This document is an excerpt from the EUR-Lex website
Document 32021R0807
Commission Delegated Regulation (EU) 2021/807 of 10 March 2021 amending Regulation (EU) No 528/2012 of the European Parliament and of the Council to include potassium sorbate as an active substance in Annex I thereto (Text with EEA relevance)
Regolament Delegat tal-Kummissjoni (UE) 2021/807 tal-10 ta’ Marzu 2021 li jemenda r-Regolament (UE) Nru 528/2012 tal-Parlament Ewropew u tal-Kunsill biex is-sorbat tal-potassju jkun inkluż bħala sustanza attiva fl-Anness I tiegħu (Test b’rilevanza għaż-ŻEE)
Regolament Delegat tal-Kummissjoni (UE) 2021/807 tal-10 ta’ Marzu 2021 li jemenda r-Regolament (UE) Nru 528/2012 tal-Parlament Ewropew u tal-Kunsill biex is-sorbat tal-potassju jkun inkluż bħala sustanza attiva fl-Anness I tiegħu (Test b’rilevanza għaż-ŻEE)
C/2021/1513
ĠU L 180, 21.5.2021, p. 81–83
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32012R0528 | Żieda | anness I Test | 10/06/2021 |
21.5.2021 |
MT |
Il-Ġurnal Uffiċjali tal-Unjoni Ewropea |
L 180/81 |
REGOLAMENT DELEGAT TAL-KUMMISSJONI (UE) 2021/807
tal-10 ta’ Marzu 2021
li jemenda r-Regolament (UE) Nru 528/2012 tal-Parlament Ewropew u tal-Kunsill biex is-sorbat tal-potassju jkun inkluż bħala sustanza attiva fl-Anness I tiegħu
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari l-Artikolu 28(1) tiegħu,
Billi:
(1) |
L-(E,E)-eża-2,4-dienoat tal-potassju (sorbat tal-potassju) ġie vvalutat bħala sustanza attiva eżistenti inkluża fil-programm ta’ ħidma għall-eżami sistematiku tas-sustanzi attivi eżistenti kollha, imsemmi fl-Artikolu 89(1) tar-Regolament (UE) Nru 528/2012 u mwettaq f’konformità mar-Regolament ta’ Delega tal-Kummissjoni (UE) Nru 1062/2014 (2). |
(2) |
Fl-4 ta’ Diċembru 2014, il-Kumitat dwar il-Prodotti Bijoċidali (3) adotta l-opinjoni tal-Aġenzija Ewropea għas-Sustanzi Kimiċi (“l-Aġenzija”) f’konformità mal-Artikolu 7(2) tar-Regolament ta’ Delega (UE) Nru 1062/2014, wara li tqiesu l-konklużjonijiet tal-awtorità kompetenti tal-evalwazzjoni. Billi l-evalwazzjoni tal-awtorità kompetenti tlestiet fl-20 ta’ Ottubru 2010, l-applikazzjoni għall-approvazzjoni tas-sorbat tal-potassju ġiet eżaminata f’konformità mad-Direttiva 98/8/KE tal-Parlament Ewropew u tal-Kunsill (4), kif previst fl-Artikolu 90(2) tar-Regolament (UE) Nru 528/2012, u l-Aġenzija kkonkludiet fl-opinjoni tagħha li l-prodotti bijoċidali tal-prodotti tat-tip 8 li jkun fihom is-sorbat tal-potassju jistgħu jkunu mistennija li jissodisfaw ir-rekwiżiti tal-Artikolu 5 tad-Direttiva 98/8/KE. |
(3) |
Għaldaqstant, is-sorbat tal-potassju ġie approvat bħala sustanza attiva għall-użu fil-prodotti bijoċidali tal-prodotti tat-tip 8 bir-Regolament ta’ Implimentazzjoni tal-Kummissjoni (UE) 2015/1729 (5). |
(4) |
Is-sorbat tal-potassju għadu inkluż fil-programm ta’ ħidma għall-eżami sistematiku tas-sustanzi attivi eżistenti kollha għall-użu tiegħu fil-prodotti bijoċidali tal-prodotti tat-tip 6. |
(5) |
Fl-opinjoni tal-4 ta’ Diċembru 2014, l-Aġenzija kkonkludiet ukoll li s-sorbat tal-potassju jissodisfa l-kriterji għall-inklużjoni fl-Anness I tar-Regolament (UE) Nru 528/2012. |
(6) |
Filwaqt li titqies l-opinjoni tal-Aġenzija, huwa xieraq li s-sorbat tal-potassju jkun inkluż fl-Anness I tar-Regolament (UE) Nru 528/2012. Billi s-sorbat tal-potassju ġie vvalutat abbażi ta’ dossier tas-sustanza attiva li ġie aċċettat f’konformità mal-Artikolu 11(1) tad-Direttiva 98/8/KE, jenħtieġ li s-sorbat tal-potassju jkun inkluż fil-kategorija 6 tal-Anness I tar-Regolament (UE) Nru 528/2012. |
(7) |
L-Artikolu 89(3) tar-Regolament (UE) Nru 528/2012 fih miżuri tranżizzjonali fejn sustanza attiva eżistenti inkluża fil-programm ta’ ħidma għall-eżami sistematiku ta’ sustanzi attivi eżistenti tiġi approvata f’konformità ma’ dak ir-Regolament. Fir-rigward tas-sorbat tal-potassju għall-prodotti tat-tip 6, id-data tal-approvazzjoni għall-finijiet tal-Artikolu 89(3) ta’ dak ir-Regolament jenħtieġ li tiġi stabbilita għall-1 ta’ Frar 2023, sabiex ikun hemm biżżejjed żmien biex l-applikazzjonijiet għall-awtorizzazzjoni jitressqu f’konformità mat-tieni subparagrafu tal-Artikolu 89(3) ta’ dak ir-Regolament, |
ADOTTAT DAN IR-REGOLAMENT:
Artikolu 1
L-Anness I tar-Regolament (UE) Nru 528/2012 huwa emendat f’konformità mal-Anness ta’ dan ir-Regolament.
Artikolu 2
Għall-finijiet tal-Artikolu 89(3) tar-Regolament (UE) Nru 528/2012, id-data tal-approvazzjoni tas-sorbat tal-potassju għall-prodotti tat-tip 6 hija l-1 ta’ Frar 2023.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta’ Marzu 2021.
Għall-Kummissjoni
Il-President
Ursula VON DER LEYEN
(1) ĠU L 167, 27.6.2012, p. 1.
(2) Ir-Regolament ta’ Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).
(3) L-Opinjoni tal-Kumitat dwar il-Prodotti Bijoċidali dwar l-applikazzjoni għall-approvazzjoni tas-sustanza attiva: Sorbat tal-potassju, Tip ta’ prodott: 8, ECHA/BPC/37/2014, adottata fl-4 ta’ Diċembru 2014.
(4) Id-Direttiva 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tqegћid fis-suq tal-prodotti bijoċidali (ĠU L 123, 24.4.1998, p. 1).
(5) Ir-Regolament ta’ Implimentazzjoni tal-Kummissjoni (UE) 2015/1729 tat-28 ta’ Settembru 2015 li japprova s-sorbat tal-potassju bħala sustanza attiva eżistenti għall-użu fil-prodotti bijoċidali għall-prodotti tat-tip 8 (ĠU L 252, 29.9.2015, p. 24).
ANNESS
Fl-Anness I tar-Regolament (UE) Nru 528/2012, fil-Kategorija 6 tal-Lista tas-sustanzi attivi msemmija fl-Artikolu 25(a), tiżdied l-entrata li ġejja:
Numru KE |
Isem/Grupp |
Restrizzjoni |
Kumment |
“246-376-1 |
(E,E)-eża-2,4-dienoat tal-potassju (sorbat tal-potassju) (*1) |
Grad minimu ta’ purità tas-sustanza attiva (*2): 990 g/kg |
Nru CAS 24634-61-5 |
(*1) Id-data tal-approvazzjoni tas-sorbat tal-potassju għall-prodotti tat-tip 6 għall-finijiet tal-Artikolu 89(3) hija l-1 ta’ Frar 2023.
(*2) Il-purità indikata f’din il-kolonna kienet il-grad minimu ta’ purità tas-sustanza attiva evalwata. Is-sustanza attiva fil-prodott imqiegħed fis-suq jista’ jkollha l-istess purità jew purità differenti jekk ikun intwera li teknikament din tkun ekwivalenti għas-sustanza attiva evalwata.”.