Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32017R1199

    Regolament (UE) 2017/1199 tal-Parlament Ewropew u tal-Kunsill tal-4 ta' Lulju 2017 li jemenda r-Regolament (UE) Nru 1303/2013 fir-rigward ta' miżuri speċifiċi għall-provvista ta' assistenza addizzjonali lill-Istati Membri affettwati minn diżastri naturali

    ĠU L 176, 7.7.2017, p. 1–2 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg/2017/1199/oj

    Date of document:
    04/07/2017; Data tal-iffirmar
    Date of effect:
    01/01/2014; Applikazzjoni Applikazzjoni parzjali Ara Art. 2
    Date of effect:
    27/07/2017; Dħul fis-seħħ Data tal-pubblikazzjoni +20 Ara Art. 2
    Date of signature:
    04/07/2017
    Date of end of validity:
    No end date
    Author:
    Il-Parlament Ewropew, Il-Kunsill tal-Unjoni Ewropea
    Form:
    Regolament
    Treaty:
    Trattat dwar il-Funzjonament tal-Unjoni Ewropea
    Legal basis:
    Proposal:
    Link
    Link
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32013R1303 Żieda artikolu 120 paragrafu 8 01/01/2014
    Instruments cited:
    Link

    7.7.2017   

    MT

    Il-Ġurnal Uffiċjali tal-Unjoni Ewropea

    L 176/1

    REGOLAMENT (UE) 2017/1199 TAL-PARLAMENT EWROPEW U TAL-KUNSILL

    tal-4 ta' Lulju 2017

    li jemenda r-Regolament (UE) Nru 1303/2013 fir-rigward ta' miżuri speċifiċi għall-provvista ta' assistenza addizzjonali lill-Istati Membri affettwati minn diżastri naturali

    IL-PARLAMENT EWROPEW U L-KUNSILL TAL-UNJONI EWROPEA,

    Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 177 tiegħu,

    Wara li kkunsidraw il-proposta mill-Kummissjoni Ewropea,

    Wara li l-abbozz ta' att leġiżlattiv intbagħat lill-parlamenti nazzjonali,

    Wara li kkunsidraw l-opinjoni tal-Kumitat Ekonomiku u Soċjali Ewropew (1),

    Wara li kkonsultaw il-Kumitat tar-Reġjuni,

    Filwaqt li jaġixxu skont il-proċedura leġiżlattiva ordinarja (2),

    Billi:

    (1)

    Ir-Regolament (UE) Nru 1303/2013 tal-Parlament Ewropew u tal-Kunsill (3) jistabbilixxi regoli komuni u ġenerali applikabbli għall-Fondi Strutturali u ta' Investiment Ewropej, inkluż il-Fond Ewropew għall-Iżvilupp Reġjonali (“FEŻR”). Sabiex tiġi provduta assistenza addizzjonali lill-Istati Membri affettwati minn diżastri naturali, jenħtieġ li tiġi pprovduta l-possibbiltà tal-introduzzjoni f'programm operazzjonali ta' assi ta' prijorità separat li jkopri l-prijoritajiet tal-investiment tal-FEŻR kif imwaqqaf fir-Regolament (UE) Nru 1301/2013 tal-Parlament Ewropew u tal-Kunsill (4) b'rata ta' kofinanzjament li tasal sa 95 %.

    (2)

    Jenħtieġ li l-operazzjonijiet li jiġu kofinanzjati taħt l-assi ta' prijorità separat għal diżastri naturali jkunu dawk immirati lejn ir-rikostruzzjoni bħala rispons għal diżastri naturali ewlenin jew reġjonali kif definiti fir-Regolament tal-Kunsill (KE) Nru 2012/2002 (5).

    (3)

    Għal operazzjonijiet taħt l-assi ta' prijorità separat għal diżastri naturali, huwa neċessarju li tiġi introdotta deroga mir-regoli ġenerali li jikkonċernaw id-data ta' bidu tal-eliġibbiltà ta' nefqa b'rabta ma' nefqa li ssir eliġibbli bħala riżultat ta' emenda ta' programm, biex tiġi żgurata l-possibbiltà ta' miżuri ta' kofinanzjament meħuda minn awtoritajiet ta' Stat Membru direttament wara li jkun seħħ diżastru, iżda qabel ma jiġi emendat il-programm operazzjonali.

    (4)

    Sabiex isir provvediment għall-eliġibbiltà ta' nefqa mġarrba u mħallsa sa mid-data meta jkun seħħ id-diżastru naturali, anke jekk dik tkun qabel id-dħul fis-seħħ ta' dan ir-Regolament, jenħtieġ li d-dispożizzjoni korrispondenti dwar id-data ta' bidu ta' eliġibbiltà ta' benefiċjarji jkollha effett retroattiv.

    (5)

    Jenħtieġ li r-Regolament (KE) Nru 1303/2013 għalhekk jiġi emendat skont dan,

    ADOTTAW DAN IR-REGOLAMENT:

    Artikolu 1

    Emenda għar-Regolament (UE) Nru 1303/2013

    Fl-Artikolu 120 tar-Regolament (UE) Nru 1303/2013, jiddaħħal il-paragrafu li ġej:

    “8.   Assi ta' prijorità separat b'rata ta' kofinanzjament li tasal sa 95 % jista' jiġi stabbilit fi ħdan programm operazzjonali bħala appoġġ għal operazzjonijiet li jissodisfaw il-kundizzjonijiet kollha li ġejjin:

    (a)

    l-operazzjonijiet huma magħżula minn awtoritajiet tal-immaniġġjar bħala rispons għal diżastri naturali ewlenin jew reġjonali kif definiti fl-Artikolu 2(2) u (3) tar-Regolament tal-Kunsill (KE) Nru 2012/2002 (*1);

    (b)

    l-operazzjonijiet huma immirati lejn rikostruzzjoni bħala rispons għad-diżastru naturali; u

    (c)

    l-operazzjonijiet huma appoġġati taħt prijorità ta' investiment tal-FEŻR.

    L-ammont allokat għall-operazzjonijiet imsemmija fl-ewwel subparagrafu m'għandux jaqbeż 5 % tal-allokazzjoni totali tal-FEŻR fi Stat Membru għall-perjodu ta' programmazzjoni 2014-2020.

    B'deroga mill-Artikolu 65(9), in-nefqa għal operazzjonijiet taħt dan l-assi ta' prijorità għandha tkun eliġibbli mid-data meta jkun seħħ id-diżastru naturali.

    Fejn in-nefqa b'rabta ma' operazzjonijiet imsemmija fl-ewwel subparagrafu tkun ġiet inkluża f'applikazzjoni ta' pagament sottomessa lill-Kummissjoni qabel it-twaqqif tal-assi ta' prijorità separat, l-Istat Membru għandu jagħmel l-aġġustamenti meħtieġa għall-applikazzjoni ta' pagament li jmiss u, fejn xieraq, għall-kontijiet li ġejjin sottomessi wara l-adozzjoni tal-emenda għall-programm.

    Artikolu 2

    Dħul fis-seħħ u applikazzjoni

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    L-Artikolu 1 għandu japplika mill-1 ta' Jannar 2014.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Strasburgu, il-4 ta' Lulju 2017.

    Għall-Parlament Ewropew

    Il-President

    A. TAJANI

    Għall-Kunsill

    Il-President

    M. MAASIKAS

    (1)  ĠU C 173, 31.5.2017, p. 38.

    (2)  Pożizzjoni tal-Parlament Ewropew tat-13 ta' Ġunju 2017 (għadha ma ġietx ippubblikata fil-Ġurnal Uffiċjali) u deċiżjoni tal-Kunsill tas-26 ta' Ġunju 2017.

    (3)  Ir-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (ĠU L 347, 20.12.2013, p. 320).

    (4)  Ir-Regolament (UE) Nru 1301/2013 tal-Parlament Ewropew u tal-Kunsill tas-17 ta' Diċembru 2013 dwar il-Fond Ewropew għall-Iżvilupp Reġjonali u dwar dispożizzjonijiet speċifiċi li jikkonċernaw l-Investiment li għandu fil-mira t-tkabbir u l-impjiegi u li jirrevoka r-Regolament (KE) Nru 1080/2006 (ĠU L 347, 20.12.2013, p. 289).

    (5)  Ir-Regolament tal-Kunsill (KE) Nru 2012/2002 tal-11 ta' Novembru 2002 li jistabbilixxi l-Fond ta' Solidarjetà tal-Unjoni Ewropea (ĠU L 311, 14.11.2002, p. 3).

    Top