EUR-Lex Access to European Union law
This document is an excerpt from the EUR-Lex website
Document 32018R1472
Commission Regulation (EU) 2018/1472 of 28 September 2018 amending Annex II to Regulation (EC) No 1333/2008 of the European Parliament and of the Council and the Annex to Commission Regulation (EU) No 231/2012 as regards Cochineal, Carminic acid, Carmines (E 120) (Text with EEA relevance.)
Regolament tal-Kummissjoni (UE) 2018/1472 tat-28 ta' Settembru 2018 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill u l-Anness tar-Regolament tal-Kummissjoni (UE) Nru 231/2012 rigward il-Kuċċinilja, l-aċidu Karminiku, il-Karmini (E 120) (Test b'rilevanza għaż-ŻEE.)
Regolament tal-Kummissjoni (UE) 2018/1472 tat-28 ta' Settembru 2018 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill u l-Anness tar-Regolament tal-Kummissjoni (UE) Nru 231/2012 rigward il-Kuċċinilja, l-aċidu Karminiku, il-Karmini (E 120) (Test b'rilevanza għaż-ŻEE.)
C/2018/6192
ĠU L 247, 3.10.2018, p. 1–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32008R1333 | Sostituzzjoni | anness II Test | 23/10/2019 | |
Modifies | 32012R0231 | Sostituzzjoni | anness Test | 23/10/2019 |
3.10.2018 |
MT |
Il-Ġurnal Uffiċjali tal-Unjoni Ewropea |
L 247/1 |
REGOLAMENT TAL-KUMMISSJONI (UE) 2018/1472
tat-28 ta' Settembru 2018
li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill u l-Anness tar-Regolament tal-Kummissjoni (UE) Nru 231/2012 rigward il-Kuċċinilja, l-aċidu Karminiku, il-Karmini (E 120)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta' Diċembru 2008 dwar l-addittivi tal-ikel (1), u b'mod partikolari l-Artikoli 10(3) u 14 tiegħu,
Billi:
(1) |
L-Anness II tar-Regolament (KE) Nru 1333/2008 jistabbilixxi lista tal-Unjoni ta' addittivi tal-ikel approvati għall-użu fl-ikel u l-kundizzjonijiet tal-użu tagħhom. |
(2) |
Ir-Regolament tal-Kummissjoni (UE) Nru 231/2012 (2) jistabbilixxi l-ispeċifikazzjonijiet għall-addittivi tal-ikel li huma elenkati fl-Annessi II u III tar-Regolament (KE) Nru 1333/2008. |
(3) |
Il-Kuċċinilja, l-aċidu Karminiku, il-Karmini (E 120) hija sustanza awtorizzata biex tintuża bħala kolorant f'tipi diversi ta' ikel skont l-Anness II tar-Regolament (KE) Nru 1333/2008. |
(4) |
L-Artikolu 32(1) tar-Regolament (KE) Nru 1333/2008 jistipula li l-addittivi tal-ikel kollha li kienu diġà permessi fl-Unjoni qabel l-20 ta' Jannar 2009 huma soġġetti għal valutazzjoni tar-riskju ġdida mill-Awtorità Ewropea dwar is-Sigurtà fl-Ikel (“l-Awtorità”). |
(5) |
Għalhekk, fir-Regolament tal-Kummissjoni (UE) Nru 257/2010 (3) hemm stabbilit programm biex issir rivalutazzjoni tal-addittivi tal-ikel, u skont dan il-programm kellha titlesta r-rivalutazzjoni tal-koloranti sal-31 ta' Diċembru 2015. |
(6) |
Fit-18 ta' Novembru 2015 l-Awtorità tat Opinjoni Xjentifika dwar ir-rivalutazzjoni tal-kuċċinilja, l-aċidu karminiku, il-karmini (E 120) bħala addittiv tal-ikel (4). L-Awtorità kkonkludiet li s-sett tad-data attwali ma ppreżentax ġustifikazzjoni għar-rieżami tal-valur tad-Doża Aċċettabbli ta' Kuljum għall-E 120, u li l-istimi raffinati tal-esponiment tal-gruppi kollha tal-popolazzjoni huma inqas mid-Doża Aċċettabbli ta' Kuljum. Madankollu, l-Awtorità rrakkomandat li t-titlu attwali “Kuċċinilja, aċidu Karminiku, Karmini” jiġi rivedut biex jirrifletti b'mod aktar preċiż il-materjal li jintuża bħala addittiv tal-ikel, u li jiġu aġġornati l-ispeċifikazzjonijiet tal-perċentwal tal-materjal li mhuwiex meqjus, tal-limiti massimi tal-elementi tossiċi u tal-preżenza ta' komposti proteiniċi. |
(7) |
Skont l-Artikolu 10(3) tar-Regolament (KE) Nru 1333/2008, il-lista tal-Unjoni tal-adittivi tal-ikel approvati għandha tiġi emendata skont il-proċedura msemmija fir-Regolament (KE) Nru 1331/2008 tal-Parlament Ewropew u tal-Kunsill (5). |
(8) |
L-Artikolu 3(1) tar-Regolament (KE) Nru 1331/2008 jistipula li l-lista tal-Unjoni ta' addittivi tal-ikel tista' tiġi aġġornata jew fuq l-inizjattiva tal-Kummissjoni jew inkella wara li ssir applikazzjoni. |
(9) |
Għaldaqstant jixraq li jiġu emendati l-Anness II tar-Regolament (KE) Nru 1333/2008 u l-Anness tar-Regolament (UE) Nru 231/2012. |
(10) |
Jenħtieġ li jitħalla jgħaddi żmien raġonevoli qabel ma jibdew japplikaw l-emendi biex l-operaturi tan-negozji tal-ikel jingħataw biżżejjed ħin biex jissodisfaw ir-rekwiżiti l-ġodda stabbiliti f'dan ir-Regolament. |
(11) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Kull fejn hemm referenza għall-“E 120 Kuċċinilja, Aċidu Karminiku, Karminji” fl-Anness II tar-Regolament (KE) Nru 1333/2008 għandha tiġi sostitwita bil-kliem “E 120 aċidu Karminiku, Karminju”.
Artikolu 2
L-Anness tar-Regolament (UE) Nru 231/2012 huwa emendat skont l-Anness ta' dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu jibda japplika mit-23 ta' Ottubru 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Settembru 2018.
Għall-Kummissjoni
Il-President
Jean-Claude JUNCKER
(1) ĠU L 354, 31.12.2008, p. 16.
(2) Ir-Regolament tal-Kummissjoni (UE) Nru 231/2012 tad-9 ta' Marzu 2012 li jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008 tal-Parlament Ewropew u tal-Kunsill (ĠU L 83, 22.3.2012, p. 1).
(3) Ir-Regolament tal-Kummissjoni (UE) Nru 257/2010 tal-25 ta' Marzu 2010 li jistabbilixxi programm għar-rivalutazzjoni tal-addittivi tal-ikel approvati skont ir-Regolament (KE) Nru 1333/2008 tal-Parlament Ewropew u tal-Kunsill dwar l-addittivi tal-ikel (ĠU L 80, 26.3.2010, p. 19).
(4) EFSA Journal 2015; 13(11):4288.
(5) Ir-Regolament (KE) Nru 1331/2008 tal-Parlament Ewropew u tal-Kunsill tas-16 ta' Diċembru 2008 li jistabbilixxi proċedura ta' awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (ĠU L 354, 31.12.2008, p. 1).
ANNESS
Fl-Anness tar-Regolament (UE) Nru 231/2012 l-entrata tal-“E 120 Kuċċinilja, aċidu Karminiku, Karmini” hija sostitwita b'dan li ġej:
“E 120 AĊIDU KARMINIKU, KARMINJU |
||||||||||||||
Sinonimi |
CI Natural Red 4 |
|||||||||||||
Definizzjoni |
L-aċidu karminiku jinkiseb minn estratti bl-ilma, bl-ilma u bl-alkoħol jew bl-alkoħol mill-Kuċċinilja, li tikkonsisti mill-iġsma mnixxfa tal-insetti tas-sess femminili Dactylopius coccus Costa. Il-Karmini huma pigmenti tal-aluminju tal-aċidu karminiku li huwa maħsub li fihom l-aluminju u l-aċidu karminiku fil-proporzjon molari 1:2. Il-prinċipju koloranti huwa l-aċidu karminiku. Huwa possibbli li jista' jkun hemm ukoll ammonti żgħar tal-forma amminata tiegħu, l-aċidu 4-amminokarminiku. Fil-prodotti kummerċjali, jista' jkun hemm il-prinċipju koloranti tal-aċidu karminku flimkien mal-katjoni tal-ammonju, tal-kalċju, tal-potassju jew tas-sodju, weħidhom jew f'taħlita, u jista' jkun il-każ li jkun hemm wisq minn dawn il-katjoni. Il-prodotti kummerċjali wkoll jista' jkun fihom materjal proteiniku li jkun ġej mill-insett li hu s-sors tal-aċidu karminiku. |
|||||||||||||
Nru fl-Indiċi Kromatiku |
75470 |
|||||||||||||
EINECS |
Aċidu karminiku: 215-023-3; karmini: 215-724-4 |
|||||||||||||
Isem kimiku |
7-β-D-glukopiranosil-3,5,6,8-tetraidrossi-1-metil-9,10-diossoantraċen-2-aċidu karbossiliku (aċidu karminiku); il-karminju huwa l-kelat idratat tal-aluminju ta' dan l-aċidu |
|||||||||||||
Formula kimika |
C22H20O13 (aċidu karminiku) |
|||||||||||||
Piż molekulari |
492,39 (aċidu karminiku) |
|||||||||||||
Assaġġ |
Kontenut ta' mhux inqas minn 90 % ta' aċidu karminiku; mhux inqas minn 50 % ta' aċidu karminiku fil-kelati. |
|||||||||||||
Deskrizzjoni |
Bejn aħmar u aħmar skur, jitfarrak malajr, solidu jew trab. |
|||||||||||||
Identifikazzjoni |
|
|||||||||||||
Spettrometrija |
Aċidu karminiku:
aċidu 4-amminokarminiku:
Fil-prodotti kummerċjali, l-aċidu karminiku jista' jintgħaraf mill-ammina tiegħu permezz tal-kromatografija likwida bi prestazzjoni għolja |
|||||||||||||
Purità |
|
|||||||||||||
Residwi tas-solvent |
Etanol: Metanol: |
Mhux aktar minn 150 mg/kg Mhux aktar minn 50 mg/kg |
||||||||||||
Irmied totali |
Aċidu karminiku: Karminju: |
Mhux aktar minn 5 % Mhux aktar minn 12 % |
||||||||||||
Proteina (N × 6,25) |
Aċidu karminiku: Karminju: |
Mhux aktar minn 2,2 % Mhux aktar minn 25 % |
||||||||||||
aċidu 4-amminokarminiku: |
Mhux aktar minn 3 % mqabbel mal-aċidu karminiku |
|||||||||||||
Materja insolubbli fl-ammonja dilwita |
Karminju: Mhux aktar minn 1 % |
|||||||||||||
Arseniku |
Mhux aktar minn 1 mg/kg |
|||||||||||||
Ċomb |
Mhux aktar minn 1,5 mg/kg |
|||||||||||||
Merkurju |
Mhux aktar minn 0,5 mg/kg |
|||||||||||||
Kadmju |
Mhux aktar minn 0,1 mg/kg |
|||||||||||||
Kriterji mikrobijoloġiċi: |
|
|||||||||||||
Salmonella spp. |
Nieqsa f'10 g |
Jistgħu jintużaw il-pigmenti tal-aluminju ta' dan il-kulur .”