This document is an excerpt from the EUR-Lex website
Document 32020R0746
Commission Implementing Regulation (EU) 2020/746 of 4 June 2020 amending Implementing Regulation (EU) 2019/947 as regards postponing dates of application of certain measures in the context of the COVID-19 pandemic (Text with EEA relevance)
Regolament ta’ Implimentazzjoni tal-Kummissjoni (UE) 2020/746 tal-4 ta’ Ġunju 2020 li jemenda r-Regolament ta’ Implimentazzjoni (UE) 2019/947 fir-rigward tal-posponiment tad-dati ta’ applikazzjoni ta’ ċerti miżuri fil-kuntest tal-pandemija tal-COVID-19 (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2020/746 tal-4 ta’ Ġunju 2020 li jemenda r-Regolament ta’ Implimentazzjoni (UE) 2019/947 fir-rigward tal-posponiment tad-dati ta’ applikazzjoni ta’ ċerti miżuri fil-kuntest tal-pandemija tal-COVID-19 (Test b’rilevanza għaż-ŻEE)
C/2020/3599
ĠU L 176, 5.6.2020, p. 13–14
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32019R0947 | Sostituzzjoni | artikolu 20 Test | 06/06/2020 | |
Modifies | 32019R0947 | Sostituzzjoni | artikolu 21 paragrafu 1 Test | 06/06/2020 | |
Modifies | 32019R0947 | Sostituzzjoni | artikolu 21 paragrafu 2 Test | 06/06/2020 | |
Modifies | 32019R0947 | Sostituzzjoni | artikolu 21 paragrafu 3 Test | 06/06/2020 | |
Modifies | 32019R0947 | Sostituzzjoni | artikolu 22 Test | 06/06/2020 | |
Modifies | 32019R0947 | Sostituzzjoni | artikolu 23 paragrafu 1 paragrafu mhux numerat 2 | 06/06/2020 | |
Modifies | 32019R0947 | Sostituzzjoni | artikolu 23 paragrafu 5 | 06/06/2020 |
5.6.2020 |
MT |
Il-Ġurnal Uffiċjali tal-Unjoni Ewropea |
L 176/13 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/746
tal-4 ta’ Ġunju 2020
li jemenda r-Regolament ta’ Implimentazzjoni (UE) 2019/947 fir-rigward tal-posponiment tad-dati ta’ applikazzjoni ta’ ċerti miżuri fil-kuntest tal-pandemija tal-COVID-19
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikolu 57 tiegħu,
Billi:
(1) |
Il-miżuri li ddaħħlu biex titrażżan il-pandemija tal-COVID-19 ixekklu serjament il-kapaċità tal-Istati Membri u tal-industrija tal-avjazzjoni biex iħejju għall-applikazzjoni ta’ għadd ta’ Regolamenti ta’ Implimentazzjoni li ġew adottati dan l-aħħar fil-qasam tas-sikurezza tal-avjazzjoni. |
(2) |
Il-konfinament u t-tibdil li seħħ fil-kundizzjonijiet tax-xogħol u d-disponibbiltà tal-impjegati, flimkien mal-ammont ta’ xogħol addizzjonali meħtieġ biex jiġu ġestiti l-konsegwenzi negattivi sinifikanti tal-pandemija tal-COVID-19 għall-partijiet ikkonċernati kollha, qed iżommu lura t-tħejjijiet għall-applikazzjoni ta’ dawn ir-Regolamenti ta’ Implimentazzjoni. |
(3) |
B’konsegwenza tal-pandemija tal-COVID-19, se jkun inevitabbli li tittardja l-eżekuzzjoni tal-kompiti differenti meħtieġa għall-implimentazzjoni tar-Regolament ta’ Implimentazzjoni tal-Kummissjoni (UE) 2019/947 (2), b’mod partikolari l-istabbiliment ta’ sistemi ta’ reġistrazzjoni diġitali u interoperabbli, kif ukoll l-adattament tal-awtorizzazzjonijiet, tad-dikjarazzjonijiet u taċ-ċertifikazzjonijiet maħruġa abbażi tal-liġi nazzjonali. |
(4) |
Il-proċess ta’ standardizzazzjoni u attivitajiet relatati oħra mmexxija mill-industrija u mill-korpi ta’ standardizzazzjoni, bħat-tħejjija tal-metodoloġiji tal-ittestjar, jew l-ittestjar ta’ karatteristiċi tekniċi, bħalma hija l-identifikazzjoni mill-bogħod, ittardjaw. Dan, imbagħad, se jkollu impatt negattiv fuq il-kapaċità tal-manifatturi li jqiegħdu fis-suq sistemi ta’ inġenji tal-ajru mingħajr bdot abbord (“UAS”) li jissodisfaw ir-rekwiżiti standardizzati ġodda skont ir-Regolament Delegat tal-Kummissjoni (UE) 2019/945 (3). |
(5) |
Jenħtieġ għalhekk li t-tipi kollha ta’ UAS jitħallew jibqgħu joperaw fil-kundizzjonijiet eżistenti għal sitt xhur addizzjonali. Għalhekk, jenħtieġ li d-dati tal-applikazzjoni tar-Regolament ta’ Implimentazzjoni (UE) 2019/947 jiġu posposti kif meħtieġ biex l-operaturi tal-UAS ikunu jistgħu jużaw UAS li ma jikkonformawx mar-Regolament Delegat (UE) 2019/945 għal sitt xhur addizzjonali. |
(6) |
L-Aġenzija tas-Sikurezza tal-Avjazzjoni tal-Unjoni Ewropea kkonfermat lill-Kummissjoni li l-posponiment tal-applikazzjoni tad-dispożizzjonijiet imsemmija fil-premessa 3 ikun possibbli mingħajr effett negattiv fuq is-sikurezza tal-avjazzjoni, peress li se jkun għal perjodu limitat ħafna u t-traffiku tal-ajru x’aktarx jerġa’ jibda bil-mod fil-kuntest tal-irkupru mill-pandemija tal-COVID-19 u b’hekk l-esponiment għar-riskji jkun iżgħar, filwaqt li l-liġi nazzjonali tibqa’ tapplika f’dawk l-Istati Membri li jippermettu l-operazzjonijiet tal-UAS. |
(7) |
Biex l-awtoritajiet nazzjonali u l-partijiet ikkonċernati kollha jingħataw l-eżenzjoni immedjata li jeħtieġu matul il-pandemija tal-COVID-19 u jkunu jistgħu jadattaw il-pjanijiet tagħhom biex iħejju għall-applikazzjoni posposta tad-dispożizzjonijiet ikkonċernati, jenħtieġ li dan ir-Regolament jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea. |
(8) |
Il-miżuri previsti f’dan ir-Regolament huma skont l-opinjoni tal-Kumitat stabbilit bl-Artikolu 127 tar-Regolament (UE) 2018/1139, |
ADOTTAT DAN IR-REGOLAMENT:
Artikolu 1
Ir-Regolament ta’ Implimentazzjoni (UE) 2019/947 huwa emendat kif ġej:
(1) |
fl-Artikolu 20, “l-1 ta’ Lulju 2022” huwa sostitwit b’“l-1 ta’ Jannar 2023”; |
(2) |
L-Artikolu 21 huwa emendat kif ġej:
|
(3) |
fl-Artikolu 22, “sentejn” huwa sostitwit bi “30 xahar”; |
(4) |
L-Artikolu 23 huwa emendat kif ġej:
|
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Ġunju 2020.
Għall-Kummissjoni
Il-President
Ursula VON DER LEYEN
(1) ĠU L 212, 22.8.2018, p. 1.
(2) Ir-Regolament ta’ Implimentazzjoni tal-Kummissjoni (UE) 2019/947 tal-24 ta’ Mejju 2019 dwar ir-regoli u l-proċeduri għall-operazzjoni ta’ inġenji tal-ajru mingħajr bdot abbord (ĠU L 152, 11.6.2019, p. 45).
(3) Ir-Regolament Delegat tal-Kummissjoni (UE) 2019/945 tat-12 ta’ Marzu 2019 dwar sistemi ta’ inġenji tal-ajru mingħajr bdot abbord u dwar operaturi ta’ sistemi tal-ajru mingħajr bdot abbord minn pajjiżi terzi (ĠU L 152, 11.6.2019, p. 1).