konkluż f’konformità mal-Artikolu 6 u dikjarazzjoni li tiċċertifika l-eżistenza tiegħu f’konformità mal-Anness IA lill-awtoritajiet kompetenti kkonċernati fil-ħin tan-notifika.

8.   In-notifikatur għandu jipprovdi dikjarazzjoni li tkun ġiet stabbilita garanzija finanzjarja jew assigurazzjoni ekwivalenti f’konformità mal-Artikolu 7 billi jikkompleta l-parti xierqa tad-dokument ta’ notifika.

Il-garanzija finanzjarja jew l-assigurazzjoni ekwivalenti kif imsemmija fl-Artikolu 7 jew, jekk l-awtoritajiet kompetenti kkonċernati jippermettu hekk, dikjarazzjoni li tiċċertifika l-eżistenza tagħha f’konformità mal-formola stabbilita fl-Anness IA għandha tiġi pprovduta lill-awtoritajiet kompetenti kkonċernati bħala parti mid-dokument ta’ notifika fil-ħin tan-notifika.

B’deroga mit-tieni subparagrafu, id-dokumentazzjoni msemmija f’dak is-subparagrafu tista’, meta l-awtoritajiet kompetenti kkonċernati jippermettu hekk, tiġi pprovduta wara li tiġi sottomessa n-notifika, mhux aktar tard minn meta jiġi kkompletat id-dokument ta’ moviment f’konformità mal-Artikolu 16(2).

9.   In-notifika għandha tkopri l-vjeġġ mill-post li minnu jibda l-vjeġġ u tkopri kwalunkwe rkupru interim jew mhux interim jew rimi interim jew mhux interim tiegħu.

Meta rkupru interim jew mhux interim sussegwenti jew rimi interim jew mhux interim sussegwenti jitwettaq f’pajjiż għajr l-ewwel pajjiż tad-destinazzjoni, l-irkupru mhux interim jew ir-rimi mhux interim u l-post ta’ dak l-irkupru jew rimi għandhom jiġu indikati fin-notifika u japplika l-Artikolu 15(7).

10.   Kodiċi wieħed biss ta’ identifikazzjoni tal-iskart kif imsemmi fl-Anness III, fl-Anness IIIA, fl-Anness IIIB jew fl-Anness IV għandu jkun speċifikat fid-dokument ta’ notifika u fid-dokument ta’ moviment. F’każijiet meta l-iskart ma jkunx ikklassifikat taħt entrata waħda jew fl-Anness III, fl-Anness IIIB jew fl-Anness IV, għandu jkun speċifikat kodiċi wieħed biss ta’ identifikazzjoni tal-iskart mil-lista ta’ skart imsemmija fl-Artikolu 7 tad-Direttiva 2008/98/KE fid-dokument ta’ notifika u fid-dokument ta’ moviment, għajr għal:.

11.   Skart jew taħlitiet ta’ skart speċifikati f’konformità mal-paragrafu 10 ta’ dan l-Artikolu, jistgħu jiġu speċifikati aktar billi jiġu pprovduti l-kodiċijiet ta’ identifikazzjoni tal-iskart rilevanti mil-lista ta’ skart imsemmija fl-Artikolu 7 tad-Direttiva 2008/98/KE u kodiċijiet ta’ identifikazzjoni rilevanti oħra.

1.   Vjeġġi ta’ skart li għalihom hija meħtieġa notifika għandhom ikunu soġġetti għar-rekwiżit tal-konklużjoni ta’ kuntratt bejn in-notifikatur u d-destinatarju għall-irkupru jew għar-rimi tal-iskart. Jekk id-destinatarju ma jkunx l-operatur tal-faċilità għall-irkupru jew għar-rimi tal-iskart innotifikat, il-kuntratt għandu jiġi ffirmat ukoll mill-operatur tal-faċilità.

2.   Il-kuntratt imsemmi fil-paragrafu 1 għandu jiġi konkluż u jkun effettiv fil-mument tan-notifika u għandu jibqa’ effettiv għad-durata tal-vjeġġ sakemm jinħareġ ċertifikat f’konformità mal-Artikolu 15(5), mal-Artikolu 16(6), jew, meta xieraq, mal-Artikolu 15(4).

Il-kuntratt għandu jkun konsistenti mad-dokument ta’ notifika u mad-dokument ta’ moviment korrispondenti u tal-inqas ikun fih informazzjoni dwar in-notifikatur, id-destinatarju u l-faċilità, l-identità tal-persuni li jirrappreżentaw lil kull parti, in-numru tan-notifika, id-deżinjazzjoni u l-kompożizzjoni tal-iskart, il-kodiċijiet ta’ identifikazzjoni tal-iskart, il-kwantità ta’ skart koperta mill-kuntratt, l-operazzjoni tal-irkupru jew ir-rimi u l-perjodu ta’ validità tal-kuntratt.

3.   Il-kuntratt għandu jinkludi obbligi:

4.   Meta l-iskart ikun destinat għal irkupru interim jew rimi interim, il-kuntratt għandu jinkludi l-obbligi addizzjonali li ġejjin:

5.   Meta l-iskart jiġi ttrasportat bejn żewġ stabbilimenti taħt il-kontroll tal-istess entità ġuridika, il-kuntratt imsemmi fil-paragrafu 1 jista’ jiġi sostitwit b’dikjarazzjoni minn dik l-entità ġuridika. Dik id-dikjarazzjoni għandha tkopri l-obbligi msemmija fil-paragrafu 3.

1.   Vjeġġi li għalihom hija meħtieġa notifika għandhom ikunu soġġetti għar-rekwiżit ta’ garanzija finanzjarja jew assigurazzjoni ekwivalenti, li tkopri dan kollu li ġej:

2.   Il-garanzija finanzjarja jew l-assigurazzjoni ekwivalenti għandha tkopri l-ispejjeż li jinħolqu fil-kuntest tal-każijiet kollha li ġejjin:

3.   Il-garanzija finanzjarja jew l-assigurazzjoni ekwivalenti għandha tiġi stabbilita min-notifikatur jew minn persuna fiżika jew ġuridika oħra f’isem in-notifikatur u għandha tkun effettiva fil-mument tan-notifika jew, jekk l-awtorità kompetenti li tapprova l-garanzija finanzjarja jew l-assigurazzjoni ekwivalenti tippermetti dan, mhux aktar tard minn meta jiġi komplut id-dokument ta’ moviment f’konformità mal-Artikolu 16(2). Il-garanzija finanzjarja jew l-assigurazzjoni ekwivalenti għandha tapplika għall-vjeġġ mhux aktar tard minn meta jibda l-vjeġġ.

4.   L-awtorità kompetenti tad-dispaċċ għandha tapprova l-garanzija finanzjarja jew l-assigurazzjoni ekwivalenti, inkluż il-forma, it-test u l-ammont tal-kopertura.

5.   Il-garanzija finanzjarja jew l-assigurazzjoni ekwivalenti għandha tkun valida għall-vjeġġ u biex jiġu kompluti l-irkupru jew ir-rimi tal-iskart, kif ukoll tkoprihom.

Il-garanzija finanzjarja jew l-assigurazzjoni ekwivalenti għandha tiġi rrilaxxata meta l-awtorità kompetenti li tkun approvata tkun irċeviet iċ-ċertifikat imsemmi fl-Artikolu 16(6) jew, meta xieraq, iċ-ċertifikat imsemmi fl-Artikolu 15(5) fir-rigward ta’ rkupru interim jew ta’ rimi interim.

6.   B’deroga mill-paragrafu 5, meta l-iskart ikun destinat għal irkupru interim jew rimi interim u l-irkupru sussegwenti jew ir-rimi sussegwenti jseħħ fil-pajjiż tad-destinazzjoni, l-awtoritajiet kompetenti tad-dispaċċ u tad-destinazzjoni jistgħu jaqblu li l-garanzija finanzjarja jew l-assigurazzjoni ekwivalenti trid tiġi rilaxxata ladarba l-awtorità kompetenti kkonċernata tkun irċeviet iċ-ċertifikat imsemmi fl-Artikolu 15(4). F’dak il-każ, l-awtorità kompetenti li tiddeċiedi li tirrilaxxa l-garanzija finanzjarja jew l-assigurazzjoni ekwivalenti għandha minnufih tinforma lill-awtoritajiet kompetenti l-oħra kkonċernati bid-deċiżjoni tagħha, u kwalunkwe vjeġġ sussegwenti lejn faċilità għall-irkupru jew għar-rimi għandu jkun kopert minn garanzija finanzjarja jew assigurazzjoni ekwivalenti ġdida, dment li l-awtorità kompetenti tad-destinazzjoni ma tkunx sodisfatta li tali garanzija finanzjarja jew assigurazzjoni ekwivalenti mhijiex meħtieġa. F’dawk iċ-ċirkostanzi, l-awtorità kompetenti tad-destinazzjoni għandha tkun responsabbli għall-obbligi li jinqalgħu fil-każ ta’ teħid lura meta l-vjeġġ jew l-irkupru sussegwenti jew ir-rimi sussegwenti ma jkunx jista’ jiġi komplut kif maħsub, kif imsemmi fl-Artikolu 22, jew fil-każ ta’ vjeġġ illegali, kif imsemmi fl-Artikolu 25.

7.   L-awtorità kompetenti fl-Unjoni li tkun approvat il-garanzija finanzjarja jew l-assigurazzjoni ekwivalenti għandu jkollha aċċess għal dik il-garanzija jew għal dik l-assigurazzjoni, u għandha tagħmel użu mill-finanzjament, inkluż għall-fini ta’ pagamenti lil awtoritajiet oħra kkonċernati, sabiex jiġu ssodisfati l-obbligi li jinħolqu skont l-Artikoli 24 u 26.

8.   Fil-każ ta’ notifika ġenerali skont l-Artikolu 13, tista’ tiġi stabbilita garanzija finanzjarja jew assigurazzjoni ekwivalenti li tkopri partijiet tan-notifika ġenerali, minflok waħda li tkopri n-notifika ġenerali sħiħa. F’tali każijiet, il-garanzija finanzjarja jew l-assigurazzjoni ekwivalenti għandha tapplika għall-partijiet tal-vjeġġ innotifikat li tkun tkopri fil-mument meta jiġi komplut id-dokument ta’ moviment f’konformità mal-Artikolu 16(2).

9.   Il-garanzija finanzjarja jew l-assigurazzjoni ekwivalenti msemmija fil-paragrafu 8 ta’ dan l-Artikolu għandha tiġi rilaxxata meta l-awtorità kompetenti li tkun approvata tirċievi ċ-ċertifikat imsemmi fl-Artikolu 16(6) jew, meta rilevanti, fl-Artikolu 15(5), fir-rigward ta’ rkupru interim jew ta’ rimi interim għall-iskart. Il-paragrafu 6 ta’ dan l-Artikolu għandu japplika mutatis mutandis.

10.   Il-Kummissjoni għandha tivvaluta l-fattibbiltà tal-istabbiliment ta’ metodu ta’ kalkolu armonizzat sempliċi u bbażat fuq ir-riskju għad-determinazzjoni tal-ammont ta’ garanziji finanzjarji jew assigurazzjonijiet ekwivalenti u, jekk xieraq, tadotta att ta’ implimentazzjoni biex tistabbilixxi tali metodu ta’ kalkolu armonizzat sempliċi u bbażat fuq ir-riskju. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 81(2).

Fit-twettiq tal-valutazzjoni msemmija fl-ewwel subparagrafu, il-Kummissjoni għandha tqis, fost l-oħrajn, ir-regoli rilevanti tal-Istati Membri relatati mal-kalkolu tal-garanzija finanzjarja jew tal-assigurazzjoni ekwivalenti kif imsemmi f’dan l-Artikolu.

1.   Jekk in-notifika tkun meqjusa li ma saritx kif suppost, kif imsemmi fl-Artikolu 5(5), l-awtorità kompetenti tad-dispaċċ għandha titlob l-informazzjoni u d-dokumentazzjoni mingħand in-notifikatur f’konformità mal-Artikolu 5(3) u, meta applikabbli, mal-Artikolu 5(4).

2.   It-talba għal informazzjoni u dokumentazzjoni msemmija fil-paragrafu 1 għandha tiġi sottomessa lin-notifikatur mill-aktar fis possibbli, iżda mhux aktar tard minn 10 ijiem tax-xogħol wara s-sottomissjoni tan-notifika.

3.   In-notifikatur għandu jipprovdi l-informazzjoni u d-dokumentazzjoni msemmija fil-paragrafu 1 mill-aktar fis possibbli, iżda mhux aktar tard minn 10 ijiem tax-xogħol wara t-talba mill-awtorità kompetenti tad-dispaċċ. Jekk tintalab min-notifikatur, l-awtorità kompetenti tad-dispaċċ tista’ testendi dik l-iskadenza bi żmien raġonevoli jekk in-notifikatur jipprovdi spjegazzjoni motivata għalfejn tali estensjoni hija meħtieġa biex ikun jista’ jipprovdi l-informazzjoni u d-dokumentazzjoni mitluba.

4.   Meta, wara li tkun għaddiet id-data tal-iskadenza msemmija fil-paragrafu 3, l-awtorità kompetenti tad-dispaċċ tibqa’ tqis li n-notifika ma tkunx twettqet kif suppost kif imsemmi fl-Artikolu 5(5), jew l-informazzjoni u d-dokumentazzjoni addizzjonali kif imsemmija fl-Artikolu 5(4) ikunu għadhom meħtieġa, tista’ mill-aktar fis possibbli, u mhux aktar tard minn sebat ijiem tax-xogħol wara li tkun skadiet l-iskadenza msemmija fil-paragrafu 3, tagħmel sa żewġ talbiet oħra għal informazzjoni u dokumentazzjoni mingħand in-notifikatur f’konformità mal-paragrafu 2. Il-paragrafu 3 għandu japplika għal kwalunkwe talba bħal din mutatis mutandis.

5.   L-awtorità kompetenti tad-dispaċċ tista’ tiddeċiedi li n-notifika mhijiex valida u ma tiġix aktar ipproċessata, jekk l-informazzjoni u d-dokumentazzjoni pprovduti ma jkunux suffiċjenti jew meta l-ebda informazzjoni ma tkun ġiet ipprovduta min-notifikatur, fi żmien l-iskadenza msemmija fil-paragrafu 3, jew meta l-ewwel talba skont il-paragrafu 4 tkun saret, fi żmien l-iskadenza msemmija f’dak il-paragrafu.

L-awtorità kompetenti tad-dispaċċ għandha tiddeċiedi li n-notifika mhijiex valida u ma għandhiex tiġi pproċessata aktar, jekk l-informazzjoni u d-dokumentazzjoni pprovduti mat-talba finali li tkun saret f’konformità mal-paragrafu 4, ma jkunux suffiċjenti jew meta ma tkun ġiet ipprovduta l-ebda informazzjoni min-notifikatur, fi żmien l-iskadenza msemmija fil-paragrafu 4.

L-awtorità kompetenti tad-dispaċċ għandha tinforma lin-notifikatur u lill-awtoritajiet kompetenti l-oħrajn ikkonċernati bid-deċiżjoni tagħha skont dan il-paragrafu mill-aktar fis possibbli, iżda mhux aktar tard minn sebat ijiem tax-xogħol wara li tkun skadiet l-iskadenza msemmija fil-paragrafu 3, jew, meta applikabbli, fil-paragrafu 4.

6.   Meta l-awtorità kompetenti tad-dispaċċ tqis li n-notifika tkun twettqet kif suppost, kif imsemmi fl-Artikolu 5(5), hija għandha, mill-aktar fis possibbli, iżda mhux aktar tard minn 10 ijiem tax-xogħol wara s-sottomissjoni tan-notifika li tkun saret kif suppost, jew fi żmien sebat ijiem tax-xogħol minn meta tkun skadiet l-iskadenza msemmija fil-paragrafu 3, jew, meta applikabbli, fil-paragrafu 4, tinforma lin-notifikatur u lill-awtoritajiet kompetenti kkonċernati l-oħra b’dan.

7.   Meta l-awtorità kompetenti tad-destinazzjoni jew kwalunkwe awtorità kompetenti tat-tranżitu tqis li hija meħtieġa informazzjoni u dokumentazzjoni f’konformità mal-Artikolu 5(3) jew informazzjoni u dokumentazzjoni addizzjonali kif imsemmija fl-Artikolu 5(4), hija għandha, mill-aktar fis possibbli, iżda mhux aktar tard minn 10 ijiem tax-xogħol wara li tirċievi l-informazzjoni kif imsemmija fil-paragrafu 6, titlob dik l-informazzjoni u d-dokumentazzjoni mingħand in-notifikatur u tinforma lill-awtoritajiet kompetenti l-oħrajn b’dik it-talba.

8.   In-notifikatur għandu jipprovdi l-informazzjoni u d-dokumentazzjoni msemmija fil-paragrafu 7, mill-aktar fis possibbli, iżda mhux aktar tard minn 10 ijiem tax-xogħol wara t-talba mingħand l-awtorità kompetenti kkonċernata.

Jekk ikun hemm talba mingħand in-notifikatur, l-awtorità kompetenti kkonċernata tista’ testendi l-iskadenza msemmija fl-ewwel subparagrafu bi żmien raġonevoli, jekk in-notifikatur jipprovdi spjegazzjoni motivata għalfejn tali estensjoni hija meħtieġa biex ikun jista’ jipprovdi l-informazzjoni u d-dokumentazzjoni mitluba.

9.   Meta l-awtorità kompetenti tad-destinazzjoni jew kwalunkwe awtorità kompetenti tat-tranżitu tqis li l-informazzjoni u d-dokumentazzjoni skont l-Artikolu 5(3) jew informazzjoni u dokumentazzjoni addizzjonali skont fl-Artikolu 5(4) ikunu għadhom meħtieġa, l-awtorità kompetenti kkonċernata tista’ mill-aktar fis possibbli, iżda mhux aktar tard minn sebat ijiem tax-xogħol wara li tkun skadiet l-iskadenza msemmija fil-paragrafu 8, tagħmel sa żewġ talbiet oħra għal informazzjoni u dokumentazzjoni mingħand in-notifikatur f’konformità mal-paragrafu 7. Għandu japplika il-paragrafu 8 mutatis mutandis għal kwalunkwe talba bħal din.

10.   L-awtorità kompetenti tad-destinazzjoni jew kwalunkwe awtorità kompetenti tat-tranżitu tista’ tiddeċiedi li n-notifika mhijiex valida u ma tiġix aktar ipproċessata jekk l-informazzjoni u d-dokumentazzjoni pprovduti ma jkunux suffiċjenti jew meta l-ebda informazzjoni ma tkun ġiet ipprovduta mingħand in-notifikatur, fi żmien l-iskadenza msemmija fil-paragrafu 8, jew, meta l-ewwel talba skont il-paragrafu 9 tkun saret, fi żmien l-iskadenza msemmija f’dak il-paragrafu.

L-awtorità kompetenti tad-destinazzjoni jew kwalunkwe awtorità kompetenti tat-tranżitu għandha tiddeċiedi li n-notifika mhijiex valida u ma tiġix ipproċessata aktar, jekk l-informazzjoni u d-dokumentazzjoni pprovduti mat-talba finali li tkun saret f’konformità mal-paragrafu 8, ma jkunux suffiċjenti jew meta ma tkun ġiet ipprovduta l-ebda informazzjoni mingħand in-notifikatur, fi żmien l-iskadenza msemmija fil-paragrafu 8.

L-awtorità kompetenti tad-destinazzjoni jew kwalunkwe awtorità kompetenti tat-tranżitu għandha tinforma lin-notifikatur u lill-awtoritajiet kompetenti l-oħra kkonċernati bid-deċiżjoni tagħha skont dan il-paragrafu, mill-aktar fis possibbli, iżda mhux aktar tard minn sebat ijiem tax-xogħol wara li tkun skadiet l-iskadenza msemmija fil-paragrafu 8, jew, meta applikabbli, fil-paragrafu 9.

11.   L-awtorità kompetenti tad-destinazzjoni jew kwalunkwe awtorità kompetenti tat-tranżitu għandha tinforma lin-notifikatur u lill-awtoritajiet kompetenti l-oħra kkonċernati li hija sodisfatta bin-notifika mwettqa kif suppost mill-aktar fis possibbli, iżda mhux aktar tard minn tlett ijiem tax-xogħol wara li tirċievi l-informazzjoni kif imsemmi fil-paragrafu 6 jew li hija sodisfatta bl-informazzjoni u bid-dokumentazzjoni mill-aktar fis possibbli, iżda mhux aktar tard minn tlett ijiem tax-xogħol wara li l-informazzjoni u d-dokumentazzjoni mitluba jkunu ġew ipprovduti min-notifikatur skont il-paragrafu 8 u, meta rilevanti, il-paragrafu 9.

12.   Meta n-notifika tkun kompluta kif suppost, kif imsemmi fl-Artikolu 5(6), filwaqt li tqis l-informazzjoni msemmija fil-paragrafu 11, l-awtorità kompetenti tad-destinazzjoni għandha tinforma minnufih lin-notifikatur u lill-awtorità kompetenti tad-dispaċċ u lil kwalunkwe awtorità kompetenti tat-tranżitu kkonċernata.

13.   Meta, fi żmien 30 jum tax-xogħol mill-jum wara s-sottomissjoni tan-notifika jew minn meta l-informazzjoni u d-dokumentazzjoni jkunu ġew ipprovduti f’konformità mal-paragrafu 3 jew 4, l-awtorità kompetenti tad-dispaċċ ma tkunx aġixxiet f’konformità mal-paragrafu 1, 5 jew 6, hija għandha tipprovdi lin-notifikatur bi spjegazzjoni motivata fuq talba.

Meta, fi żmien 30 jum tax-xogħol minn meta tkun skadiet l-uskadenza msemmija fil-paragrafu 7, jew minn meta l-informazzjoni u d-dokumentazzjoni jkunu ġew ipprovduti f’konformità mal-paragrafu 8 jew 9, l-awtorità kompetenti tad-destinazzjoni jew kwalunkwe awtorità kompetenti tat-tranżitu ma tkunx aġixxiet f’konformità mal-paragrafu 7 jew mal-paragrafi 9, 10, 11 jew 12, hija għandha tipprovdi lin-notifikatur bi spjegazzjoni motivata fuq talba.

1.   L-awtoritajiet kompetenti tad-destinazzjoni, tad-dispaċċ u tat-tranżitu għandhom jieħdu, fi żmien 30 jum mid-data li fiha n-notifikatur ikun ġie infurmat f’konformità mal-Artikolu 8(12) li n-notifika tkun ġiet kompluta kif suppost, waħda mid-deċiżjonijiet li ġejjin, li għandha tkun debitament motivata, fir-rigward tal-vjeġġ:

B’deroga mill-ewwel subparagrafu, l-awtorità kompetenti tad-dispaċċ tista’ tieħu deċiżjoni f’konformità mal-ewwel subparagrafu, il-punt (c) jew (d), wara li tkun irċeviet in-notifika u qabel ma tkun qieset li tkun twettqet kif xieraq, jekk ikun evidenti li l-kundizzjonijiet fl-Artikolu 11 ma jkunux ġew issodisfati jew li jkun hemm raġunijiet għal oġġezzjoni f’konformità mal-Artikolu 12.

B’deroga mill-ewwel subparagrafu, awtorità kompetenti kkonċernata tista’ tieħu deċiżjoni f’konformità mal-ewwel subparagrafu, il-punt (c) jew (d), qabel id-data li fiha n-notifikatur ikun ġie infurmat f’konformità mal-Artikolu 8(12), ladarba n-notifika tkun twettqet kif suppost, kif imsemmi fl-Artikolu 5(5).

Il-kunsens taċitu tal-awtoritajiet kompetenti tat-tranżitu jista’ jiġi preżunt jekk ma ssir ebda oġġezzjoni fil-limitu ta’ żmien ta’ 30 jum imsemmi fl-ewwel subparagrafu.

2.   L-awtoritajiet kompetenti tad-dispaċċ, tad-destinazzjoni, u, meta xieraq, tat-tranżitu, għandhom jinfurmaw lin-notifikatur bid-deċiżjoni tagħhom u r-raġunijiet għaliha fil-limitu ta’ żmien ta’ 30 jum imsemmi fil-paragrafu 1, l-ewwel subparagrafu, u jinfurmaw lill-awtoritajiet kompetenti kkonċernati l-oħra b’dik id-deċiżjoni. L-awtorità kompetenti għandha minnufih tinforma lin-notifikatur u lill-awtoritajiet kompetenti kkonċernati l-oħra bid-deċiżjonijiet meħuda f’konformità mal-paragrafu 1, it-tieni u t-tielet subparagrafi.

Il-kunsensi taċiti msemmija fil-paragrafu 1, ir-raba’ subparagrafu, għandhom ikunu validi għall-perjodu indikat fil-kunsens bil-miktub mogħti f’konformità mal-ewwel subparagrafu mill-awtorità kompetenti tad-destinazzjoni.

Meta, fi żmien 30 jum mid-data li fiha n-notifikatur, l-awtorità kompetenti tad-dispaċċ jew awtorità kompetenti tat-tranżitu kkonċernata tkun ġiet infurmata f’konformità mal-Artikolu 8(12), kwalunkwe awtorità kompetenti kkonċernata ma tkunx ħadet deċiżjoni f’konformità mal-paragrafu 1, l-ewwel subparagrafu, hija għandha tipprovdi lin-notifikatur bi spjegazzjoni motivata fuq talba.

3.   Jekk notifikatur jissottometti notifika f’konformità mal-Artikolu 5 u, meta rilevanti, mal-Artikolu 13, biex jivjeġġa, meta mqabbla ma’ notifika li tkun ingħatat kunsens, l-istess tip ta’ skart mill-istess post fil-pajjiż tad-dispaċċ lill-istess destinatarju u l-istess faċilità u fejn il-pajjiżi ta’ tranżitu, jekk ikun hemm, ikunu l-istess, l-awtoritajiet kompetenti kkonċernati għandhom iqisu kwalunkwe informazzjoni ppreżentata qabel f’konformità mal-Artikolu 5(2), (3) u (4) jew l-Artikolu 13(2) u (3) u għandhom jieħdu deċiżjoni f’konformità mal-paragrafu 1 ta’ dan l-Artikolu mill-aktar fis possibbli.

4.   Kunsens bil-miktub għal vjeġġ għandu jiskadi fl-aktar data bikrija fi tmiem il-perjodi tal-validità kif indikat mill-awtoritajiet kompetenti kkonċernati. Ma għandux ikopri perjodu ta’ aktar minn sena waħda.

5.   Il-vjeġġ għandu jseħħ biss wara li jiġu ssodisfati r-rekwiżiti stabbiliti fl-Artikolu 16(1) u (2), u matul il-perjodu ta’ validità tal-kunsens taċitu jew bil-miktub tal-awtoritajiet kompetenti kkonċernati kollha f’konformità mal-paragrafu 4 ta’ dan l-Artikolu. L-iskart għandu jkun ġie riċevut mill-faċilità għall-irkupru jew għar-rimi qabel tmiem il-perjodu ta’ validità tal-kunsens taċitu jew bil-miktub tal-awtoritajiet kompetenti kkonċernati kollha.

6.   L-irkupru jew ir-rimi tal-iskart b’rabta ma’ vjeġġ għandu jitlesta sa mhux aktar tard minn sena waħda wara r-riċeviment tal-iskart fil-faċilità li tirkupra jew tarmi l-iskart, sakemm ma jiġix indikat perjodu iqsar mill-awtoritajiet kompetenti kkonċernati fid-deċiżjoni tagħhom.

7.   L-awtoritajiet kompetenti kkonċernati għandhom jirtiraw il-kunsens taċitu jew bil-miktub tagħhom, fuq it-talba tan-notifikatur jew meta jkunu jafu b’xi wieħed minn dawn li ġejjin:

8.   L-awtorità kompetenti kkonċernata għandha tinforma lin-notifikatur, lill-awtoritajiet kompetenti kkonċernati l-oħra u lid-destinatarju bi kwalunkwe rtirar tal-kunsens, inkluża r-raġuni għal tali rtirar.

9.   Meta kunsens minn kwalunkwe awtorità mill-awtoritajiet kompetenti kkonċernati jiġi rtirat f’konformità mal-paragrafu 7 ta’ dan l-Artikolu, il-vjeġġ jew it-trattament tal-iskart ma għandux, meta applikabbli, jitħalla jkompli u għandu japplika l-Artikolu 22 jew 25, kif rilevanti.

1.   L-awtoritajiet kompetenti tad-dispaċċ, tad-destinazzjoni u tat-tranżitu jistgħu, fil-limitu ta’ żmien ta’ 30 jum imsemmi fl-Artikolu 9(1), jistabbilixxu l-kundizzjonijiet għall-kunsens tagħhom għal vjeġġ innotifikat. Tali kundizzjonijiet għandhom ikunu debitament motivati u jistgħu jkunu bbażati fuq waħda jew aktar mill-kundizzjonijiet elenkati fl-Artikolu 11 jew mir-raġunijiet elenkati fl-Artikolu 12.

2.   L-awtoritajiet kompetenti tad-dispaċċ, tad-destinazzjoni u tat-tranżitu jistgħu wkoll, fil-limitu ta’ żmien ta’ 30 jum imsemmi fl-Artikolu 9(1), jistabbilixxu l-kundizzjonijiet fir-rigward tat-trasport ta’ skart fi ħdan il-ġuriżdizzjoni nazzjonali tagħhom. Tali kundizzjonijiet tat-trasport ma għandhomx ikunu aktar stretti minn dawk stabbiliti fir-rigward tat-trasport tal-iskart li jseħħ kompletament fil-ġuriżdizzjoni nazzjonali tagħhom u għandhom jieħdu kont debitu tal-ftehimiet eżistenti, b’mod partikolari l-ftehimiet internazzjonali rilevanti.

3.   L-awtoritajiet kompetenti tad-dispaċċ, tad-destinazzjoni u tat-tranżitu jistgħu wkoll, fil-limitu ta’ żmien ta’ 30 jum imsemmi fl-Artikolu 9(1), jistabbilixxu kundizzjoni li l-kunsens tagħhom għandu jitqies bħala rtirat jekk il-garanzija finanzjarja jew l-assigurazzjoni ekwivalenti ma tkunx applikabbli mhux aktar tard minn meta jiġi komplut id-dokument ta’ moviment skont l-Artikolu 16(2), kif meħtieġ mill-Artikolu 7(3).

4.   Il-kundizzjonijiet għandhom jiġu speċifikati fid-dokument ta’ notifika, jew jiġu annessi miegħu, mill-awtorità kompetenti li tistabbilihom.

5.   L-awtorità kompetenti tad-destinazzjoni tista’ wkoll, fil-limitu ta’ żmien ta’ 30 jum imsemmi fl-Artikolu 9(1), tistabbilixxi kundizzjoni li l-faċilità li tirċievi l-iskart għandha żżomm rekord regolari ta’ inputs, outputs u/jew bilanċi għall-iskart, kif ukoll l-operazzjonijiet ta’ rkupru jew ta’ rimi relatati kif speċifikati fin-notifika, u għall-perjodu ta’ validità tan-notifika. Tali rekords għandhom jiġu ffirmati minn persuna legalment responsabbli għall-faċilità u għandhom jiġu sottomessi lill-awtorità kompetenti tad-destinazzjoni fi żmien xahar mit-tlestija tal-operazzjoni ta’ rkupru jew ta’ rimi nnotifikata.

1.   Meta tiġi sottomessa notifika dwar vjeġġ destinat għar-rimi f’konformità mal-Artikolu 5, l-awtoritajiet kompetenti tad-dispaċċ u tad-destinazzjoni ma għandhomx jagħtu l-kunsens tagħhom għal dak il-vjeġġ, fil-limitu ta’ 30 jum imsemmi fl-Artikolu 9(1), sakemm ma jiġux issodisfati l-kundizzjonijiet kollha li ġejjin:

2.   B’deroga mill-paragrafu 1, il-punt (a), meta n-notifikatur juri li l-iskart ikkonċernat huwa prodott fi Stat Membru tad-dispaċċ fi kwantità totali tant żgħira fis-sena li l-forniment ta’ faċilitajiet speċjalizzati ġodda tar-rimi f’dak l-Istat Membru ma jkunx ekonomikament vijabbli, il-kundizzjonijiet stabbiliti fil-paragrafu 1, il-punti (a)(ii) u (iii), ma għandhomx japplikaw.

3.   Meta awtorità kompetenti tat-tranżitu tagħti l-kunsens lil vjeġġ f’konformità mal-Artikolu 9(1) il-kundizzjonijiet stabbiliti fil-paragrafu 1, il-punti (b), (c), (e) u (f), ta’ dan l-Artikolu biss għandhom jiġu kkunsidrati.

4.   Informazzjoni dwar il-kunsensi mogħtija mill-awtoritajiet kompetenti f’konformità mal-paragrafu 1 għandha ssir referenza għaliha fir-rapport f’konformità mal-Artikolu 73. Il-Kummissjoni għandha tinforma lill-Istati Membri kollha dwar tali kunsensi meħuda fis-sena kalendarja preċedenti.

5.   Sal-21 ta’ Mejju 2027, il-Kummissjoni għandha tadotta att ta’ implimentazzjoni li jistabbilixxi kriterji dettaljati għall-applikazzjoni uniformi tal-kundizzjonijiet stabbiliti fil-paragrafu 1, il-punt (a), biex tispeċifika kif il-fattibbiltà teknika u l-vijabbiltà ekonomika msemmija fil-punti (a)(i) u (ii) ta’ dak il-paragrafu għandhom jintwerew min-notifikaturi u jiġu vvalutati mill-awtoritajiet kompetenti. Dak l-att ta’ implimentazzjoni għandu jiġu adottat f’konformità mal-proċedura ta’ eżami msemmija fl-Artikolu 81(2).

1.   Meta tiġi sottomessa notifika rigward vjeġġ ta’ skart destinat għall-irkupru f’konformità mal-Artikolu 5, l-awtoritajiet kompetenti tad-destinazzjoni u tad-dispaċċ jistgħu, fil-limitu ta’ żmien ta’ 30 jum imsemmi fl-Artikolu 9(1), iressqu oġġezzjonijiet motivati abbażi ta’ waħda jew aktar mir-raġunijiet li ġejjin:

2.   L-awtoritajiet kompetenti tat-tranżitu jistgħu, fil-limitu ta’ żmien ta’ 30 jum imsemmi fil-paragrafu 1, iressqu oġġezzjonijiet motivati għall-vjeġġ ta’ skart destinat għall-irkupru. Kwalunkwe tali oġġezzjoni għandha tkun ibbażata biss fuq ir-raġunijiet stabbiliti fil-paragrafu 1, il-punti (c), (f), (g) u (h).

3.   Meta, fil-limitu ta’ żmien ta’ 30 jum imsemmi fil-paragrafu 1, l-awtoritajiet kompetenti jikkunsidraw li l-problemi li wasslu għall-oġġezzjonijiet tagħhom ġew solvuti, huma għandhom jinfurmaw minnufih lin-notifikatur b’dan.

4.   Meta l-problemi li wasslu għall-oġġezzjonijiet ma jiġux solvuti fil-limitu ta’ żmien ta’ 30 jum imsemmi fil-paragrafu 1, in-notifika tal-vjeġġ ta’ skart destinat għall-irkupru ma għandhiex tibqa’ valida. Fil-każijiet meta n-notifikatur jibqa’ bil-ħsieb li jagħmel il-vjeġġ, għandha tiġi sottomessa notifika ġdida, sakemm l-awtoritajiet kompetenti kkonċernati kollha ma jkunux ftiehmu mod ieħor.

5.   L-oġġezzjonijiet imressqa mill-awtoritajiet kompetenti għar-raġunijiet stabbiliti fil-paragrafu 1, il-punti (d) u (e), ta’ dan l-Artikolu u r-raġunijiet għal dawk l-oġġezzjonijiet għandhom jiġu kkomunikati lill-Kummissjoni f’konformità mal-Artikolu 73.

6.   F’konformità mal-Artikolu 9(2), l-awtoritajiet kompetenti għandhom jinfurmaw lin-notifikatur bir-raġunijiet għall-oġġezzjonijiet tagħhom għal vjeġġ.

7.   L-Istati Membri tad-dispaċċ għandhom jinfurmaw lill-Kummissjoni u lill-Istati Membri l-oħrajn dwar il-leġislazzjoni nazzjonali li fuqha jistgħu jkunu bbażati l-oġġezzjonijiet imressqa mill-awtoritajiet kompetenti f’konformità mal-paragrafu 1, il-punt (d), u għandhom jiddikjaraw għal liema skart u operazzjonijiet ta’ rkupru kif ukoll l-operazzjonijiet ta’ rkupru jew ta’ rimi ta’ skart residwu ġġenerat permezz tal-irkupru tal-iskart ikkonċernat japplikaw dawk l-oġġezzjonijiet, qabel ma tali leġislazzjoni nazzjonali tiġi invokata bħala raġunijiet għall-oġġezzjonijiet motivati.

L-Istati Membri tad-destinazzjoni għandhom jinfurmaw lill-Kummissjoni u lill-Istati Membri l-oħrajn dwar deċiżjonijiet jew il-leġislazzjoni nazzjonali li fuqhom jistgħu jkunu bbażati l-oġġezzjonijiet imressqa mill-awtoritajiet kompetenti f’konformità mal-paragrafu 1, il-punt (e), u għandhom jiddikjaraw għal liema skart u operazzjonijiet ta’ rkupru japplikaw dawk l-oġġezzjonijiet, qabel ma tali deċiżjonijiet jew leġislazzjoni nazzjonali jiġu invokati bħala raġunijiet għall-oġġezzjonijiet motivati.

1.   In-notifikatur jista’ jissottometti notifika ġenerali li tkopri diversi vjeġġi meta jiġu ssodisfati r-rekwiżiti kollha li ġejjin:

2.   In-notifikatur jista’ jindika f’anness mehmuż mad-dokument ta’ notifika rotta magħżula alternattiva waħda jew aktar possibbli. Id-dokument ta’ moviment komplut f’konformità mal-Artikolu 16(2) għandu jipprovdi informazzjoni dwar ir-rotta magħżula indikata fid-dokument ta’ notifika li għandu jiġi segwit, kif ukoll dwar kwalunkwe rotta magħżula alternattiva li għandha tiġi segwita f’każ ta’ ċirkostanzi mhux previsti u indikata fid-dokument ta’ notifika.

3.   L-awtoritajiet kompetenti kkonċernati jistgħu jagħmlu l-ftehim tagħhom għall-użu ta’ notifika ġenerali soġġett għall-forniment sussegwenti ta’ informazzjoni u dokumentazzjoni addizzjonali, f’konformità mal-Artikolu 5(3) sa (6).

1.   Persuna fiżika jew ġuridika li tippossjedi jew teżerċita kontroll fuq faċilità ta’ rkupru tista’ tissottometti talba, sabiex dik il-faċilità tingħata kunsens minn qabel, lill-awtorità kompetenti li jkollha l-ġuriżdizzjoni fuq il-faċilità, kif iddeżinjata skont l-Artikolu 75.

Il-faċilitajiet li jwettqu biss l-operazzjoni R13 ma għandhomx ikunu eliġibbli biex jissottomettu talba kif imsemmi fl-ewwel subparagrafu.

2.   It-talba msemmija fil-paragrafu 1 għandha tinkludi l-informazzjoni li ġejja:

3.   Il-Kummissjoni għandha s-setgħa li tadotta atti delegati skont l-Artikolu 80 biex temenda l-paragrafu 2 ta’ dan l-Artikolu fir-rigward tal-informazzjoni li għandha tiġi inkluża fit-talba.

4.   Il-proċedura msemmija fil-paragrafi 5 sa 10 ta’ dan l-Artikolu għandha tapplika għall-kunsens minn qabel ta’ faċilità li għaliha tkun ġiet sottomessa talba f’konformità mal-paragrafu 1.

5.   L-awtorità kompetenti għandha, fi żmien 55 jum wara d-data tal-wasla ta’ talba sottomessa skont il-paragrafu 1 u li jkun fiha l-informazzjoni kif imsemmija fil-paragrafu 2, tivvaluta t-talba u tiddeċiedi jekk tapprovahiex.

6.   Meta l-persuna ġuridika jew fiżika msemmija fil-paragrafu 1 tkun ipprovdiet l-informazzjoni kollha msemmija fil-paragrafu 2, l-awtorità kompetenti għandha tapprova t-talba u toħroġ kunsens minn qabel għall-faċilità kkonċernata. Il-kunsens minn qabel jista’ jinkludi kundizzjonijiet relatati mad-durata tal-kunsens minn qabel, it-tipi u l-kwantitajiet ta’ skart koperti mill-kunsens minn qabel, it-teknoloġija użata jew kundizzjonijiet oħrajn meħtieġa biex jiġi żgurat li l-iskart jiġi mmaniġġjat b’mod li jħares l-ambjent.

7.   B’deroga mill-paragrafu 6, l-awtorità kompetenti tista’ tirrifjuta li tapprova t-talba għal kunsens minn qabel jekk hija ma tkunx issodisfata li l-ħruġ tal-kunsens minn qabel se jiżgura li l-iskart se jiġi mmaniġġjat f’konformità mal-ġerarkija tal-iskart u rekwiżiti oħra stabbiliti fid-Direttiva 2008/98/KE jew, meta rilevanti, li l-aħjar tekniki disponibbli se jiġu applikati f’konformità mal-konklużjonijiet stabbiliti fl-ambitu tad-Direttiva 2010/75/UE.

8.   Id-deċiżjoni li tiġi approvata jew irrifjutata t-talba għal kunsens minn qabel għandha tiġi kkomunikata lill-persuna ġuridika jew fiżika li tkun issottomettiet it-talba hekk kif tittieħed mill-awtorità kompetenti u għandha tkun debitament motivata.

9.   Il-kunsens minn qabel ta’ faċilità ta’ rkupru għandu jkun validu għal għaxar snin, sakemm ma jkunx iddikjarat mod ieħor fid-deċiżjoni li tapprova t-talba għal kunsens minn qabel. Matul dak il-perjodu l-awtorità kompetenti għandha twettaq mill-inqas spezzjoni waħda skont l-Artikolu 60. Spezzjonijiet addizzjonali għandhom jitwettqu jekk ikunu meħtieġa abbażi tal-approċċ ta’ valutazzjonijiet ibbażati fuq ir-riskji kif imsemmija fl-Artikolu 62.

10.   Kunsens minn qabel ta’ faċilità ta’ rkupru jista’ jiġi revokat fi kwalunkwe ħin mill-awtorità kompetenti, jekk issir disponibbli informazzjoni li turi li l-informazzjoni pprovduta f’konformità mal-paragrafu 2 hija falza jew li l-kundizzjonijiet fil-paragrafu 6 ma għadhomx issodisfati. Deċiżjoni biex jiġi revokat kunsens minn qabel għandha tkun debitament motivata u kkomunikata lill-faċilità kkonċernata.

11.   Il-persuna ġuridika jew fiżika msemmija fil-paragrafu 1 għandha tinforma minnufih lill-awtorità kompetenti kkonċernata bi kwalunkwe bidla fl-informazzjoni sottomessa f’konformità mal-paragrafu 2. L-awtorità kompetenti kkonċernata għandha debitament tivvaluta dawk il-bidliet u, jekk ikun meħtieġ, taġġorna jew tirrevoka l-kunsens minn qabel.

12.   Fil-każ ta’ notifika ġenerali sottomessa f’konformità mal-Artikolu 13 b’rabta ma’ vjeġġi destinati għal faċilità li tkun ngħatat kunsens minn qabel, il-perjodu ta’ validità tal-kunsens imsemmi fl-Artikolu 9(4) għandu jiġi estiż għal tliet snin.

B’deroga mill-ewwel subparagrafu l-awtoritajiet kompetenti kkonċernati jistgħu jiddeċiedu, f’każijiet debitament ġustifikati, li jestendu l-perjodu ta’ validità għal perjodu iqsar minn tliet snin.

13.   L-awtoritajiet kompetenti li jkunu ħarġu kunsens minn qabel għal faċilità f’konformità ma’ dan l-Artikolu għandhom, billi jużaw il-formola stabbilita fl-Anness VI, jinfurmaw lill-Kummissjoni u, meta xieraq, lis-Segretarjat tal-OECD b’dawn li ġejjin:

14.   B’deroga mill-Artikoli 9, 10 u 12, il-kunsens mogħti f’konformità mal-Artikolu 9(1), il-kundizzjonijiet imposti f’konformità mal-Artikolu 10 jew l-oġġezzjonijiet imressqa f’konformità mal-Artikolu 12 mill-awtoritajiet kompetenti kkonċernati kollha fir-rigward ta’ notifika għal vjeġġ destinat għal faċilità mogħtija l-kunsens minn qabel għandhom ikunu soġġetti għal limitu ta’ żmien ta’ sebat ijiem tax-xogħol wara d-data li fiha n-notifikatur ikun ġie infurmat f’konformità mal-Artikolu 8(12) li n-notifika ġiet kompluta kif suppost.

15.   Jekk awtorità kompetenti waħda jew aktar ikunu jixtiequ jitolbu informazzjoni addizzjonali f’konformità mal-Artikolu 8(2), (4), (7) jew (9), b’rabta ma’ notifika għal vjeġġi lejn faċilità mogħtija l-kunsens minn qabel, il-perjodi msemmija f’dawk il-paragrafi, kif ukoll fl-Artikolu 8(3) u (8), għandhom jitqassru għal:

16.   Minkejja l-paragrafu 14, awtorità kompetenti kkonċernata tista’ tiddeċiedi li jkun meħtieġ aktar żmien sabiex tirċievi aktar informazzjoni jew dokumentazzjoni mingħand in-notifikatur.

F’tali każijiet, dik l-awtorità kompetenti għandha, fi żmien sebat ijiem tax-xogħol mid-data li fiha n-notifikatur ikun ġie infurmat f’konformità mal-Artikolu 8(12) li n-notifika ġiet kompluta kif suppost, tinforma lin-notifikatur u lill-awtoritajiet kompetenti l-oħra kkonċernati.

Iż-żmien totali meħtieġ biex tittieħed waħda mid-deċiżjonijiet kif imsemmi fl-Artikolu 9(1) ma għandux jaqbeż it-30 jum mid-data li fiha n-notifikatur ikun ġie infurmat f’konformità mal-Artikolu 8(12) li n-notifika ġiet kompluta kif suppost.

1.   Meta vjeġġ ikun destinat għal irkupru interim jew rimi interim, il-faċilitajiet kollha fejn ikunu previsti rkupru interim jew mhux interim sussegwenti jew rimi interim jew mhux interim sussegwenti għandhom ikunu indikati wkoll fid-dokument ta’ notifika flimkien mal-irkupru interim jew mar-rimi interim inizjali.

2.   L-awtoritajiet kompetenti tad-dispaċċ u tad-destinazzjoni għandhom jagħtu l-kunsens tagħhom biss għal vjeġġ ta’ skart destinat għal operazzjoni ta’ rkupru interim jew għal operazzjoni ta’ rimi interim jekk iqisu li l-kundizzjonijiet fl-Artikolu 11 ġew issodisfati jew li ma għandhomx raġuni għalfejn iressqu oġġezzjoni, f’konformità mal-Artikolu 12, fir-rigward tal-vjeġġ jew il-vjeġġi lejn il-faċilitajiet li jwettqu kwalunkwe rkupru interim jew mhux interim jew rimi interim jew mhux interim sussegwenti.

3.   Fi żmien jumejn mill-wasla tal-iskart mill-faċilità li twettaq l-operazzjoni ta’ rkupru interim jew l-operazzjoni ta’ rimi interim, dik il-faċilità għandha tipprovdi konferma lin-notifikatur u lill-awtoritajiet kompetenti kkonċernati li l-iskart ikun ġie riċevut. Dik il-konferma għandha tingħata fid-dokument ta’ moviment jew annessa miegħu.

4.   Mill-aktar fis possibbli, iżda mhux aktar tard minn 30 jum wara li tiġi kompluta l-operazzjoni ta’ rkupru interim jew l-operazzjoni ta’ rimi interim, u mhux aktar tard minn sena waħda, jew l-iqsar perjodu msemmi fl-Artikolu 9(6), wara l-wasla tal-iskart, il-faċilità li twettaq dik l-operazzjoni, għandha, taħt ir-responsabbiltà tagħha, tipprovdi ċertifikat lin-notifikatur u lill-awtoritajiet kompetenti kkonċernati li l-operazzjoni ġiet kompluta. Dak iċ-ċertifikat għandu jingħata fid-dokument ta’ moviment jew anness miegħu.

5.   Meta faċilità ta’ rkupru jew ta’ rimi li twettaq operazzjoni ta’ rkupru interim jew operazzjoni ta’ rimi interim twassal l-iskart għal kwalunkwe operazzjoni sussegwenti ta’ rkupru interim jew mhux interim jew ta’ rimi interim jew mhux interim sussegwenti, lil xi faċilità li tinsab fil-pajjiż tad-destinazzjoni, hija għandha tikseb malajr kemm jista’ jkun u mhux aktar tard minn sena waħda, jew l-iqsar perjodu msemmi fl-Artikolu 9(6), wara l-kunsinna tal-iskart, ċertifikat minn dik il-faċilità li l-irkupru interim jew mhux interim u r-rimi interim jew mhux interim ġie komplut.

Il-faċilità li twettaq operazzjoni ta’ rkupru interim jew ta’ rimi interim kif imsemmi fil-paragrafu 3 għandha tittrażmetti minnufih, iċ-ċertifikati rilevanti lin-notifikatur u lill-awtoritajiet kompetenti kkonċernati, li jidentifikaw il-vjeġġi li għalihom jappartjenu ċ-ċertifikati.

6.   Sabiex tiġi żgurata l-konsistenza tal-kontenut taċ-ċertifikat fl-ewwel subparagrafu tal-paragrafu 5 fl-Unjoni kollha, il-Kummissjoni għandha, fi żmien xieraq qabel ma tadotta l-att ta’ implimentazzjoni skont l-Artikolu 27(5), u mhux aktar tard mill-21 ta’ Mejju 2025, tadotta att delegat li jissupplimenta dan l-Artikolu li jistabbilixxi l-informazzjoni li għandha tiġi pprovduta f’tali ċertifikat. Dak l-att ta’ implimentazzjoni għandu jiġi adottat f’konformità mal-Artikolu 80.

7.   Meta kunsinna kif imsemmi fil-paragrafu 5 ta’ dan l-Artikolu ssir lejn faċilità li tinsab fil-pajjiż inizjali tad-dispaċċ jew fi Stat Membru ieħor u tkun tikkonċerna vjeġġi ta’ skart kif imsemmi fl-Artikolu 4(1), (2) jew (3), għandha tkun meħtieġa notifika ġdida f’konformità ma’ dan ir-Regolament.

8.   Meta kunsinna kif imsemmija fil-paragrafu 5 ta’ dan l-Artikolu ssir lejn faċilità f’pajjiż terz u tkun tikkonċerna vjeġġi kif imsemmi fl-Artikolu 4(1), (2) jew (3), għandha tkun meħtieġa notifika ġdida f’konformità ma’ dan ir-Regolament u d-dispożizzjonijiet li jikkonċernaw l-awtoritajiet kompetenti kkonċernati għandhom japplikaw ukoll għall-awtorità kompetenti inizjali tal-pajjiż inizjali tad-dispaċċ.

1.   Wara li l-awtoritajiet ikkonċernati jkunu taw kunsens għal vjeġġ innotifikat, l-impriżi kollha involuti għandhom jikkompletaw id-dokument ta’ moviment, jew, fil-każ ta’ notifika ġenerali, id-dokumenti ta’ moviment fil-punti indikati. Huma għandhom jiżguraw li l-informazzjoni fid-dokument ta’ moviment issir disponibbli elettronikament permezz ta’ sistema msemmija fl-Artikolu 27, inkluż matul il-ħin tat-trasport tal-iskart, għall-persuni fiżiċi jew ġuridiċi involuti fil-vjeġġ, għall-awtoritajiet kompetenti kkonċernati u għall-awtoritajiet involuti fl-ispezzjonijiet.

2.   La darba n-notifikatur ikun irċieva kunsens bil-miktub mill-awtoritajiet kompetenti tad-dispaċċ, tad-destinazzjoni u tat-tranżitu jew jista’ jassumi kunsens taċitu mill-awtorità tat-tranżitu, in-notifikatur għandu jipprovdi d-data reali tal-vjeġġ u jikkompleta d-dokument ta’ moviment sa fejn ikun possibbli, f’konformità mal-istruzzjonijiet biex jiġu kompluti n-notifiki u d-dokumenti ta’ moviment fl-Anness IA u IB f’konformità mal-Anness IC, u jissottomettih lill-awtoritajiet kompetenti kkonċernati u lill-persuni fiżiċi u ġuridiċi l-oħrajn involuti fil-vjeġġ, mill-inqas jumejn tax-xogħol qabel ma jibda l-vjeġġ. Madankollu, l-informazzjoni dwar il-kwantità reali tal-iskart, it-trasportatur jew it-trasportaturi u, meta applikabbli, in-numru ta’ identifikazzjoni tal-kontejner jistgħu jiġu sottomessi mhux aktar tard mill-bidu tal-vjeġġ.

3.   In-notifikatur għandu jiżgura li, minbarra li jagħmel id-dokument ta’ moviment disponibbli f’konformità mal-paragrafu 1, id-dokument ta’ notifika li jkun fih il-kunsensi tal-awtoritajiet kompetenti kkonċernati u l-kundizzjonijiet imposti minnhom ikun disponibbli b’mezzi elettroniċi, inkluż matul it-trasport tal-iskart, għall-awtoritajiet kompetenti kkonċernati u għall-awtoritajiet involuti fl-ispezzjonijiet.

4.   Meta d-dokumenti msemmija fil-paragrafi 1 u 3 ma jkunux jistgħu jsiru disponibbli online matul it-trasport tal-iskart, in-notifikatur u t-trasportatur jew it-trasportaturi għandhom jiżguraw li d-dokumenti jkunu disponibbli b’mezzi oħra fil-vettura tat-trasport. F’tali każijiet, in-notifikatur għandu jiżgura li kwalunkwe bidla jew żieda fid-dokumenti matul it-trasport tal-iskart tiġi sottomessa permezz ta’ sistema imsemmija fl-Artikolu 27.

5.   Il-faċilità għandha, fi żmien jumejn tax-xogħol minn meta tirċievi l-iskart, tipprovdi konferma lin-notifikatur u lill-awtoritajiet kompetenti kkonċernati li l-iskart ġie riċevut. Dik il-konferma għandha tingħata fid-dokument ta’ moviment jew annessa miegħu.

6.   Il-faċilità li twettaq operazzjoni ta’ rkupru mhux interim jew operazzjoni ta’ rimi mhux interim għandha, mill-aktar fis possibbli u mhux aktar tard minn 30 jum wara li dik l-operazzjoni tiġi kompluta, u mhux aktar tard minn sena waħda, jew mill-perjodu iqsar imsemmi fl-Artikolu 9(6), wara li tirċievi l-iskart, taħt ir-responsabbiltà tagħha, tipprovdi ċertifikat li l-irkupru mhux interim jew ir-rimi mhux interim ikun ġie kkompletat.

7.   Iċ-ċertifikat imsemmi fil-paragrafu 6, għandu jiġi sottomess lin-notifikatur u lill-awtoritajiet kompetenti kkonċernati.

1.   Jekk issir kwalunkwe bidla essenzjali fid-dettalji jew fil-kundizzjonijiet tal-kunsens li jkun ingħata l-kunsens, in-notifikatur għandu jinforma lill-awtoritajiet kompetenti kkonċernati u lid-destinatarju minnufih u, meta possibbli, qabel jibda vjeġġ. Bidliet essenzjali għandhom jitqiesu, fost l-oħrajn, il-bidliet imqabbla ma’ dawk indikati fin-notifika fil-kwantità ta’ skart, fir-rotta magħżula, inklużi rotot magħżula alternattivi possibbli, id-data jew id-dati tal-vjeġġ jew it-trasportatur jew it-trasportaturi, jew bidliet fid-durata tal-vjeġġ, minħabba ċirkostanzi mhux previsti li jokkorru wara l-bidu tal-vjeġġ, li jwasslu biex vjeġġ jaqbeż il-perjodu ta’ validità tiegħu.

2.   Fil-każ ta’ bidla essenzjali kif imsemmi fil-paragrafu 1, għandha tiġi sottomessa notifika ġdida, sakemm l-awtoritajiet kompetenti kkonċernati kollha ma jqisux li ebda notifika ġdida mhija meħtieġa u n-notifikatur għandu jiġi infurmat dwarha. L-awtoritajiet kompetenti għandhom jinfurmaw lin-notifikatur mill-aktar fis possibbli iżda mhux aktar tard minn ħamest ijiem tax-xogħol wara li jirċievu l-informazzjoni skont il-paragrafu 1. Vjeġġ ippjanat ma għandux iseħħ qabel ma n-notifikatur ikun ġie infurmat mill-awtoritajiet kompetenti kkonċernati. Meta vjeġġ ikun diġà beda, in-notifikatur għandu jiżgura li l-konsenja titwaqqaf mill-aktar fis possibbli sa ma n-notifikatur jiġi infurmat mill-awtoritajiet kompetenti kkonċernati jekk hijiex meħtieġa notifika ġdida.

3.   Meta l-bidliet essenzjali msemmija fil-paragrafu 1 jinvolvu awtoritajiet kompetenti għajr dawk ikkonċernati fin-notifika oriġinali, għandha tiġi sottomessa notifika ġdida.

1.   Il-vjeġġi ta’ skart imsemmija fl-Artikolu 4(4) u (5) għandhom ikunu soġġetti għar-rekwiżiti ta’ informazzjoni ġenerali stabbiliti fil-paragrafi 2 sa 10 ta’ dan l-Artikolu.

2.   Vjeġġ imsemmi fil-paragrafu 1 jista’ jiġi organizzat biss mill-persuna li torganizza l-vjeġġ imsemmi fl-Artikolu 3, il-punti (7)(a)(ii), (iii) jew (iv), meta dik il-persuna tkun kisbet permess jew tkun irreġistrata f’konformità mal-Kapitolu IV tad-Direttiva 2008/98/KE.

3.   Il-persuna li torganizza l-vjeġġ għandha tittrasporta l-iskart biss lejn faċilità għall-irkupru tal-iskart li tkun kisbet permess jew reġistrazzjoni skont il-Kapitolu IV tad-Direttiva 2008/98/KE. Il-faċilità għandha tippreżenta l-permess jew il-prova tar-reġistrazzjoni lill-persuna li torganizza l-vjeġġ qabel ma jseħħ il-vjeġġ.

4.   L-impriżi kollha involuti fil-vjeġġ għandhom jikkompletaw il-forma stabbilita fl-Anness VII bl-informazzjoni rilevanti fil-punti indikati u jiżguraw li l-informazzjoni ssir disponibbli elettronikament f’konformità mal-Artikolu 27, inkluż matul it-trasport tal-iskart, għall-persuni l-oħra involuti fil-vjeġġ, għall-awtoritajiet kompetenti kkonċernati u għall-awtoritajiet involuti fl-ispezzjonijiet.

Meta l-persuna li torganizza l-vjeġġ ma tkunx il-produttur oriġinali tal-iskart imsemmi fl-Artikolu 3, il-punt (7)(i), il-persuna li torganizza l-vjeġġ għandha tiżgura li l-produttur oriġinali tal-iskart jew waħda mill-persuni indikati fl-Artikolu 3, il-punt (7)(ii), (iii) jew (v), meta prattikabbli, jiffirmaw ukoll id-dokument tal-Anness VII.

5.   Il-persuna li torganizza l-vjeġġ għandha tikkompleta l-formola stabbilita fl-Anness VII bl-informazzjoni rilevanti sa fejn possibbli, sa mhux aktar tard minn jumejn tax-xogħol qabel ma jibda l-vjeġġ. Madankollu, l-informazzjoni dwar il-kwantità reali tal-iskart, it-trasportatur jew it-trasportaturi u, fejn applikabbli, in-numru ta’ identifikazzjoni tal-kontejner jistgħu jiġu sottomessi mhux aktar tard mill-bidu tal-vjeġġ.

6.   Fejn l-informazzjoni msemmija fil-paragrafi 4 u 5 ma tkunx tista’ ssir disponibbli online matul it-trasport tal-iskart, il-persuna li torganizza l-vjeġġ u t-trasportatur jew it-trasportaturi għandhom jiżguraw li l-informazzjoni tkun disponibbli b’mezzi oħra fil-vettura tat-trasport, sakemm l-informazzjoni tkun konsistenti mal-informazzjoni magħmula disponibbli elettronikament f’konformità mal-paragrafi 4 u 5. F’tali każijiet, il-persuna li torganizza l-vjeġġ għandha tiżgura li kwalunkwe bidla jew żieda fid-dokumenti matul it-trasport tal-iskart tiġi sottomessa permezz ta’ sistema msemmija fl-Artikolu 27.

7.   Meta vjeġġ ikun destinat għal irkupru interim, il-faċilità fejn ikun previst l-irkupru interim jew mhux interim direttament wara l-irkupru interim inizjali, u l-kodiċijiet-R ta’ dawk l-operazzjonijiet, għandhom jiġu indikati wkoll fid-dokument tal-Anness VII flimkien mal-irkupru interim inizjali, kif ukoll, meta prattikabbli, il-faċilitajiet fejn ikun previst irkupru sussegwenti interim jew mhux interim u l-kodiċijiet-R tal-operazzjonijiet ta’ rkupru relatati.

8.   Il-faċilità ta’ rkupru jew il-laboratorju għandhom, fi żmien jumejn minn meta jirċievu l-iskart, jipprovdu konferma lill-persuna li torganizza l-vjeġġ li l-iskart ġie riċevut billi tikkompleta l-informazzjoni rilevanti li tinsab fl-Anness VII. Meta l-faċilità ta’ rkupru jew il-laboratorju ma jkollhomx aċċess għal sistema kif imsemmi fl-Artikolu 27, huma għandhom jipprovdu l-konferma permezz tal-persuna li torganizza l-vjeġġ.

9.   Il-faċilità ta’ rkupru għandha, mill-aktar fis possibbli u mhux aktar tard minn 30 jum wara li tiġi kompluta l-operazzjoni ta’ rkupru, u mhux aktar tard minn sena wara li tirċievi l-iskart, taħt ir-responsabbiltà tagħha, tipprovdi ċertifikat, li l-irkupru ġie komplut billi tikkompleta l-informazzjoni rilevanti li tinsab fl-Anness VII. Meta l-faċilità ta’ rkupru ma jkollhiex aċċess għal sistema msemmija fl-Artikolu 27, hija għandha tipprovdi ċ-ċertifikat permezz tal-persuna li torganizza l-vjeġġ.

10.   Il-vjeġġi kollha ta’ skart imsemmi fl-Artikolu 4(4) u (5) għandhom ikunu soġġetti għar-rekwiżit tal-konklużjoni ta’ kuntratt bejn il-persuna li torganizza l-vjeġġ u d-destinatarju għall-irkupru tal-iskart. Jekk id-destinatarju ma jkunx l-operatur tal-faċilità, il-kuntratt għandu jiġi ffirmat ukoll mill-operatur tal-faċilità.

Il-kuntratt imsemmi fl-ewwel subparagrafu għandu jiġi konkluż u jkun effettiv mhux aktar tard minn meta d-dokument tal-Anness VII jiġi komplut f’konformità mal-paragrafu 5 u għandu jibqa’ effettiv għad-durata tal-vjeġġ sa ma jinħareġ ċertifikat f’konformità mal-paragrafu 9.

Il-kuntratt għandu jkun konsistenti mad-dokumenti korrispondenti tal-Anness VII u mill-inqas ikun fih informazzjoni dwar il-persuna li torganizza l-vjeġġ, id-destinatarju u l-faċilità, l-identità tal-persuni li jirrapreżentaw kull parti, id-deskrizzjoni tal-iskart, il-kodiċijiet ta’ identifikazzjoni tal-iskart, il-kwantità ta’ skart koperta mill-kuntratt, l-operazzjoni ta’ rkupru u l-perjodu ta’ validità tal-kuntratt.

Il-kuntratt għandu jinkludi obbligu li meta l-vjeġġ ta’ skart jew l-irkupru tiegħu ma jkunux jistgħu jiġu kkompletati kif maħsub jew meta jkunu saru bħala vjeġġ illegali, il-persuna li torganizza l-vjeġġ jew, meta dik il-persuna ma tkunx f’pożizzjoni li tiżgura li l-vjeġġ jew l-irkupru tiegħu jistgħu jiġu kompletati, id-destinatarju, iridu jieħdu lura l-iskart jew jiżguraw li jiġi rkuprat b’mod alternattiv; u jekk ikun meħtieġ, li sadanittant jiġi maħżun.

11.   Il-persuna li torganizza l-vjeġġ jew id-destinatarju għandhom jipprovdu kopja tal-kuntratt imsemmi fil-paragrafu 10 u ta’ kwalunkwe ftehim skont l-Artikolu 4(5) lill-awtoritajiet involuti fl-ispezzjonijiet fuq talba tagħhom.

12.   L-informazzjoni meħtieġa fl-Anness VII għandha tkun disponibbli għal finijiet ta’ spezzjoni, infurzar, ippjanar u statistika mill-Istati Membri u mill-Kummissjoni, f’konformità mal-Artikolu 27 u mal-leġiżlazzjoni nazzjonali.

13.   L-informazzjoni msemmija fil-paragrafi 2 sa 9 għandha tiġi trattata bħala kunfidenzjali meta dak ikun meħtieġ mil-leġiżlazzjoni tal-Unjoni jew dik nazzjonali.

14.   Meta l-iskart jiġi ttrasportat bejn żewġ stabbilimenti taħt il-kontroll tal-istess entità ġuridika, il-kuntratt imsemmi fil-paragrafu 10 jista’ jiġi sostitwit b’dikjarazzjoni minn dik l-entità ġuridika. Dik id-dikjarazzjoni għandha tkopri mutatis mutandis l-obbligi msemmija fil-paragrafu 10.

15.   Sal-21 ta’ Mejju 2026, il-Kummissjoni għandha tadotta att delegat f’konformità mal-Artikolu 80 biex tissupplimenta dan ir-Regolament billi tistabbilixxi struzzjonijiet dwar kif għandu jiġi kkompletat id-dokument Anness VII.

1.   L-awtoritajiet kompetenti, in-notifikatur, id-destinatarju u l-faċilità li tirċievi l-iskart għandhom iżommu fl-Unjoni l-informazzjoni u d-dokumenti kollha sottomessi jew skambjati b’rabta ma’ vjeġġi nnotifikati għal mill-inqas ħames snin mid-data li fiha jkun ġie pprovdut ċertifikat f’konformità mal-Artikoli 15(4) jew 16(6).

Fil-każ ta’ notifiki ġenerali f’konformità mal-Artikolu 13, l-obbligu msemmi fl-ewwel subparagrafu għandu japplika mid-data li fiha jkun ġie pprovdut l-aħħar ċertifikat f’konformità mal-Artikoli 15(4) jew 16(6).

2.   L-informazzjoni pprovduta skont l-Artikolu 18 għandha tinżamm fl-Unjoni għal mill-inqas ħames snin mid-data li fiha jkun ġie pprovdut ċertifikat f’konformità mal-Artikolu 18(9), mill-persuna li torganizza l-vjeġġ, mid-destinatarju u mill-faċilità li tirċievi l-iskart.

3.   L-awtoritajiet kompetenti għandhom iżommu fl-Unjoni l-informazzjoni u d-dokumenti kollha sottomessi jew skambjati b’rabta ma’ vjeġġi illegali għal mill-inqas ħames snin mid-data li fiha jkun ġie komplut teħid lura jew irkupru jew rimi alternattiv.

1.   Meta kwalunkwe awtorità kompetenti kkonċernata ssir taf li xi vjeġġ ta’ skart, jew l-irkupru jew ir-rimi tiegħu, li għalih l-awtoritajiet kompetenti kkonċernati jkunu taw il-kunsens tagħhom, ma jistax jiġi komplut kif intenzjonat f’konformità mat-termini tad-dokumenti ta’ notifika u ta’ moviment jew tal-kuntratt imsemmija fl-Artikolu 6, u meta tali vjeġġ ma jkunx illegali, tali awtorità għandha tinforma minnufih lill-awtorità kompetenti tad-dispaċċ b’dan. Meta xi faċilità ta’ rkupru jew ta’ rimi tirrifjuta vjeġġ riċevut, hija għandha tinforma minnufih lill-awtorità kompetenti tad-destinazzjoni.

2.   L-awtorità kompetenti tad-dispaċċ għandha tiżgura li, ħlief fil-każijiet imsemmija fil-paragrafu 3, l-iskart inkwistjoni jittieħed lura fiż-żona tal-ġuriżdizzjoni tagħha jew xi mkien ieħor fil-pajjiż tad-dispaċċ min-notifikatur, jew, meta rilevanti, minn persuna meqjusa li hija n-notifikatur f’konformità mal-paragrafu 11 jew 12, sabiex torganizza r-rimi jew l-irkupru tiegħu. Meta dan ma jkunx prattikabbli, dik l-awtorità kompetenti nnifisha jew persuna fiżika jew ġuridika f’isimha għandha tikkonforma ma’ dan l-Artikolu.

It-teħid lura msemmi fl-ewwel subparagrafu għandu jseħħ fi żmien 90 jum, jew tali perjodu ieħor li jista’ jiġi miftiehem bejn l-awtoritajiet kompetenti kkonċernati, wara li l-awtorità kompetenti tad-dispaċċ issir taf jew tiġi avżata mill-awtorità kompetenti tad-destinazzjoni jew tat-tranżitu li l-vjeġġ ta’ skart li ngħata l-kunsens jew l-irkupru jew ir-rimi tiegħu ma setgħux jiġu kkompletati kif intenzjonat u tkun ġiet informata bir-raġunijiet ta’ dan. Tali parir jista’ jirriżulta minn informazzjoni sottomessa lill-awtoritajiet kompetenti tad-destinazzjoni jew tat-tranżitu, fost l-oħrajn, minn awtoritajiet kompetenti oħra.

3.   L-obbligu ta’ teħid lura stabbilit fil-paragrafu 2 ma għandux japplika jekk l-awtoritajiet kompetenti tad-dispaċċ, tat-tranżitu u tad-destinazzjoni kkonċernati jkunu sodisfatti li l-iskart jista’ jiġi rkuprat jew mormi b’mod alternattiv fil-pajjiż tad-destinazzjoni jew xi mkien ieħor min-notifikatur, jew, meta rilevanti, minn persuna meqjusa li hija n-notifikatur f’konformità mal-paragrafu 11 jew 12, jew, jekk dak ma jkunx prattikabbli, mill-awtorità kompetenti tad-dispaċċ jew minn persuna fiżika jew ġuridika li taġixxi f’isimha.

L-obbligu ta’ teħid lura stabbilit fil-paragrafu 2 ma għandux japplika jekk l-iskart ittrasportat, matul l-operazzjoni fil-faċilità kkonċernata, ikun tħallat b’mod irriversibbli ma’ skart ieħor, b’mod li l-kompożizzjoni jew in-natura tiegħu tkun inbidlet jew li l-iskart inkwistjoni ma jibqax possibbli li jiġi separat qabel ma awtorità kompetenti kkonċernata tkun saret taf bil-fatt li l-vjeġġ innotifikat ma jistax jiġi kkompletat kif imsemmi fil-paragrafu 1. Tali taħlita ta’ skart għandha tiġi rkuprata jew mormija b’mod alternattiv f’konformità mal-ewwel subparagrafu ta’ dan il-paragrafu.

4.   F’każijiet ta’ arranġamenti alternattivi kif imsemmi fil-paragrafu 3, in-notifikatur, jew, meta rilevanti, il-persuna meqjusa li hija n-notifikatur f’konformità mal-paragrafu 11 jew 12, jew, jekk dan ma jkunx prattikabbli, l-awtorità kompetenti tad-dispaċċ jew il-persuna fiżika jew ġuridika f’isimha, għandhom jiżguraw li l-iskart ikkonċernat jiġi mmaniġġjat b’mod li jħares l-ambjent f’konformità mal-Artikolu 59.

5.   F’każijiet ta’ teħid lura kif imsemmi fil-paragrafu 2, għandha tiġi sottomessa notifika ġdida, sakemm l-awtoritajiet kompetenti kkonċernati ma jaqblux li talba debitament motivata mill-awtorità kompetenti inizjali tad-dispaċċ hija biżżejjed.

Għandha tiġi sottomessa notifika ġdida, meta xieraq, min-notifikatur inizjali jew, meta rilevanti, persuna meqjusa li hija n-notifikatur f’konformità mal-paragrafu 11 jew 12 jew, jekk dak ukoll ma jkunx prattikabbli, mill-awtorità kompetenti inizjali tad-dispaċċ jew minn persuna fiżika jew ġuridika f’isimha.

L-awtoritajiet kompetenti ma għandhomx jopponu jew joġġezzjonaw ir-ritorn ta’ skart minn vjeġġ li ma jistax jiġi komplut kif intenzjonat jew għall-operazzjoni relatata ta’ rkupru jew ta’ rimi.

6.   F’każijiet ta’ arranġamenti alternattivi barra mill-pajjiż inizjali tad-destinazzjoni kif imsemmi fil-paragrafu 3, għandha tiġi sottomessa notifika ġdida, meta jkun xieraq, min-notifikatur inizjali jew, meta rilevanti, persuna li hija meqjusa n-notifikatur f’konformità mal-paragrafu 11 jew 12, jew, jekk dak ma jkunx prattikabbli, mill-awtorità kompetenti inizjali tad-dispaċċ jew minn persuna fiżika jew ġuridika f’isimha.

Meta tali notifika ġdida tiġi sottomessa min-notifikatur, din għandha tiġi sottomessa wkoll lill-awtorità kompetenti tal-pajjiż inizjali tad-dispaċċ.

7.   F’każijiet ta’ arranġamenti alternattivi fil-pajjiż tad-destinazzjoni inizjali kif imsemmi fil-paragrafu 3, ma għandhiex tkun meħtieġa notifika ġdida u talba debitament motivata għandha tkun biżżejjed. Tali talba debitament motivata, sabiex jintlaħaq qbil dwar l-arranġament alternattiv, għandha tiġi sottomessa lill-awtoritajiet kompetenti tad-destinazzjoni u tad-dispaċċ min-notifikatur inizjali jew, jekk dak ma jkunx prattikabbli, lill-awtorità kompetenti tad-destinazzjoni mill-awtorità kompetenti inizjali tad-dispaċċ.

8.   Jekk ma tiġi sottomessa l-ebda notifika ġdida f’konformità mal-paragrafu 5 jew 7, għandu jiġi kkompletat dokument ta’ moviment ġdid f’konformità mal-Artikolu 15 jew mal-Artikolu 16 min-notifikatur inizjali jew, meta rilevanti, persuna meqjusa li hija n-notifikatur f’konformità mal-paragrafu 11 jew 12 jew, jekk dan ma jkunx prattikabbli, mill-awtorità kompetenti inizjali tad-dispaċċ jew minn persuna fiżika jew ġuridika li taġixxi f’isimha.

Jekk tiġi sottomessa notifika ġdida mill-awtorità kompetenti inizjali tad-dispaċċ f’konformità mal-paragrafu 5 jew 6, ma għandhiex tkun meħtieġa garanzija finanzjarja ġdida jew assigurazzjoni ekwivalenti.

9.   L-obbligu tan-notifikatur jew, meta applikabbli, l-obbligu tal-pajjiż tad-dispaċċ li jieħu l-iskart lura jewli jagħmel arranġamenti għal irkupru jew rimi alternattiv għandu jintemmu meta l-faċilità toħroġ iċ-ċertifikat ta’ rkupru mhux interim jew ta’ rimi mhux interim imsemmi fl-Artikolu 16(6), jew, meta xieraq, fl-Artikolu 15(5). Fil-każ ta’ rkupru interim jew ta’ rimi interim imsemmija fl-Artikolu 7(6), l-obbligu tal-pajjiż tad-dispaċċ għandu jintemm meta l-faċilità toħroġ iċ-ċertifikat imsemmi fl-Artikolu 15(4).

Meta faċilità toħroġ ċertifikat ta’ rkupru jew ta’ rimi b’tali mod li jirriżulta fi vjeġġ illegali, bil-konsegwenza li tiġi rilaxxata l-garanzija finanzjarja, għandhom japplikaw l-Artikolu 25(8) u l-Artikolu 26(2).

10.   Meta skart minn vjeġġ li ma jistax jiġi kkompletat kif intenzjonat, jew l-irkupru jew ir-rimi tiegħu, jiġi skopert fi Stat Membru, l-awtorità kompetenti b’ġuriżdizzjoni fuq iż-żona fejn kien skopert l-iskart għandha tkun responsabbli sabiex tiżgura li jsiru arranġamenti għall-ħżin sikur tal-iskart, sakemm isir ir-ritorn tiegħu jew l-irkupru mhux interim jew ir-rimi mhux interim tiegħu b’mod alternattiv.

11.   Meta notifikatur speċifikat fl-Artikolu 3, il-punt (6)(a)(iv), jonqos milli jwettaq xi wieħed mill-obbligi ta’ teħid lura stabbiliti f’dan l-Artikolu u fl-Artikolu 24, il-produttur tal-iskart oriġinali, il-produttur il-ġdid tal-iskart jew il-kollettur speċifikati fl-Artikolu 3, il-punt (6)(a)(i), (ii) jew (iii), rispettivament, li awtorizza lin-negozjant jew lis-sensar biex jaġixxi f’ismu għandu jitqies bħala n-notifikatur għall-finijiet ta’ dawk l-obbligi ta’ teħid lura.

12.   Meta notifikatur speċifikat fl-Artikolu 3, il-punt (6)(a)(i), (ii) jew (iii), jonqos milli jwettaq kwalunkwe obbligu ta’ teħid lura stabbilit f’dan l-Artikolu u fl-Artikolu 24, id-detentur tal-iskart speċifikat fl-Artikolu 3, il-punt (6)(a)(v), għandu jitqies li huwa n-notifikatur għall-fini ta’ dawk l-obbligi ta’ teħid lura.

1.   Meta vjeġġ ta’ skart imsemmi fl-Artikolu 4(4) jew (5), jew l-irkupru tiegħu, ma jkunx jista’ jiġi komplut kif intenzjonat, f’konformità mad-dokument tal-Anness VII jew il-kuntratt imsemmi fl-Artikolu 18(10), u meta tali vjeġġ ma jkunx vjeġġ illegali, il-persuna li tkun organizzat il-vjeġġ f’konformità mal-Artikolu 18 għandha tinforma minnufih lill-awtorità kompetenti dwar id-dispaċċ tiegħu. F’tali każijiet, il-persuna li torganizza l-vjeġġ jew id-destinatarju, skont l-obbligi tal-kuntratt imsemmi fl-Artikolu 18(10), għandhom jieħdu l-iskart lura lejn il-pajjiż tad-dispaċċ jew jiżguraw l-irkupru tiegħu b’mod alternattiv fil-pajjiż tad-destinazzjoni jew xi mkien ieħor, u jiżguraw, jekk ikun meħtieġ, li jsiru arranġamenti għall-ħżin sikur tal-iskart sa ma jiġi rritornat jew sal-irkupru mhux interim jew ir-rimi mhux interim tiegħu b’mod alternattiv.

It-teħid lura jew l-irkupru tal-iskart b’mod alternattiv għandu jseħħ fi żmien 90 jum jew kwalunkwe perjodu ieħor miftiehem bejn l-awtoritajiet kompetenti kkonċernati, wara d-data li fiha l-persuna li torganizza l-vjeġġ tkun infurmat lill-awtorità kompetenti tad-dispaċċ f’konformità mal-ewwel subparagrafu.

2.   F’każijiet ta’ arranġamenti alternattivi kif imsemmi fil-paragrafu 1, il-persuna li torganizza l-vjeġġ jew id-destinatarju, kif rilevanti, għandhom jiżguraw li l-iskart ikkonċernat jiġi mmaniġġjat b’mod li jħares l-ambjent u f’konformità mal-Artikolu 59.

3.   F’każijiet ta’ teħid lura jew ta’ arranġamenti alternattivi barra mill-pajjiż tad-destinazzjoni inizjali, kif imsemmi fil-paragrafu 1, informazzjoni rilevanti fid-dokument tal-Anness VII għandha tiġi kompluta u sottomessa mill-persuna li tkun organizzat il-vjeġġ inizjalment, f’konformità mal-Artikolu 18. Meta l-vjeġġ għat-teħid lura jew destinat għal arranġamenti alternattivi jkun soġġett għall-Artikolu 4(1), (2) jew (3), l-Artikolu 22 għandu japplika mutatis mutandis.

4.   Meta l-awtorità kompetenti tad-dispaċċ issir taf li vjeġġ tal-iskart imsemmi fl-Artikolu 4(4) jew (5), jew l-irkupru tiegħu, ma jkunx ġie komplut kif intenzjonat u li l-obbligi li l-iskart jittieħed lura jew li jiġi organizzat l-irkupru alternattiv tiegħu f’konformità mal-paragrafu 1 ma jkunux ġew issodisfati, l-awtorità kompetenti tad-dispaċċ għandha tieħu l-miżuri kollha meħtieġa biex tiżgura li l-persuna li tkun organizzat il-vjeġġ tieħu l-iskart lura jew torganizza l-irkupru tiegħu b’mod alternattiv u tiżgura, jekk ikun meħtieġ, li jsiru arranġamenti għall-ħżin sikur tal-iskart sa ma jiġi rritornat jew sal-irkupru mhux interim jew ir-rimi mhux interim tiegħu b’mod alternattiv. Meta ma jkunx prattikabbli għall-persuna li tkun organizzat il-vjeġġ li tissodisfa l-obbligi ta’ teħid lura, dawk l-obbligi għandhom jiġu ssodisfati minn persuna meqjusa bħala l-persuna li torganizza l-vjeġġ f’konformità mal-paragrafu 5 jew 6, meta rilevanti.

5.   Meta l-persuna li tirranġa l-vjeġġ speċifikat fl-Artikolu 3, il-punti 7a)(iv), tonqos milli tissodisfa kwalunkwe obbligu ta’ teħid lura stabbilit f’dan l-Artikolu jew fl-Artikolu 24, il-produttur oriġinali tal-iskart, il-produttur il-ġdid tal-iskart jew il-kollettur speċifikat fl-Artikolu 3, fil-punti (7)(a)(i), (ii) jew (iii), rispettivament, li awtorizza lin-negozjant jew lis-sensar biex jaġixxi f’ismu għandu jitqies li huwa l-persuna li torganizza l-vjeġġ għall-fini ta’ dawk l-obbligi ta’ teħid lura.

6.   Meta l-persuna li torganizza l-vjeġġ speċifikat fl-Artikolu 3, il-punt (7)(i), (ii) jew (iii), tonqos milli twettaq kwalunkwe obbligu ta’ teħid lura stabbilit f’dan l-Artikolu jew fl-Artikolu 24, id-detentur tal-iskart speċifikat fl-Artikolu 3, il-punti (7)(v), għandu jitqies li huwa l-persuna li torganizza l-vjeġġ għall-fini ta’ dawk l-obbligi ta’ teħid lura.

7.   Meta ma jkunx prattikabbli għall-persuna li torganizza l-vjeġġ jew persuna meqjusa responsabbli f’konformità mal-paragrafu 5 jew 6 li tissodisfa l-obbligi ta’ teħid lura stabbiliti fil-paragrafu 4, l-awtorità kompetenti tad-dispaċċ jew persuna fiżika jew ġuridika f’isimha għandhom jitqiesu responsabbli għall-obbligi skont dan l-Artikolu.

1.   L-ispejjeż li jinħolqu mir-ritorn jew l-irkupru jew ir-rimi b’mod alternattiv tal-iskart minn vjeġġ li ma jkunx jista’ jiġi kkompletat kif intenzjonat, inklużi l-ispejjeż tat-trasport tal-iskart, tal-irkupru jew tar-rimi skont l-Artikolu 22(2) jew (3), u, mid-data li fiha l-awtorità kompetenti tad-dispaċċ issir taf li vjeġġ ta’ skart jew l-irkupru jew ir-rimi ma jistax jiġi kkompletat kif intenzjonat, l-ispejjeż tal-ħżin skont l-Artikolu 22(10) għandhom jiġu ddebitati f’konformità mal-ordni li ġejja:

2.   Qabel ma l-ispejjeż jiġu ddebitati lil xi ħadd għajr in-notifikatur inizjali, għandha tintuża l-garanzija finanzjarja jew l-assigurazzjoni ekwivalenti msemmija fl-Artikolu 7. Jekk ma jkun hemm ebda garanzija finanzjarja jew assigurazzjoni ekwivalenti jew jekk l-ispejjeż jaqbżu l-ammont tal-kopertura tal-garanzija finanzjarja jew tal-assigurazzjoni ekwivalenti, l-ispejjeż għandhom jiġu ddebitati f’konformità mal-ordni indikata fil-paragrafu 1.

3.   Dan l-Artikolu għandu japplika mutatis mutandis għall-ispejjeż li jinħolqu mit-teħid lura jew mill-irkupru alternattiv tal-iskart f’konformità mal-Artikolu 23.

4.   Dan l-Artikolu għandu jkun mingħajr preġudizzju għad-dritt tal-Unjoni u dak nazzjonali rigward ir-responsabbiltà.

1.   Meta awtorità kompetenti tiskopri vjeġġ li hija tqis li huwa vjeġġ illegali, din għandha tinforma minnufih lill-awtoritajiet kompetenti l-oħrajn ikkonċernati.

2.   Meta r-responsabbiltà għal vjeġġ illegali tista’ tiġi imputata lin-notifikatur, l-awtorità kompetenti tad-dispaċċ għandha tiżgura li l-iskart jittieħed lura:

3.   L-obbligu ta’ teħid lura stabbilit fil-paragrafu 2 ma għandux japplika jekk l-awtoritajiet kompetenti tad-dispaċċ, tat-tranżitu u tad-destinazzjoni kkonċernati u, meta rilevanti, in-notifikatur jew il-persuna meqjusa li hija n-notifikatur, jaqblu u jkunu sodisfatti li l-iskart jista’ jiġi:

Fil-każ ta’ esportazzjoni jew importazzjoni, rkupru jew rimi b’mod alternattiv kif miftiehem skont l-ewwel subparagrafu għandhom iseħħu biss jekk it-teħid lura f’konformità mal-paragrafu 2 ma jkunx prattikabbli.

4.   Fil-każ ta’ rkupru jew rimi b’mod alternattiv kif imsemmi fil-paragrafu 3, in-notifikatur, jew, meta rilevanti, il-persuna meqjusa li hija n-notifikatur f’konformità mal-paragrafu 6 jew 7, jew, jekk dan ma jkunx prattikabbli, l-awtorità kompetenti tad-dispaċċ jew il-persuna fiżika jew ġuridika f’isimha, għandhom jiżguraw li l-iskart ikkonċernat jiġi mmaniġġjat b’mod li jħares l-ambjent f’konformità mal-Artikolu 59.

5.   It-teħid lura, l-irkupru jew ir-rimi msemmija fil-paragrafi 2 u 3 għandhom iseħħu fi żmien 30 jum, jew f’tali perjodu ieħor kif jista’ jiġi maqbul bejn l-awtoritajiet kompetenti kkonċernati, wara d-data li fiha l-awtorità kompetenti tad-dispaċċ issir taf, jew tkun ġiet avżata mill-awtoritajiet kompetenti tad-destinazzjoni jew tat-tranżitu dwar il-vjeġġ illegali u tkun ġiet infurmata bir-raġunijiet għal dan. Tali parir jista’ jirriżulta minn informazzjoni sottomessa lill-awtoritajiet kompetenti tad-destinazzjoni jew tat-tranżitu, fost l-oħrajn, mingħand awtoritajiet kompetenti oħra.

Fil-każ ta’ teħid lura kif imsemmi fil-paragrafu 2, il-punti (a), (b) u (c), għandha tiġi sottomessa notifika ġdida, sakemm l-awtoritajiet kompetenti kkonċernati ma jaqblux li tkun biżżejjed talba debitament motivata mill-awtorità kompetenti inizjali tad-dispaċċ.

Jekk tkun meħtieġa notifika ġdida, din għandha tiġi sottomessa mill-persuna jew mill-awtorità determinata f’konformità mal-paragrafu 2.

L-awtoritajiet kompetenti ma għandhomx jopponu jew joġġezzjonaw ir-ritorn ta’ skart minn vjeġġ illegali. Fil-każ ta’ rkupru jew rimi b’mod alternattiv kif imsemmi fil-paragrafu 3, imwettaq barra mill-pajjiż fejn ikun ġie skopert il-vjeġġ illegali, għandha tiġi sottomessa notifika ġdida mill-persuna jew l-awtorità elenkata f’dak il-paragrafu u f’konformità mal-ordni indikat fih.

L-awtoritajiet kompetenti kkonċernati għandhom jikkooperaw, kif meħtieġ, biex jiżguraw li l-iskart jittieħed lura jew jiġi rkuprat jew mormi b’mod alternattiv kif imsemmi fil-paragrafi 2 u 3.

6.   Meta notifikatur speċifikat fl-Artikolu 3, il-punt (6)(a)(iv), jonqos milli jwettaq xi wieħed mill-obbligi ta’ teħid lura stabbiliti f’dan l-Artikolu jew fl-Artikolu 26, il-produttur oriġinali tal-iskart, il-produttur il-ġdid tal-iskart jew il-kollettur speċifikat fl-Artikolu 3, il-punt (6)(a)(i), (ii) jew (iii), rispettivament, li awtorizza lin-negozjant jew lis-sensar biex jaġixxi f’ismu għandu jitqies li huwa n-notifikatur għall-finijiet ta’ dawk l-obbligi ta’ teħid lura.

7.   Meta notifikatur speċifikat fl-Artikolu 3, il-punt (6)(a)(i), (ii) jew (iii), jonqos milli jwettaq kwalunkwe obbligu minn dawk stabbiliti f’dan l-Artikolu u fl-Artikolu 26, id-detentur tal-iskart kif speċifikat fl-Artikolu 3, il-punt (6)(a)(v), għandu jitqies li huwa n-notifikatur għall-finijiet ta’ dawk l-obbligi ta’ teħid lura.

8.   Meta r-responsabbiltà għal vjeġġ illegali tista’ tiġi imputata lid-destinatarju, l-awtorità kompetenti tad-destinazzjoni għandha tiżgura li l-iskart jiġi rkuprat jew mormi b’mod li ma jagħmilx ħsara lill-ambjent:

L-irkupru jew ir-rimi msemmija fl-ewwel subparagrafu għandhom iseħħu fi żmien 30 jum, jew f’tali perjodu ieħor kif jista’ jiġi maqbul bejn l-awtoritajiet kompetenti kkonċernati, wara d-data li fiha l-awtorità kompetenti tad-destinazzjoni ssir taf jew tkun ġiet avżata mill-awtoritajiet kompetenti tad-dispaċċ jew tat-tranżitu, dwar il-vjeġġ illegali u tkun ġiet infurmata bir-raġunijiet għal dan. Tali parir jista’ jirriżulta minn informazzjoni sottomessa lill-awtoritajiet kompetenti tad-dispaċċ u tat-tranżitu, fost l-oħrajn, mingħand awtoritajiet kompetenti oħra.

L-awtoritajiet kompetenti kkonċernati għandhom jikkooperaw, kif meħtieġ, fl-irkupru jew fir-rimi tal-iskart f’konformità ma’ dan il-paragrafu.

9.   Jekk ma tkun meħtieġa l-ebda notifika ġdida, għandu jiġi kkompletat dokument ta’ moviment ġdid f’konformità mal-Artikoli 15 jew 16 mill-persuna responsabbli għat-teħid lura jew, jekk dak ma jkunx prattikabbli, mill-awtorità kompetenti inizjali tad-dispaċċ.

Meta tiġi sottomessa notifika ġdida mill-awtorità kompetenti inizjali tad-dispaċċ, li twettaq it-teħid lura f’konformità mal-paragrafu 2, il-punt (c), ma għandhiex tkun meħtieġa garanzija finanzjarja jew assigurazzjoni ekwivalenti ġdida.

10.   F’każijiet meta r-responsabbiltà għall-vjeġġ illegali ma tkunx tista’ tiġi imputata lin-notifikatur jew lid-destinatarju, l-awtoritajiet kompetenti kkonċernati għandhom jikkooperaw biex jiżguraw li l-iskart jiġi rkuprat jew mormi.

11.   Meta jiġi skopert vjeġġ illegali wara t-tlestija tal-operazzjoni ta’ rkupru jew ta’ rimi interim kif imsemmi fl-Artikolu 7(6), l-obbligu tal-pajjiż tad-dispaċċ li jieħu l-iskart lura jew jagħmel l-arranġamenti għal irkupru jew rimi b’mod alternattiv għandu jintemm meta l-faċilità tkun ħarġet iċ-ċertifikat imsemmi fl-Artikolu 15(4).

Meta faċilità toħroġ ċertifikat ta’ rkupru jew ta’ rimi b’tali mod li jirriżulta fi vjeġġ illegali, bil-konsegwenza li tiġi rilaxxata l-garanzija finanzjarja jew l-assigurazzjoni ekwivalenti, għandhom japplikaw il-paragrafu 8 ta’ dan l-Artikolu u l-Artikolu 26(2).

12.   Meta l-iskart minn vjeġġ illegali jiġi skopert fi Stat Membru, l-awtorità kompetenti b’ġuriżdizzjoni fuq iż-żona fejn ġie skopert l-iskart għandha tkun responsabbli sabiex tiżgura li jsiru arranġamenti għall-ħżin sikur tal-iskart sakemm isir ir-ritorn jew l-irkupru mhux interim jew ir-rimi mhux interim tiegħu b’mod alternattiv.

13.   L-Artikoli 37, 39, u 40 u kwalunkwe projbizzjoni ta’ esportazzjoni li jkun hemm f’ att delegat kif imsemmi fl-Artikolu 45(6) ma għandhomx japplikaw f’każijiet meta vjeġġi illegali jiġu rritornati lejn il-pajjiż tad-dispaċċ u dak il-pajjiż tad-dispaċċ ikun pajjiż kopert mill-projbizzjonijiet stabbiliti f’dawk id-dispożizzjonijiet.

14.   Jekk vjeġġ tal-iskart imsemmi fl-Artikolu 4(4) jew (5) jitqies li huwa vjeġġ illegali, dan l-Artikolu għandu japplika mutatis mutandis għall-persuna li torganizza l-vjeġġ u għall-awtoritajiet kompetenti kkonċernati.

15.   Dan l-Artikolu għandu japplika mingħajr preġudizzju għad-dritt tal-Unjoni u dak nazzjonali dwar ir-responsabbiltà.

1.   L-ispejjeż li jirriżultaw mit-teħid lura jew l-irkupru jew ir-rimi b’mod alternattiv ta’ skart minn vjeġġ illegali, inklużi l-ispejjeż għat-trasport tal-iskart, għall-irkupru jew għar-rimi tiegħu, skont l-Artikolu 25(2) jew (3) u, mid-data li fiha l-awtorità kompetenti tad-dispaċċ issir taf li vjeġġ huwa illegali, l-ispejjeż tal-ħżin skont l-Artikolu 25(12), għandhom jiġu ddebitati:

2.   L-ispejjeż li jirriżultaw mill-irkupru jew mir-rimi skont l-Artikolu 25(8), inklużi l-ispejjeż possibbli tat-trasport u tal-ħżin skont l-Artikolu 25(12), għandhom jiġu ddebitati lid-destinatarju; jew, jekk dak ma jkunx prattikabbli, lill-awtorità kompetenti tad-destinazzjoni.

3.   L-ispejjeż li jirriżultaw mill-irkupru jew mir-rimi skont l-Artikolu 25(10), inklużi l-ispejjeż possibbli tat-trasport u tal-ħżin skont l-Artikolu 25(12), għandhom jiġu ddebitati:

4.   F’każijiet meta notifika tkun ġiet sottomessa u n-notifikatur ma jissodisfax ir-responsabbiltajiet tiegħu għall-ispejjeż li jkunu qed jintalbu, il-garanzija finanzjarja jew l-assigurazzjoni ekwivalenti msemmija fl-Artikolu 7 għandha tintuża qabel ma jiġu ddebitati l-ispejjeż skont il-paragrafi 1, 2 jew 3 lil xi ħadd għajr in-notifikatur jew id-destinatarju rispettivament. Meta l-ispejjeż jaqbżu l-ammont tal-kopertura pprovduta mill-garanzija finanzjarja jew mill-assigurazzjoni ekwivalenti, l-ispejjeż għandhom jiġu ddebitati f’konformità mal-paragrafi 1, 2 u 3.

5.   Jekk vjeġġ ta’ skart imsemmi fl-Artikolu 4(4) jew (5) jitqies li huwa vjeġġ illegali, dan l-Artikolu għandu japplika mutatis mutandis għall-persuna li torganizza l-vjeġġ u għall-awtoritajiet kompetenti kkonċernati.

6.   Dan l-Artikolu għandu japplika mingħajr preġudizzju għad-dritt tal-Unjoni u dak nazzjonali dwar ir-responsabbiltà.

1.   L-informazzjoni u d-dokumenti li ġejjin għandhom jiġu sottomessi u skambjati b’mezzi elettroniċi, permezz tal-hub tas-sistema ċentrali msemmija fil-paragrafu 3 jew permezz ta’ sistemi interoperabbli jew software oħra disponibbli f’konformità mal-paragrafu 4:

2.   Sabiex il-lista ta’ informazzjoni u dokumentazzjoni, meħtieġa skont il-paragrafu 1, tinżamm aġġornata ma’ kwalunkwe bidla fis-sistemi għall-iskambju u s-sottomissjoni b’mezzi elettroniċi, il-Kummissjoni għandha s-setgħa li tadotta atti delegati f’konformità mal-Artikolu 80 biex temenda l-paragrafu 1 sabiex temenda l-lista ta’ informazzjoni u dokumentazzjoni.

3.   Il-Kummissjoni għandha tħaddem sistema ċentrali li tippermetti s-sottomissjoni u l-iskambju ta’ informazzjoni u ta’ dokumenti b’mezzi elettroniċi msemmija fil-paragrafu 1. Dik is-sistema ċentrali għandha tipprovdi hub li għandu jintuża għall-iskambju f’ħin reali tal-informazzjoni u tad-dokumenti msemmija fil-paragrafu 1 bejn is-sistemi jew is-software disponibbli għall-iskambju tad-data b’mezzi elettroniċi.

Il-hub imsemmi fl-ewwel subparagrafu għandu jintuża wkoll għall-iskambju f’ħin reali ta’ informazzjoni u dokumenti kif imsemmi fil-paragrafu 1 għal vjeġġi fl-Unjoni bi tranżitu tramite pajjiżi terzi, esportazzjoni mill-Unjoni, importazzjoni fl-Unjoni u tranżitu tramite l-Unjoni, fejn l-awtoritajiet kompetenti, l-uffiċċji doganali tal-esportazzjoni, tal-ħruġ u tad-dħul, l-awtoritajiet involuti fl-ispezzjonijiet u l-operaturi ekonomiċi f’pajjiżi terzi jikkonnettjaw ma’ dak il-hub permezz ta’ sistema jew software disponibbli, f’liema każ il-paragrafu 4 għandu japplika mutatis mutandis, jew permezz tas-sit web imsemmi fit-tielet subparagrafu ta’ dan il-paragrafu.

Dik is-sistema ċentrali għandha tipprovdi wkoll sit web għat-tħejjija u l-ipproċessar tal-informazzjoni u d-dokumenti msemmija fil-paragrafu 1 għal vjeġġi fl-Unjoni, għal vjeġġi fl-Unjoni bi tranżitu tramite pajjiżi terzi, li jesportaw mill-Unjoni, li jimportaw fl-Unjoni u li jkollhom tranżitu tramite l-Unjoni. Tali sit web jista’ jintuża wkoll mill-awtoritajiet kompetenti, l-awtoritajiet involuti fl-ispezzjonijiet u l-operaturi ekonomiċi fl-Istati Membri u fil-pajjiżi terzi li ma jużawx sistemi jew software għall-iskambju tad-data b’mezzi elettroniċi, sabiex jissottomettu u jiskambjaw direttament, b’mezzi elettroniċi, l-informazzjoni u d-dokumenti msemmija fil-paragrafu 1.

Is-software msemmi fl-ewwel, fit-tieni u fit-tielet subparagrafi għandu jkun interoperabbli mas-sistema ċentrali msemmija fil-paragrafu 3, jiskambja informazzjoni u dokumenti permezz ta’ dik is-sistema ċentrali f’ħin reali u jitħaddem f’konformità mar-rekwiżiti u r-regoli stabbiliti fl-atti ta’ implimentazzjoni adottati mill-Kummissjoni skont il-paragrafu 5.

Is-sistema ċentrali għandha tiffaċilita ż-żamma tad-dokumenti f’konformità mal-Artikolu 20.

Dik is-sistema ċentrali għandha tipprevedi wkoll l-interoperabbiltà tagħha mal-ambjent għall-informazzjoni elettronika dwar it-trasport tal-merkanzija stabbilit skont ir-Regolament (UE) 2020/1056.

Fi żmien erba’ snin mill-adozzjoni tal-att ta’ implimentazzjoni msemmi fil-paragrafu 5, il-Kummissjoni għandha tiżgura l-interkonnessjoni ta’ dik is-sistema ċentrali mal-Ambjent ta’ Tieqa Unika tal-Unjoni Ewropea għad-Dwana permezz tas-Sistema ta’ Skambju ta’ Ċertifikati tat-Tieqa Unika tal-Unjoni Ewropea għad-Dwana stabbilita permezz tar-Regolament (UE) 2022/2399.

4.   L-Istati Membri jistgħu jħaddmu s-sistemi jew is-software disponibbli tagħhom stess li jippermettu t-tħejjija u l-ipproċessar tal-informazzjoni u d-dokumenti msemmija fil-paragrafu 1 mill-awtoritajiet kompetenti, l-awtoritajiet involuti fl-ispezzjonijiet u, meta xieraq, l-operaturi ekonomiċi fl-Istati Membri u għas-sottomissjoni u l-iskambju ta’ informazzjoni u dokumenti b’mezzi elettroniċi msemmija fil-paragrafu 1. L-Istati Membri għandhom jiżguraw li dawk is-sistemi u s-software jkunu interoperabbli mas-sistema ċentrali msemmija fil-paragrafu 3, li jitħaddmu f’konformità mar-rekwiżiti u mar-regoli stabbiliti fl-atti ta’ implimentazzjoni adottati mill-Kummissjoni skont il-paragrafu 5 u li jippermettu l-iskambju ta’ informazzjoni u dokumenti permezz tal-hub tas-sistema ċentrali f’ħin reali.

Is-sistemi msemmija fl-ewwel subparagrafu għandhom jiffaċilitaw iż-żamma tad-dokumenti f’konformità mal-Artikolu 20.

5.   Sa mhux aktar tard mill-21 ta’ Mejju 2025, il-Kummissjoni għandha tadotta atti ta’ implimentazzjoni biex tistabbilixxi:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 81(2).

6.   Il-funzjonalità tas-sistema ċentrali għandha tiġi rieżaminata mill-Kummissjoni kull sentejn. Is-sejbiet ta’ dawk ir-rieżamijiet għandhom jiġu kkomunikati lill-Parlament Ewropew u lill-Istati Membri. Ir-rieżami għandu jqis ir-rispons minn utenti, bħall-awtoritajiet kompetenti u n-notifikaturi.

1.   Kwalunkwe notifika, informazzjoni, dokumentazzjoni jew komunikazzjoni oħra sottomessa skont id-dispożizzjonijiet ta’ dan it-Titolu għandha tiġi pprovduta b’lingwa aċċettabbli għall-awtoritajiet kompetenti kkonċernati.

2.   In-notifikatur u d-destinatarju, jew, meta applikabbli, il-persuna li torganizza l-vjeġġ, għandhom jipprovdu lill-awtoritajiet kompetenti kkonċernati bi traduzzjonijiet awtorizzati tal-komunikazzjonijiet imsemmija fil-paragrafu 1 b’lingwa li tkun aċċettabbli għalihom, jekk dawn jitolbu hekk.

3.   Sal-21 ta’ Mejju 2028, il-Kummissjoni għandha tinkorpora funzjoni fis-sistema ċentrali msemmija fl-Artikolu 27(3), li tipprovdi traduzzjonijiet ta’ korteżija tal-komunikazzjonijiet imsemmija fil-paragrafu 1.

1.   Meta jiddeċiedu jekk oġġett jew sustanza, li jirriżultaw minn proċess ta’ produzzjoni li l-għan primarju tiegħu mhuwiex il-produzzjoni ta’ dak l-oġġett jew dik is-sustanza, għandhomx jitqiesu bħala skart, l-Istati Membri għandhom japplikaw l-Artikolu 5 tad-Direttiva 2008/98/KE.

Meta jiddeċiedu jekk l-iskart li jkun għadda minn operazzjoni ta’ riċiklaġġ jew irkupru ieħor iridx jitqies li ma għadux skart, l-Istati Membri għandhom japplikaw l-Artikolu 6 tad-Direttiva 2008/98/KE.

Meta jiddeċiedu jekk oġġett jew sustanza jridux jitqiesu bħala oġġett użat u mhux bħala skart, l-Istati Membri għandhom jiżguraw li mill-inqas jiġu ssodisfati l-kundizzjonijiet li ġejjin:

Id-dispożizzjonijiet fit-tielet subparagrafu għandhom japplikaw mingħajr preġudizzju għall-Artikolu 23(2) u għall-Anness VI tad-Direttiva 2012/19/UE tal-Parlament Ewropew u tal-Kunsill (43) u l-Artikolu 72(2) u l-Anness XIV tar-Regolament (UE) 2023/1542 tal-Parlament Ewropew u tal-Kunsill (44).

2.   Jekk l-awtoritajiet kompetenti tad-dispaċċ u tad-destinazzjoni ma jistgħux jaqblu fuq il-klassifikazzjoni fir-rigward tad-distinzjoni bejn dak li huwa skart u dak li mhuwiex skart, filwaqt li jqisu d-dispożizzjonijiet fil-paragrafu 1, u kwalunkwe kundizzjoni jew deċiżjoni meħuda fil-livell tal-Unjoni jew mill-Istati Membri skont l-Artikolu 5 jew 6 tad-Direttiva 2008/98/KE, l-oġġett jew is-sustanza għandhom jiġu ttrattati daqslikieku kienu skart għall-fini tal-vjeġġ. Dan għandu jkun mingħajr preġudizzju għad-dritt tal-pajjiż tad-destinazzjoni li jittratta l-materjal ittrasportat f’konformità mal-leġiżlazzjoni nazzjonali tiegħu, wara l-wasla tal-materjal ittrasportat u meta tali leġiżlazzjoni tkun konformi mad-dritt tal-Unjoni jew mad-dritt internazzjonali.

3.   Il-Kummissjoni tista’ tadotta atti ta’ implimentazzjoni sabiex tistabbilixxi kriterji dettaljati għall-applikazzjoni uniformi tal-kundizzjonijiet stabbiliti fil-paragrafu 1, it-tielet subparagrafu, għal sustanzi jew oġġetti speċifiċi li għalihom id-distinzjoni bejn merkanzija użata u skart hija ta’ importanza partikolari għall-esportazzjoni ta’ skart mill-Unjoni.

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 81(2).

4.   Jekk l-awtoritajiet kompetenti tad-dispaċċ u tad-destinazzjoni ma jkunux jistgħu jaqblu dwar il-klassifikazzjoni ta’ skart destinat għall-irkupru bħala skart li huwa elenkat fl-Anness III, fl-Anness IIIA, fl-Anness IIIB jew fl-Anness IV, jew li mhuwiex elenkat f’xi wieħed minn dawk l-Annessi, il-vjeġġ ta’ dak l-iskart għandu jkun soġġett għall-Artikolu 4(2).

5.   Jekk l-awtoritajiet kompetenti tad-dispaċċ u tad-destinazzjoni ma jkunux jistgħu jaqblu dwar il-klassifikazzjoni tal-operazzjoni ta’ trattament ta’ skart bħala waħda ta’ rkupru jew ta’ rimi, għandhom japplikaw id-dispożizzjonijiet ta’ dan ir-Regolament rigward ir-rimi.

6.   Sabiex tiġi ffaċilitata l-klassifikazzjoni armonizzata tal-iskart elenkat fl-Anness III, fl-Anness IIIA, fl-Anness IIIB jew fl-Anness IV fl-Unjoni, il-Kummissjoni għandha s-setgħa li tadotta atti delegati f’konformità mal-Artikolu 80 sabiex tissupplimenta dan ir-Regolament billi tistabbilixxi kriterji, bħal livelli ta’ limitu ta’ kontaminazzjoni, li abbażi tagħhom ċertu skart għandu jiġi kklassifikat fl-Anness III, fl-Anness IIIA, fl-Anness IIIB jew fl-Anness IV.

7.   Jekk l-awtoritajiet kompetenti tad-dispaċċ u tad-destinazzjoni ma jkunux jistgħu jaqblu dwar il-klassifikazzjoni tal-operazzjoni tat-trattament tal-iskart bħala operazzjoni interim jew mhux interim, għandhom japplikaw id-dispożizzjonijiet ta’ dan ir-Regolament rigward operazzjonijiet interim.

1.   F’każijiet eċċezzjonali u meta s-sitwazzjoni ġeografika jew demografika speċifika tiġġustifika tali pass, l-Istati Membri jistgħu jikkonkludu ftehimiet bilaterali li jagħmlu l-proċedura ta’ notifika għal vjeġġi ta’ flussi ta’ skart speċifiċi inqas stretta fir-rigward tal-vjeġġi transfruntiera lejn l-eqreb faċilità xierqa li tinsab fiż-żona tal-fruntieri bejn iż-żewġ Stati Membri kkonċernati.

2.   Ftehimiet bilaterali kif imsemmija fil-paragrafu 1 jistgħu jiġu konklużi wkoll meta l-iskart jiġi ttrasportat mill-pajjiż tad-dispaċċ u ttrattat fih, iżda t-tranżitu jseħħ tramite Stat Membru ieħor.

3.   L-Istati Membri jistgħu wkoll jikkonkludu ftehimiet bilaterali kif imsemmija fil-paragrafu 1 ma’ pajjiżi li huma membri tal-EFTA (Assoċjazzjoni Ewropea tal-Kummerċ Ħieles).

Ftehimiet konklużi skont l-ewwel subparagrafu għandhom jirrikjedu li l-iskart jiġi mmaniġġjat fil-pajjiż tal-EFTA kkonċernat b’mod li jħares l-ambjent skont l-Artikolu 59.

4.   Ftehimiet konklużi skont dan l-Artikolu għandhom jiġu nnotifikati lill-Kummissjoni qabel ma jkollhom effett.

1.   Meta vjeġġ isir fl-Unjoni, bi tranżitu tramite pajjiż terz wieħed jew aktar li għalihom ma tapplikax id-Deċiżjoni tal-OECD tal-Kunsill dwar il-Kontroll tal-Moviment Barra l-Konfini ta’ Skart Destinat għal Operazzjonijiet ta’Rkupru (45) (“id-Deċiżjoni OECD”), u l-iskart ikun destinat għall-irkupru, għandu japplika l-Artikolu 34.

2.   Meta vjeġġ isir fl-Unjoni, inkluż vjeġġ bejn lokalitajiet fl-istess Stat Membru, bi tranżitu tramite pajjiż terz wieħed jew aktar li għalihom tapplika d-Deċiżjoni tal-OECD, u l-iskart ikun destinat għall-irkupru, l-Artikoli 4 sa 30 għandhom japplikaw mutatis mutandis, soġġetti għall-adattamenti u għar-rekwiżiti addizzjonali li ġejjin:

1.   L-esportazzjonijiet mill-Unjoni ta’ skart destinat għar-rimi għandhom jiġu pprojbiti.

2.   Il-projbizzjoni fil-paragrafu 1 ma għandhiex tapplika għall-esportazzjonijiet ta’ skart destinat għar-rimi fil-pajjiżi tal-EFTA li jkunu wkoll Partijiet għall-Konvenzjoni ta’ Basilea.

3.   B’deroga mill-paragrafu 2, l-esportazzjonijiet ta’ skart destinat għar-rimi lejn pajjiż tal-EFTA li jkun Parti għall-Konvenzjoni ta’ Basilea għandhom jiġu pprojbiti:

4.   Il-projbizzjoni stabbilita fil-paragrafu 1 ma għandhiex tapplika għal skart li jkun soġġett għal obbligu ta’ teħid lura skont l-Artikolu 22 jew 25.

1.   Meta jiġi esportat skart mill-Unjoni lejn pajjiż tal-EFTA li jkun Parti għall-Konvenzjoni ta’ Basilea u jkun destinat għar-rimi f’dak il-pajjiż, id-dispożizzjonijiet tat-Titolu II għandhom japplikaw mutatis mutandis, bl-adattamenti u bid-dispożizzjonijiet addizzjonali stabbiliti fil-paragrafi 2 u 3.

2.   L-adattamenti li ġejjin għandhom japplikaw:

3.   Għandhom japplikaw id-dispożizzjonijiet addizzjonali li ġejjin:

4.   Il-vjeġġ jista’ jseħħ biss jekk jiġu ssodisfati l-kundizzjonijiet kollha li ġejjin:

5.   Meta l-iskart jiġi esportat, dan għandu jkun destinat għal operazzjonijiet ta’ rimi f’faċilità li, skont id-dritt nazzjonali applikabbli, tkun qed topera jew hija awtorizzata biex topera fil-pajjiż tad-destinazzjoni.

6.   Meta uffiċċju doganali tal-esportazzjoni jew uffiċċju doganali tal-ħruġ jiskopri vjeġġ illegali, dan għandu jinforma mingħajr dewmien lill-awtorità kompetenti fil-pajjiż tal-uffiċċju doganali tiegħu. Dik l-awtorità kompetenti għandha:

1.   In-notifikatur jew il-persuna li torganizza l-vjeġġ għandhom jesportaw l-iskart mill-Unjoni biss jekk ikunu jistgħu juru li l-faċilitajiet li għandhom jirċievu l-iskart fil-pajjiż tad-destinazzjoni se jimmaniġġjawh b’mod li jħares l-ambjent kif imsemmi fl-Artikolu 59.

2.   In-notifikatur jew il-persuna li torganizza l-vjeġġ ma għandhomx jesportaw skart lejn faċilità li ma tikkonformax mal-kriterji stabbiliti fil-Parti B tal-Anness X.

3.   Sabiex jiġi ssodisfat l-obbligu msemmi fil-paragrafu 1, in-notifikatur jew il-persuna li torganizza l-vjeġġ li jkollhom il-ħsieb li jesportaw l-iskart mill-Unjoni għandhom jiżguraw li l-faċilitajiet li se jimmaniġġjaw l-iskart fil-pajjiż tad-destinazzjoni jkunu ġew soġġetti għal awditu.

Dan l-awditu għandu jsir minn parti terza li għandha tkun indipendenti min-notifikatur jew mill-persuna li torganizza l-vjeġġ kif ukoll mill-faċilità awditjata u li għandu jkollha l-kwalifiki xierqa fl-oqsma tal-awditjar u t-trattament tal-iskart.

Meta jikkummissjonaw awditu, in-notifikatur jew persuna li torganizza l-vjeġġ għandhom jivverifikaw li l-parti terza tikkonforma mar-rekwiżiti stabbiliti fil-Parti A tal-Anness X u li tkun ġiet awtorizzata jew akkreditata minn korp uffiċjali nazzjonali biex twettaq awditi kif definit f’dan l-Artikolu.

4.   L-awditu msemmi fil-paragrafu 3 għandu jinkludi kemm kontrolli fiżiċi kif ukoll kontrolli dokumentarji u għandu jivverifika l-konformità tal-faċilità kkonċernata mal-kriterji stabbiliti fil-Parti B tal-Anness X.

5.   Notifikatur jew persuna li torganizza l-vjeġġ li jkollhom il-ħsieb li jesportaw l-iskart għandhom jiżguraw, qabel ma jesportaw l-iskart, li l-faċilità li se timmaniġġja l-iskart fil-pajjiż tad-destinazzjoni tkun ġiet soġġetta għal awditu msemmi fil-paragrafu 3 imwettaq mhux aktar tard minn sentejn qabel ma jesportaw l-iskart lejn il-faċilità kkonċernata u li jkun wera l-konformità tal-faċilità mal-kriterji fil-Parti B tal-Anness X.

Bil-ħsieb li dan l-obbligu jiġi ssodisfat, in-notifikatur jew persuna li torganizza l-vjeġġ għandhom jew:

In-notifikatur jew il-persuna li torganizza l-vjeġġ għandhom jikkummissjonaw ukoll awditu ad hoc mingħajr dewmien f’każ li jirċievu informazzjoni affidabbli li faċilità ma għadhiex konformi mal-kriterji stabbiliti fil-Parti B tal-Anness X. Meta l-awditu ad hoc juri li faċilità ma għadhiex konformi mal-kriterji stabbiliti fil-Parti B tal-Anness X, in-notifikatur jew il-persuna li torganizza l-vjeġġ għandhom iwaqqfu minnufih l-esportazzjoni tal-iskart lejn dik il-faċilità u jinformaw lill-awtoritajiet kompetenti tad-dispaċċ ikkonċernati.

6.   Notifikatur jew persuna li torganizza l-vjeġġ li jkunu kkummissjonaw awditu għal faċilità partikolari skont il-paragrafu 3 għandhom jiżguraw li tali awditu jkun disponibbli għal notifikaturi jew persuni oħra li jorganizzaw vjeġġi li jkollhom il-ħsieb li jesportaw l-iskart lejn il-faċilità inkwistjoni, taħt kundizzjonijiet kummerċjali ġusti.

7.   Notifikatur jew persuna li torganizza l-vjeġġ għandhom jinnotifikaw lill-Kummissjoni dwar awditi li kkummissjonaw f’konformità mal-paragrafi 3 u 5, u li wrew il-konformità ta’ faċilità mal-kriterji stabbiliti fil-Parti B tal-Anness X. In-notifika għandha tinkludi l-informazzjoni li ġejja:

Notifikatur jew persuna li torganizza lvjeġġ jistgħu jinnotifikaw lill-Kummissjoni dwar awditu kkummissjonat mill-faċilità awditjata nnifsha, dment li n-notifikatur jew il-persuna li torganizza vjeġġ ikunu vverifikaw li l-awditu twettaq f’konformità mal-paragrafi 3 u 4 u wera l-konformità tal-faċilità mal-kriterji stabbiliti fil-Parti B tal-Anness X. Tali notifika għandu jkun fiha informazzjoni f’konformità mal-ewwel subparagrafu, il-punti (a) u (c) sa (f).

8.   Il-Kummissjoni għandha tistabbilixxi u żżomm aġġornat reġistru bl-informazzjoni li tirċievi f’konformità mal-paragrafu 7. Il-Kummissjoni għandha tagħmel l-informazzjoni fir-reġistru disponibbli għall-pubbliku.

9.   Fuq talba minn awtorità kompetenti jew awtorità involuta fl-ispezzjonijiet, notifikatur jew persuna li torganizza l-vjeġġ għandhom jipprovdu evidenza dokumentarja li l-awditi kif imsemmija fil-paragrafu 3 twettqu fil-faċilitajiet kollha li lejhom qed jesportaw l-iskart inkwistjoni. Tali evidenza dokumentarja għandha tiġi pprovduta b’lingwa aċċettabbli għall-awtoritajiet ikkonċernati.

10.   Notifikatur jew persuna li torganizza l-vjeġġ li jesportaw skart barra mill-Unjoni għandhom, fuq bażi annwali, jagħmlu pubblikament disponibbli b’mezzi elettroniċi l-informazzjoni dwar kif jikkonformaw mal-obbligi tagħhom skont dan l-Artikolu.

11.   Meta jkun hemm ftehim internazzjonali bejn l-Unjoni u pajjiż terz li għalih tapplika d-Deċiżjoni tal-OECD, li jirrikonoxxi li l-faċilitajiet f’dak il-pajjiż terz se jimmaniġġjaw l-iskart b’mod li jħares l-ambjent, kif imsemmi fl-Artikolu 59 u f’konformità mal-kriterji stabbiliti fil-Parti B tal-Anness X, in-notifikaturi jew il-persuni li jorganizzaw il-vjeġġi li jkollhom il-ħsieb li jesportaw l-iskart lejn dak il-pajjiż terz għandhom jiġu eżentati mill-obbligu stabbilit fil-paragrafi 3 sa 7 u 9.

Notifikatur jew persuna li torganizza l-vjeġġ li jesportaw l-iskart mill-Unjoni lejn faċilità f’pajjiż terz li l-Unjoni kkonkludiet ftehim internazzjonali miegħu għandhom iwettqu awditu ad hoc mingħajr dewmien f’każ li jirċievu informazzjoni affidabbli li faċilità ma għadhiex konformi mal-kriterji stabbiliti fil-Parti B tal-Anness X. In-notifikatur jew il-persuna li torganizza l-vjeġġ għandhom, f’tali każ, jinnotifikaw lill-awtoritajiet kompetenti tad-dispaċċ b’dik l-informazzjoni affidabbli kif ukoll bil-pjanijiet tagħhom li jwettqu awditu ad hoc.

Meta awditu ad hoc juri li faċilità ma għadhiex konformi mal-kriterji stabbiliti fil-Parti B tal-Anness X, in-notifikatur jew il-persuna li torganizza l-vjeġġ għandhom iwaqqfu minnufih l-esportazzjoni tal-iskart lejn dik il-faċilità u jinformaw lill-awtoritajiet kompetenti tad-dispaċċ ikkonċernati.

12.   Il-Kummissjoni għandha tagħmel il-ftehimiet internazzjonali rilevanti msemmija fil-paragrafu 11 disponibbli għall-pubbliku fuq is-sit web tagħha.

13.   Il-Kummissjoni tista’ tadotta linji gwida fir-rigward tal-applikazzjoni ta’ dan l-Artikolu.

1.   Fil-każ ta’ esportazzjonijiet mill-Unjoni, l-Istati Membri għandhom jieħdu l-miżuri kollha meħtieġa biex jiżguraw li l-persuni ġuridiċi u fiżiċi taħt il-ġuriżdizzjoni nazzjonali tagħhom ma jesportawx skart f’każijiet fejn ma jiġux issodisfati l-kundizzjonijiet stabbiliti fl-Artikoli 39 sa 46 għal tali esportazzjoni jew meta l-iskart esportat ma jiġix immaniġġjat b’mod li jħares l-ambjent f’konformità mal-Artikolu 59.

2.   Meta l-Istati Membri jkollhom fil-pussess tagħhom informazzjoni affidabbli li tindika li l-persuni fiżiċi jew ġuridiċi li jesportaw l-iskart mill-Unjoni mhumiex konformi mal-obbligi tagħhom skont l-Artikolu 46, huma għandhom iwettqu l-verifiki meħtieġa.

1.   L-esportazzjonijiet mill-Unjoni lejn pajjiż jew territorju ekstra-Ewropew ta’ skart destinat għar-rimi f’dak il-pajjiż jew territorju għandhom ikunu pprojbiti.

2.   Fir-rigward ta’ esportazzjonijiet ta’ skart destinat għall-irkupru f’pajjiżi jew f’territorji ekstra-Ewropej, il-projbizzjoni stabbilita fl-Artikolu 39 għandha tapplika mutatis mutandis.

3.   Fir-rigward ta’ esportazzjonijiet ta’ skart destinat għall-irkupru f’pajjiżi jew f’territorji ekstra-Ewropej mhux koperti mill-projbizzjoni stabbilita fl-Artikolu 39, għandhom japplikaw mutatis mutandis id-dispożizzjonijiet tat-Titolu II.

1.   L-importazzjonijiet lejn l-Unjoni ta’ skart destinat għar-rimi għandhom ikunu pprojbiti għajr l-importazzjonijiet ġejjin minn:

2.   F’każijiet eċċezzjonali, l-Istati Membri jistgħu jikkonkludu ftehimiet u arranġamenti bilaterali għar-rimi ta’ skart speċifiku f’dawk l-Istati Membri, fejn tali skart ma jkunx immaniġġjat b’mod li jħares l-ambjent fil-pajjiż tad-dispaċċ.

Dawn il-ftehimiet u l-arranġamenti għandhom:

3.   Il-ftehimiet jew l-arranġamenti bilaterali jew multilaterali msemmija fil-paragrafu 1, il-punti (b) u (c), għandhom ikunu bbażati fuq r-rekwiżiti proċedurali tal-Artikolu 51.

4.   Il-pajjiżi msemmija fil-paragrafu 1, il-punti (a), (b) u (c), għandhom ikunu meħtieġa jippreżentaw talba debitament motivata minn qabel lill-awtorità kompetenti tal-Istat Membru tad-destinazzjoni abbażi tal-fatt li huma ma għandhomx u ma jistgħux jiksbu b’mod raġonevoli l-kapaċità teknika u l-faċilitajiet meħtieġa sabiex jarmu l-iskart b’mod li jħares l-ambjent kif imsemmi fl-Artikolu 59.

1.   Meta l-iskart destinat għar-rimi jiġi importat fl-Unjoni minn pajjiżi li jkunu Partijiet għall-Konvenzjoni ta’ Basilea, jew fil-każijiet imsemmija fl-Artikolu 50(1), il-punt (d), id-dispożizzjonijiet tat-Titolu II għandhom japplikaw mutatis mutandis, bl-adattamenti u d-dispożizzjonijiet addizzjonali stabbiliti fil-paragrafi 2 u 3.

2.   Għandhom japplikaw l-adattamenti li ġejjin:

3.   Għandhom japplikaw id-dispożizzjonijiet addizzjonali li ġejjin:

4.   Il-vjeġġ jista’ jseħħ biss jekk jiġu ssodisfati l-kundizzjonijiet kollha li ġejjin:

5.   Meta uffiċċju doganali tad-dħul jiskopri vjeġġ illegali, dan għandu jinforma mingħajr dewmien lill-awtorità kompetenti fil-pajjiż ta’ dak l-uffiċċju doganali. Dik l-awtorità kompetenti għandha:

6.   Meta l-iskart iġġenerat mill-forzi armati jew minn organizzazzjonijiet ta’ għajnuna matul sitwazzjonijiet ta’ kriżi, jew matul operazzjonijiet ta’ stabbiliment tal-paċi jew żamma tal-paċi, jiġi importat, minn dawk il-forzi armati jew l-organizzazzjonijiet ta’ għajnuna jew minn persuna fiżika jew ġuridika f’isimhom, tali entitajiet għandhom jinformaw lil kwalunkwe awtorità kompetenti tat-tranżitu u l-awtorità kompetenti tad-destinazzjoni fl-Unjoni, jew f’każijiet urġenti meta l-faċilità tar-rimi jew tal-irkupru ma tkunx magħrufa meta jsir il-vjeġġ, l-awtorità kompetenti responsabbli għaż-żona tal-ewwel post tad-destinazzjoni minn qabel dwar il-vjeġġ u d-destinazzjoni tiegħu.

L-informazzjoni pprovduta skont l-ewwel subparagrafu għandha takkumpanja l-vjeġġ, sakemm ma tiġix ipprovduta permezz ta’ sistema f’konformità mal-Artikolu 27.

7.   Il-Kummissjoni għandha tadotta att ta’ implimentazzjoni li jagħti dettalji dwar l-informazzjoni li għandha tiġi pprovduta f’konformità mal-paragrafu 6, l-ewwel subparagrafu, u l-iskedar taż-żmien relatat.

Tali informazzjoni għandha tkun biżżejjed biex tippermetti lill-awtoritajiet iwettqu spezzjonijiet, u tipprovdi dettalji dwar il-persuni involuti fil-vjeġġi, id-data tal-vjeġġ, il-kwantità tal-iskart, l-identifikazzjoni tal-iskart, id-deżinjazzjoni u l-kompożizzjoni tal-iskart, il-faċilità tal-irkupru jew tar-rimi, il-kodiċi għall-operazzjoni ta’ rkupru jew rimi u l-pajjiżi involuti.

Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 81(2).

1.   L-importazzjonijiet lejn l-Unjoni ta’ skart destinat għall-irkupru għandhom ikunu pprojbiti għajr għall-importazzjonijiet li jkunu ġejjin minn:

2.   F’każijiet eċċezzjonali, Stati Membri individwali jistgħu jikkonkludu ftehimiet u arranġamenti bilaterali għall-irkupru ta’ skart speċifiku f’dawk l-Istati Membri, fejn tali skart ma jkunx se jiġi mmaniġġjat b’mod li jħares l-ambjent fil-pajjiż tad-dispaċċ.

F’każijiet bħal dawn, l-Artikolu 50(2), it-tieni subparagrafu, għandu japplika.

3.   Il-ftehimiet jew l-arranġamenti bilaterali jew multilaterali miftiehma f’konformità mal-paragrafu 1, il-punti (c) u (d), għandhom ikunu ibbażati fuq ir-rekwiżiti proċedurali stabbiliti fl-Artikolu 51 sa fejn dan ikun pertinenti.

1.   Meta l-iskart destinat għall-irkupru jiġi importat fl-Unjoni minn u tramite pajjiżi li għalihom tapplika d-Deċiżjoni tal-OECD, jew fil-każijiet imsemmija fl-Artikolu 52(1), il-punt (e), id-dispożizzjonijiet tat-Titolu II għandhom japplikaw mutatis mutandis, bl-adattamenti u d-dispożizzjonijiet addizzjonali stabbiliti fil-paragrafi 2 u 3.

2.   Għandhom japplikaw l-adattamenti li ġejjin:

3.   L-Artikolu 51(3), għandu japplika wkoll.

4.   Il-vjeġġ jista’ jseħħ biss jekk jiġu ssodisfati l-kundizzjonijiet kollha li ġejjin:

5.   Id-dispożizzjonijiet fl-Artikolu 51(5) u (6) għandhom japplikaw.

1.   Fil-każ tal-importazzjonijiet fl-Unjoni, l-awtorità kompetenti tad-destinazzjoni fl-Unjoni għandha tirrikjedi u tieħu l-passi meħtieġa biex tiżgura li kwalunkwe skart ittrasportat fiż-żona ta’ ġuriżdizzjoni tagħha jiġi mmaniġġjat mingħajr ma tiġi pperikolata s-saħħa tal-bniedem u b’mod li jħares l-ambjent f’konformità mal-Artikolu 59 ta’ dan ir-Regolament, u f’konformità mal-Artikolu 13 tad-Direttiva 2008/98/KE u ma’ liġi oħra tal-Unjoni dwar l-iskart, b’mod partikolari l-leġiżlazzjoni tal-Unjoni msemmija fl-Anness IX, il-Parti 1, matul id-durata tal-vjeġġ, inkluż l-irkupru jew ir-rimi fil-pajjiż tad-destinazzjoni.

2.   L-awtorità kompetenti msemmija fil-paragrafu 1 għandha tipprojbixxi wkoll l-importazzjonijiet ta’ skart minn pajjiżi terzi meta jkollha raġuni biex temmen li l-iskart mhux se jiġi mmaniġġjat f’konformità mar-rekwiżiti stabbiliti fil-paragrafu 1.

1.   Meta skart jiġi importat fl-Unjoni minn pajjiżi jew territorji ekstra-Ewropej, għandu japplika, mutatis mutandis, it-Titolu II.

2.   Pajjiż jew territorju ekstra-Ewropew u l-Istat Membru li miegħu jkun marbut jista’ japplika l-proċeduri nazzjonali ta’ dak l-Istat Membru għal vjeġġi mill-pajjiż jew mit-territorju ekstra-Ewropew lejn dak l-Istat Membru f’każ li l-ebda pajjiż ieħor ma jkun involut fil-vjeġġ bħala pajjiż ta’ tranżitu. Fejn -Stati Membru japplika proċeduri nazzjonali għal tali vjeġġi, huwa għandu jinnotifika lill-Kummissjoni b’dan.

1.   Il-produttur tal-iskart, in-notifikatur, il-persuna li torganizza l-vjeġġ u kwalunkwe impriża oħra involuta fi vjeġġ ta’ skart jew fl-irkupru jew ir-rimi tiegħu għandhom jieħdu l-passi meħtieġa biex jiżguraw li l-iskart jiġi mmaniġġjat mingħajr ma tiġi pperikolata s-saħħa tal-bniedem u b’mod li jħares l-ambjent matul id-durata tal-vjeġġ u matul l-irkupru u r-rimi tal-iskart.

2.   Għall-finijiet tal-esportazzjoni tal-iskart, l-iskart għandu jitqies li huwa mmaniġġjat b’mod li jħares l-ambjent fir-rigward tal-irkupru jew ir-rimi, jekk ikun jista’ jintwera li l-iskart, kif ukoll kwalunkwe skart residwu ġġenerat permezz tal-irkupru jew ir-rimi, se jiġi mmaniġġjat f’konformità mar-rekwiżiti tal-ħarsien tas-saħħa tal-bniedem, tal-klima u tal-ambjent li huma meqjusa ekwivalenti għar-rekwiżiti tal-ħarsien tas-saħħa tal-bniedem u tal-ambjent stabbiliti skont il-leġislazzjoni tal-Unjoni. Meta tiġi vvalutata tali ekwivalenza, ma għandhiex tkun meħtieġa konformità sħiħa mar-rekwiżiti li jirriżultaw mil-leġislazzjoni tal-Unjoni, iżda għandu jintwera li r-rekwiżiti applikati fil-pajjiż tad-destinazzjoni jiżguraw livell simili ta’ protezzjoni tas-saħħa tal-bniedem u tal-ambjent bħar-rekwiżiti li jirriżultaw mil-leġislazzjoni tal-Unjoni. Sabiex titwettaq il-valutazzjoni tal-ekwivalenza, id-dispożizzjonijiet rilevanti tal-leġislazzjoni tal-Unjoni u l-gwida internazzjonali msemmija fl-Anness IX għandhom jintużaw bħala punti ta’ referenza.