This document is an excerpt from the EUR-Lex website
Document 32022D0735
Council Decision (CFSP) 2022/735 of 12 May 2022 amending Decision (CFSP) 2021/1200 in order to bring forward the end of the term of office of the current Chairman of the Military Committee of the European Union and to bring forward the appointment of the next Chairman of the Military Committee of the European Union
Deċiżjoni tal-Kunsill (PESK) 2022/735 tal-12 ta’ Mejju 2022 li temenda d-Deċiżjoni (PESK) 2021/1200 sabiex jitmexxa ’l quddiem it-tmiem tal-mandat tal-President attwali tal-Kumitat Militari tal-Unjoni Ewropea u biex titmexxa ’l quddiem il-ħatra tal-President li jmiss tal-Kumitat Militari tal-Unjoni Ewropea
Deċiżjoni tal-Kunsill (PESK) 2022/735 tal-12 ta’ Mejju 2022 li temenda d-Deċiżjoni (PESK) 2021/1200 sabiex jitmexxa ’l quddiem it-tmiem tal-mandat tal-President attwali tal-Kumitat Militari tal-Unjoni Ewropea u biex titmexxa ’l quddiem il-ħatra tal-President li jmiss tal-Kumitat Militari tal-Unjoni Ewropea
ST/8471/2022/INIT
ĠU L 136, 13.5.2022, p. 106–107
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 12/05/2022; Data ta' adozzjoni
- Date of effect:
- 12/05/2022; Dħul fis-seħħ Data tad-dokument Ara Art. 2
- Date of end of validity:
- No end date
- Author:
- Il-Kunsill tal-Unjoni Ewropea
- Form:
- Deċiżjoni
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 12016E240
- 32001D0079 - A03
- Link
- Link
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32021D1200 Sostituzzjoni artikolu 1 12/05/2022 Modifies 32021D1200 Sostituzzjoni artikolu 2 12/05/2022 - Instruments cited:
- Link
- EUROVOC descriptor:
- Subject matter:
- Directory code:
|
13.5.2022 |
MT |
Il-Ġurnal Uffiċjali tal-Unjoni Ewropea |
L 136/106 |
DEĊIŻJONI TAL-KUNSILL (PESK) 2022/735
tal-12 ta’ Mejju 2022
li temenda d-Deċiżjoni (PESK) 2021/1200 sabiex jitmexxa ’l quddiem it-tmiem tal-mandat tal-President attwali tal-Kumitat Militari tal-Unjoni Ewropea u biex titmexxa ’l quddiem il-ħatra tal-President li jmiss tal-Kumitat Militari tal-Unjoni Ewropea
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 240 tiegħu,
Wara li kkunsidra d-Deċiżjoni tal-Kunsill 2001/79/PESK tat-22 ta’ Jannar 2001 li tistabbilixxi l-Kumitat Militari tal-Unjoni Ewropea (1), u b’mod partikolari l-Artikolu 3 tagħha,
Billi:
|
(1) |
Skont l-Artikolu 3(1) tad-Deċiżjoni 2001/79/PESK, il-President tal-Kumitat Militari tal-Unjoni Ewropea (“il-Kumitat Militari”) għandu jinħatar mill-Kunsill fuq ir-rakkomandazzjoni tal-Kumitat Militari mlaqqa’ fil-livell tal-Kapijiet tad-Difiża. Skont l-Artikolu 3(2) ta’ dik id-Deċiżjoni, il-mandat tal-President tal-Kumitat Militari huwa ta’ tliet snin, sakemm il-Kunsill ma jiddeċidix mod ieħor. |
|
(2) |
Permezz tad-Deċiżjoni (PESK) 2018/297 (2), il-Kunsill ħatar lill-Ġeneral Claudio GRAZIANO bħala President tal-Kumitat Militari għal perijodu ta’ tliet snin u nofs, mis-6 ta’ Novembru 2018. Permezz tad-Deċiżjoni (PESK) 2021/1200 (3), il-Kunsill estenda l-mandat tal-Ġeneral Claudio GRAZIANO bħala President tal-Kumitat Militari sal-31 ta’ Mejju 2022. |
|
(3) |
Fil-laqgħa tiegħu tad-19 ta’ Mejju 2021, il-Kumitat Militari mlaqqa’ fil-livell tal-Kapijiet tad-Difiża rrakkomanda li l-Ġeneral Robert BRIEGER jinħatar President tal-Kumitat Militari, bħala s-suċċessur tal-Ġeneral Claudio GRAZIANO, għal perjodu ta’ tliet snin. |
|
(4) |
Permezz tad-Deċiżjoni (PESK) 2021/1200, il-Kunsill ħatar lill-Ġeneral Robert BRIEGER President tal-Kumitat Militari mill-1 ta’ Ġunju 2022 sal-31 ta’ Mejju 2025. |
|
(5) |
Fil-25 ta’ April 2022, il-Ġeneral Claudio GRAZIANO informa lill-Coreper li huwa għandu jieqaf mid-dmirijiet tiegħu bħala President tal-Kumitat Militari fil-15 ta’ Mejju 2022. |
|
(6) |
Għalhekk jenħtieġ li t-tmiem tal-mandat tal-Ġeneral Claudio GRAZIANO bħala President tal-Kumitat Militari jitmexxa ’l quddiem għall-15 ta’ Mejju 2022, u l-ħatra tal-Ġeneral Robert BRIEGER bħala President tal-Kumitat Militari jenħtieġ li titmexxa ’l quddiem għas-16 ta’ Mejju 2022. |
|
(7) |
Għalhekk id-Deċiżjoni (PESK) 2021/1200 jenħtieġ li tiġi emendata skont dan, |
ADOTTA DIN ID-DEĊIŻJONI:
Artikolu 1
Id-Deċiżjoni (PESK) 2021/1200 hija emendata kif ġej:
|
(1) |
L-Artikolu 1 huwa sostitwit b’dan li ġej: “Artikolu 1 Il-mandat tal-Ġeneral Claudio GRAZIANO bħala President tal-Kumitat Militari tal-Unjoni Ewropea huwa b’dan estiż sal-15 ta’ Mejju 2022.”. |
|
(2) |
L-Artikolu 2 huwa sostitwit b’dan li ġej: “Artikolu 2 Il-Ġeneral Robert BRIEGER huwa b’dan maħtur President tal-Kumitat Militari tal-Unjoni Ewropea mis-16 ta’ Mejju 2022 sal-31 ta’ Mejju 2025.”. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-12 ta’ Mejju 2022.
Għall-Kunsill
Il-President
J.-Y. LE DRIAN
(2) Id-Deċiżjoni tal-Kunsill (PESK) 2018/297 tal-20 ta’ Frar 2018 li taħtar il-President tal-Kumitat Militari tal-Unjoni Ewropea (ĠU L 56, 28.2.2018, p. 33).
(3) Id-Deċiżjoni tal-Kunsill (PESK) 2021/1200 tad-19 ta’ Lulju 2021 li testendi l-mandat tal-President tal-Kumitat Militari tal-Unjoni Ewropea u li taħtar il-President li jmiss tal-Kumitat Militari tal-Unjoni Ewropea (ĠU L 259, 21.7.2021, p. 6).
