This document is an excerpt from the EUR-Lex website
Document 32022D1643
Council Decision (EU) 2022/1643 of 20 September 2022 on the signing, on behalf of the Union, of the Comprehensive Air Transport Agreement between the Member States of the Association of Southeast Asian Nations, and the European Union and its Member States
Deċiżjoni tal-Kunsill (UE) 2022/1643 tal-20 ta’ Settembru 2022 dwar l-iffirmar, f’isem l-Unjoni, tal-Ftehim Komprensiv dwar it-Trasport bl-Ajru bejn l-Istati Membri tal-Assoċjazzjoni tan-Nazzjonijiet tax-Xlokk tal-Asja, u l-Unjoni Ewropea u l-Istati Membri tagħha
Deċiżjoni tal-Kunsill (UE) 2022/1643 tal-20 ta’ Settembru 2022 dwar l-iffirmar, f’isem l-Unjoni, tal-Ftehim Komprensiv dwar it-Trasport bl-Ajru bejn l-Istati Membri tal-Assoċjazzjoni tan-Nazzjonijiet tax-Xlokk tal-Asja, u l-Unjoni Ewropea u l-Istati Membri tagħha
ST/8896/2022/INIT
ĠU L 248, 26.9.2022, p. 1–2
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 20/09/2022; Data ta' adozzjoni
- Date of effect:
- 20/09/2022; Dħul fis-seħħ Data tad-dokument Ara Art. 4
- Date of end of validity:
- No end date
- Author:
- Il-Kunsill tal-Unjoni Ewropea
- Form:
- Deċiżjoni
- Procedure number:
- Link
- European Parliament - Legislative observatory
- Treaty:
- Trattat dwar il-Funzjonament tal-Unjoni Ewropea
- Legal basis:
- Proposal:
-
- 52022PC0194 Adopted on: 20/09/2022
- Link
- Link
- Link
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Corrected by 32022D1643R(01) (HR) - Link
- EUROVOC descriptor:
- Subject matter:
- Directory code:
|
26.9.2022 |
MT |
Il-Ġurnal Uffiċjali tal-Unjoni Ewropea |
L 248/1 |
DEĊIŻJONI TAL-KUNSILL (UE) 2022/1643
tal-20 ta’ Settembru 2022
dwar l-iffirmar, f’isem l-Unjoni, tal-Ftehim Komprensiv dwar it-Trasport bl-Ajru bejn l-Istati Membri tal-Assoċjazzjoni tan-Nazzjonijiet tax-Xlokk tal-Asja, u l-Unjoni Ewropea u l-Istati Membri tagħha
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 100(2), flimkien mal-Artikolu 218(5), tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Fis-7 ta’ Ġunju 2016, il-Kunsill awtorizza l-ftuħ tan-negozjati mal-Istati Membri tal-Assoċjazzjoni tan-Nazzjonijiet tax-Xlokk tal-Asja (ASEAN) għal ftehim komprensiv dwar it-trasport bl-ajru. |
|
(2) |
Fis-26 ta’ Mejju 2020, il-Kunsill estenda b’sena l-awtorizzazzjoni tas-7 ta’ Ġunju 2016. |
|
(3) |
In-negozjati għall-Ftehim Komprensiv dwar it-Trasport bl-Ajru bejn l-Istati Membri tal-Assoċjazzjoni tan-Nazzjonijiet tax-Xlokk tal-Asja, u l-Unjoni Ewropea u l-Istati Membri tagħha (“il-Ftehim”) ġew konklużi b’suċċess fit-2 ta’ Ġunju 2021. |
|
(4) |
L-Istati Membri tal-ASEAN huma fost l-iktar ekonomiji li qed jikbru malajr fid-dinja, u s-swieq tagħhom għas-servizzi tal-ajru għandhom potenzjal qawwi għal iktar tkabbir. Il-Ftehim għandu l-għan b’mod partikolari li jiżgura kompetizzjoni ġusta, il-faċilitazzjoni tal-ftuħ gradwali tas-suq u żieda fl-aċċess għal rotot u għall-kapaċità bejn l-Unjoni u l-Istati Membri tal-ASEAN, biex b’hekk ikun ta’ benefiċċju għall-konsumaturi u għall-ekonomija. |
|
(5) |
Għalhekk, jenħtieġ li l-Ftehim jiġi ffirmat f’isem l-Unjoni. |
|
(6) |
L-iffirmar tal-Ftehim f’isem l-Unjoni ma jaffettwax l-allokazzjoni tal-kompetenzi bejn l-Unjoni u l-Istati Membri tagħha. Jenħtieġ li din id-Deċiżjoni ma tiġix interpretata bħala li tagħmel użu mill-possibbiltà li l-Unjoni teżerċita l-kompetenza esterna tagħha fir-rigward ta’ oqsma koperti mill-Ftehim li jaqgħu taħt il-kompetenza kondiviża sal-punt li tali kompetenza tkun għadha ma ġietx eżerċitata internament mill-Unjoni. |
|
(7) |
Sabiex il-Ftehim iwassal il-benefiċċji sħaħ tiegħu malajr kemm jista’ jkun, jenħtieġ li huwa jiġi konkluż b’mod rapidu. Għal dak l-għan, huwa previst li, fl-okkażjoni tal-iffirmar tal-Ftehim, l-Unjoni u l-Istati Membri tagħha u l-Istati Membri tal-Assoċjazzjonijiet tan-Nazzjonijiet tax-Xlokk tal-Asja jagħmlu dikjarazzjoni (“id-dikjarazzjoni mill-Partijiet”) li, f’konformità mal-liġijiet u r-regolamenti applikabbli tagħhom, se jieħdu l-passi kollha meħtieġa biex idaħħlu fis-seħħ il-Ftehim malajr kemm jista’ jkun. |
|
(8) |
Ir-rispons mhux koordinat tal-pajjiżi madwar id-dinja għall-pandemija tal-COVID-19 kien partikolarment ta’ tfixkil għall-industrija tal-avjazzjoni. Sabiex jiġi evitat tali tfixkil f’każ ta’ kriżijiet futuri, hemm bżonn koordinazzjoni aħjar bejn l-Unjoni u s-sħab internazzjonali ewlenin. Għalhekk, huwa previst li fl-okkażjoni tal-iffirmar tal-Ftehim, il-Partijiet jesprimu wkoll fid-dikjarazzjoni mill-Partijiet l-intenzjoni tagħhom li jibqa’ jkollhom diskussjonijiet u koordinazzjoni mill-qrib, fi ħdan il-qafas tal-Kumitat Konġunt previst skont il-Ftehim, dwar ir-risponsi għal avvenimenti ta’ kriżi mhux mistennija bħall-pandemija tal-COVID-19, bl-objettiv li jittaffew, sa fejn ikun possibbli, kwalunkwe effett ta’ tfixkil għas-servizzi tal-ajru. |
|
(9) |
Id-dikjarazzjoni mill-Partijiet jenġtieġ li tiġi approvata f’isem l-Unjoni. |
|
(10) |
Id-dikjarazzjoni mill-Partijiet, kif ukoll dikjarazzjoni mill-Istati Membri tal-Unjoni u l-Istati Membri tal-ASEAN bl-eċċezzjoni tal-Malasja u dikjarazzjoni mill-Malasja, ser jiġu kkumpilati f’Reġistru ta’ Dikjarazzjonijiet li jsiru fl-okkażjoni tal-iffirmar tal-Ftehim Komprensiv dwar it-Trasport bl-Ajru ASEAN-UE (“ir-Reġistru tad-Dikjarazzjonijiet”). Jenħtieġ li jiġi awtorizzat l-iffirmar, f’isem l-Unjoni, tar-Reġistru tad-Dikjarazzjonijiet, |
ADOTTA DIN ID-DEĊIŻJONI:
Artikolu 1
L-iffirmar, f’isem l-Unjoni, tal-Ftehim Komprensiv dwar it-Trasport bl-Ajru bejn l-Istati Membri tal-Assoċjazzjoni tan-Nazzjonijiet tax-Xlokk tal-Asja, u l-Unjoni Ewropea u l-Istati Membri tagħha, huwa b’dan awtorizzat, soġġett għall-konklużjoni ta’ dan il-Ftehim (1).
Artikolu 2
Id-Dikjarazzjoni mill-Istati Membri tal-Assoċjazzjoni tan-Nazzjonijiet tax-Xlokk tal-Asja u mill-Unjoni Ewropea u l-Istati Membri tagħha (2) hija b’dan approvat f’isem l-Unjoni.
L-iffirmar, f’isem l-Unjoni, tar-Reġistru tad-Dikjarazzjonijiet magħmula fl-okkażjoni tal-iffirmar tal-Ftehim Komprensiv dwar it-Trasport bl-Ajru ASEAN-UE, huwa b’dan awtorizzat (3).
Artikolu 3
Il-President tal-Kunsill huwa b’dan awtorizzat li jinnomina l-persuna jew il-persuni bis-setgħa li jiffirmaw il-Ftehim f’isem l-Unjoni.
Il-President tal-Kunsill huwa b’dan awtorizzat li jinnomina l-persuna jew il-persuni bis-setgħa li jiffirmaw ir-Reġistru tad-Dikjarazzjonijiet f’isem l-Unjoni.
Artikolu 4
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-20 ta’ Settembru 2022.
Għall-Kunsill
Il-President
M. BEK
(1) It-test tal-Ftehim ser jiġi ppubblikat flimkien mad-Deċiżjoni tal-konklużjoni tiegħu.
(2) It-test tad-Dikjarazzjoni ser jiġi ppubblikat flimkien mal-Ftehim.
(3) It-test tar-Reġistru tad-Dikjarazzjonijiet ser jiġi ppubblikat flimkien mal-Ftehim.
