This document is an excerpt from the EUR-Lex website
Document 32022R2295
Commission Implementing Regulation (EU) 2022/2295 of 23 November 2022 amending Regulation (EC) No 474/2006 as regards the list of air carriers banned from operating or subject to operational restrictions within the Union (Text with EEA relevance)
Regolament ta’ Implimentazzjoni tal-Kummissjoni (UE) 2022/2295 tat-23 ta’ Novembru 2022 li jemenda r-Regolament (KE) Nru 474/2006 fir-rigward tal-lista ta’ trasportaturi tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2022/2295 tat-23 ta’ Novembru 2022 li jemenda r-Regolament (KE) Nru 474/2006 fir-rigward tal-lista ta’ trasportaturi tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni (Test b’rilevanza għaż-ŻEE)
C/2022/8567
ĠU L 304, 24.11.2022, p. 53–66
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32006R0474 | Sostituzzjoni | anness A | 25/11/2022 | |
Modifies | 32006R0474 | Sostituzzjoni | anness B | 25/11/2022 |
24.11.2022 |
MT |
Il-Ġurnal Uffiċjali tal-Unjoni Ewropea |
L 304/53 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/2295
tat-23 ta’ Novembru 2022
li jemenda r-Regolament (KE) Nru 474/2006 fir-rigward tal-lista ta’ trasportaturi tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 2111/2005 tal-Parlament Ewropew u tal-Kunsill tal-14 ta’ Diċembru 2005 dwar l-istabbiliment ta’ lista Komunitarja ta’ trasportaturi tal-ajru li huma soġġetti għal projbizzjoni ta’ operar fil-Komunità u li jinforma lill-passiġġieri tat-trasport bl-ajru dwar l-identità tat-trasportatur tal-ajru li jopera, u li tħassar l-Artikolu 9 tad-Direttiva 2004/36/KE (1), u b’mod partikolari l-Artikolu 4(2) tiegħu,
Billi:
(1) |
Ir-Regolament tal-Kummissjoni (KE) Nru 474/2006 (2) jistabbilixxi l-lista tat-trasportaturi tal-ajru li huma soġġetti għal projbizzjoni fuq l-operat fl-Unjoni. |
(2) |
Ċerti Stati Membri u l-Aġenzija tas-Sikurezza tal-Avjazzjoni tal-Unjoni Ewropea (“l-Aġenzija”) għaddew lill-Kummissjoni informazzjoni li hija rilevanti għall-aġġornament ta’ dik il-lista, skont l-Artikolu 4(3) tar-Regolament (KE) Nru 2111/2005. Pajjiżi terzi u organizzazzjonijiet internazzjonali wkoll ipprovdew informazzjoni rilevanti. Jenħtieġ li l-lista tiġi aġġornata abbażi tal-informazzjoni pprovduta. |
(3) |
Il-Kummissjoni infurmat lit-trasportaturi tal-ajru kollha kkonċernati, direttament jew permezz tal-awtoritajiet responsabbli għas-sorveljanza regolatorja tagħhom, dwar il-fatti u l-kunsiderazzjonijiet essenzjali li jiffurmaw il-bażi ta’ deċiżjoni li timponilhom projbizzjoni fuq l-operat fl-Unjoni jew li timmodifika l-kundizzjonijiet ta’ projbizzjoni fuq l-operat imposta fuq trasportatur tal-ajru li jkun inkluż fil-lista stabbilita fl-Annessi A jew B tar-Regolament (KE) Nru 474/2006. |
(4) |
Il-Kummissjoni tat l-opportunità lit-trasportaturi tal-ajru kkonċernati biex jikkonsultaw id-dokumentazzjoni rilevanti kollha, jissottomettu kummenti bil-miktub u jagħmlu preżentazzjoni orali lill-Kummissjoni u lill-Kumitat stabbilit bl-Artikolu 15 tar-Regolament (KE) Nru 2111/2005 (il-“Kumitat għas-Sikurezza tal-Ajru tal-UE”). |
(5) |
Il-Kummissjoni infurmat lill-Kumitat għas-Sikurezza tal-Ajru tal-UE dwar il-konsultazzjonijiet konġunti li għaddejjin, fil-qafas tar-Regolament (KE) Nru 2111/2005 u r-Regolament tal-Kummissjoni (KE) Nru 473/2006 (3), mal-awtoritajiet kompetenti u mat-trasportaturi tal-ajru tal-Armenja, tal-Każakistan, tan-Nepal, tan-Niġerja u tal-Pakistan. Il-Kummissjoni infurmat ukoll lill-Kumitat għas-Sikurezza tal-Ajru tal-UE dwar is-sitwazzjoni tas-sikurezza tal-avjazzjoni fl-Arġentina, fil-Kongo (Brazzaville), fil-Guinea Ekwitorjali, fl-Iraq, fil-Madagascar, fir-Russja u fis-Sudan t’Isfel. |
(6) |
L-Aġenzija infurmat lill-Kummissjoni u lill-Kumitat għas-Sikurezza tal-Ajru tal-UE dwar il-valutazzjonijiet tekniċi mwettqa għall-evalwazzjoni inizjali u l-monitoraġġ kontinwu tal-awtorizzazzjonijiet minn operaturi ta’ pajjiżi terzi (“TCO”), maħruġa skont ir-Regolament tal-Kummissjoni (UE) Nru 452/2014 (4). |
(7) |
L-Aġenzija infurmat ukoll lill-Kummissjoni u lill-Kumitat għas-Sikurezza tal-Ajru tal-UE dwar ir-riżultati tal-analiżi tal-ispezzjonijiet fir-rampa li twettqu fil-kuntest tal-programm tal-Valutazzjoni tas-Sikurezza tal-Inġenji tal-Ajru Barranin (“SAFA”), f’konformità mar-Regolament tal-Kummissjoni (UE) Nru 965/2012 (5). |
(8) |
Barra minn hekk, l-Aġenzija infurmat lill-Kummissjoni u lill-Kumitat għas-Sikurezza tal-Ajru tal-UE dwar il-proġetti ta’ assistenza teknika li saru fil-pajjiżi terzi milqutin minn projbizzjoni fuq l-operat skont ir-Regolament (KE) Nru 474/2006. Barra minn hekk, l-Aġenzija pprovdiet informazzjoni dwar il-pjanijiet u t-talbiet għal iktar assistenza teknika u kooperazzjoni biex tittejjeb il-kapaċità amministrattiva u teknika potenzjali tal-awtoritajiet tal-avjazzjoni ċivili fil-pajjiżi terzi, bl-għan li dawn jiġu megħjuna jsolvu n-nuqqas ta’ konformità mal-istandards internazzjonali tas-sikurezza tal-avjazzjoni ċivili applikabbli. L-Istati Membri ġew mistiedna jirrispondu għal tali talbiet fuq bażi bilaterali, b’koordinazzjoni mal-Kummissjoni u mal-Aġenzija. F’dak ir-rigward, il-Kummissjoni saħqet mill-ġdid fuq is-siwi tal-għoti ta’ informazzjoni lill-komunità internazzjonali tal-avjazzjoni, b’mod partikolari permezz tal-għodda ta’ Sħubija tal-Assistenza għall-Implimentazzjoni tas-Sikurezza fl-Avjazzjoni tal-Organizzazzjoni tal-Avjazzjoni Ċivili Internazzjonali (“ICAO”), dwar l-assistenza teknika lil pajjiżi terzi pprovduta mill-Unjoni u mill-Istati Membri sabiex tittejjeb is-sikurezza tal-avjazzjoni mad-dinja kollha. |
(9) |
Il-Eurocontrol ipprovdiet lill-Kummissjoni u lill-Kumitat għas-Sikurezza tal-Ajru tal-UE b’aġġornament dwar l-istatus tal-funzjonijiet ta’ allarm tas-SAFA u tat-TCO, inkluż l-istatistika dwar il-messaġġi ta’ allert għat-trasportaturi tal-ajru pprojbiti. |
Trasportaturi tal-ajru tal-Unjoni
(10) |
Wara l-analiżi mill-Aġenzija tal-informazzjoni li ħarġet mill-ispezzjonijiet fir-rampa li twettqu fuq l-inġenji tal-ajru tat-trasportaturi tal-ajru tal-Unjoni, kif ukoll mill-ispezzjonijiet ta’ standardizzazzjoni li twettqu mill-Aġenzija, u kkomplementata bl-informazzjoni li rriżultat minn spezzjonijiet u awditi speċifiċi li twettqu mill-awtoritajiet nazzjonali tal-avjazzjoni, diversi Stati Membri u l-Aġenzija, fir-rwol ta’ awtoritajiet kompetenti, ħadu ċerti miżuri korrettivi u ta’ infurzar u infurmaw lill-Kummissjoni u lill-Kumitat għas-Sikurezza tal-Ajru tal-UE dwar dawk il-miżuri. |
(11) |
L-Istati Membri u l-Aġenzija, fir-rwol ta’ awtoritajiet kompetenti, saħqu mill-ġdid li lesti jaġixxu kif meħtieġ f’każ li informazzjoni pertinenti dwar is-sikurezza tkun tindika li jkun hemm riskji imminenti għas-sikurezza minħabba nuqqas ta’ konformità min-naħa tat-trasportaturi tal-ajru tal-Unjoni ma’ standards tas-sikurezza rilevanti. |
Trasportaturi tal-ajru mill-Armenja
(12) |
F’Ġunju 2020, it-trasportaturi tal-ajru ċċertifikati fl-Armenja ġew inklużi fl-Anness A tar-Regolament (KE) Nru 474/2006, permezz tar-Regolament ta’ Implimentazzjoni tal-Kummissjoni (UE) 2020/736 (6). |
(13) |
Bejn is-27 u t-30 ta’ Settembru 2022, il-Kummissjoni u l-Aġenzija żaru l-Kumitat tal-Avjazzjoni Ċivili tal-Armenja (“CAC”). F’dik l-okkażjoni, il-Kummissjoni rrieżaminat il-progress li sar mis-CAC fl-indirizzar tan-nuqqasijiet tas-sikurezza identifikati li wasslu għall-impożizzjoni tal-projbizzjoni msemmija hawn fuq, fuq it-trasportaturi tal-ajru Armeni. Parti mir-rieżami mwettaq matul iż-żjara ffukat fuq l-azzjonijiet li diġà ttieħdu u dawk ippjanati biex jiġu indirizzati l-kawżi ewlenin tat-tħassib identifikat dwar is-sikurezza, b’mod partikolari f’termini tal-kapaċità tas-CAC biex iwettaq sorveljanza effettiva tat-trasportaturi tal-ajru ċċertifikati fl-Armenja. |
(14) |
F’dan ir-rigward, il-Kummissjoni rrieżaminat l-azzjonijiet li diġà ttieħdu mis-CAC biex jissodisfa r-responsabbiltajiet tiegħu għall-implimentazzjoni tal-Programm tas-Sikurezza tal-Istat, tas-Sistema ta’ Rapportar tal-Okkorrenzi, tas-Sistema tal-Ġestjoni tal-Kwalità u tal-proċess għall-ħruġ taċ-Ċertifikat tal-Operatur tal-Ajru (“AOC”). Iż-żjara kienet tinkludi wkoll rieżami mhux biss tal-kapaċità tas-CAC li jikkonforma mar-regolamenti u l-istandards tas-sikurezza rilevanti, iżda wkoll tal-kapaċità tiegħu li jidentifika kwalunkwe riskju sinifikanti għas-sikurezza ta’ trasportatur tal-ajru ċċertifikat u li jaġixxi b’mod effettiv biex irażżan dan ir-riskju. |
(15) |
Iż-żjara kkonfermat li s-CAC għamel progress limitat fl-indirizzar tan-nuqqasijiet tas-sikurezza identifikati u tal-osservazzjonijiet li tqajmu matul iż-żjara ta’ valutazzjoni fuq il-post mill-Unjoni fl-2020. Filwaqt li ġie definit u promulgat Pjan ta’ Azzjoni Korrettiva, madankollu dan il-pjan jenħtieġ li jerġa’ jinfetaħ, jiġi rieżaminat u jiġu inklużi azzjonijiet addizzjonali sabiex il-pjan ta’ azzjoni korrettiva jsir adegwat għall-użu tiegħu. Din se tkun attività ewlenija fl-ambitu ta’ proġett ta’ assistenza teknika, li l-Aġenzija qed tipprovdi. |
(16) |
F’din l-okkażjoni, is-CAC informa wkoll lill-Kummissjoni li ġie ċċertifikat trasportatur tal-ajru ġdid, Fly Arna (AM AOC Nru 075). Peress li s-CAC ma weriex kapaċità suffiċjenti biex jimplimenta u jinforza l-istandards tas-sikurezza rilevanti, il-ħruġ ta’ AOC lil dan it-trasportatur tal-ajru ġdid ma jiggarantix konformità suffiċjenti mal-istandards tas-sikurezza internazzjonali rilevanti. |
(17) |
Iż-żjara pprovdiet ukoll opportunità biex l-awtoritajiet kompetenti Armeni u r-rappreżentanti tal-gvern Armen jiġu mfakkra, li sorveljanza tas-sikurezza xierqa u effettiva tista’ tiġi garantita biss jekk is-CAC ikun appoġġat mir-riżorsi u l-għarfien espert xierqa, b’mod partikolari f’termini ta’ għadd adegwat ta’ persunal kwalifikat, kif ukoll billi tiġi żgurata l-istabbiltà tal-maniġment superjuri. |
(18) |
F’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li, fir-rigward tat-trasportaturi tal-ajru mill-Armenja, il-lista tat-trasportaturi tal-ajru li huma soġġetti għal projbizzjoni fuq l-operat fl-Unjoni jenħtieġ li tiġi emendata biex it-trasportatur tal-ajru Fly Arna jiġi inkluż fl-Anness A tar-Regolament (KE) Nru 474/2006. |
(19) |
Jenħtieġ li l-Istati Membri jkomplu jivverifikaw il-konformità effettiva tat-trasportaturi tal-ajru ċċertifikati fl-Armenja mal-istandards tas-sikurezza internazzjonali rilevanti permezz tal-prijoritizzazzjoni tal-ispezzjonijiet fir-rampa ta’ dawk it-trasportaturi tal-ajru, skont ir-Regolament (UE) Nru 965/2012. |
Trasportaturi tal-ajru mill-Każakistan
(20) |
F’Diċembru 2016, it-trasportaturi tal-ajru ċċertifikati fil-Każakistan tneħħew mill-Anness A tar-Regolament (KE) Nru 474/2006, permezz tar-Regolament ta’ Implimentazzjoni tal-Kummissjoni (UE) 2016/2214 (7), bl-eċċezzjoni ta’ Air Astana, li kien diġà tneħħa mill-Anness B tar-Regolament (KE) Nru 474/2006 fl-2015 permezz tar-Regolament ta’ Implimentazzjoni tal-Kummissjoni (UE) 2015/2322 (8). |
(21) |
Fl-20 ta’ Ottubru 2022, il-Kummissjoni, l-Aġenzija, l-Istati Membri u r-rappreżentanti tal-Kumitat tal-Avjazzjoni Ċivili tal-Każakistan (“CAC KZ”) u l-Amministrazzjoni tal-Avjazzjoni tal-Każakistan Joint Stock Company (“AAK”) kellhom laqgħa teknika. |
(22) |
Matul dik il-laqgħa, is-CAC KZ u l-AAK ippreżentaw il-progress li sar fir-rigward tal-implimentazzjoni u l-iżvilupp ulterjuri tal-Pjan ta’ Azzjoni Korrettiva tagħhom, u pprovdew lill-Kummissjoni b’evidenza tal-azzjonijiet meħuda biex jindirizzaw u/jew jagħlqu għadd ta’ osservazzjonijiet u rakkomandazzjonijiet li tqajmu matul iż-żjara ta’ valutazzjoni fuq il-post mill-Unjoni fl-2021. Il-laqgħa kienet ukoll opportunità għas-CAC KZ u għall-AAK biex jipprovdu aġġornament dwar l-iżviluppi li għaddejjin fil-qafas leġiżlattiv tal-avjazzjoni tal-Kazakistan, b’mod partikolari f’termini ta’ emendi għal-Liġi tal-Avjazzjoni Primarja tal-Kazakistan, li huma mistennija li jiġu adottati f’Diċembru 2022. L-AAK ta informazzjoni wkoll dwar l-azzjonijiet meħuda biex tiġi żviluppata leġiżlazzjoni sekondarja dwar l-avjazzjoni, li tista’ tiġi adottata biss wara li tkun ġiet adottata l-Liġi tal-Avjazzjoni Primarja. |
(23) |
Abbażi ta’ rieżami tal-Pjan ta’ Azzjoni Korrettiva ppreżentat qabel il-laqgħa, kif ukoll tad-diskussjonijiet u tal-evidenza pprovduta matul il-laqgħa, ġie nnotat il-progress li sar fl-indirizzar tal-osservazzjonijiet u r-rakkomandazzjonijiet li rriżultaw miż-żjara ta’ valutazzjoni fuq il-post mill-Unjoni fl-2021. L-osservazzjonijiet u r-rakkomandazzjonijiet kollha ġew indirizzati u għadd minnhom ingħalqu. Madankollu, jenħtieġ li tittieħed aktar azzjoni biex l-osservazzjonijiet kollha li fadal jingħalqu b’mod sodisfaċenti u għandhom jiġu pprovduti r-riżorsi meħtieġa biex tiġi żgurata sorveljanza tas-sikurezza adegwata. Ġew identifikati għadd ta’ kwistjonijiet speċifiċi addizzjonali, li jeħtieġu aktar attenzjoni, inkluż l-iżvilupp u l-implimentazzjoni ta’ proċedura biex jitwettqu spezzjonijiet għall-għarrieda, b’mod partikolari għad-detenturi ta’ AOC u għall-Organizzazzjonijiet ta’ Manutenzjoni Approvati, u r-reklutaġġ ta’ espert kwalifikat biex jiżgura s-superviżjoni tal-eżaminaturi tat-titjiriet maħtura. |
(24) |
F’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li bħalissa ma hemm l-ebda raġuni biex tiġi emendata l-lista tat-trasportaturi tal-ajru, li huma soġġetti għal projbizzjoni fuq l-operat fl-Unjoni fir-rigward tat-trasportaturi tal-ajru mill-Każakistan. |
(25) |
Jenħtieġ li l-Istati Membri jkomplu jivverifikaw il-konformità effettiva tat-trasportaturi tal-ajru ċċertifikati fil-Każakistan mal-istandards tas-sikurezza internazzjonali rilevanti permezz tal-prijoritizzazzjoni tal-ispezzjonijiet fir-rampa ta’ dawk it-trasportaturi tal-ajru kollha, skont ir-Regolament (UE) Nru 965/2012. |
(26) |
Meta kwalunkwe informazzjoni rilevanti dwar is-sikurezza tiżvela riskji imminenti għas-sikurezza minħabba nuqqas ta’ konformità mal-istandards tas-sikurezza internazzjonali rilevanti, jista’ jkun li tkun meħtieġa azzjoni ulterjuri mill-Kummissjoni, f’konformità mar-Regolament (KE) Nru 2111/2005. |
Trasportaturi tal-ajru min-Nepal
(27) |
F’Diċembru 2013, it-trasportaturi tal-ajru ċċertifikati fin-Nepal ġew inklużi fl-Anness A tar-Regolament (KE) Nru 474/2006, permezz tar-Regolament ta’ Implimentazzjoni tal-Kummissjoni (UE) 1264/2013 (9). |
(28) |
Bħala parti mill-attivitajiet ta’ monitoraġġ kontinwu tagħha, fl-14 ta’ Settembru 2022, il-Kummissjoni ltaqgħet mar-rappreżentanti tal-Awtorità tal-Avjazzjoni Ċivili tan-Nepal (“CAAN”). F’dik l-okkażjoni, is-CAAN ipprovdiet lill-Kummissjoni b’informazzjoni dwar is-sorveljanza tas-sikurezza fin-Nepal u b’mod partikolari l-kunsiderazzjonijiet riveduti tagħha dwar is-separazzjoni funzjonali tar-rwoli tas-CAAN bħala regolatur u bħala fornitur tas-servizzi, li hija kwistjoni li ilha teżisti identifikata waqt il-konsultazzjonijiet tal-Kummissjoni man-Nepal, kif ukoll mill-Programm Universali ta’ Awditjar tas-Sorveljanza tas-Sikurezza (“USOAP”) tal-ICAO. |
(29) |
Bħala segwitu għal dik il-laqgħa, fl-10 ta’ Novembru 2022, is-CAAN ippreżentat lill-Kummissjoni l-informazzjoni u l-evidenza dokumentarja dwar l-adozzjoni ta’ Regolament ġdid tas-CAAN, li fil-fehma tas-CAAN jiżgura s-separazzjoni funzjonali tar-rwoli tas-CAAN bħala regolatur u bħala fornitur tas-servizzi, jiġifieri billi jipprevjeni t-trasferiment tal-persunal bejn it-taqsimiet regolatorji u ta’ forniment tas-servizzi tas-CAAN. L-implimentazzjoni ta’ dan ir-regolament il-ġdid u l-progress fl-allinjament tas-sorveljanza tas-sikurezza tas-CAAN mal-istandards tas-sikurezza internazzjonali rilevanti jippermettu lill-Kummissjoni tikkunsidra jekk hux meħtieġ li tiġi organizzata żjara ta’ valutazzjoni fuq il-post mill-Unjoni fin-Nepal fl-2023. Abbażi tal-evidenza miġbura matul tali żjara, il-Kummissjoni tista’ tivvaluta jekk tkunx ġustifikata t-tneħħija tat-trasportaturi tal-ajru ċċertifikati fin-Nepal mill-Anness A tar-Regolament (KE) Nru 474/2006. |
(30) |
F’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li bħalissa ma hemm l-ebda raġuni biex tiġi emendata l-lista tat-trasportaturi tal-ajru, li huma soġġetti għal projbizzjoni fuq l-operat fl-Unjoni fir-rigward tat-trasportaturi tal-ajru min-Nepal. |
(31) |
Jenħtieġ li l-Istati Membri jkomplu jivverifikaw il-konformità effettiva tat-trasportaturi tal-ajru ċċertifikati fin-Nepal mal-istandards tas-sikurezza internazzjonali rilevanti permezz tal-prijoritizzazzjoni tal-ispezzjonijiet fir-rampa ta’ dawk it-trasportaturi tal-ajru, skont ir-Regolament (UE) Nru 965/2012. |
Trasportaturi tal-ajru min-Niġerja
(32) |
F’Mejju 2017, it-trasportatur tal-ajru Med-View Airline ġie inkluż fl-Anness A tar-Regolament (KE) Nru 474/2006, permezz tar-Regolament ta’ Implimentazzjoni tal-Kummissjoni (UE) 2017/830 (10). |
(33) |
Permezz tal-ittra tal-25 ta’ Mejju 2022, l-Awtorità tal-Avjazzjoni Ċivili Niġerjana (“NCAA”) ikkonfermat bil-miktub il-waqfien tal-attivitajiet mit-trasportatur tal-ajru Med-View Airline. |
(34) |
Fis-7 ta’ Novembru 2022, il-Kummissjoni, bil-parteċipazzjoni tal-Aġenzija, organizzat laqgħa mal-NCAA, fuq talba tagħha, bl-għan li tiġi aġġornata dwar l-iżviluppi ewlenin tas-sorveljanza tas-sikurezza li seħħew fin-Niġerja bejn l-2019 u l-2022, b’mod partikolari fid-dawl tal-appoġġ għas-sorveljanza tas-sikurezza pprovdut mill-Aġenzija lill-NCAA fl-2019. |
(35) |
Matul dik il-laqgħa, l-NCAA pprovdiet preżentazzjoni komprensiva tat-titjib li sar fis-sorveljanza tas-sikurezza, b’mod partikolari fl-oqsma tal-leġiżlazzjoni primarja dwar l-avjazzjoni, il-kwalifiki tal-persunal tekniku u l-obbligi ta’ sorveljanza. |
(36) |
Ta’ min jinnota b’mod partikolari l-bidliet leġiżlattivi introdotti fl-Att dwar l-Avjazzjoni Ċivili tan-Niġerja, ir-riorganizzazzjoni tal-uffiċċji reġjonali, l-isforzi biex tinkiseb ċertifikazzjoni ISO 9001 għall-NCAA, l-iżvilupp ta’ pjanijiet għad-diġitalizzazzjoni u l-awtomatizzazzjoni tal-proċessi tal-NCAA, it-titjib fit-taħriġ tal-persunal, u l-istabbiliment ta’ sistema ta’ rapportar tal-okkorrenzi. |
(37) |
L-NCAA enfasizzat l-impenn tagħha għal titjib kontinwu, inkluż fir-rigward tas-sorveljanza tas-sikurezza u t-trażmissjoni regolari ta’ informazzjoni lill-Kummissjoni u lill-Aġenzija. Il-Kummissjoni nnotat dan l-iżvilupp pożittiv, u enfasizzat li l-NCAA jenħtieġ li tingħata l-appoġġ u r-riżorsi kollha meħtieġa biex tissodisfa l-obbligi tagħha ta’ sorveljanza tas-sikurezza. |
(38) |
F’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li l-lista tat-trasportaturi tal-ajru li huma soġġetti għal projbizzjoni fuq l-operat fl-Unjoni jenħtieġ li tiġi emendata biex it-trasportatur tal-ajru Med-View Airline jitneħħa mill-Anness A tar-Regolament (KE) Nru 474/2006. |
(39) |
Jenħtieġ li l-Istati Membri jkomplu jivverifikaw il-konformità effettiva tat-trasportaturi tal-ajru ċċertifikati fin-Niġerja mal-istandards tas-sikurezza internazzjonali rilevanti permezz tal-prijoritizzazzjoni tal-ispezzjonijiet fir-rampa ta’ dawk it-trasportaturi tal-ajru, skont ir-Regolament (UE) Nru 965/2012. |
(40) |
Meta kwalunkwe informazzjoni rilevanti dwar is-sikurezza tiżvela riskji imminenti għas-sikurezza minħabba nuqqas ta’ konformità mal-istandards tas-sikurezza internazzjonali rilevanti, jista’ jkun li tkun meħtieġa azzjoni ulterjuri mill-Kummissjoni, f’konformità mar-Regolament (KE) Nru 2111/2005. |
Trasportaturi tal-ajru mill-Pakistan
(41) |
F’Marzu 2007, il-Pakistan International Airlines ġie inkluż fl-Anness B tar-Regolament (KE) Nru 474/2006 permezz tar-Regolament tal-Kummissjoni (KE) Nru 235/2007 (11) u sussegwentement tneħħa minn dak l-Anness f’Novembru 2007 permezz tar-Regolament tal-Kummissjoni (KE) Nru 1400/2007 (12). |
(42) |
Fl-1 ta’ Lulju 2020, il-Kummissjoni fetħet konsultazzjonijiet mal-Awtorità tal-Avjazzjoni Ċivili tal-Pakistan (“PCAA”) skont l-Artikolu 3(2) tar-Regolament (KE) Nru 473/2006, abbażi tas-sospensjonijiet tal-awtorizzazzjoni ta’ TCO tat-trasportauri tal-ajru Pakistan International Airlines u Vision Air, u ta’ dikjarazzjoni magħmula mill-Ministru tat-Trasport tal-Pakistan dwar liċenzji ta’ bdoti miksuba b’mezzi frodulenti fil-Pakistan. |
(43) |
F’dak il-kuntest, il-Kummissjoni, f’kooperazzjoni mal-Aġenzija u l-Istati Membri, organizzat għadd ta’ laqgħat tekniċi u ta’ informazzjoni mal-PCAA fid-9 ta’ Lulju u l-25 ta’ Settembru 2020, fil-15 u s-16 ta’ Marzu 2021, fil-15 ta’ Ottubru 2021 u fis-16 ta’ Marzu 2022. Dawk id-diskussjonijiet iffukaw fuq l-isforzi mwettqa mill-PCAA fl-indirizzar tat-tħassib dwar is-sorveljanza tas-sikurezza li kien ġie identifikat qabel mill-Kummissjoni u mill-esperti tal-Aġenzija, kif ukoll dak identifikat mill-ICAO matul iż-żjara tagħha fl-ambitu tal-USOAP li saret bejn id-29 ta’ Novembru u l-10 ta’ Diċembru 2021. |
(44) |
Bħala parti mill-attivitajiet ta’ monitoraġġ kontinwu tagħha, fil-25 ta’ Ottubru 2022, il-Kummissjoni, l-Aġenzija, l-Istati Membri u r-rappreżentanti tal-PCAA kellhom laqgħa teknika. Matul dik il-laqgħa, il-PCAA infurmat lill-parteċipanti dwar l-azzjonijiet u l-miżuri li kienu diġà implimentati, kif ukoll dwar dawk ippjanati, biex jiġi indirizzat it-tħassib identifikat dwar is-sorveljanza tas-sikurezza. |
(45) |
L-informazzjoni u d-data ppreżentati matul il-laqgħa jindikaw l-impenn u l-isforzi tal-PCAA biex issolvi s-sitwazzjoni tas-sorveljanza tas-sikurezza fil-Pakistan, b’mod partikolari permezz tal-adozzjoni ta’ Ordinanza emendata tal-Awtorità tal-Avjazzjoni Ċivili sa tmiem l-2022, kif ukoll il-leġiżlazzjoni sekondarja assoċjata ppjanata għall-ewwel kwart tal-2023. B’mod ġenerali, il-pjanijiet proposti, kif ippreżentati matul il-laqgħa, jidhru li huma adegwati għall-użu tagħhom biex jikkonformaw mal-istandards tas-sikurezza rilevanti u jimplimentawhom b’mod effettiv. Madankollu, dan jista’ jiġi vvalutat biss wara li jiġu adottati r-regolamenti rilevanti. |
(46) |
Abbażi ta’ dan, il-Kummissjoni, filwaqt li tirrikonoxxi l-azzjonijiet meħuda s’issa, se tkompli bil-monitoraġġ tagħha ta-sistema ta’ sorveljanza tas-sikurezza tal-Pakistan biex tiddetermina jekk hijiex meħtieġa azzjoni ulterjuri skont ir-Regolament (KE) Nru 2111/2005. F’dan il-kuntest, il-Kummissjoni għandha ħsieb li twettaq, flimkien mal-Aġenzija u l-Istati Membri, żjara ta’ valutazzjoni fuq il-post mill-Unjoni fil-Pakistan fl-2023. |
(47) |
F’konformità mal-kriterji komuni stabbiliti fl-Anness tar-Regolament (KE) Nru 2111/2005, il-Kummissjoni tqis li bħalissa ma hemm l-ebda raġuni biex tiġi emendata l-lista tat-trasportaturi tal-ajru li huma soġġetti għal projbizzjoni fuq l-operat fl-Unjoni fir-rigward tat-trasportaturi tal-ajru ċċertifikati fil-Pakistan. |
(48) |
Jenħtieġ li l-Istati Membri jkomplu jivverifikaw il-konformità effettiva tat-trasportaturi tal-ajru ċċertifikati fil-Pakistan mal-istandards tas-sikurezza internazzjonali rilevanti permezz tal-prijoritizzazzjoni tal-ispezzjonijiet fir-rampa ta’ dawk it-trasportaturi tal-ajru, skont ir-Regolament (UE) Nru 965/2012. |
(49) |
Meta kwalunkwe informazzjoni rilevanti dwar is-sikurezza tiżvela riskji imminenti għas-sikurezza minħabba nuqqas ta’ konformità mal-istandards tas-sikurezza internazzjonali rilevanti, tista’ tkun meħtieġa azzjoni ulterjuri mill-Kummissjoni, f’konformità mar-Regolament (KE) Nru 2111/2005. |
(50) |
Għalhekk, ir-Regolament (KE) Nru 474/2006 jenħtieġ li jiġi emendat skont dan. |
(51) |
Minħabba l-implikazzjonijiet tas-sikurezza, l-Artikoli 5 u 6 tar-Regolament (KE) Nru 2111/2005 jagħrfu l-bżonn li jittieħdu deċiżjonijiet malajr u, meta jkun xieraq, b’urġenza. Għaldaqstant, huwa essenzjali li, sabiex jiġu mħarsa l-informazzjoni sensittiva kif ukoll il-pubbliku li jivvjaġġa, kwalunkwe deċiżjoni fil-kuntest tal-aġġornament tal-lista tat-trasportaturi tal-ajru li huma soġġetti għal projbizzjoni jew restrizzjoni fuq l-operat fl-Unjoni tiġi ppubblikata u tidħol fis-seħħ minnufih wara l-adozzjoni tagħha. |
(52) |
Il-miżuri previsti f’dan ir-Regolament huma skont l-opinjoni tal-Kumitat għas-Sikurezza tal-Ajru tal-UE stabbilit skont l-Artikolu 15 tar-Regolament (KE) Nru 2111/2005, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 474/2006 huwa emendat kif ġej:
(1) |
l-Anness A huwa sostitwit bit-test fl-Anness I ta’ dan ir-Regolament; |
(2) |
l-Anness B huwa sostitwit bit-test fl-Anness II ta’ dan ir-Regolament. |
Artikolu 2
Dan ir-Regolament għandu jidħol fis-seħħ jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta’ Novembru 2022.
Għall-Kummissjoni
F’isem il-President,
Adina VĂLEAN
Membru tal-Kummissjoni
(1) ĠU L 344, 27.12.2005, p. 15.
(2) Ir-Regolament tal-Kummissjoni (KE) Nru 474/2006 tat-22 ta’ Marzu 2006 li jistabbilixxi l-lista Komunitarja ta’ trasportaturi tal-ajru li huma soġġetti għal projbizzjoni fuq l-operat fil-Komunità skont il-Kapitolu II tar-Regolament (KE) Nru 2111/2005 tal-Parlament Ewropew u tal-Kunsill (ĠU L 84, 23.3.2006, p. 14).
(3) Ir-Regolament tal-Kummissjoni (KE) Nru 473/2006 tat-22 ta’ Marzu 2006 li jistabbilixxi regoli ta’ implimentazzjoni għal-lista Komunitarja ta’ trasportaturi tal-ajru li huma soġġetti għal projbizzjoni fuq l-operat fil-Komunità kif jissemma fil-Kapitolu II tar-Regolament (KE) Nru 2111/2005 tal-Parlament Ewropew u tal-Kunsill (ĠU L 84, 23.3.2006, p. 8).
(4) Ir-Regolament tal-Kummissjoni (UE) Nru 452/2014 tad-29 ta’ April 2014 li jistabbilixxi rekwiżiti tekniċi u proċeduri amministrattivi relatati mal-operazzjonijiet tal-ajru ta’ pajjiżi terzi skont ir-Regolament (KE) Nru 216/2008 tal-Parlament Ewropew u tal-Kunsill, (ĠU L 133, 6.5.2014, p. 12).
(5) Ir-Regolament tal-Kummissjoni (UE) Nru 965/2012 tal-5 ta’ Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 296, 25.10.2012, p. 1).
(6) Ir-Regolament ta’ Implimentazzjoni tal-Kummissjoni (UE) 2020/736 tat-2 ta’ Ġunju 2020 li jemenda r-Regolament (KE) Nru 474/2006 fir-rigward tal-lista ta’ trasportaturi tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni (ĠU L 172, 3.6.2020, p. 7).
(7) Ir-Regolament ta’ Implimentazzjoni tal-Kummissjoni (UE) 2016/2214 tat-8 ta’ Diċembru 2016 li jemenda r-Regolament (KE) Nru 474/2006 fir-rigward tal-lista ta’ trasportaturi tal-ajru li huma soġġetti għal projbizzjoni fuq l-operat fl-Unjoni (ĠU L 334, 9.12.2016, p. 6).
(8) Ir-Regolament ta’ Implimentazzjoni tal-Kummissjoni (UE) 2015/2322 tal-10 ta’ Diċembru 2015 li jemenda r-Regolament (KE) Nru 474/2006 li jistabbilixxi l-lista Komunitarja ta’ trasportaturi tal-ajru li huma soġġetti għal projbizzjoni fuq l-operat fil-Komunità (ĠU L 328, 12.12.2015, p. 67).
(9) Ir-Regolament ta’ Implimentazzjoni tal-Kummissjoni (UE) Nru 1264/2013 tat-3 ta’ Diċembru 2013 li jemenda r-Regolament (KE) Nru 474/2006 li jistabbilixxi l-lista Komunitarja ta’ trasportaturi tal-ajru li huma soġġetti għal projbizzjoni fuq l-operat fil-Komunità (ĠU L 326, 6.12.2013, p. 7).
(10) Ir-Regolament ta’ Implimentazzjoni tal-Kummissjoni (UE) 2017/830 tal-15 ta’ Mejju 2017 li jemenda r-Regolament (KE) Nru 474/2006 fir-rigward tal-lista ta’ trasportaturi tal-ajru li huma pprojbiti milli joperaw jew li huma soġġetti għal restrizzjonijiet operattivi fl-Unjoni (ĠU L 124, 17.5.2017, p. 3).
(11) Ir-Regolament tal-Kummissjoni (KE) Nru 235/2007 tal-5 ta’ Marzu 2007 li jemenda r-Regolament (KE) Nru 474/2006 li jistabbilixxi l-lista Komunitarja ta’ trasportaturi tal-ajru li huma suġġetti għal projbizzjoni fuq l-operat fi ħdan il-Komunità (ĠU L 66, 6.3.2007, p. 3).
(12) Ir-Regolament tal-Kummissjoni (KE) Nru 1400/2007 tat-28 ta’ Novembru 2007 li jemenda r-Regolament (KE) Nru 474/2006 li jistabbilixxi l-lista Komunitarja ta’ trasportaturi tal-ajru li huma suġġetti għal projbizzjoni fuq l-operat fi ħdan il-Komunità (ĠU L 311, 29.11.2007, p. 12).
ANNESS I
“ANNESS A
LISTA TA’ TRASPORTATURI TAL-AJRU LI HUMA PPROJBITI MILLI JOPERAW FL-UNJONI, B’XI EĊĊEZZJONIJIET (1)
Isem l-entità legali tat-trasportatur tal-ajru kif indikat fuq l-AOC tiegħu (u l-isem kummerċjali tiegħu, jekk dan ikun differenti) |
Numru taċ-Ċertifikat tal-Operatur tal-Ajru (“AOC”) jew Numru tal-Liċenzja Operattiva |
Deżinjatur bi tliet ittri tal-ICAO |
Stat tal-Operatur |
AVIOR AIRLINES |
ROI-RNR-011 |
ROI |
Il-Venezwela |
BLUE WING AIRLINES |
SRBWA-01/2002 |
BWI |
Is-Suriname |
IRAN ASEMAN AIRLINES |
FS-102 |
IRC |
L-Iran |
IRAQI AIRWAYS |
001 |
IAW |
L-Iraq |
AIR ZIMBABWE (PVT) |
177/04 |
AZW |
Iż-Żimbabwe |
It-trasportaturi tal-ajru kollha ċċertifikati mill-awtoritajiet tal-Afganistan responsabbli għas-sorveljanza regolatorja, inkluż |
|
|
L-Afganistan |
ARIANA AFGHAN AIRLINES |
AOC 009 |
AFG |
L-Afganistan |
KAM AIR |
AOC 001 |
KMF |
L-Afganistan |
It-trasportaturi tal-ajru kollha ċċertifikati mill-awtoritajiet tal-Angola responsabbli għas-sorveljanza regolatorja, ħlief TAAG Angola Airlines u Heli Malongo, inkluż |
|
|
L-Angola |
AEROJET |
AO-008/11-07/17 TEJ |
TEJ |
L-Angola |
GUICANGO |
AO-009/11-06/17 YYY |
Mhux magħruf |
L-Angola |
AIR JET |
AO-006/11-08/18 MBC |
MBC |
L-Angola |
BESTFLYA AIRCRAFT MANAGEMENT |
AO-015/15-06/17YYY |
Mhux magħruf |
L-Angola |
HELIANG |
007/11-08/18 YYY |
Mhux magħruf |
L-Angola |
SJL |
AO-014/13-08/18YYY |
Mhux magħruf |
L-Angola |
SONAIR |
AO-002/11-08/17 SOR |
SOR |
L-Angola |
It-trasportaturi tal-ajru kollha ċċertifikati mill-awtoritajiet tal-Armenja responsabbli għas-sorveljanza regolatorja, inkluż |
|
|
L-Armenja |
AIRCOMPANY ARMENIA |
AM AOC 065 |
NGT |
L-Armenja |
ARMENIA AIRWAYS |
AM AOC 063 |
AMW |
L-Armenja |
ARMENIAN HELICOPTERS |
AM AOC 067 |
KAV |
L-Armenja |
FLY ARNA |
AM AOC 075 |
ACY |
L-Armenja |
FLYONE ARMENIA |
AM AOC 074 |
FIE |
L-Armenja |
NOVAIR |
AM AOC 071 |
NAI |
L-Armenja |
SHIRAK AVIA |
AM AOC 072 |
SHS |
L-Armenja |
SKYBALL |
AM AOC 073 |
Mhux applikabbli |
L-Armenja |
It-trasportaturi tal-ajru kollha ċċertifikati mill-awtoritajiet tal-Kongo (Brazzaville) responsabbli għas-sorveljanza regolatorja, inkluż |
|
|
Il-Kongo (Brazzaville) |
CANADIAN AIRWAYS CONGO |
CG-CTA 006 |
TWC |
Il-Kongo (Brazzaville) |
EQUAFLIGHT SERVICES |
CG-CTA 002 |
EKA |
Il-Kongo (Brazzaville) |
EQUAJET |
RAC06-007 |
EKJ |
Il-Kongo (Brazzaville) |
TRANS AIR CONGO |
CG-CTA 001 |
TSG |
Il-Kongo (Brazzaville) |
SOCIETE NOUVELLE AIR CONGO |
CG-CTA 004 |
Mhux magħruf |
Il-Kongo (Brazzaville) |
It-trasportaturi tal-ajru kollha ċċertifikati mill-awtoritajiet tar-Repubblika Demokratika tal-Kongo (RDK) responsabbli għas-sorveljanza regolatorja, inkluż |
|
|
Ir-Repubblika Demokratika tal-Kongo (RDK) |
AIR FAST CONGO |
AAC/DG/OPS-09/03 |
Mhux magħruf |
Ir-Repubblika Demokratika tal-Kongo (RDK) |
AIR KATANGA |
AAC/DG/OPS-09/08 |
Mhux magħruf |
Ir-Repubblika Demokratika tal-Kongo (RDK) |
BUSY BEE CONGO |
AAC/DG/OPS-09/04 |
Mhux magħruf |
Ir-Repubblika Demokratika tal-Kongo (RDK) |
COMPAGNIE AFRICAINE D’AVIATION (CAA) |
AAC/DG/OPS-09/02 |
Mhux magħruf |
Ir-Repubblika Demokratika tal-Kongo (RDK) |
CONGO AIRWAYS |
AAC/DG/OPS-09/01 |
Mhux magħruf |
Ir-Repubblika Demokratika tal-Kongo (RDK) |
KIN AVIA |
AAC/DG/OPS-09/10 |
Mhux magħruf |
Ir-Repubblika Demokratika tal-Kongo (RDK) |
MALU AVIATION |
AAC/DG/OPS-09/05 |
Mhux magħruf |
Ir-Repubblika Demokratika tal-Kongo (RDK) |
SERVE AIR CARGO |
AAC/DG/OPS-09/07 |
Mhux magħruf |
Ir-Repubblika Demokratika tal-Kongo (RDK) |
SWALA AVIATION |
AAC/DG/OPS-09/06 |
Mhux magħruf |
Ir-Repubblika Demokratika tal-Kongo (RDK) |
MWANT JET |
AAC/DG/OPS-09/09 |
Mhux magħruf |
Ir-Repubblika Demokratika tal-Kongo (RDK) |
It-trasportaturi tal-ajru kollha ċċertifikati mill-awtoritajiet tal-Djibouti responsabbli għas-sorveljanza regolatorja, inkluż |
|
|
Il-Djibouti |
DAALLO AIRLINES |
Mhux magħruf |
DAO |
Il-Djibouti |
It-trasportaturi tal-ajru kollha ċċertifikati mill-awtoritajiet tal-Guinea Ekwatorjali responsabbli għas-sorveljanza regolatorja, inkluż |
|
|
Il-Guinea Ekwatorjali |
CEIBA INTERCONTINENTAL |
2011/0001/MTTCT/DGAC/SOPS |
CEL |
Il-Guinea Ekwatorjali |
CRONOS AIRLINES |
2011/0004/MTTCT/DGAC/SOPS |
Mhux magħruf |
Il-Guinea Ekwatorjali |
It-trasportaturi tal-ajru kollha ċċertifikati mill-awtoritajiet tal-Eritrea responsabbli għas-sorveljanza regolatorja, inkluż |
|
|
L-Eritrea |
ERITREAN AIRLINES |
AOC Nru 004 |
ERT |
L-Eritrea |
NASAIR ERITREA |
AOC Nru 005 |
NAS |
L-Eritrea |
It-trasportaturi tal-ajru kollha ċċertifikati mill-awtoritajiet tal-Kirgistan responsabbli għas-sorveljanza regolatorja, inkluż |
|
|
Il-Kirgistan |
AEROSTAN |
08 |
BSC |
Il-Kirgistan |
AIR COMPANY AIR KG |
50 |
KGC |
Il-Kirgistan |
AIR MANAS |
17 |
MBB |
Il-Kirgistan |
AVIA TRAFFIC COMPANY |
23 |
AVJ |
Il-Kirgistan |
FLYSKY AIRLINES |
53 |
FSQ |
Il-Kirgistan |
HELI SKY |
47 |
HAC |
Il-Kirgistan |
KAP.KG AIRCOMPANY |
52 |
KGS |
Il-Kirgistan |
SKY KG AIRLINES |
41 |
KGK |
Il-Kirgistan |
TEZ JET |
46 |
TEZ |
Il-Kirgistan |
VALOR AIR |
07 |
VAC |
Il-Kirgistan |
It-trasportaturi tal-ajru kollha ċċertifikati mill-awtoritajiet tal-Liberja responsabbli għas-sorveljanza regolatorja. |
|
|
Il-Liberja |
It-trasportaturi tal-ajru kollha ċċertifikati mill-awtoritajiet tal-Libja responsabbli għas-sorveljanza regolatorja, inkluż |
|
|
Il-Libja |
AFRIQIYAH AIRWAYS |
007/01 |
AAW |
Il-Libja |
AIR LIBYA |
004/01 |
TLR |
Il-Libja |
AL MAHA AVIATION |
030/18 |
Mhux magħruf |
Il-Libja |
BERNIQ AIRWAYS |
032/21 |
BNL |
Il-Libja |
BURAQ AIR |
002/01 |
BRQ |
Il-Libja |
GLOBAL AIR TRANSPORT |
008/05 |
GAK |
Il-Libja |
HALA AIRLINES |
033/21 |
HTP |
Il-Libja |
LIBYAN AIRLINES |
001/01 |
LAA |
Il-Libja |
LIBYAN WINGS AIRLINES |
029/15 |
LWA |
Il-Libja |
PETRO AIR |
025/08 |
PEO |
Il-Libja |
It-trasportaturi tal-ajru kollha ċċertifikati mill-awtoritajiet tan-Nepal responsabbli għas-sorveljanza regolatorja, inkluż |
|
|
In-Nepal |
AIR DYNASTY HELI. S. |
035/2001 |
Mhux magħruf |
In-Nepal |
ALTITUDE AIR |
085/2016 |
Mhux magħruf |
In-Nepal |
BUDDHA AIR |
014/1996 |
BHA |
In-Nepal |
FISHTAIL AIR |
017/2001 |
Mhux magħruf |
In-Nepal |
SUMMIT AIR |
064/2010 |
Mhux magħruf |
In-Nepal |
HELI EVEREST |
086/2016 |
Mhux magħruf |
In-Nepal |
HIMALAYA AIRLINES |
084/2015 |
HIM |
In-Nepal |
KAILASH HELICOPTER SERVICES |
087/2018 |
Mhux magħruf |
In-Nepal |
MAKALU AIR |
057 A/2009 |
Mhux magħruf |
In-Nepal |
MANANG AIR PVT |
082/2014 |
Mhux magħruf |
In-Nepal |
MOUNTAIN HELICOPTERS |
055/2009 |
Mhux magħruf |
In-Nepal |
PRABHU HELICOPTERS |
081/2013 |
Mhux magħruf |
In-Nepal |
NEPAL AIRLINES CORPORATION |
003/2000 |
RNA |
In-Nepal |
SAURYA AIRLINES |
083/2014 |
Mhux magħruf |
In-Nepal |
SHREE AIRLINES |
030/2002 |
SHA |
In-Nepal |
SIMRIK AIR |
034/2000 |
Mhux magħruf |
In-Nepal |
SIMRIK AIRLINES |
052/2009 |
RMK |
In-Nepal |
SITA AIR |
033/2000 |
Mhux magħruf |
In-Nepal |
TARA AIR |
053/2009 |
Mhux magħruf |
In-Nepal |
YETI AIRLINES |
037/2004 |
NYT |
In-Nepal |
It-trasportaturi tal-ajru kollha li ġejjin iċċertifikati mill-awtoritajiet responsabbli għas-sorveljanza regolatorja tar-Russja |
|
|
Ir-Russja |
AURORA AIRLINES |
486 |
SHU |
Ir-Russja |
AVIACOMPANY "AVIASTAR-TU" CO. LTD |
458 |
TUP |
Ir-Russja |
IZHAVIA |
479 |
IZA |
Ir-Russja |
JOINT STOCK COMPANY "AIR COMPANY "YAKUTIA" |
464 |
SYL |
Ir-Russja |
JOINT STOCK COMPANY "RUSJET" |
498 |
RSJ |
Ir-Russja |
JOINT STOCK COMPANY "UVT AERO" |
567 |
UVT |
Ir-Russja |
JOINT STOCK COMPANY SIBERIA AIRLINES |
31 |
SBI |
Ir-Russja |
JOINT STOCK COMPANY SMARTAVIA AIRLINES |
466 |
AUL |
Ir-Russja |
JOINT-STOCK COMPANY "IRAERO" AIRLINES |
480 |
IAE |
Ir-Russja |
JOINT-STOCK COMPANY "URAL AIRLINES" |
18 |
SVR |
Ir-Russja |
JOINT-STOCK COMPANY ALROSA AIR COMPANY |
230 |
DRU |
Ir-Russja |
JOINT-STOCK COMPANY NORDSTAR AIRLINES |
452 |
TYA |
Ir-Russja |
JS AVIATION COMPANY "RUSLINE" |
225 |
RLU |
Ir-Russja |
JSC YAMAL AIRLINES |
142 |
LLM |
Ir-Russja |
LLC "NORD WIND" |
516 |
NWS |
Ir-Russja |
LLC “AIRCOMPANY IKAR” |
36 |
KAR |
Ir-Russja |
LTD. I FLY |
533 |
RSY |
Ir-Russja |
POBEDA AIRLINES LIMITED LIABILITY COMPANY |
562 |
PBD |
Ir-Russja |
PUBLIC JOINT STOCK COMPANY "AEROFLOT - RUSSIAN AIRLINES" |
1 |
AFL |
Ir-Russja |
ROSSIYA AIRLINES, JOINT STOCK COMPANY |
2 |
SDM |
Ir-Russja |
SKOL AIRLINE LLC |
228 |
CDV |
Ir-Russja |
UTAIR AVIATION, JOINT-STOCK COMPANY |
6 |
UTA |
Ir-Russja |
It-trasportaturi tal-ajru kollha ċċertifikati mill-awtoritajiet ta’ São Tomé u Príncipe responsabbli għas-sorveljanza regolatorja, inkluż |
|
|
São Tomé u Príncipe |
AFRICA'S CONNECTION |
10/AOC/2008 |
ACH |
São Tomé u Príncipe |
STP AIRWAYS |
03/AOC/2006 |
STP |
São Tomé u Príncipe |
It-trasportaturi tal-ajru kollha ċċertifikati mill-awtoritajiet ta’ Sierra Leone responsabbli għas-sorveljanza regolatorja |
|
|
Sierra Leone |
It-trasportaturi tal-ajru kollha ċċertifikati mill-awtoritajiet tas-Sudan responsabbli għas-sorveljanza regolatorja, inkluż |
|
|
Is-Sudan |
ALFA AIRLINES SD |
54 |
AAJ |
Is-Sudan |
BADR AIRLINES |
35 |
BDR |
Is-Sudan |
BLUE BIRD AVIATION |
11 |
BLB |
Is-Sudan |
ELDINDER AVIATION |
8 |
DND |
Is-Sudan |
GREEN FLAG AVIATION |
17 |
GNF |
Is-Sudan |
HELEJETIC AIR |
57 |
HJT |
Is-Sudan |
KATA AIR TRANSPORT |
9 |
KTV |
Is-Sudan |
KUSH AVIATION CO. |
60 |
KUH |
Is-Sudan |
NOVA AIRWAYS |
46 |
NOV |
Is-Sudan |
SUDAN AIRWAYS CO. |
1 |
SUD |
Is-Sudan |
SUN AIR |
51 |
SNR |
Is-Sudan |
TARCO AIR |
56 |
TRQ |
Is-Sudan |
(1) It-trasportaturi tal-ajru mniżżlin fl-Anness A jistgħu jitħallew jeżerċitaw id-drittijiet tat-traffiku billi jużaw inġenji tal-ajru mikrijin bl-ekwipaġġ mingħand trasportatur tal-ajru li mhuwiex soġġett għal projbizzjoni fuq l-operat, diment li jkun hemm konformità mal-istandards tas-sikurezza rilevanti.
ANNESS II
“ANNESS B
LISTA TAT-TRASPORTATURI TAL-AJRU LI HUMA SOĠĠETTI GĦAL RESTRIZZJONIJIET OPERATTIVI FL-UNJONI (1)
Isem l-entità legali tat-trasportatur tal-ajru kif indikat fuq l-AOC tiegħu (u l-isem kummerċjali tiegħu, jekk dan ikun differenti) |
Numru taċ-Ċertifikat tal-Operatur tal-Ajru (“AOC”) |
Deżinjatur bi tliet ittri tal-ICAO |
Stat tal-Operatur |
Tip ta’ inġenju tal-ajru soġġett għal restrizzjoni |
Marka/i tar-reġistrazzjoni u, meta jkun(u) disponibbli, in-numru/i tas-serje tal-kostruzzjoni tal-inġenju tal-ajru soġġett għal restrizzjoni |
Stat tar-reġistrazzjoni |
IRAN AIR |
FS100 |
IRA |
L-Iran |
L-inġenji tal-ajru kollha tat-tip Fokker F100 u tat-tip Boeing B747 |
L-inġenji tal-ajru tat-tip Fokker F100 kif imsemmi fl-AOC; l-inġenji tal-ajru tat-tip Boeing B747 kif imsemmi fl-AOC |
L-Iran |
AIR KORYO |
GAC-AOC/KOR-01 |
KOR |
Il-Korea ta’ Fuq |
Il-flotta kollha bl-eċċezzjoni ta’: żewġ (2) inġenji tal-ajru tat-tip TU-204. |
Il-flotta kollha bl-eċċezzjoni ta’: P-632, P-633. |
Il-Korea ta’ Fuq |
(1) It-trasportaturi tal-ajru mniżżlin fl-Anness B jistgħu jitħallew jeżerċitaw id-drittijiet tat-traffiku billi jużaw inġenji tal-ajru mikrijin bl-ekwipaġġ mingħand trasportatur tal-ajru li mhuwiex soġġett għal projbizzjoni fuq l-operat, diment li jkun hemm konformità mal-istandards tas-sikurezza rilevanti.”