This document is an excerpt from the EUR-Lex website
Document 32022L0277
Commission Delegated Directive (EU) 2022/277 of 13 December 2021 amending, for the purpose of adapting to technical and scientific progress, Annex III to Directive 2011/65/EU of the European Parliament and of the Council as regards an exemption for the use of mercury in single capped (compact) fluorescent lamps for general lighting purposes < 30 W with a lifetime equal to or above 20000 h (Text with EEA relevance)
Direttiva Delegata tal-Kummissjoni (UE) 2022/277 tat-13 ta’ Diċembru 2021 li temenda, għall-fini ta’ adattament għall-progress tekniku u xjentifiku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta’ eżenzjoni għall-użu tal-merkurju fil-lampi fluworexxenti (kompatti) b’kappa waħda għal finijiet ta’ tidwil ġenerali < 30 W b’tul tal-ħajja ta’ 20000 siegħa jew iktar (Test b’rilevanza għaż-ŻEE)
Direttiva Delegata tal-Kummissjoni (UE) 2022/277 tat-13 ta’ Diċembru 2021 li temenda, għall-fini ta’ adattament għall-progress tekniku u xjentifiku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta’ eżenzjoni għall-użu tal-merkurju fil-lampi fluworexxenti (kompatti) b’kappa waħda għal finijiet ta’ tidwil ġenerali < 30 W b’tul tal-ħajja ta’ 20000 siegħa jew iktar (Test b’rilevanza għaż-ŻEE)
C/2021/8956
ĠU L 43, 24.2.2022, p. 35–37
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32011L0065 | Sostituzzjoni | anness III punt 1(g) | 16/03/2022 |
24.2.2022 |
MT |
Il-Ġurnal Uffiċjali tal-Unjoni Ewropea |
L 43/35 |
DIRETTIVA DELEGATA TAL-KUMMISSJONI (UE) 2022/277
tat-13 ta’ Diċembru 2021
li temenda, għall-fini ta’ adattament għall-progress tekniku u xjentifiku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta’ eżenzjoni għall-użu tal-merkurju fil-lampi fluworexxenti (kompatti) b’kappa waħda għal finijiet ta’ tidwil ġenerali < 30 W b’tul tal-ħajja ta’ 20 000 siegħa jew iktar
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2011/65/UE tal-Parlament Ewropew u tal-Kunsill tat-8 ta’ Ġunju 2011 dwar ir-restrizzjoni tal-użu ta’ ċerti sustanzi perikolużi fit-tagħmir elettriku u elettroniku (1), u b’mod partikolari l-Artikolu 5(1)(b) tagħha,
Billi:
(1) |
Id-Direttiva 2011/65/UE tirrikjedi li l-Istati Membri jiżguraw li t-tagħmir elettriku u elettroniku mqiegħed fis-suq ma jkunx fih is-sustanzi perikolużi elenkati fl-Anness II ta’ dik id-Direttiva. Dik ir-restrizzjoni ma tapplikax għal ċerti applikazzjonijiet eżentati li huma elenkati fl-Anness III tad-Direttiva. |
(2) |
Il-kategoriji tat-tagħmir elettriku u elettroniku li għalihom tapplika d-Direttiva 2011/65/UE huma elenkati fl-Anness I ta’ dik id-Direttiva. |
(3) |
Il-merkurju hu sustanza ristretta elenkata fl-Anness II tad-Direttiva 2011/65/UE. |
(4) |
Permezz tad-Direttiva Delegata 2014/14/UE (2), il-Kummissjoni tat eżenzjoni għall-użu tal-merkurju, b’kontenut massimu ta’ 3,5 mg, f’lampi fluworexxenti (kompatti) b’kappa waħda għal finijiet ta’ tidwil ġenerali < 30 W b’tul tal-ħajja ta’ 20 000 siegħa jew iktar (“l-eżenzjoni”), li issa hija elenkata bħala l-eżenzjoni 1(g) fl-Anness III tad-Direttiva 2011/65/UE. L-eżenzjoni kellha tiskadi fil-31 ta’ Diċembru 2017, f’konformità mal-Anness III tad-Direttiva 2014/14/UE. |
(5) |
Il-merkurju jintuża fil-lampi fluworexxenti (kompatti) b’kappa waħda sabiex jiġi prodott dawl ultravjola, li mbagħad jiġi kkonvertit f’dawl viżibbli mill-kisi fluworexxenti fuq il-bozza tal-lampa. |
(6) |
Fit-28 ta’ Ġunju 2016, il-Kummissjoni rċeviet applikazzjoni għat-tiġdid tal-eżenzjoni (“l-applikazzjoni għat-tiġdid”), jiġifieri fil-limitu ta’ żmien stabbilit fl-Artikolu 5(5) tad-Direttiva 2011/65/UE, u din ġiet aġġornata b’applikazzjoni mġedda fis-17 ta’ Jannar 2020. F’konformità mal-Artikolu 5(5) tad-Direttiva 2011/65/UE, l-eżenzjoni tibqa’ valida sa meta tiġi adottata deċiżjoni dwar l-applikazzjoni għat-tiġdid. |
(7) |
L-evalwazzjoni tal-applikazzjoni għat-tiġdid, li qieset id-disponibbiltà tas-sostituti u l-impatt soċjoekonomiku tas-sostituzzjoni, ikkonkludiet li s-sostituti ħielsa mill-merkurju li huma affidabbli biżżejjed għat-tipi ta’ lampi koperti mill-eżenzjoni huma disponibbli u li s-sostituzzjoni hija prattikabbli xjentifikament u teknikament. Barra minn hekk, dik l-evalwazzjoni kkonkludiet li huwa ċar li l-benefiċċji tas-sostituzzjoni se jikkumpensaw għal kwalunkwe impatt negattiv. L-evalwazzjoni kienet tinkludi konsultazzjonijiet mal-partijiet ikkonċernati f’konformità mal-Artikolu 5(7) tad-Direttiva 2011/65/UE. Il-kummenti li waslu matul dawn il-konsultazzjonijiet saru disponibbli għall-pubbliku fuq sit web apposta. |
(8) |
Ladarba l-kundizzjonijiet stabbiliti fil-punt (a) tal-Artikolu 5(1) tad-Direttiva 2011/65/UE ma għadhomx issodisfati iktar, l-eżenzjoni jenħtieġ li tiġi rrevokata. |
(9) |
Jenħtieġ li tiġi stabbilita data tal-iskadenza għall-eżenzjoni f’konformità mal-Artikolu 5(6) tad-Direttiva 2011/65/UE. Filwaqt li ammont żgħir tat-tipi ta’ lampi (3) koperti minn din l-eżenzjoni huma soġġetti għall-kriterji tal-ekodisinn stabbiliti fl-Anness II tar-Regolament tal-Kummissjoni (UE) 2019/2020 (4), li huma applikabbli mill-1 ta’ Settembru 2021, u għalhekk mhux se jibqgħu jitqiegħdu fis-suq, il-maġġoranza l-kbira tal-lampi koperti mill-eżenzjoni attwali mhumiex affettwati mill-kriterji skont ir-Regolament dwar l-Ekodisinn imsemmi hawn fuq. B’hekk, jenħtieġ li tiġi stabbilita d-data tal-iskadenza massima possibbli ta’ 18-il xahar wara d-deċiżjoni fir-rigward tal-entrata sħiħa tal-eżenzjoni sabiex jiġu evitati kostijiet soċjoekonomiċi għoljin bla bżonn għall-parteċipanti fis-suq b’rabta diretta mas-sostituzzjoni tal-kategorija tal-aħħar. |
(10) |
Għalhekk, jenħtieġ li d-Direttiva 2011/65/UE tiġi emendata skont dan, |
ADOTTAT DIN ID-DIRETTIVA:
Artikolu 1
L-Anness III tad-Direttiva 2011/65/UE huwa emendat kif stabbilit fl-Anness ta’ din id-Direttiva.
Artikolu 2
1. L-Istati Membri għandhom jadottaw u jippubblikaw, sa mhux iktar tard mit-30 ta’ Settembru 2022, il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.
Huma għandhom japplikaw dawk id-dispożizzjonijiet mill-1 ta’ Ottubru 2022.
Meta l-Istati Membri jadottaw dawk id-dispożizzjonijiet, fihom għandu jkun hemm referenza għal din id-Direttiva jew għandhom ikunu akkumpanjati minn dik ir-referenza meta ssir il-pubblikazzjoni uffiċjali tagħhom. Huma l-Istati Membri li għandhom jiddeċiedu kif issir dik ir-referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tad-dritt nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, it-13 ta’ Diċembru 2021.
Għall-Kummissjoni
Il-President
Ursula VON DER LEYEN
(1) ĠU L 174, 1.7.2011, p. 88.
(2) Id-Direttiva ta’ Delega tal-Kummissjoni 2014/14/UE tat-18 ta’ Ottubru 2013 li temenda, għal skopijiet ta’ adattament għall-progress tekniku, l-Anness III tad-Direttiva 2011/65/UE tal-Parlament Ewropew u tal-Kunsill fir-rigward ta’ eżenzjoni għal 3,5 mg ta’ merkurju għal kull bozza f’bozoz fluworexxenti kompatti b’kappa waħda għal skopijiet ta’ illuminazzjoni ġenerali < 30 W b’ħajja ta’ 20 000 siegħa jew iktar (ĠU L 4, 9.1.2014, p. 71).
(3) Il-lampi CFL b’tagħmir ta’ kontroll integrat (CFLi) huma koperti bl-entrata “Sorsi tad-dawl oħra fil-kamp ta’ applikazzjoni mhux imsemmija hawn fuq” fit-Tabella 1 tal-Anness II tar-Regolament tal-Kummissjoni (UE) 2019/2020 mill-1 ta’ Settembru 2021.
(4) Kif iddikjarat fil-Premessi 9 u 10 tar-Regolament tal-Kummissjoni (UE) 2019/2020, l-ebda rekwiżit speċifiku tal-ekodisinn dwar il-kontenut tal-merkurju ma għandu jiġi stabbilit f’dak ir-Regolament.
ANNESS
Fl-Anness III tad-Direttiva 2011/65/UE, l-entrata 1(g) hija sostitwita b’dan li ġej:
Eżenzjoni |
Kamp ta’ applikazzjoni u dati tal-applikabbiltà |
|
“1(g) |
Għal finijiet ta’ tidwil ġenerali < 30 W b’tul tal-ħajja ta’ 20 000 siegħa jew iktar: 3,5 mg |
Tiskadi fl-24 ta’ Awwissu 2023” |