This document is an excerpt from the EUR-Lex website
Document 32019R2197
Council Regulation (EU) 2019/2197 of 19 December 2019 amending Regulation (EU) No 1387/2013 suspending the autonomous Common Customs Tariff duties on certain agricultural and industrial products
Regolament tal-Kunsill (UE) 2019/2197 tad-19 ta’ Diċembru 2019 li jemenda r-Regolament (UE) Nru 1387/2013 li jissospendi d-dazji awtonomi tat-Tariffa Doganali Komuni fuq ċerti prodotti agrikoli u industrijali
Regolament tal-Kunsill (UE) 2019/2197 tad-19 ta’ Diċembru 2019 li jemenda r-Regolament (UE) Nru 1387/2013 li jissospendi d-dazji awtonomi tat-Tariffa Doganali Komuni fuq ċerti prodotti agrikoli u industrijali
ST/14529/2019/INIT
ĠU L 335, 27.12.2019, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2021; Impliċitament imħassar minn 32021R2278
Relation | Act | Comment | Subdivision concerned | From | To |
---|---|---|---|---|---|
Modifies | 32013R1387 | Sostituzzjoni | anness | 01/01/2020 |
Relation | Act | Comment | Subdivision concerned | From | To |
---|---|---|---|---|---|
Corrected by | 32019R2197R(01) | (ES) | |||
Corrected by | 32019R2197R(02) | (DE) | |||
Corrected by | 32019R2197R(03) | ||||
Corrected by | 32019R2197R(04) | (DE) | |||
Implicitly repealed by | 32021R2278 | 01/01/2022 |
27.12.2019 |
MT |
Il-Ġurnal Uffiċjali tal-Unjoni Ewropea |
L 335/1 |
REGOLAMENT TAL-KUNSILL (UE) 2019/2197
tad-19 ta’ Diċembru 2019
li jemenda r-Regolament (UE) Nru 1387/2013 li jissospendi d-dazji awtonomi tat-Tariffa Doganali Komuni fuq ċerti prodotti agrikoli u industrijali
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 31 tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Sabiex tiġi żgurata l-provvista suffiċjenti u mingħajr interruzzjoni ta' ċerti prodotti agrikoli u industrijali li mhumiex disponibbli fl-Unjoni u b'hekk jiġi evitat kwalunkwe tfixkil fis-suq għal dawk il-prodotti, id-dazji tat-Tariffa Doganali Komuni (“TDK”) fuq dawk il-prodotti ġew sospiżi mir-Regolament tal-Kunsill (UE) Nru 1387/2013 (1). Dawk il-prodotti jistgħu jiġu importati fl-Unjoni b'rati ta' dazju mnaqqsa jew żero. |
(2) |
Il-produzzjoni tal-Unjoni ta’ ċerti prodotti li mhumiex elenkati fl-Anness għar-Regolament tal-Kunsill (UE) Nru 1387/2013 mhix adegwata jew ma teżistix. Għalhekk huwa fl-interess tal-Unjoni li tissospendi għalkollox id-dazji tat-TDK fuq dawk il-prodotti. |
(3) |
Bil-ħsieb li tiġi promossa l-produzzjoni integrata tal-batteriji fl-Unjoni u f’konformità mal-komunikazzjoni tal-Kummissjoni tas-17 ta' Mejju 2018 intitolata “L-Ewropa Attiva — Il-Mobbiltà Sostenibbli għall-Ewropa: sikura, konnessa u nadifa”, jenħtieġ li tingħata sospensjoni parzjali tad-dazji TDK għal ċerti prodotti li mhumiex elenkati fl-Anness għar-Regolament (UE) Nru 1387/2013. Barra minn hekk, jenħtieġ li tingħata sospensjoni parzjali biss tad-dazji TDK fir-rigward ta’ ċerti prodotti relatati mal-batteriji li bħalissa huma soġġetti għal sospensjonijiet sħaħ. Id-data stabbilita għar-rieżami obbligatorju ta' dawk is-sospensjonijiet jenħtieġ li tkun il-31 ta’ Diċembru 2020 sabiex ikun jista’ jsir rieżami fil-pront tagħhom b'kunsiderazzjoni tal-evoluzzjoni tas-settur tal-batteriji fl-Unjoni. |
(4) |
Huwa neċessarju li tiġi modifikata d-deskrizzjoni tal-prodott ta’ ċerti sospensjonijiet tad-dazju TDK elenkati fl-Anness għar-Regolament (UE) Nru 1387/2013 sabiex jitqiesu l-iżviluppi tekniċi tal-prodott u tax-xejriet ekonomiċi fis-suq. |
(5) |
Sar rieżami ta' 334 sospensjoni tad-dazju TDK elenkati fl-Anness għar-Regolament (UE) Nru 1387/2013. Għalhekk jenħtieġ li jiġu stabbiliti dati ġodda għar-rieżami obbligatorju li jmiss. |
(6) |
Għal ċerti sospensjonijiet tad-dazju TDK elenkati fl-Anness għar-Regolament (UE) Nru 1387/2013, il-klassifikazzjoni tal-prodotti fin-Nomenklatura Magħquda (NM) inbidlet. Għalhekk jenħtieġ li fis-sospensjonijiet għal dawk il-prodotti, jinbiddlu l-kodiċijiet tan-NM applikabbli u s-subintestaturi TARIC. |
(7) |
Ma għadux fl-interess tal-Unjoni li żżomm is-sospensjonijiet tad-dazji tat-TDK għal ċerti prodotti elenkati fl-Anness għar-Regolament (UE) Nru 1387/2013. Għalhekk jenħtieġ li s-sospensjonijiet għal dawk il-prodotti jitneħħew. Barra minn hekk, skont il-komunikazzjoni mill-Kummissjoni tat-13 ta' Diċembru 2011 rigward is-sospensjonijiet u l-kwoti tariffarji awtonomi, għal raġunijiet prattiċi t-talbiet għal sospensjonijiet jew kwoti tariffarji fejn huwa stmat li l-ammont ta’ dazji doganali mhux miġbura huwa inqas minn EUR 15 000 fis-sena ma jistgħux jiġu kkunsidrati. Ir-rieżami obbligatorju tas-sospensjonijiet eżistenti indika li l-importazzjonijiet fir-rigward ta' 70 prodott elenkati fl-Anness għar-Regolament (UE) Nru 1387/2013 ma jilħqux dak il-limitu stabbilit. Għaldaqstant, dawk is-sospensjonijiet jenħtieġ li jiġu rtirati. Barra minn hekk, jenħtieġ li jiġu rtirati tliet sospensjonijiet oħra b’riżultat tal-implimentazzjoni tal-ftehim fil-forma tad-Dikjarazzjoni dwar l-Espansjoni tal-Kummerċ fil-Prodotti tat-Teknoloġija tal-Informazzjoni (2), li naqqset ir-rata tad-dazju għall-prodotti kkonċernati għal żero. |
(8) |
Huwa xieraq li jinħoloq numru tas-serje uniku għal kull sospensjoni ta' dazju tat-TDK elenkat fl-Anness għar-Regolament (UE) Nru 1387/2013 sabiex dawk is-sospensjonijiet ikunu jistgħu jiġu identifikati aħjar. |
(9) |
Fl-interess taċ-ċarezza, u filwaqt li jitqies in-numru ta’ emendi li jridu jsiru, l-Anness għar-Regolament (UE) Nru 1387/2013 jenħtieġ li jiġi sostitwit. |
(10) |
Għaldaqstant, ir-Regolament (UE) Nru 1387/2013 jenħtieġ li jiġi emendat skont dan. |
(11) |
Sabiex tiġi evitata kwalunkwe interruzzjoni tal-applikazzjoni tal-iskema tas-sospensjonijiet awtonomi u biex ikun hemm konformità mal-linji gwida stabbiliti fil-komunikazzjoni mill-Kummissjoni tat-13 ta' Diċembru 2011 rigward is-sospensjonijiet u l-kwoti tariffarji awtonomi, il-bidliet previsti f'dan ir-Regolament dwar is-sospensjonijiet tat-tariffi għall-prodotti kkonċernati jenħtieġ li japplikaw mill-1 ta' Jannar 2020. Għalhekk, dan ir-Regolament jenħtieġ li jidħol fis-seħħ b’urġenza, |
ADOTTA DAN IR-REGOLAMENT:
Artikolu 1
L-Anness għar-Regolament (UE) Nru 1387/2013 huwa sostitwit bit-test stabbilit fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum ta' wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Huwa għandu japplika mill-1 ta' Jannar 2020.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta’ Settembru 2019.
Għall-Kunsill
Il-President
K. MIKKONEN
(1) Ir-Regolament tal-Kunsill (UE) Nru 1387/2013 tas-17 ta' Diċembru 2013 li jissospendi d-dazji awtonomi tat-Tariffa Doganali Komuni fuq ċerti prodotti agrikoli u industrijali u li jħassar ir-Regolament (UE) Nru 1344/2011 (ĠU L 354, 28.12.2013, p. 201).