EUR-Lex Access to European Union law
This document is an excerpt from the EUR-Lex website
Document 32018D0501
Commission Implementing Decision (EU) 2018/501 of 22 March 2018 on the recognition of the Sultanate of Oman pursuant to Directive 2008/106/EC of the European Parliament and of the Council as regards the systems for training and certification of seafarers (notified under document C(2018) 1640) (Text with EEA relevance. )
Deċiżjoni ta' Implimentazzjoni tal-Kummissjoni (UE) 2018/501 tat-22 ta' Marzu 2018 dwar ir-rikonoxximent tas-Saltna tal-Oman skont id-Direttiva 2008/106/KE tal-Parlament Ewropew u tal-Kunsill fir-rigward tas-sistemi ta' taħriġ u ċertifikazzjoni tal-baħħara (notifikata bid-dokument C(2018) 1640) (Test b'rilevanza għaż-ŻEE. )
Deċiżjoni ta' Implimentazzjoni tal-Kummissjoni (UE) 2018/501 tat-22 ta' Marzu 2018 dwar ir-rikonoxximent tas-Saltna tal-Oman skont id-Direttiva 2008/106/KE tal-Parlament Ewropew u tal-Kunsill fir-rigward tas-sistemi ta' taħriġ u ċertifikazzjoni tal-baħħara (notifikata bid-dokument C(2018) 1640) (Test b'rilevanza għaż-ŻEE. )
C/2018/1640
ĠU L 82, 26.3.2018, p. 15–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
26.3.2018 |
MT |
Il-Ġurnal Uffiċjali tal-Unjoni Ewropea |
L 82/15 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/501
tat-22 ta' Marzu 2018
dwar ir-rikonoxximent tas-Saltna tal-Oman skont id-Direttiva 2008/106/KE tal-Parlament Ewropew u tal-Kunsill fir-rigward tas-sistemi ta' taħriġ u ċertifikazzjoni tal-baħħara
(notifikata bid-dokument C(2018) 1640)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2008/106/KE tal-Parlament Ewropew u tal-Kunsill tad-19 ta' Novembru 2008 dwar il-livell minimu ta' taħriġ tal-baħħara (1), u b'mod partikolari l-Artikolu 19(3) tagħha,
Billi:
(1) |
Skont id-Direttiva 2008/106/KE, l-Istati Membri jistgħu jiddeċiedu li jirrikonoxxu b'approvazzjoni ċ-ċertifikati xierqa ta' kompetenza jew tal-profiċjenza tal-baħħara, li jkunu nħarġu minn pajjiżi terzi, sakemm il-pajjiż terz ikkonċernat ikun rikonoxxut mill-Kummissjoni. Dawk il-pajjiżi terzi jridu jissodisfaw ir-rekwiżiti kollha tal-Konvenzjoni tal-Organizzazzjoni Marittima Internazzjonali dwar Standards ta' Taħriġ, Ċertifikazzjoni u Għassa għall-Baħħara, tal-1978 (il-“Konvenzjoni STCW”). |
(2) |
Permezz tal-ittra tad-19 ta' Awwissu 2015, in-Netherlands talbu r-rikonoxximent tas-Saltna tal-Oman. Wara dik it-talba, il-Kummissjoni kkuntattjat lill-awtoritajiet Omani bl-għan li twettaq valutazzjoni tas-sistema tat-taħriġ u taċ-ċertifikazzjoni tagħhom biex tivverifika jekk is-Saltna tal-Oman tissodisfax ir-rekwiżiti kollha tal-Konvenzjoni STCW u jekk ittiħdux il-miżuri xierqa biex tiġi evitata l-frodi konnessa maċ-ċertifikati. Kien spjegat li l-valutazzjoni se tkun ibbażata fuq ir-riżultati ta' spezzjoni għall-ġbir ta' fatti li għandha titwettaq mill-esperti tal-Aġenzija Ewropea għas-Sigurtà Marittima (“l-Aġenzija”). |
(3) |
L-ispezzjoni saret f'Awwissu 2016 u ġew identifikati diversi oqsma li kellhom bżonn jiġu indirizzati sewwa mill-awtoritajiet Omani, inklużi n-nuqqasijiet marbutin mal-proċeduri tal-ġestjoni tal-kwalità, l-approvazzjoni tal-programmi edukattivi u tal-korsijiet tat-taħriġ u l-attivitajiet tal-Kulleġġ Marittimu Internazzjonali tal-Oman (IMCO). F'Jannar 2017, l-awtoritajiet Omani ppreżentaw pjan volontarju ta' azzjoni korrettiva. |
(4) |
Il-Kummissjoni wettqet valutazzjoni tas-sistema tat-taħriġ u taċ-ċertifikazzjoni tas-Saltna tal-Oman, abbażi tar-riżultati tal-ispezzjoni u tal-pjan ta' azzjoni korrettiva volontarja. F'Mejju 2017, il-Kummissjoni pprovdiet lill-awtoritajiet Omani b'rapport ta' valutazzjoni fejn ikkonkludiet li n-nuqqasijiet kollha kienu ġew indirizzati bil-pjan ta' azzjoni korrettiv volontarju, ħlief għal żewġ sejbiet relatati mal-proċedura ta' approvazzjoni tal-programm ta' taħriġ tal-IMCO, u t-tlestija tal-kostruzzjoni ta' sit ta' taħriġ fis-sikurezza fl-istess istituzzjoni edukattiva. |
(5) |
L-awtoritajiet Omani ppreżentaw azzjonijiet korrettivi ulterjuri f'Lulju 2017 li jindirizzaw dawn is-sejbiet. |
(6) |
Abbażi tal-informazzjoni disponibbli kollha, il-Kummissjoni kkonkludiet li l-awtoritajiet Omani ħadu miżuri biex is-sistema tat-taħriġ u taċ-ċertifikazzjoni tal-baħħara tal-Oman issir konformi mar-rekwiżiti tal-Konvenzjoni STCW. |
(7) |
L-eżitu finali tal-valutazzjoni juri li s-Saltna tal-Oman hija konformi mar-rekwiżiti tal-Konvenzjoni STCW, indirizzat in-nuqqasijiet identifikati kollha, u li ttieħdu l-miżuri xierqa biex tiġi evitata l-frodi konnessa maċ-ċertifikati. |
(8) |
L-Istati Membri ngħataw rapport dwar ir-riżultati tal-valutazzjoni. |
(9) |
Il-miżuri stipulati f'din id-Deċiżjoni huma skont l-opinjoni tal-Kumitat dwar l-Ibħra Protetti u l-Prevenzjoni ta' Tniġġis minn Bastimenti, |
ADOTTAT DIN ID-DEĊIŻJONI:
Artikolu 1
Għall-finijiet tal-Artikolu 19 tad-Direttiva 2008/106/KE, is-Saltna tal-Oman hija rrikonoxxuta f'dak li għandu x'jaqsam mas-sistemi għat-taħriġ u ċ-ċertifikazzjoni tal-baħħara.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-22 ta' Marzu 2018.
Għall-Kummissjoni
Violeta BULC
Membru tal-Kummissjoni
(1) ĠU L 323, 3.12.2008, p. 33.