(1)

Skont id-Direttiva 2005/36/KE tal-Parlament Ewropew u tal-Kunsill (3), japplikaw dispożizzjonijiet speċifiċi dwar id-drittijiet miksuba għar-rikonoxximent ta’ ċerti kwalifiki professjonali maħruġa fir-Rumanija lill-infermiera responsabbli mill-kura ġenerali.

(2)

L-infermiera responsabbli għall-kura ġenerali li t-taħriġ tagħhom ma ssodisfax ir-rekwiżiti minimi skont id-Direttiva 2005/36/KE u li beda qabel id-data tal-adeżjoni tar-Rumanija mal-Unjoni, jistgħu jibbenefikaw minn rikonoxximent skont l-Artikolu 33a tad-Direttiva 2005/36/KE jekk jissodisfaw ir-rekwiżiti speċifikati fiha.

(3)

Għadd ta’ Stati Membri ospitanti rrikonoxxew il-kwalifiki professjonali tal-infermiera responsabbli mill-kura ġenerali mħarrġa fir-Rumanija li l-kwalifiki tagħhom ma ssodisfawx ir-rekwiżiti biex jibbenefikaw mir-rikonoxximent skont l-Artikolu 33a tad-Direttiva 2005/36/KE għall-fini ta’ aċċess għall-istess professjoni f’dak l-Istat Membru. Dawk l-Istati Membri ospitanti applikaw, għal dan l-għan, jew ir-regoli ta’ rikonoxximent skont it-Trattat dwar il-Funzjonament tal-Unjoni Ewropea u l-każistika rilevanti tal-Qorti tal-Ġustizzja tal-Unjoni Ewropea jew is-sistema ġenerali stipulata fl-Artikoli 10 sa 14 ta’ dik id-Direttiva. Dik is-sistema ġenerali ġiet applikata bil-fehim li l-infermiera mħarrġa fir-Rumanija jistgħu jibbenefikaw minn dik is-sistema ġenerali bl-istess mod bħall-infermiera responsabbli għall-kura ġenerali mhux imħarrġa fir-Rumanija li l-kwalifiki tagħhom ma ssodisfawx ir-rekwiżiti tal-Artikolu 33 ta’ dik id-Direttiva, li huwa msemmi fl-Artikolu 10, il-punt (b) ta’ dik id-Direttiva. Sabiex jiġu protetti tali drittijiet miksuba u biex jiġu ppreservati l-aspettattivi leġittimi ta’ dawk l-infermiera li bbenefikaw minnhom, jenħtieġ li l-Istati Membri jiżguraw li kwalunkwe rikonoxximent bħal dan tal-kwalifiki professjonali tal-infermiera mħarrġa fir-Rumanija li l-kwalifiki tagħhom ma ssodisfawx ir-rekwiżiti tal-verżjonijiet differenti tal-Artikolu 33a tad-Direttiva 2005/36/KE applikabbli sad-dħul fis-seħħ ta’ din id-Direttiva jibqa’ validu. Barra minn hekk, sabiex jittejbu ċ-ċarezza u ċ-ċertezza legali fir-rigward tal-fatt li l-valutazzjoni skont l-Artikoli 10 sa 14 tad-Direttiva 2005/36/KE għandha tiġi applikata fis-sitwazzjoni fejn il-kwalifiki tal-infermier ma jissodisfawx ir-rekwiżiti skont l-Artikolu 33a tad-Direttiva 2005/36/KE, kif emendat b’din id-Direttiva, jenħtieġ li tiġi inkluża referenza speċifika għal dak l-Artikolu emendat fl-Artikolu 10, il-punt (b), tad-Direttiva 2005/36/KE.

(4)

Ir-Rumanija stabbiliet programm speċjali ta’ aġġornament biex tippermetti lill-parteċipanti jaġġornaw il-kwalifiki professjonali tagħhom biex jissodisfaw ir-rekwiżiti minimi kollha ta’ taħriġ stabbiliti għall-professjoni ta’ infermier responsabbli għall-kura ġenerali fid-Direttiva 2005/36/KE. Għal dak l-għan, ir-Rumanija kkollaborat minn qabel ma’ Stati Membri oħra u mal-Kummissjoni.

(5)

Ir-Rumanija introduċiet il-programm ta’ aġġornament speċjali permezz tal-Ordni Konġunta Nru 4317/943/2014 tal-Ministru għall-Edukazzjoni Nazzjonali u tal-Ministru għas-Saħħa (4). Dan ġie approvat mill-Ordni Rumena Nru 5114/2014 tal-Infermiera, tal-Qwiebel u tal-Assistenti Mediċi u mill-Ordni tal-Ministru għall-Edukazzjoni Nazzjonali (5).

(6)

Il-programm speċjali ta’ aġġornament ġie stabbilit għad-detenturi tal-prova tal-kwalifiki formali msemmija fl-Artikolu 33a tad-Direttiva 2005/36/KE, kif ukoll għad-detenturi ta’ prova ta’ ċerti kwalifiki postsekondarji elenkati fl-Artikolu 4 tal-Ordni Nru 5114/2014 tal-Ministru għall-Edukazzjoni Nazzjonali.

(7)

Ir-Rumanija ppreżentat ir-riżultati tal-programm ta’ aġġornament speċjali fl-2018 lill-grupp ta’ esperti rilevanti, jiġifieri l-Grupp ta’ koordinaturi għar-rikonoxximent tal-kwalifiki professjonali, u wara l-konsultazzjonijiet, l-ebda Stat Membru ma oġġezzjona għall-proposta li l-gradwati ta’ dak il-programm jenħtieġ li jibbenefikaw minn reġim ta’ rikonoxximent aktar favorevoli.

(8)

Fil-11 ta’ Mejju 2020, il-Kummissjoni ppubblikat, skont l-Artikolu 60(2) tad-Direttiva 2005/36/KE, rapport dwar ir-riżultati tal-programm ta’ aġġornament speċjali. Dak ir-rapport ikkonkluda li r-Rumanija kienet implimentat il-programm ta’ aġġornament speċjali nnegozjat minn qabel mal-Istati Membri biex tippermetti lill-parteċipanti tiegħu jtejbu l-kwalifiki tagħhom biex jilħqu r-rekwiżiti minimi stabbiliti fid-Direttiva 2005/36/KE.

(9)

Sabiex il-programm ta’ aġġornament speċjali jiġi inkluż fil-kriterji għar-rikonoxximent abbażi tad-drittijiet miksuba li huma speċifiċi għall-infermiera responsabbli għall-kura ġenerali mħarrġa fir-Rumanija, jixraq li jiġi emendat l-Artikolu 33a tad-Direttiva 2005/36/KE sabiex l-infermiera bi prova rilevanti tat-tlestija tal-programm ikunu jistgħu jibbenefikaw minn rikonoxximent mingħajr il-ħtieġa li jagħtu prova tal-esperjenza professjonali fir-Rumanija, kif inhu l-każ bħalissa.

(10)

Għalhekk id-Direttiva 2005/36/KE jenħtieġ li tiġi emendata skont dan,

(1)

fl-Artikolu 10, il-punt (b) huwa sostitwit b’dan li ġej:

(2)

l-Artikolu 33a huwa sostitwit b’dan li ġej:

(3)

jiddaħħal l-Artikolu li ġej:

(*1)  Id-Direttiva 2013/55/UE tal-Parlament Ewropew u tal-Kunsill tal-20 ta’ Novembru 2013 li temenda d-Direttiva 2005/36/KE dwar ir-rikonoxximent ta’ kwalifiki professjonali u r-Regolament (UE) Nru 1024/2012 dwar il-kooperazzjoni amministrattiva permezz tas-Sistema ta’ Informazzjoni tas-Suq Intern (“ir-Regolament tal-IMI”) (ĠU L 354, 28.12.2013, p. 132).”."