Tämä asiakirja on ote EUR-Lex-verkkosivustolta
Asiakirja 32022D1488
Commission Implementing Decision (EU) 2022/1488 of 7 September 2022 postponing the expiry date of the approval of K-HDO for use in biocidal products of product-type 8 in accordance with Regulation (EU) No 528/2012 of the European Parliament and of the Council (Text with EEA relevance)
Deċiżjoni ta’ Implimentazzjoni tal-Kummissjoni (UE) 2022/1488 tas-7 ta’ Settembru 2022 li tipposponi d-data tal-iskadenza tal-approvazzjoni tal-K-HDO għall-użu fil-prodotti bijoċidali tat-tip ta’ prodott 8 f’konformità mar-Regolament (UE) Nru 528/2012 tal-Parlament Ewropew u tal-Kunsill (Test b’rilevanza għaż-ŻEE)
Deċiżjoni ta’ Implimentazzjoni tal-Kummissjoni (UE) 2022/1488 tas-7 ta’ Settembru 2022 li tipposponi d-data tal-iskadenza tal-approvazzjoni tal-K-HDO għall-użu fil-prodotti bijoċidali tat-tip ta’ prodott 8 f’konformità mar-Regolament (UE) Nru 528/2012 tal-Parlament Ewropew u tal-Kunsill (Test b’rilevanza għaż-ŻEE)
C/2022/6270
ĠU L 233, 8.9.2022, s. 87—88
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Voimassa
- Asiakirjan päivämäärä:
- 07/09/2022; Data ta' adozzjoni
- Voimaantulopäivämäärä:
- 28/09/2022; Dħul fis-seħħ Data tal-pubblikazzjoni +20 Ara Art. 2
- Voimassaolon päättymispäivämäärä:
- Ei päättymispäivää
- Laatija:
- Il-Kummissjoni Ewropea, Direttorat Ġenerali għas-Saħħa u s-Sikurezza Alimentari
- Vastaava pääosasto:
- Terveyden ja elintarviketurvallisuuden pääosasto, SANTE
- Oikeudellinen muoto:
- Deċiżjoni implimentattiva
- Lisätietoja:
- Rilevanza għaż-ŻEE
- Perussopimus:
- Trattat dwar il-Funzjonament tal-Unjoni Ewropea
- Oikeusperusta:
-
- 32012R0528 - A14P5
- Linkki
- Linkki
- Linkki
- Kaikki tähän asiakirjaan viittaavat asiakirjat Taulukossa ei ole tietoja
- Muuttaa säädöksiä:
-
Suhde Säädös Kommentti Osa, jota muutos koskee Alkaen Päättyen Muutos 32019D1950 Sostituzzjoni artikolu 1 Test 28/09/2022 - Mainitut välineet:
- Linkki
- Eurovoc-asiasana:
- Aihe:
- Luokkanumero:
|
8.9.2022 |
MT |
Il-Ġurnal Uffiċjali tal-Unjoni Ewropea |
L 233/87 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2022/1488
tas-7 ta’ Settembru 2022
li tipposponi d-data tal-iskadenza tal-approvazzjoni tal-K-HDO għall-użu fil-prodotti bijoċidali tat-tip ta’ prodott 8 f’konformità mar-Regolament (UE) Nru 528/2012 tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari l-Artikolu 14(5) tiegħu,
Wara li kkonsultat il-Kumitat Permanenti dwar il-Prodotti Bijoċidali,
Billi:
|
(1) |
Il-K-DHO ġie inkluż fl-Anness I tad-Direttiva 98/8/KE tal-Parlament Ewropew u tal-Kunsill (2) bħala sustanza attiva għall-użu fil-prodotti bijoċidali tat-tip ta’ prodott 8. Skont l-Artikolu 86 tar-Regolament (UE) Nru 528/2012, għaldaqstant ġie kkunsidrat bħala approvat skont dak ir-Regolament sat-30 ta’ Ġunju 2020 soġġett għar-rekwiżiti stabbiliti fl-Anness I tad-Direttiva 98/8/KE. |
|
(2) |
Fl-14 ta’ Diċembru 2018, tressqet applikazzjoni f’konformità mal-Artikolu 13(1) tar-Regolament (UE) Nru 528/2012 għat-tiġdid tal-approvazzjoni tal-K-DHO għall-użu fil-prodotti bijoċidali tat-tip ta’ prodott 8 (“l-applikazzjoni”). |
|
(3) |
Fis-6 ta’ Mejju 2019, l-awtorità kompetenti tal-evalwazzjoni tal-Awstrija infurmat lill-Kummissjoni li kienet iddeċidiet, skont l-Artikolu 14(1) tar-Regolament (UE) Nru 528/2012, li kienet meħtieġa evalwazzjoni sħiħa tal-applikazzjoni. Skont l-Artikolu 8(1) ta’ dak ir-Regolament, l-awtorità kompetenti tal-evalwazzjoni għandha twettaq evalwazzjoni sħiħa tal-applikazzjoni fi żmien 365 jum mill-validazzjoni tagħha. |
|
(4) |
L-awtorità kompetenti tal-evalwazzjoni tista’, skont kif ikun xieraq, tirrikjedi lill-applikant jipprovdi biżżejjed data biex titwettaq l-evalwazzjoni, f’konformità mal-Artikolu 8(2) tar-Regolament (UE) Nru 528/2012. F’dak il-każ, il-perjodu ta’ 365 jum jiġi sospiż għal perjodu li ma jistax jisboq il-180 jum b’kollox sakemm ma tkunx iġġustifikata sospensjoni itwal min-natura tad-data rikjesta jew minħabba ċirkostanzi eċċezzjonali. |
|
(5) |
Fi żmien 270 jum mill-wasla ta’ rakkomandazzjoni mill-awtorità kompetenti tal-evalwazzjoni, l-Aġenzija Ewropea għas-Sustanzi Kimiċi (“l-Aġenzija”) għandha tħejji u tibgħat lill-Kummissjoni opinjoni dwar it-tiġdid tal-approvazzjoni tas-sustanza attiva f’konformità mal-Artikolu 14(3) tar-Regolament (UE) Nru 528/2012. |
|
(6) |
Id-Deċiżjoni ta’ Implimentazzjoni tal-Kummissjoni (UE) 2019/1950 (3) ipposponiet id-data tal-iskadenza tal-approvazzjoni tal-K-DHO għall-użu fil-prodotti bijoċidali tat-tip ta’ prodott 8 sal-31 ta’ Diċembru 2022 sabiex ikun hemm biżżejjed żmien għall-eżami tal-applikazzjoni. |
|
(7) |
Fil-11 ta’ April 2022, l-awtorità kompetenti tal-evalwazzjoni infurmat lill-Kummissjoni li l-evalwazzjoni se tiddewwem minħabba li huma meħtieġa studji biex jevalwaw il-kriterji għad-determinazjzoni tal-proprjetajiet li jfixklu s-sistema endokrinali tal-K-DHO. L-awtorità kompetenti tal-evalwazzjoni tistenna li tibgħat ir-rapport ta’ valutazzjoni tat-tiġdid lill-Aġenzija fl-ewwel tliet xhur tal-2025. |
|
(8) |
Konsegwentement, minħabba raġunijiet lil hinn mill-kontroll tal-applikant, l-approvazzjoni aktarx tiskadi qabel ma tkun ittieħdet deċiżjoni dwar it-tiġdid tagħha. Għalhekk, jixraq li d-data tal-iskadenza tal-approvazzjoni tiġi posposta għal perjodu twil biżżejjed biex ikun jista’ jsir l-eżami tal-applikazzjoni. Wara li tqiesu l-limiti ta’ żmien għall-evalwazzjonijiet mill-awtorità kompetenti għall-evalwazzjoni, għat-tħejjija u s-sottomissjoni mill-Aġenzija tal-opinjoni tagħha u biex il-Kummissjoni tiddeċiedi jekk iġġeddidx l-approvazzjoni tal-K-DHO għall-użu fi prodotti bijoċidali tat-tip ta’ prodott 8, jenħtieġ li d-data tal-iskadenza tiġi posposta għall-31 ta’ Diċembru 2026. |
|
(9) |
Wara l-posponiment tad-data tal-iskadenza tal-approvazzjoni, il-K-DHO jibqa’ approvat għall-użu fil-prodotti bijoċidali tat-tip ta’ prodott 8 soġġett għar-rekwiżiti stabbiliti fl-Anness I tad-Direttiva 98/8/KE, |
ADOTTAT DIN ID-DEĊIŻJONI:
Artikolu 1
Id-data tal-iskadenza tal-approvazzjoni tal-K-DHO għall-użu fil-prodotti bijoċidali tat-tip ta’ prodott 8 stabbilita fid-Deċiżjoni ta’ Implimentazzjoni (UE) 2019/1950 hija posposta għall-31 ta’ Diċembru 2026.
Artikolu 2
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-7 ta’ Settembru 2022.
Għall-Kummissjoni
Il-President
Ursula VON DER LEYEN
(1) ĠU L 167, 27.6.2012, p. 1.
(2) Id-Direttiva 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tqegħid fis-suq tal-prodotti bijoċidali (ĠU L 123, 24.4.1998, p. 1).
(3) Id-Deċiżjoni ta’ Implimentazzjoni tal-Kummissjoni (UE) 2019/1950 tal-25 ta’ Novembru 2019 li tipposponi d-data tal-iskadenza tal-approvazzjoni tal-K-HDO għall-użu fi prodotti bijoċidali tat-tip ta’ prodott 8 (ĠU L 304, 26.11.2019, p. 19).
