This document is an excerpt from the EUR-Lex website
Document 32018D0115
Commission Implementing Decision (EU) 2018/115 of 24 January 2018 amending, as regards the location of the Galileo Security Monitoring Centre, Implementing Decision (EU) 2016/413 determining the location of the ground-based infrastructure of the system established under the Galileo programme and setting out the necessary measures to ensure that it functions smoothly, and repealing Implementing Decision 2012/117/EU (Text with EEA relevance. )
Deċiżjoni ta' Implimentazzjoni tal-Kummissjoni (UE) 2018/115 tal-24 ta' Jannar 2018 li temenda, fir-rigward tal-lokalizzazzjoni taċ-Ċentru ta' Monitoraġġ tas-Sigurtà Galileo, id-Deċiżjoni ta' Implimentazzjoni (UE) 2016/413 li tiddetermina l-lokalizzazzjoni tal-infrastruttura tas-sistema stabbilita skont il-programm Galileo u li tipprevedi l-miżuri meħtieġa biex jiżguraw l-operat tiegħu u li tħassar id-Deċiżjoni ta' Implimentazzjoni 2012/117/UE (Test b'rilevanza għaż-ŻEE. )
Deċiżjoni ta' Implimentazzjoni tal-Kummissjoni (UE) 2018/115 tal-24 ta' Jannar 2018 li temenda, fir-rigward tal-lokalizzazzjoni taċ-Ċentru ta' Monitoraġġ tas-Sigurtà Galileo, id-Deċiżjoni ta' Implimentazzjoni (UE) 2016/413 li tiddetermina l-lokalizzazzjoni tal-infrastruttura tas-sistema stabbilita skont il-programm Galileo u li tipprevedi l-miżuri meħtieġa biex jiżguraw l-operat tiegħu u li tħassar id-Deċiżjoni ta' Implimentazzjoni 2012/117/UE (Test b'rilevanza għaż-ŻEE. )
C/2018/0478
ĠU L 20, 25.1.2018, p. 14–15
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 24/01/2018; Data ta' adozzjoni
- Date of effect:
- 14/02/2018; Dħul fis-seħħ Data tal-pubblikazzjoni +20 Ara Art. 2
- Date of end of validity:
- No end date
- Author:
- Il-Kummissjoni Ewropea, Direttorat Ġenerali għas-Suq Intern, l-Industrija, l-Intraprenditorija u l-SMEs
- Responsible body:
- GROW
- Form:
- Deċiżjoni implimentattiva
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32013R1285 - A12P3PTC)
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32016D0413 Sostituzzjoni anness Test 14/02/2018 - Instruments cited:
- Link
- EUROVOC descriptor:
- Subject matter:
- Directory code:
|
25.1.2018 |
MT |
Il-Ġurnal Uffiċjali tal-Unjoni Ewropea |
L 20/14 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/115
tal-24 ta' Jannar 2018
li temenda, fir-rigward tal-lokalizzazzjoni taċ-Ċentru ta' Monitoraġġ tas-Sigurtà Galileo, id-Deċiżjoni ta' Implimentazzjoni (UE) 2016/413 li tiddetermina l-lokalizzazzjoni tal-infrastruttura tas-sistema stabbilita skont il-programm Galileo u li tipprevedi l-miżuri meħtieġa biex jiżguraw l-operat tiegħu u li tħassar id-Deċiżjoni ta' Implimentazzjoni 2012/117/UE
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1285/2013 tal-Parlament Ewropew u tal-Kunsill tal-11 ta' Diċembru 2013 dwar l-implimentazzjoni u l-esplojtazzjoni tas-sistemi Ewropej tar-radjunavigazzjoni bis-satellita u li jħassar ir-Regolament tal-Kunsill (KE) Nru 876/2002 u r-Regolament (KE) Nru 683/2008 tal-Parlament Ewropew u tal-Kunsill (1), u b'mod partikolari l-Artikolu 12(3), il-punt (c) tiegħu,
Billi:
|
(1) |
Id-Deċiżjoni ta' Implimentazzjoni tal-Kummissjoni (UE) 2016/413 (2), fl-Anness tagħha tipprevedi li ċ-Ċentru ta' Monitoraġġ tas-Sigurtà Galileo (GSMC) se jinqasam f'żewġ lokalitajiet u se jitwaqqaf progressivament fi Franza u fir-Renju Unit. |
|
(2) |
Fid-29 ta' Marzu 2017, ir-Renju Unit innotifika lill-Kunsill Ewropew bl-intenzjoni tiegħu li ma jibqax fl-Unjoni, skont l-Artikolu 50 tat-Trattat dwar l-Unjoni Ewropea. Il-GSMC jenħtieġ li jkun lokalizzat fit-territorju ta' Stat Membru tal-Unjoni għal raġunijiet ta' sigurtà tal-Unjoni u tal-Istati Membri tagħha, b'mod partikolari fid-dawl tar-regoli ta' protezzjoni ta' informazzjoni klassifikata u tar-restrizzjonijiet fuq l-esportazzjoni ta' tagħmir kriptografiku u ta' teknoloġija tal-PRS. |
|
(3) |
Fil-linji gwida tiegħu li ġew adottati fid-29 ta' April 2017 wara n-notifika tar-Renju Unit, il-Kunsill Ewropew indika li l-kwistjoni tal-lokalizzazzjoni futura tal-kwartieri ġenerali tal-installazzjonijiet tal-Unjoni li jinsabu fir-Renju Unit kellha tiġi riżolta malajr kemm jista' jkun u li jenħtieġu arranġamenti biex jiġi ffaċilitat it-trasferiment tagħhom. Għalhekk huwa importanti li jiġi previst it-trasferiment mingħajr dewmien tal-GSMC lokalizzat fir-Renju Unit lejn it-territorju ta' Stat Membru ieħor tal-Unjoni. |
|
(4) |
Għalhekk, skont l-Artikolu 12 tar-Regolament (UE) Nru 1285/2013, il-Kummissjoni nediet proċedura ta' għażla miftuħa u trasparenti biex tinsab il-lokalizzazzjoni l-ġdida tal-GSMC li s'issa għadu lokalizzat fir-Renju Unit. Din il-proċedura twettqet f'żewġ stadji, peress li l-Kummissjoni inizjalment bagħtet sejħa għal espressjonijiet ta' interess lill-Istati Membri u mbagħad, fit-tieni stadju, stiednet lill-Istati Membri kandidati biex jippreżentaw il-proposti dettaljati tagħhom. |
|
(5) |
Bħala konklużjoni tal-proċedura ta' evalwazzjoni, tqies li l-proposta ta' Spanja kienet l-aħjar waħda fir-rigward tal-kriterji ta' evalwazzjoni użati, b'kont meħud tar-rilevanza tas-soluzzjoni teknika proposta għall-provvista tal-installazzjonijiet u tal-forniment tas-servizzi essenzjali għall-operat taċ-ċentru, mill-preċiżjoni tad-determinazzjoni u l-ġestjoni tar-riskji, b'mod partikolari r-riskji relatati mas-sigurtà u r-restrizzjonijiet temporali, l-aċċettazzjoni minn Spanja tal-kundizzjonijiet tal-ftehim ta' stabbiliment mal-Kummissjoni u l-għoti ta' privileġġi addizzjonali, il-livell ta' dettall u ta' trasparenza tad-deskrizzjoni tal-ispejjeż tal-kostruzzjoni u l-operat taċ-ċentru, u tal-kundizzjonijiet finanzjarji vantaġġjużi tal-proposta għall-baġit tal-Unjoni. Għaldaqstant huwa xieraq li tintgħażel il-proposta ta' Spanja. |
|
(6) |
Iċ-ċentru jrid jitwaqqaf f'Marzu 2018 b'numru limitat ta' installazzjonijiet sabiex ikun jista' jopera malajr kemm jista' jkun bħala ċentru ta' emerġenza għaċ-ċentru prinċipali lokalizzat fi Franza, u jenħtieġ li jibda jopera kompletament f'Marzu 2019. Għandu wkoll ikun is-suġġett ta' ftehim ta' stabbiliment ma' Spanja. |
|
(7) |
Għaldaqstant, l-Anness tad-Deċiżjoni ta' Implimentazzjoni (UE) 2016/413 għandu jiġi emendat skont dan. |
|
(8) |
Huwa importanti wkoll li jiġi emendat it-test tal-Anness tad-Deċiżjoni ta' Implimentazzjoni (UE) 2016/413 biex jittieħed kont tal-fatt li l-istabbiliment taċ-Ċentru ta' Monitoraġġ tas-Sigurtà Galileo lokalizzat fi Franza tabilħaqq tlesta fl-2017. |
|
(9) |
Il-miżuri previsti f'din id-Deċiżjoni huma skont l-opinjoni tal-kumitat stabbilit skont l-Artikolu 36(1) tar-Regolament (UE) Nru 1285/2013, |
ADOTTAT DIN ID-DEĊIŻJONI:
Artikolu 1
Fl-Anness tad-Deċiżjoni ta' Implimentazzjoni (UE) 2016/413, fir-ringiela dwar iċ-Ċentru ta' Monitoraġġ tas-Sigurtà Galileo (GSMC), fil-kolonna “Miżuri ta' lokalizzazzjoni u implimentazzjoni għall-iżgurar tal-operat”, is-sentenzi “Iċ-ċentru tas-sigurtà Galileo, maqsum f'żewġ postijiet, se jitwaqqaf fi stadji fi Franza u fir-Renju Unit. It-twaqqif għandu jibda fl-2013 u għandu jkun tlesta sal-2017. Dan kien is-suġġett ta' ftehim iffirmat fl-2013 ma' Franza u mar-Renju Unit.” jinbidlu bis-sentenzi “Iċ-ċentru tas-sigurtà Galileo, lokalizzat f'żewġ postijiet, se jitwaqqaf fi Franza u fi Spanja. It-twaqqif tas-sit fi Franza tlesta fil-2017 u kien is-suġġett ta' ftehim iffirmat fl-2013 ma' Franza. It-twaqqif tas-sit fi Spanja se jibda f'Marzu 2018 b'numru limitat ta' installazzjonijiet u jrid jitlesta kompletament f'Marzu 2019. Dan għandu jkun is-suġġett ta' ftehim li jrid jiġi ffirmat ma' Spanja fl-2018.”
Artikolu 2
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, l-24 ta' Jannar 2018.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 1.
(2) Id-Deċiżjoni ta' Implimentazzjoni tal-Kummissjoni (UE) 2016/413 tat-18 ta' Marzu 2016 li tiddetermina l-lokalizzazzjoni tal-infrastruttura tas-sistema stabbilita skont il-programm Galileo u li tipprevedi l-miżuri meħtieġa biex jiżguraw l-operat tiegħu u li tħassar id-Deċiżjoni ta' Implimentazzjoni 2012/117/UE (ĠU L 74, 19.3.2016, p. 45).
