Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022R2076

    Regolament ta’ Implimentazzjoni tal-Kummissjoni (UE) 2022/2076 tal-25 ta’ Ottubru 2022 dwar il-klassifikazzjoni ta’ ċerti oġġetti fin-Nomenklatura Magħquda

    C/2022/7848

    ĠU L 280, 28.10.2022, p. 7–9 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2022/2076/oj

    Date of document:
    25/10/2022; Data ta' adozzjoni
    Date of effect:
    17/11/2022; Dħul fis-seħħ Data tal-pubblikazzjoni +20 Ara Art. 3
    Date of end of validity:
    No end date
    Author:
    Il-Kummissjoni Ewropea, Id-Direttorat Ġenerali għat-Tassazzjoni u l-Għaqda Doganali
    Responsible body:
    TAXUD
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Instruments cited:
    Link

    28.10.2022   

    MT

    Il-Ġurnal Uffiċjali tal-Unjoni Ewropea

    L 280/7

    REGOLAMENT TA’ IMPLIMENTAZZJONI TAL-KUMMISSJONI (UE) 2022/2076

    tal-25 ta’ Ottubru 2022

    dwar il-klassifikazzjoni ta’ ċerti oġġetti fin-Nomenklatura Magħquda

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (1), u b’mod partikolari l-Artikolu 57(4) u l-Artikolu 58(2) tiegħu,

    Billi:

    (1)

    Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness ta’ dan ir-Regolament.

    (2)

    Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hija bbażata fuqha parzjalment jew kollha kemm hi, jew li żżid kwalunkwe sottodiviżjoni magħha u li hija stabbilita b’dispożizzjonijiet speċifiċi tal-Unjoni, bl-għan li jiġu applikati t-tariffi u miżuri oħra relatati mal-kummerċ tal-oġġetti.

    (3)

    Skont dawk ir-regoli ġenerali, l-oġġetti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta’ dik it-tabella.

    (4)

    Jixraq li jiġi stipulat li l-informazzjoni vinkolanti dwar it-tariffi maħruġa għall-oġġetti kkonċernati minn dan ir-Regolament u li ma tikkonformax ma’ dan ir-Regolament, tkun tista’ tibqa’ tiġi invokata mid-detentur, għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu jenħtieġ li jkun ta’ tliet xhur.

    (5)

    Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali,

    ADOTTAT DAN IR-REGOLAMENT:

    Artikolu 1

    L-oġġetti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda taħt il-kodiċi NM indikat fil-kolonna (2) ta’ dik it-tabella.

    Artikolu 2

    L-informazzjoni vinkolanti dwar it-tariffi li ma tkunx konformi ma’ dan ir-Regolament tista’ tibqa’ tiġi invokata skont l-Artikolu 34(9) tar-Regolament (UE) Nru 952/2013 għal perjodu ta’ tliet xhur mid-data tad-dħul fis-seħħ ta’ dan ir-Regolament.

    Artikolu 3

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, il-25 ta’ Ottubru 2022.

    Għall-Kummissjoni

    Gerassimos THOMAS

    Direttur Ġenerali

    Id-Direttorat Ġenerali għat-Tassazzjoni u l-Unjoni Doganali

    (1)  ĠU L 269, 10.10.2013, p. 1.

    (2)  Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).

    ANNESS

    Deskrizzjoni tal-oġġetti

    Klassifikazzjoni

    (Kodiċi NM)

    Raġunijiet

    (1)

    (2)

    (3)

    Oġġett li jikkonsisti minn wajers elettriċi iżolati tar-ram, miġburin flimkien, iddisinjat apposta għall-installazzjoni ta’ apparat fiss touchscreen, ikkontrollat bil-vuċi u handsfree (imsejjaħ kitt tal-karozzi) f’vettura bil-mutur.

    L-oġġett jinkludi żewġ fuses u konnetturi differenti, inklużi konnetturi bullet. Il-kompożizzjoni eżatta tal-oġġett (l-għadd ta’ wajers u konnetturi speċifiċi) tiddependi fuq il-mudell speċifiku tal-vettura bil-mutur.

    Hekk kif jiġi installat, l-oġġett jgħaqqad flimkien il-kejbils eżistenti tas-sistema tar-radju tal-karozza mal-kitt tal-karozza (li jippermetti t-tħaddim ta’ mobile konness bil-Bluetooth).

    Dan jippermetti t-trażmissjoni ta’ sinjali elettriċi mill-kitt tal-karozza għas-sistema tar-radju tal-karozza (anke biex jitwaqqfu ħsejjes oħra waqt it-telefonati) u jipprovdi provvista tal-elettriku.

    8544 30 00

    Il-klassifikazzjoni hija determinata mir-regoli ġenerali 1 u 6 għall-interpretazzjoni tan-Nomenklatura Magħquda u mill-kliem tal-kodiċijiet NM 8544 u 8544 30 00 .

    L-oġġett jikkonsisti minn wajers tal-intestatura 8544 magħmulin f’sett (ara wkoll in-Noti ta’ Spjegazzjoni tas-Sistema Armonizzata tal-intestatura 8544 , it-tmien paragrafu, l-aħħar sentenza).

    L-oġġett huwa ddisinjat apposta wkoll biex jiġi installat f’vettura bil-mutur sabiex joħloq interkonnessjoni bejn diversi apparati tal-vettura bil-mutur u biex iwassal sinjali tal-elettriku u elettriċi.

    Għalhekk l-oġġett għandu l-karatteristiċi oġġettivi ta’ “settijiet oħrajn ta’ sistemi ta’ wajers tat-tip użat f’vetturi” tal-kodiċi NM 8544 30 00 . Konsegwentement, il-klassifikazzjoni taħt is-subintestatura 8544 42 bħala “kondutturi elettriċi oħra, għal vultaġġ li ma jaqbiżx l-1 000  V, mgħammrin b’konnetturi” hija eskluża.

    Għaldaqstant, l-oġġett għandu jiġi kklassifikat taħt il-kodiċi NM 8544 30 00 bħala “settijiet oħrajn ta’ sistemi ta’ wajers ta’ tip użat f’vetturi, inġenji tal-ajru jew bastimenti”.
    Top