EUR-Lex Access to European Union law
This document is an excerpt from the EUR-Lex website
Document 32021D1345
Council Decision (EU) 2021/1345 of 28 June 2021 authorising the opening of negotiations with Argentina, Australia, Canada, Costa Rica, India, Israel, Japan, New Zealand, South Korea, Tunisia and the United States with a view to concluding agreements on trade in organic products
Deċiżjoni tal-Kunsill (UE) 2021/1345 tat-28 ta’ Ġunju 2021 li tawtorizza l-ftuħ ta’ negozjati mal-Arġentina, l-Awstralja, il-Kanada, il-Costa Rica, l-Indja, Iżrael, il-Ġappun, New Zealand, il-Korea t’Isfel, it-Tuneżija u l-Istati Uniti bil-ħsieb li jiġu konklużi ftehimiet dwar il-kummerċ ta’ prodotti organiċi
Deċiżjoni tal-Kunsill (UE) 2021/1345 tat-28 ta’ Ġunju 2021 li tawtorizza l-ftuħ ta’ negozjati mal-Arġentina, l-Awstralja, il-Kanada, il-Costa Rica, l-Indja, Iżrael, il-Ġappun, New Zealand, il-Korea t’Isfel, it-Tuneżija u l-Istati Uniti bil-ħsieb li jiġu konklużi ftehimiet dwar il-kummerċ ta’ prodotti organiċi
ST/9513/2021/INIT
ĠU L 306, 31.8.2021, p. 2–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 01/12/2022
- Date of document:
- 28/06/2021; Data ta' adozzjoni
- Date of effect:
- 31/08/2021; Jidħol fis-seħħ Data tan-notifika
- Date of notification:
- 31/08/2021; L-att ġie nnotifikat iżda d-data tan-notifika mhix disponibbli fil-EUR-Lex – minflok hi użata d-data tal-pubblikazzjoni
- Date of end of validity:
- No end date
- Author:
- Il-Kunsill tal-Unjoni Ewropea
- Form:
- Deċiżjoni
- Addressee:
- Kummissjoni
- Treaty:
- Trattat dwar il-Funzjonament tal-Unjoni Ewropea
- Legal basis:
- Link
- Link
- Link
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Modified by 32022D2341 Sostituzzjoni anness 23/11/2022 Modified by 32022D2341 Sostituzzjoni titolu 23/11/2022 Modified by 32022D2341 Sostituzzjoni artikolu 1 paragrafu 1 23/11/2022 - Subsequent related instruments:
-
- Amendment proposed by 52022PC0464
- Instruments cited:
- Link
- Related document(s):
-
- 52021PC0259 Relation
- EUROVOC descriptor:
- Subject matter:
- Directory code:
-
- 03.80.00.00 Agrikoltura / Ftehimiet ma’ pajjiżi terzi
- 11.40.00.00 Relazzjonijiet esterni / Ftehimiet bilaterali ma’ pajjiżi li mhumiex membri
|
31.8.2021 |
MT |
Il-Ġurnal Uffiċjali tal-Unjoni Ewropea |
L 306/2 |
DEĊIŻJONI TAL-KUNSILL (UE) 2021/1345
tat-28 ta’ Ġunju 2021
li tawtorizza l-ftuħ ta’ negozjati mal-Arġentina, l-Awstralja, il-Kanada, il-Costa Rica, l-Indja, Iżrael, il-Ġappun, New Zealand, il-Korea t’Isfel, it-Tuneżija u l-Istati Uniti bil-ħsieb li jiġu konklużi ftehimiet dwar il-kummerċ ta’ prodotti organiċi
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(4), l-ewwel subparagrafu, flimkien mal-Artikolu 218(3) u (4) tiegħu,
Wara li kkunsidra r-rakkomandazzjoni mill-Kummissjoni Ewropea,
Billi:
|
(1) |
Ir-Regolament (UE) 2018/848 tal-Parlament Ewropew u tal-Kunsill (1) jistabbilixxi l-possibbiltà li jingħata aċċess għas-suq tal-Unjoni għal prodotti organiċi minn pajjiżi terzi li jkunu ġew rikonoxxuti fi ftehim kummerċjali li għandhom sistema ta’ produzzjoni li tissodisfa l-istess objettivi u prinċipji billi jiġu applikati regoli li jiżguraw l-istess livell ta’ assigurazzjoni tal-konformità ta’ dawk tal-Unjoni. |
|
(2) |
F’konformità mar-Regolament (UE) 2018/848, ir-rikonoxximent ta’ pajjiżi terzi għall-fini tal-ekwivalenza ta’ pajjiżi terzi abbażi tar-Regolament tal-Kunsill (KE) Nru 834/2007 (2) ser jiskadi fil-31 ta’ Diċembru 2026. Għaldaqstant jeħtieġ li jinfetħu n-negozjati biex jiġu konklużi ftehimiet dwar il-kummerċ ta’ prodotti organiċi ma’ ċerti pajjiżi terzi kkonċernati. |
|
(3) |
F’konformità mar-Regolament (KE) Nru 834/2007, il-Kummissjoni stabbilixxiet lista ta’ pajjiżi terzi rikonoxxuti fl-Anness III għar-Regolament tal-Kummissjoni (KE) Nru 1235/2008 (3). |
|
(4) |
Il-kummerċ ta’ prodotti organiċi bejn l-Unjoni u l-Iżvizzera huwa kopert fil-Ftehim bejn il-Komunità Ewropea u l-Konfederazzjoni Żvizzera dwar kummerċ fi prodotti agrikoli (4) (“il-Fethim mal-Iżvizzera”). L-Iżvizzera ġiet elenkata fl-Anness III tar-Regolament (KE) Nru 1235/2008 għall-fini ta’ trasparenza. Il-Ftehim mal-Iżvizzera jipprevedi mekkaniżmu għall-aġġornament tal-ftehim f’każ li jsiru bidliet fil-liġijiet u fir-regolamenti ta’ xi waħda mill-partijiet. Għaldaqstant mhuwiex meħtieġ li jinfetħu n-negozjati mal-Iżvizzera. |
|
(5) |
Iċ-Ċilì huwa rikonoxxut bħala pajjiż terz ekwivalenti permezz tal-Ftehim bejn l-Unjoni Ewropea u r-Repubblika taċ-Ċilì dwar il-kummerċ ta’ prodotti organiċi (5) (“il-Fethim maċ-Ċilì”). Iċ-Ċilì ġiet elenkat fl-Anness III tar-Regolament (KE) Nru 1235/2008 għall-fini ta’ ċarezza. Il-Ftehim maċ-Ċilì jipprevedi l-possibbiltà li r-rikonoxximent jiġi addattat f’każ li jsiru bidliet fil-liġijiet u fir-regolamenti ta’ xi waħda mill-partijiet. Għaldaqstant mhuwiex meħtieġ li jinfetħu n-negozjati maċ-Ċilì. |
|
(6) |
Il-Ftehim ta’ Kummerċ u Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa, u r-Renju Unit tal-Gran Brittanja u l-Irlanda ta’ Fuq, min-naħa l-oħra (6), stabbilixxa r-rikonoxximent reċiproku tal-ekwivalenza tal-liġijiet u r-regolamenti attwali dwar il- prodotti organiċi u r-rikonoxximent tas-sistemi ta’ kontroll taż-żewġ partijiet fil-Ftehim. L- Anness 14 ta’ dak ilk-Ftehim dwar il-prodotti organiċi jipprevedi li, minħabba l-fatt li r-Regolament (UE) 2018/848 irid japplika mill-1 ta’ Jannar 2022, ir-rikonoxximent tal-ekwivalenza irid jerġa’ jiġi vvalutat minn kull Parti sal-31 ta’ Diċembru 2023. Għaldaqstant mhuwiex meħtieġ li jinfetħu n-negozjati mar-Renju Unit. |
|
(7) |
Għalhekk jenħtieġ li jinfetħu n-negozjati mal-Arġentina, mal-Awstralja, mal-Kanada, mal-Costa Rica, mal-Indja, ma’ Iżrael, mal-Ġappun, ma’ New Zealand, mal-Korea t’Isfel, mat-Tuneżija u mal-Istati Uniti bil-ħsieb li jiġu konklużi ftehimiet dwar il-kummerċ ta’ prodotti organiċi. |
|
(8) |
Biex l-Unjoni tkun tista’ tkompli timxi bir-relazzjonijiet reċiproċi ma’ pajjiżi terzi fir-rigward tal-kummerċ ta’ prodotti organiċi, jixraq li jiġu stabbiliti d-direttivi għan-negozjar ta’ ftehimiet li jippermettu lill-Unjoni u lill-pajjiż terz ikkonċernat jirrikonoxxu l-ekwivalenza tal-istandards tas-sistemi tal-produzzjoni organika u tas-sistemi tal-kontrolli tagħhom, |
ADOTTA DIN ID-DEĊIŻJONI:
Artikolu 1
1. B’dan, il-Kummissjoni hija awtorizzata li tiftaħ negozjati mal-Arġentina, mal-Awstralja, mal-Kanada, mal-Costa Rica, mal-Indja, ma’ Iżrael, mal-Ġappun, ma’ New Zealand, mal-Korea t’Isfel, mat-Tuneżija u mal-Istati Uniti bil-ħsieb li jiġu konklużi ftehimiet dwar il-kummerċ ta’ prodotti organiċi.
2. In-negozjati għandhom jitmexxew abbażi tad-direttivi ta’ negozjati tal-Kunsill stipulati fl-Addendum għal din id-Deċiżjoni.
Artikolu 2
In-negozjati għandhom isiru b’konsultazzjoni mal-Kumitat Speċjali dwar l-Agrikoltura.
Artikolu 3
Din id-Deċiżjoni hija indirizzata lill-Kummissjoni.
Magħmul fil-Lussemburgu, it-28 ta’ Ġunju 2021.
Għall-Kunsill
Il-President
M. do C. ANTUNES
(1) Ir-Regolament (UE) 2018/848 tal-Parlament Ewropew u tal-Kunsill tat-30 ta’ Mejju 2018 dwar il-produzzjoni organika u t-tikkettar ta’ prodotti organiċi u li jħassar ir-Regolament tal-Kunsill (KE) Nru 834/2007 (ĠU L 150, 14.6.2018, p. 1).
(2) Ir-Regolament tal-Kunsill (KE) Nru 834/2007 tat-28 ta’ Ġunju 2007 dwar il-produzzjoni organika u t-tikkettar ta’ prodotti organiċi u li jħassar ir-Regolament (KEE) Nru 2092/91 (ĠU L 189, 20.7.2007, p. 1).
(3) Ir-Regolament tal-Kummissjoni (KE) Nru 1235/2008 tat-8 ta’ Diċembru 2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta’ prodotti organiċi minn pajjiżi terzi (ĠU L 334, 12.12.2008, p. 25).
(4) ĠU L 114, 30.4.2002, p. 132.
