This document is an excerpt from the EUR-Lex website
Document 32020D1831
Council Decision (EU) 2020/1831 of 30 November 2020 on the position to be adopted on behalf of the European Union within the Joint Council established by the Economic Partnership Agreement between the European Union and its Member States, of the one part, and the SADC EPA States, of the other part, as regards the adjustment of certain reference quantities set out in Annex IV to that Agreement
Deċiżjoni tal-Kunsill (UE) 2020/1831 tat-30 ta’ Novembru 2020 dwar il-pożizzjoni li għandha tiġi adottata, f’isem l-Unjoni Ewropea, fil-Kunsill Konġunt stabbilit mill-Ftehim ta’ Sħubija Ekonomika bejn l-Unjoni Ewropea u l-Istati Membri tagħha, minn naħa l-waħda, u l-Istati EPA SADC, min-naħa l-oħra, fir-rigward tal-aġġustament ta’ ċerti kwantitajiet ta’ referenza stabbiliti fl-Anness IV ta’ dak il-Ftehim
Deċiżjoni tal-Kunsill (UE) 2020/1831 tat-30 ta’ Novembru 2020 dwar il-pożizzjoni li għandha tiġi adottata, f’isem l-Unjoni Ewropea, fil-Kunsill Konġunt stabbilit mill-Ftehim ta’ Sħubija Ekonomika bejn l-Unjoni Ewropea u l-Istati Membri tagħha, minn naħa l-waħda, u l-Istati EPA SADC, min-naħa l-oħra, fir-rigward tal-aġġustament ta’ ċerti kwantitajiet ta’ referenza stabbiliti fl-Anness IV ta’ dak il-Ftehim
ĠU L 409, 4.12.2020, p. 36–37
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 30/11/2020; Data ta' adozzjoni
- Date of effect:
- 30/11/2020; Dħul fis-seħħ Data tad-dokument Ara Art. 2
- Date of end of validity:
- No end date
- Author:
- Il-Kunsill tal-Unjoni Ewropea
- Form:
- Deċiżjoni
- Procedure number:
- Link
- European Parliament - Legislative observatory
- Treaty:
- Trattat dwar il-Funzjonament tal-Unjoni Ewropea
- Legal basis:
- Proposal:
-
- 52020PC0633 Adopted on: 30/11/2020
- Link
- Link
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
- Directory code:
|
4.12.2020 |
MT |
Il-Ġurnal Uffiċjali tal-Unjoni Ewropea |
L 409/36 |
DEĊIŻJONI TAL-KUNSILL (UE) 2020/1831
tat-30 ta’ Novembru 2020
dwar il-pożizzjoni li għandha tiġi adottata, f’isem l-Unjoni Ewropea, fil-Kunsill Konġunt stabbilit mill-Ftehim ta’ Sħubija Ekonomika bejn l-Unjoni Ewropea u l-Istati Membri tagħha, minn naħa l-waħda, u l-Istati EPA SADC, min-naħa l-oħra, fir-rigward tal-aġġustament ta’ ċerti kwantitajiet ta’ referenza stabbiliti fl-Anness IV ta’ dak il-Ftehim
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 207(4), flimkien mal-Artikolu 218(9), tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Il-Ftehim ta’ Sħubija Ekonomika bejn l-Unjoni Ewropea u l-Istati Membri tagħha, min-naħa l-waħda, u l-Istati EPA SADC, min-naħa l-oħra (1) (“il-Ftehim”), ġie ffirmat mill-Unjoni u l-Istati Membri tagħha fl-10 ta’ Ġunju 2016. |
|
(2) |
Sa meta jidħol fis-seħħ, il-Ftehim ġie applikat b’mod proviżorju bejn l-Unjoni u l-Istati Membri tagħha, minn naħa waħda, u r-Repubblika tal-Botswana, ir-Renju tal-Lesoto, ir-Repubblika tan-Namibja, ir-Repubblika tal-Afrika t’Isfel u dak li kien ir-Renju ta’ Swaziland, illum ir-Renju tal-Eswatini, min-naħa l-oħra, mill-10 ta’ Ottubru 2016, u bejn l-Unjoni u l-Istati Membri tagħha, minn naħa waħda, u r-Repubblika tal-Mozambique, min-naħa l-oħra, mill-4 ta’ Frar 2018. |
|
(3) |
Taħt l-Artikolu 102(1) tal-Ftehim, il-Kunsill Konġunt tal-Istati EPA SADC — UE (“Kunsill Konġunt”) għandu s-setgħa li jieħu deċiżjonijiet rigward il-kwistjonijiet kollha koperti mill-Ftehim. |
|
(4) |
L-Artikolu 35 tal-Ftehim jipprevedi l-possibbiltà għall-Unjoni Doganali tan-Nofsinhar tal-Afrika (“SACU”, Southern African Customs Union) li tapplika miżura ta’ salvagwardja fil-forma ta’ dazju fuq l-importazzjoni jekk, matul kwalunkwe perjodu ta’ tnax-il xahar, il-volum tal-importazzjonijiet fl-SACU ta’ prodott agrikolu elenkat fl-Anness IV tal-Ftehim u li joriġina fl-Unjoni jeċċedi l-kwantità ta’ referenza indikata għal dak il-prodott f’dak l-Anness. |
|
(5) |
In-nota 1 f’qiegħ il-paġna tal-Anness IV tal-Ftehim tipprevedi l-aġġustatament b’mod proporzjonali ta’ ċerti kwantitajiet ta’ referenza għal-linji tat-tariffa indikati b’asterisk jekk id-data tad-dħul fis-seħħ tal-Ftehim taħbat wara l-2015. |
|
(6) |
Huwa xieraq li tiġi stabbilita l-pożizzjoni li għandha tiġi adottata, f’isem l-Unjoni, fil-Kunsill Konġunt billi d-deċiżjoni tal-Kunsill Konġunt dwar l-aġġustatament ta’ ċerti kwantitajiet ta’ referenza stabbiliti fl-Anness IV tal-Ftehim se tkun vinkolanti għall-Unjoni, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata f’isem l-Unjoni fil-Kunsill Konġunt tal-Istati EPA SADC — UE (“Kunsill Konġunt”) stabbilit mill-Ftehim ta’ Sħubija Ekonomika bejn l-Unjoni Ewropea u l-Istati Membri tagħha, minn naħa l-waħda, u l-Istati EPA SADC, min-naħa l-oħra (“il-Ftehim”), fir-rigward tal-aġġustament, għall-finijiet tal-Artikolu 35 tal-Ftehim, ta’ ċerti kwantitajiet ta’ referenza tal-prodotti elenkati fl-Anness IV tal-Ftehim u indikati b’asterisk, għandha tkun ibbażata fuq l-abbozz tad-deċiżjoni korrispondenti tal-Kunsill Konġunt (2).
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-30 ta’ Novembru 2020.
Għall-Kunsill
Il-President
M. ROTH
(1) ĠU L 250, 16.9.2016, p. 3.
(2) Ara d-dokument ST 12376/20 hawnhekk: http://register.consilium.europa.eu
