This document is an excerpt from the EUR-Lex website
Document 32024D1353
Council Decision (CFSP) 2024/1353 of 14 May 2024 amending Decision 2014/486/CFSP on the European Union Advisory Mission for Civilian Security Sector Reform Ukraine (EUAM Ukraine)
Deċiżjoni tal-Kunsill (PESK) 2024/1353 tal-14 ta’ Mejju 2024 li temenda d-Deċiżjoni 2014/486/PESK dwar il-Missjoni ta’ Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine)
Deċiżjoni tal-Kunsill (PESK) 2024/1353 tal-14 ta’ Mejju 2024 li temenda d-Deċiżjoni 2014/486/PESK dwar il-Missjoni ta’ Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine)
ST/8761/2024/INIT
ĠU L, 2024/1353, 15.5.2024, ELI: http://data.europa.eu/eli/dec/2024/1353/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Extended validity | 32014D0486 | 14/05/2024 | 31/05/2027 | ||
Modifies | 32014D0486 | Żieda | artikolu 14 paragrafu 1 paragrafu mhux numerat | 14/05/2024 | |
Modifies | 32014D0486 | Sostituzzjoni | artikolu 18 | 14/05/2024 | |
Modifies | 32014D0486 | Sostituzzjoni | artikolu 19 paragrafu mhux numerat 2 | 14/05/2024 | |
Modifies | 32014D0486 | Sostituzzjoni | artikolu 2 | 14/05/2024 | |
Modifies | 32014D0486 | Tħassir | artikolu 2a paragrafu 2 punt (c) | 14/05/2024 | |
Modifies | 32014D0486 | Tħassir | artikolu 2b | 14/05/2024 |
Il-Ġurnal Uffiċjali |
MT Is-serje L |
2024/1353 |
15.5.2024 |
DEĊIŻJONI TAL-KUNSILL (PESK) 2024/1353
tal-14 ta’ Mejju 2024
li temenda d-Deċiżjoni 2014/486/PESK dwar il-Missjoni ta’ Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine)
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 42(4) u l-Artikolu 43(2) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Fit-22 ta’ Lulju 2014, il-Kunsill adotta d-Deċiżjoni 2014/486/PESK (1), li stabbiliet il-Missjoni ta’ Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine). |
(2) |
Fl-20 ta’ Mejju 2021, il-Kunsill adotta d-Deċiżjoni (PESK) 2021/813 (2), li estendiet l-EUMM Ukraine sal-31 ta’ Mejju 2024. |
(3) |
Fit-23 ta’ Frar 2022, il-Federazzjoni Russa nediet aggressjoni militari mhux provokata u mhux ġustifikata kontra l-Ukrajna, li l-Kunsill Ewropew ikkundanna bl-aktar mod qawwi possibbli fil-konklużjonijiet tiegħu tal-24 ta’ Frar 2022. |
(4) |
Fit-18 ta’ Marzu 2022, il-Kunsill adotta d-Deċiżjoni (PESK) 2022/452 (3), li tat lill-EUAM Ukraine l-kompitu temporanju addizzjonali li tagħti pariri lill-awtoritajiet Ukreni bl-għan li tiffaċilita l-fluss ta’ refuġjati lejn il-Polonja, ir-Rumanija u s-Slovakkja u l-fluss ta’ għajnuna umanitarja lejn l-Ukrajna. |
(5) |
Fit-13 ta’ April 2022, il-Kunsill adotta d-Deċiżjoni (PESK) 2022/638 (4), li tat lill-EUAM Ukraine l-kompitu addizzjonali li tipprovdi appoġġ lill-awtoritajiet Ukreni biex tiffaċilita l-investigazzjoni u l-prosekuzzjoni ta’ delitti internazzjonali. |
(6) |
Fit-23 ta’ Ġunju 2022, l-Ukrajna ngħatat l-istatus ta’ kandidat għall-adeżjoni mal-Unjoni mill-Kunsill Ewropew. |
(7) |
Fil-11 ta’ Diċembru 2023, fil-konklużjonijiet tiegħu dwar id-dimensjoni ċivili tal-politika ta’ sigurtà u ta’ difiża komuni (PSDK), il-Kunsill issottolinja l-appoġġ sod u fit-tul tal-UE għall-Ukrajna. Il-Kunsill enfasizza l-importanza li jissaħħaħ l-appoġġ għad-dimensjoni ċivili tal-PSDK u li jingħata rispons rapidu għall-ħtiġijiet dejjem jikbru tal-Ukrajna bħala parti mill-isforzi usa’ tal-UE għat-tisħiħ tas-sigurtà tal-Ukrajna. Il-Kunsill faħħar il-ħidma kollha li saret mill-EUAM Ukraine, inkluż l-appoġġ għar-riforma tas-settur tas-sigurtà Ukren, il-ġestjoni integrata tal-fruntieri, kif ukoll, b’rispons għall-gwerra ta’ aggressjoni tar-Russja, l-isforzi li saru fil-qasam tal-investigazzjoni u l-prosekuzzjoni ta’ delitti internazzjonali u fl-istabbiliment mill-ġdid tal-istat tad-dritt fit-Territorji Liberati u Adjaċenti. |
(8) |
Fit-12 ta’ Diċembru 2023, filwaqt li jfakkar fil-kuntest tal-gwerra ta’ aggressjoni tar-Russja kontra l-Ukrajna fl-Aġenda ta’ Tessalonika tal-2003 u l-konklużjonijiet tal-Kunsill Ewropew ta’ Ġunju 2022, il-Kunsill ikkonferma l-impenn sħiħ u inekwivoku tiegħu lejn il-perspettiva ta’ sħubija mal-UE tal-Balkani tal-Punent, l-Ukrajna, il-Moldova u l-Georgia, filwaqt li tenna li l-futur tagħhom jinsab fl-Unjoni Ewropea. |
(9) |
Fl-14 ta’ Frar 2024, fil-kuntest tar-rieżami strateġiku tal-EUAM Ukraine, il-Kumitat Politiku u ta’ Sigurtà (KPS) qabel li jestendi l-missjoni sal-31 ta’ Mejju 2027. Fid-19 ta’ Marzu 2024, il-KPS qabel li jemenda l-mandat tal-missjoni. |
(10) |
Fil-21 ta’ Marzu 2024, il-Kunsill Ewropew fil-konklużjonijiet tiegħu iddikjara li l-Unjoni Ewropea tibqa’ impenjata li tappoġġa r-reparazzjoni, l-irkupru u r-rikostruzzjoni tal-Ukrajna, f’koordinazzjoni mas-sħab internazzjonali. Il-Kunsill Ewropew laqa’ b’sodisfazzjon it-tisħiħ reċenti tal-EUAM Ukraine li ser jippermetti li jiżdied l-appoġġ għall-aġenziji tal-infurzar tal-liġi Ukreni fit-territorji liberati u adjaċenti tal-Ukrajna, u għar-riformi fil-kuntest tal-proċess ta’ adeżjoni tagħha mal-UE. |
(11) |
Jenħtieġ li d-Deċiżjoni 2014/486/PESK tiġi emendata biex tirrifletti l-eżitu tar-rieżami strateġiku tal-missjoni. |
(12) |
L-EUAM Ukraine ser titwettaq fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stipulat fl-Artikolu 21 tat-Trattat, |
ADOTTA DIN ID-DEĊIŻJONI:
Artikolu 1
Id-Deċiżjoni 2014/486/PESK hija b’dan emendata kif ġej:
(1) |
l-Artikolu 2 huwa sostitwit b’dan li ġej: “1. L-EUAM Ukraine, bħala missjoni ċivili mhux eżekuttiva tal-PSDK, għandu jkollha l-għan li:
2. Għal dawk il-finijiet, l-EUAM Ukraine għandha:
|
(2) |
fl-Artikolu 2a, il-paragrafu 2, il-punt c) jitħassar. |
(3) |
l-Artikolu 2b jitħassar. |
(4) |
Fl-Artikolu 14(1), jiżdied is-subparagrafu li ġej: “L-ammont ta’ referenza finanzjarja masħub biex ikopri n-nefqa relatata mal-EUAM Ukraine għall-perjodu mill-1 ta’ Ġunju 2024 sal-31 ta’ Mejju 2027 għandu jkun ta’ Eur 122 900 000.” |
(5) |
l-Artikolu 18 huwa sostitwit b’dan li ġej: “Għandha titwettaq valutazzjoni strateġika tal-EUAM Ukraine sal-31 ta’ Diċembru 2025.” |
(6) |
fl-Artikolu 19, it-tieni paragrafu huwa sostitwit b’dan li ġej: “Għandha tapplika sal-31 ta’ Mejju 2027.” |
Artikolu 2
Dħul fis-seħħ
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi russell, l-14 ta’ Mejju 2024.
Għall-Kunsill
Il-President
V. VAN PETEGHEM
(1) Id-Deċiżjoni tal-Kunsill 2014/486/PESK tat-22 ta’ Lulju 2014 dwar il-Missjoni ta’ Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukraina (EUAM Ukraine) (ĠU L 217, 23.7.2014, p. 42).
(2) Id-Deċiżjoni tal-Kunsill (PESK) 2021/813 tal-20 ta’ Mejju 2021 li temenda d-Deċiżjoni 2014/486/PESK dwar il-Missjoni ta’ Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) (ĠU L 180, 21.5.2021, p. 149).
(3) Id-Deċiżjoni tal-Kunsill (PESK) 2022/452 tat-18 ta’ Marzu 2022 li temenda d-Deċiżjoni 2014/486/PESK dwar il-Missjoni ta’ Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) (ĠU L 92, 21.3.2022, p. 3).
(4) Id-Deċiżjoni tal-Kunsill (PESK) 2022/638 tat-13 ta’ April 2022 li temenda d-Deċiżjoni 2014/486/PESK dwar il-Missjoni ta’ Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) (ĠU L 117, 19.4.2022, p. 38).
ELI: http://data.europa.eu/eli/dec/2024/1353/oj
ISSN 1977-074X (electronic edition)