Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32020R0523

    Regolament ta’ Implimentazzjoni tal-Kummissjoni (UE) 2020/523 tas-7 ta’ April 2020 li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana f’dak li għandu x’jaqsam mas-subintestatura 90211010 (apparat ortopediku)

    C/2020/2277

    ĠU L 116, 15.4.2020, p. 1–2 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2020/523/oj

    Date of document:
    07/04/2020; Data ta' adozzjoni
    Date of effect:
    05/05/2020; Dħul fis-seħħ Data tal-pubblikazzjoni +20 Ara Art. 2
    Date of end of validity:
    No end date
    Author:
    Il-Kummissjoni Ewropea, Id-Direttorat Ġenerali għat-Tassazzjoni u l-Għaqda Doganali
    Responsible body:
    TAXUD
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 31987R2658 Żieda anness I parti 2 kapitolu 90 TEXT 05/05/2020
    Modifies 31987R2658 Sostituzzjoni anness I parti 2 kapitolu 90 TEXT 05/05/2020
    Instruments cited:
    Link

    15.4.2020   

    MT

    Il-Ġurnal Uffiċjali tal-Unjoni Ewropea

    L 116/1

    REGOLAMENT TA’ IMPLIMENTAZZJONI TAL-KUMMISSJONI (UE) 2020/523

    tas-7 ta’ April 2020

    li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana f’dak li għandu x’jaqsam mas-subintestatura 9021 10 10 (apparat ortopediku)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (1), u b’mod partikulari l-Artikolu 9(1)(e) tiegħu,

    Billi:

    (1)

    Ir-Regolament (KEE) Nru 2658/87 stabbilixxa nomenklatura tal-oġġetti (minn hawn ’il quddiem in-“Nomenklatura Magħquda”), li hija riprodotta fl-Anness I ta’ dak ir-Regolament.

    (2)

    F’ġieħ iċ-ċertezza legali, jeħtieġ li tiġi ċċarata l-klassifikazzjoni tal-apparat ortopediku elenkat taħt is-subintestatura 9021 10 10 tan-Nomenklatura Magħquda.

    (3)

    F’konformità mas-sentenza tal-Qorti tal-Ġustizzja fil-kawżi magħquda C-260/00 sa C-263/00 (2), in-Noti ta’ Spjegazzjoni tas-Sistema Armonizzata tal-intestatura 9021 u n-Nota 6 tal-Kapitolu 90, l-apparat ortopediku huwa ddefinit bħala prodotti li huma maħsubin speċifikament biex jilħqu skop ortopediku partikolari.

    (4)

    F’dik is-sentenza, il-Qorti tal-Ġustizzja spjegat li l-apparat ortopediku għandu skop mediku speċifiku, b’kuntrast mal-prodotti ordinarji (sempliċi) li jkunu għall-użu ġenerali. Il-kriterji biex wieħed jiddistingwi l-apparat ortopediku mill-prodotti ordinarji jinkludu wkoll il-metodu tal-manifattura, il-materjali li jkunu magħmulin minnhom, kif jaħdmu, kemm jistgħu jiġu addattati għad-diżabilitajiet speċifiċi tal-pazjenti.

    (5)

    In-Nota 6 tal-Kapitolu 90 tipprevedi li l-apparat ortopediku jservi jew biex jipprevjeni jew biex jikkoreġi d-deformitajiet tal-ġisem jew biex jirfed jew iżomm il-partijiet tal-ġisem wara marda, operazzjoni jew korriment.

    (6)

    It-Taqsima (I) tan-Noti ta’ Spjegazzjoni tas-Sistema Armonizzata tal-intestatura 9021 tagħti l-eżempji tal-apparat ortopediku li tkopri din l-intestatura, flimkien ma’ eżempji ta’ prodotti li mhumiex koperti mill-intestatura 9021. L-ambitu tal-prodotti stabbilit b’dawn in-noti ta’ spjegazzjoni jaqbel man-nota Addizzjonali l-ġdida.

    (7)

    Biex ikun hemm ċertezza legali, jeħtieġ li jingħataw eżempji tal-iskopijiet mediċi ta’ ċerti prodotti li jiddistingwuhom mill-apparat ortopediku li jkun maħsub għal skop ortopediku partikolari.

    (8)

    Għal raġunijiet ta’ ċarezza legali, jenħtieġ li jingħataw spjegazzjonijiet dwar kif jitħaddem dan l-apparat (livell għoli ta’ preċiżjoni) li jkun maħsub biex jipprevjeni li ssir aktar ħsara lill-ġisem jew li jiżdiedu d-diformitajiet, b’distinzjoni minn prodotti ordinarji li ma jitqisux li huma mfasslin bl-istess livell għoli ta’ preċiżjoni u li b’hekk ma jistgħux jipprevjenu għalkollox xi movimenti mhux mixtieqa.

    (9)

    Għalhekk jenħtieġ li tinżied Nota Addizzjonali ġdida fil-Kapitolu 90 tal-Parti Tnejn tan-Nomenklatura Magħquda biex ikun żgurat li l-interpretazzjoni tagħha madwar l-Unjoni tkun uniformi.

    (10)

    In-Nota Addizzjonali l-ġdida tikkonforma mar-Regolament ta’ Implimentazzjoni tal-Kummissjoni (UE) 2018/787 (3) li tikklassifika faxxa għall-għaksa (l-hekk imsejjaħ “ortożi bil-lazzijiet”) man-Noti ta’ Spjegazzjoni li diġà hemm tas-subintestatura 9021 10 10 tan-Nomenklatura Magħquda, u tirrifletti l-prattika stabbilita ta’ klassifikazzjoni tal-Istati Membri.

    (11)

    Għaldaqstant jenħtieġ li r-Regolament (KEE) Nru 2658/87 jiġi emendat skont dan.

    (12)

    Il-miżuri stipulati f’dan ir-Regolament huma konformi mal-opinjoni tal-Kumitat tal-Kodiċi Doganali,

    ADOTTAT DAN IR-REGOLAMENT:

    Artikolu 1

    Il-Kapitolu 90 tal-Parti Tnejn tal-Anness I tar-Regolament (KEE) Nru 2658/87 huwa emendat kif ġej:

    (1)

    l-intestatura “Nota Addizzjonali” wara n-nota 7, hija sostitwita bl-intestatura “Noti Addizzjonali”;

    (2)

    tinżied in-Nota Addizzjonali li ġejja:

    “2.

    Għall-iskopijiet tas-subintestatura 9021 10 10, l-espressjoni ‘apparat ortopediku’ tfisser tagħmir li jkun imfassal speċifikament għal skop ortopediku partikolari, b’differenza minn prodotti li jistgħu jintużaw għal skopijiet diversi (pereżempju, prodotti għall-ġogi, għal-ligamenti jew għall-għeruq li jkunu strapazzati ż-żejjed minħabba attivitajiet sportivi, jew l-użu ta’ tastiera, u prodotti li sempliċiment itaffu l-uġigħ fil-parti difettuża jew diżabbli tal-ġisem, pereżempju uġigħ ikkawżat minn infjammazzjoni).

    Jeħtieġ li l-‘apparat ortopediku’ jipprevjeni kompletament ċertu moviment speċifiku tal-parti difettuża jew diżabbli tal-ġisem (pereżempju, il-ġogi, il-ligamenti jew l-għeruq) biex jiġu evitati aktar korrimenti jew deformitajiet tal-ġisem jew l-aggravament ta’ dawn il-korrimenti jew id-deformitajiet, b’differenza minn prodotti oħrajn li ma jistgħux jipprevjenu ċerti movimenti speċifiċi, iżda li jipprevjenu movimenti tar-riflessi (jiġifieri movimenti mwettqa subkonxjament) permezz tal-inflessibbiltà relattiva ta’ dawk il-prodotti kkawżata minn, pereżempju, qassaba flessibbli, kuxxinetti tal-pressjoni, materjali tessili mhux elastiċi, restrizzjonijiet permezz ta’ strixxi bil-qafla tat-‘tip velkro’.”.

    Artikolu 2

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, is-7 ta’ April 2020.

    Għall-Kummissjoni

    F’isem il-President,

    Stephen QUEST

    Direttur Ġenerali

    Id-Direttorat Ġenerali għat-Tassazzjoni u l-Unjoni Doganali

    (1)  ĠU L 256, 7.9.1987, p. 1.

    (2)  Is-Sentenza tal-Qorti tal-Ġustizzja tas-7 ta’ Novembru 2002, Lohmann u Medi Bayreuth, il-Każijiet Magħquda C-260/00 sa C-263/00,ECLI:EU:C:2002:637.

    (3)  Ir-Regolament ta’ Implimentazzjoni tal-Kummissjoni (UE) 2018/787 tal-25 ta’ Mejju 2018 dwar il-klassifikazzjoni ta’ ċerti prodotti fin-Nomenklatura Magħquda (ĠU L 134, 31.5.2018, p. 1).

    Top