This document is an excerpt from the EUR-Lex website
Document 32017D1003
Commission Decision (EU) 2017/1003 of 13 June 2017 on the duty-free importation of goods intended to be distributed or made available free of charge to victims of the earthquake which occurred in Italy in August and October 2016 (notified under document C(2017) 3865)
Deċiżjoni tal-Kummissjoni (UE) 2017/1003 tat-13 ta' Ġunju 2017 dwar l-importazzjoni ta' oġġetti bla dazju maħsuba biex jitqassmu jew biex ikunu disponibbli bla ħlas għall-vittmi tat-terremot li seħħ fl-Italja f'Awwissu u f'Ottubru 2016 (notifikata bid-dokument C(2017) 3865)
Deċiżjoni tal-Kummissjoni (UE) 2017/1003 tat-13 ta' Ġunju 2017 dwar l-importazzjoni ta' oġġetti bla dazju maħsuba biex jitqassmu jew biex ikunu disponibbli bla ħlas għall-vittmi tat-terremot li seħħ fl-Italja f'Awwissu u f'Ottubru 2016 (notifikata bid-dokument C(2017) 3865)
C/2017/3865
ĠU L 152, 15.6.2017, p. 3–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
15.6.2017 |
MT |
Il-Ġurnal Uffiċjali tal-Unjoni Ewropea |
L 152/3 |
DEĊIŻJONI TAL-KUMMISSJONI (UE) 2017/1003
tat-13 ta' Ġunju 2017
dwar l-importazzjoni ta' oġġetti bla dazju maħsuba biex jitqassmu jew biex ikunu disponibbli bla ħlas għall-vittmi tat-terremot li seħħ fl-Italja f'Awwissu u f'Ottubru 2016
(notifikata bid-dokument C(2017) 3865)
(It-test bit-Taljan biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1186/2009 tas-16 ta' Novembru 2009 li jistabbilixxi sistema Komunitarja ta' eżenzjonijiet mid-dazju doganali (1), u b'mod partikolari l-Artikolu 76 tiegħu,
Wara li kkunsidrat it-talba mir-Repubblika Taljana datata l-14 ta' Marzu 2017, għall-importazzjoni ta' oġġetti bla dazju maħsuba biex jitqassmu jew biex ikunu disponibbli bla ħlas lill-vittmi tat-terremoti li seħħew fl-Italja f'Awwissu u f'Ottubru 2016,
Billi:
(1) |
Terremoti bħal dawk li seħħew fl-Italja fl-24 ta' Awwissu u fis-26 u fit-30 ta' Ottubru 2016 jikkostitwixxu diżastru skont it-tifsira tal-Kapitolu XVII, Taqsima C, tar-Regolament (KE) Nru 1186/2009; għalhekk hemm raġuni għall-awtorizzazzjoni tal-importazzjoni ta' oġġetti bla dazju li jissodisfaw ir-rekwiżiti tal-Artikoli 74 sa 80 tar-Regolament imsemmi hawn fuq. |
(2) |
Ir-Repubblika Taljana għandha tinforma lill-Kummissjoni bin-natura u l-kwantitajiet tad-diversi oġġetti li jiddaħħlu mingħajr dazju għall-benefiċċju tal-vittmi tat-terremoti li seħħew fl-Italja fl-2016, bl-organizzazzjonijiet li tkun tathom approvazzjoni biex iqassmu jew biex jagħmlu disponibbli dawk l-oġġetti u bil-miżuri meħuda biex l-oġġetti ma jitħallewx jintużaw għal xi skop ieħor għajr dak li tingħata għajnuna f'każ ta' diżastru lil dawk il-vittmi. |
(3) |
L-eżenzjoni mid-dazju doganali għandha tingħata fir-rigward tal-importazzjoni mid-data ta' meta seħħ l-ewwel terremot. |
(4) |
L-Istati Membri l-oħra ġew ikkonsultati kif stabbilit fl-Artikolu 76 tar-Regolament (KE) Nru 1186/2009, |
ADOTTAT DIN ID-DEĊIŻJONI:
Artikolu 1
1. L-oġġetti jiddaħħlu ħielsa mid-dazji tal-importazzjoni skont it-tifsira tal-Artikolu 2(1)(a) tar-Regolament (KE) Nru 1186/2009 fejn ikunu rispettati dawn il-kundizzjonijiet:
(a) |
l-oġġetti jkunu maħsuba għal xi wieħed minn dawn l-iskopijiet:
|
(b) |
l-oġġetti jkunu jissodisfaw ir-rekwiżiti stipulati fl-Artikoli 75, 78 u 79 tar-Regolament (KE) Nru 1186/2009; |
(c) |
l-oġġetti jkunu importati biex jiġu rilaxxati għaċ-ċirkolazzjoni ħielsa minn korpi Statali jew minn organizzazzjonijiet approvati mill-awtoritajiet Taljani kompetenti. |
2. Oġġetti jiddaħħlu wkoll bla dazju skont it-tifsira tal-Artikolu 2(1)(a) tar-Regolament (KE) Nru 1186/2009 meta dawn jiġu importati biex jiġu rilaxxati għaċ-ċirkolazzjoni ħielsa minn aġenziji li jagħtu għajnuna f'każ ta' diżastru sabiex ikunu jistgħu jiġu ssodisfati l-ħtiġijiet tagħhom matul il-perjodu li fih ikunu qed joffru għajnuna lill-vittmi tat-terremoti li seħħew fl-Italja fl-2016.
Artikolu 2
Ir-Repubblika Taljana għandha tikkomunika l-informazzjoni li ġejja lill-Kummissjoni, sa mhux aktar tard mit-30 ta' Settembru 2017:
(a) |
lista tal-organizzazzjonijiet approvati msemmija fl-Artikolu 1(1); |
(b) |
informazzjoni dwar in-natura u l-kwantitajiet tad-diversi oġġetti li jkunu ddaħħlu bla dazju skont l-Artikolu 1; |
(c) |
miżuri meħuda biex tiġi żgurata l-konformità mal-Artikoli 78, 79, u 80 tar-Regolament (KE) Nru 1186/2009 għar-rigward tal-oġġetti li jaqgħu fil-kamp ta' applikazzjoni ta' din id-Deċiżjoni. |
Artikolu 3
L-Artikolu 1 għandu japplika għall-importazzjonijiet li saru mill-24 ta' Awwissu 2016 sat-30 ta' Ġunju 2017.
Artikolu 4
Din id-Deċiżjoni hija indirizzata lir-Repubblika Taljana.
Magħmul fi Brussell, it-13 ta' Ġunju 2017.
Għall-Kummissjoni
Pierre MOSCOVICI
Membru tal-Kummissjoni
(1) ĠU L 324, 10.12.2009, p. 23.